لقاء كـ،ـ،ـارثي

لقاء كارثي
أميره أسامه
صاحبة البطل الواحد

. البارت الثامن و السبعين .

………………………

عند ايمي و رشيد في البيت..

ايمي….والله العظيم لا شكلها مقرف ولا بشع وبعدين ده حرق يا نوني عيزاه يكون عامل ازاي

رشيد…..خدي بالك هي هديت كتير عن الاول يعني كل ما الوقت يعدي عليها هتلاقيها اتحسنت كتير

نعيمه….لا هي هديت فعلاً بس انا بتكلم عن الشكل

رشيد….انتي بدأتي تحطي عليها كريمات التجميل ولا لسه

نعيمه….لا لسه الدكتور قالي لما الجرح نفسه كله يخف خالص يعني لما تبقي ايدي عاديه مفيهاش جلد ميت او جروح لسه مخفاش هو قالي لما تحسي ان الجلد خلاص املس و طبيعي

رشيد….هي الجزء اللي عند صباعك الكبير دي الجرح فيها لسه حي شويه بس الباقي خلاص

نعيمه….اه بالظبط

ايمي….انتي بس حطيلها المضاد الحيوي متسيبيهوش خالص غير لما يخف

نعيمه….ما انا بعمل كده

رشيد….وبلاش بقي تغطيها تاني خليها تتعرض للهواء طول ماهي متغطيه هيبقي في رطوبه و الجرح هياخد وقت

نعيمه….انا فكيتها خلاص

ايمي….ما انتي كنتي جايه ربطاها انا اللي خليتك تفكيها

نعيمه….عشان شكلها مقرف يا ايمي و مش عابزه حد يضايق

ايمي….نضايق من ايه انتي هبله

رشيد…والله مافيها حاجه و بعدين شكلها مش مقرف و بطلي تقولي كده علي فكره طول ما انتي نفسيتك كده مش هتخفي بسرعه

ايمي….متربطيهاش تاني خلي الجرح يخف عشان نحط بقي كريمات التجميل و نخلص

نعيمه…..حاضر
………….

فضل و حسان و سلمي كانوا قاعدين يتكلموا مع بعض

حسان….انا نقلت كل حاجه في الاوضه خلاص بكره ان شاء الله تامر هيبدأ

فضل…..الشقه كلها فضيت

حسان….فيها حجات بسيطه اوي انت عارف انا مكنتش قارشها كلها زي رشيد و في حجات اصلا كنت عايز اقولك انت او عشري عليها لو عايزنها للشباب بتوعكم

فضل…..حجات زي ايه

حسان……يعني اوضتي كلها مش عايزها انا خدت سرير من السراير اللي كانت في الاوضه التانيه صغير كده ده اللي هنام عليه التاني فكيته و بردوا مش عايزه و حاجة المطبخ كلها بردوا مش محتاجها و كان في الانتريه اللي بره ده برده مش عايزه

سلمي….لو ليهم احتياج للشباب دي خدوهم صح

فضل….احنا الحاجه بتاعت رسيد حطيناها في شقه للشباب لما يجي عشري نسألوا ممكن ناخدهم للشقه التانيه

حسان…..تمام ولو كده يبعتلي حد بدري ياخدها قبل ما تامر يوصل زي ما عملتوا كده مع رشيد بس لو مش نافعه عرفوني عشان الحق اتصرف

فضل….ماشي بس غالباً هناخدها

حسان….خلاص حلو

فضل…..المهم شيلت حاجتك المهمه عشان متتوهش وسط الدوشه دي

حسان….انا وديت كل حاجه عند سلمي

سلمي…..هو جابلي كل حاجه خلاص

فضل….بس كده شوف بقي اي وقت تحتاج اي حاجه انا معاك

حسان….حبيبي يا فضل اكيد انت مش ناوي بقي تبدأ

فضل…..انا مستني نعيمه تفوق شويه من موضوع الحرق ده لان زي ما انتوا شايفين الموضوع مأثر عليها نفسياً و بصراحه انا مش حابب اضغط عليها و بعد كده بقي هنشوف هنبدأ منين

سلمي…..علي فكره ده انسب وقت تضغط عليها فيه بيتهيألي لو سحلتها معاك في الشقه و التجهيز هتشيل شويه موضوع الحرق ده من دماغها خصوصا ان هي بقالها كتير من وقت ما اتحرقت و هي مش بتنزل شغل ولا عارفه تعمل حاجه فا معندهاش حاجه تفكر فيها غير الحرق عشان كده نفسياً هي تعبانه

حسان…..سلمي بتتكلم صح هي لو اتشغلت في حاجه تانيه الموضوع هيخف كتير و هتبطل تفكر لان انا حاسس انها مركزه اوي في موضوع ايدها و شكلها

