لقاء كـ،ـ،ـارثي
عشري….ليله معاها حق يا عشري انت مش هتخسر حاجه لو نعيمه فارقه معاك بجد و بتحبها حاول عشانها يمكن هي تعبانه و محتجالك
يمكن محتاجه تحس ان بعد كل اللي عملتوا ده تشوف قد ايه انت متمسك بيها
نجود…..استهدي بالله يا فضل و حاول معاها يا حبيبي نعيمه بتحبك واكيد مقصدتش توجعك امها وابوها هيتجننوا عليها و مش عارفين بنتهم فيها ايه مش يمكن با حبيبي حد ضايقها حد اتعرضلها او في حد عمل معاها موقف خلاها حبت تبعد عن الكل مفكرتش مثلا ان في اي راجل قرب منها ضايقها فا خافت و بعدت مفكرتش في اي حاجه وحشه ممكن تكون حصلت معاها و اتحرجت او خافت تتكلم فيها ماهو مش طبيعي انها تبعد كده
ليله….فضل انا موقفي وحش اوي اني اقعد قدامك واقنعك تدي صحبتي فرصه دي تقيله عليا اوي لان لو عليا هي في عيني تستاهل احسن حد في الدنيا و تقعد و تحط رجل علي رجل مش القي بتحايل علي راجل يديها فرصه بس انا عرفاك كويس و بعتبرك اخويا و غلاوتك من غلاوتها نعيمه محتجالك وانا واثقه من ده كويس زي ما انت محتاجلها نعيمه كانت راسمه حياتها معاك و مخططه ان طريقكم واحد و ان ده يحصل بينكم اكيد ليه سبب
عشري…..مش هتخسر حاجه لو كلمتها يا فضل ابعتلها رساله حتي لو مش قادر تتكلم قولها فيها كل اللي جواك اعمل اللي عليك عشان زب ما لياه قالت لو لاقيت الموضوع مقفول تقفل الباب وراك وانت مرتاح وياسيدي هنوعدك مش هنتكلم تاني
بس متنساش ان بعيد عن علاقتنا كلنا بالبنات احنا صحاب اصلا و كلنا مع بعض عيش وملح و عيشنا مع بعض في وقت قصير مواقف و احداث و حجات كتير مينفعش تتقفل كده
نجود…..صح لان في كل الاحوال الوشوش هتتقابل هي هترجع مش هتفضل بعيد و اكيد في صدفه هتجمعكم افراح صحابكم مناسباتكم اي حاجه هتشوفوا بعض علي الاقل لما تشوفوا بعض متبقوش اغراب
فضل….بنظره حزن هز راسه بلأ كل اللي بتقولوا ده علي راسي بس صدقوني انتوا مش عارفين حاجه انا اللي كنت مع نعيمه يا ليله اخر فتره انا اللي كنت معاها بعد جوازك و بعد سفرك و انا اللي كنت سامع كلامها و حتي الكلام اللي في عينها انا اللي حسيت بقرار نعيمه حتي من قبل ما تاخده بس مكنتش متخيل انها هتعمل كده صدقوني انا عارف ان الموضوع تقيل عليكم زي ما هو تقيل عليا بالظبط بس نعيمه مرتاحه في قرارها ده و انا مبقتش فارق معاها فا عشان خاطري سيبوني انا كمان اكون مرتاح سيبوني احافظ علي اللي باقي من كرامتي و حطوا نفسكم مكاني لو لحظه انتي يا ليله لو فجأه لاقيتي عشري لاقدر الله انفصل عنك من غير ما يعرفك و اتفاجئتي زيك زي الكل انه سابك او طلقك هتعملي ايه كرامتك مش هتتوجع يا ليله مش هتحسي بالاهانه مش هتفضلي تسالي نفسك في اليوم مليون سؤال عن السبب مش هتقولي ليه مش هتسالي نفسك انا قصرت في ايه
