چاسمين

البارت السادس
رواية
چاسمين
أميره اسامه
صاحبة البطل الواحد
فتجدهم حيارى مضطربين ليسوا على يقين من أمرهم
البارت السادس
وصل فريد علي البيت فتح الباب بالمفتاح ودخل بهدوء.
وقفت بيري وعلي وشها ابتسامه عبيطه و باين عليها انها عامله عامله و بتحاول تداري الچريمه دي بأبتسامتها .
بيري….اااا حمد الله علي السلامه
بصلها فريد باستغراب وقفش بسرعه ان وراء الابتسامه دي مصېبه
فريد…الله يسلمك ايه اللي مصحيكي
بيري…لا انا مش بنام اصلا الوقت
فريد…مش بتنامي الوقت ولا نمتي الصبح وعملتي مصېبه
بيري….مصېبه انا لا خالص هو انا بتاعت مصايب
بصلها فريد بسخريه وسابها وراح يقلع الجزمه بتاعته.
بصت بيري وراها للقطه وهي بتكلمها براحه
بيري….اعمل ايه انا الوقت ده هيعلقنا اوديكي فين بس اقولك اول ما يبعد هوديكي بسرعه علي الاوضه فوق بس خليكي مؤدبه ماشي متعمليش شقاوه احنا ضيوف.
بصت قدامها لمحت فريد بيبص عليها من بعيد ورافع حاجبه
وقف تاني و رجع قرب منها.
فريد…انتي بتكلمي نفسك
بيري…انا لا ليه هو انا مجنونه
فريد….لا العفو تقريبا انا اللي مچنون
بيري…لا الف سلامه
بصلها فريد پغضب بسيط
بيري…بابتسامه لا مقصدش يعني الف سلامه عليك من الجنان
فريد..اااه طيب كلتي
بيري….اااا لا بس كنت زهقانه وقررت اني اعمل اكل
بصلها فريد پصدمه ورفع حاجبه
بيري… لا لا بلاش البصه دي متخافش معملتش اي مصېبه والله انا احترمت القوانين زي ما قولتلي حتي ممكن تتأكد بنفسك اللي استخدمته رجعته مكانه عشان كمان استاذ بلال واضح انه مش طايقني فا مبوظتش النظام بتاعه
فريد…كويس طيب مكلتيش ليه بقي لما انتي عملتي اكل
بيري…اصل انا هقولك انا اصلا يعني مليش في المطبخ اوي بصراحه مش فاشله بس نادرا لما بقف فيه و ده لما بكون زهقانه بس بس بما اني مليش في المطبخ فا مش حافظه اكلات لكن انهارده وانا بتفرج علي التلفزيون شوفت برنامج طبخ و حظي كان حلو لحقت الاكله من اولها و بعد ما الحلقه خلصت قررت اقوم اعملها و لاقيت كل حاجه موجوده طبعا دوخت جدا لحد ما دورت علي الحاجه بس لقيتها و لما خلصت حسيت اني مليش نفس لسه فا قولت يعني. استني حضرتك منها ناكل سوا و منها اعتذرلك عن اللي عملته امبارح و تاكل من الاكل اللي عملته وبصراحه انا جوعت اوي
حس فريد انه داخ من كتر رغيها بصلها وهو رافع حاجبه.
فريد…شششسس باااااس ايه انتي علي طول بترغي كتير كده
بيري…انا برغي لا خالص انا بس بفهمك يعني اني عزماك
فريد….عزماني اااه
بيري…ااا يعني هو مش معني ان الاكل وكل حاجه بتاعتك يبقي انا مليش دور اكيد يعني مش هتاكل الاكل من غير ما يستوي وتعبي فيه فحد ذاته عزومه.
فريد…هشششس خلاص ابلعي لسانك ده شويه وشكرا يا ستي علي تعبك
بيري….بابتسامه عبيطه يعني هتاكل
سكت فريد شويه و بص للسقف و بدأ يركز ويعمل اللازمه بتاعته حرك رقبته شمال ويمين و هو مضيق عينه و بيشم
بيري….بصت بتلقائبه سريعه للسقف و اتكلمت بهمس مسموع هو هيتحول ولا ايه
بصلها فريد و ركز معاها شويه.
بيري…هو في ايه حضرتك كويس
فريد….هو انا ليه حاسس ان في ريحه غريبه
بيري….ريحة ريحة ايه انا محرقتش اي حاجه و واخده شاور علي فكره
بصلها فريد بقرف…مش قصدي كده
بيري…طيب امال ريحة ايه تقصد الاكل ده جميل
فريد…يابنتي باااس باااااس خليني اركز
بيري….تركز في ايه طيب حضرتك البيت نضيف ومفيش اي حاجه
فريد….انا اقصد شامم ريحه غريبه يعني ريحة شعر ريحة حاسس اني اعرفها زي ريحة الحيوانات.
بيري….بصوت هامس نهااار اسود اتقفشنا
فيد…بتقولي حاجه
بيري…لا بس انا كنت مشغله من شويه القناه بتاعت ناشيونال جيوغرافيك و كان في حلقه حلوه عن صراع الحيوانات
بصلها فريد بغيظ و ڠضب
فريد….انتي بتهزري
بيري…انا لا والله بس بحكيلك يعني
فريد….علي اساس ان التلفزيون بيسرب ريحه بقولك ايه اسكتي احسن خلاص مش عايز اعرف ريحة ايه انتي شكل دماغك تعبانه انا هروح اغسل ايدي و ارجع عشان ناكل.
نيووووو
بصلها فريد بسرعه
بيري…احممم احممم
فريد…ايه الصوت ده
بيري…بتوتر بصت لفوق صوت ايه
فريد…في صوت قطه تقريبا
بيري…لا قطه ايه ده انا اصل زوري تعبان شويه تقريبا من دور البرد يعني متشغلش بالك روح حضرتك شوف هتعمل ايه شكلك جاي تعبان
فريد…لا والله هو انتي لما زورك بيتعب بتنونوي
بيري….حضرتك بتتريق علي تعبي ده تنمر علي فكره
فريد….تنمر مره واحده مش بقولك دماغك تعبانه
سابها فريد واتحرك خطوه كمان رجع صوت القطه مره تاني
بص بسرعه علي بيري بصتله وابتسمت ابتسامه عريضه و شكلها كان عبيط
رفع فريد حاجبه ونزل تاني من اول درجه كان واقف عليها وبصلها.
فريد….ايه زورك بردوا
بيري….احممم اااا اه اه تعبانه تعبانه بقولك اوي
فريد…لا الف سلامه تعالي لحظه كده يابيري
بيري….اجي اجي. فين لا هعديك اصل انت مش عارف انا لما بتعب بعدي اي حد اقرب منه
فريد…معلش انا عندي مناعه كويسه تعالي هنا.
بيري….صدقني مقدرش رجلي اصلها كمان وارمه وانا من الصبح واقفه علي رجلي
فريد….لا والله
بيري….اه والله ربنا يعين ستات البيوت بيتعبوا جدا
فريد…طبعا كان الله في العون بيرررري
بصتله بيري پصدمه و ابتسمت تاني بتوتر
بيري….نعم
فريد….ايه اللي وراء ضهرك
بيري….حضرتك بتختبرني يعني الشباك اكيد شوفت بقي اني عرفت من غير ما ابص.
فريد….بيري ايه اللي مخبياه وراء ضهرك
بيري….انا مش مخبيه حاجه هخبي ايه يعني
فريد…طب وريني ايدك
بيري….طلعت ايدها اليمين قدامها اهي
فريد…التانيه
بكل عبط وسذاجه رجعت ايدها اليمين و كان واضح انها بتمسك حاجه و بعدين طلعت الشمال
بيري….اهي.
فريد…ايدك الاتنين يا بيري
نيووووو
بيري….بهمس الله يخربيتك مش وقتك خالص
قرب فريد منها ببطئ وهو باصص في عينها فضلت بيري علي نفس ابتسامتها وتوترها بترجع لوراء و هو بيقرب منها لحد ما وقفت في ضهر الشباك.
بيري….ااا لا ماهو مفيش مكان تاني اهر….ب منه
فريد….هاتي ايدك يا بيري
طلعت مره تانيه ايدها اليمين
مسك فريد كفها في ايده وبصلها
فريد…هاتي بقي ايدك التانيه كده
بيري…پخو…ف وتوتر ااا طب ليه
فريد…يلااا
بيري…اصل هي ۏجعاني اوي و مش هقدر اطلعها
فريد…بابتسامه بسيطه تكاد تكون معدومه يلااا
بيري…طيب انا هقولك بس متتعصبش
فريد….هاتي ايدك
خدت بيري نفس طويل و طلعت القطه من وراء ضهرها كانت اكبر من الكف بشويه بصتله بيري بحزن و فضلت مركزه علي رد فعله.
