لقاء كار.ثي

واكتر ناس يا ليله انا حبيتهم من قلبي و أمنتلهم و وثقت فيهم و قولت مستحيل دول بالذات الضربه مجاتليش غير منهم و يوم ما وقعت محدش فيهم وقف جنبي كانوا شايفني بنهار قدامهم و بمو.ت و جالي سكر و ضغط و ذبحه في عز شبابي من كتر الصدمه و ولا فرقت معاهم ده يا شيخه حتي الزياره اللي جه مره كسل يجي التانيه و بقي كل فين وفين لما وقتهم يسمح يعملوا تليفون و الحجه بتاعتهم كان ايه انهم مش عايزين يجوا كل شويه عشان ميتعبونيش مع انهم عارفين كويس ان اوقات زياره المريض بتخرجوا من اللي هو فيه و انا مصيبتي كانت كبيره اوي يا ليله

و محدش وقف جنبي غير الغريب اللي اكتشفت انه بالنسبالي اقرب من القريب نفسه و اللي قولت عليهم دول بالذات لا طب انتي عارفه يا ليله اني اول ما بدأت اقوم تاني علي رجلي بدأوا تاني يرجعوا زي الكلاب و يقدموا الحلو كله حتي حرام اقول عليهم كلاب لان الكلاب اوفي بس خلاص بقي كنت علمت عليهم و فوقت لنفسي صدقيني يا قلبي مفيش حاجه تستاهل حبي نفسك يا ليله و فكري فيها قبل اي حد اوعي تعملي زيي

ليله….هو انت معاك حق في كل كلمه بس يمكن زعلي كان غير زعلك انا عارفه ان اللي حصل معاك كان كبير بس خدها من اختك يا توما انت ربنا مان عارف ان اللي حواليك وحشين وانت عشان قلبك كان ابيض مكنتش واخد بالك كان لازم يقرصك و يديك ضربه تفوقك لان زي ما قولت كده مكنتش هتاخد بالك منهم الا لو وقعت ماهو ديماً كده مش بنكتشف معادن الناس غير لما نقع في مصيبه وقتها بنعرف ان الدايره اللي كانت حوالينا كانت كبيره علي الفاضي و بنصفي منها اللي ميستاهلش انه يفضل فيها و احمد ربنا قرصتك كانت في الفلوس و شغلك يمكن دي مش حاجه سهله بس اللي يجي في الفلوس امره سهل و بعدين انت وقتها كنت يادوب لسه بتتعرف و لسه بتبدأ طريق النجاح و لما حصل اللي حصل متنكرش انك رجعت اقوي من الاول بعد ما فتحت عينك و ذاكرت الدرس كويس.

دخل شاب حط القهوه و خرج..

توما….الشهاده لله حصل النجاح اللي وصلتلوا بعد الوقعه دي يا لياه مكانش في الحسبان يمكن انا وقتها اه كان عندي اصرار فظيع اني اقوم تاني و ارجع اللي راح مني و اقف علي رجلي و قولت جايز اقدر بس عمري ما تخيلت ان ربنا يفتحها عليا اوي كده يا ليله لدرجه اني لما بفتكر الوقت بقول الحمد لله ان ده حصل وانا لسه في البدايه قبل ما اوصل لكل ده