لقاء كـ،ـ،ـارثي
تقي….انتي مالك ومال البنات هما ملهمش علاقه بالشغل اصلا هما اداره مش اكتر التنفيذ معايا انا وابويا و تمارا وادهم و ابويا مش هيمانع طبعاً هو بردوا شغلوا بعيد عننا احنا الثلاثه كده او كده هو انا هعرفوا بس اللي اقصده هو ملهوش علاقه فهمتي
نسمه…..خلاص تمام فهمت
تقي…..هتبدأي من بكره قولتي ايه
نسمه….طيب معنديش مشكله بس هعمل ايه انا مش فاهمه
تقي…..ولا اي حاجه انا لما هسلمك شغل المزرعه السواق عارف طريقه انتي بس هتكوني معاه هعرفك ايه تلموجوده هتسلميه بنفسك و اللي هيسالم منك هيراجع الطلبيه بتاعته و يأكد عليكي تمام ولا لا و تخدي بعضك و تمشي و تكملي توزيع
نسمه….طيب هو التوزيع ده مش علي كافيها عشري و فضل و المطعم بتاع البنات
تقي…..لا طبعاً المزرعه كان فيها شغل من الاول و استمر حوالي ست مطاعم و حوالي خمس محلات عصاير كبار غير التجار اللي بياخدوا لمحلاتهم سواء خضار او فاكهه فهمتي
نسمه….اه يعني شغل بجد و حوار كبير مش مجرد كام كافيه
تقي…..لا طبعاً اصلا شغل المزرعه من الاول كان كتير قبل حوار كافيها عشري و المطعم بتاع البنات يعني المزرعه شغاله
نسمه….طيب خلاص فهمتك
بصت تقي علي الموبايل عدي كان عمال يتصل بيها
تقي…..ااا خلاص بليل انا هكلمك و هظبط معاكي و هبعتلك لوكيشن المزرعه كمان و هقابلك هناك اتفقنا
نسمه…..اشطا اتفقنا
تقي…..ماشي يا قلبي يلا هروح انا الوقت
نسمه….اوك باي
تقي….باي
قفلت تقي و خدت نفس و قررت تتجاهل اتصاله خالص حتي لو هيزعل مش مهم زعلوا هيكون في مصلحتها هي و هو.
………………………..
الوقت كان بيجري المفروض معاد البنات و الشباب كان علي الساعه سبعه لانهم كانوا هيتغدوا ويسهروا و يقضوا يوم حلو مع بعض.
علي الساعه خمسه ليله وعشري كانوا بيجهزوا
اتصل فضل علي عشري.
عشري…..هلا فضل
فضل…..هلا بالزين كيفك يا اخوي
عشري…..والله زين
فضل….اسمع
عشري….قول
فضل……متي بتروح
عشري…..انا بروح عالأول مشوار و بعدين بطلع عَ رشيد
فضل…..زين انا بروح اجيب نعيمه و بعدين بروح .
عشري…..تزمن تسير هالوقت ولا بعدك؟؟
فضل…..لا نص ساعه و بتحرك تبيه مني شي؟
عشري…..سلامتك بلحقك إن شاء الله
فضل……تمام يسعد دربك بالسلامه
عشري…..سلام يا اخوي
ليله بضحك وهي بتظبط الميك اب.
ليله….وبعدين بقي في التعويذه دي
عشري…..بضحك اوعي تقولي انك مفهمتيش
ليله…..و رحمة امي ما فهمت غيرك انك هتروح مشوار و هتطلع علي رشيد
عشري…..بضحك بعد كده لما احب اتكلم عليكي هتكلم بدوي
ليله….بضحك عادي هخلي عشري الكبير حبيبي يعلمني
عشري…..بضحك لا وعلي ايه هعلمك وامري لله
ليله….طب كنت بتقول ايه
عشري…..والله بيسألني هتروح امته و قالي انه هيروح يجيب نعيمه و يسبقنا و قالي عايز مني حاجه و بس
ليله….ايوه بس انت قولت حجات غريبه
عشري….بابتسامه قولت ايه ؟
ليله….بضحك والله ما فاكره هي حاجه بعدك
عشري…..بتفكير ااااه تزمن تسير هالوقت ولا بعدك ؟
ليله….بضحك اه ايه الطلاسم دي
عشري….بضحك طلاسم !! انا بسألوا هتروح يعني الوقت ولا لسه قالي بعد نص ساعه هيتحرك بس كده
ليله….طب انا راضيه ذمتك ده كلام مفهوم و بعدين انا عايزه اعرف ليه وانتوا مع بعض بتتكلموا بدوي و لا عرباوي كده