فريد….كنتي بتتفرجي علي ناشيونال جيوغرافيك هاا و زورك كان تاعبك
بيري….اصل ما هو يعني
فريد…قططططه مدخله بيتي انا قطه جبتيها منين دي ودخلت هنا ازاي
بيري….طيب انا هقولك كل حاجه
فريد..قووولي
بيري…انا كنت قاعده وسمعت صوت خر…..بشه جاي من باب المطبخ فا خۏفت فكرت حد بيفتح عليا روحت اشوف الباب مقفول ولا لا سمعت الصوت اكتر و بعدين سمع صوت نونوه فا فتحت ليها لقتها ھتم…وت من البرد وشكلها جعان انا مكنتش هدخلها صدقني يعني قولتلها ده مش بيتي ومش هقدر ادخلك
حطتلها لبن بس هي رفضت تفضل لزحدها ودخلت معايا
فريد…والله رفضت تفضل لوحدها قالت بقي بما انك قاعده لوحدك وهي لوحدها تدخل تشرب معاكي كوبايه شاي وترغوا شويه صحححح
بيري…پخو….ف لا مش كده هي شكلها ما صدقت اني فتحالها فضلت تتمسح في رجلي وبصراحه مقدرتش اسيبها بص انا عارفه اني. ممكن اكون ضيفه تقيله علي قلبك و ضيفه مزعجه اقټحمت حياتك وشقلبتها و مش بس كده جيبالك كنان قطه معاها بس انا مقدرتش اسيبها والله اوعدك اني مش هخليها تزعجك خالص و كمان انا قررت اتبناها
—
وهخدها معايا وانا ماشيه.
فريد….شوفي عشان بس متعصبش و اوصل لمرحله بيتهيألي متحبيش تشوفيها القطه دي هتخرج الوقت حالا انا مش بحب الحيوانات و بقرف من القطط تحديدا و مش بحب الشعر بتاعها اللي بيبهدل الدنيا ولا ريحتها فا زي الشاطره كده تخرجيها زي ما جبتيها وبعد ما تخرجيها تيجي تاني عشان نكمل حسابنا في الباب اللي اتفتح وانا منبه عليكي لا تفتحي ولا تعملي صوت ولا حركه بس تسمعي الكلام ليه ټمـ,ـوتي لو معصبتنيش انا قولت بردوا مستحيل يعدي اليوم من غير كارثه هدوئك و ابتسامتك وحمد الله علي السلامه و روح اغسل ايدك انت جاي تعبان كل ده مدخلش عليا ولا ريحني كنت واثق انك عامله كارثه جديده بس انا ممكن اعدي الحر…يقه اعدي انك تبهدلي الدنيا لكن تجيبي قطه من الشارع مستحيل
بيري….اولا لما فتحت الباب مش فتحه اوي و بعدين انا فتحته لما سمعت صوتها و اتأكدت انها قطه مش بني ادم و ثانيا مالها القطه بس دي كيوت خالص وبعدين مش مؤذيه دي لسه بيبي
فريد….انتي سمعتي اللي قولته صح روحي يلا خرجيها عشان انا مستحيل امسكها بأيدي و ارجعيلي هنا فورا
بيري….بحزن طيب ازاي بس دي صغيره حرام الجو برد بره
فريد….يلاااااا
بيري…طيب جرب كده امسكها هتحبها والله
فريد…ابعدي البتاعه دي عني بقولك متعصبنيش
بيري…هو حضرتك خاېف ليه دي صغيره وهي اللي خاېفه منك علي فكره
فريد….انا نش بخاف انا بقرف في فرق يلا بلاش رغي
بيري….طيب علي الاقل لحد بكره هتروح فين الوقت ده
فريد…تروح في ستين داهيه انا حر في بيتي و مستحيل ادخل فيه قطه ده علي چثتي يلا بقولك
بيري….بحزن حاضر
مشيت بيري قدامه وهي واخده القطه في حضنها فضل مراقبها وباين علي وشه الڠضب.
اتحرك وراها بهدوء
فتحت بيري الباب براحه و بصت للقطه قبل ما تسيبها
بيري….انا اسفه ڠصب عني والله انا قولتلك انه مش بيتي وانه مش هيوافق حقك عليا ياريتك جيتي عندي وانا في بيتي مكنتش هسيبك والله بس اوعدك لو مشيت و انتي لسه موجوده هاخدك معايا اتفقنا
نيوووو
نزلت بيري القطه قدام الباب و سابتها بهدوء و قامت وقفت
قعدت القطه علي الباب و فضلت باصه عليها خلت بيري خلاص هتعيط عشانها.
فريد….يلاااا اقفلي الباب
بيري….بصت للقطه تاني و بعدين قفات الباب ورجعت وقفت قدامه و هي منزله راسها وباين عليها الحزن خلاص خرجتها
فريد…كويس تعالي بقي هنا هو انا مش قولت الباب متفتحش لاي سبب
بيري….ايوه
فريد…منفذتيش الكلام ليه
بيري….لما سمعت صوتها عرفت ان مفيش حد فتحت خدتها وقفلت بسرعه
فريد…ولو انا قولت ميتفتحش لاي سبب يبقي ميتفحش و مع ذلك بردوا مسمعتيش الكلام
بيري…اسفه بس انا مقدرتش اسببها بره لوحدها في الجو ده عموما انا خلاص خرجتها زي ما حضرتك قولت في حاجه تاني.
فريد….بتنهيده لا بس اتمني تبقي اول واخر مره و كلامي يتنفذ ماشي.
بيري….حاضر
فريد…تقدري تروحي تحطي الاكل و لو مش. قادره اقعدي وانا هروح احطه.
بيري….لا انا هروح
فريد…تمام هغير بسرعه و انزل
بيري….طيب
سابها فريد و طلع علي اوضته وقفت بيري وهي خلاص هتعيط
راحت جهزت الاكل ليه هو بس مكانتش عايزه تاكل و مضايقه بجد.
سمعت صوت القطه بتنونو وبتخربش علي الباب
قربت من الباب قعدت علي ركبها تكلمها في الوقت ده نزل فريد و شافها وهي قاعده قدام الباب وضهرها ليه قرب بهدوء و سمعها.
بيري…ايوه يا روحي انا جنبك هنا مټخافيش اوعي
تبعدي عشان محدش يأذيكي انا كل شويه هفضل اكلمك
نيوووو
بيري….بحزن انتي بردانه صح حقك عليا قولتلك انه مش هيوافق هو معندوش قلب مش عارفه ليه خاېف منك و ليه مش حبك انتي جميله اوي بس سامحيني مقدرتش اقنعه ده بيته مش بيتي طب انتي عارفه ان انا وانتي شبه بعض اوي
انا كمان مش مع ماما و لا مع اخواتي و بابا و حتي الوقت زيك بالظبط مش ليا بيت بس اوعدك في اقرب وقت همشي عشانك انتي عشان اخدك معايا ومش مهم بقي يحصل اللي يحصل
المهم اني مش هسيبك لوحدك في الشارع و لا هخلي حد يضايقك او يأذيكي.
نيوووو
بيري….اوعي تمشي عشان خاطري خليكي هنا و انا هفضل قريبه منك يا عمري انتي.
قامت بيري وقفت و مسحت دموعها اللي نزلت علي القطه و بصت لاقيته واقف وراها.
حطت وشها في الارض بارتباك
بيري…ااا الاكل جاهز
هز فريد راسه بهدوء من غير اي تعليق وراح قعد علي السفره
بيري….اصبح علي خير
فريد…استني هنا انتي مش هتاكلي
بيري….ااا لا شكرا انا شبعانه وعايزه انام
فريد…ليه مش كنتي لسه من شويه بتقولي انك جوعتي
بيري…معلش مش جعانه مليش نفس كل حضرتك تصبح علي خير
سابته بيري و طلعت علي الاوضه و هي بټعيط زي الاطفال مش طيقاه و صعبان عليها القطه اللي خلت يومها احسن وسلتها كتير .
رفع فريد راسه للسقف وهو بيتنهد تنهيده طويله.
فريد…وبعدين معااااكي بقي ناقص انا شغل الاطفال ده قطة ايه اللي ادخلها هنا انا بټرعب منهم و بقرف كمان
سرح شويه وحس انه اتأثر بكلامها و القطه صعبت عليه.
هز راسه پعنف ينفض الافكار اللي بيفكر فيها.
فريد…لا لا لا مستحيل دي دماغها تعبانه وانا مستحملها بالعافيه كمان ادخل قطه معاها عشان يقلبوا الدنيا و كلوا كوم وبلال لو جه الصبح وشافها هيبقي كوم تاني لا لا مستحيل.
