چاسمين

البارت الثالث عشر
ركبت بيري العربيه مع السواق اللي قالتلها سهر عليه من اول ما ركبت و هي مڼهاره ومش قادره تسيطر علي دموعها حاسه انها في كابوس بشع يوم من بدايته كان صعب عليها و اكبر بكتير من قدرتها علي التحمل من بدايه ما ما قابلت سهر وملك و قالولها علي شكوكهم و هي مړعوبه وخاېفه لحد كلام مهيب معاها
وانتهي يومها پصدمه عمرها لما عرفت ان سعيد وفاتن مش ابوها وامها طول الوقت كانت حاطه ايدها علي قلبها و حاسه ان في سكاكين بتقطع فيها الرعشه اللي كانت في جسمها مكانتش رعشه برد كانت رعشه ۏجع وقهر وحزن وخوف و صډمه كبيره
السواق نفسه كان مستغرب الحاله اللي هي فيها حابب يعرض عليها المساعده لكن
مش حابب يتدخل او يتطفل عليها لكن كان شايف ومراقب حالتها كويس دموعها اللي مكانتش بتقف و ايدها اللي علي قلبها ورعشتها كل ده خوفه وحس ان هي هيجرالها حاجه.
السواق…حضرتك تعبانه تحبي اطلع بيكي علي اي مستشفي.
بصتله بيري في المرايه وهزت راسها و صوتها طاع بالعافيه
بيري…لا شكرا انا كويسه بس من فضلك سرع شويه وخلينا نخرج من هنا وياريت محدش يلحقنا.
السواق…حاضر متقلقيش مفيش حد ورانا استاذه سهر طلبت مني اوصلك علي عنوان تبعها وهي هتجيلك بعد ما تخلص الحلقه.
سكتت بيري ومردتش عليه وفضلت باصه عالطريق و هي مكمله في حالة الاڼهيار.
………….
بعد ما بيري خرجت من البيت و مازن وقف اتكلم مع فاتن وهو قرفان منها خد مريم وخرج بسرعه عشان يلحق بيري بس مكانش ليها اثر
مازن….هي راحت فين
مريم….عربيتها موجوده اكيد مشيت ومبعدتش
خرج مازن بسرعه وقف وسط الشارع بص شمال ويمين لكن مكانش في اي حد
مازن….ملهاش اثر هتلحق تمشي كل ده
مريم….وهي دموعها نازله مش عارفه يمكن جريت او يمكن ركبت تاكسي
مازن….طيب اركبي بسرعه يا مريم خلينا نشوفها يمكن نلحقها.
ركبت مريم العربيه وطلع بيها مازن بسرعه علي امل انهم يلاقوها.
……….
داخل منزل سعيد الصاوي.
سعيد….پغضب انتي اكيد اټجننتي يا فاتن اتجننتييييي ايه اللي خلاكي تعملي كده
فاتن….بقولك ايه يا سعيد انا شياطين الدنيا بتتنطط قدام وشي الوقت ومش متحمله اي كلمه
سعيد…لا يا فاتن هو ده وقت الكلام انتي فاهمه عملتي ايه بعملتك دي انتي بوظتي الدنيا
فاتن….اوعي تقلب الترابيزه عليا يا سعيد كنت عايزني اعمل زيك واسكت
سعيد…اه يا فاتن كان لازم تسكتي عشان كل اللي حصل ده مكانش ليه اي داعي
فاتن….لااااا كان ليه يا سعيد ولا انت كنت عايزني اشوف ابني بيستحلف لخالد وعايز يروح ېقتله و اقف ساكته انت شوفت مازن بنفسك لما عرف اللي مهيب قاله لبيري كان عايز يروح يقف في وشه هو وخالد انت عارف لو كان عمل كده كان هيحصل في ابنك ايه
سعيد….مكنتش هسيبه يروح وحتي لو ده كان حصل مهيب باشا عقله اكبر من كده بكتير كان هيعديها ويقول عيل صغير و مكانش هيهمه حاجه غير موافقه بيري.
فاتن….يبقي انت لسه معرفتش مهيب الباز كويس يا سعيد ده راجل سماوي ونابه ازرق حتي لو كان عداها زي ما بتقول كان هيستني الوقت المناسب عشان يرجع يردهاله كان لازم اعمل كده عشان مازن لما يعرف انها مش اخته يقف و يرجع عن اللي في دماغه.
سعيد….هو انتي فاكره يا فاتن ان مازن لما يعرف انها مش اخته في حاجه ممكن توقفه حتي لو عرفوا انها مش اختهم يا فاتن هتفضل في نظرهم اختهم عشان مستحيل في يوم وليله ينسوا كل السنين اللي عاشوها مع بعض دي بيري يمكن مش اختهم في پالدم لكن بيري اختهم بالعشره بالسنين و المواقف يعني مستحيل مازن لما يعرف انها مش اخته يقف ويقولها انا مالي و يشيل ايده ويقف يتفرج عليها
فاتن….والله معرفش بقي ده اللي جه في دماغي وهي دي الطريقه اللي كنت فاكره اني بوقف بيها مازن .
سعيد….و قدرتي توقفيه يا فاتن طب اشربي بقي اهو خرج وراها و مش بعيد لو ملحقهاش بتجنن ويطلع علي مهيب وخالد و يبقي يوم مهبب علي دماغنا كلنا كنتي خاېفه عليه و قولتيله انها مش اخته عشان يفضل في حضنك اهو طلع وراها و ادعي من قلبك انه ميتصرفش اي تصرف نندم عليه باقي عمرنا.
فاتن…هيلحقها يا سعيد و هيرجعها عشان بيري لازم ترجع لانها لو مرجعتش يبقي حياتنا اټدمرت مهيب و خالد هيدمرونا يا سعيد انت فاهم هيدمرونا وانت اول واحد ايدهم هتطولك
الشيكات اللي عليك لمهيب توديك وراء الشمس و مش بس انت انا و ولادكم كمان هنحصلك واوعي تتخيل ان ممكن مهيب يرحمني انا اولادك ويقول هما ملهمش ذنب انت عارف مهيب وشره كويس اوي لا هيفرق معاه ست ولا هيفرق معاه بنت صغيره زي مريم ولا هيرفق معاه مازن
سعيد…هترجع يا فاتن بيري مهما بعدت هترجع هي ملهاش حد وهي بنفسها قالتلك انها راجعه تاني عشان تعرف اي معلومه توصلها بامها وابوها.
فاتن….صحيح انت اټجننت يا سعيد كنت عايز تقولها مين هما عايز تضيعنا للابد انا لولا اني بصتلك و اتدخلت في الوقت المناسب كان زمانك قولت كل حاجه .
سعيد….انا عارف بقي انتي خلتيني اتحطيت في موقف صعب مكنتش متخيل ان كل ده يحصل.
فاتن….اسمع يا سعيد بيري لو عرفت مين هو ابوها و قدرت توصله لانا ولا انت ولا ولادنا هيعيشوا لحظه علي وش الدنيا وانت عارف كده كويس فات علي الموضوع ده اربعه وعشرين سنه بحالهم انت متخيل لو ابوها خد خبر ان البنت معانا هيحصل فينا ايه بيتهيألي مش محتاجه اني اقولك كويس اوي ان امها ماټت عشان انا واثقه انه بيدور علي البنت من خلال امها و طول ما هو مش لاقي امها يبقي عمره ما هي صل لبيري.
فا مينفعش بقي انت تروح تقول لبيري مين ابوها
سعيد….ايه حكايه اهل امها صعايده دي
فاتن….كنت عايزني اقولها ايه ده كويس اوي ان الفكره دي جات في دماغي اصلا انا قولت اصعب الموضوع عليها عشان تخاف و متدورش عليهم لانها هتبقي عارفه انها لو وصلتلهم اكيد ھتتقتل.
سعيد….ماشي يا فاتن
فاتن….انا عيزاك تكون هادي يا سعيد و متبوظش الدنيا كالعاده ولادك اكيد هيرجعوا و هيسألوا ومحدش فيهم هيمل ابدا تفضل حافظ نفس الكلام و متغيرش فيه و تقول ان امها كانت مراتك
سعيد…طيب ماهي كانت مراتي بجد مش هكدب يعني
فاتن….عارفه يا سيدي انها كانت مراتك اقصد يعني انك تفضل ماسك في نفس السيناريو اللي قولتلك عليه انها هربت مع جوزها و حملت منه ولما ماټ مشيت و كانت تعبانه وانت لقتها قعدتها في بيت اهلك وبعد كده عرضت عليها الجواز و اتجوزتها بعد ما ولدت و عشت معاها فتره ولما تعبت وصتك علي بيري و انت بعد كده اتجوزتني و ربينا بيري سوا بعد ما كتبناها باسمنا احنا الاتنين شوف يا سعيد و حط كلامي
—
ده حلقه في ودنك
انا زمان خسړت كل اهلي بسبب ان الكل فكر اني غلطت معاك
خسړت كل معارفي بسبب كلامهم عليا و اني جبت بيري في الحړام معاك معنديش استعداد بعد العمر ده كله اخسر اكتر من اللي خسرته فاهم يا سعيد
سعيد…فاهم يا فاتن
فاتن….انا اتحملت حجات كتير اوي و اظن انت شاهد عليها و بيتهيألي كفايه اوي كده
سعيد….خلاص يا فاتن قولتلك متقلقيش.
فاتن…..ماشي يا سعيد لما نشوف اخرتها مع بيري هانم و ادعي الموضوع ده يعدي علي خير وترجع تاني ومتبقاش انانيه و تفتكر اننا ربيناها ولينا فضل عليها متسيبناش لمهيب وابنه
سعيد….هيعدي ان شاء الله وهترجع حتي لو بعدت كام يوم اكيد هترجع بيري ملهاش غيرنا
فاتن….لا يا سعيد ليها اصحابها وخصوصا اللي اسمها سهر انا واثقه ان لو بيري حكتلها هي اكتر حد هيقويها علينا وتشجعها انها تبعد عننا بضمير مرتاح بما اننا مطلعناش ابوها وامها فاهي بالشكل ده مش هتبقي مضطره تقف معانا و تتجوز خالد و اوعي تنسي ان بيري مش مديونه ليهم بمليم ولا ماضيه علي نفسها اي ورق يعني كده بيري قدامهم نضيفه
سعيد….ان شاء الله مش هتتكلم بيتهيألي مش هتقدر تقول اي حاجه علي الاقل لما تتأكد مين ابوها وامها الحقيقين و طول ما احنا ساكتين هي هتفضل ساكته
فاتن….اتمني
……….