فضل…. الله انا معنديش نانع علي الاقل نبدأ واحده واحده بس خايف اكون بضغط عليها

سلمي….لا خالص هتتسلي و هتبقي فرحانه انها بتجهز البيت و هتلاقي اللي يشغلها بص يا فضل اكتر حاجه تتعب نفسيه اي حد تعبان انه ميلاقيش اللي يشغلوا فا الطبيعي انها تركز علي تعبها و ده بيأثر بالسلب علي النفسيه و خد بالك كمان هي خلاص خفت يعني الجرح تقريباً خف بنسبه 90 في الميه فاضل حاجه بسيطه اوي فيه اللي تاعب نعيمه الشكل مركزه مع لون الجلد مع التغيير في الشكل حتي هي المفروض تنزل تشوف شغلها بس لسه مش عارفه تاخد الخطوه

فضل….انا وصيت حد يجيبلي كريمات من بره بس لسه مردش عليا ايمي كمان قالت هتجيب فا لو الكريمات دي جات هرتاح شويه لان انا عارف نعيمه مش هتفك غير لما تحس ان شكل ابدها بدأ يتغير

حسان….ان شاء الله هيرجع اللون زي الاول و الشكل كمان هيتغير

قريت نعيمه و ايمي و رشيد قعدوا

فضل….تعالي يا حبيبي ايه رايك يا سلمي في الخاتم

سلمي…..بابتسامه يجنن يا فضل لسه قيلالها والله شكلوا تحفه

حسان…..ابسطي يا ست نوني خاتم احلي من اللي اتقص اهو

نعيمه….بابتسامه اه جميل اوي

حسان…..بس انا ملاحظ حاجه كده يا ايمي مش واخده بالك انتي انها لبساه في الشمال

ايمي….بضحك اه مستعجله علي الحواز يا عم حسان

نعيمه….بضحك طيب ماهي اللي شغاله الوقت هلبسوا ازاي في اليمين و هي بايظه كده

حسان…بايظه ايه ماهي زي الفل اهي الورم راح والحروق راحت و رجعت زي ما كانت انتي بتتلككي قولي متتكسفيش و انت ياعم فضل خلي عندك دم بتقولهالك صريحه اهي

فضل….بضحك ايه عايزه تتجوزي

نعيمه….لا والله

ضحكوا كلهم عليها

فضل…..بضحك بصلها وهو مصدوم بتحلقي نهارك اسود مش عايزه

نعيمه….بضحك لا مقصدش اقصد يعني اني لبساه كده عشان الحرق

حسان…..لا معلش منتلككش و ابقي البسيه في اليمين ايدك بقت زي الفل خلاص و بعدين بعد كريمات التجميل هترجع احسن اكتر يعني ملكيش حجه

نعيمه….بأبتسامه خلاص يا حسان حاضر هبقي البسوا في اليمين

فضل….بضحك انت مالك انت خليها شمال عشان اللي يشوفها يعرف انها متجوزه

حسان….بضحك لا معلش انا اخوها الكبير و عارف مصلحتها بقي معندناش بنات تلبس في الشمال قبل الجواز لو مستعجل يبقي تخلص البيت بسرعه والا هجيبلها عريس احلي منك

فضل….بابتسامه يرضيكي كده

نعيمه….بضحك اخويا بقي وخايف علي مصلحتي

فضل….يعني يجيبلك عريس احلي

نعيمه…..بأبتسامه لا مش عايزه عيزاك انت بس

رشيد….اووووعي

حسان….اوبااااااا ياللي معندكش دم بعد الكلمتين دول نستعجل بقي

ضحك فضل و حط ايده علي كتفها ضمها و باس راسها..

كانوا كلهم بيحاولوا يضحكوها و يغيروا مودها و يحسسوها ان شكل ايدها عادي و كويس.

بصت ايمي علي عسال و سلامه و نادبن وايه.

ايمي….هما الرباعي المرح دول واخدين جنب ليه

حسان….واكلين دماغ بعض سيبيهم

………………….

سلامه….يوم الاربع بأذن الله المعرض نقدر نقول انه شغال خلاص

ايه….بس من غير افتتاح ؟

سلامه….لا في افتتاح اكيد بس مش افتتاح اللي هو ظيطه وفرح وكده لا بس في ناس مهمه هتكون موجوده و هنعرف كل معارفنا انه خلاص فتح هي العربيات من اول امبارح بدأت تيجي بس رسمي يعني الاربع كل حاجه جاهزه و بعدها عادي خلاص اتفتح و اشتغل

نادين…..عقبال الفرع الميه ان شاء الله

سلامه….يارب يا نودي

عسال…..علي فكره بعد المعرض كمان يعني نقول عشر ايام او اسبوعين مصطفي هيفتح المحل بتاعه

نادين…..خلاص قرب؟

عسال….اه خلاص هو بيفنش الحمد لله

سلامه….بس مصطفي هيكون افتتاح لان ده اول فرع ليه

نادين…..ان شاء الله هعملوا دعايا حلوه

سلامه…..بابتسامه خدي بالك هو مرعوب

ايه….بس هو شاطر و الحلويات بتاعته تجنن و مش تقليديه

سلامه….عارف بس عشان دي اول تجربه و بعدين ده كان حلمه فا طبيعي انه يخاف و شايل هم ان الموضوع في الاول يبقي نايم معاه