مسك فريد المعلقه وبدأ ياكل
بص للاكل بقرف و بلع المعلقه بالعافيه كان طعمه مش حلو
ساب فريد الاكل و هو بيكلم نفسه
فريد….ده ظلمك اللي دخلك المطبخ كويس ان البيتزا اتحرقت انا غلطان اصلا انا مش باكل بليل ابه اللي خلاني اوافق اكل ماله الخضار و الفاكهه.
ساب فريد الاكل و قام فتح الثلاجه طلع منها تفاحه غسلها وقطعها في طبق و مسك واحده كلها سمع صوت خربشه و نونوه
نيوووو
اتنهد فريد وساب بقيت التفاحه من ايده بتأنيب ضمير
فريد…ياستي عايزه ايه انتي كمان بتأنبيني يعني عشان خرجت انتي كمان اسكتي بقي من فضلك
نيوووو
فريد….ياااارب طب وبعدين اصل انا مش هينفع ادخلك انا بخاف منكم اينعم شكلك حلو و جميله بس بخاف اعمل ايه و بعدين مقدرش امسكك او اقرب منك بشعرك ده.
فضل فريد يكلم القطه و بيري فوق قاعده علي السرير زعلانه
دقايق عدت سمعت الباب بيخبط
مسحت دموعها بسرعه وراحت فتحت الباب لاقيته واقف قدامها
بيري…ايوه حضرتك محتاج حاجه
فريد….تعالي معايا لحظه.
بيري….حاضر
نزل فريد و نزلت بيري وراه راح علي المطبخ مشيت وراه وفجأه رفعت راسها پصدمه ورجعت ابتسامتها لما شافت القطه جنب باب المطبخ وقدامها طبق في لبن وبتاكل
جريت عليها بسرعه شالتها وحضنتها
بيري…..حضرتك وافقت
فريد….شوفي لما اقولك انا مش عارف عملت كده ازاي بس والله لو لمحتها بتتحرك في الشقه او شوفتها قدامي او شوفتها بتقرب من اي حاجه تخصني هطردك بره انتي وهي مفهوم
بيري…ده حضرتك مش هتلمح ديلها
فريد….و حاولي تغيري ريحتها دي و اياك المحها بتعمل حمام في اي مكان
بيري….لا متقلقش هي عملت قبل ما تيجي
فريد…نعمممم عملت
بيري…ااا لا يعني متحملش هم انا هتصرف في الموضوع ده و اوعدك هنبقي ضيوف خفاف عليك
فريد….اتمني مع اني اشك لان واضح كده انا اللي بقيت ضيف في بيتي تصبحي
—
علي خير
بيري…بسعاده وهي بتحضن القطه هو حضرتك مش هتاكل الاكل لسه بحاله
بصلها فريد پغضب و هو رافع حاجبه.
فريد…لاااا مش هاكل الاكل وحش اوي و اضح انك فعلا فاشله في المطبخ و ياريت متكرريش التجربه دي تاني
بيري….صراحه معاك حق اصل دوقته قبل ما تيجي و معجبنيش حتي حطيت منه القطه هي كمان معجبهاش
بصلها فريد پصدمه و هز راسه پعنف وسابها وطلع
بيري….بضحك هاااااي نجحنا يا قلبي
نيووووو
بيري….لا لا متزعليش هو مكدبش ومش قاصد يضايقني الاكل بشع بصراحه يعني عنده حق .
كان واقف فريد في نص الدرج سمعها و ابتسم علي كلامها و راح علي اوضته.
قفل الباب و وقف وراه وشرد بذكراياته.
فلاش باااك
ساره….عشان خاطري يا بابا اقنع فريد يخليها
حافظ… يابنتي انتي عارفه ان اخوكي بيكره القطط
ساره…عارفه بس دي جاتلي هديه يرضيك يعني ارمي هديه قمر زي دي في الشارع
حافظ…انا مليش دعوه اتصرفي انتي مع اخوكي خرجيني انا بره الموضوع ده.
فريد….موضوع ايه اللي تخرجك منه الزنانه دي يا بابا
حافظ….اهي عندك اسألها انا مليش دعوه انا قولت لأ
فريد….في ايه يا ساره
ساره…كده يا بابا بتتخلي عني بالسرعه دي.
حافظ…بابتسامه والله لو قدرتي تقنعيه انا موافق مقدرتيش مليش دعوه
فريد….ما تقولوا في ايه
ساره….يا بابا
حافظ…بضحك ايه يا جبانه ما تقولي لسانك كان طوله مترين من دقايق
فريد…خلاص قول انت
حافظ….اختك جالها هديه من صاحبتها قطه
فريد…نعمممم قطه ده علي چثتي
ساره…ليه بس يا فريد دي جميله خالص وبجد هتحبها
فريد…لا احبها ولا تحبني القطه دي ترجع انتي عارفه اني مليش في القطط والجو ده
ساره…يعني ارجع هديه جاتلي يا فريد
فريد…اه يا قلب فريد ترجعيها لانك زنيتي علي الموضوع ده كتير وانا كنت رافض و انتي عارفه اني مش بحب اتحط قدام الامر الواقع و عشان كده زي الشاطره حالا تروحي ترجعيها لصاحبتك ده لو كانت صاحبتك فعلا اللي جابتها مش انتي .
ساره…طيب نجربها حتي يوم واحد لو حسيت انك مش حابب اوعدك ارجعها
فريد…ولا نص يوم ترجع حالا والكلام خلص في الموضوع ده.
ساره…ماشي يا فريد اللي تشوفه هروح اجيبها من اوضتي و هروح ارجعها
مشيت ساره وهي زعلانه
حافظ….زعلت علي فكره
فريد…هصالحها بطريقتي بنتك هبله وبتتصالح بسرعه بس حضرتك عارف اني مش بحبهم
حافظ…والله حلوها مع بعض وصالحها بطريقتك انا بره الموضوع ده المهم راضيها.
فريد….متقلقش هصالحها
بااااااك.
فريد…بحزن اسف يا روحي حقك عليا مكنتش عارف انك ممكن تزعلي كده ارجعي يا ساره ارجعي يا قلب اخوكي و انا اوعدك املأ البيت قطط عشانك و المرادي هوافق من غير ما اعترض بس ارجعي لحضني من تاني و طمني قلبي عليكي
اتنهد تنهيده طويله و بعدين راح علي الحمام خد دش دافئ و رجع نام
في صباح يوم جديد صحي فريد علي صوت موبايله كان بلال بيكلمه.
فريد…الووو ايوه يا بلال
بلال…معلش يافريد صحيتك
فريد…هي الساعه كام
بلال…تسعه
فريد….في حاجه ولا ايه
بلال…لا بس كنت عايز اقولك ان انهارده هيبقي اجازه من الصاله
فريد..اجازه ده ليه في حاجه حصلت
بلال….الامن كلمني وقال ان في مايه بتخرج من المكان بتاع الشاور و شكل كده في عطل هروح اشوف الدنيا فيها ايه وكتبت انا علي الجروب بتاع الصاله للاعضاء ان انهارده اجازه وفي صيانه طارئه.
فريد….طيب اجيلك
بلال…لا لا مش مستاهله انا هروح اخلص و اظبط الدنيا انا والموظفين و امشي بس كلمتك عشان متفكرش اني اتأخرت عليك
فريد…طيب تمام لو احتجتني عرفني
بلال…ماشي انت هتعمل ايه انهارده هتخرج
فريد…مش عارف بس ميتهيأليش ممكن اقضيه في البيت انهارده عندي شوية شغل كده هعملهم و هتمرن انا تحت شويه
بلال…طيب بعد ما اخلص مش محتاجني اجيلك
فريد…لا يا حبيبي تسلم خلص انت و روح ارتاح انهارده
بلال…تمام عموما لو احتاجتني عرفني
فريد…ماشي و انت كمان لو في اي. حاجه كلمني
بلال…تمام يلا كمل نوم بقي
فريد….تمام يلا سلام.
قفل فريد الموبايل بس معرفش ينام قام من النوم طلع لبس رياضي و قرر انه يلعب شويه تحت في الصاله بتاعته دخل خد شاور سريع و خرج
فتح باب الاوضه لقي القطه قاعده قدام الباب بتاعه.
فريد….بيررررري بيررررررري
قامت بيري من السرير جري علي بره من صوته
بيري….ايه ايه في ايه
فريد…هو انا قولت ايه مش قولت مش عايز المح البتاعه دي خالص سيبهالي قدام باب اوضتي .
بيري…انا مش سيبتها والله بس هي امبارح لما دخلتها عملت بيبي في التويلت اللي تحت فا خۏفت اسيب الباب مقفول احسن تعمل في الاوضه فا فتحته شويه عشان لو حبت تنزل وشكلها كده خرجت نامت هنا.