مازن كان هيتجنن هو و مريم قاعدين يدوروا عليها زي المجانين مكانش ليها اي اثر في الشارع و لا عارفين لو ركبت ممكن تبقي في انهي عربيه
مازن….وبعدين و بعدييييين
مريم….اهدا يا مازن بالله عليك هنلبس في العربيات
مازن….بيري مينفعش تبقي لوحدها يا مريم بيري حالتها مش حلوه الله اعلم ممكن شيطانها يخليها تعمل ايه في نفسها
مريم…لا بيري مستحيل تفكر التفكير ده انا واثقه فيها
مازن….بس بردوا مينفعش تبقي لوحدها مريم الكلام اللي اتقال مش هين ابدا انا راجل ومش متحمله ولا اتخبل اني اتحط في موقف زي ده و هتجنن ان بيري مطلعتش اختي بجد طب هي تعمل ايه هتتحمل الكلام والصدمه دي ازاي لازم نكون جنبها لازم حد يخلي باله منها لحد ما تفوق
مريم…المشكله اني بتصل بيها موبايلها مقفول و اصلا مش عارفه هو معاها ولا لا بيري خرجت و ميتهيأليش كان في حاجه في ايدها وكمان انا اشك انها ركبت اصلا لان مكانش معاها شنطه يعني اكيد مش معاها فلوس
مازن….هتكون راحت فين طيب انا مسحت كل الشوارع اللي جنبنا وادينا اهو الوقت عالطريق السريع ملهاش اثر حتي لو كانت جريت زي ما قولتي كنا هنلاقيها
مريم….مش عارفه يا مازن انا دماغي واقفه و مش قادره افكر طيب تفتكر ممكن تروح فين انا بقول ممكن تروح لسهر او ملك
مازن….هي لو هتروح لحد فيهم ممكن تروح لسهر اكتر لامها عارفه ان انكل رأفت صاحب مهيب و ممكن يعرفهم بس المشكله ان سهر انهارده عندها تصوير بيتهيألي مش هتقدر تروح.
مريم…طيب اكلم سهر يمكن تكون عارفه حاجه يعني ممكن تكون رايحه ليها علي الاستديو او تقولها مثلا تسبقها علي البيت
مازن….طيب جربي كده سهر وشوفي بس متحكيش حاجه غير لو حسيتي انها تعرف اي حاجه
مريم….طيب اقولها بتصل ليه
مازن….بتفكير ممم مش عارف ممكن تقوليلها ان الحلقه كامت حلوه
مريم….انا عمري ما كلمتها بعد اي حلقه هتدخل عليها
مازن….قوليلها اي حاجه يا مريم بقي المهم نعرف بيري كلمتها ولا لا
مريم….طيب لحظه.
اتصلت مريم علي بيري لكن كان موبايلها مغلق
مريم….ده مغلق شكلها لسه مخلصتش او نسيت تفتح الموبايل
مازن…..الساعه داخله علي 12 اكيد الحلقه خلصت ممكن تكون لسه مفتحتش
مريم….يبقي كده بيري مكلمتهاش و بعدين زي ما قولتلك موبايل بيري كمان مقفول وانا شاكه انه في البيت لاني مشفتهوش في ايدها لما دخلت مع انكل مهيب المكتب كان بره عالتربيزه و هي خرجت بسرعه من المكتب مخدتهوش
مازن….طيب وبعدين انا هتجنن
مريم…طيب اكلم ملك
مازن….كلميها بس هتقوليلها ايه
مريم….ممكن اسالها عن سهر
مازن….هتساليها عن سهر ازاي يعني
مريم….استني بس لحظه.
اتصلت مريم علي ملك.
ملك….بصوت بان عليه القلق في البدايه الو مريم
مريم….ازيك يا ملوكه
ملك…بخير يا قلبي انتي اخبارك ايه
مريم….تمام الحمد لله
ملك …في حاجه ولا ايه
مريم…لا مفيش بس كنت بتصل علي سهر و موبايلها مقفول
ملك…ايوه ماهي عندها حلقه انهارده نسيتي ولا ايه
مريم….لا لا فاكره بس بيتهيألي خلصت المفروض انا قولت اتصل بيها اقولها كلمه حلوه كده بعد الحلقه
ملك….لا با مريومه تلاقيها لسه مفتحتش و لا خرجت من الاستديو بس شويه وتفتح متقلقيش
مريم…طيب يا قلبي انتي كويسه
ملك ..انا الحمد لله بيبو عامله ايه
مريم….ااا بخير الحمد لله
ملك…هي فين نايمه ولا ايه
مريم….لا معرفش
ملك…متعرفيش !
مريم…اقصد انها في اوضتها يعني معرفش نامت ولا لسه
ملك….اكيد لسه هي دي بتنام الوقت عموما سلمي عليها
مريم…ماشي يا قلبي يوصل يلا تصبحي علي خير
ملك….وانتي من اهل الخير يا مريومه.
مريم….بصت لمازن بيري مكلمتهاش
مازن…..يبقي كده لازم نستني سهر تفتح موبايلها و نشوف يمكن تعرف حاجه عنها
مريم….ويمكن تكون بيري خرجت تشم هواء و هترجع تاني باذن الله
مازن….يارب هنشوف
مريم…طيب هنعمل ايه الوقت هنرجع
مازن …انا مش راجع غير لما اطمن علي بيري عشان اعرف هعمل ايه
مريم….طيب يا مازن
………….
بعد ما ملك قفلت مع مريم حست بقلق غريب و مقتنعتش بكلام مريم يعني بعيدا عن انها بتتصل بيها هي تسأل عن سهر دي كمان قالت انها اتصلت بسهر عشان تقولها كلام حلو عن الحلقه ودي حاجه بعيده خالص عن شخصية مريم يعني هي ممكن تقول كلام حلو و ايجابي لكن لو قدام سهر مش من الشخصيات اللي ممكن تتصل غير كل ده مكانتش عارفه فين بيري واللي هي تعرفه ان مريم وبيري ديما قاعدين مع بعض
مسكت موبايلها واتصلت علي بيري لقت موبايلها مقفول افتكرت الرقم الجديد اتصلت عليها كان هو كمان بيديها غير متاح.
هنا بدأت ملك تقلق اكتر اتصلت علي سهر تجرب معاها مكانتش لسه فتحت قررت انها تستني شويه لحد ما تقدر توصل لبيري او سهر .
………
داخل الاستديو خلصت سهر حلقتها شالت المايك وخرجت بسرعه وهي مستعجله عايزه تروح علي الاوضه بتاعتها عشان تتصل ببيري وتطمن عليها
و هي خارجه بعد ما شكرت التيم بتاع التصوير والانتاج و المعدين
قابلت في وشها المخرج.
المحرج…عاش يا بيري الحلقه ضړبت
سهر…الحمد لله كله بفضل توجيهاتك يا عمرو
عمرو….بس عايز اقولك انها مش هتعدي علي خير يا سهر انتي عارفه انهارده كام اتصال جالنا عشان نوقف الحلقه دي
سهر…عارفه يا عمرو و عارفه كمان انهم هيحاولوا بكل طاقتهم ان الحلقه دي تتحذف بس مش مشكله كده كده شويه و هتلاقي كل المتابعين واخدين منها مقاطع و ناشرينها وده المطلوب يعرفوني بقي هيسيطروا علي كم الناس اللي بتنشر ورانا ده ازاي.
عمرو….المهم بعد الحلقه دي يعني لو عدت علي خير عايزك تهدي اللعب شويه و نحاول علي قد ما نقدر نختار مواضيع بعيده عن الحوار ده خالص
سهر….تمام يا عمرو اكيد كده كده انا وصلت للي عيزاه و الحلقه دي هتقلب كل الموازين و اهم حاجه اني ريحت ضميري بخصوص الموضوع ده
عمرو….خير
—
ان شاء الله و مبروك رجوعك ونجاحك اللي مكسر الدنيا من تاني حلقه في الموسم
سهر…بابتسامه مبروك علينا كلنا يا عمرو يلا هسيبك بقي
عمرو….تمام يا سهر سلام
دخلت سهر بسرعه علي الاوضه و فتحت موبايلها لقت اشعارات كتير لكن مفيش فيهم اي اسعار لبيري بس قلقت لما لمحت اتصال من مريم فا قررت تتصل الاول علي بيري و تطمن غليها بنفسها.
اتصلت الاول علي الرقم القديم كان مقفول اتصلت علي التاني بردوا كان مقفول فا فكرت تتصل علي ملك في الاول عشان تشوف هي كمان اتصلت ليه
……….
عند بيري
كانت لسه في نفس حالتها الصعبه و كأنها في دوامه رفعت راسها بهدوء من علي الشباك و مسحت دموعها و بصت للسواق في المرايه.
بيري….لو سمحت هو ممكن حضرتك تنزلني علي اخر الشارع ده قبل ما تلف
السواق….اكيد طبعا تحت امرك بس استاذه سهر قالتلي اوصلك علي مكان معين و قالت انها هتخلص و تجيلك علي هناك.
بيري….ايوه عارفه بس انا في مكان تاني محتاجه اروح عليه في الاول وانا هبقي اكلم سهر
و اخد منها العنوان واروح ليها
السواق….طيب انا ممكن اوصل حضرتك اي مكان تحبي تروحي عليه انا مش ورايا اي حاجه و ممكن كمان استني حضرتك تخلصي و اوصلك للاستاذه سهر.
