لقاء كار.ثي

ليله….بالظبط شوفت بقي ربنا كان عايزك لما تنجح واسمك يسمع و تكبر تبقي بتكبر و انت بعيد عن اي حد وحش في حياتك كان شايلك كل الخير اللي مكنتش تتوقعه بس كان عايزك الاول تتقرص و تفوق عشان تتعلم لما تكبر انك تحافظ و تركز و تعرف مين من اللي حواليك يستاهل يكون في دايرتك الصغيره

توما….والله معاكي حق خدي بالك انا لحد الوقت لما بفتكر بحزن يا ليله لاني مكنتش وحش والله انا كان عندي ازعل بس اللي قدامي ميزعلش ابدا كان بالنسبالي امشي جيبب مفيهوش فلوس بس محدش يطلب مني واقولوا لا

ليله….بالعكس يا توما انت المفروض متزعلش ابداً الناس دي كانت في حياتك عامله زي مصاصين الدماء عماله تمص في دمك وانت مش حاسس بياخدوا منك حب و طاقه حلوه و فلوس و مصالح و ده كل اللي يهمهم لما وقعت بعدوا واللي كنت فاكر انهم أمانك سرقوك و خدعوك و خذلوك و مصعبتش عليهم لانك مكنتش فارق معاهم اصلا اللي كان فارق معاهم انهم يمصوا دمك و لما عملوا ده خلاص مبقتش تهمهم

فا انت تحمد ربنا اوي انهم بعدوا و احمد ربنا علي النعمه اللي بقت في ايدك متزعلش عليهم انت هلصت من اكبر شر في حياتك

توما…..بأبتسامه معاكي حق والله خلصت طيب و انتي بقب الشر اللي في حياتك معرفتيش تخلصي منه

ليله…بابتسامه انا قولتلك يا توما انا وانت نختلف عن بعض انت مصيبتك كانت في الفلوس ودي امرها سهل حتي لو بتوجع انا مصيبتي كانت في البني ادمين يمكن اللي حصلي مكانش من اللي بحبهم اوي بس كانوا سبب فيه او تقدر تقول كانوا سبب في انهم يدخلوا في حياتنا ناس وحشه حبت تفرق بينا

توما….ااااااه فهمت الحكايه فيها ست مش كده

ليله….بابتسامه يعني حاجه زي كده بس متقلقش علي اختك انا اقدر كويس اميز البني ادمين و اعرف مين وحش و مين لا زعلي كان علي موقف معين بس مش من الشخص نفسه و هو قدر يثبتلي انه بيحبني

توما…..بس ليه انا حاسس من صوتك يعني انك مش مبسوطه اوي هو اينعم انتي مختلفه خالص عن المره اللي فاتت كان الزعل باين عليكي و علي صحتك والمرادي انتي احسن بكتير الله اكبر بس لسه حاسس انك فيكي حاجه مش دي ليله اللي اعرفها.

ليله…. بابتسامه قولي يا توما بعد ما دايرتك صغرت و الناس اللي جواها بقوا هما الناس الصح اللي في حياتك بتحبهم بيحبوك بتخاف عليهم و بيخافوا عليك لو حسيت او عرفت ان في حد من الاشخاص القدام حبوا انهم يأذوك فيهم هتتصرف ازاي يعني لو انت شايف ان في شخص حابب يرجع و ينتقم منك في اعز الناس لقلبك هتعمل ايه
هتواجه هتسبق انت بالانتقام يعني رد فعلك هيكون ايه ؟