لقاء كـ،ـ،ـارثي
صاحبة البطل الواحد
. البارت السابع و السبعين .
………………………
وصل عدي علي بيت تقي بعد ما طلبت منه يروحها ركن كان المطر نازل أشد شويه من الاول و العربية بقت كلها غرقانه.
تقي…..ميرسي يا عدي تعبتك معايا
عدي….بأبتسامه مفيش اي تعب بس انا لسه عند كلامي انتي فيكي حاجه
تقي….خالص صدقتي البوم كان جميل واتبسطت معاك بس يمكن اكون سقطت شويه مره واحده و الجو برد و قلب بس مش اكتر
عدي…..ماشي يا ستي هعمل نفسي مصدقك
تقي….بابتسامه ااا احممم عايز حاجه
عدي….استني هنا هو ايه اللي عايز حاجه و هتنزلي اصبري شويه المطر مغرق الدنيا
تقي….انا هنزل بسرعه هلف و اطلع الرصيف مش همشي كتير يعني
عدي…..المطر جامد هتتغرقي و شعرك هيبوظ بقي
تقي….بابتسامه متقلقش انا مش بيفرق معايا الحجات دي انا بحب المطر اصلاً باي
عدي….تقي
تقي……نعم
عدي…..ياريت لما اتصل عليكي بعد كده تردي عليا و لو معاكي تليفون تكنسلي لان اغلب الوقت بتصل و بحط علي طول الموبايل علي ودني و مش باخد بالي اذا كان معاكي تليفون ولا لأ و لو ياستي مشغوله ردي عليا ثانيه عرفيني او العتي مسدچ وانا هفهم
تقي ابتسمت بهدوء و هزت راسها
عدي…..ماشي استني متنزليش لحظه سحب الچاكت بتاعبه من علي ضهر الكرسي و نزل
تقي….انت بتعمل ايه استني
نزل عدي حط الچاكت علي راسه وراح عليها فتحلها الباب
عدي…..انزلي بسرعه
تقي….بابتسامه توتر عدي روح مش مستاهله
عدي….اخلصي هغرق
مسكت شنطتها ونزلت بسرعه تحت الچاكت معاه مشي جنبها احد ما طلعها علي الرصيف و دخلها المدخل
عدي…..أبتسم بنظره تجنن باي
تقي….ااا باي يا عدي
راح بسرعه ركب و فضل باصص عليها احد ما طلعت و بعدين اتحرك.
…………..
عند نادين و عسال وصلوا تحت بيت نعيمه ركن و نزل بسرعه فتحلها
عسال….انزلي يا قلبي
نادين…..المطر كتير اوي روح انت هتتعب ياميدو
عسال….يلا متخافيش تعالي في حضني يا قلب ميدو
نادين….بأبتسامه طيب لحظه امسك شنطتي
عسال….بضحك علي اخر الزمن بمسك شنط بنات اخلصي
نادين….بضحك خد الموبايل وامسك الشاحن
عسال…..بضحك انتي معزله اخلصي يابت
نادين….بضحك جيت اهو.
خرجت من العربيه و نزلت تحت الچاكت بتاعه حط الشنطه فوق راسها وخد منها المفتاح قفل العربيه و مشي بيها بسرعه علي المدخل
عسال….اوووف ايه الجو ده
نادين…..بأبتسامه مشت ابدها علي وشه و شعره انت اتغرقت خالص
عسال….عادي عادي مش مهم اطلعب علي طول تغيري هدومك و تلبسي حاجه تقيله
نادين….انا متغرقتش انت اللي اتغرقت
عسال….لا عادي بقولك ايه لما اروح هتصل بيكي عشان اشوف هنعمل ايه بكره
نادين….انا بكره بعد نا اصحي كده هروح علي البيت عشان امشي هدومي و هلبس بقي من البيت يعني مش هرجع علي هنا
عسال…..انتي هترجعي البيت اصلا
نادين….اه ليله جايه بكره هنا خلاص
عسال…..مش هتباتي معاهم يعني
نادين….بضحكه جميله و الله نفسي بس خايفه من ليله يارب بس المقابله تعدي علي خير
عسال….بضحك لا متخافيش هتعدي
نادين….ماشي روح علي طول اوعي تروح هنا او هنا
عسال….ااا لا انا هروح بس كده اطمن علي الجو بتاعي و هروح
نادين….بأبتسامه غيظ رفعت حاجبها و مسكت دقنه بايدها طب خاف مني بقي عشان مقتلكش انت و الجو بتاعك دي
عسال…..بضحك اااااه سناني يا بت اموت انا في النسخه الشرسه دي
نادين….بضحك تروح علي طول
عسال….اوامر الحكومه يا افندم
نادين…..فتحت الاسانسير بااااي
عسال….بضحكه جميله باي يا عمري
………………
عند البنات في المطعم
سلمي….بقولكم ايه انا هقوم امشي بقي عشان ايه زمانها رجعت و كمان الجو قلب خالص
ليله….اه يلا انتي عشان متتأخريش واشوفك بكره عند ايمي
سلمي….حاضر
ليله….فكي وشك ده عشان محدش ياخد باله انك فيكي حاجه
ايمي….وعلي مهلك المطر مغرق الدنيا
سلمي….ربنا يستر يلا يا حبيبي اشوفكم بكره
سلمت عليهم و مشيت
قامت ايمي بسرعه نطت جنب ليله علي الكنبه
ايمي….اخيراً يا موزتي هسافرد بيكي
ليله….بضحك بت اتلمي جرالك ايه انتي منهم
ايمي…..بضحك الليله ليلتك
ليله…..بضحك و خوف منها ليله مين يا روح امك هو سفرك مع الاجانب غير اخلاقك ولا ايه
ضحكت ايمي من قلبها و بصتلها بحب
ايمي….وحشتيني
ليله…..لا يا شيخه
ايمي….طب والله العظيم وحشتيني وكنت مفتقداكي جداً وحاسه ان في حاجه مهمه في حياتي نقصاني يا بت ده انا مفرحتش بسببك من تالت يوم جواز
ليله….بابتسامه بعيداً بقي عن كل ده و بعيداً عن اني مكنتش حابه اتكلم في اي مواضيع تاني بس كان لازم اقولك حقك عليا انا بوظتلك فرحتك
ايمي….بت بطلي هبل فرحة ايه اللي باظت