بيري….معلش يا استاذ
السواق….معاذ حضرتك
بيري…معلش يا استاذ معاذ خليني انا انزل لوحدي و انا هتكلم مع سهر زي ما تحبي حضرتك عموما احنا بعدنا خلاص عن المكان ومفيش اي حد ورانا بس يعني لو تسمحيلي افضل واقف لحد ما اطمن ان حضرتك ركبتي اصل استاذه سهر موصياني عليكي كتير وصراحه انا مقدرش ارفضلها طلب.
بيري…بهدوء هزت راسها طيب تمام مفيش مشكله.
خلص معاذ اخر الشارع و ركن العربيه علي جنب
معاذ….اتفضلي يا استاذه بيري
بيري…شكرا جدا ليك تعبتك معايا
معاذ…متقوليش كده تعبك راحه انا تحت امرك
بيري….سلام
معاذ…مع السلامه.
نزلت بيري و راحت وقفت قدام العربيه بتاعت معاذ عشان توقف تاكسي كانت مړعوبه وعماله تبص حواليها و تطمن ان مفيش حد متابعها
في الوقت ده سهر كانت خلصت مكالمتها مع ملك وعرفت اللي حصل فا قررت تتصل بمعاذ قبل ما تتصل بمريم
معاذ….الووو ايوه يا استاذه
سهر….معاذ طمني في حاجه حصلت بيري مخرجتش من البيت
معاذ….هي خرجت وركبت معايا يا استاذه كانت حالتها وحشه جدا و انا عملت زي ما قولتيلي بس هي طلبت مني انزلها و قالت ان هي هتبقي تكلمك و تعرف منك المكان
سهر….نزلت فين يا معاذ وليه سيبتها
معاذ…متقلقيش يا استاذه هي لسه قدامي هي قالت انها محتاجه تروح مكان تاني في الاول عرضت عليها اوصلها وافضل مستنيها قالتلي لا محتاجه اكون لوحدي مقدرتش اقنعها و انا الوقت نزلتها بس قولتلها هفضل واقف لحد ما اطمن انها ركبت وبخير لو تحبي اخليكي تكلميها هي لسه قدامي
سهر…لا لا سيبها بص يا معاذ انا هطلب منك طلب
معاذ…عيني يا استاذه اتفضلي
سهر….الاول انت واثق ان مفيش حد مشي وراكم
معاذ…..خالص يا استاذه اطمني انتي عرفاني كويس ياما خلعنا من ناس كانت بتمشي ورانا بعد كل تصوير حلقه ليكي
سهر…وعشان كده انا وثقت فيك يا معاذ وبعتك لبيري ومش عابزه اقولك بيري تهمني قد ايه دي. اختي يا معاذ
معاذ….طيب قوليلي محتاجه ايه وانا هعمل اللي تقولي عليه بالحرف
سهر….عيزاك بعد ما تطمن ان بيري ركبت تمشي وراها بس من بعيد ومن غير ما تلفت نظرها خالص
معاذ….اراقبها يعني طيب سهله دي.
سهر….تراقبها عشان متبقاش في الطريق لوحدها و عشان اعرف هي فين لان بيري زي ما قولت حالتها مش حلوه وانا واثقه انها مش هتتكلم معايا انهارده خالص غير لما تهدأ معاذ اوعي تضيع منك خلي عينك علي العربيه اللي هتركبها و اول ما تعرف العنوان تعرفني علي طول
معاذ….بصي هي بتركب خلاص اهي و متقلقيش انا هفضل وراها و هكلمك علي طول
بصت بيري لمعاذ وهزت راسها بهدوء و رفعت ايدها عشان يطمن ويمشي
معاذ ابتسملها وهز راسه ليها
سهر….طيب يلا خليك وراها يا معاذ وزي ما قولتلك من بعيد
معاذ….طيب يلا سلام هرجعلك تاني
سهر….مستنياك يا معاذ سلام
قفلت سهر مع معاذ وراحت ركبت عربيتها وبعدين اتصلت بمريم
في عربيه مازن.
مريم….سهر بتتصل
مازن…ردي بسرعه عليها
مريم…الوو
سهر….بأبتسامه حاولت تخبي قلقها و تبان طبيعيه هاي مريومه
مريم….هاي يا قلبي اخبارك ايه اتصلت بيكي من شويه بس كان مقفول
سهر….كنت لسه جوه في الاستديو وانتي عارفه بقفل الموبايل عشان بخرج الاقي الف اتصال في حاجه ولا ايه
مريم….لا خالص كنت عايزه اقولك انك كنتي زي القمر انهارده والحلقه كامت تجنن
سهر….بجد عجبتك
مريم…بارتباك بان علي صوتها اااه اوي
بصت سهر علي البنطلون والچاكيت و الشميز اللي كانت لبساهم و سالتها سؤال عشان تتأكد اذا كان اتصالها ده عادي ولا وراه حاجه
سهر….طيب وايه رأيك في الاوت فيت بتاعي
مريم….يجنن طبعا الفستان كان قمر عليكي كالعاده يعني
سكتت سهر ثواني و خدت نفس طويل
سهر….حبيبتي يا مريومه انتي اللي قمر البت بيري اتفرجت علي الحلقه ولا لأ يلا افتني عليها خليني اقټلها
مريم….اااااه اه اتفرجت هي قالت هتتفرج في اوضتها براحتها واكيد شافتها
سهر…ماشي يا قلبي مازن بخير
مريم…الحمد لله كويس
سهر…طيب سلمي عليه
مريم…الله يسلمك يا روحي لا تصبحي علي خير
سهر ..وانتي من اهل الخير
قفلت سهر وهنا هي اتاكدت ان ملك كان معاها حق ومريم مخبيه حاجه وشكلها بتدور علي بيري او عايزه تعرف منهم هي فين
كلمت سهر والدتها اطمنت عليها و عرفتها انها هتتأخر شويه عشان لسه مع التيم بتاعها وقررت انها تستني شويه لحد ما معاذ يكلمها وتعرف منه بيري راحت فين.
……..
مازن….ايه متعرفش حاجه بردوا
مريم….لا خالص صوتها كان طبيعي و حتي هي سالت بيري شافت الحلقه ولا لا
مازن….طيب ممكن تكون راحت فين انا بجد قلقان عليها اوي
مريم….مش يمكن تكون راحت نفس المكان اللي قعدت فيه لما هربت من خالد
مازن….انا فكرت في كده بردوا طيب هي مقالتش قدامك المكان ده فين
مريم….لا هي قالت فندق صغير مش معروف بس وقتها مجاش في بالي اسالها كان هاممني بس انها رجعت وبخير
اتنهد مازن تنهيده طويله وحط ايده علي وشه.
مريم…هنعمل ايه يا مازن
مازن….انا هروحك يا مريم و هاخد كام غيار كده وهمشي مستحيل اقعد في البيت انا لا طايق امك ولا طايق ابوكي و مش هدخل البيت غير و بيري معايا و مطمن عليها غير كده مش راجع ابدا خلي تخطيطهم بقي يجي علي دماغهم من كل حاجه ومش هعدي القلم اللي امك ادتهولي ده ابدا
مريم…تروح فين و تسيبني لا طبعا مستحيل انا كمان مش هقعد معاهم لوحدي رجلي علي رجلك بعد اللي حصل ده انا لا بقيت حاسه معاهم بالامان ولا بقيت واثقه فيهم مش قادره اشوف ماما يا مازن ولا قادره اصدق ان دي امي اصلا مش متخيله ان بعد كل ده مش فارق معاها صدمة بيري و لسه مستنيه منها انها ترجع عشان تتجوز خالد بجد اول مره احس ان قلبها قاسې بالشكل ده
مازن….ايوه يا مريم بس انا مش عايز ابهدلك معايا
مريم….هو انت يعني هتنام في
—
الشارع هاجي معاك اي مكان تروح فيه انا مش هقعد في البيت من غيرك انت وبيري
مازن….بتنهيده تمام هنبات الليله دي في اي فندق و بكره ان شاء الله نشوف اي شقه مفروشه نقعد فيها شويه لحد ما نشوف هيحصل ايه.
مريم…تمام
مازن….هنرجع الوقت تطلعي علي اوضتك بسرعه تاخدي كل الحاجه المهمه وبطاقتك اهم حاجه عشان هيحتاجوا بياناتك في الفندق اكيد و انا كمان هجهز شنطتي واخدك ونخرج
مريم…طيب تفتكر ماما وبابا ممكن يمنعونا
مازن….يعملوا اللي عايزين يعملوه انا مش هقعد معاهم
مريم….طيب يلا خلينا نروح بسرعه
……………
فضلت سهر قاعده في العربيه اتصلت عليها ملك.
