لقاء كـ،ـ،ـارثي
ليله….دي حقيقه فعلاً فا الموضوع مريح بالنسبالي
رحاب….طيب انتي محمد اكتشف فيكي حاجه مكنش يعرفها
ليله…. بابتسامه لا عشري اللي يقول بقي دي مسألتهوش بصراحه
شاهنده….انا بحس ان مهما كانت العلاقه قبل الجواز قويه و بتعرفوا كل حاجه عن بعض لكن بعد الجواز لازم تكتشفوا حاجه عن بعض مكنتوش تعرفوها
امينه…طبعا يا بنتي الجواز حاجه تانيه شخصين بيعيشوا في نفس البيت تحت سقف واحد صاحين نايمين واكلين شاربين في وش بعض
ساره….بس بصراحه انا محستش التغيير ده في عمر يعني عمر نفس الشخص قبل وبعد يمكن بس بعد اكتشفت انه مرح ودمه خفيف الاول كان اي انطباع عنه انه جامد و مش بيهزر
شاهنده….بس برضوا بيكون في اختلافات
نجود…. زي ما امينه بتقول العشره بتختلف في الاول كل طرف بيحاول يظهر احلي ما عنده بس بعد الجواز خلاص الطباع بتظهر
ليله….بضحك بصراحه انا زي ساره كده كل طباعنا بانت قدام بعض والوحش قبل الحلو في الاول اكتر يعني بعد الجواز انا بشوف نسخه جديده من عشري هو في الاول كان يجنن بس بعد الجواز مش عارفه حاسه اننا مرتاحين اكتر
ملك…..يمكن عشان في الاول كان في مشاكل يا لولي واجهتوها بس الوقت انتوا مرتاحين اكتر و بعدين انتي تجنني و محمد كمان طيب اوي وبيحبك
ليله….بابتسامه يمكن اللي بتقوليه صح بس عايزه اقولك رغم ان المشاكل دي كانت كبيره بس كمان خلتني انا وعشري نتمسك ببعض اكتر و النوع ده من المشاكل يا اما بيخليكي تفهمي اوي شخصيه اللي قدامك و تبعدي و انتي مرتاحه يا اما تتمسكي بيه اكتر و انا وعشري قدرنا نتمسك ببعض و نتخطي كل المشاكل دي
ساره…..الحمد لله ربنا ما يعودها ايام و يسعدك انتي ومحمد و يرزقكم خير الدنيا كله
ليله….بحب يارب يا ساره
نجود…..محمد بيحبك يا ليله وبيقدرك و عارف قيمتك احنا كلنا اول مره نشوف محمد فرحان كده و الفرحه باينه في عينه
امينه…..عشان هي تستاهل يا نجود بت اصول و جدعه
ليله….بحب مسكت ايد امينه ربنا يخليكي ليا يا امونه
رحاب…..بابتسامه طيب بصراحه كده يا طنط امينه مين اغلي حد عندك ساره ولا ملك و لا كارين ولا ليله جات كلت الجو
ليله…..بابتسامه لا طبعا هما الاصل
امينه…بابتسامه شوفي ربنا وحده اللي عالم ان غلاوتهم في قلبي واحده انا ربنا ما رزقنيش ببنات و عوضني بيهم و الحمد لله كل واحده فيهم خارجه من بيت اصل و متربيه و تعرف الاصول بس كل واحده فيهم فوق غلاوتها ليها غلاوه خاصه يعني ساره بعتبرها البكريه بنت اصول و جدعه و شيلاني و هي الكبيره لو نكرت حبها ليا ابقي بظلمها هي عارفه اني مقدرش يفوت يوم من غير شوفتها وشوفتهم كلهم والله اما ملك بما انها الصغيره فا بحسها بنتي اللي بتناغشني و تضحكني و كمان وقت ما تعرف اني لوحدي تسال وتيجي و تنزل و كارين بصراحه في الاول كنت خايفه مقدرش اتفاهم معاها لغتها غير لغتنا و عادتها غير عادتنا بس الشهاده لله الطيبه والحنيه و الذوق و الهدوء بمكن لحد الوقت اوقات كتير مفهمهاش بس اهو بنحاول انا وهي والشهاده لله اتعلمت طباعنا بسرعه و بتحبنا وبنحبها و هي امانه عندينا يكفي انها سايبه عيلتها وبلدها وامها و ابوها وناسها يعني لو هزود غلاوه هزودها لكارين