نادين….بالعكس مش هيبقي نايم اصلا فكره المحل عنده مش تقليديه اوي يعني ان حد يحب يفصل في مكان هادي و رياق يدخل يشرب قهوته و ياخد الحلو بتاعه و يقرأ كتب دي حاجه جميله اوي يعني فكرته بعيده عن المطاعم او الكافيهات او حتي محلات الحلو التقليديه بتدخل تشتري و تمشي لا ده الحلو في المكان و بتقعد زي نظام بره فرنسا كلها كده علي فكره

عسال…..اه والله الفكره تجنن و بعدين انتي مشوفتيش بقي المكان بعد التعديلات بقي وهم حتي الديزاين بتاعه اللي اختاره حلو بطريقه تجنن لايقه علي جو المكان

نادين….لا متخيله لانه قالي حابب يعملوا ازاي و الاجواء الشتويه عنده مع الدفايات اللي حابب يعملها بالحطب دي بجد تخلي اللي هيدخل هيفضل و مش هيبقي عايز يخرج

ايه…..الوصف ده عايز ناس كمان ليها دماغ مش بتحب الدوشه و بتحب تنعزل كده

نادين….علي فكره و مش شرط بس اللي بيحبوا القراءه يعني لو حد عنده شغل ممكن يخلصوا علي اللاب توب في رواقه كده حد بيذاكر لا بجد هيبقي ناجح اوي

ايه….اكيد طبعاً

سلامه…..لا هو المكان رايق و فكرته حلوه انا واثق انه هينجح ان شاء الله

نادين….ان شاء الله تكون خطوه مهمه في حياته و بدل الفرع يبقي عنده في كل مكان فرع

ايمي من بعيد..

ايمي….هو الرباعي المرح ده مش ناوي يجي يشاركنا القاعده ولا ايه

عسال….بضحكه جميله جايين اهو

قاموا هنا الاربعه راحوا عليهم

سلامه….قولي ان القاعده من غيرنا وحشه اعترفي

ايمي….بابتسامه طبعاً و حشه بصت لنادين قلبي الصغنن اللي واحشني

قربت منها نادبن بابتسامه حضنتها وهي واقفه ايمي كانت قاعده حضنتها من وسطها.

ايمي….القمر ماله

نادين…..بأبتسامه خايفه من لولي اوي

ايمي….بضحك يابت دي لولي لسه مش عرفاها لحد الوقت

حسان….بضحك والله العظيم عابز اقول كده من بدري و مرضتش انا حاسس ان نادبن من اول ما جات وهي مش علي بعضها

فضل… ياستي قولنالكم انها هديت والموضوع خلص

نادين….عارفه بس هي لسه متكلمتش معايا و معرفش رد فعلها

فضل….ولا هتتكلم ليله اصلا مش حابه تتكلم في الموضوع و بما اني شوفتها اكتر من مره بقولك ان والله ما هتعمل اي حاجه ولا حتي زعلانه

ايمي…..بضحك احنا نمشي معاها بنظام خدوهم بالصوت عايزين نستقبلها هي والبلطجي استقبال يخليها تنسي اللي عملناه فيها و لو ناويه علي حاجه تغير رأيها

سلمي…..بضحك ايوه صح نخليها تتكسف و نصعب عليها و نمتص غضبها لو موجود يعني

ايه…..طب هنعملها ازاي دي كملت بضحك انا بقول نستقبلها بأغنيتها

ايمي….والله فكرت فيها

حسان…..بضحك بقولك ايه لو ليله ناويه علي نيه مش تمام محدش هيعرف يغير رأيها او يمتص غضيها غير الجوز دول شاور علي عسال و سلامه

فضل…..بضحك اه الاتنين دول بالذات با ايمي يمشوا مع نظام خدوهم بالصوت يبقوا مطلعينا عن شعورنا و بيعرفوا يلهونا و ننسي اصلا اننا عايزين نتخانق معاهم

رشيد…..بضحك و معاك انت يا فضل بالذات

فضل…..ما انا بقولك عشان حافظهم مبعرفش اخد معاهم حق ولا باطل

سلامه…..بضحك بس خلوها علينا

عسال…..ضحك و بص لسلامه بص احنا مش هنخليها تتكلم و لا تلحق تاخد نفسها نستقبلها استقبال حلو كده بس استقبال اللي هو نحسسها ان احنا اللي لينا حق

ايمي…..بضحك ايوه لبسها الغلط

سلامه….هما جايين امته اتأخروا ليه

ايمي…ليله قالتلي انهم رايحين تقريبا لاميمه الاول و بعدين جايين علي هنا بس الكلام ده من بدري يعني زمانهم جايين المهم انتوا ايه اللي جايبينوا معاكم ده كله بجد

رشيد….ايه كل ده صحيح علي فكره مش حلو كده والله

ايمي…..عايزين لسان حلو دول

حسان…..بسيطه يا ايمي والله

سلامه…..بضحك صعبتوا علينا لسه جايين من السفر و البيت فاضي

ايمي….بضحك طب والله ابداً يارخم البيت في كل حاجه معادا الجبن بس و رشيد جاب كل حاجه امبارح بليل كفي نفسك يا حبيبي