سهر…ايوه يا ملك
ملك…ايه يا سهر عرفتي اي حاجه طمنيني
سهر….كان معاكي حق مريم شكلها اتصلت عشان تجس نبضنا
ملك…ايه اللي حصل طيب قالتلك حاجه
سهر….لا بس وقعتها في الكلام سالت عادي وقالتلي كنتي زي القمر قولتلها عجبك الاوت فيت قالتلي اه الفستان يجنن وانا مش لابسه اصلا فستان فا عرفت انها لا شافت الحلقه ولا شافت لبسي
ملك….بقلق يعني ايه حصل حاجه لبيري
سهر….لا متقلقيش ما انا كلمت معاذ السواق اللي بيشتغل معانا في القناه هو من بدري قدام بيتها زي ما قولتله و قالي ان بيري ركبت معاه فعلا كانت حالتها وحشه اوي بس طلبت منه ينزلها
ملك….طيب ليه راحت فين وليه سابها طيب وهي في الحاله دي
سهر…هو حاول يقنعها يفضل معاها ويوصلها المكان اللي هي عيزاه بس قالت انها عايزه تبقي لوحدها وهتكلمني وقت ما كلمته كانت هي نزلت ولسه قدامه مركبتش طلبت منه يفضل وراها من غير ما تحس ويعرفني راحت فين بالظبط عشان اروحلها
ملك…..هتروحيلها الوقت
سهر….مش هرتاح يا ملك غير لو اطمنت عليها وعرفت فيها ايه معاذ قالي ان حالتها كانت صعبه و انا مش هقدر اسيبها لوحدها
ملك….طيب ما انا كمان عايزه اطمن عليها واكيد استحاله اقدر اخرج الوقت حتي لو عرفت بابي او مامي هيسألوا انا رايحه فين
سهر…لا لا بلاش مش عايزين اي حد يعرف مكانها غير لما نعرف ايه اللي حصل معاها
ملك….طيب ما تخليكي لبكره عشان اقدر اجي معاكي
سهر….هنسيبها لوحدها كده لحد بكره يا ملك بيتهيألي مينفعش بيري محتجالنا و بعدين انا معرفش اصلا هي رايحه فين ولا اعرف المكان اللي هتروح فيه ده هتفضل فيه لحد بكره ولا لأ وبيني وبينك خاېفه تكون كانت بتوزع معاذ و خلاص يمكن ترجع تمشي من المكان تاني و محدش فينا يعرف مكانها
ملك….طيب خلاص روحي لو عرفك مكانها بس بالله عليكي طمنيني عليها وياريت يا سهر متخليهاش تختفي او منعرفش طريقها
سهر…لا متقلقيش اكيد مش هسيبها بس انا طالبه منك طلب يا ملك
ملك…قولي طبعا
سهر…لحد ما نعرف اللي حصل من بيري و لحد ما نشوف هي عايزه ايه بلاش اي مخلوق يعرف اننا نعرف مكانها حتي امجد متنسيش انه صاحب مازن و مش بعيد يقوله عشان يطمنه
ملك….لا طبعا مش هقول اي حاجه متقلقيش بس انا كده عندي احساس ان في حاجه مازن و مريم عملوها عشان كده بيدورا عليها وخبوا انها فيها حاجه
سهر….ميتهيأليش انتي عارفه علاقه بيري بأخواتها حلوه بس اكيد مش حابه تعرف اي حد مكانها
ملك….طيب تفتكري مين الضيوف اللي قالت عليهم و هما سبب خروجها من البيت و لا ايه
سهر…..مش عارفه يا ملك بس هيكون مين يعني غير زفت و ابوه احنا اتفقنا معاها لو هنا وحصل حاجه تخرج بسرعه وتمشي وهي عملت كده يبقي هما
ملك …ربنا يستر بقي بجد انا عن نفسي اعصابي تعبت من خالد مابالك هي مش عاره ازاي راجل يفضل يحاول مع بنت مش عيزاه بالعافيه
سهر….بس متقوليش راجل طيب ده بني ادم معندهوش احساس و ان شاء الله تخلص منه قريب انا بس اعرف حصل معاها ايه و لو هو اللي وراها والله ما هسكت ليه.
ملك….لا بقولك ايه حاولي تهدي شويه هو كده كده حاطك في دماغه
سهر….وانتي. فاكره اني ممكن اخاڤ منه يا ملك
ملك….اكيد لا بس انا قلقانه عليكي يا سهر و بعدين قلقانه عليكي اكتر بعد حلقه انهارده
سهر….ليه بس سبيها علي الله
ملك…ونعم بالله بس الحلقه اللي فاتت قلبت الدنيا من مجرد مكالمه تليفون لكن حلقه انهارده حقيقي كانت اقوي بكتير و قولتي كلام كبير يا سهر وبجد خاېفه عليكي
سهر….اللي لينا نصيب فيه هنشوفه يا ملك متقلقيش خير ان شاء الله
ملك….يارب
سهر….بصي انا هقفل معاكي الوقت اكلم معاذ اشوفه وصل لحد فين كده و هرجع اكلمك لو عرفت اي حاجه
ملك….طيب يا روحي انا كده كده صاحيه مش هنام
سهر….طيب تمام يلا هرجعلك تاني
ملك….مستنياكي باي يا قلبي
سهر….باي يا حبيبي
طلعت سهر رقم معاذ واتصلت عليه.
معاذ….الو ايوه يا استاذه
سهر….ايه يا معاذ طمني
معاذ….انا ماشي وراء التاكسي من بعيد اطمني مفيش حد وراها خالص الطريق تمام بس هي لسه منزلتش تنزل بس وهعرفك علي طول مكانها
سهر….طيب تمام مش هوصيك يا معاذ اوعي تختفي عنك
معاذ….لا اطمني هي قدامي علي طول.
سهر….خلاص تمام مستنياك تبلغني بمكانها عشان اتحرك من قدام الاستديو
معاذ….طيب انا هبعتلك لوكيشن بالمكان عشان تتحركي و متفضليش واقفه لان انتي كده بعيده شويه عننا ولما اتاكد من العنوان اللي هتروح عليه هأكد عليكي .
سهر…طيب احسن بردوا ابعت يلا.
معاذ…حالا يلا سلام
سهر….سلام.
………
وصل مازن قدام البيت هو ومريم ركن العربيه و نزلوا قرب من الباب فتح ودخل كانت فاتن قاعده هي وسعيد مستنين اي خبر.
قام سعيد وقف بسرعه و قامت فاتن كمان.
سعيد….ايه يا مازن انت ا فين كل ده
فاتن….اختك فين يا مازن مش قولت هترجعوا بيها
مازن…اختي !! كويس والله انك لسه فاكره انها اختي
فاتن….مازن بقولك ايه انا مش متحمله طريقتك دي خالص رد عليا زي ما بكلمك
مازن….خير اتفضلي
فاتن….فين بيري
مازن….معرفش والله تقدري تسألي نفسك السؤال ده هي مش مسيت بسببك بردوا ولا انا غلطان
فاتن….انتوا خرجتوا وراها ازاي مجاتش معاكم
مازن….لاننا ملقينهاش اصلا تقدري تقولي كده انها سابتلك الدنيا بحالها و طفشت مبسوطه بقي الوقت
فاتن….طفشت اسمع يا مازن تقلب الدنيا عليها و لو تحت سابع ارض تجيبها بيري لو مرجعتش يبقي احنا كده انتهينا مهيب الباز اداها فرصه يومين عشان تبلغه موافقتها انت متخيل لو عرف انها طفشت زي ما بتقول هيعمل فينا ايه
بصلها مازن و مريم بنظرة قرف واستغراب و صډمه مكانوش مصدقين ان بعد كل ده مفيش اي حاجه في دماغها غير انها ترجعها عشان تكمل خطتها و ان هي مش هاممها اي حاجه غير مصلحتها.
مازن….انا بجد مش قادر اصدق اللي بسمعه منك حاسس اني عامل زي اللي مضړوب علي دماغه ضربه جامده وقويه انا مصډوم فيكي بجد و مش مصدقك انتي مين
اصل مستحيل تكوني انتي امي
اللي اعرفها و اللي مهما كنت بستغرب اوقات طريقتها مع بيري تطلع بالشكل ده
البني ادم عمره ما بيتغير في يوم وليله و انتي مش بس اتغيرتي انتي شخص تاني انا معرفهوش
قوليلي هو انتي كنتي كده بجد و احنا اللي مكناش واخدين بالنا منك و لا ايه
—
اللي حصلك و بدلك بالشكل ده.
مريم….واضح يا مازن ان احنا اللي مكناش مركزين معاها اوي و واضح كمان اننا غلطنا غلط كبير اوي في حق بيري لما كنا بنشوف طريقه ماما معاها و نسكت و نعدي او حتي ميجيش في بالنا اننا نتكلم و نسألها ليه طريقتك معاها مش زي طريقتك معانا
كان لازم اخد كلام بيري فين الاعتبار اكتر من كده لما كانت تقولي اوقات بحس ماما بتحبك انتي ومازن اكتر مني كنت بحس بنبرة الحزن اللي في صوتها وهي بتسألني هو انا عملت حاجه تضايق ماما يا مريم اقولها ليه بتقولي كده تقولي عشان ديما بحس انها واخده مني جنب ديما حاسه ان في حاجز بينها وبيني
حتي ضحكها وابتسامتها مش بتترسم علي وشها غير معاكم لدرجه ان قلبي اوقات بيرقص من الفرحه لما الاقيها اوقات بتضحك معايا
كنت بحس انها اوقات بتبالغ واقولها انتي اوڤر يا بيري وحساسه زياده عن اللزوم بس للأسف انا طلعت ظلماها
بيري كانت حاسه ان علاقتك بيها مش زي اي علاقه بنت بأمها جه في بالها كل حاجه تتخيليها انها زعلتك من غير ما تقصد انك شايله منها بسبب علاقتها القديمه مع حمزه او انك مضايقه منها عشان مش قادره ترضيكي وتتجوز خالد بس مع ذلك عمرها ما جه في بالها انك مش أمها
مع ان دي كانت الحاجه الاقرب لعلاقتك بيها.
مازن….الكلام ده كله ملهوش اي لزوم الوقت يا مريم خلاص اللي حصل حصل
فاتن….هو انتوا واقفين كده ناصبين المحكمه و بتلموني علي ايه بالظبط بتلموني اني خاېفه عليكم و علي مصلحتكم ومستقبلكم بتولموني عشان عايزه البيت ده يفضل واقف علي رجله و لا بتلموني عشان بحميكم من الشارع والسجن اللي ممكن نترمي فيه فأي لحظه بتلوموني اني بحبكم و حقي اشوف ولادي احسن ناس في الدنيا و لا بتلوموني عشان عيزاكم ديما في اعلي مستوي
مازن….علي حساب مين كل ده علي حساب بيري يعني هي بالنسبالك كانت مجرد قربان يتقدم لخالد و مهيب يعني بيري كانت كبش الفداء لحياه افضل لينا انتي مصدقه نفسك بجد
انا مش مستوعبك حتي لو بيري مش بنتك بس انتي اللي ربتيها و شوفتيها وعيشتي معاها قبل ما احنا نيجي الدنيا ازاي مقدرتيش تحبيها ازاي مقدرتيش تشوفي انها بنتك زي ما احنا ولادك هما مش بردوا بيقولوا ان الام هي اللي بتربي مش اللي بتخلف ولا ده كان مجرد كلام وشعارات فارغه بنسمعها
فاتن…..و هو انا كنت عملت ايه في بيري وحش ها انا عايزه اجوزها جوازه مفيش بنت تتمناها حياتها مع خالد مكانتش هتبقي مجرد حياه عاديه دي كانت هتملك الدنيا بأيدها فلوس ونفوذ وخدم وحشم و مستوي اجتماعي تاني خالص شاب مفيش منه ليه هيبه واسم وكيان كبير ناجح وطموح و شاطر ليه محسسني اني برميها لواحد صايع ولا واحد لا شغله ولا مشغله.
