لقاء كـ،ـ،ـارثي
فا اسفه يعني انا ممكن اسمحلك تتناقشي معانا تتكلمي تعبري عن رأيك مع انه مش من حقك بس عادي سيبتك لكن تتخطي حدودك مش مسموح و لا مسموح انك تحلي قعدتك علي سيرة نعيمه لان هي لو مش موجوده فا انا موجوده
بصتلها رحاب و اتكسفت جدا واتخضت و خافت من تحويل ليله بشخصيتها الجريئه دي و معرفتش ترد
بصت ليله لامينه بهدوء وابتسمت
ليله….امونه انا هروح اعمل قهوه اعملك معايا ؟
امينه….بابتسامه تجنن اعملي يا نور عيني
ابتسمت ساره و ملك بهدوء
ساره….ااا لولي اساعدك
ليله….ارتاحي يا قلبي انا هعمل
قامت ليله قدام الكل و خرجت علي بره و قامت بسرعه نجود وراها.
عدت ليله من قدام المجلس بتاع الرجال و وراها نجود و هي بتقولها استني يا ليله
عشري…شافهم من بعيد و مال علي فضل هو في ايه امك وليله ومالهم
فضل….معرفش تعالي نشوفهم
………..
رضوي…..انتي ايه اللي عملتيه ده يا رحاب بس انتي ناسيه انها صاحبتها
رحاب…..انا مقصدش علي فكره انا كنت بتكلم عادي معرفش انها هتزعل كده وبعدين هي ليه اتعصبت بالشكل ده مش فاهمه
رهف…ما بتقولك صاحبتها و بعدين يعني ايه بتحب راجل تاني
شاهنده…..بصراحه انتي غلطتي يا رحاب ليله و نعيمه مش مجرد صحاب دول اخوات
رحاب…..يابنتي انا بتكلم عادي و بعدين ما كلنا كنا بنتكلم طنط امينه انا غلطت في حاجه
امينه…..كيف ما شاهنده قالت ليله و نعيمه اخوات مش اصحاب و اللي قولتليه ميصحش كيف يعني حبت غير فضل
رحاب….ااا صدقيني مقصدتش انا بقول مجرد راي
ساره…..مش صح يا رحاب و حتي لو ده رايك لو هيزعل اللي قدامك ميتقالش و بعدين انتي متعرفيش نعيمه عشان تحكمي عليها افرضي نجود مثلا موجوعه علي ابنها مش يمكن كلامك ده يخليها تكرهه نعيمه و لو حصل ورجعوا تاني لبعض علاقتها هتتوتر بيها و تفضل فكرالها وجع ابنها ده
رضوي…..صح ساره معاها حق يا رحاب و بصراحه انا اشك ان نعيمه تكون سابت فضل عشان سبب زي ده ماهو بالعقل لو مش عيزاه هتقول مش عيزاه وخلاص مش هتبعد عن اهلها وصحابها و شغلها
نرمين….وبعدين نعيمه مش طفله عشان تتجبر علي علاقه مش عايزاها هي لما اختارت فضل اختارته بمزاجها يعني الطبيعي انها لو مش عيزاه هتسيبوا برضوا بمزاجها بس هي محترمه بصراحه و بتحب فضل و اكتر حاجه بجد لفتت نظري ان حكايتها شبه محمود
