لقاء كـ،ـ،ـارثي

ليله….لا في كتير يا فضل

فضل…..في ايه يا ليله ايه الكتير اللي ممكن يتقال انتي بتدافعي عن نعيمه عشان صاحبتك و تخصك

ليله…..انا بدافع عن الحق و زي ما بدافع عن نعيمه بدافع عنك انت نخصني زي ما هي تخصني يا فضل

فضل…..لا يا ليله انتي بتتكلمي و انتي شايفه ان الغلط عليا

ليله…..مقولتش كده انا قولت غلطك في قفلك للموضوع فضل انت استقبلت سفر نعيمه و انفصالها عنك بأنك سكتت متكلمتش محاولتش تفهم تعرف تسأل كأن اللي كانت في حياتك دي و احده عادي عدت من حياتك زي اي حد غريب

فضل…..و انا كنت ايه في حياتها يا ليله هاااااا اقولك انا..

انا كنت في حياتها مجرد تسليه مش اكتر فجأه و بدون مقدمات اتغيرت فجأه مبقتش عارفه هي بتحبني ولا لا عايزه تكمل و لا لا كنت بسمع كل ده منها و انا ضاغط علي نغسي وكرامتي و رجولتي وقولت تمام هي نفسيتها مش احسن حاجه بس كنت جنبها مسيبتهاش معاتبتهاش علي كلامها و فجأه تاني لاقيت نادين جيالي معاها شنط فيها شبكتها و دهبها و رساله بتقولي فيها انها مش هتقدر تكمل و فجأه نعيمه فين نعيمه في الامارات انا لو غريب و لا عريس صالونات يا ليله كانت بعدت عني بطريقه احسن من دي

كانت وقفت قدامي و قالتلي كل شئ قسمه و نصيب بس انا كنت اقل من الغريب بالنسبالها كنت ولا حاجه يا ليله في حياتها حطي نفسك مكاني اليوم اللي عرفت فيه ده يا ليله من اول ما صحيت بكلمها و موبايلها مقفول و مرعفش عنها حاجه قولت سيبها مضايقه زهقانه مش حابه تتكلم و فجأه واقف مع ميدو و نادين و بعرف كل حاجه زيي زيهم بشوف دهبها في الشنطه زيهم بتفاجئ زيهم بتصدم زيهم موقفي كان زي الزفت و انا بتساب في رساله يا ليله كنتي عيزاني اعمل ايه هااااا اتكلم اتعصب اعيط زي الحريم اندب علي كرامتي اللي صاحبتك داست عليها باوسخ جزمه

عيزاني اسمع صحابي بيتكلموا معايا في ايه هاااا اسمعهم و هما بيقولولي معلش شد حيلك يطبطبوا عليا و يقولولي ربنا يعوضك و لا عيزاني اروح وراها يا ليله و اقلب عليها الدنيا انا معاكي كان ممكن اعمل كده زي ما عشري عمل معاكي و يمكن اكترررر بس لو في سبب لو في حاجه تستاهل انما مكانش في نعيمه مبعددتش عشان حد فينا زعلها مبعدتش عشان انا كنت وحش معاها ربنا شاهد وانتوا شاهدين اني كنت بعمل كل حاجه حلوه عشانها