مازن….ده علي اساس ان لو خالد مكانش عايز بيري ولا هي في دماغه اصلا كنتي هتفكري تعملي كل ده عشانها لااااااا خالد لو مكانش بيحب بيري كان زمانك عملتي زي ما قولتي جوزتيه لمريم بنتك الحقيقيه مكانش هيهمك بيري ولا مصلحتها وقتها كنتي هتفكري في بنتك بجد يعني حتي اجبارك ليها في الجواز مكانش بدافع الحب وتأمين مستقبلها زي ما قولتي
ده عشان المصلحه العامه مش اكتر عشان انتي عارفه انه مستحيل يحب بنتك الحقيقيه قولتي يلا اهي مصلحه وخلاص صح مش كده.
فاتن….لا مش كده يا مازن لو شايف ان هو ده بس اللي عملته لبيري تبقي غلطان طول عمركم بتسألوا احنا ليه ملناش خال او خاله ليه ملناش عيلة ام وانا عمري ما قدرت اقول الحقيقه بس الحقيقه ان بيري و وجودها في حياتي كانوا سبب في ده اهلي قاطعوني و خرج ني من حساباتهم لما اتجوزت ابوكم وبيري اتكتب باسمي كانوا فاكرين اني جبتها في الحړام و كنت بضحك عليهم طول السنين دي أتبروا مني بسببها
مازن…لا مش بسببها لان كان ممكن اوي ساعتها تقولوا ان بابا عنده بنت ومراته اټوفت و تتجوزيه عادي بس واضح ان وقتها كان في حاجه تاني في دماغك بتخططي ليها ماهو مستحيل اصدق الكلام اللي اتقال لبيري عن امها وابوها الحقيقين
فاتن….لا لازم تصدق لان هي دي الحقيقه و اللي خلاني معملش زي ما انت بتقول اني وعدت سعيد وقتها ان مفيش مخلوق هيعرف ان بيري مش بنتنا عشان لما تكبر محدش يعايرها انها ملهاش اصل او فصل و كمان وقتها سعيد كان خاېف ان بيري لما تكبر وتفهم تدور علي اهلها الحقيقين و وقتها اهل امها ېقتلوها و انا اقتنعت بكلامه و من يومها بيري بقت بنتي و خسړت اهلي و صحابي و معارفي كلهم و اختارتها هي بس مش معني اختياري ليها اني ادمر عيلتي الحقيقه عشانها
مريم….لا كان عادي علي فكره تدميرنا و احنا كنا هنبقي راضيين لان وقتها كنا هنشوفك بصوره احسن من دي عالاقل نشوف فيكي الام اللي خاېفه علي بنتها و مستعده تنام في الشارع او السچن في مقابل انها متضحيش ببنتها بس انتي معملتيش كده طبب مصعبتش عليكي و هي مڼهاره و واقفه قدام تقولك خلاص هتجوز خالد بس اوعي تقولي كده مصعبتش عليكي وهي رافضه تصدق انك مش امها وفاكره ان كلامك ده مجرد ڠضب ام علي بنتها
سعيد….مازن مريم خلاص اهدوا اللي حصل حصل وبكره بيري ترجع و تستوعب اللي حصل وترضي بقدرها وفي النهايه مهما حصل انا وفاتن هنفضل ابوها وامها
مازن….اللي حصل حصل دي يتقال لما تحصل مشكله بسيطه او يحصل سوء تفاهم مش لما تحصل كارثه زي دي تشقلب حياتنا من فوق لتحت انا لو مكان بيري مرجعش ابدا انا عندي اعيش من غير هويه و لا ان انت وهي تبقوا ام واب ليا
فاتن….لا ده واضح انك اټجننت بجد واتخطيت كل حدودك انهارده
مازن….اټجننت دي كلمه بسيطه اوي ممكن تتقال علي الشعور اللي حاسس بيك و بعدين هيحصل ايه لما اتخطي كل حدودي هتمدي ايدك عليا تاني ولا هتعملي ايه عموما متقلقيش انا هريحك خالص
سابها مازن وخد مريم في ايده وطلعوا علي فوق يجهزوا حاجتهم عشان يمشوا.
فاتن….الواد ده شكله اټجنن ولولا اني مش فيقاله كان زماني شوفت شغلي معاه بجد
سعيد….سبيه يا فاتن مازن لسه صغير و الصدمه اكيد كبيره عليهم بكره يهدأ و يفكر بعقل
فاتن…..انا مش فارق معايا تفكيره الوقت انا كل اللي فارق معايا ان بيري ترجع و نلحق المصېبه قبل ما تحصل
سعيد….هترجع يا فاتن ان شاء الله هترجع
دخل مازن علي اوضته بعد ما طلب من مريم تخلص في اسرع وقت كل حاجه.
بعد حوالي ربع ساعه بالظبط كان مازن لم كل حاجه مهمه وكام غيار وراح علي اوضه مريم خبط عليها.
مازن….ايه يا مريم لسه كتير
مريم…لا خلصت خلاص يلا بينا
مازن….يلا
مريم….انا خاېفه تمنعنا نخرج
مازن….لا مټخافيش محدش هيقدر
—
يمنعنا و اصلا احنا مش هنفرق معاها حاليا كل اللي هيفرق معاها في الوقت ده هو ازاي ترجع بيري يلا خلينا نمشي
شال منها شنطتها ونزل علي تحت ومريم وراه.
بصت فاتن پصدمه عليهم وهما ناولين بشنطهم وبصت لسعيد.
قام سعيد وقف وبصلهم.
سعيد….انتوا رايحين فين
مازن…..ماشين
فاتن….يعني ايه ماشين انت فاكر انت وهي انكم قاعدين في فندق
مازن….طول ما اختي مش موجوده هنا ومعرفش عنها حاجه مش هقعد في البيت ده لحظه طول ما انتوا الاتنين مصممين تخلوا بيري كبش فداء لخالد وابوه مش هنرجع البيت ده تاني.
فاتن….هو انت فاكر يا مازن انت بتهددني وتلوي دراعي
مازن….لا العفو انتي تخطيتي الټهديد ولوي الدراع للاسف
فاتن….طيب تمام حلو اوي كويس انك عارف عايز تمشي انت وهي في ستين الف داهيه بس يكون في علمك انت وهي بيري هترجع و اللي انا عيزاه هيحصل و البيت ده مش هيتهد و بيري اللي انتوا عايزين تبيعوا امكم عشانها هتتجوز خالد ڠصب عنها
مازن….بنظره قرف مش هقدر استغربك اكتر من كده بصراحه بس مش هنكر اني في حالة صډمه متحسدش عليها يلا يا مريم.
فاتن….پغضب في ستييييين داهيه بكره تبكوا بدل الدموع ډم لما حياتكم تدمر وتقضوا عمركم في السچن.
سعيد….مازن مرررريم
خرج ماون بسرعه ركبت مريم قدام وحط مازن الشنط في شنطه العربيه سعيد كان بيحاول يوقفهم لكن مازن ماسابلوش اي فرصه وطلع بالعربيه بسرعه.
…………
عند بيري.
بيري….ايوه وقف هنا من فضلك
السواق….حاضر
حس معاذ ان التاكسي اللي بيري فيه بدأ يهدي السرعه فا وقف هو كمان بعيد شويه عشان متلمحهوش.
بيري….شكرا اتفضل
السواق….شكرا خلي
بيري…ميرسي لحضرتك
نزلت بيري من التاكسي و مشيت كام خطوه و وقفت قدام بيت فريد.
لمح معاذ من بعيد بيري وهي بتفتح باب الجنينه الخارجي و دخلت بهدوء علي جوه فا اتصل علي طول بسهر بعد ما بعتلها اللوكيشن.
سهر….ايوه يا معاذ خير
معاذ….انا بعتلك الوقت يا استاذه اللوكيشن اللي استاذه بيري نزلت عنده
سهر….طيب هشوفه تمام بس هي دخلت فين بالظبط
معاذ….والله مش عارف بس هي راحت علي بيت هو مكتوب عليه رقم سبعه و في يافطه علي الباب بره مكتوب عليها ڤيلا التهامي .
سهر…طيب تمام يا معاذ خلاص لو متأكد انها دخلت البيت ده و ممشيتش امشي انت وانا هجيلها حالا
معاذ….طيب تحبي استناكي يا استاذه
سهر…لا لا روح انت يا معاذ انا تعبتك معايا اوي انهارده و بجد شكرا من قلبي انت مش عارف عملت معايا ايه
معاذ….علي ايه بس يا استاذه انا معملتش اي حاجه خيرك ديما عليا
سهر….العفو يا معاذ متقولش كده يلا روح لمراتك و ابنك بقي
معاذ….تمام يا استاذه لو احتاجتي مني حاجه انا موجود
سهر…تسلم يا معاذ
معاذ…يلا مع الف سلامه
سهر….سلام يا معاذ.
………….
فتحت بيري الباب الخارجي اللي بره و مشيت بخطوات بطيئه في الجنينه وقف شويه و هي بتسأل نفسها انا ليه جيت هنا.
من اول ما طلبت من معاذ ينزلها وهي بتحاول تعرف ليه فكرت في فريد ليه غيرت وجهتها و مراحتش المكان اللي سهر جهزته ليها.
كان جواها ألف سؤال وسؤال وسط مشاعر متخبطه وصدمه و ۏجع و قهره مشيت وراء صوت قلبها وعقلها اللي كانوا متفقين و بشده ان وجهتها تتغير و تروح لفريد مكانتش عارفه ليه فكرت فيه وليه فكرت تروح عنده مكانش في اي اجابه غير انها عاشت يوم صعب اوي يوم فقدت فيه كل حاجه مره واحده الاب والاب والاخوات الثقه الامان الراحه الكرامه و اهم حاجه كانت محتجاها في الوقت ده هو الاحساس بالامان و لأنها جربت وعاشت الامان ده مع فريد وفي بيته من غير ما تحس غيرت طريقها و كأن في حاجه جذبتها ليه مره تانيه.