سلامه…..بضحك ياستي ديماً عندكم الخير كله يارب

رشيد…..بت يا يويو تسلم ايدك علي كوبر بجد

ايه….بابتسامه ايه رأيك

رشيد…لا والله الله ينور طلعتي شاطره فعلاً جاي مستحمي و متروق عليه و حلاقته حلوه اوي

ايمي….وريحته اهم حاجه ريحته و بعدين حساه فايق

ايه….طبعاً عايزه اقولكم انه كان زي الزفت كأنه بيلعب في الشارع حميته مرتين عشان شعره ينضف

ايمي….اوعي تقولي لاقيتي فيه حاجه؟

ايه…..قصدك حشرات يعني

ايمي….اه فيه ؟؟

ايه….بضحك لا لا والله نضيف اوي بس اقصد انه مليان تراب و بهدله و ريحته كانت قمر

ايمي…انا قولت لو فيه هطلع عين محمود و اللي طلب من محمود

رشيد….بضحك طب احنا مالنا يعني لو فيه و بعدين محمود شافه بنفسه وقالك انه نضيف هو بس كان محتاج بحلق ياخد شاور كده يعني بقولك ايه يا ايه هو المفروض يعمل الحوار ده كل قد ايه

ايه….مش بالوقت يا رشيد يعني الحلاقه مل ما بيطول لكن الحموم دي حسب انت بتحب ايه يعني هو ممكن الوقت واخد شاور بس يبهدل نفسه بأكل يعمل بيبي و يبهدل نفسه فا ملهاش علاقه كمان بردوا علي حسب الجو يعني لو برد اوي بلاش

فضل…..علي فكره انتي حمتيه في جو صعب امبارح الجو كان قالب خالص

ايه….ايوه بس المحل دافي و انا جففته كويس و اديتوا علاج معين كده زي وقايه بعد الشاور

رشيد…..بضحك ايه دلعتوا

ايه….بضحك اي خدمه كان نفسي اصبغلوا بس خوفت اضرب

رشيد….طب كنتي عملتيها عشان كنت ضربتك انتي و سلامه

سلامه….وانا مالي ياعم هو انا اللي صبغت

ايه….لا والله بضحك انا مش بعمل حاجه من دماغي و بعدين في انواع مستحيل اقرب منها يعني

سلمي….ايه صحيح نسيت اقولك قبل ما انزل سلتمه كام بيرجع و شكلوا تعبان

سلامه ….انا زي الفل

سلمي….بتلقائيه لا مش قصدي انت انا اقصد الكلب

كلهم ضحكوا علي منظر سلامه و بصتوا لسلمي

سلامه…..ومالك بتقوليها بفخر كده ليه

سلمي….بضحك سوري والله مش قصدي و بعدين انا مالي هو انا اللي سميته كده

سلامه….بضحك عاجبك كده

ايه…..استني بس بجد تعبان

سلمي….بصي هو انا معرفش بس لاقيت بابا عمال يكلموا و يقولوا مالك يا قلبي تعبان ليه كنت فكراه بيكلم تامر اصلا

ايمي…..بضحك ابوكي اتجنن منكم لله

سلمي….والله كان هايف عليه هو بيقولي كان بيلعب جنبي وانا بحضر الفطار مش عارفه بقي بلع حاجه ولا هو تعبان

مسكت ايه الموبايل بسرعه و اتصلت علي احمد

حسان….بضحك بصي بسرعه هتطمن علي ابنها

نعيمه….دي مريضه دي كانت بتقعد تعيط علي ميلو لما يتعب

حسان….متعلقه بيهم

فضل…..الحجات دي صعبه في تربيتها خدوا بالكم و بتوجع اوي

سلمي….صراحه اه انا عن نفسي مضطره اني اعيش معاهم عشان خاطرها بس بحبهم و بقيت احس انهم جزء من عيلتنا

احمد….ايوه يا ايه

ايه…..ابوه بابا عامل ايه ؟

احمد…الحمد لله يا قلبي

ايه….بابا هو سلامه تعبان

سلامه…..بهمس مسموع الله ياعن ابو سلامه علي اللي جاب سلامه

ضحكوا كلهم

ايه….يعني ايه مش بيلعب خالص

احمد….لا بيلعب بس حاسس كده انه مش بنفس النشاط بتاعه خايف يكون واخد برد

ايه….طيب كل ولا لا

احمد….لا كل هو و ميلو عادي متخافيش

ايه….طيب كويس طيب بص لو رجع تاني عرفني و لو حسيت انه دافي قولي علي طول

احمد….لا هو تمام متخافيش

ايه…..ماشي يا بابا

احمد…..سلمي علي الشباب كلهم

ايه….بابا بيسلم عليكم كلكم

الجميع…الله يسلموا

ابه….بيسلموا عليك يا بابا

احمد….الله يسلمهم يلا روحي اقعدي معاهم و متخافيش عليه

ايه….اوك يا بابا يلا باي

احمد…سلام يا حبيبتي .