عشري….اتعودنا اصلا طول عمرنا بنتكلم بلهجتنا مع بعض بنغيرها بس مع اي حد مش بيفهمها و اوقات بننسي نفسنا و اوقات لما بنكون حابين نقول حاجه محدش يفهمها غيرنا بردوا بنتكلم بيها
ليله….وبردوا وانتوا متعصبين و انتوا مبسوطين
عشري…..بضحكه تجنن يعني ايه مضايقه من لهجتنا
ليله….بأبتسامه بالعكس بحبها و بحبك اكتر اما بتتكلم بيها لو عليا عيزاك تتكلم بيها علي طول بس مش بفهمها
عشري…..خلاص اتعلميها معايا عشان تفهميني و اكلمك بيها
ليله….بابتسامه ماشي علي فكره الصعيدي كمان حلو
عشري…..بضحك ده عشان ست الكل امونه
ليله….بس انت قولت قبل كده انها بتفهم كلامكم
عشري….بتفهم بس انا احتراماً ليها بتكلم بلهجتها انا و اخواتي و حتي ابويا اوقات كتير يا بيتكلم عادي يا صعيدي يا بدوي مبنزعلش حد يعني
ليله…..طيب خد بالك هخترع لهجه خاصه بيا عشان تحترم لهجتي
عشري….بابتسامه مش محتاجه تخترعي عندنا لهجه خاصه بينا بفهمك من عينك زي ما انتي ما بتفهميني من عيني
ليله……ما تجيب بوسه
عشري…..بضحك حاطه روچ
ليله….لا لسه والله
ابتسم عشري وقرب منها خد بوسه و بصلها بحب
عشري …هتوحشيني يا بت المارديني
ليله…..امممم و انت كماااان يا بلطجي اسكت بقي بدل ما اعيط و احلف ما همشي
عشري…..لا وعلي ايه خلاص بقولك ايه قدامك كتير
ليله….يعني ربع ساعه بالكتير
عشري….تشربي قهوه
ليله….لا النسكافيه لسه معايا بس انا عايزه سيجاره
عشري….عيوني
ليله….بضحك بس مش من العلبه الفضي
عشري…..لا الله يرحمها كسرتهم و رمتهم
ليله….بجد
عشري…..والله العظيم في الباسكت جوه في الدريسنج
ليله….بابتسامه طب ليه
عشري….هو ايه اللي طب ليه انا حمدت ربنا انها عدت علي خير وقابك موقفش فيها بلاش قرف
ليله….بابتسامه مش قولت بتجامل بيها
عشري….لا اجامل و لا عايز اتجامل خلصت كان قبلك بس بعد ما انتي دخلتي البيت ده مستحيل و اصلا انا غلطت اني مرمتهمش بس معرفس انك هتلعبي في الدرج
ليله….بضحك يعني مش بتشرب يا بلطجي
عشري….وغلاوه ليله عندي ما بحطها في بوئي انا اخري السيجاره او حجر شيشه غير كده لا
ليله…..بضحك يعني انا اشرب و انت لا
عشري…بضحك شربتي غلطه بس غلطه مش هتتكرر مع ان يعني كنت اتمني اشربهالك ليله الدخله عشان الدماغ الحلوه دي اللي كنتي عملاها بس لولا انها حرام وخطر عليكي مكنتش كسرتهم
ليله….بأبتسامه ماشي يا بلطجي هات السيجاره يلا ووو بعني كنت عايزه اسالك علي حاجه كده
عشري…..اسألي
ليله…..هو موضوع السجاير ده هيفضل زي ما هو
عشري….بابتسامه رفع حاجبه مش فاهم
ليله…..بضحك لا فاهم يا بلطجي و بطل تلاعبني بالكلام
عشري…..عايزه ايه يا ليله اه هيفضل زي ماهو و كل حاجه كانت باتفاق بينا سواء في لبسك او السجاير هتفضل زي ما هو واوعي تفتكري ان عشان زعلتك هسكت عن حجات كنت متفق معاكي عليها و اقول اسكت عشان ترضي عني مش انا يا بت المارديني
ليله…بضحك طب براحه علي نفسك شوره يا بلطجي و خلينا نعمل تعديل بسيط و خليك جدت معايا
عشري…..بأبتسامه دماغك و شيطانك ده مش هيمشوا معايا خدي بالك
ليله….بضحك ليه بس ده انا و دماغي و شيطاني بنموت فيك
عشري….اااااه منك يا بت المارديني عايزه ايه يا ليله
