لقاء كـ،ـ،ـارثي

أميره أسامه
صاحبة البطل الواحد

. البارت المئه 136.

………………………..

في منزل أحمد…

كان وقت تحضير السحور و دخل الثلاث بنات مع بعض علي المطبخ

احمد كان بيقرأ قرآن و تامر خلاص جاي كان متأخر في الشغل شويه عشان اول يوم هيكون اجازه..

دخلوا و وقفوا يجهزوا مع بعض عمالين يضحكوا و مبسوطين و ايه واقفه عماله تقشر فسدق و تاكل و تأكل نغم و سلمي ..

و الحقيقه ان نغم فكت خالص لدرجه انها بدأت نحس ان هما عيلتها و يمكن ده حصل اكتر لما نزلت الشغل اه كانوا يادوب يومين بس حست انها مرتاحه اكتر و يمكن كمان هما نفسهم اتعلقوا بيها اوي

خدوا عليها و علي وجودها هي كانت عشريه بس هاديه في الطباع يعني بتحب تهزر و تضحك و بترغي كتير زي ايه بس طباعها اهدا من أيه

سلمي….اهي هي دي ايه يا نغم تقف جنبك تلخمك و تعطلك و تاكل

نغم…..بضحك والله دي جميله

ايه…..ان شالله يسترك دي حقوده دي سيبك منها

سلمي…..بضحك يلا با كلبه

نغم…..طيب ايه انتي بتعرفي تعمل اكل ولا بتاكلي بس

ايه….لا والله بعرف اساليها

سلمي….بتعرف بس مش كل الاكل متكدبيش

ايه…..طب لما بعمل اكله لاول مره و بتوصيفها مش بعملها حلوه بذمتك

سلمي….بصراحه بتعرف بس ايه مش دماغها المطبخ فهماني

نغم…..ايوه فهماكي علي حسب المود

ايه…..لا مش حسب المود والله كل الحكايه ان المطبخ ده هوايه و هو مش هوايتي و لا الحاجه اللي اضيع فيها وقتي يعني سلمي لو مزاجها حلو او لو فاضيه طول اليوم عندها استعداد تقف في المطبخ إنما لا

نغم….طيب انتي ايه هوايتك

سلمي….الكلاب طبعاً مش عايزه سؤال

ايه…..انا بحب الحيوانات عموما و الكلاب خاصتاً

نغم…..يعني انتي بتشتغلي حب في الكلاب مش عشان الشغل نفسه

ايه…..اه انا اشتغلت عشان دي اكتر حاجه بحبها مش عشان انا عايزه اشتغل و خلاص

نغم….بس حلو والله انك تشتغلي في حاجه بتحبيها مع ان الصور اللي فرجتيني عليها مرعبه معرفش ازاي بتقدري تتعاملي مع الكلاب دي

سلمي…..اغلبهم اكبر منها اصلا

نغم…..ايوه والله ماشاء الله كبار عليها خالص و يخوفوا

ايه….اتعودت و بحبهم بصراحه

سمعوا صوت الباب بيتقفل

سلمي….تامر شكلوا جه

ايه….اه هو

سلمي….تيمو احنا في المطبخ.

دخل تامر علي المطبخ

تامر….بابتسامه سلام عليكم

البنات…..عليكم السلام