ايمي….بضحك هو ايه اللي لو دافي قولي هو بيسخن زينا

رشيد….اه طبعاً

سلمي…..دي عندها ترموتر ليهم

ايه….بيسخن و بيجيلوا برد و معدته بتتعبوا وبيتعب زي اي بني ادم عادي

ايمي….ياروووحي ده بجد

ايه….بتأثر اه والله و لما بيسخنوا بيرقدوا خالص زي الاطفال

عسال…..وتعبهم صعب علي فكره زي الاطفال الصغيره لانه مش عارف يقولك هو في ايه بس اللي بيربي بيبقي عارف و متعود

ايمي…انا بصراحه مليش في الحيوانات اوي معرفش بس عارفه انها كانت بتقعد تعيط علي ميلو لما يتعب

سلامه….طب قالك تعبان ولا ايه

ايه….هو قالي رجع مره بس بيقولي انه مش بيلعب اوي و قاعد مفيش نشاط يعني

فضل…..خدي بالك ممكن يكون جالوا برد اليومين دول الجو صعب و هو صغير

ايه….لما هروح بقي ابقي اشوفوا كده

رشيد….ان شاء الله مش هيتعب

حسان…..ما تشوفوا كده ليله و عشري فين ؟

رشيد…اه انا جوعت اوي

ايمي….استني هتصل بليله.

نادين…..مستعجلين علي ايه

عسال…..بضحك افضلي انتي شايله الهم كده

فضل…..بضحك هتعلقك يا نادين

نادين….بابتسامه اه حقك ما انت شوفتها و اطمنت

ايمي….انتي فين يا بت

ليله…..بابتسامه ايه وحشتك

ايمي….بضحك لا جعانه

ليله….اه يا واطيه طيب يا ستي احما داخلين عليكم خلاص

ايمي….بجد

ليله….اه والله احنا في الرحاب خلاص

ايمي…..يعني قدامكم قد ايه كده

ليله….امممم ثلاث اربع دقايق بالكتير

ايمي…اااا ماشي يلا مستنينكم

ليله….اوك باي يا قلبي

ايمي….باي. ااااب قولكم ايه قدامهم اربع دقايق يلا اجهزوا رشيد روح انت بقي استقبلهم

رشيد….بضحك ماشي يا مجانين

ايمي….عسال سلامه يلا

ايه….بقولكم ايه صحيح انا جايبه اسبراي بتاع التلج ده

سلامه….بضحك هايته هينفع

عسال….هيبوظولك البيت انا مليش دعوه

ايمي…..مش مهم هخليهم ينضفوا بعدين وانتي وهي قوموا يلا

نادين….مابلاش انا انا عايزه استخبي منها والله

ايمي…..يا بت بطلي جبن بقي اقولك امسكي الاسبراي رشي في وشها

فضل…..بضحك دي عايزه تخلص منك

نادين….بضحك اه والله

……………..

خرج رشيد علي بره فتح الباب الخارجي و وقف يكمل سيجارته و هو بيلعب مع كوبر

دقيقتين بالظبط و وصل عشري ابتسم رشيد اول ما شافهم ركن عشري و شاورله علي الشنطه من وراء.

قرب رشيد فتح الباب لليله و هو بيضحك

رشيد….اهلاً فين عربيه الشرطه

ليله….بضحك انت تاني يا عريس مستعجل علي البورش ليه

رشيد…..مانا رجعت من شهر العسل بقي

ليله…..بضحك لا ياعم ربنا ما يكتبها عليك

رشيد….ايه ياعم القمر دي

عشري….بابتسامه مراتي يا عم عايزها تكون ايه غير قمر

سلم عشري عليه

عشري….بقولك ايه انا مش قادر خد يلا اللي في شنطه العربيه

رشيد….والله انتوا ما هترتاحوا غير لما ايمي تشتم فيكم لسه كانت بتبهدلهم جوه

عشري…..ياعم دي حاجه بسيطه

ليله….كلهم هنا ولا في حد مجاش

رشيد….لا الكل جوه بصلها بضحك بقولك ايه عشان تعرفي اني اخوكي يعني وكده و تشيلها بجميله العيال دي متفقين عليكي جوه

ليله….بضحك كمان ليهم عين الواطين

رشيد….بضحك اه هيستقبلوكي باغاني نظام خدوهم بالصوت

عشري…..بضحك بيسكتوكي يعني

رشيد….انا قولت اقولك عشان تعرفي اني في صفك

ليله….بضحك ماشي يا فتان ايه ده كوبر وحشني

رشيد….شوفتي ايه مروقه عليه

عشري…..لسه والله هقولك شكلوا نضيف

رشيد….اه نضف خالص اقفل عربيتك يا عشري

عشري…..خدت كل حاجه

رشيد….ايه بجد كل ده والله العظيم انت بتهرج

عشري…..خيرك سابق ياعم رشيد

رشيد….ياجدع خير ايه ادخلوا يلا

حط رشيد كل الشنط اللي في ايده علي البار الخارجي في الجنينه هو و عشري

رشيد….بابتسامه يلا جاهزه

ليله…..بضحك جاهزه ياعم

دخل رشيد قدامهم و دخل عشري و هو ماسك كف ليله وراه

زق رشيد الباب و دخل اول ما دخلوا لقتهم ليله كلهم واقفين مشغلين اغنيه العوده من بعد الغياب سلامه و عسال واقفين قدام و بمجرد ما دخلت شغلوا الاغنيه و رشت ايه الاسبراي لفوق غرقت المكان.