ليله….قامت بهدوء و لفت ايدها علي رقبته بدلع يعني تعديل بسيط مش اكتر
عشري…..بضحك ايه بتثبتيني بالدلع ده
ليله….بابتسامه و نظره دلع تجنن اه بثبتك اكدب يعني باسته من شفايفه بحب و بصتلوا
عشري….بضحك الصبر من عندك يارب حلوه الصراحه بردوا معترفه انك بتثبتيني
ليله…..بضحكه تجنن امممم بص
عشري…..بنظره تجنن بصيت
ليله…..يعني انا معاك و جنبك و يعني محدش ليه عندي حاجه انا متجوزه محمد عشري و اعمل اي حاجه طول ما هي بعلمه صح
عشري….بابتسامه صح بس يعني احنا متفقين
ليله….طبعاً متفقين بس انا هقولك حاجه انا عموماً مكنتش مدخنه للدرجه اه بشرب بس مش كتير لكن الفتره اللي فاتت بقيت بشرب كتير اوي و يعني صعب اني ابطلها مره واحده او امشي علي نفس النظام و اكيد اكيد انا مش هعمل ده من وراك كل اللي طلباه تكون انت راضي و يكون في بينا ثقه و صراحه و تبقي عارف اني بشرب
عشري…..عايزه ايه يا ليله اللف والدوران مش لايق عليكي
ضحكت ليله و مالت علي كتفه و هي ضماه من رقبته و بعدين بصتلوا
ليله….بصراحه بقي يعني عادي اني اشرب وسط صحابنا هنا اصلا عارفين اني بشرب و بعدين الفتره اللي فاتت وانا زعلانه منك رجعت اشربها قدامهم و كمان احنا بنتقابل و هنتقابل كتير و بعد ما الكل يتجوز هنبقي ديماً مع بعض فا عادي يعني اننا نبقي تمام مع بعض و علي فكره انا واثقه يا سيدي ان مفيش حد فيهم هيعزم عليا بسيجاره لان انا عارفه الشباب كويس بيحترموا رغبه اي حد وانا يعني اوعدك ديما هتبقي معايا السجاير بتاعتي عشان مخدش من حد و لا حد يديني
عشري….بابتسامه المفروض يعني اوافق وكده
ليله….وحيااااااتي
عشري…..باسها من خدها و شال ايدها بهدوء من علي رقبته و بصلها لا
بصتلوا بغيظ و سكتت
عشري…..بابتسامه خلصي يلا لسه هتسلمي علي امي
ليله…..بهدوء تمام
ابتسم ورفع حاجبه مكنش مرتاح لموافقتها السريعه دي هو مكانش هيرخم عليها و كان عنده استعداد يوافق بس كان حابب يثبت لنفسه قبلها انه لسه محتفظ بكل اللي اتفقوا عليه و ان المشكله اللي حصلت بينهم مش هتخليها تسوق فيها كان زي اي راجل شرقي عايز يحس ان كلمته مسموعه و ان غلطه مش معاها مش معناه ان الحدود اللي بينهم واللي اتفقوا عليها تتكسر او تمسكها عليها كأنها بتقولوا مبقاش ليك عندي كلمه خلاص بس هو من جواه كان حابب يعملها اي حاجه تخليها مبسوطه بس لما يطمن الاول من رد فعلها و هي سكتت و معلقتش و لا زنت ولا حتي خيبت ظنه عشري كان مش حابب يفتح موضوع السجاير اصلاً و كان حابب يشوفها هتتعامل ازاي من نفسها و الحقيقه ان طلبها منه و استأذانها فرحه و ارضي غروره كاراجل و مش بس الوقت لما جه حسان كمان مشربتش قدامه و لما اكتر من مره اخواته طلعوا مشربتش قدامهم و دي حجات ومواقف كبرتها في عينه اكتر عشان كده كان ناوي يجيب اخرها بس من جواه مكانش حابب بعد كل اللي حصل ده يرخم عليها
اما ليله فكان عندها من الذكاء اللي يكفي و يفيض و عشان بتفهمه من عينه حبت ترضي غروره و تسكت خالص و ترضي كانت فاهمه كويس انه فهم طلبها غلط و انه حابب يثبت لنفسه حاجه معينه قبل ما يوافق.
خلصت الميك اب بتاعها و قامت دخلت الدريسنج عشان تلبس.
