لقاء كـ،ـ،ـارثي

عشري….بضحكه جميله اكتر من كده يا بلطجيه ده انتي خرستي البت

ليله…..بابتسامه بس متكيفتش كان عندي كلام اكتر

عشري……بابتسامه تعرفي اني اول مره احس انك بتغيري علي صحابك كده

ليله…..دول اخواتي يا عشري مش صحابي و قلبي بيتوجع عليهم لما احس انهم عندهم مشكله و انا واقفه مش عارفه اعمل حاجه

ضمها عشري بحب

عشري……ربنا يخليكم لبعض و ان شاء الله كل حاجه هتبقي احسن والله انا وانتي مرينا باللي اكتر من كده يا ليله واهو بقينا في بيتنا

ليله….يارب يا عشري

عشري……يارب يا قلب عشري بس بقولك ايه سيبك من كل ده انا عندي مشكله كبيره و مش لاقيلها حل

ليله…..مشكله ايه؟

عشري……هنام ازاي من غير المنوم بتاعي

ليله…..بضحك اتلم يا بلطجي الدنيا صيام

عشري….وانا عملت حاجه بقولك هنام ازاي

ليله….هاخدك في حضني و هتنام بس بأدب

عشري……طيب اقنعيني حضنك وادب ازاي يمشوا مع بعض

ليله….بضحك زي الناس او روح نام في اوضه لوحدك

عشري…..بضحك لا و علي ايه امري لله

ضحكت ليله و راحوا علي اوضتهم يغيروا و يناموا.

……………..

في صباح يوم جديد

الوضع كان عند الكل مشحون بالطاقه و الحماس تجهيز و تحضير الاكل و العصاير و لخمه في المطبخ و ضحك و هزار و صورايخ و جنان و مقالب خفيفه تهون الصيام بضحكه من القلب..

ايمي ورشيد و امنيه و عمروا اتجمعوا عند زوزو و حماده كالعاده
ضحك و هزار و مساعده من البنات لزوزو و روح محمود الجميله معاهم

ابتسامه رشيد اللي تجنن وهو شايف ايمي بتضحك من قلبها مع اخواتها و بتفرقع معاهم صواريخ جنب زوزو و هي بتجري وراهم و بتبهدل فيهم

………….

ونفس الروح كانت عند ميدو و عسال

نادين واقفه مع جنان وريهام في المبطخ بيجهزوا الفطار و بيساعدوها و سلامه و ميدو مصطفي مش سايبينهم في حالهم و شويه ويروحوا علي الروف يلعبوا و يفرقعوا صواريخ و اهتمام ميدو باقل التفاصيل اللي تخص نادين و خوفه عليها من الصواريخ و جنان اخواته و ابتسامته وهي متمرده علي اهتمامه و خوفه وعايزه تلعب معاهم زي الطفله اللي ابوها و امها بيخافوا عليها و هي عايزه تلعب

و نفس الروح كانت موجوده عند ايه و سلمي و نغم اللي كانت مبسوطه بوجودها وسطهم و ناسيه خالص كل اللي مرت بيه و كانها بتقضي اول يوم مع عيلتها الحقيقيه و مساعدة احمد ليهم حتي تامر اللي كان مهتم بالعصاير اكتر من الاكل و واقف يعملها معاهم و جنانه هو وأيه و نغم و عمالين يفرقعوا صواريخ قدام الباب و يجروا يقفلوا بسرعه