ابتسمت ليله بسعاده و تأثر عشري وقف يضحك عليهم و علي جنانهم و يبص لليله و يضمها بحب.

قرب عسال و سلامه شويه منهم و هنا بيغنوا مع الاغنيه.

عسال بص لليله وهو بيغنيلها وهي واقفه تضحك

العودة من بعد الغياب
دايمًا بترعب الكلاب
بابا المجال ده مهما شاب
دايما رجوعه يبقي هيبه
لو خس جسمي يكفى إسمي
جوة المجال ده راعي رسمي
مش فارقة صاحبي ولا خصمي
كله هيدفع الضريبة

بصتلوا ليله و هي بتضحك وبتكمل معاه الاغنيه

ببدأ يومي بالنكش، أنا ما أقولكش، أنا كائن دموي تغلط ما نحلكش، أنا ما بعطلش، أنا سلاح ننوي

ضحك عشري علي ليله مسك عسال و سلامه كفها و سحبوها من عشري و هي واقفه وسطهم تضحك و تبص لعشري وقفوا يرقصوا و يغنوا و اتجنووا مع بعض لحد ما خلصت الاغنيه

حضنتها ايه و بعدين سلمي و بعدين ايمي و سلمت علي الشباب كلهم و الشباب كلهم سلموا علي عشري و البنات كمان

بعدين بصت لنعيمه اللي كانت واقفه مبتسمه و باصه عليها ضحكت نعيمه بهدوء و قربت منها بسرعه ضمتها

نعيمه….وحشتيني

ليله…..حضنتها بحب وانتي كمان يا قلب اختك فضلوا حاضنين بعض

حسان…..بابتسامه قولنا ايه بلاش عياط يا نكديه

بعدت ليله عنها وهي بتضحك و مسحت دموعه نعيمه و بعدين بصت علي ايدها

ليله…..وريني ايدك

رفعت نعيمه ايدها من جنبها اول ما ليله شافتها برقت وحطت ايدها علي وشها راحت نعيمه معيطه

عشري….اوووووف

ايمي…..ايه ايه زي الفل انتي شوفتيها بعد ما خفت شويه

ليله …يانهار اسود ومنيل امال هي كانت عامله ازاي

فضل….بضحك اقول علبكي ايه يا ليله ما صدقتا سكتناها

عشري…..لا بصي هي هتخف والله بس انتي متأكده ان دي مايه مش زيت

نعيمه….بدموع مايه والله

ليله….بتأثر طب بطلي عياط و النبي خدتها تاني في حضنها هتبقي كويسه و حياة ربنا

نعيمه…..بدموع شكلها وحش يا ليله اوي

ليله….لا والله مش وحشه ولا حاجه انا بس اتخضيت عشان كنت فاكره انها اصغر من كده بس لو علي الشكل هيروح المهم متبقاش وجعاكي

عشري….ملكيش دعوه بالشكل هي وجعخا خف

نعيمه…اه كتير الحمد لله بس مقرفه يا عشري

عشري…ولا مقرفه ولا فيها اي حاجه الغمقان ده كله من الحرق مش اكتر و كل ده هيروح بالكريمات سيبها عليا انا دي هجيبلك حاجه زي السحر كده هتخفي كل ده فكرني اتصل علي ناصر

فضل…..اتصلت عليه متقلقش

عشري….طب يا ستي خلاص انسي بقي الشكل ده خالص

ليله….بطلي عياط بقي

نعيمه…..بابتسامه وحشتيني اوي

ليله….بابتسامه انتي اكتر والله كل ده عشان تاكلي لوحدك امال لو كنت قولتلك اكليني معاكي

نعيمه….بضحك كنت ولعتلك في البيت

ليله….راجع نفسك يا عم فضل قبل ما تدبس

فضل….بضحك لا هطبخ انا وامري لله

نادين بعد ما سلمت علي عشري فضلت واقفه في مكانها متوتره جداً وشها احمر اوي كفها في رعشه بسيطه عينها جات في عين ليله مره و هي بتحضن نعيمه و ليله بصلتلها بس مكانتش قادره تقرب و خايفه جداً من رد فعلها

عسال….بأبتسامه ايه يا لولي مش هتسلمي علي الباقي شاورلها علي نادين

ليله….ابتسمت ورفعت حاجبها مش لما الباقي يخرج من وراء ضهرك بدل ما هو مستخبي كده ياعم ميدو

عسال….بضحك لا انا بعيد اهو مليش دعوه

ايمي….يابت ارحمي البت الغلبانه دي بقي شايله همك من الصبح

بصتلها ليله بابتسامه جميله بصت نادين عليها و مقدرتش تسيطر علي نفسها و دموعها نزلت قدامهم