عشري…..بعد كام دقيقه فاضل كتير
ليله…..لا بلبس خلاص
عشري….بابتسامه أساعدك ؟
ليله…..ايه هتلبسني يعني
ابتسم عشري وراح بهدوء علي الدرسينج كانت لابسه البنطلون و مش لابسه لسه حاجه من فوق غير هدومها الداخليه و واقفه بضهرها
عشري…..بهدوء ايه مينفعش البسك
ليله…..بابتسامه اخرج و خليك مؤدب
عشري….مش خارج ايه مكسوفه مني
ليله….بضحك انت عارف انا مش بتكسف منك و شي مكشوف يا بلطجي انا خايفه عليك تضعف علي اخر كام دقيقه ليا في البيت
عشري…..بضحك والله يا ليله لا هطلع البلاء الازرق علي دماغك لما ترجعيلي كل اللي عملتيه فيا هطلعه علي جتك
ليله…..بضحك لفت بهدوء و هي بتلبس البلوڤر و بتنزلوا اللي تقدر عليه اعملوا
بصلها بحب و جابها من تحت لفوق
كانت لابسه بنطلون جلد اسود و عليه شوز شبه البياده بتاعة الجيش لونها اسود و بلوڤر قصير لونه أسود مسكت چاكت كت لونه زيتي فاتح
ليله….خير بتبصلي كده ليه؟
عشري…..بابتسامه شكلك حلو اوي وبعدين لسه واخد بالي من الماتشينج اللي احنا عاملينوا
ليله…..بأبتسامه امال انا اختارت لبسك ليه
عشري….بأبتسامه ماشي يا ستي
كانت مختاره ليه بنطلون چينز اسود و فلوڤر اسود و عليه چاكت جلد زيتي و تقريباً نفس الشوز
راحت قعدت قدام المرايه ظبطت شعرها كان شكله يجنن و الاطراف الفضي اللي هي عملاها تجنن لبست كاب زيتي علي راسها حطت البرفيوم و قامت لبست شنطه كروس سوده صغيره و حطت حاجتها و بصتلوا
ليله…..انا جاهزه
عشري …بصلها بحب و حزن في نفس الوقت قرب منها ضمها هتوحشيني اوي يا ليله
ابتسمت ليله وضمته بحب
ليله……ايه اقعد
عشري….بابتسامه بعد عنها و مسك وشها لو عليا اكيد عايزك تقعدي بس كمان لازم تمشي عشان ترجعي البيت بشكل تاني و بطريقه تليق بيكي
ابتسمت ليله بحب
ليله…..طيب ممكن تفك شويه التكشيره دي
عشري…..بابتسامه حاضر
سابها وراح خد اربع علب سجاير و بعدين خرجوا من الدريسنج و راح عشري قفل كل حاجه في البيت
وقفت ليله بره مشتنياه و هي بتبص علي البيت و بتفتكر كل لحظه تدت عليها من اول ما دخلت لحظه انهيارها لما عرفت انها اتجوزت و لحظه انهيارها وهي بتكسر في البيت و انهيار عشري و هو بيكسر هو كمان و هما بيتفرجوا غلي الفيلم و هما بيتكلموا لما تعب و فضلت مستنياه سبع ساعات قدام الشباك
لما هديت و خافت عليه و اهتمت بيه لما انهارت في حضنه كل لحظه حتي لو كانت لحظه وجع و انهيار بالنسبالها كانت من احلي لحظات حياتها.
عشري…..حبيبي انا خلصت سرحانه في ايه
ليله….بابتسامه ولا حاجه يلا انا جاهزه
مدلها كفه مسكت فيه و راحوا مع بعض علي الباب فتحلها و خرجها و بعدين نزلوا
راح فتحلها الباب بتاع العربيه ركبت و بعدين ركب و راحوا علي بيت اهله .
نزل عشري خبط و راح نزلها مسك كفها و دخلوا علي البيت.
عشري…..ازيك يا فاطمه
فاطمه….الحمد لله
ليله…..بابتسامه ازيك يا فاطمه
فاطمه….الحمد لله يا ست ليله اتفضلوا ست امينه مستنياكم جوه
عشري…..حد من البنات جوه
فاطمه…..ايوه كلهم بس عارفين ان حضرتك جاي و عاملين حسابهم ادخل
عشري…ادخلي يا ليله الاول عشان لو مش جاهزين
ليله…..حاضر خبطت ليله علي الباب ودخلت لمحت امينه قدامها سلام عليكم
امينه…بابتسامه وعليكم السلام يا جلبي الله اكبر الله اكبر
حضنتها ليله بحب
عشري…..كيفك يا ست الكل
امينه…..تعالي يا ضنايا
سلم عشري عليها و باس ايديها
امينه…..طمني عليك
عشري…..زي الفل اهو
امينه…..ايه الجمر دي يا محمد
عشري….بابتسامه تجنن مراتي قمر اصلا
ابتسمت ليله بسعاده
امينه….تعالوا جوه البنات في المجلس مستنينكم
دخلوا معاها ابتسمت ليله من بره الباب للبنات قاموا بسرعه وراحوا يسلموا عليها
ملك…..ياقلبي يا قلبي و حشتيني اوي
ليله….بضحكه جميله انتي اكتر يا ملك
ساره…..ايه القمر والحلاوه دي يا احلي عروسه
ليله…..اهلا بالقمر الصغنن عامله ايه يا ساره
ساره……الحمد لله والله بخير انتي اخبارك ايه
ليله….انا زي الفل ازيك يا كارين