قربت بيري من الباب الداخلي كانت بتقدم رجل وتأخر رجل و وقفت قدام الباب مش قادره تخبط ولا عارفه اصلا لو سألها في ايه او رجعتي ليه هترد و تقول ايه كانت واقفه قدام الباب بتبص عليه بهدوء و تبترفع راسها تبص علي كل ركن في البيت مكانتش مصدقه الراحه الغريبه اللي حست بيها حتي من غير ما تدخل مجرد وجودها في المكان ده هو قمة الامان .
دموعها كانت بتجري بغزاره لا قادره تمشي ولا قادره تخبط و تقابله وتدخل عنده.
حست انها في صراع نفسي رهيب صوت جواها بيقولها لا امشي فا تاخد خطوه عشان تمشي و فجأه تسمع صوت تاني بيقولها لا خليكي فا ترجع تاني تقف قدام الباب.
وفضلت عالوضع ده دقايق ما بين انها تقرر تمشي وبين انها تقف وترجع و في وسط الصراع ده دموع مش بتقف لحظه.
في الداخل فريد كان فاتح التلفزيون و قاعد ماسك موبايله
وتقريبا بقت عاده عنده انه يقعد نفس القاعده دي يوميا لحد ما يفصل خالص ويطلع ينام علي طول لا كان بيحب السهر ولا بيحب التلفزيون بس من بعد ما بيري مشيت وفي حجات كتير اتغيرت وفجأه حس بالغربه وكره وحدته.
وفي وسط ما هو مندمج مع التليفون فجأه رفع راسه و مال بيها بالجنب قفل نص عينه بتركيز و بعدين حرك رقبته شمال ويمين و بعدين بدأ يركز مع حاسة الشم اللي كانت عامله زي الانذار خد نفس طويل و فجأه وقف ساب الموبايل وقفل التلفزيون وقف في وسط المكان
حس ان قلبه بيدق بطريقه رهيبه وهمس بهدوء.
فريد….چااااسمين
للحظه حس انه بيتخيل او بيتهيأله مستحيل تكون هي مستحيل تكون رجعت تاني
شك فريد في نفسه واستغرب الريحه اللي حاسس انها قريبه منه اوي ريحتها بس ازاي معقول يكون فكر فيها لدرجه انه بقي يتخيل ريحتها.
لكن قرر انه يصدق حاسة الشم
اللي عمرها ما كدبت عليه
و يمشي وراها راح علي الباب
وقف ثواني حط ايده بهدوء علي الباب في نفس الوقت اللي بيري كانت واقفه هي كمان قدام الباب و حاطه عينها و دموعها نازله
ثواني طالت الوقفه بقت دقيقه و مع كل ثانيه بتعدي ريحتها بټقتحم خلايا فريد اكتر واكتر.
و في اللحظه اللي فريد قرر يفتح فيها الباب كانت بيري قررت انها تمشي لانها مكانتش عارفه ممكن تقوله ايه وليه جاتله هو بالذات لما حصل معاها كل ده
مشيت كام خطوه و فجأه فتح فريد الباب وقفت بيري پصدمه في مكانها وهي ضهرها ليه اول ما نطق اسمها.
فريد…بعدم تصديق بيررري !!
فضلت بيري علي نفس وقفتها قلبها بيدق بطريقه رهيبه و دموعها بتجري علي خدها رفعت ايدها بهدوء مسحت دموعها
و للمره التانيه سمعت فريد بينطق اسمها و لكن باين علي نبرة صوته الاستغراب.
فريد…بيري
لفت بيري وشها ليه بكل هدوء بعد ما مسحت دموعها لكن اكيد كان باين علي وشها وعينها انها بقالها فتره بټعيط.
كانت باصه للارض و بعدين رفعت وشها بهدوء و رسمت علي ملامحها ابتسامه شبه معدومه و مصطنعه.
بصلها فريد بقلق و بص علي لبسها اللي هو لبس اخته .
قرب فريد بهدوء كام خطوه ليها و وقف قدامها وعينه بتسألها في ايه لكن هي كانت بصاله وساكته.
فريد….بيري بتعملي ايه هنا
بيري…اااا انا يعني كنت هنا و
—
بعدين الوقت اتأخر و كنت همشي بس انا اصل
ضيق فريد عينه مكانتش بتقول حاجه مفهومه و كان باين عليها التوتر والارتباك و حالتها كانت باينه جدا انها مش احسن حاجه.
فريد….انا مش فاهم حاجه يعني ايه كنتي هنا ويعني ايه الوقت اتاخر
بيري كانت واقفه قدامه زي اللي بتجاهد عشان دموعها متنزلش لكن الضعف والۏجع اللي مانوا جواها كانوا اقوي من السيطره علي دموعها وبمجرد ما خانتها دموعها قدامها و شافت فريد بيبصلها اوي ارتبكت ومسحت دموعها بسرعه.
بيري…انا انا خلاص انا ماشيه
لفت ضهرها و مشيت وهي بتتكعبل من توترها.
فريد….بيررررري
وقفت بيري للمره التانيه وبصتله لكن المرادي دموعها كانت مغرقه وشها
فريد….انتي كويسه
هزت بيري بضعف راسها بلأ واڼهارت من العياط ورجعت الكام خطوه اللي مشيت بسرعه وبدون سابق انذار أترمت في حضڼ فريد ودفنت وشها في صدره وهي مڼهاره
اټصدم فريد من رد فعلها و ايده كانت نازله ضربات قلبه كانت سريعه جدا باصص علي راسها بطرف عينه و مش عار هي فيها ايه رفعت ايده بهدوء و تردد وقرب ايد علي ضهرها و ايده التانيه علي راسها لمسها في البدايه من بعيد وبعدين غمض عينه وضغط بايده علي ضهرها و راسها قربها منه
و هنا رجع الامان من تاني في قلب بيري لكن مكانتش قادره توقف عياط كانت محتاجه تخرج كل الۏجع اللي جواها في مكان آمن و مكانش في مكان أئمن من حضڼ فريد في الوقت ده.
فاق فريد وفتح عينه و افتكر انهم واقفين في الجنينه و ممكن اي حد يشوفهم
خرجها بهدوء من حضنه وهو ماسك كتفها و بصلها من غير ما بقول ولا كلمه.
بصتله بيري و هي دموعها نازله و طالت نظرة عينهم لبعض و اخيرا قطعت بيري الصمت.
بيري….كنت غلطان لما قولتلي هتفهمك و لما تتكلمي معاها بهدوء هتعمل اللي انتي عيزاه
كنت غلطان لما قولتلي انها اكيد هتختارك انتي مش هو عشان انتي بنتها.
و انا اقتنعت بكلامها و كلمتها ولما كلمتها صدقتها بس يارتني مصدقتها
فريد…بيري انا مش فاهم حاجه انتي بتتكلمي تقريبا عن والدتك صح هي كدبت عليكي اجبرتك علي الجواز منه يا بيري قوليلي حصل ايه
بيري….بۏجع بصت علي الجنب وهي بتحاول تسيطر علي اڼهيارها ودموعها ورجعت بصت لفريد تاني وهي حاطه ايدها علي قلبها بتحاول تتكلم و مش عارفه الكلام مش بيطلع.
فريد….بيري اهدي من فضلك لو مش حابه تتكلمي بلاش اتكلمي بعدين
بيري….هو انت صاحيه صح يعني انا واقفه قدامك الوقت و كل ده حقيقه مش بحلم
فريد….انتي معايا يا بيري و صاحيه واه مش بتحلمي.
حطت بيري ايدها علي وشها وهي بتحاول تكتم صوت عياطها و ۏجعها و رجعت بصتله تاني
بيري….اول مره في حياتي اتمني اكون بحلم او اللي بيحصل ده مجرد كابوس انا مين يا فريد هاااا انا ازاي مش بنتهم طيب مين دول و انا بنت مين هااا قولي حاجه انا مين مين امي مين ابويا ازاي مش هما دول اهلي طيب ليه حصل كده معايا وليه بعد كل العمر ده اټصدم الصدمه دي
كانت بتتكلم و فريد مش قادر يفهم من عياطها اللي بتقوله كلامها غريب ومش مترتب بتترعش جامد و ايدها علي قلبها و صوت شهقاتها يقطع القلب مفيش كلمه خارجه منها غير وكلها ۏجع لكن سابها تكمل وتخرج اللي جواها عشان ترتاح
بيري…طيب لو مش امي ازاي محبتنيش ازاي مصعبتش عليها
ازاي محستش في يوم اني بنتها
طب وهو ازاي محبنيش هو عارف انا كنت بحبه قد ايه يمكن اكتر ما حبيتها هي كنت بضايق من سلبيته و ضعف شخصيته بس عمري ما قدرت اكرهه عمري ما بطلت اقوله بابا و لا عمري بطلت اقولها ماما رغم قساوتها
طيب ازاي بعد ما تواجهني پصدمه كبيره زي دي تفضل مصممه علي اللي في دماغها وكل اللي فارق معاها اني اتجوز خالد كملت باڼهيار طيب ازاي قدروا يسيبوا مهيب يقولي كل الكلام ده و محدش فيهم يدافع عني فريد قولي حاجه قولي انا مين قولي هعمل ايه في حياتي
فريد….بيري كفايه واهدي
بيري…..بصتله و هي خلاص فاضل ثواني وتفقد وعيها من كتر العياط والۏجع انا بردانه اوي و عايزه انام و بمجرد ما خلصت جملتها حس فريد انها بتفقد خلاص السيطره علي جسمها كمان و قبل ما تقع كان شالها فريد بسرعه و دخل بيها علي البيت قفل الباب برجله
وطلع بيها علي اوضه ساره اخته
حطها عالسرير و فجأه مسكت كف ايده وفتحت عينها براحه و رجعت غمضت تاني وهي بتهمس بصوت مسموع.
