لقاء كـ،ـ،ـارثي

شاهنده….بس انتي ماشاء الله يا ليله بتعرفي تحطي ميك اب لنفسك صح يعني انتي اللي عامله الميكب ده؟

ابتسمت ليله وهي سامعه امينه عماله تقرا قران

ليله….اه انا هو انا بصراحه بحب الميكب اوي و بعرف اختار الالوان اللي تليق عليا و دي اهم حاجه انك تختاري الوان تليق علي بشرتك و بصراحه اللي علمني اكتر ايمي صاحبتي هي استاذه و هي و توما بس اللي ممكن اخليهم يحطولي

رضوي….انا مش بعرف احط خالص بحس اني متحمسه اعمل لوك بس اول ما اجي احط بحس اني مش عارفه و ايدي بتترعش

نرمين….حتي انا والله يعني بعرف بسيط لكن معرفش اظبط العين ابدا هي ماشاء الله شطوره

ليله….بابتسامه يا سلام اعلمكم هو الموضوع سهل وعلي فكره انتي ملامحك تجنن يا رضوي اوي و بحب لون بشرتك دي اوي يعني لو وقعتي تحت ايدي هعملك لوك يجنن و كارين كمان عايزه اجرب فيها

كارين….بضحكه جميله يلا جرب انا مش بعرف كمان

نجود….انتي زي القمر من غير ميكب يا كارين

رهف….ايه ده طب وانا كمان مليش دعوه

ليله….عيوني احنا نتجمع كده في يوم عندي و نعمل ميكب و نخرب الدنيا

رهف…..طيب و طلب كمان

ليله…..ايه

رهف….يعني لما تبقي فاضيه في اي يوم المهم يكون قبل العيد تعرفيني مين اللي عملك البيرسينج ده نفسي اعملوا و خايفه اعملوا عند اي حد

ليله…..بابتسامه رفعت حاجبها لا هو انا معملتهوش في مكان

رهف….امال ايه؟

ملك…..حد من البنات ولا اوعي تقولي انتي اللي عملتيه لنفسك

ليله….بابتسامه اه انا

ملك….طب احلفي

ليله….بضحك والله

ساره….طب عرفتي ازاي

نجود….انتي اللي عامله ده كله لنفسك بجد

ليله….والله انا

رحاب….يالهوي قدرتي ازاي بجد دول بيوجعوا اوي يا ليله انا عملت واحد تاني في ودني غير اللي اتولدت بيه فضحت الدنيا

ليله…..لا عادي مش بيوجعوا للدرجه يمكن اللي عملك ايدك تقيله

رهف…..كانت لسه بصالها بصدمه لولي احلفي كده انت اللي عملاهم لنفسك

ليله….بضحك والله انا مش مصدقاني ليه لو في فودني مكان زياده كنت وريتك و انا بعملوا

خديچه…طيب و حتي اللي في مناخيرك اكيد لا دي صعبه

ليله….لا والله انا برضوا

رحاب…..ليله انتي قلبك جامد اصلا

ليله…..لا عادي يعني

رحاب….بضحك عادي ايه دي بتوجع بجد يعني انا بصراحه ممكن اجازف واعمل عند اي حد بس اوجع نفسي اخاف