لقاء كار.ثي
لقاء كار.ثي 118
لقاء كارثي
أميره أسامه
صاحبة البطل الواحد
. البارت المئه 118.
………………………..
دخلت ليله البيوتي صالون بتاع توما
و من اول ما دخلت و هي ماشيه بتسلم علي كل اللي شغالين و كلهم بيرحبوا بيهم بطريقه جميله عارفينها و بيحبوها و هي كمان بتحبهم
ليله…..هاي يا شريف
شريف….اهلا بالبرنسيس بتاعتنا اخبارك ايه
ليله….الحمد لله انت عامل ايه؟
شريف…انا زي الفل والله مبسوط اوي اني شوفتك و حمد الله علي السلامه
ليله….يا حبيبي الله يسلمك يارب و تسلم ايدك علي اخر لوك عملتوا في شعري مفيش حد شافه غير لما عجبوا اوي
شريف…..اللوك حلو عشان عليكي
ليله….حبيب قلبي يا شريف انت شاطر و تجنن مش محتاج شهادتي اصلا
شريف….الله يخليكي يارب طب جايه تغيري اللوك ولا ايه؟
ليله….بابتسامه هو مش بالظبط كده بس تقدر تقول انها زياره مؤقته و هنغير كل حاجه قولي فين صاحبك
شريف….توما هتلاقيه فوق في مكتبه او كان معاه عروسه مش عارف اطلعي المكتب و لو مش فوق هيبلغوا
ليله….ماشي يا حبيبي لما تخلص اللي في ايدك ابقي تعالي عشان عندك عروسه قريب محتاجه منك شغل كتير
شريف….بابتسامه الله الله لا ده كلام كبير هخلص واجي
ليله…بضحك ماشي مستنياك
شريف…..هجيلك عيوني
سابته ليله و طلعت علي فوق و راحت علي مكتب توما خبطت و بعدين فتحت لمحت توما قاعد و قدامه اتنين من الشباب اللي بيشتغلوا معاه.
ليله…بابتسامه مساء الفل علي احلي ميكب ارتيست في الدنيا كلها
توما….بابتسامه تجنن قام وقف وهو رايح عليها ياعمري انا علي القمر بتاعي اللي واحشني
ليله….بضحك اثبت مكانك من غير بوس من بعيد لبعيد
وقف توما و هو بيضحك
توما….لا متقوليش ايه ارتبطتي
ليله…..بضحك رفعت الخاتم بتاعها كتب الكتاب يا عم توما
توما….لا لا لا ده حدث كوني لازم نحتفل بيه
ضحكت ليله و سلمت عليه
ليله…واحشني والله يا توما
توما….انتي اكتر مسك كفها ورفعوا الله اكبر كل مره اشوفك احلي من اللي قبلها ايه الشياكه و الجمال ده
ليله….بضحك والله انت اللي قمر
توما….بقول ايه يا شباب يلا اتكلوا علي الله البرنسيس بتاعتي و صلت روحوا كملوا اللي قولتلكم عليه و نتكلم بعدين
ليله….بابتسامه اخباركم ايه يا شباب
عمرو….الحمد لله يا استاذه ليكي واحشه
