لقاء كار.ثي

رشيد…..بالظبط تسلم ايدك يا صاحبي

فضل….تسلم امسك يا عشري

عشري…..حبيبي

رشيد…..بس راح و انا اتصلت اطمن الوضع تمام قالي بقي ان سلامه كمان جاي و هيقعد معاهم لحد ما تخلص و يروحهم فا زمانه رجع

عشري…..طيب الحمد لله منك لله يا مريم شقلبتي الدنيا كلها و انا لو مسكتك مش هرحمك

رشيد…..ياعم كبر بقي كل حاجه هتعدي و خير و بعدين لما نحرص احسن

فضل…..بص هو بخصوص موضوع هنا انا عارف ان حسان غصب عنه و الدنيا مش احسن حاجه معاه و عاذره والاه لان مكانش في حل لهنا غير انها تقعد مع سلمي

عشري…..ايوه يا ابني ازاي هتقعد في وسط العمال و البهدله دي

فضل…..انا عارف ما انا بقولك مكانش في حل خصوصا ان ام طليقته مسافره و اختها يعتبر معاها
بس اللي عايز اقولوا بعد حوار مريم و التوتر اللي احنا فيه ده البت لما ترجع لامها احسن لان بردوا سلمي عندها شغلها و ايه و غصب عنهم اللي هيقعد يوم ولا اتنين مش هيقدر يكمل و هو هيبقي قلقان

عشري….ماهو غصب عنه هيرجعها ازاي الست تعبانه و في المستشفي لسه و المشكله ان الظروف كلها جات مع بعض و المل مشغول

رشيد….لا هو قالي انها هتخرج انهارده الحمد لله

عشري….بجد طب كويس

رشيد….اه قالي لما كان هنا و بيحكيلي انا حتي سألتوا طيب علا مطوله قالي لا الحمد لله الدكتور شافها وقال انها افضل و تقدر تخرج خلاص انهارده و المفروض انهم كانوا هيخلصوا الورق بتاعها و كانوا مستنين دكتور الاطفال عشان يطمنوا علي البنت لو كويسه هي كمان تخرج مش عارف بقي حصل ايه بس هو متابع مع جوزها و قالي لو خرجت هيرجعها بكره

عشري….طيب كويس

فضل….اه كده احسن انا ملاحظ ان الكل متوتر و عارف ان البنات لولا ظروفهم و الضغط اللي فيه قبل فرح ليله كانوا خدوا هنا من سلمي و ايه بس ليله عندها مشاوير طول الوقت نعيمه و نادين في شغلهم و ايمي بعد الحمل صعب تقعد بطفله

رشيد….والله يا فضل هي ايمي عرضت علي سلمي اليوم اللي خرجت مع ليله و عشري بس ليله رفضت و قالت مينفعش

عشري….ليله خايفه علي ايمي من الحركه الكتير و المجهود

رشيد…بالظبط

فضل….لا ماهو مش هينفع اه في النهايه دي طفله و هتبقي مسؤوليه و محتاجه مجهود يلا الحمد لله ان امها هتخرج يرجعها بكره بقي عشان هو ميفضلش قلقان لان حسان ادام راح يبقي خايف عليها