ادتهم ضهرها بسرعه

عسال….لا لا لا اوعي تعملي كده

راحت ليله عليها بسرعه و خدتها في حضنها

ليله…..تعالي يا جزمه و حشتيني

حضنتها نادين و فضلت تعيط

ايمي…..و الله كنت عارفه

عشري….ايه يا نودي بقولكم ايه كله الا نودي دي اختي دي اللي وقفت معايا

ليله….بطلي عياط يا جزمه و الله هعيط و الميك اب لو باظ هقتلك

نادين….متزعليش مني والنبي

ليله….والله العظيم مش زعلانه لا منك ولا من غيرك اسكتي بقي يابت هو موحشتكيش بتقابليني بعياط كده

عسال….بابتسامه نودي كفايه بقي قولتلك ليله مستحيل تزعل منك

ليله….هي عارفه اني مقدرش ازعل منها اصلاً بعدتها عن حضنها و مسحت دموعها صح

نادين….بدموع هزت راسها وحشتيني قوي

ليله…..انتي وحشتيني اكتر و علي فكره يعني يا غبيه انا قولتلك اني مش زعلانه بس انتي مخدتيش بالك

نادين….انتي قولتي انك زعلانه مني اكتر واحده

ليله….بابتسامه اه بس لما بعتي المسدچ علي موبايل عشري كان في ايدي و اللي رد عليكي انا مش عشري يا غبيه

نزلت دموع نادبن اكتر وحطت ايدها علي وشها

ضحكت ليله و ضمتها بحب

ليله…..اسكتي بقي والله العظيم هزعل منك بجد

عشري…..مسدچ ايه مش فاهم

ليله…..وهي حضناها ضحكت كانت بعتالك رساله عايزه تطمن عليا و بتقولك يعني كلام كتير كده عيزاك تتوسطلها عندي بس حظها بقي انه كان في ايدي و رديت عليها

عشري….طب يعني مش زعلانه اهو يا نودي فكي بقي

بعدتها ليله و ابتسمت

ليله…..بحبك يا جزمه انتي و الجزم دول و مستحيل ازعل من حد فيكم

عشري…..ااااااه بس انا زعلان من اتنين كده و كنت حالف اطلع عينهم بص علي سلتمه و عسال

عسال….بضحك طب بص انا عارف ان الكلام علينا بس انا هقولك

عشري…..لا لا تقولي ولا اقولك يا واطي منك ليه

سلامه…..في ايه ياعم داخل سخن ليه ما انا كلمتك علي فكره

عشري….كلمتني ايه يا واطي منك ليه مره ولا اتنين و عشان عرفتوا اني عامل عمليه

سلامه…..طيب لو مكناش هنكلم وانت عامل عمليه هنكلمك امته

عشري…..لا يا شيخ هو انا ياض منك ليه المفروض اموت قدامكم عشان تسألوا عني

عسال ….بضحك استهدي بالاه فضل الواطي شمتان فينا و بيطلعلي لسانه

عشري….خد بالك انا مش طايقك انت بالذات اكتى من عشر ايام متسألش فيا

عسال….بضحك فين ان ده انت شارب ولا ايه ياعم ما كلمتك

عشري…..كلمتيني مرتين مره لما عرفت من فضل اني عملت عمليه ومره تاني بعدها

عسال….بضحك علي فكره انت بتنصب و بتيجي عليا و بعدين اشهدي عليا يا لياه يلا خلينا نفضح بعض بقي احنا كنا متفقين ان هو اللي هيتصل بينا يطمنا و محدش فينا يتصل عليه عشان كان مخبي الموبايل منك

ليله….بضحك انشروا غسيلكم الوسخ يلا

سلامه….بضحك اه صح جدع يا عسال والله فعلاً احنا متصلناش عشان كده و بعدين لما ايمي كانت بتتكلم معانا كانت بتقول ان الموبايل بتردي عليه فا بصراحه بقي كنا خايفين منك

ليله…..يلا اعترفوا علي بعض

عشري ….بضحك عاجبكم المسرح ده

عسال…..بضحك انت اللي بدأت

ليله…..حرام عليك يا مفتري انت اللي متفق معاهم

عشري….اسكت يا واطي مسمعش صوتك فرحان ياض بمكالمتين بدل ما تيجوا تبصوا عليا انا مليش غير حسان بمجرد ما عرف جالي

حسان….صراحه حقك انفخهم

عسال…..بضحك يا عم البوتجاز اهدي هو مش ناقص

عشري….ويسكت ليه ما عنده حق هو مستناش و رسيد نحطه علي جنب لانه معرفش اصلا غير امبارح لما رجع و لو كان عرف كان جالي

فضل…..ايه ياعم جيت عليا و قصيت ما انا معاك و جيتلك و شوفتك اكتر من مره

عشري…..وحيات امك انت عايز انت كمان متسألش

فضل….بضحك لا انا بفكرك بس

عشري…هما الحوز دول

سلامه…..ياعم كنا خايفين من ليله

ليله…..بضحك يخربيت ليله لا بقولك ايه انت وهو انا قاعده ادافع عنكم بس هو معاه حق بقي مالها ليله امنا الغوله هتاكلكم

