لقاء كـ،ـ،ـارثي

حماس سلمي كان كبير لانهم كانوا عازمين حسان و والدته و والده يفطروا مع بعض اول يوم فكانت حاطه كل طاقتها في المطبخ

اما الروح اللي كانت بين نعيمه و امها و نسمه كانت مختلفه مشاعر مختلطه بين وجع الفراق و بين فرحة المشاركه لاول مره بينهم اهتمام نسمه بنعيمه و تشجيعها ان الاكل هيطلع حلو و كويس كان مدي طاقه تجنن لنعيمه اللي كانت فاصله خالص و بتعيش مشاعر افتقدتها

مركزه و عندها حماس وطاقه و عماله تعمل كل حاجه امها تقولها حتي عادل شاركهم اللحظه هو و نادر بقوا واقفين في المطبخ يهزروا ويضحكوا وبتكلموا مع نعيمه و يشوفوا بتعمل ايه و هي عماله تضحك و تفرجهم بسعاده و هي بتعمل المحشي كان جو اسري مفتقدينوا بس كانت لحظه حلوه

ليله وعشري صحيوا بس كانوا هيفطروا عند اهله و مفيش حاجه يعملوها كانوا مقضين الوقت عشري بيقرا قران و يصلي و هي كمان قرات قران وصلت و قامت توضب البيت و تشوف محتاج ايه و بعد كده جهزت لبسها وشويه و بقت تتصل باخواتها والبنات و تشوفهم بيعملوا ايه

و في وسط الحماس و تجهيز الاكل والوقت اللي بيجري بسرعه و هما بيجروا وراه كان في ابتسامات مخفيه من تقي و نسمه و ريهام من رسايل جميله خففت ضغط اليوم

رسايل حب من عدي و سليم و رسالة اهتمام من محمود

كان في جنان من ايه وسلمي و نادين و عسال وسلامه اتصلوا ببعض ڤديو ضحكوا و فرقعوا صواريخ مع بعض و بعدين رجعوا تاني كملوا

ليله فصلت علي نعبمه اتصالها بامها و كلمتها وفضلت نعيمه تشتم فيها عشان فصلت الڤديو و ليله تضحك عليها و هي بتجهز الاكل

و شويه و كلمت ايمي كان في حاله جميله بينهم يمكن متجمعوش مع بعض بس كانوا مع بعض كلهم بروحهم الحلوه و هزارهم و ضحكهم

علي الساعه 3 ونص دخلت ليله علي عشري في غرفة الصلاه فتحت و وقفت شويه

عشري…..صدق الله العظيم بابتسامه ايه يا حبيبي عايزه حاجه

ليله….هو احنا هنروح لامونه امته

عشري…..شويه كده لسه بدري زهقانه ولا ايه

ليله….لا بس يعني هنروح عالفطار كده بيتهيالي مش حلوه البنات كلهم هناك و بيساعدوها

عشري….بابتسامه اديكي قولتي البنات بيساعدوها و معاها كمان فاطمه و زهره و فرح بيساعدوها و القمر بتاعتي عروسه يعني تفطر بس متعملش حاجه

ابتسمت ليله و دخلت قعدت جنبه

ليله……هو ايه حوار عروسه ده معاك خلاص راحت عليا خلي في ذوق بقي هروح تكل علي الجاهز علي الاقل اقف معاهم