لقاء كارثي

ليله…..دي عشان غلطك في اميييي..
ضربتها تاني و دي عشان غلطك في اهلي ..
و دي عشان البلطجيه اللي اجرتيهم يكسروا محل أيه و يتهموها بمصيبه

ودي عشان رهف اللي ضربتيها بالعربيه

مسكت جنبها و هي مش قادره و اتحاملت علي نفسها و بكل قوتها بس المرادي كانت في وشها و دي بقي عشان ابن اختي اللي اتخطف
و فكرتي تحرقي قلب امه عليه يا رخيييييصه ضربتها بكل قوتها و رجعت مسكتها من شعرها و هي بتسحب فيها كانت خلصانه.

الناس سمعوا ان في مصايب حاصله و ده سبب انها وصلت للحاله دي بس بردوا مش فاهمين دي مين و عملت ليه كده مصدومين بجد

نعيمه….بهمس كفايه يا ليله البت هتموت في ايدك متوديش نفسك في مصيبه و النبي

مريم ….بابتسامه و هي وشها مفيهوش حته سليمه ولا جسمها ده اخرك فضلت تكح و تتف الدم من بوئها و رجع بصتلها بأبتسامه امال هتعملي ايه في اللي جاي .

رفعتها ليله من شعرها و سابتها بنحاول تمسك نفسها ضحكت مريم و هي بتمسح الدم من مناخيرها

مريم ….هاااا هتعملي ايه و انا بتسلي عليكم واحد واحد و واحده واحده

زودت غضب ليله منها قربت ليله و ضربتها بي رجليها في بطنها طيرتها علي الارض

وقربت منها بغضب و نزلتلها مسكت شعرها

ليله…..مش هتلحقي انتي انتهيتي خلاص فاهمه انتهيتي

مريم…..بيتهيألك انا مش هرحمك يا ليله

سحبتها ليله من شعرها بعنف و وقفتها سندت مريم علي العربيه من كتر التعب

مريم…..بابتسامه اطمنتي علي صاحبتك الحامل

ليله بكل غضب فضلت تضرب تضرب في وشها .

فتح الشاب الحزام بعد ما اتحامل علي نفسه و اتحمل الوجع اللي في مناخيره و فتح الباب بعنف مره واحده خبط وليد قرب منه وليد و فضل يضرب فيه خلاه معرفش ينزل من العربيه.

وصل عشري و فضل و بصوا من بعيد علي الزحمه اللي علي الصف التاني للمول

عشري……ايه الزحمه دي

فضل… شكلها خناقه او حادثه

عشري…..و لا تفتكر مسكوا الواد اللي خطف عمر

فضل…..مش عارف بس لا ميتهيأليش

في اللحظه دي من التجمع اللي حاصل و صلت عربيه شرطه و ثواني بالظبط و صلت عربيتين تانين و دول اللي كانوا تبع بلاغ عشري عرفوا يجيبوا مكان نمره العربيه نزل الظابط من اول عربيه شرطه وصلت و هو بيزعق و بيحاول يخلي ليله تبعد عن مريم اللي ماتت في ايدها بس ليله عقلها كان رايح منها خلاص.