فريد…طب خديها خديها من هنا بسرعه
بيري….هو حضرتك بجد خاېف منها
فريد…پغضب انا مش خااااايف بقولك انا بقرف منهم
بيري…بابتسامه حاولت تداريها لكن فشلت اه ما هو واضح واضح
فريد…انتي بتتريقي ابعدي كده انتي وهي من قدامي خليني اروح اجيب حاجه اعقم بيها مكان مكانت نايمه
بعدت بيري ووسعت من قدامه وفضلت تضحك علي شكله
بيري…رفعت القطه زي البيبي لفوق انتي خو…..فتيه يا جميله بالذمه حد ېخاف من القمر الصغنن ده بقولك ايه من هنا ورايح بلاش شقاوه ومتقربيش منه احسن ده شكله مچنون هيطر…..دني انا وانتي زي ما قال.
كملت بيري ضحك عليه و دخلت اوضتها تاني.
بعد وقت بسيط طلعت و هي شيلاها في حضنها وبصاله وهو بينضف المكان وبتضحك براحه.
بصلها فريد پغـ,ـضب.
فريد…انتي بتضحكي علي ايه
بيري…انا لا مضحكتش
فريد…لا ضحكتي
بيري….اصلي بصراحه مستغرباك يعني قر…..فان و خا…..ېف من قطه قد الكف علي فكره هي مش بتعمل حاجه
فريد…اااه بخاف وبقر….ف مبسوطه كده
بيري….برخامه وهي بتضحك طيب خد كده جرب تشيلها والله هتحبها.
فريد….ارجعيييي امشي من هنا بدل ما اخنقهالك متعصبنيش علي الصبح وبعدين انتي ازاي شيلاها كده مش قرفانه دي ريحتها طالعه و شكلها معفن
بيري….يعني هو بمزاجها شكلها اتبهدلت اليومين اللي هربت فيهم او يمكن حد معندوش قلب سربها و اكيد يعني النوع ده مش زي قطط الشارع ملهوش في البهدله دي
فريد…انتي فاكره نفسك في جميعيه الرفق بالحيوان هتحكيلي قصة حياتها ومأساتها في الشارع انا مليش دعوه بكل ده انا مش عايز اشم الريحه دي
بيري….طيب ماشي انا الوقت هديها شاور و هحطلها من البرفيوم بتاعي .
فريد..لااااا البرفيوم بتاعك لا قالها فريد باندفاع وسكت مره واحده يفكر في اندفاعه ورفضه
بيري…باستغراب ليه ده حلو اوي و ريحته قويه يعني هيثبت فيها و يغير ريحتها ده چاسمين
فريد…وانا قولت كمل بتوتر وهو بينضف من غير ما يبصلها لا اقصد يعني انه ممكن يكون غلط عليها كفايه الشاور في النهايه دي روح وممكن البرفيوم يتعب جلدها.
بيري…فعلا معاك حق خلاص انا هحمبها بالشاور و اكيد ريحته هتغير ريحتها.
فريد….ماشي
خد فريد ادوات التنضيف ونزل علي تحت و هو بيحاول يداري ارتباكه و بيحاول يفهم سبب رفضه.
نزلت بيري وراه علي تحت و هي شيلاها.
بيري….صحيح هو استاذ بلال ليه مجاش
فريد….من غير ما يبصلها بلال مش جاب انهارده
بيري….لا يكون انا السبب علي فكره انا مكنتش قصدي ارخم عليه والله
فريد…لا خالص هو بس في مشكله في الصاله راح يحلها و انهارده
اجازه و اعملي حسابك انا احتمال كبير انهارده مخرجش يعني مش عايز صداع هنزل اتمرن تحت شويه و هطلع اعمل شويه شغل
بيري…طيب تمام ده بيتك يعني اكيد حضرتك تقعد
—
براحتك بس هو انا ممكن أسأل سؤال
فريد….اخلصي سؤال ايه
بيري…هو حضرتك و استاذ بلال بتشتغلوا ايه يعني انا بقالي ثلاث ايام هنا ومعرفش عن حضرتك حاجه ده لو حابب تجاوب يعني.
فريد….عندي صالة تدريبات لياقه بدنيه
بيري….بجد چيم يعني
فريد…مش چيم بالمفهوم المتعارف عليه يعني تدريبات قويه شويه وتأهيل بدني و دفاع عن النفس
بيري….يعني مش اجهزه وتخسيس و كده
فريد…لا يعني اغلب اللي بيجي عندي بيبقي مقدم علي وظيفة امنيه و حجات شبه كده
بيري….اه حلو اوي واضح يعني. علي حضرتك انك حد قوي ومش مجرد عضلات وخلاص.
بصلها فريد وبص للقطه بطرف عينه بقرف
فريد….طب ابعدي انتي والبتاعه دي ريحتها خنقتني
بيري….قولتلك هحميها خلاص
فريد…ياريت عشان اقدر علي الاقل اتأقلم علي وجودها
بيري…طيب بما ان استاذ بلال مش جاي اروح انا تحضر الفطار
فريد…لاااا بلاش متدخليش المطبخ نهائي انا هحضر الفطار روحي بس انتي ابعدي القطه دي من هنا لحد ما انزل الصاله واغسلي ايدك دي
بيري….طيب
بعد حوالي ساعه كانت بيري و فريد فطروا وبعدين سابها ونزل يعمل التمارين بتاعته.
دخلت بيري عشان تدي شاور للقطه بدأت تجهز الحاجه اللي هتستخدمها جنبها و بعدين افتكرت الفوطه اللي هتنشفها فيها.
وقفت محتاسه تفكر هتنشفها بأيه خاېفه تاخد حاجه من نفسها فريد يتحول عليها و في نفس الوقت مش عارفه تنزل تقوله ولا كده هتعطله و يتعصب عليها هو كده كده لا طايقها ولا طايق القطه.
لكن بعد تفكير قررت تنزل الصاله عنده وتسأله فتحت الباب الداخلي اللي جوه البيت و نزلت عنده.
وقفت في صډمه اول ما شافته و دي كانت اول مره تشوفه بيعمل تمارين في الصاله.
كان واقف من غير تيشرت كل عضلاته باينه و باين انه اقوي بكتير مما كانت متخيله .
كان بيشيل حديد بأوزان عاليه عروقه كلها بارزه شكله يرعب بجد.
نزل فريد الحديد من ايده والټفت بسرعه وراه هي معملتش اي صوت لكن قدر يميز وجودها من ريحتها.
اول ما بصلها خاڤت ورجعت خطوه لوراء.
فريد….خير في ايه
بيري…ااا اسفه لو ازعجتك بس انا محتاجه حاجه
فريد….لو عالازعاج فا اتعودت المهم عايزه ايه
بيري….يعني انا مش عارفه انشف القطه في ايه بعد ما تاخد شاور
فريد….يعني ايه تنشفيها بأيه
بيري….يعني محتاجه فوطه اكيد مش هسيبها مبلوله في الجو ده.
فريد….فوطه ده ايه اكيد لا طبعا معنديش فوط ليها انا
بيري….يعني اسيبها كده
فريد….وانا مالي انا سبيها علي الحوض لحد ما تنشف و لا اعصريها.
بيري….هو ايه اللي اعصريها هي غسيل
فريد….اللهم طولك يا روح عايزه ايه يابيري
بيري….عايزه فوطه حرام بجد
فريد….قرب منها و هو مش طايقها وسعي وسعي كده.
طلع غريد علي فوق و هي طلعت وراه
راح علي الاوضه بتاعته جاب فوطه صغيره و رجعلها تاني وهو باصصلها پغضب
فريد….كويسه دي
بيري…كويسه جدا ميرسي.
فريد…اتمني بقي مسمعش لا صوتك ولا صوتها تاني ممكن
بيري….ممكن
سابها فريد ونزل تاني علي تحت
وراحت هي عشان تحمي القطه.
مكانتش عارفه تعمل ايه ولا تبدأ منين تخلي المايه حرارتها عامله ازاي كانت خاېفه اول مره في حياتها تحمي قطه.
فتحت المايه وخلت الحراره وسط شالت القطه وحطتها جوه الحوض بدأت القطه تخاف من المايه و مسكت في ايدها بضوافرها اتخربشت بيري منها كذا خربوش لكن فضلت تحاول تحمي فيها .
حطتلها شاور و علي قد ما قدرت نضفتها و اهم حاجه انها ضيعت الريحه منها .
بعد حوالي ساعه الا ربع من اختفائها فريد كان مستغرب ان ملهاش صوت لكن كان عارف انها ملخومه بالقطه و اكيد خاېفه تروحله كمل تمارين و مفيش عشر دقايق كانت بيري بتنزل عنده تاني وهي مضطره.
