لقاء كار.ثي

عسال…..بابتسامه سكت ثواني وخبط علي راسه ااااه صح

نادين ….لا تعالي هنا بقب اللي واخد عقلك خير هو في ايه بالظبط شويه تدور علي الموبايل و انت بتكلمني عليه و الوقت تسألني انتي فين و انا كنت مكلماك من ربع ساعه

عسال…..بضحك والله ما في بس واضح كده اني مش مركز

نادين….لا ده اكيد و واضح جدا و شكل كده في حد واخد عقلك

عسال…..هو اكيد مفيش غيرك و انتي عارفه ده كويس بس كمان بصراحه يعني الحوارات اللي احنا فيها دي شغلاني اوي و مخلياني متوتر

نادين….تقصد علي مريم دي

عسال…..اه بصراحه بعيد عن اني متوتر لا تعمل حاجه فا انا عشري صعبان عليا اوي هو و ليله اولا لان انا عارف عشري كويس يمكن اوقات مش بيتكلم كتير او يظهر ان في حاجه معكننه عليه بس انا حافظه و عشري مش كويس من ناحيه قلقان و من ناحيه تانيه بدل ما يفرح و يفكر في فرحه و الخطوه اللي كان مستنيها بقاله فتره عايش في مشاكل و حوارات و تهديدات غير خوفه علي ليله و اللي منه و المشكله الاكبر يعني هو كل شئ نصيب انا عارف بس لو لا قدر الله حصل اي حاجه مع حد اكتر حد هيحس بالذنب هو عشري لانه هيبقي حاسس ان الموضوع كله بسببه

نادين…..لا طبعاً هو ماله هو ملهوش ذنب في اي حاجه و مينفعش يجمل نفس ذنب مش ذنبه دي و احده مريضه بتطلع مرضها علي الناس و بعدين ما هو كمان في نفس الدايره هو واهله و صحابه

عسال…..عارف بس انا عشان حافظ عشري واثق انه هيفكر بنفس الطريقه انهارده صوته مش حلو خالص كان عايز يقعد في القاعده اللي ابون عملها بس ابوه رفض و في نفس الوقت عرفوا اللي حصل بعد ما الراجل مشي فا هو مش مقتنع و شايف ان مش هيحصل اي حل لان ابوها ميعرفش مكانها و مبقاش قادر عليها بمعني اصح تاني حاجه ليله كمان صعبانه عليا اوي امبارح خوفت عليها بجد انا بعز ليله و بعتبرها اختي لما شافت عشري داخل حسيت ان ليله هيغم عليها

نادين….دي حقيقه لان ليله مش بتحب الكدب و علي فكره عايزه اقولك حاجه لما نزلت انا وليله نشتري الحاجه بتاعتها امبارح طول الوقت سرحانه مضايقه مخنوقه و ايمي كلمتها و فضلت ليله تسأل هقول ايه لعشري بصراحه كلنا اقترحنا عليها حجات كتير تقولها عشان ميجيش فجأه او يعرف بس هي كانت رافضه كل الاقتراحات و عماله تقول اه مش عيزاه يعرف عشان هيتصرف بتهور بس كمان مش عايزه اكدب عليه لحد ما وصلنا باقتراح انها تقول رايحه لايمي عادي و كان رشيد مش في البيت لان عشري مستحيل يجي لو عارف ان رشيد مش هناك فا هي وافقت بس مكانتش مقتنعه اوي و تقريباً كده قلبها كان حاسس و كلنا خوفنا عليها و بصراحه انا عن نفسي اترعبت و خوفت عشري يقلب عليها