ليله….مش هبل با ايمي بس انتي عرفاني كويس اوي لما بيحصل معايا موقف سهل اعدي وسهل اني اجي علي نفسي و اضغط و اتحمل بس في مواقف لما بتوصل معايا للنهايه لا بفكر ولا بشوف ولا ببقي حاسه باللي بعملوا و الله العظيم يا ايمي انا مكنتش حابه اتكلم و لا اعرفك اي حاجه ولا كنت ناويه اصلا اتكلم مع عشري قدام الكل انتي عرفاني كويس مش بحب حد يعرف اي مشكله خاصه بيا و بين طرف تاني في حياتي سواء حبيب صاحب اخ بس الموضوع كان المرادي اكبر مني الحيوانه دي خلتني اشك فيكم خلتني اشك انكم عارفين حاجه و عملتوا زي الشباب و سكتوا قالتلي مش بعيد يكون صحابك عارفين ويمكن انتي بالذات اللي قولت اكيد تعرفي حاجه لان علاقتك برشيد فيها كلام و صحوبيه و نقاش كنت متخيله انه اكبد قالك و انتي حبيبتي زيهم صدقيني يا ايمي لو سيرتكم مكانتش جات مكنتش هفتح الموضوع غير مع عشري وبس حتي الشباب مكنتش هعاتبهم او افكر اني اتكلم معاهم
لاني مدركه انهم صحاب و طبيعي اوي يخبوا ويداروا علي بعض
بس لما الموضوع اتحط عندكم مقدرتش يا ايمي كانت عايزه اشوف ملامحكم ورد فعلكم لما تسمعوا كنت عايزه اصدق بعيني انكم متعرفوش اي حاجه
ايمي….اولاً انا مش زعلانه منك ولا اصلاً فكرت بالطريقه دي ولما قولت اني مفرحتش بسببك مكنتش اقصد كده انا قصدت اني فرحتي مكملتش عشان وجعك و الحاله اللي كنتي فيها ثانياً وده الاهم انتي عارفه كويس اني فحتت الكدب دي غيرك اينعم انا مبحبش الكدب بس اوقات كتير بسامح عكسك يا ليله بس الاكيد اني مكنتش هقبلها عليكي يا ليله لو اعرف حاجه زي دي
ليله….بضحك اهو انتي بالذات رغم اني عارفه حبك ليا بس واثقه انك لو تعرفي كنت هتسكتي لان كل واحد فينا بيفكر بطريقه مختلفه
ايمي….بأبتسامه و ضحكه جميله بصي عشان نبقي متفقين و حياة غلاوتك عندي لو نفس السيناريو بالظبط ان عشري كان خاطبك و هو خاطب او سابها قبل خطوبتك بيومين تلاته زي ما فهمتك و انهم في بينهم قصه حب و شقه بتجهز والليله دي اكيد اكيد كنت هقولك و كنت هقلب الدنيا معاكي بس يعني سكتت وابتسمت لو نفس اللي حاصل ده و عرفت ان عشري خاف يخسرك لانه عارفك انا كنت هوافقه الرأي
ليله….بأبتسامه انا قولت واطيه
ايمي…..مش واطيه انتي قولتي تفكيرنا مش واحد وبعدين انتي عندك عرق مش موجود في العقل انا بقدر اوزن الامور في المشاكل اللي زي دي اكتر المهم بعني اني مش زعلانه و ان حتي لو كنت عرفت بعد ما سافرت مكنتش هستني لحظه لا انا و لا رشيد
ليله….بحب عارفه يا ايمي عشان كده لما عشري تعب قرر ميعرفكوش
وكان معاه حق بصراحه المهم قوليلي اتبسطتي
ايمي….اوي اوي اوي البلد تحفه هي تلج بس تجنن كمان اخت رشيد تجنن يا ليله طيبه و شبههنا و قعدتها تجنن ضحك و سهر و رغي كريم جوزها كمان طيب و محترم و ذوق بجد حبتهم اوي
ليله…..هو رشيد و اهلوا حلوين اوي اكيد اخته زيه بس قوليلي كفرتي الراجل في الطياره
ايمي….بضحك مش اوي بصراحه قولت احترم نفسي
ليله….امال بتطلعي عين اهلي انا ليه
ايمي….انتي بعرف اخد راحتي معاكي خوفت بصراحه افضح رشيد يحدفني من الطياره
ليله….يلا عقبال طل عيد جواز تقضي في بلد مختلفه
ايمي…..انا وانتي يا قلبي قوليلي بقي عامله ايه مع البلطجي
ليله….بابتسامه كويسين
ايمي…..من انهي اتجاه يعني
ليله…بضحك ااا يعني كله تمام بس متقلقيش يا ام نيه شمال لسه محافظ علي كلمته
ايمي….بضحك ده انتي هيطلع عين اهلك منه يوم الدخله الراجل اتحمل اللي مفيش حد يتحملوا
ليله….بضحك والله بدأت اخاف منه بجد
ايمي….لا خافي لانه هيطلع عينك بقولك ايه انا خايفه يكون سلامه شك في تامر
ليله…..وانا اوي بجد اصل ايه اللي هيخلي سلامه ياخد الموقف ده كده مره واحده يعني بحاول افكر مثلاً حصل حاجه من تامر في اي وقت اتقابلوا او اتجمعوا فيه و ربط بعد كده المواقف ببعض مش عارفه
ايمي….هو الغريب ان سلامه معلقش قبل كده ولا مثلا من اول ما خطب ايه لفت نظرها ان تامر في النهايه مش اخوكي سكت ليه كل الفتره دي
ليله….هو سكت يمكن عشان مشافش موقف زي ده بس اكيد هزاره بالشكل ده و طريقته مع ايه هما اللي خلوه حس بكده و بعدين بفكر في حاجه معرفش هي صح ولا لا
ايمي….حاجه ايه؟
ليله….تفتكري ان تامر يكون قاصد الطريقه دي قدام سلامه
ايمي…..لا يا شيخه مش للدرجادي
ليله….ايه بتحكيلي عن موقف المقتاح لما دخلها الاوضه و ان سلامه سمعوا مش قادره اشوف ان الموضوع صدفه
ايمي….هو صدفه يا ليله لان تامر ميعرفش مثلا انهم قفشوا علي بعض بسببه
ليله….ماهو ده اسبب ادعي انه يستمر
ايمي…..لا انا مش قادره اصدق ان تامر يعمل كده بصي انا من عشرتي ليهم تامر بحد محترم و متربي و بعيد كل البعد عن الوساخه دي نقطه مهمه اولا يخاف ثانيا مش تربيته ثالثا هو عارف كويس ان لو ده صدر منه القيامه هتقوم من ابوه و من ايه
كمان ميتهيأليش انه يلفت نظر سلامه اصل لو فرضنا عمل كده هيستفاد ايه ماهو عارف كويس ان حتي لو ابه سابت سلامه بسببه مش هتبقي ليه فهماني ايه مستحيل تشوف تامر غير اخ.