فريد….وهو مديها ضهره خيرررر في ايه تاني
بيري….هو حضرتك بتعرف منين اني جيت انا معملتش صوت
فريد….بصلها و هو رافع حاجبه خيرررر عايزه ايه .
بص علي منظرها كانت متغرقه مايه خالص و متبهدله عالاخر و لمح ايدها الاتنين فيهم خرابيش كتير.
فريد…ايه منظرك ده
بيري….دي القطه
فريد…القطه هي اللي عملت فيكي كده.
بيري…اه كانت خاېفه خربشتني و غرقتني بالمايه
فريد…..طيب حطي برفيوم علي ايدك عشان كده غلط.
بيري…لا هتوجعني مش مهم سيبك مني انا بس عايزه أسأل حضرتك علي حاجه من غير ما تتعصب.
فريد….قولي يا بيري قولي خليني اخلص
بيري….يعني ااا بص هو انا
فريد….اخلصي عملتي مصببه صح قولي علي طول
بيري….لا والله مش مصېبه بس انا نشفت القطه خالص بس من وقت ما خلصتها وهي بتترعش جامد كانها بتتكهرب وشكلها بردانه والشعر مش هينشف كده لوحده فا يعني كنت عايزه أسأل حضرتك لو عندك استشوار.
خلصت جملتها وبصت بعينها لفوق بترقب.
حط فريد ايده علي راسه و رفع حاجبه لانه مش عنده شعر.
بيري….متفهمنيش غلط انا اقصد يعني لو اخت حضرتك كان عندها واحد.
فريد….مش عارف يا بيري بس اكيد في واحد في اوضتها روحي شوفي يمكن تلاقي.
بيري….طيب ادور فين بالظبط انا خاېفه ابهدل الحاجه وحضرتك تتعصب.
فريد…اااااه طيب هو شكلك كده مش هتخليني اتمرن زي الناس تعالي يا بيري معايا خليني اخلص من الصداع ده.
طلعت بيري وراه و دخلت معاه الاوضه فضل فريد يدور وهي كمان تدور معاه.
فريد….اهو امسكي
بيري….بسعاده شكرا
فريد…جربيه كده شوفيه شغال ولا لا
بيري….حطت الفيشه و شغلته و ابتسمت اه شغال
فريد…..طيب اي خدمه تاني
بيري….هو انا لو طلبت من حضرتك اخر طلب هتتعصب
فريد….اللهم طولك يا روح
بيري…اصل هي عشان خاېفه بتخربش جامد و لنا خاېفه تخاف من الصوت والهواء بتاع الاستشوار فا تخربشني تاني ممكن تساعدني
فريد….اساعدك في ايه اكيد لا طبعا مستحيل اقرب منها
بيري….بحزن بص ايدي عملت فيها ايه هتخربشني تاني طيب اقولك حضرتك امسك الاستشوار و انا همسكها.
فريد….بتنهيده وقلة حيلة انتي. عايزه مني ايه صدقيني سبحان ما مخليني بالي طويل عليكي
بيري….اوعدك ده اخر طلب
فريد….طيب حطي علي ايدك برفيوم الاول
بيري….لا دي بتوجع اوي انا هغسلها بالمايه
فريد….مش هتوجعك بس طهريها كده غلط يلا اسمعي الكلام.
بيري…طيب بعدين انا هبقي اعمل كده
سابها فريد وراح مسك البرفيوم اللي كان علي التسريحه جنب شنطتها او بمعني اصح هو كان بيتلكك عشان يرش منه.
خد البرفيوم وقرب منها مسك معصم ايدها في ايده و من غير اي مجهود سحبه و رش عليها وبعدين مسك التاني رش عليه.
بيري…اااااه كفايه بېحرق اوي
اتنهد فريد تنهيده طويله وهو بيسحب نفس طويل بيشم فيه البرفيوم.
فريد….الوقت هتبقي احسن ممكن يلا بقي عشان اشوف اللي ورايا.
بيري….حاضر
نزلت بيري وراه كانت سايبه القطه في الحمام فوق الفوطه و القطه كانت بتترعش جامد ومتكومه علي نفسها من كتر ما هي بردانه.
فريد…پصدمه دي ھتم…وت و لا ايه
بيري….هي بر…دانه بس شويه
فريد…كده بردانه دي بتو…دع
بيري….پخو……ف بجد
فريد…شغلي بس الاستشوار ده خلينا نشوف
حطت بيري الفيشه و مسكت القطه وبدأ فريد يجيب الهواء علي القطه مكانتش عارفه تمسكها من كتر ما هي بتتحرك
و مړ….عوبه
بيري…اااااه
فريد….طيب نزليها في الارض
بيري….هتجري هي خاېفه
فريد…سبيها علي الارض وامسكيها من ضهرها.
حطتها بيري علي الارض ومسكتها من ضهرها رجع فريد شغل الاستشوار تاني جريت القطه و قام فريد بسرعه وقف
بيري….شوفت قولتلك هتجري
فريد….هاتيهها بسرعه
جريت بيري وراها جابتها واتكرر الموقف اكتر من مره كل شويه تحري وهي تجري وراها.
فريد….مش عارفه تمسكي حتت قطه.
بيري…طيب خد انت امسكها بدل ما حضرتك بتتعصب عليا كده وريني هتعمل ايه
فريد…امسكي بسرررررعه.
مسكتها بيري و كمل
—
فريد تنشيف فيها وتقريبا نشفت بجزء كبير .
بيري….خلاص كده كفايه عشان تعبت
فريد….طيب تمام
سابها فريد و قام يجيب مايه ريقه نشف من الحړب اللي كانوا فيها
بيري….قعدت تدلع فيها و ترفعها لفوق ايه الحلاوه والجمال ده بقيتي قمر خالص ناقص بس نحطلك برفيوم و اسميكي اسم جميل زيك.
نزل فريد المايه و بصلها بطرف عينه.
فريد…قصدك اسميك مش اسميكي عشان دي قط مش قطه.
بيري…هي مين دي اللي قط مش قطه
فريد…البتاع اللي في ايدك ده
بيري….دي قطه مش كلب
فريد…پصدمه رفع حاجبه و بصلها ايوه مش فاهم يعني هو انتي شايفه انها قطه مينفعش تبقي راجل هي معلوماتك كلها ان القطه بنت والراجل يبقي كلب يعني متعرفيش ان القطه مذكرها قط و ان الكلب عادي فيه منه كلبه.
بيري…علي فكره انا مش عبيطه يعني للدرجادي اكيد عارفه بس دي قطه حضرتك عرفت منين انه قط دي كيوت الراجل معروف انه مش كيوت كده
فريد….هو انتي بتحددي نوعهم علي اساس كيوت او مش كيوت بقولك ايه ده قط عايزه تتعاملي معاه علي انه كده تمام مش عاجبك ان شالله تسميه سوسو انا مالي
بيري….طيب حضرتك عرفت ازاي هو انت بتقرب منه او طايقه حتي
بصلها فريد و مش عارف يقولها ايه او يشرحلها انه شافه وهي رفعاه وبينشفه ازاي.
فريد…عادي يعني مش محتاج اشيله او اقرب منه عشان اعرف انا يعني شوفته
بيري….بصتله بطرف عينها شوفت ايه
فريد….هو ابه اللي شوفت ايه وايه النقاش ده اصلا بقولك ايه انا ماشي خالص و انتي حره فيه قط قطه انا مليش دعوه.
بيري….طيب لحظه
فريد….خيرررررر
بيري….بتزعق ليه براحه
فريد…هو انا كده بزعق قولتلك سبحان ما مخليني هادي معاكي
بيري….اسميه ايه
فريد..افندم
بيري…يعني اقترح عليا اسم اصلي كنت عامله حسابي انه قطه و معنديش اسامي ولاد خالص.
فريد….پغضب سميه صدااااع سميه مصېبه سميه كارثه ان شالله حتي تسميه قدر مهبب انا مالي انا تسميه ايه وسعي كده انتي و هو .
سابها فريد ونزل يكمل تمارينه اللي مش عارف يعملها منها
ابتسمت بيري وبصت للقط
بيري…طب والله حلو هو صحيح مش طايقنا بس قال اسم جميل
قدر انا هسميك قدر عشان القدر هو اللي جمعني بيك في مكان عمري ما كنت اتخيل اني اكون فيه خلاص انت من انهارده بقيت قدر ..
في منزل سهر.