كارين….بابتسامه الحمد لله انت كويس
قربت منها وضمتها
ليله…..بضحك انا كويس لا انا كويسه
ضحكوا كلهم و سلموا علي عشري و سالوا عن صحته
ليله…..اخباركم ايه يا بنات
ملك…..بخير والله انتي طمنينا عليكي اخبار النفسيه ايه الوقت
ليله….بابتسامه لا زي الفل الحمد لله والله
امينه….اجعدوا يلا
عشري….لا يا امي مستعجلين والله لسه عندنا مشوار قبل ما نروح لرشيد ليله بس جايه تسلم عليكم عشان ماشيه خلاص
ساره….ايه ده انتي مش راجعه تاني
ليله….بابتسامه لا خلاص بقي الحصار اتفك
ضحكوا ملهم عليها
ليله….بابتسامه انا بس جيت اسلم عليكم و اقولكم شكراً علي كل حاجه حلوه شكراً علي اهتمامكم و رسايلكم الجميله و كمان حبيت اسلم عليكم قبل ما امشي
ملك….ان شاء الله ترجعي في اقرب وقت و انتي احلي عروسه
ساره….احنا مفيش بينا شكر يا ليله انتي خلاص بقيتي واحده مننا
ليله…..عارفه يا ساره والله بس ده حقكم عليا و يعني اسفه لو كنت ضايقت حد فيكم لما جيت هنا اول مره متزعلوش مني
ملك….محدش فينا زعلان ابداً منك انتي اللي متزعليش يا ست البنات
امينه…..ان شاء الله ترجعي جريب بيتك يا احلي عروسه
ليله…..ان شاء الله يا ست الكل واكيد يعني هشوفكم قبل ما اجي طبعاً
امينه….اكيد يا جلبي خدي بالك من روحك
ليله….حاضر مش عايزين مني اي حاجه
امينه….عايزينك طيبه
ليله….بابتسامه مش هوصيكم علي عشري بقي
امينه….بضحكه جميله في عيوني و في امانتي لحد ما ترچعي و تستلميه بروحك
ليله…..بضحك خلاص اتفقنا يا امونه
سلمت عليهم كلهم و سلم عشري عليهم و بعدين خرجوا ركبوا
ليله…..خساره مشوفتش عشري حبيبي
عشري….بايتسامه تلاقيه في اي كافيه يا رخمه
ليله….طب وديني اسلم عليه
عشري….هنتأخر
ليله…لا مش هنتأخر الكافيهات في طريقنا بره عالشارع و لا انت بتتلكك يا بلطجي
عشري….بضحك اه بتلكك بصراحه
ضحكت ليله و خدها عشري بالعربيه علي اول كافيه لقوا ابوه و عمر و علي و محمود
نزل عشري فتحلها الباب و دخل بيها علي الكافيه قدام الكل
وطول ماهو داخل كل الويترات بيسلموا عليه باحترام
لمحهم عشري و علي قاموا و ابتسموا
عشري…..هلا يا بااااه
عشري الاب….هلا بالزين و هلا بالزينه
عشري….بابتسامه ليله جايه تسلم عليك يا اباااه عشان بترچع البوم بيتها
ليله….بابتسامه اشوف وشك بخير
عشري الاب….بأبتسامه تجنن اشوف في احسن حال تعالي
حضنها بحب و طبطب علي ضهرها
عشري الاب….متتأخريش علينا
ليله…..لا مش هتأخر ان شاء الله قول لابنك بقي هو اللي يستعجل
عشري الاب…..بضحك انا اللي هستعجل سيبيها عليا
عمر…..ترجعي تنوري بيتك قريب
ليله…..تسلم يا عمر
عشري الاب……بهمس لعشري بس ترجع المسا بتيجي علي البيت عايزك ضروري
عشري…..في شي
عشري الاب….لا لما ترجع بحاكيك
عشري…..تمام
علي…..هتوحشينا يا لولي
ليله…..بضحك حبيبي و اخويا انتوا اللي هتوحشوني والله محمود شكراً بجد تعبتك معايا كتير
محمود….تعبك راحه يا غاليه ترجعي بيتك قريب ان شاء الله
ليله…..ان شاء الله
عمر خد عشري بره شويه و ساب ليله بتتكلم مع ابوه واخواته
عشري….خير
عمر….ابوك قالك
عشري….قالي ايه هو بيقول بيريدني لما ارجع المسا
عمر….طيب اسمع عشان لازم تعرف مريم مش ساكته
عشري…كيف مش ساكته هي رجعت تاني
عمر….اول امبارح بليل سليمان اخوك شافها نازله من بيتهم شافته وشافها بس متكلمش معاها و امبارح انا وعلي و سليمان شوفناها وعملنا روحنا مش شايفينها بس هي اللي بدت الكلام و بطريقه مش زينه وقفت قصاد علي تقولوا خير في حاجه مالكم باصين باستغراب كده ليه انا نازله من بيتي كنت هرد عليها بس علي وقفنا وقال محدش يرد
اليوم لقيناها من شويه داخله علينا اول ما لمحتها منعتها تدخل و خدتها بعيد و ابوك جالنا علي بره قالت لابوك تعرفك انها هارجع بيتها حتي لو غصب عنك و اي حد هيمنعها هتبلغ الشرطه ابوك شد معاها وانا متحملتش سكتوني عنها بالعافيه بجحه و رخيصه و مش عارف ايه اللي جرالها بالظبط حاسس انها مش في وعيها.