عسال….بضحك لا اوعي تقلبي علينا خليكي في ضهرنا

عشري …بابتسامه ماشي يا عم عسال مش هقولك مردوده عشان انا اجدع منك

عسال….ياعم انت اجدع بس نتكلم جد بقي اسألهم قسماً بالله كنت هموت عليك و انت عارف ده كويس و متحورش واللي كان مانعني اني لسه مش متأكد من الدنيا بينم و بين ليله و مكنتش حابب اجي واعملكم لغبطه فاهمني بس والله كنت هموت واجيلك

سلامه….والله العظيم انا كمان زيه و اسأل الواطي اللي عمال يطلع في لسانه ده سألناه عليك قد ايه

عشري….بص لفضل بضحك ما تتلم يا رخم انت مالك و مالهم

فضل…..بضخك ياعم خلاص هسيبهم عشان خاطرك انت بس الشهاده لله و العظيم طول الوقت كانوا بيسألوا عنك و يومياً لو مشوفتهمش لازم يتصلوا

رشيد….خلاص امسحها فيا انا يا عشري

عشري…..بابتسامه اصلحهم يعني

رشيد…بضحك اه غلابه

عشري…..بضحك ماشي باعم صالحتكم

عسال…..بضحك طب هات بوسه

عشري…..بضحك تعالي

سلامه….وانا اللي وقفت علي الدي چي و استقبلتكم مليش بوسه

عشري….بضحك لا ياروح امك انتوا كنتوا واقفين تستقبلوا ليله عشان تضحكوا عليها رشيد فتن عليكم

سلامه…..بضحك اه يا واطي

ايمي….بضحك انت فتنت علينا

سلامه…..جوزك واطي يا ايمي

رشيد….بضحك انا قولت اقف مع الكارت الربحان و خدت صف ليله اضمن

ليله….بضحك باعكم

عسال…..ده ميتقالش قدامه حاجه

ايمي…لا ده فتان مش هنتكلم معاه تاني

رشيد….بضحك بيسخنوكي عليا ملناش غير بعض

ايمي….بضحك بس يا فتان

رشيد….طيب احنا مش هناكل ولا ايه

ليله…..علي فكره انا هموت من الجوع

ايمي….حالاً يلا ظبطوا السفره كده مع بعض

رشيد….الاكل برد

سلمي….لا لا انا حطيتوا في الفرن و سخن خالص يلا يا بنات تعالوا خدوا معانا

ليله…..استنوا هساعدكم ايمي احط الچاكت فين

ايمي….بره يا ايمي عند الباب و خدي چاكت عشري عشان يعرف يقعد براحته.

ليله….هاتي يا قلبي الچاكت بتاعك

عشري…..اسحب يا سلامه

ليله….براحه عليه عشان الجرح

سلامه…..مش قوي كده ده عايز علقه

عشري….بضحك ياض انا لسه مصالحك

ليله….بضحك لا قوي يا رخم الجرح بتاعه خف بس لازم يتحرك بهدوء

سلامه….اتفضلي يا ستي الچاكت بقولك ايه متنسيش تقلبيه زي اي زوجه مصريه

عشري….بضحك لا ماهي قلبتني

ليله…..بابتسامه تستاهل التقليب خرجت ليله علقت الچواكت و قلعت الشوز بتاعها

وراحت للبنات تساعدهم

ايمي…..انتي قلعتي الشوز ليه

ليله…..ايه هقعد براحتي

ايمي….طيب روحي خدي اي حاجه البسيها في رجلك عشان الارض ساقعه

ايه….بضحك هو انا ينفع اقلع انا كمان

سلمي….بضحك هو المفروض نخلي في دم و نقلع عشان منبهدلش البيت بس احنا مهزقين شويه

نادين…..انا الشوز بتاعي نضيف والله نزلت ركبت مع ميدو علي طول

ايمي….سيبك منها دي هبله انا بلبسها و بتحرك بيها عادي بس اللي حابب يقلع و يقعد براحته يروح هتلاقوا شباشب و لكاليك كتير يلا و الشباب كلهم قالعين و قاعدين براحتهم

ليله….استني اشوف عشري هو كمان يقلع بدا ماهو قاعد كده

ايمي….ياب سيبيه براحته اتلمي لو هو بس مضايق من الشوز يقلع عشان احنا سهرتنا صباحي

ليله…..ماشي

خرجت ليله راحت خدت شبشب فرو كده مقفول من قدام و راحت بهدوء قربت علي عشري

ليله…..حبيبي تقلع الشوز

عشري….اه اه عادي انا دخلت بيه اصلا و اتلهيت معاه

ليله….طب تعالي اقلعوا بره و خد حاجه البسها

رشيد….ايه ده استني والله ما انت قالع

عشري…..ياعم اسمع انا مش عايزه اصلا

رشيد…ما تسيبيه يا رخمه