بيري….خليك جنبي متسبنيش
ضغط فريد علي كف ايدها وقعد علي حرف السرير جنبها.
فريد….انا جنبك يا بيري نامي وزارتاحي مټخافيش مفيش مخلوق ممكن يقرب منك طول ما انا موجود نامي يا بيري نامي
فضل قاعد جنبها وماسك كفها كانت ضاغطه علي كفه بكل قوتها لكن ثواني وحس فريد ان كفها بدأ يسيب و راحت في سابع نومه سحب كفه بهدوء من كفها وقام قلعها الكوتش بتاعها وسحب عليها الغطاء و غطاها كويس وراح قفل الشباك و الستاره و بعدين قفل النور و الباب و سابها تنام و ترتاح
مكانش عارف هي فيها ايه يمكن سمع كل كلامها كان في بعض كلام مش مفهوم من عياطها و بعض كلام سمعه لكن مقدرش يفهمه كانت تقصد ايه بانها مش بنتهم و تقصد ايه بي هي بنت مين
لكن اللي كان واثق منه ان حالتها النفسيه كانت وحشه جدا
نزل علي تحت راح بص من الشباك يتأكد هي كان في حد وراها ولا لا لكن الوضع كان الوضع هادي جدا
فضل رايح جاي يفكر بيري فيها ايه كان مضايق عشان الحاله اللي كانت فيها لكن كان في جزء جواه مبسوط انها رجعت من تاني .
قعد علي الكنبه وفضلت عينه علي الدرج فات حوالي ربع ساعه و هو قاعد نفس قعدته كأنه بيحميها من حاجه هو اصلا مش عارفها و فجأه سمع صوت الباب بيخبط لف برقبته علي الباب بسرعه وفضل باصص عليه بتركيز عايز يتاكد هو خبط فعلا ولا لأ.
رجع تاني صوت الخبط مره تانيه
قام وقف بهدوء وراح علي الباب
فريد….مين
سمع صوت بسيط لبنت
راح بهدوء فتح الباب و اتفاجئ بسهر و طبعا هو عارفها من برنامجها وصورها و لانها اعلاميه مشهوره لكن هي مكانتش تعرفه سكت و فضل باصصلها شويه
سهر….اااا انا اسفه علي الازعاج
فريد….لا مفيش ازعاج ولا حاجه اتفضلي
سهر…حضرتك استاذ كريم
سكت فريد وبصلها باستفهام و شرد ثواني هو عارف ان بيري بتحبها وقالت انها بتثق فيها و اكتر حد بېخاف عليها واكيد هي مش من الاشخاص اللي ممكن يكونوا سبب في اذيتها وارد تكون حكتلها علي وجودها معاه في المره الاولي لكن مين كريم ده
فريد….كريم !! لا مفيش حد هنا بالاسم ده.
حست سهر بالاحراج وفضلت تبص علي البيت و رجعت بصتله
سهر….انا اسفه واضح ان في سوء تفاهم
فريد….لا مفيش مشكله بس هو حضرتك متأكده من
—
البيت
اصل يعني هنا زي ما انتي شايفه البيوت شكل بعض و يمكن يكون اختلط عليكي الامر.
فضلت سهر تبص حواليها
سهر….يمكن بس هو كان مكتوب بره ڤيلا التهامي
فريد..اه دي ڤيلا التهامي بس مفيش حد هنا بالاسم ده
سهر…..يبقي كده في حاجه غلط انا اسفه جدا لحضرتك بعد اذنك.
فريد….اتفضلي
مشيت سهر كام خطوه و هي ماسكه موبايلها و بتبص علي الصوره مره تانيه اللي بعتها معاذ ليها لكن فجأه وقفت لما سمعت فريد.
فريد….استاذه سهر !!
وقفت سهر وبصت عليه بسرعه
سهر….حضرتك تعرفني
فريد….بهدوء اكيد مش حضرتك سهر العدوي الاعلاميه المعروفه
سهر….بابتسامه بسيطه هزت راسها ايوه انا
فريد…طيب قوليلي محتاجه ايه وانا ممكن اساعدك
بصتله سهر و قربت منه تاني كام خطوه ورجعت وقفت وهي متردده تقوله ولا لا كانت خاېفه علي بيري
سهر…اااا لا لا خلاص انا هتصرف يعني هي حاجه بسيطه و شكلي كده اتلغبط في البيت زي ما حضرتك قولت
في الوقت ده حس فريد انها مش حابه تقوله و اتأكد ان سهر مش هتاذيها لان كان واضح عليها القلق و التوتر
فريد….بتدوري عليها صح
بصتله سهر بسرعه وقربت منه تاني
سهر….اااا تقصد مين هو يعني اقصد حضرتك مين بالظبط
فريد…بابتسامه بسيطه يبقي بتدوري عليها و واضح اوي انك بتحبيها وخاېفه عليها زي ما قالت
سهر….بهمس بيري
فريد….هز راسه بهدوء متقلقيش هي بخير
سهر….هي بيري عندك بجد طيب انت مين هو حضرتك الشخص اللي
فريد…بمقاطعه ايوه انا .انا اللي ساعدتها اول مره وهي الوقت موجوده عندي
سهر…..اتجمعت بسرعه الدموع في عينها بيري عندك بجد طيب هي كويسه هي فين
فريد…اهدي هي بخير بس يعني لو ممكن تدخلي معايا جوه عشان محدش من الجيران ياخد باله
سهر….مش هعملك اي ازعاج
فريد…لا خالص بس الاول متأكده ان مكانش في حد وراكي
سهر….لا لا خالص
فريد…طيب عرفتي مكان بيري ازاي
سهر …طيب خلينا ندخل الاول عشان محدش يلاحظ وجودي او يسمعنا وانا هقولك كل حاجه
فريد….تمام اتفضلي
وسع فريد ليها المكان دخلت ودخل هو كمان وراها قفل الباب و قرب منها
سهر….هي فين بيري
فريد…طيب الاول اتفضلي اقعدي و قوليلي تشربي ايه
سهر…انا مش عايزه حاجه عايزه بس اطمن عليها فين بيري
فريد….بيري فوق نايمه
بصتله سهر باستغراب و كان باين عليها القلق
فريد….متقلقيش بيتهيألي لو في حد المفروض يقلق فا هو انا لان مش عارف انتي ممكن تقولي لمين ان بيري عندي بس دخلتك و عرفتك انها هنا لان بيري بتحبك و واضح انك قريبه منها طبعا انا مش عارف هي ليه قالتلك ان اسمي كريم وده خلاني متردد شويه بس كمان صدقت القلق اللي كان في عينك عليها.
سهر…..بيري دي اختي مش مجرد صاحبه ولو في حد ممكن ېخاف عليها في الدنيا دي مش هيخاف عليها او يحبها قدي انا
فريد….بابتسامه و بما انك بتحبيها وخاېفه عليها يبقي اكيد بعيدا يعني عن انها قالتلك اسم غلط فا هي اكيد قالتلك اني كنت امين عليها و حميتها من اي خطړ يعني تقدري تطمني انتي كمان في امان هنا وعشان تتأكدي تقدري تطلعي تشوفيها هي فوق تاني اوضه عاليمين الاوضه دي بتاعت اختي اطمني عليها وانزلي عشان نتكلم بس ياريت متصحيهاش لان هي لما وصلت كانت حالتها سيئه جدا و بيتهيألي الافضل ليها انها تنام وترتاح
سهر…هزت راسها بهدوء تمام
مشيت سهر براحه وطلعت فوق كانت حاسه انه شخص محترم وصادق بس كان طبيعي انها تفضل قلقانه لحد ما وصلت قدام الغرفه التانيه زي ما قال فتحت الباب براحه و فتحت النور وبمجرد ما لمحت بيري نايمه هنا اطمنت لفريد بس قلقاها زاد علي بيري الضعف.
ايه اللي حصل معاها و ايه اللي خلاها ترجع تاني هنا و ايه اللي مرت بيه وصلها لكده
قربت بسرعه منها وقعدت جنبها مسكت ابدها وفضلت تمشي بايدها علي وشها وشعرها و هي بټعيط
سهر….بهمس بيري بيري مالك ياروحي فيكي ايه ايه اللي حصلك ليه مشيتي ومجتيش علي المكان وليه جيتي هنا عملوا فيكي ايه يا بيري
فضلت بيري غطسانه في النوم لكن كان باين علي ملامحها الانزعاج والخۏف قربت سهر كفها من وش بيري حضنته بحب عشان تطمنها.
سهر…مټخافيش يا عمري انا جنبك مفيش حد ممكن ياذيكي انتي بخير يا بيري بخير مټخافيش.
مسحت سهر دموعها وقامت غطتها كويس قفلت النور ونزلت تاني بهدوء علي تحت
لمحت فريد بيقرب من الترابيزه بيحط صنيه عليها فنجانين قهوه وكوبايه مايه.
فريد….انا مش عار بتشربي قهوتك ايه فا عملتها ساده زي ما انا بشربها بس لو عايزه سكر موجود.
سهر….كان باين عليها انها معيطه لا لا كده كويس انا بشربها من غير سكر بس هستأذنك اشرب
فريد…طبعا اتفضلي
خدت سهر الكوبايه شربت منها و حاولت ترجع تاني تتمالك اعصابها رجعت الكوبايه مكانها وقعدت قدام فريد.