ليله….انا عارفه يا ايمي ان من ناحيه ايه مستحيل و عارفه انه محترم و متربي و عاقل بس في النهايه هو عاشق يا ايمي و اللي بيحب مش بياخد باله من تصرفاته ولا نظراته و لا بيقدر يتحكم في نفسه طول الوقت متنسيش كمان ان ايه اتعلقت بسلامه اكتر بكتير من جوزها يعني هو كان مسافر و اجازاته بسيطه عكس سلامه بتشوفوا اكتر بتخرج معاه اكتر علي طول بيتكلموا علاقتهم تجنن وده اكيد اكيد هيزود غيرة تامر حتي لو مش قاصد خدي بالك انا حزينه بجد علي تامر لان الوضع اللي هو فيه صعب صعبان بجد عليا هو لا واعي ولا مركز و ده حال اي حد بيحب من قلبه الحب بيخلينا زي الاطفال يا ايمي بنبقي فاكرين لما بنحب مش بيبان علينا و لا لو بصينا علي اللي بنحبه محدش هياخد باله العاشق يا ايمي بيبقي فاكر نفسه عايش لوحده علي الارض لا بيركز في تصرفات ولا كلام ولا نظرات ولا اهتمام ولا غيره مبيحسش اصلاً بيبقي عامل زي المسحور و دي حالة تامر و الكارثه الكبيره انها معاه في نفس البيت صاحيين نايمين و اكلين شاربين مع بعض دي حاله تانيه خالص
ايمي….معاكي حق يمكن اللي فرق بين محمود و تامر انها كانت بعيد عنه زميلته بيتهيألي لو كانت اقرب و عايشه معاه او حتي حواليه التخطي كان هيبقي صعب
ليله…..بالظبط ده اللي اقصده عايزه اقولك كمان حاجه محبتش افسرها اكتر قدام سلمي بس حقيقي تامر هيموت من الوجع لما ايه تتجوز
ايمي….انا واثقه لانه صعب اوي يبقي مطلوب منك تقفي و تتعاملي علي انك اخ تشيلي و تسندي و تعملي فرح و تقفي تستقبلي الناس و انتي من جواكي في نار قايده
هو مطلوب منه يكون اخ وسند في فرح اخته اللي هي مش اخته و مطلوب منه يداري وجع ان حبيبته كلها ساعات و تبقي في حضن راجل غيره يا اللللله عليك يا محمود انت كمان بجد واجعين قلبي ربنا يستر علي تامر
ليله….يارب و يعدي الايام دي علي خير
ايمي…انا بفكر في حاجه كده بس مش عارفه هتبقي صح ولا غلط
ليله….حاجه ايه ؟
ايمي…..يعني اننا نلفت نظر ايه عشان تصدق سلامه و تعمل ده من قلبها بدل ما تحس انها مجبوره ترضيه من غير اي وجه حق
ليله….لا طبعاً انتي عبيطه ما لو هنلفت نظرها كنا عملنا كده من اول ما جوزها مات علي الاقل كانت تفكر في تامر بس احنا معملناش كده يا ايمي لاننا عارفين تامر بالنسبه لايه ايه عارفين كويس انه اخوها مش اكتر تفتكري لو عملنا كده نظره ايه هتبقي ازاي هتقدر تتعامل معاه ولا هتحس انه غريب عنها ده وقتها لا هتشوفوا اخ ولا ابن خاله هتخاف منه و اي حاجه هيعملها حتي لو مش مقصوده هتفكرها مقصوده لا يا ايمي مش صح ايه اتحرمت من امها وابوها و ملهاش اخوات خليها تفضل
عايشه الاحساس الحلو اللي هي افتقدته خليها متحسش انها خايفه و تبدأ تشك في ثقتها في الناس خلبها تفضل حاسه انه سند ليها و بعدين هما حقيقي قدروا يعوضوها من صغرها في بنات غير ايمي بيعيشوا و يحسوا باليتم بس ايه تخطت كل ده و زي ماهي قالتلي هي نسيت انهم ولاد خالتها و ان الوها جوز خالتها و ده يدل علي علاقتها بيهم فهماني .
ايمي…..فهماكي
سمعوا خبط علي الباب و بعدين اتفتح الباب.
رشيد….بابتسامه اهلااااااا
ليله……بضحكه تجنن رفعت حاجبها اهلا بالعريس
عشري….يا عرووووسه
ايمي…اللي عمل عمليه و مقالش و الله زعلانه
عشري…بضحك خلاص بقي خلصت من جوزك هتطلعي انتي والله وحشاني اوي
ايمي….وانت والله يا بلطجي
رشيد…..بضحك اخد ساتر ولا امان
ليله…..بضحك لا امان يا عم رشيد حمد الله علي سلامتكم
رشيد….حمد الله علي سلامتك انتي و عشري و يارب يارب اشوفكم ديماً اسعد اتنين في الدنيا
ليله….ياعمري احنا وانتوا يارب
عشري…..حبيبي اللي وحشني
ليله….بابتسامه مالك غرقان كده ليله
عشري….المطر مغرق الدنيا بره اخبارك ايه يا ايمي يخربيت عقلكم حاسس اني بقالي زمن مشوفتكمش
ايمي…. والله وانا كمان و حشتوني يا ولاد اللذينه
رشيد….خير وانا موحشتكيش
ايمي….انت قلبي
ابتسم رشيد و باسها من خدها
ايمي….تشربوا ايه
عشري….لا نشرب ايه احنا يادوب نمشي وانتوا كمان اتكلوا علي الله الجو وحش اوي
ايمي…طيب اشربوا حاجه و هنمشي
عشري….يا ستي انا تلجت اقسم بالله ومش قادر هموت وارتاح و بعدين احنا جايين بكره
ليله….اه خلبنا نمشي خو من بدري واقف و بيتحرك عشان الجرح
ايمي….بصت لرشيد و غمزلتوا احييييييه عليا
رشيد….بضحك واخد بالك انت
ليله…اااااه طب يا عشري بقول نمشي قبل ما نطلع مسرح
عشري….بضحك اه انا كمان شايف كده
ايمي….بضحك طب استنوا بس قولولي عايزين تاكلوا ايه بكره
عشري….ياستي اكل ايه احنا جايين نقعد مع بعض مالك قلبتي زي امي كده ليه
ايمي….بضحك قول للبلطجي صاحبك يتلم يا رشيد و بعدين ما احنا هنتغدي مع بعض و بكره هنعوض اليوم اللي مكملش هاااا خليني ساكته يعني بكره سهره صباحي
عشري….بضحك انا بقول تسكتي واللي يجي منك انا موافق عليه
رشيد….بضحك اه بلاس نفتح في اللي فات بقي معانا واحده مستنيه غلطه
ليله….بضحك لا ياعم انا رفعت الرايه خلاص بقولك ايه انتي هتطبخي بقي والجو ده
ايمي….اطبخ ايه مش هلحق احنا لسه جايين انهارده هطلب طبعاً بس عايزه اشوف عايزين تاكلو ايه
رشيد….انا عن نفسي اي حاجه
عشري….وانا زي صاحبي
ايمي….وانتي يا حزينه
ليله….بابتسامه سمك
ايمي…..بضحك فسفور بقي و الجو ده
عشري….بضحك لا متقلقيش صاحبتك راجعه بكره يا اختي
ايمي…..بضحك ما هي دي مصيبه اكبر ليك انت
عشري….ما كفايه مسرح بقي
رشيد….بضحك ياعم انا مالي بتبصلي ليه هو انا اللي اتكلمت
عشري…..الاوزعه مراتك
رشيد….بضحك معلش بقي انا مراتي تقول اللي يعجبها
ليله…..بأبتسامه انا بقول نخلع عشان سكلنا بقي وحش
عشري…..اه يلا دول جوز عايز الحرق دول ربنا يحمينا من لسانهم
ايمي….بضحك بكره متتأخروش وتعملوا حسابكم السهره للصبح
عشري…..هنبات معاكم
رشيد…..والله باتوا
ايمي….اه نرجع يوم من ايام دهب
ليله…..فتحتهم طب ابقي بات معاهم لوحدك يا بلطجي
عشري…..بابتسامه يابت يوم من ايام دهب موحشكيش
ايمي….بقولكم ايه احنا عايزين نسافر بجد كام يوم كده
عشري…..الوقت طب بعد ما نتجوز
ليله….بابتسامه اه يعني فيها شهر ولا حاجه اصل الدكتور قاله يريح و بلاش مجهود
ايمي…..بضحك ملوش حق الراجل داخل علي جواز
عشري….مسك كف لياه و هو بيضحك طب يا صاحبي انا بقول اخلع بقي عشان ريا وسكينه اتجمعوا تاني و مش هنسلك
رشيد….بضحك انا مليش دعوه الحفله عليك مش عليا
عشري….بضحك واطي
ايمي….استنوا طيب ننزل سوا احنا هنمشي كمان
عشري….طب يلا و انتي لما اروح هنفخك
ليله….بضحك انا نطقت الدكتور اللي قال
ضحكوا هما الاربعه و نزلوا مع بعض سلموا و بعدين ركبوا بسرعه و اتحركوا .