كان معاها تليفون شغل دخلت عليها والدتها و قعدت بهدوء لحد ما تخلص
سهر…تمام يا عماد انت بس اعمل اللي قولتلك عليه انت وفريق الاعداد وزي ما قولتلك موضوع الحلقه الجايه انا واثفه انه هيسمع وهيبقي ترند و ادام مفيش اي تعديل او اعتراض من المخرج او رئيس القناه يبقي احنا في السليم انت عارف ان لو في اي حاجه بيرجعولنا وبنتناقش .
عماد….تمام يا سهر عموما لو حصل اي حاجه او في اي تغير هرجعلك
سهر…تمام المهم ابدأ الشغل وانا هبعتلك حالا كل المعلومات و الصور اللي هنحتاجها في عرض الحلقه.
عماد…تمام يلا هسيبك انا بقي الوقت.
سهر…اوك يا عماد سلام
عماد…سلام.
قفلت سهر وبصت لامل والدتها وابتسمت
سهر …خير يا ست الكل
امل….مفيش يا حبيبتي كنت جايه اسألك هتاكلي امته عشان ابدا اجهز الاكل.
سهر….لا لسه شويه انا مش جعانه خالص الوقت بس لو حضرتك جعانه أبدأي جهزي
امل…لا انا لسه مش جعانه الوقت
انا بسألك انتي عشان شايفه انك بتشتغلي واكيد هتنسي نفسك
سهر…انا فطرت معاكي كويس و لسه مش جعانه يعني ممكن ساعه كده و ابدأي جهزي براحتك
امل…طيب يا حبيبتي
فضلت امل بصالها وساكته وباين ان عندها حاجه عايزه تقولها.
ابتسمت سهر وبصتلها.
سهر…قولي اللي كنتي جايه عشانه يا ست الكل انا عارفه انه اكيد الموضوع مش موضوع اكل شكل كده في كلام جواكي
امل …بتنهيده بصراحه اه يا سهر في.
سهر…طب قولي في ايه من امته واحنا بنخبي عن بعض.
امل…مش بخبي بس عارفه ان كلامي مش هيعجبك
سهر…بابتسامه شكلها كده عريس جديد وهنرجع نتخانق
امل…لا مش عريس من الا خر كده يا سهر انا قلبي مش مطمن يا بنتي وقلقانه عليكي
سهر…ليه بس يا ماما في ايه
امل…في انك دماغك ناشفه يا سهر و مهما اتكلم معاكي بتسمعي بالودن دي وتخرجي من الودن التانيه وانا خاېفه عليكي انا عارفه يا سهر انك بتحبي شغلك و بتقدريه و بتتقي ربنا في كل حاجه بتعمليها بس السكه اللي انتي ماشيه فيها دي يا بنتي مش بتاعتنا ولا انتي قدها.
سهر….و ليه مبقاش قدها يا ماما الحق طول عمره قد اي حاجه
امل…عارفه يا سهر بس احنا في مجتمع مش بيرحم و اللي علي راسهم بطحه كتير يا بنتي و انتي بتتكلمي في مواضيع حساسه.
سهر….شوفي يا ست الكل انا مقدره جدا خۏفك وقلقك عليا بس لازم تعرفي حاجه مهمه المهنه اللي انا فيها دي متقلش اهميه عن مهنة الدكتور اللي اقسم انه يتقي ربنا في شغله زي المحامي اللي اقسم يجيب حقوق الناس زي القاضي و حتي زي الرئيس اللي مسك البلد.
و انا مهنتي تحتم عليا اني مضلش الناس و اني اقول الحق اني اوعيهم الفت نظرهم و اشاور علي الغلط يمكن مطلوب مني اكون حياديه بس ده لما اكون بتكلم في حاجه تخص طرفين مينفعش انحاذ لطرف فيهم
لكن انا الوقت بتكلم عن مواضيع تهم البلد مواضيع بتهدد اجيال وتدمر مجتمع لو فكرت اكون حياديه ابقي عامله بالظبط زي المطبلاتيه اللي بيقولوا عليهم
الغلط مفيهوش حياديه يا ماما
و لا ينفع اني اخالف ضميري المهني المشكله ان في اجيال جديده طالعه مش فاهمه اي حاجه و ماشين مع التيار و للاسف ميعرفوش ان التيار ده ممكن ياخدهم معاه لسكه صعبه مفيش منها رجوع .
انا لازم احط ايدي علي الغلط واشاور عليه لازم اعرفهم يغيروا اتجاهمم ويمشوا عكس التيار قبل فوات الاوان.
امل….الخۏف يا سهر ان التيار ده يأذيكي انتي يا بنتي انا قولتلك انتي بتتكلمي في موضوع حساس و الناس دي معندهمش لا ضمير ولا قلب اخاڤ يا بنتي يسحبك تيارهم
سهر…حضرتك علمتيني اني اقول الحق و اني اعمل اللي انا مقتنعه بيه و شايفه انه صح علمتيني استفتي قلبي و عقلي و اللي احس انه صح يبقي اكيد هو صح واعمله وانا مغمضه عشان كده عيزاكي تسبيني اعمل الصح مټخافيش عليا و الاهم من كل ده تدعيلي.
امل….انا بدعيلك من غير ما تطلبي و اه يا سهر انا علمتك كل ده بس كمان ربنا قال ولا ترمي نفسك في التهلكه.
سهر….بس قال كمان ان الساكت عن الحق شيطان اخرس صدقيني يا ماما لو كل واحد فينا خاف يشاور علي الغاط ويمنعه لو كل واحد فينا فكر في نفسه وبعد هنبقي في غابه هيبقي سهل السيطره علينا هنبقي عاملين زي اللي محاط بشبكة عنكبوت مش عارف يخرج منها.
لازم كلنا نكون ايد واحده ضد الغلط لازم كلنا نقول لا لازم نقف وقفه واحده ونمنع الفساد و الظلم احنا خلاص بقينا في دايره مقفوله مينفعش حد فينا يشيل ايده ويقول انا مالي صدقيني اللي بعمله ده الصح وبعدين هيحصل ايه هتوقف عن شغلي مش مهم اه بحب
—
شغلي و هو حياتي كلها بس لو هقف من شغلي لمجرد اني هقول الحق يبقي انا راضيه و هعتبره كمان اهم تكريم في حياتي .
يمكن اللي هقوله يخلي غيري كتير يقوله و يعملوا زيي وهو ده المطلوب مينفعش نسكت صدقيني و اديكي شوفتي بنفسك الحلقه اللي فاتت بنت لسه عشرين سنه و مشيت مع التيار لازم نلحقها ونلحق كل الاي زيها ومش فاهمين هما داخلين علي ايه يمكن انا مش كبيره عن الجيل ده بس انا عندي الوعي الكافي اني افرق بين الصح والغلط بين الحلال و الحړام دراستي و معلوماتي و بحثي الدايم في مجال شغلي والمواضيع اللي بحب اتكلم فيها خلوا عندي حصيله كبيره تخليني اعرف البلد دي بيحصل فيها ايه
بس غيري يمكن معندهوش كل ده و عشان كده انا هقول اللي عندي و انصح بيه .
امل….انا لو فضلت اتكلم من هنا لسنين جايه مش هتقتنعي ولا انا هقدر اقنعك يمكن معاكي حق في كل كلمه قولتيها ومقدرش اغلطك بس انا ام وخاېفه عليكي عارفه اني مينفعش اكون انانيه بس ڠصب عني سالي اختك راحت مني و مبقاش ليا غيرك يا سهر و معنديش استعداد تضيعي مني.
سهر….حضرتك اللي بتقولي كده يا ست الكل ده انتي عارفه ان المۏت والحياه بأيد ربنا ومهما كان السبب فا المۏت واحد
امل….عارفه بس مبقتش حمله وحمل وجعه يا سهر بكره لما تبقي ام هتعرفي معني كلامي كويس وتحسي بيه
سهر….عارفه من غير ما اكون ام انتي بس ادعيلي يا ست الكل
و ربنا هيقبل منك دعوتك.
امل….ربنا يبعد عنك شړ ولاد الحړام يا سهر يا بنتي و ينور طريقك و اشوفك انجح واحده في الدنيا.
سهر…اهو كده الواحد يشتغل وهو مبسوط ربنا ما يحرمني منك ولا من دعواتك ابدا.
امل….انا هسيبك تكملي شغلك و هروح كده اتسلي في المطبخ واحده واحده بس قوليلي صحيح مفيش اخبار عني بيري.
سهر….بحزن لا والله يا ماما خالص هتجنن عليها و مش عارفه ايه اللي حاصل معاها دماغي مشغوله بيها اللي مطمني شويه انها اتصلت بانكل سعيد وطنط فاتن و قالت انها مش هترجع غير لما يبطلوا يزنوا عليها في موضوع خالد.