عشري يعني ايه رجعت
عمر …لا حسيت ان كلتم ابوك خوفها شويه و قالها امشي عشان محمد شويه و بينزل هو ومرته ولو حد فيهم لمحك مش هيسمي عليكي
قالت هتمشي بس هترجع تاني و هتعيش في بيتها و محدش بيمنعها بص يا محمد انا مش عارف هي ناويه علي ايه ولا جايبه البجاحه دي منين و بأي وش بس احنا مش رايدين مشاكل و فضايح يا ابن ابويا
ابويا كلم ابوها عشان يحذره قاله مليش دعوه بيها انا منعتها وهي اللي مش راضيه انا ومراتي ملناش دعوه احما سيبنا المكان و ريحناكم
يعني الواضح اللي بينهم بقي صعب متعرفش اتبري منها ولا ايه بالظبط بس البت بتتكلم ببجاحه و مستبيعه كنها معندهاش حاجه تخسرها او تبكي عليها انا عرفتك بس عشان تظبط امورك و ميحصلش حاجه تاني بينك و بين ليله بسببها كمان يا محمد لو فعلا رايده ترجع بيتها من رايي تسيبها في حالها وتعتبرها كنها مش موجوده و تعرف ليله كمان لان البت شكلها عايزه مشكله بقولك مش في وعيها واحنا مينفعش نمنعها تقعد في بيتها مش من حقنا ابوها عمل بالعيش والملح و خاف من الفضايح ومشي بس البت بعد ما اتعرف سرها مبقاش يهمها
عشري….بغضب بسيط عشان ليله متاخدش بالها يبقي جات لقضاها ولو فكرت بس تبوظ علاقاتي بليله مره تانيه و رب العباد بخلص عليها
عمر…..محمممد بلاش جنان
عشري….يحلها المولي يا عمر
عمر….ارجع بس المسا و بنحكي
عشري…تمام راحوا عليهم تاني
علي….بضحك هنكسر الدنيا
ليله….بضحك هنشوف بصت لعشري بهدوء
عشري…طيب احنا جينا نسلم عليكم و نمشي بتريدوا شي
عشري الاب…..سلامتكم خدي بالك من روحك يا ليله
ليله….حاضر يا حبيبي اشوفكم علي خير
سلموا عليهم و خدها عشري من كفها وخرجوا راحوا ركبوا واتحركوا.
ولع عشري سيجاره و شغل اغاني
ليله…..عشري ارفع الشباك شويه الهواء جامد اوي
عشري….بردانه
ليله….لا بس مضايقني
عشري…..كده كويس ولا اقفلوا خالص
ليله….لا كويس كده فضل مشي خلاص
عشري…..اه اكيد راح علي نعيمه ياخدها
ليله….هو انت مالك وشك متغير ليه
بصلها عشري وسكت مكانس عارف يقول ايه و مش عارف يسكت و لا يصارحها مكانش حابب يرجع يكدب تاني لانه كان عارف ان كده مريم مش ناويه علي خير و اكيد مش هتسكت و هتعمل اي حاجه في وجود ليله و لو عرفت ليله بعدها هترجع تزعل انه خبي عليها تاني
ليله….بهدوء ابتسمت سرحان في ايه لو مش حابب تقولي قول مش حابب بس اوعي تقول اي حاجه غير اللي قلب وشك كده
بصلها عشري بهدوء و ركن العربيه و حكالها كل اللي حصل
ليله….بابتسامه هو ده بقي اللي مضايقك
عشري…..اكيد ليله و الله العظيم من اخر مره شوفتها بعد ما انتي مشيتي مشوفتهاش تاني و سافرت وراكي و لما رجعت معرفش عنها حاجه و سابوا البيت
ليله…مش محتاج تحلف يا عشري و بعدين انت قولتلي اللي حصل بكل صراحه يعني انا مصدقاك و يلا اطلع بالعربيه عشان منتأخرش و فك شويه الموضوع مش مستاهل
عشري…..يعني ايه
ليله…..يعني مش مستلهل با قلبي تضايق ولا مستاهل اننا نتكلم فيه اصلاً يلا اطلع
بصلها بهدوء ابتسم و هز راسه و طلع تاني
فضلوا يتكلموا و يضحكوا و مكانوش مركزين علي العين اللي بتراقبهم من اول ما طلعوا.
………………
عند عدي كان مضايق انه بيتصل علي تقي و مش بترد و شافت رسالته و مردتش
اتصل عليها تاني مردتش فا بعتلها رساله.
عدي…..تقي بتصل بيكي من بدري مش بتردي و شوفتي الرساله مردتيش انتي كويسه طمنيني؟؟ عليكي ؟؟
شافت تقي الرساله وبصت عليها بزعل و مردتش بردوا
بعدها بحوالي نص ساعه شاف عدي انها شافت الرساله و مردتش بردوا فا بعتلها تاني
عدي…..هو في ايه ليه بتشوفي و مش بتردي علي فكره انا قولتلك اني بضايق من الحركه دي عرفيني في ايه ؟
لمحت تقي الرساله من بره غمضت عينها بخنقه فظيعه
تقي…بهمس مش هينفع يا عدي مش هينفع عارفه انك هتضايق و تزعل من الطريقه دي بس انا قاصده اعمل كده عيزاك تزعل وتاخد موقف و تبعد يا عدي عيزاك تحس اني تجاهلتك و مقدرتكش و تاخدها علي كرامتك لان هو ده الحل قربنا من بعض مش صح من الاول.