………………….
عند نعيمه و نادين.
نعيمه…..طب خليكي يومين كمان عشان خاطري
نادين….يابت ما ليله جيالك بكره
نعيمه….عارفه بس يعني هي مش وحشاكب زي ما هي و حشاني
نادين….وحشاني والله بس انا معرفس بكره رد فعلها هيكون ايه و كمان عيزاها لما ترجع تبقي براحتها
نعيمه …بعني انتي مثلا اللي هتخنقي حريتها ما انتي عارفه يا جزمه بتحبك قد ايه يابت ده انتي الوحيده اللي بتسمحلك تدخلي تنامي في حضنها لما بتكوني هنا شوفي انا عايشه معاها كام سنه وعلب طول الجزمه طرداني و بتطرد ايه مش بتحب تنيمها عشان فراكه و ايمي بترغي معاها و مش بتخليها تنام و سلمي كمان بترغي مش بترتاح غير معاكي
نادين….بابتسامه عارفه بس يعني علي الاقل اسيبها شويه
نعيمه…..نودي ليله والله العظيم مش زعلانه منك و بعدين مشوفتيش تقي قالت ايه بهدلتها عشانك و عشاني و قالتلها نادبن بالاخص محدش يزعلها
نادين…..بضحك طيب بصي انا هستني كده اشوف بكره الدنيا هيبقي فيها ايه لو حسيت انها رضيت عني هرجع معاكم مرضيتش اوي هروح علي بيتي بكرامتي
نعيمه….بضحك طيب خلي حاجتك هنا
نادين….هسيب غيار واحد كده كده اصلا لو رجعت معاكم هيبقي يوم واحد و هرجت بقي عشان اشوف البيت و اشوف الشغل فاهمه
نعيمه….ماشي يا ستي
نادين….اطمنتي علي نسمه الجو بره قالب
نعيمه….اه روحت بقالها كتير حسيتي بالزلزال
نادين….يالهوي فكرتيني ده حصل واحنا في المطعم اترعبت يا نوني و قلبي وقف
نعيمه…..طب انتي كنتي مع ميدو انا كنت لوحدي
نادين…..بس علي فكره مطولش
نعيمه….لا لا بس كان قوي
نادين….اه قوي حسيت بيه جداً انا مش راعبني غير الجو بره
نعيمه….نامي في حضني لو خايفه
نادين….بابتسامه لا عشان ايدك متتخبطش بس لو حصل رعد هتلاقيني جايه انط عليكي
نعيمه…..ماشي
…………………
عند ايه في الاوضه كانت نايمه علي السرير بس صاحيه بتلعب في الموبايل و بتتفرج علي صزرهم في دهب .
من وقت ما سلامه مشي الصبح متصلش بيها غير مره و كانت مكالمه سريعه علي غير العاده و قفل بس كانت مبسوطه اه صوته متغير و طريقته متغيره بس علي الاقل اطمن عليها وقت الزلزال ما حصل روحت علي البيت اتصلت عليه كنسل و من وقتها متصلش بعتتلوا رساله قالتلوا انها روحت قالها تمام و شويه و هكلمك بس اتأخر كانت عايزه تتصل تشوفوا فين روح ولا لا كويس ولا لا بس قررت تشوف هو هيتصل ولا عشان مضايق لسه منها مش هيتكلم
فضلت تتفرج علي الصور و تفكر لحد ما سابت الموبايل من ايدها ونامت علي نفسها.
دخلت سلمي تبص عليها قبل ما تنام لاقيتها نايمه باستها بهدوء من راسها و غطتها كويس و بعدت عنها الموبايل لقت صوره سلامه بصتلها بحزن و خرج منها تنهيده طويله و بعدين قفلت النور و خرجت.