امل…. انا مش فاهمه هما ليه بيجبروها علي حاجه هي مش حباها اكيد من حقهم يفرحوا بيها بس بيري لسه صغيره دي يا دوب اربعه وعشرين سنه يعني لسه قدامها العمر طويل.
سهر….الفكره مش في انهم عايزين يفرحوا بيها طنط فاتن بني ادمه طماعه و للاسف انكل سعيد معندهوش شخصيه هي كل اللي يهمها انها متضيعش من ايدها عريس زي خالد مع انه يعني اژبل شخصيه ممكن حد يقابلها في حياته
امل….مش شرط يا سهر انتي بتقولي انه بيحبها و اكيد في النهايه الاهل ديما بيكونوا علي حق و اللي اعرفه انهم مكانوش حابين حمزه ده خالص و طلع معاهم حق.
سهر…ده حقيقي بس حمزه كان واضح للكل انه شخصيه قذره و بيري الوحيده اللي مكانتش شايفه ده بس كمان يا ماما مع احترامي ليكي و للاهل انهم مش ديما علي حق اه انتوا عندكم خبره و تقدروا تميزوا بين الحلو والۏحش وطبيعي جدا ان اللي بيحب و بيكون جوه العلاقه مش بيشوف عيوب اللي بيحبه بيبقي عامل زي المعمي لكن كمان احنا مش صغيرين و قادرين نعرف اذا كان اللي قدامنا ده شخص مناسب او لأ يمكن بنحتاج نصايحكم و انكم تلفتوا نظرنا لحجات مش قادرين نشوفها بس مينفعش انكم تجبرونا او تفرضوا علينا حاجه احنا مش عايزينا لمجرد انكم شايفين ان ديما الاهل علي حق .
و يمكن خير مثال للي بقوله ده هو علاقه بيري بخالد لو همشي مع كلامك واقول انهم عايزين يفرحوا بيها وشايفين مصلحتها
يبقي كفايه عليهم النصيحه لكن مش يجبروها بس طبعا للاسف هما مش عارفين مصلحتها و لا فاهمين اي حاجه خالد ده بني ادم قذر معروف بعلاقاته الكتير معروف ان شغله عليه علامات استفهام كتير معروف غموضه هو وابوه في عالم البيزنس
وبعدين انا لو ام و بنتي قالتلي ان في شخص حاول بتعدي حدوده معاها عمري ما هقدر اكدبها حتي لو هي كدابه و بتعمل كده عشان بس تخلص منه هيبقي بالنسبالي كفايه اوب ان بنتي كدبت كدبه زي دي عشان تخلص من البني ادم اللي بحاول افرضه عليها وافهم انها عشان مش بتحبه اضطرت تكدب كدبه زي دي مش اكمل في عند و اجبار اكيد لا انا مش لاقيه اي مبرر ليهم بصراحه.
امل….لا هو كله الا الاجبار انا صحيح بزن عليكي في موضوع الجواز ونفسي افرح بيمي واطمن عليكي في بيت راجل يحبك وتحبيه ويتقي ربنا فيكي لكن مستحيل اجبرك علي حاجه انتي مش حباها.
سهر…وهو ده الفرق بينك وبين طنط فاتن اينعم انا و حضرتك بتنخانق كتير في الموضوع ده و زهقت من العرسان اللي بتجيبهالي بس انا مقدره ان ده حب و عارفه انك مش بتجبريني
امل…..ربنا يا بنتي يصلح خالكم ويطمنا علي بيري دي اهم حاجه
سهر…يارب يا ماما
امل…يلا هسيبك بقي و خلصي اللي وراكي بسرعه.
سهر…حاضر.
عند فريد كان بيتمرن و الجو اخيرا بقي هادي .
اتصل عليه بلال.
فريد….الووو
بلال….ايه ده في ايه مال صوتك
فريد…مفيش بس كنت بتمرن قولي ايه الاخبار.
بلال….انا خلصت خلاص و كنت ماشي
فريد….طب ايه طمني الدنيا بايظه خالص عندك ولا ايه
بلال….هي كانت بايظه بس متقلقش حلتها خلاص والصنابعيه لسه ماشين و رجعنا الصاله زي ما كانت.
فريد…..هو ايه اللي حصل بالظبط و بعدين المايه وصلت للصاله جوه و لا ايه
بلال…..هي وصلت لاول الصاله الحمد لله ان المايه مدخلتش لحد جوه عشان الكهرباء يعني الامن عرفوني قبل ما تحصل كارثه الحمد لله و نضفنا المكان انا بقي عن اللي حصل.
الچاكوزي الفلتر بتاعه اتسد تقريبا واحد من الاعضاء كان لابس حاجه في ايده ووقعت منه فا اتسحبت في الفلتر و سدت المجري اللي بتطلع منه المايه فا المايه ردت تاني باندفاع في المواسير الداخليه بتاعت الصرف اللي في منطقه الحمامات
وكان في ماسوره كده ضعيفه شويه حصل فيها قبل كده كذا مره مشاكل وكنا بنعملها صيانه عاديه بس طبعا المرادي مع دفع المايه الماسوره نفسها اتكسرت و بقت ټغرق الدنيا لحد ما بدأت المايه تخرج و الحمد لله غيرنا الجزء بتاع الماسوره دي خالص و سلكنا الفلتر و ظبطنا كل حاجه اطمن.
فريد…طيب من هنا ورايح بقي تنبه علي كل الاعضاء ممنوع لبس اي حاجه في المنطقه الخاصه بالسونا والچاكوزي اي حد لابس حاجه في ايده ممنوع يدخل غير لما يكون سايب كل حاجه في
–
الدولاب بتاعه المرادي ربنا ستر المره الجايه ممكن المايه تدخل علي الاجهزه والكهرباء تلمس و تبقي مصېبه.
بلال….متقلقش ده اللي هيحصل انا كمان هكتب في الجروب و اعرف الكل انا خلصت خالص انهارده وتعبنا جدا مش فاضيين احنا بقي نضيع كل شويه وقت و مجهود في الهبل ده
فريد…الحمد لاه
—
انها جات سليمه و تسلم ايدك يا صاحبي
بلال….الله يسلمك يا حبيبي
فريد…في حد جالك في الصاله ولا الكل عرف اننا اجازه
بلال….لا في اربعه جم مخدوش بالهم من الرساله و عرفتهم و مشيوا.
فريد….طيب تمام يلا روح بقي ارتاح شويه
بلال….هروح خلاص المهم طمني انت ايه الاخبار عندك والمصېبه اللي معاك دي عامله معاك ايه
فريد….هي مصېبه واحده قصدك اتنين
بلال….ايه هي بعتت جابت حد معاها فهمها يا فريد ان بيتك مش الشړون الاجتماعيه
فريد…بابتسامه لا مش شخص ده حيوان
بلال….حيوان ازاي يعني مش فاهم
فريد….لا بلاش بقي خليها مفجأه لما تيجي
بلال…لا بالله عليك بلاش مفاجات خالص كفايه مفجأه المطبخ.
فريد….دخلت قطه يا سيدي
بلال….قطه و انت وافقت كده عادي ايه حبيت القطط والحيوانات مره واحده
فريد….لا مش كده انا محرج عليها انها متتحركش في البيت ولا تقرب مني كل الحكايه انها لقتها واقفه عند باب المطبخ و القطه صغره يعني لسه وشكلها هربانه من حد لان هي مش قطة شارع انا رفضت بس مش عارف ايه اللي خلاني رجعت في كلامي بيني وبينك الجو كان تلج بره و هي صغيره و مش وش بهدله.
بلال…..و الله انا حاسس علي اخر الاسبوع هتجيبلك اهلها ومعارفها وتطردك من البيت
فريد….بضحكه بسيطه انا كمان شايف كده جهزلي بقي اوضه عندك عشان اخر ما هزهق هشيبلها البيت بنفسي و امشي.
بلال…وايه اللي جابرك يا صاحبي ما تخليها تمشي بقي
فريد….اطردها يعني ما انا قولتلك اللي فيها و حكتلك علي مكالمتها مع اهلها البنت شكلها ضعيفه وهبله كده و بصراحه انا مش هقدر اتخلي عنها بعد ما طلبت مساعدتي.
بلال….اهو قلبك الطيب ده اللي عامل فيك كده يا صاحبي
فريد….انا انسان يا بلال و ده الطبيعي و انا واثقه ان لو انت كمان كنت في نفس الموقف كنت هتعمل نفس اللي عملته
بلال…انا مش فارق معايا اي حاجه يا صاحبي غير انك تكون بعيد عن المشاكل اي حاجه تانيه بقي تهون.
فريد…متقلقش انا تمام هو واضح كده ان الرجاله اللي كانت مراقبه المكان مبقوش موجودين فاضل بس هي واهلها يتفقوا و اكيد هتمشي.
