لقاء كارثي

ياسين….تمام تمام يا مدام

قفلت الموبايل من غير سلام

بص لعمر و مد ايده بالتليفون

عمر …..يا ولاد الكلب يا عصاااابه ده انا هنفخك

فضل….عمر اهدي الله يخليك و خلينا نمشي يلا مش هيفيدنا بحاجه العصبيه الوقت المهم في دليل
يلا يلا يا عشري انا هطلع وراك

دور عشري العربيه و جري فضل ركب و اتحركوا بسرعه..

……………

قفلت مريم معاه و هي عينها علي ليله الشاب اللي معاه عمال يتحرك بهدوء وراها و هي بتجري و مريم في قمة سعادتها مش بس عشان شيفاها عامله زي المجنونه و حاسه ان قلبها هيقف لا عشان مفيش حد معاها خالص غير اخواتها لا عشري و لا الشباب و لا صحابها كانت عارفه ان عشري مش هيقدر يسيب اخوه و يروحلها و الشباب و صحابها في النيابه مشغولين بقصه أيه..

كانت بتلعبها كويس عيزاها تبقي بطولها و مش عارفه تتصرف عايزه كل واحد فيهم يبقي قلبوا واجعه من ناحيه و هي عامله زي اللي في متاهه مش عارفه تروح لمين و تبقي مع مين ..

رفعت الموبايل بتاع الشاب تاني و عملت اتصال سريع

مريم…..ابعت الصوره اللي قولتلك عليها..

حالا يا مدام

قفلت مريم و هي مبتسمه ابتسامه شر و استنت ثواني و وصلتلها صوره عمر و في راجل حاطت كفه علي خده بس مش باين

بعتتلها الصوره و بصت عليها بس ليله مكانتش ماسكه في ايدها الموبايل حطاه علي وسطها و عماله تخرج من مكان لمكان و تسأل لو في ولد ضايع او حد لمح ولد ضايع و وليد عمال يوريهم صورتوا…

فضلت مريم مستنيه شويه تسيبها تدوخ و بعدين تبقي تتصل بيها

……………….

اما عند نعيمه فا من اول ما ليله نزلت جريت علي جوه لبست و نزلت بسرعه اتصلت علي فضل كنسل هو كان في مصيبه و محبش يرد عليها عشان مش عارف و في نفس الوقت مكانش عايز يقلقهم اكتر كفايه موضوع أيه مكانش بعرف انها بتتصل عشان تبلغوا بمصيبه تانيه

نزلت ركبت عربيتها و اتصلت علي اميمه اخت ليله عرفت منها هما فين و كانت اميمه بتعيط و سامعه صوت قمر منهاره جنبها
ققلت معاها و جريت عليهم تحصل ليله…

وطبعاً بعد وقت مش طويل وصلت نعيمه كمان بس دخلت بسرعه علي المول و طلعتلهم فوق.

…………………

وصل عشري و عمر و فضل علي القسم مع الشاب و طبعاً عشري اتصل بالظابط اللي كان معاه هو وابوه الصبح و قالوا انه جاي بدليل و مصيبه مريم عملتها