…………………
عند ليله و عشري.
ليله….حبيبي بقولك ايه
عشري….قولي يا عمري
ليله….الساعه الوقت سته ونص و احنا يادوب متحركين خلينا نأجل مشوار اميمه ده لاي وقت تاني عشان منتأخرش علي ايمي و رشيد
عشري……انا عادي معنديش مشكله خلينا نروح
ليله…..لا لا خليها يوم تاني احسن انا عارفه اميمه مش هترضي تسيبنا بسهوله
عشري….طيب عرفيها بقي عشان ميبقوش مستنين عيب
ليله….حاضر هكامها حالاً
عشري…..بقولك ايه انا هجيب قهوه تشربي
ليله….ماشي
ركن عشري قدام محل بن كبير و نزل
ليله…..الووو
اميمه…ايوه يا قلب اختك
ليله…..عامله ايه يا حبيبتي
اميمه….زي الفل ايه انتوا فين ؟
ليله….بقولك ايه يا اميمه احنا هنأجل انهارده معلش حقك عليا اتأخرنا و لسه يادوب متحركين من البيت خليها يوم تاني حتي عشان نعرف نقعد معاكم براحتنا شويه انهارده انتي عارفه هنروح لايمي
اميمه…..طيب يا حبيبتي اللي يرحكم تعالوا اي وقت
ليله…..ماشي يا قلبي متزعليش والنبي ها
اميمه….ازعل ابه يا عبيطه اتبسطي انتي و عشري انتي مروحه اكيد صح
ليله…اه مروحه بصي لو عشري بكره بليل فاضي ممكن اخليه يجيبني و يكون احمد رجع و نجيلكم مع بعض تمام
اميمه…..ماشي زي ما تحبي احمد بيكون هنا علي سبعه تعالوا و نتغدي سوا
ليله…..خلاص هظبطها مع عشري و هتصل اظبطها معاكي اتفقنا
اميمه….ماشي يا نور عيني
ليله….بوسي حمزه ونوح
اميمه….بابتسامه حاضر
ليله….يلا باي
اميمه….مع للسلامه يا حبيبتي
قرب عشري من الشباك و شاورلها تنزلوا
ليله….مش راضي
عشري….بضحك افتحي المفتاح يا هبله
ضحك ليله و دورت العربيه الشباك اتفتح خدت منه القهوه
ليله….انا هبله
عشري…..انتي قمر
ليله….طب يلا اركب الجو برد عليك
راح عشري ركب حط القهوه جنبه و طلع بهدوء بالعربيه ولع سيجاره خد نفس و مد ايده لليله
ليله….بضحك خير
عشري….بضحك ايه مش عايزه
ليله….خدتها لا بس يعني كان في واحد من شويه مش موافق
عشري….علي فكره كنت بخليكي تشربي عادي في العربيه
ليله…..بابتسامه ماشي يا سيدي شكراً لكرم اخلاقك
ولع سيجاره ليه وهو بيضحك بص قدامه
و فجأه لمح عربيه جات بسرعه من جنبه و وقفت قدامهم قطعت طريقهم
ليله….حاسب يا عشررري
عشري….ايه الغبي ده وقف كده ليه؟
فرمل عشري و وقف
وفجأه نزلت مريم من العربيه بص عشري بصدمه و غضب عليها
اتصدمت ليله و بعدين ابتسمت بشر
خدت نفس من السيجاره وهي بصالها
عشري….جات لقضاها فتح الدرج اللي في التابلوه حط ايده علي مسدس
مسكت ليله كفه بسرعه و بصتلوا
ليله….بابتسامه اهدي يا مجنون اهدي خالص انت بتعمل ايه
عشري…..سيبي ايدي يا ليله انا جبت اخري
ليله….ايه طب مش تختار حاجه تستاهل تتحبس عشانها فين عقلك يا بلطجي عايز تسيبني لوحدي
بصلها عشري بغضب و هو بياخد نفسه
ليله….سبب اللي في ايدك واقعد ورجع ضهرك لوراء
ساب عشري المسدس غمض عينه و حاول يسيطر علي نفسه
بص قدامه كانت واقفه مريم قصاد العربيه و مربعه ايدها و بصالهم بغضب
ليله….بابتسامه انزل شوفها عايزه ايه
عشري….لو نزلت هقتلها
ليله…..عشري مالك من امته و دراعك سابق عقلك
عشري….مبقاش في عقل بسببها كنت هخسرك و هخسر نفسي و هتغفل و معنديش استعداد اخسرك مره تانيه
ليله…..بحب مين قال انك هتخسرني يا عبيط انا معاك غصب عنها و عن اي حد خليك هادي لو بتحبني بجد
عشري….بحبك يا ليله
ليله….يبقي انزل شوفها عايزه ايه و خلينا نمشي عشان نلحق مشوارنا تحب انزل معاك
عشري….بابتسامه انا مراتي متنزلش و تتعب نفسها عشان حاجه رخيصه اقعدي في مكانك
ابتسمت ليله و هزت راسها بهدوء
فتح عشري الباب و نزل بصت لياه علي مريم كانت واقفه باصه علي ليله بحقد ابتسمت ليله و نفخت الدخان بهدوء.