بعد حوالي نص ساعه رن موبايل ايه
خلص الجرس قبل ما تمسك الموبايل دعكت عينها بهدوء و قبل ما تتصل عليه اتصل تاني
سلامه….الووو
ايه….بصوت نايم ايوه يا سلامه
سلامه….انتي نمتي طيب روحي روحي كملي نوم
ايه….لا معاك انا استنيتك تتصل و انت متصلتش
سلامه…..كان معايا حوار بس معرفتش ارد عليكي
ايه….حوار ايه مشكله يعني
سلامه….لا لا العجله الكاوتش نفسه اتقطع مني مش عارف دوست علي حديده ولا ايه و الحمد لله اني قدرت اتحكم في العربيه
ايه….يعني انت كنت راكبها
سلامه ….اه
ايه….طب انت كويس
سلامه….الحمد لله بخير وقفت علي جنب و غيرت الكاوتش كله طبعاً مفيش حد فاتح و المطر مغرق الدنيا و انا وقفت غيرته في وسط المايه دي و غرقت خالص بس عملتوا الحمد لله و بعد بكره هبقي اجيب بقي استبن جديد لان ده خلاص اتقطع مش نافع
ايه…..الحمد لله انك بخير طيب روح خد شاور و غير عشان متبردش
سلامه….ماهو دخلت من الباب علي الحمام علي طول خلصت و خرجت لاقيت ماما محضره العشاء قولت اكل و اتصل بيكي عشان كانت هتفضل قعدالي لحد ما اخلص اكل مكنتش هعرف اكلمك
ايه…..طيب انت كويس يعني
سلامه…..الحمد لله معلش بقي اسف معرفش انك نايمه حق
ايه…..هو ايه اللي اسف علي اساس يعني اول مره تكلمني و انا نايمه يا سلامه
سلامه….لا بس يعني
ايه…..سلامه ممكن تسمعني مش معني انك واخد مني موقف و مش معني يا سيدي انك خايف مني و مش مديني الامان تفضل تتعامل معايا علي اني غريبه
سلامه…..كل ده عشان قولتلك اسف اني صحيتك؟
قامت ايه قعدت علي السرير و هي بتتكلم بانفعال زي الاطفال
ايه…..اه يا سلامه عشان قولت اسف لان قبل المشكله لما كنت تتصل و تلاقيني نايمه واقولك روح عشان اكمل نوم مكنتش بترضي و كنت بترخم عليها لحد ما افوق و افضل معاك بنتكلم
سلامه….طيب يا ستي انا غلطان و حقك عليا قوليلي بقي انتي ازاي تنامي قبل ما اتصل عليكي ؟
ايه….انت بتاخدني علي قد عقلي يا سلامه
سلامه…..لاااااااا بتكلم جد و يلا جاوبي ازاي تنامي قبل ما اتصل بيكي هو انا مش كنسلت يعني كنت هكلمك نمتي ليه
ابتسمت ايه غصب عنها حافظه طريقته و عارفه اسلوبه
سلامه…..بإبتسامه هاديه بتضحكي علي ايه
ايه….بأبتسامه هاديه عشان مصمم تاخدني علي قد عقلي
سلامه….هو انا اتأسف مش عاجب اغير السؤال وأسأل بهدوء مش عاجب اتعصب مش عاجب عايزه ايه
ايه…..ماهو انا زي ما استغربت انك تتأسف عشان صحتني اكيد بردوا مش هصدق انك تتعصب لما تلاقيني نمت
سلامه……بإبتسامه هاديه غير السؤال خالص كلتي
ايه…..لا
سلامه…….يعني ايه لا
ايه….يعني مش باكل و لا بشرب و ذنبي في رقبتك
سلامه…..مش بهزر علي فكره
ايه….ولا انا والله نزلت بدري و مش فطرت و طول اليوم بشتغل و لما رجعت قولت اني كلت
سلامه…..طب ليه
ايه…..مش عندي نفس
سلامه….طيب يلا روحي كلي اي حاجه
ايه….لا مش عايزه
سلامه….اخلصي و اسمعي الكلام
ايه…..لما ترجع سلامه اللي اعرفه ابقي اكل
سلامه….ايه هتموتي من الجوع
ايه…..يعني ايه قصدك انك مش هترجع
سلامه….بأبتسامه لا مقصدش اولا انا تمام و زي الفل سلامه الاكل ملهوش علاقه يلا اخلي قومي اعملي اي حاجه و كلي
ايه…لا ما انت هتقفل
سلامه…..مش هققل يا ايه هفضل معاكي يلا قومي
ايه…..ماشي
قامت ايه براحه و راحت تفتح الباب
ايه…..بهمس شكلهم نامو
سلامه…طيب كويس روحي يلا اعملي و ادخلي كلي في اوضتك
ايه…..ماشي خرجت بهدوء و راحت علي المطبخ لقت تامر قدامها
تامر…..حرام عليكي خضتيني
ايه….اااا اسفه والله انا اصلا اللي انخضيت خليك براحتك خلاص
تامر…..تعالي هنا براحتي ايه انا بعمل كوبايه قهوه عشان عندي شغل و داخل انتي كنتي عايزه ايه
ايه….بتوتر اااا لا مممفيش خلاص
سلامه….بهدوء اعملي الساندوتش يلا يا ايه انا معاكي
تامر…..هو ايه اللي خلاص في ايه مالك
ايه….مفيش والله كنت هعمل ساندوتش جعانه
تامر…..طيب تعالي شوفي عايزه ايه و بعدين مش قولنالك تاكلي
ايه…..مكنتش جعانه
تامر…..طب قوليلي عايزه تاكلي حاجه معينه او اساعدك
ايه…..لا لا انا هعمل اي ساندوتش
تامر…..طيب استني انا هعملك
سلامه…..ايه اديني تامر و انتي روحي اعملي لحد ما اكلموا
ايه….ليه؟
تامر….هو ايه اللي ليه هعملك ساندوتش حلو
ايه….لا لا مش ليك انا بكلم سلامه
تامر…..اه مخدتش بالي من السناعه سلمي عليه
سلامه….هاتي تامر يا ايه عايزه
ايه….ااااا تامر امسك سلامه عايزك
تامر…..طيب هاتي
خد منها السماعه و هي راحت علي جوه تعمل الساندوتش بس عينها علي تامر كانت خايفه بقولوا حاجه و مش عارفه هو عايزه ليه.
تامر…..الوووو سلامه اخبارك
سلامه…..تيمو حبيبي انت عامل ايه يا اخويا
تامر…..حبيبي الحمد لله زي الفل والله واحشني
سلامه…..انت اكتر والله من غير كلام كتير انت اهلاوي و لا زملكاوي عشان بنسي اسألك
تامر……بضحك اااااااه قولتلي
بصت ايه بتركيز و فضول
سلامه…..بضحكه هاديه ياعم في ماتش كمان اربع ايام و قولت اشوف معانا ولا علينا
تامر….بضحك طب قولي انت ايه بدل ما الاقيك عليا مش معايا
سلامه…..ودي عايزه كلام اهلاوي طبعاً
تامر…..احلي مسا علي الشياطين الحمر معاك ياعم اهلاوي
سلامه…..طب حلو اوي انا و فضل و الشباب هنتفرج عليه في الكافيه عند فضل و عشري و هنتجمع كلنا و بكره ان شاء الله انا هشوف الشباب كلهم عند رشيد و ايمي و هنتفق و هقول لرشيد يقول لحوده
تامر….هو انا تمام معنديش مشكله طبعاً بس بيتهيألي حوده ممكن ميجيش لان ديماً في اي ماتش بنتجمع عند عم حماده و زوزو و بنتفرج مع بعض و بابا اصلا مظبط هو وعم حماده و اللي اعرفوا يعني انه كان هيقول لرشيد و ايمي
سلامه….ااااه لا معرفش انا الحوار ده انت اكيد عارف ان رشيد و ايمي وصلوا انهارده الضهر فا متكلمناش بس مفيش مشكله ممكن نظبطها كلنا عمي و عم حماده و حوده و نشوف كده لو نفعت و نتفرج سوا
تامر…..طب بص شوف معاهم كده بكره و عرفني لو اتفقتوا علي الكافيه معاكم لو متفقتوش بردوا عرفني و بعدين شوف مع ايمي و رشيد كده يعني لو عرفتوا تروحوا عند عم حماده هتتبسطوا جداً جوهم في الماتش هيعجبك
سلامه….طيب تمام عموماً انا هظبطها كده و هقولك بس يعني عايزين نتجمع مع بعض
تامر….بضحك بقولك ايه لو اتجمعنا خد بالك ابويا زملكاوي خف عليه
سلامه….بضحك بتتكلم جد
تامر….اه والمصحف و زماكاوي متعصب يعني ممكن يمسكني انا وانت ينفخنا هو حسان ايه صحيح
سلامه….بضحك اهلاوي زينا
تامر….يعني الجوازات هتبوظ و انا هطرد
سلامه…..بضحك لا هنحترم نفسنا بقي متقلقش
تامر….بضحك خلاص اتفقنا المهم يعني عرفني بس هتعمل ايه
سلامه….ماشي يا اخويا انت شاء الله الفوز للاهلي
تامر….بضحك ده كده كده خليني انكلم براحتي وهو مش سامعني
سلامه……بضحك تحسن بردوا الحو برد عليك انهارده مش هتتحمل البرد
تامر…..ماشي ياعم خلصتي
ايه….اه مستنياك تديني الموبايل
تامر…..طيب يا سلامه خد ايه معاك اهي و انا هبقي اكلمك اتفق معاك
سلامه…..ماشي يا حبيبي
تامر….يومك جميل
سلامه….صباحك فل
ايه…..هات السماعه
تامر….اه امسكي نسيتها و بعدين موبايلك صوته واطي ليه
ايه….عشان الايربود بتبقي عاليه اوي
تامر….طيب خلصتي
ايه….اه خلاص
تامر….عايزه اي حاجه تاني
ايه….لا شكراً يلا تصبح علي خير
تامر….وانتي من اهل الخير يا مسطووووله الاكل
ايه…..ابتسمت بتوتر ااا اه نسيته
تامر….بضحك جديده عليكي يعني يلا انا داخل سلام
ايه…..سلام.
