لقاء كـ،ـ،ـارثي

ليله….بدأت تستفز من كلامها بس فضلت هاديه رحاب انتي مريتي مشاكل نفسيه قبل كده ؟

رحاب….اكيد مين فينا مبيمرش بنفسيه وحشه و مشاكل انا مش عيزاكي تفهميني غلط بس من امته المشاكل النفسيه بتخلينا نبعد عن اللي بنحبهم يعني ممكن نبعد نسافر نغير جو لكن نخرج ناس بنحبهم من حياتنا صراحه لا كده يبقي عمرنا ما حبيناهم

رهف…..علي فكره لا عادي اوقات لما نفسيتك بتبقي تعبانه بتاخدي قراات غلط

ساره….مش شرط يا رحاب دول كانوا هيتجوزوا خلاص و علاقتهم كانت حلوه ماشاء الله

نجود….صح و طول الوقت انا وهي كنا بنتكلم و نختار مع بعض واقولها اختاري انتي ده بيتك تقولي اختاري معايا و علاقتها بيا كانت جميله كنا صحاب مش مجرد حماه و مرات ابنها ونعيمه مش الشخصيه اللي بتشيل جواها يعني لو زعلت من حاجه بيبان عليها

رحاب…..و هو عشان كانوا هيتجوزوا يا ساره يبقي خلاص ما يمكن اكتشفت انها مش بتحبه او انها مش مرتاحه في العلاقه و بتحصل عادي ناس كتير سابوا بعض قبل الفرح بتاعهم بايام و اكتشفوا ان طباعهم مش هتمشي مع بعض و من كلامكم واضح اوي ان ده اللي حصل معاها بعيداً يعني عن كلامها الحلو في حق فضل و رسايلها ده مش معناه انها بتحبه هو يمكن عشان مشافتش منه حاجه وحشه بس تصرفها بيقول انها محبتش فضل و بصراحه تصرفها مش مقبول و من رأيي محدش يضغط علي فضل ده راجل و كرامته اتجرحت و خلاص نصيبهم خلص و هي اللي قررت ده مش هو يعني مخدتش رأيه متناقشتش معاه منهتش علاقتهم بشكل يليق بفضل و ادام معندهاش اسباب و قررت تبعد مره واحده يبقي حاجه من اتنين يا اما هي كانت بتحاول تبعد بقالها فتره عن فضل و مكانتش عارفه و مصدقت الفرصه جاتلها او هي حست ان ممكن يكون في حد تاني مناسب ليها اكتر

ساره وملك بصوا لليله بسرعه

امينه…كلام ايه ده يا بنتي البت بتحبه و الحب باين في عينها للكل احنا كبار و نفهم كويس و حد تاني مين دي كانت هتتجوز و هي وفضل طايرين ببعض طير

نجود….وحتي لو مش بتحبه نعيمه مش الشخصيه اللي هتجامل علي حساب نفسها يعني هتقول مش عايزه اكمل

رحاب…..طيب ما هي فعلا عملت كده و مكملتش يعني مش بتحبه يا جوجو يا حبيبتي ملهاش تفسير تاني غير كده يعني تفسري بايه انها تبعت شبكتها بالطريقه دي و انها تسافر من غير ما تعرفوا فجأه كده نفسيتها تعبت قبل جوازهم بفتره بسيطه مش منطقي برضوا هي غريبه اوي بصراحه و اهتمام فضل بيها كان واضح اكتر من اهتمامها هي بيه