قرب عشري منها بغضب و وقفوا قدام ليله بالظبط
عشري…..هو انا مش قولتلك بلاش اشوف وشك مره تانيه عشان لو شوفتك هقتلك ..
فتحت ليله الباب بهدوء و مشيت بمياعه تجنن و السيجاره في ايدها
بصلها عشري و بصتلها مريم بغضب عين ليله مكانتش عليها كانت علي عشري و مبتسمه قربت منه و حطت ايدها علي ضهره حضنتوا من وسطه و وقفت ساكته و بصاله
مريم…..ابتسمت بشر اسمعني كويس يا محمد انا بسببك خسرت كل حاجه خسرت نفسي وامي و ابويا و سمعتي
مريم….يعني من الاخر مبقاش في حاجه مخسرتهاش و مش باقيه علي اي حاجه
ليله كانت باصه بعيد و مبتسمه و مش جايبه عينها عليها كأنها مش موجوده عماله تشرب سيجارتها و في حالة سعاده متتوصفش.
مريم….بيتي انا هرجعوا و لا انت و لا اي حد من عيلتك هيقدر يمنعني انت فاهم انا مش هسيب بيتي عشانك و اوعي تفتكر يا محمد ان زايد دي بتاعتك و انت الحاكم فيها تقول مين يقعد و مين ميقعدش انت فضحتني و خلصت
عشري…..انا فضحتك قدام اهلك و اهلي بس و رب العباد يا مريم فكري بس ترجعي لا هخلي سيرتك علي كل لسان و محمد اللي كان راجل معاكي و ساتر عليكي و اللي تربيته متسمحلهوش انه يفضح ست هو نفسه محمد اللي عادي جداً يقدر يفضحك و يبين حقيقتك الوسخه و يخليكي مش قادره ترفعي راسك و تحطي عينك في عين اي حد اوعي اوعي تفكري تهدديني لان اللعب معايا مش هيعجبك واه انا مش حاكم في زايد بس لو حبيت هبقيييي و انتي عارفه محمد عشري و عيلته سيطهم واصل لفين كويس اوي
مريم….اسمعني انا مش عايزه منك اي حاجه مش عايزه غير اني ارجع بيتي و بس انا مش خايفه من تهديدك ولا خايفه من الفضيحه قولتلك مبقاش في حاجه ابكي عليها بس ياريت نمشي مع بعض بالحب انت في حالك و انا في حالي انا عايزه اربي اللي في بطني في هدوء
عشري…..مش هيحصل يا مريم علي جثتي رجوعك
مريم…..هرجع عشان انت عارف كويس لو مشتها قانوني مش هيبقي فيها خير عليك هروح ابلغ و هقول انك مانعني ادخل بيتي وهقول كمان انك مخلي سيرتي علي كل لسان و مش بعيد اتجنن اكتر و اقولهم ان انت اعتديت عليا
عشري…..بابتسامة صدمه يا بجاحتك انتي ازاي اصلا مش مكسوفه من نفسك وانتي واقفه تتكلمي قدامي كده طب اعلي ما في خيلك اركبيه اقولك حاجه كمان قيل ما تروحي تقدمي بلاغ روحي افضحيني في المنطقه قبل ما انا افضحك قوليلهم ان محمد عشري اعتدي عليا و سختي سمعتي بس اوعي تزعلي لما اوسخ سمعتك و اطلب تحليل dna للي في بطنك و اطلب منك تعويض و رد شرف
مريم….بإرتباك محمد خلينا نخلص من الموضوع ده انا هرجع بيتي لا هفضحك و لا هتفضحني كل واخد فينا يعيش حياته
عشري….هو انتي فاكره اني خايف من الفضيحه يابت فوقي انا لو حتي انا اللي عملت فيكي كده انا راجل خافي علي سمعتك انتي
مريم…..محمد انت رجعت لحياتك تاني و عرفت تضحك عليها بكلمتين بصت لليله وهي بتبتسم بشر. ليله كانت مبتسمه و هي حاضنه عشري من وسطه و هو ايده ضماها مبصتلهاش و كملت سيجارتها
مريم…..يعني من الاخر عرفت ترجع حياتك تاني عايز مني ايه بقي سيبني انا كمان اعيش حياتي بطريقتي
عشري…..ضحكت علي مين بكلمتين ليه هي ليله شبهك رخيصه
مريم….خد بالك من كلامك يا محمد و افتكر اني قولتلك معنديش حاجه اندم عليها هي فعلاً مش شبهي و لا تطول تبقي شبهي
ضحكت ليله بهدوء و هي باصه بعيد و حطت السيجاره في بوئها