خدت ايه اكلها و دخلت بسرعه علي الاوضه
ايه….اااا ممعاك يا سلامه
سلامه…..بهدوء كان حاسس انها متوتره من اول ما شافته و من اول ما قالها اديني تامر قوليلي بقي عملتي ايه
ايه….عملت ايه في ايه و الله ما عملت حاجه
سلامه….في الاكل يا ايه
ايه….ااا اه اه عملت سادونتش
سلامه….بأبتسامه بجد علي اساس عرفت هتاكلي ايه يعني
ايه…..اه انت عايز تعرف حطيت ايه يعني
سلامه….بابتسامه اه مالك متوتره ليه
سكتت ايه و كانت متوتره فعلاً
سلامه…..مالك
ايه….مفيش بس اتوترت لما شوفت تامر في المطبخ و خوفت تزعل مني و اتوترت اكتر لما قولتلي هاتي تامر
سلامه…..انا كنت عايز اسألوا هيتفرج علي الماتش فين عشان انا و فضل و عسال و حسان متفقين نتفرج كلنا مع بعض و فضل قايل لنادر يجي و قال كمان انه لما يجي رشيد هيقولوا يجيب محمود و نتفرج مع اخواته واخوات عشري و انا حبيت اقول لتامر بما ان نادر و محمود هيجوا عشان ميزعلش بس دي كل الحكايه ايه حبيبتي هو انا ليه حاسس انك فهمتي كلامي عن الموضوع اللي اتكلمنا فيه بطريقه و شكل تاني خالص ايه انا مطلبتش منك تقاطعي تامر ولا طلبت منك تتعاملي معاه علي انه غريب انتي عايشه في بيتك و سط اهلك يعني الطبيعي انكم تاكلوا سوا تتكلموا سوا تتعاملوا سوا تضحكوا تهزروا
تساعديه يساعدك حياه عاديه يا ايه انا مطلبتش منك تحطي غير حد للهزار بالايد و انك تمنعي دخوله عليكي وانتي نايمه ولو مش هتقدري تطلبي ده يبقي تقفلي علي نفسك بليل مره علي التانيه حتي لو حاول يفتح ولقاه مقفول هيتعود مش اكتر من كده لكن طلبي ده مكانش مقصود بيه التوتر اللي شوفته في صوتك لما دخلتي لاقتيه قدامك في المطبخ مكنتش قاصد بيه انك تخافي بالمنظر ده لما تشوفي اخوكي يا ايه.
ايه…..بدموع سلامه انا فعلاً من وقت ما اتكلمنا و انا مش طبيعيه مش عارفه اكون انا لا قادره اتعامل معاه زي ما كنت ولا قادره ابعد واخسره و كمان خايفه اتصرف اي تصرف يزعلك مني
سلامه ….لا يا حبيبة قلبي خليكي علي طبيعتك خليكي ايه اللي بتتعامل عادي مع اخوها بس تمنعي هزارك بالايد عشان هو ميضطرش لده ايه انا يوم ما جيت واتعصبت من الموقف انتي كنتي السبب فيه لو مكنتيش خدتي موبايله و جريتي هو مكانش اتحرك هو كان قاعد عادي و ده اللي انا اقصده بلاش تبدأ موقف يتطور منك و متعرفيش تسيطري عليه بعد كده فهمتي
ايه……فهمت
سلامه….بس الموضوع بسيط غير كده اتعاملي عادي تامر اخوكي سند و ضهر ليكي اتكلمي اتعاملي يوصلك للشغل لو محتاجه اطلبي منه طلب لو عايزه منه حاجه هزري معاه اتناقشي في موضوع لو في مواضيع بس مش اكتر ولا اقل فهمتي
ايه…..تمام فهمت يا سلامه
سلامه….ممكن يلا تاكلي بقي و تبطلي عياط
ايه….هو انت كنت بتكلموا في ايه
سلامه….ما انا قزلتلك علي الماتش و بعدين حبيت اشيل التوتر اللي شوفته في صوتك و خليته يتلخم معايا في المكالمه لحد ما تخلصي
ايه….بابتسامه ماشي
سلامه….ها هتاكلي ايه بقي
ايه….انا عملت جبنه شيدر في التوست و سيحتها في التوستر و خدت علبه عصير
سلامه….بابتسامه بألف هنا
ايه….سلامه
سلامه….نعم
ايه….بصوت زعلان انا بكره مش هعرف اخد كوبر معايا في العربيه لوحدي
سلامه….بضحكه هاديه يعني ايه
ايه….مش يعني حاجه انا بقولك بس
سلامه ….بهدوء و تنهيده طويله هعدي عليكي
ايه….بابتسامه بجد
سلامه… بجد انا كده كده كنت عامل حسابي اني اعدي عليكي و يلا كلي بقي
ايه…..بحبك يا سلامه
سلامه….بابتسامه هاديه وانا كمان بحبك
ابتسمت ايه بسعاده و كملت كلام معاه و هي بتاكل.
……………….
في غرفه تقي
كانت قاعده علي المكتب بتذاكر و سرحت خالص و بقت في دنيا تانيه عقلها مكانش معاها اول مره تحس باللغبطه دي اول مره تحس ان في حاجه شغلاها عن مذاكرتها مكانتش عارفه تركز خالص سابت القلم من ايدها و هي بتكلم نفسها.