فريد….اطمنتي علي بيري
سهر….باحراج هزت راسها اه نايمه و بجد انا اسفه جدا يعني مكنتش مصدقه انها معاك او نايمه هنا فا كان طبيعي اني اكون قلقانه
فريد…اكيد طبعا المهم انك اطمنتي عليها عرفيني بقي ازاي عرفتي ان هي هنا
سهر….دي حكايه طويله اوي بدأت بشك بسيط و انتهت بفكره يعني بيري كانت عارفه اني هبعتلها سواق بيشتغل معانا في القناه و هيقف بعيد عن البيت لو حست ان شكي كان في محله تخرج من البيت وتركب معاه و تقريبا ده اللي حصل
فريد….تقريبا
سهر….اه متستغربش انا انهارده كان عندي حلقه فا كنت قافله موبايلي ڠصب عني و اخر مره كلمت بيري قبل الحقله فا من وقتها معرفش عنها اي حاجه وحتي لما خلصت وحاولت اكلمها موبايلاتها كانت مقفوله كلمت السواق وقالي انها خرجت فعلا وركبت معاه وحالتها كانت وحشه بس بعد ما بعدوا طلبت منه ينزلها و قالي انها لسه واقفه قدامه بتركب طلبت منه يسيبها علي راحتها بس يفضل وراها من بعيد ومن غير ما تحس بيه ويعرفني هتروح فين بالظبط و لما جات هنا ونزلت من التاكسي بعتلي اللوكيشن و صورلي المكان اللي دخلت فيه و طبعا انا خمنت انها ممكن تكون عندك مش عارفه ليه بس بيري لما قابلتها اول ما رجعت من عندك المره الاولي كلامها كله عنك كان حلو اوي وقالت قد ايه كنت محترم معاها وامين عليها وبما ان بيري علاقتها محدوده مفكرتش غير فيك
فريد….طيب سؤال بقي انتي واثقه من السواق ده
سهر….جدا متقلقش خالص ده شغال معايا من اول ما اشتغلت في القناه شاب محترم و طيب وجدع ولو مكنتش واثقه فيه زي ما انا واثقه في نفسي مكنتش بعته وراء بيري
فريد….طيب كويس قوليلي بقي كنتي شاكه في ايه
سهر….يعني هي بيري لما كانت هنا عندك المره الاولي حكتلك حاجه
فريد…يعني كان في شاب معاه رجاله بيطاردوها وبيدور عليها وقال انها سړقت من اخته حجات و طبعا انا دخلت لقتها في بيتي و لما واجهتها قالتلي انه كداب وحكتلي كل حاجه يعني. انه عايز يتجوزها ڠصب عنها واهلها مش معترضين و جابرينها علي الجواز منه حتي كلمت والدتها قدامي و استغربت من طريقتها بس اكيد انتي عاره اللي
—
حصل معاها يوم عيد ميلادها.
سهر….بالظبط هو ده اللي حصل بص انا عمري ما ارتحت لوالدتها ولا عمري انا وهي كان في بينا كيميا انا واثقه انها پتكرهني لانها عارفه اني دايمه واقفه في وشها
المفروض انها وعدت بيري ترجع و مش هتغصبها علي الجواز خرجت انا وبيري واخواتها واصحابنا و اتفاجئنا ان خالد جاي الكافيه معاه ورد و بيعتزر لبيري قدامنا وقال انه عرف مكانها من والدتها طيب ازاي وانتي وعدتيها انه مش هيقرب منها تاني وموضوع الجواز ده هيتقفل طبعا انا اتصرفت معاه بطريقتي و خليت منظره زي الزفت و بعد مامشي و كلنا روحنا اتفاجئت ان مامت بيري بتخبط علي بيتي دخلت و طريقتها كانت زي الزفت طلبت مني ابعد عن حياة بيري ومقربش منها تاني اتهمتني اني بغير من بيري و اتهمنتي اني باثر عليها و اني بشجعها تعصي كلامها هي و والدها و حجات غريبه و ختمت كلامها بټهديد صريح اني لو حاولت اكلمها تاني هتفضحني و تشهر بيا وتقول اني بحاول اثر علي بيري و اشجعها عالغلط وطبعا كل ده متقالش لبيري و كانت طبيعيه جدا لما كلمتها و مش بس كده عرفت انها لما رجعت وسالت عن مامتها والدها قالها انها مصدعه ونايمه مقالش لبيري انها جاتلي وهنا كان لازم اشك ان في لعبه بتتلعب علي بيري و متسألنيش ليه فكرت بالطريقه دي لان انا نفسي مش عارفه بس مكنتش مرتاحه يعني اتفاقها مع خالد و مع والدها وانها تيجي وتحاول تبعدني عنها وهي واثقه اني من طبيعتي عمري ما هقول لبيري علي حاجه زي دي
فريد….طيب وانتي حسيتي ايه هي اللعبه دي
سهر….مش عارفه بس كل اللي جه في بالي انهم ممكن يجبروا بيري علي الجواز من خالد او انهم مثلا يجيبوا ماذون وكل ده يتم بالڠصب اصل انت متعرفش خالد والناس دي ممكن يعملوا ايه دول مش بعيد يجيبوا ماذون تبعهم و يجوزوها بالعافيه طبعا انا وواحده صاحبتنا تانيه خلينا بيري انهارده الصبح تقابلنا من غير ما تقول انها هتقابلنا و اتكلمت مع بيري وعرفتها كل اللي حصل اټصدمت ان والدها كدب عليها وان والدتها جاتلي وقالتلي كل الكلام ده و خاڤت اوي و كان باين عليها التوتر والړعب خصوصا ان وهي خارجه عشان تقابلنا والدتها قالتلها ان في ضيوف هيجوا بليل متتأخريش وطبعا انا خمنت ان الضيوف دول هو خالد والده
وده اللي حصل يمكن انا مش متأكده مين بالظبط اللي كان عندهم لاني زي ما قولتلك كان عندي تصوير بس بيري عمرها ما هتسيب البيت و تبقي في الحاله دي غير لو حصل اللي كنا شاكين فيه. و كمان انا طلبت منها تسيب عربيتها لان خالد سهل يوصلها عن الطريق العربيه و كمان جبتلها موبايل جديد و خلتها تجيب خط جديد عشان نتكلم من عليه قولتلها اني هبعتلها السواق يقف بعيد شويه وقت ما تحس بالقلق تخرج وتركب معاه وهو هيتصرف جبتلها شقه في مكان تقعد في مؤقتا بس مش عاره ليه هي غيرت رايها وجات علي هنا و كنان معرفش ايه اللي حصل معاها يمكن تكتر حاجه عملتها صح اني خليت السواق يمشي وراها ويعرف مكانها والا كان زماني بمۏت عليها من كتر القلق.
فريد….واضح انك بتحبيها اوي
سهر….بيري وملك هما كل حاجه ليا بعد سالي اختي ما اټوفت سالي كانت زميلتهم و كانوا قريبين من بعض طبعا انا كنت اعرفهم كويس وكنا صحاب بس علاقتنا مبقتش قويه اوي كده غير لما سالي اټوفت مكانوش بيسيبوني ولا انا قدرت اسيبهم عملوا عشاني في الفتره دي كل حاجه حلوه تتخيلها و عشان كده انا مقدرش اشوف واحده فيهم في مشكله و اسبيبها حتي لو فيها مۏتي ويمكن بيري اكتر من ملك لان بيري والدتها زي ما حكيتلك عنها و والدها تقريبا معندهوش شخصيه وبيري طيبه اوي وحساسه و بريئه و پتخاف من والدتها بطريقه متتوصفش عشان كده مستحيل اسيب بيري ليها مستحيل اخليها تسيطر عليها.
فريد….مش قولتلك رغم قلقي منك في البدايه بس انا مستحيل نظرتي في الناس تخيب ربنا يخليكم لبعض
سهر….يارب طيب قولي بقي بما ان انت الشخص الوحيد اللي بيري شافته بعد اللي حصل اكيد عرفت منها اي حاجه ما هي اكيد مش هتيجي عندم وتطلع تنام من غير ما تقولك ايه اللي حصل او حتي انت تسألها
فريد….بصي بيري جاتلي في حاله صعبه جدا كانت مڼهاره بجد بس انا مش هقدر اتكلم في اي حاجه اه هي قالتلي و يمكن مفهمتش اوي بسبب عياطها والحاله اللي كانت فيها بس كنان اللي قالته انا اسف بجد مقدرش اتكلم فيه غير لو هي حبت تقولك عارف انكم صحاب وواضح اوي من كلامك انها بتثق فيكي بس دي حجات شخصيه
سهر….يعني حجات شخصيه انا اعرف عن بيري اللي هي متعرفهوش عن نفسها انا حكيتلك كل حاجه حصلت من بعد ما هي مشيت من عندك ارجوك لو تعرف اي حاجه قولي انا في كل الاحوال كنت هعرف كل حاجه منها هي شخصيا لولا بس اني كنت في التصوير و كل اللي قدرت اعمله اني ابعتلها السواق انا قولتلها هلغي الحلقه خالص عشان اكون معاها و نعرض اي حلقه من القديم و نعتذر رفضت يعني انا كنت هعرف صدقني.
فريد….وانا واثق ان هي هتقولك كل حاجه بس صدقيني الكلام اللي بيري قالته غريب و صعب و بيتهيألي لو حقيقي تبقي مصېبه وصدمه كبيره اوي ليها و اكيد هتبقي محتاجه ليكي اكتر من اي وقت.
سهر….وانا مش هضغط عليك و مقدره موقفك جدا طبعا بعد ما بيري بقت موجوده هنا وبأرادتها مش هقدر اقولك لازم اخدها معايا لان هي عشان تيجي هنا و تنام في بيتك يبقي اكيد هي واثقه فيك اوي بس لحد ما اعرف كل حاجه من بيري انا بستاذنك اني امشي بس هرجع تاني بكره تكون صحيت و اطمن عليها واعرف منها كل حاجه.
فريد…طبعا البيت مفتوح اي وقت ليكي بس زي ما قولتلك اتأكدي ان مفيش حد وراكي و لا في حد بيراقبك يعني بما ان انتي و والدتها واللي اسمه خالد ده مش بتتفقوا فا طبيعي جدا انهم يدوروا وراكي انتي اول واحده.
سهر…عارفه و ده اللي هيحصل اكيد بس متقلقش الهروب ده لعبتي و كملت بابتسامه بسيطه اصل انا مصايبي كتير خصوصا في التصوير و الحلقات اللي بقدمها وياما هربنا من ناس بتطاردنا بسبب اللي بقوله
فريد….ااااه حلو لما نطمن بقي علي بيري هبقي اتكلم معاكي في الموضوع ده ان شاء الله
سهر….ان شاء الله
وقبل ما تقوم وتسلم عليه سمعوا صوت الباب بيتفتح
الاتنين قاموا وقفوا بسرعه..
وللحديث بقيه…..