بلال…ماشي يا صاحبي
فريد….قولي ياسر عرف اننا اجازه و لا لا
بلال….لا انا كلمته عشان ميجيش علي الفاضي بس كنسل عليا مرتين قولت اكيد مشغول عموما لما يفضي اكيد هيكلمني وهعرفه
فريد…طيب تمام يلا روح بقي ارتاح
بلال….مش محتاج مني اي حاجه انهارده
فريد…لا يا صاحبي متحرمش منك انا تمام روح انت.
بلال…تمام يلا اشوف بكره سلام
فريد…سلام.
قفل فريد وبص في الساعه بتاعته لقاها بقت 8
حس انه خد وقت طويل اوي و نسي نفسه
رجع كل حاجه زي ما كانت و ظبط الصاله راح مسك كحول و فوطه صغيره وبدأ يمسح كل حاجه لمسها و عقمها و بعد كده قفل الانوار و طلع علي فوق
كان مستغرب انها مختفيه و ملهاش صوت مم وقت ما سابها اخر مره.
طلع براحه لمحها نايمه علي الكنبه و رتحه في النوم و القط في حضنها نايم هو كمان ومتدفي .
ابتسم فريد بهدوء وفضل واقف شويه باصصلها و باصص علي القط اللي حاسس بالأمان معاها
مشي بهدوء وطلع علي الاوضه بتاعته خد شاور و غير هدومه
لبس سويت شيرت اسود و حط الكاب بتاعه علي راسه و لبس بنطلون بيتي اسود.
نزل علي تحت كانت نايمه زي ما هي راح بهدوء علي المطبخ عشان يعمل اكل اكيد جاعت و خاېفه تعمل حاجه عشان هو قاعد انهارده
وقف يبص في الثلاجه كان حاسي ان هو جعان اوي و مش عارف يعمل ايه لمح كيس فيه جمبري فا فكر انه يعمل مكرونه بالجمبري و دي اكلته المفضله اصلا.
طلع الجمبري و بدأ ينضفه و يطلع كل الحجات اللي هيستخدمها يمكن هو ملهوش علاقه بالمطبخ و دي مسؤولية بلال لكن هو طباخ شاطر جدا و الكل كان ديما يقول انه لو كان فريد ممكن يشتغل حاجه تانيه اكيد كان هيبقي شيف مشهور جدا وشاطر من كتر حبه للمطبخ و الابتكار في الاكلات.
كان واقف غي جو هادي و رايق و مزاجه مش وحش بقاله فتره كبيره مخدش اجازه و عشان كده كلن بيتحرك في المطبخ و هو مبسوط و الاهم مكانش في ازعاج من بيري .
و فوسط ماهو مندمج وقف پصدمه كأنه اتسمر في مكانه.
نيووووو.
بص تحت رجله بهدوء من غير ما يتحرك ولمحها تقريبا جات علي ريحة الجمبري
فريد…پخو…ف ششش امشي امشي من هنا
نيووووو.
فريد…اوعي تقرب ابعد خالص
نيووووو
فريد….وبعدين بقييييي طب بص ابعد وانا هحطلك اكل انت جعان صح
مشي فريد براحه جاب علبة تونه من الثلاجه فتحها وحطها في الطبق اللي بيري بتحط فيه الاكل
فريد…هشششس امشي امشي خليك بعيد هأكلك بس لو قربت مني هطر…دك زي الكـ,ـلب بره خليك مؤ….دب عشان نعرف نتفاهم مع بعض.
في الوقت ده بيري كانت صحيت و فضلت باصه عليه و بتضحك بهدوء عابزه تشوف هيعمل معاه ايه بس اتفا…جئت انه طيب و حنين.
بعد القط عنه و كأنه كان فاهم انه خاېف منه
فريد….ايوه كده براڤو عليك اهو كده ممكن نبقي صحاب بس من بعيد لبعيد يلا تعالي كل
نيوووو
فريد….يلا الاكل بتاعك اهو و لو خلصت في تاني المهم خليك مؤدب تاكل وتروح عند صاحبتك
سابه فريد وقام وقف لمح بيري واقفه و سانده ايدها علي دقنها وبتتفرج عليهم من وراء الرخامه اللي كانت بتبص علي الليڤنج روم.
بصلها فريد بارتباك
فريد…ااا نايمه انتي وسايباه و انا عرفتك تبعديه عني خالص
بيري….بس واضح يعني انكم بقيتوا صحاب
فريد….مين ده انا والبتاع ده مستحيل طبعا كل الحكايه انه جالي عشان شم ريحة الاكل انا حطيتله بس الاكل عشان يبعد عني
بيري….بس مش ده الواضح شيفاك يعني بتتكلم معاه وهو واضح انه فهمك و احترم انك خاېف منه
فريد….شوفي لما اقولك لو فضلتي تكرري كلمة خاېف دي كتير هطردك انتي وهو بره
بيري…بضحك طيب مش دي الحقيقه و بعدين انت الصبح اعترفتلي فوق انك پتخا…ف و علي فكره مش عيب خالص انك تكون پتخاف من حاجه انا عن نفسي بخاف من حجات كتير اوي
فريد….الموضوع مش موضوع خو….ف يعني او مش زي ما انتي فاهمه كل الحكايه ان الشعر بتاع القطط والفروه دي بتخليني مش علي بعضي مش بحب الملمس ده.
بيري….طيب ما الكلاب عندها نفس الشعر.
فريد…لا مش للدرجادي و بعدين في كلاب شعرهم قصير خالص و ملمسهم مختلف وبعدين انا بقرف
بيري….شوف تقرف او تخاف زي ما قولتلك مش عيب خالص كل بني ادم في الدنيا عنده فوبيا من حاجه معينه و في حجات كمان غريبه ممكن الانسان ېخاف منها يعني انا عندي واحده صحبتي مثلا پتخاف من اي حاجه ليها ريش حتي لو كانت لبس يعني لو في جاكيت ليه فرو و ريش و الجو ده ممكن يغم عليها فيها.
فريد…وانتي ااا يعني اقصد انتي پتخافي من ايه
بيري….انا بخاف من حجات كتير يعني الحشرات بكل انواعها اللي بتزحف واللي بتطير حتي لو كانت فراشه جميله كمان بخاف من الفار اوي يعني ممكن يجيلي ساكته قلبيه لو لمحت فار
—
او لو حشره طارت عليت في حجات تانيه ممكن اخاڤ منها بس مش لدرجة الفوبيا خۏفي منها لخطورتها مش اكتر زي الكلاب يعني الكلاب الشرسه بترعبني بس الكلاب الصغيره عادي بحبها وبلعب معاها اخاڤ من التعابين بس ممكن لو مش سامه احاول امسكها كده يعني.
فريد…اممم جميل
بيري….طيب وحضرتك پتخاف من ايه تاني غير القطط
فريد….شوفي موضوع خۏفي من القطط ده ليه حكايه طويله انا زمان مكنتش بخاف منهم ولا كنت بركز في موضوع الملمس ده خالص بس عادي انك تبطلي تحبي حاجه لما تتعرضي لموقف و في العموم انا مش بخاف من اي حيوان سواء بقي مفترس سام كل ده مش بيفرق معايا
بيري…طيب و ايه الموقف اللي خلاك تخ…اف من القطط كده بعد ما كنت بتحبها.
فريد….هو انتي ما صدقتي حد يرغي معاكي ولا ايه
بيري…هو حضرتك وراك حاجه مش انت اجازه وبعدين انا زهقانه اوي مش لاقيه حاجه اعملها و بجد ھمو…ت من الملل
فريد….ليه مش البتاع ده خلاكي تتسلي معاه شويه
بيري….بابتسامه اسمه قدر مش بتاع بعد اذنك
فريد…باستغراب قدر ايه الاسم ده
بيري…انا سألت حضرتك اسميه ايه اتعصبت عليا وقولتلي سميه مصېبه كارثه او حتي قدر مهبب و بصراحه قولت حلو قدر بما ان يعني القدر جمعني بيه صدفه يعني بالرغم من ان حضرتك كنت متعصب ومش طايقني بس ساعدتني في اسمه و بقي قدر وممـ,ـنوع تقول عليه بتاع بعد اذنك
فريد….بنظره هاديه وطويله ماشي يا ستي استاذ قدر حلو كده
بيري…اه حلو يلا بقي احكي
فريد…احكي ايه
بيري…ايه الموقف اللي خلاك تخا…ف من القطط.
فريد….طيب امري لله هحكيلك
طلعت بيري علي الكرسي بتاع الباب و سندت ايدها علي خدها وهي مبتسمه و بدأت تسمع حكاية خو…فه من القطط.
بيري…..يلا سمعاك
وللحديث بقيه…..