تقي….انتي بتعملي ايه يا غبيه بتعملي ايه مينفعش ازاي اصلاً تفكري بالطريقه دي و اشمعني هو ليه سيبتي نفسك كده ده انتي لسه عرفاه من فتره بسيطه لسه علاقتك بيه مش قويه عرفتي صحاب قد ايه انتي و عمرك ما شوفتيهم بالطريقه دي كنتي بتتعاملي علي انه صاحب جديد كسبتيه ايه اللي اتغير جواكي
وازاي تسمحي لنفسك اصلاً تتعلقي بحد متعلق بغيرك و غيرك دي ذنبها ايه ليه فسرتي اهتمامه علي انه اعجاب ليه ميبقاش بيتعامل معاكي عادي و حتي لو مش عادي ازاي تمشي وراه لو هو مش متأكد من علاقته و البنت اللي في حياته ازاي انتي تطاوعيه و تروحي معاه و تبقي سبب في وجع قلب بنت زيك
ليه غيرتي لما شوفتي الاتصال و ليه خلتيه حس بغيرتك يا غبيه و بتاع ايه تغيري عليه اصلاً هو انتي بينك و بينه حاجه اصلاً قربك منه غلط
كان لازم اول ما تحسي ان في حاجه غريبه جواكي و جواه تبعدي و بعدين انتي من امته ليكي في الكلام ده مش كان مستقبلك و مذاكرتك اهم مش كنتب ديماً قافله الباب ده عشان حلمك ليه لما تفتحيه تفتحيه للشخص الغلط و ازاي اصلاً اتعلقتي بيه في الفتره البسيطه دي
كام مقابله علي كام خروجه خلوكي سلمتي اعجبتي و اتعلقتي و بتغيري كمان يا بجاحتك يا شيخه هو اصلا ازاي في كام يوم علقك بيه كده يقولك هجيلك تسكتي يقولك هنخرج تسكتي يقولك هاجي معاكي للدكتور و للتحاليل تسكتي ليييييه ليه سكتي ليه كنتي مبسوطه باهتمامه و سؤاله عنك ليه لما قالك الغي معادك مع حدوته وافقتي بسهوله انتي اكيد مش في وعيك ده مش ليكي يا غبيه ابعدي قبل التعلق و الاعجاب يقلبوا حب ابعدي عشان هو مش ليكي عشان مينفعش تبقي انتي الشخص الوحش في القصه مينفعش تكوني انتي اللي بتبوظي علاقات و تجرحي حد ملهوش ذنب
ازاي ملاحظتيش اهتمامه الزايد بيكي و اهمال غيرك انتي لاحظتي و كنتي مبسوطه و مفرقش معاكي و عملتي فيها عبيطه و مش واخده بالك بس انتي كنتي واخده بالك ضميرك موجعكيش غير انهارده سألتيه انهارده بس هي تعرف ولا لا بس كان لازم تسأليه من اول مره
كان لازم لما يقولك نتقابل او نخرج ترفضي بس انتي الوضع كان عاجبك
خدتي الموضوع علي انه رد جميل بس انتي من جواكي كنتي عايزه تشوفيه تاني و تتكلمي معاه بس لا مينفعش انتي لازم تنسحبي بهدوء ابعدي عشان مينفعش انتي لسه في البدايه لا هتشوفيه و لا تكلميه و لا حتي تردي عليه حتي لو هتضايقي او هتحسي انك مش عايزه او مش قادره لازم تعملي كده لانك لو كملتي غيرك هيتوجع انتي لسه في البدايه و اتعلقتي بيه طيب اللي معاه من كام شهر ذنبها ايه يا غبيه ابعدي يا تقي و خليكي محافظه علي احترامك لنفسك واوعي تكوني سبب في وجع بنت زيك .
مسكت تقي راسها كانت حاسه بصداع فظيع كانت عارفه انها خلاص مهما حاولت مش هتقدر تذاكر او تركز قفلت الكتاب و النور بتاع المكتب و راحت علي السرير عشان تنام و هي مقرره انها تبعد و تنسحب بهدوء عن عدي في النهايه هي لسه محبتهوش وهو كمان محبهاش لو تجاهلت اتصاله و الرد عليه و انها تشوفوا كام يوم الموضوع هيرجع عادي تاني بينهم و لو حصل و اتقابلت معاه بعد كدن بحكم النسب اللي بينهم او شغلهم هتكون مقابله رسميه و سلام عادي لكن لا هيبقي في خروج ولا مكالمات مره تانيه عشان ميتعلقوش ببعض اكتر .
…………………..
عند ليله و عشري
كان نايم و واخدها في حضنه و ايده ماشيه بهدوء حوالين الجرح
عشري….سرحانه في ايه؟
ليله…..بصتلوا وابتسمت بهدوء انهارده اخر يوم ليا هنا
عشري…..لا هو اخر يوم مؤقت لحد ما ترجعيلي تاني
ليله…..هتعرف تنام من غيري يا بلطجي
عشري…..بأبتسامه بص علي الجرح وحرك صباعه بهدوء عليه و بعدين بصلها بحب انتي عارفه كويس الكام يوم دول هيعدوا عليا ازاي يمكن في الاول كنت عادي بس بعد ما قعدتي معايا هنا الموضوع هيبقي صعب اوي يا ليله
ليله…..بابتسامه حطت كفها علي دقنه هيبقي صعب عليا انا كمان اوي
عشري…..انتي بمجرد ما هتمشي من هنا هخلص كل حاجه بسرعه و هحدد انا و وليد المعاد علي طول
دخلت ليله في حضنه اكتر و دفنت راسها في صدره ضمها عشري بكل قوته وباس راسها بحب و فضل يمشي ايده علي شعرها وضهرها بهدوء و الاتنين فضلوا ساكتين خالص شويه.
رفعت راسها بهدوء و بصتلوا
ليله….عشري
عشري…..قلب عشري
ليله…..انا كنت عايزه بكره قبل ما نروح لايمي نروح مع بعض مشوار
عشري…..مشوار ايه يا قلبي
ليله….عند اميمه اختي
عشري…..عيوني بس ليه و بعدين احمد هيكون موجود ولا لا
ليله….اه بكره اجازه ليه بقي عشان انا مش عايزه اي حد يشوفك وحش مش عايزه حد يكون زعلان منك
عشري….بأبتسامه ايه تقصدي حمزه
ليله….بأبتسامه هاديه هزت راسها حمزه و ولاد اخواتي كلهم بعتبرهم ولادي و صحابي و غلاوتهم كبيره اوي عندي حمزه مضايق منك و لما كلمته طريقته معجبتنيش عنك مقصدتش انه قال حاجه وحشه عنك طبعاً حمزه متربي لس هو شايف انك مش بتحبني و انا مش حابه اي حد يشوفك كده و كمان انا اي حد مهم في حياتي محبش ابداً ان علاقته تبقي مش حلوه بحد تاني
انا بس عيزاه يشوفنا مع بعض يتأكد انك بجد بتحبني يشيل من دماغه فكره ان امه وابوه اتفقوا عليا حمزه في النهايه لسه صغير مشاعره متحكمه فيه خصوصا لو مع حد بيحبه فاهمني
عشري….بابتسامه فاهمك يا ست البنات كلهم و حاضر عيوني ليكي انتي و حمزه باشا و سيبيه عليا انا انا هقدر اقنعوا و اصالحوا كمان
ليله….لا انا مش عيزاك تتكلم في حاجه و لا طالبه منك انك تقعد قدام حد اصغر منك تبرر ليه انا عمري ما هحطك في المنطقه دي يا عشري كل الحكايه اني عيزاه يشوفنا مع بعض يشوفني مبسوطه بس مش اكتر لكن انك تعتذر او تصالح حمزه انا مش هقبلها عليك يا عشري
عشري….بأبتسامه رجع شعرها بهدوء عارف ياعمري بس انا مستعد اعمل اي حاجه عشانك
ليله…..لا يا عشري اللي تعملوا عشاني انك توضح صوره من غير ما تيجي علي نفسك لان زي ما انت تهمني حمزه يهمني مش حابه ابداً انه يشوفك وحش انا عيزاه يشوف الحلو اللي فيك مش اكتر
عشري…..ليله انا مش هاجي علي نفسي يا قلبي و بعدين حمزه بالنسبالي ابني انا لو كنت اتجوزت من زمان كنت جبت قده يعني انا لما هتكلم معاه هتكلم معاه زي ابني صاحبي اخويا الصغير هعرف احتوي الموقف متقلقيش انتي
ليله….بابتسامه تمام يا قلبي
عشري….ان شاء الله هنروحلهم قبل ما نروح لتيمي و رشيد بس مش عابزين نتأخر احسن ايمي تفضحنا
ليله…..لا مش هنقعد كتير بس كمان قبل ما امشي عايزه اسلم علي امونه و عشري حبيبي
عشري…..رفع حاجبه و ابتسم اتلمي يا بت مفيش حد حبيبك غيري
ليله…..بضحك لا عشري الكبير حبيبي اكتر
عشري…..وحياة امك طب وسعي كده ابقي شوفي مين هياخدك في حضنه
ليله….بضحك لا خلاص انت حبيبي
عشري…..ابتسم بغيظ نظبط بقي
ليله….ده ابوك
عشري….عارف يا اختي بس انا اللي حبيبك مش هو
ليله…..غيران منه
عشري……بضحكه جميله انا بغير عليكي من الدنيا كلها يا ليله
ليله…..بس بجد بتغير من ابوك
عشري….بضحك يا هبله ده ابويا اكيد مش هغير منه الغيره اللي في دماغك دي
ليله…..بس هو بعني لو هتغير عليا منه حقك ابوك قمر و موووز و صراحه يتغار منه
عشري…..بضحك و غيظ طب خدي بالك هكسر دماغك الوقت
ضحكت وحضنته بحب و هو ابتسم و ضمها .
…………………
في صباح يوم جديد علي الساعه ثلاثه العصر كده .
مسك عدي موبايله و اتصل علي تقي لمحت الاتصال و مردتش كانت مقرره انها مش هتنزل من البيت خالص ولا حتي كانت عايزه تروح الجامعه.
ثواني و لقت رساله بصت من بره لقتها ڤويس استنت شويه و بعدين فتحتها كان هو مش متصل داست علي التسجيل و شغلتوا
عدي…..صباح الخير اخبارك ايه نزلتي الجامعه و لا لا صحيح في حاجه كده جات في دماغي الوقت و قولت اشوف انتي خدتي بالك منها ولا لا سكت ثواني و كمل بضحكه هاديه اول مره شوفتك بعد فرح رشيد و ايمي كان في بيت ليله ونعيمه و كان في خناقه و مشكله و مصيبه تاني مره عدت بهدوء بس التالته حصل حوار الراجل ده عم سعيد و امبارح حصل زلزال ضحك انا بقول يعني جه وقت قطع العلاقات بدل ما القيامه تقوم و لا انتي شايفه ايه تفتكري دي اشاره و كفايه مصايب كده ولا نجاذف بقي و زي ما تيجي تيجي كمل بضحكه جميله بقولك ايه ابقي اتصلي عليا لما تشوفي الرساله باي يا مصيبه
ابتسمت تقي بهدوء و غمضت عينها قفلت الواتس و اتصلت علي نسمه كانت شايفه ان اقتراح شغلها ده مناسب للخطوه اللي هي عايزه تعملها مع عدي وجود نسمه مع تمارا و ادهم هيخلوها تقلل كتير مرواحها هناك و انها تشوفوا
نسمه……صباح الفل
تقي…..قصدك مساء ناموسيتك كحلي ولا ايه
نسمه….بضحك طب والله صاحيه قبل الضهر
تقي…..انتي لسه عند نوني
نسمه….لا روحت امبارح
تقي….ليه كده؟
نسمه….يا بنتي ما ليله هترجع انهارده بليل انتي متعرفيش ولا ايه
تقي….اممم لا والله ما اعرف طب ليه
نسمه….معرفش نعيمه اللي قالتلي يعني هي و عشري الحمد لله امورهم بقت تمام و غالباً كده هترجع عشان تبدأ بقي تستعد للفرح و الجو ده
تقي….والله عال انتي تعرفي و انا اللي بنت اخوها معرفش
نسمه….علي اساس يعني لو مكنتش عند نعيمه كنت هعرف
تقي….طب سيبك من ليله و عشري الوقت انتي ازاي يابت متعرفنيش حوار الشغل ده
نسمه….شغل ايه
تقي….هو ايه اللي شغل ايه عدي قالي ان سليم كلموا عن الشغل ليكي معانا
نسمه….اااااه فهمت بصي هو الموضوع مش كده كل الحكايه ان انا و سليم اتكلمنا في موضوع الشغل ده بوم ما وصلناكي
تقي….عرفت و عارفه كمان انه اقترح عليكي بس ليه مقولتليش انتي كمان انك حابه
نسمه….تقي انتي عارفه اني بتحرج من المواضيع دي
تقي….تتحرجي اين يا جزمه اصلا انتي هتجيلي انا نجده انا محتجالك والله الفتره دي مقصره في المذاكره و مش لاحقه اروح المزرعه و اروح مع العربيات توصل شغل مع مذاكرتي و بصراحه ادهم و تمارا هيبقي لود كبير عليهم هما كمان عندهم مذاكره فا لو قسمنا الشغل علينا هنقدر نظبطها يعني مثلا انا ابقي في المزرعه انتي تنزلي معاهم توزعي و تقسموها بينكم كل واحد فيكم يروح مكان ايه رايك
نسمه……والله انا معنديش مشكله بس ابوكي عارف و البنات
