لقاء كار.ثي

فضل ضحك و عشري ابتسم غصب عنه

رشيد….بضحك اقسم بالله لما سمعت صوته حسيت اني عيل صغير عامل مصيبه و اتقفش قولت يارتني ما كنت فتحت الباب عشان الدخان كنت سيبته كده

عشري….طيب ولو مكنتش جيت يا رشيد كنت هتقول

رشيد….لا مكنتش هقول مش انت عايزني اصارحك اه لو كنت عرفت مكنتش هقول لانك مجنون يا عشري و مندفع و هتعمل مصيبه تجيب اجلنا كلنا و بصراحه بقي ليله كان معاها حق و بعدين يا اخويا انت قالب خلقتك عليا ليه ما فضل كان معانا و اخواتك و باقي الشباب اشمعني انا

فضل…..بضحك لا ما انا خدت نصيبي من التهزيق متقلقش

رشيد…..وهو ليه عين يتكلم اصلا

عشري…..ماشي يا عم رشيد اللي انت شايفه بقولك ايه بطل رغي وهاتلي قهوه

فضل…..هي المكنه دي مش شغاله ولا ايه

رشيد….لا زي الفل

فضل….طب انا هقوم اعمل

رشيد…ماشي اعملي معاكم بص لعشري طمني الواد حودا عامل ايه

عشري….بخير الحمد لله احسن كتير

رشيد….طيب الحمد الله بيتكلم معاكم و كويس يعني

عشري….اه بتصل بيه الصبح و بتصل بيه علي الفجر كده بيبقي رايح يصلي بنقعد نرغي شويه و هو طول اليوم بقي يبتصل علي امي و ابويا علي الشباب كده يعني بس الحمد هو احسن كتير

رشيد….اللهم لك الحمد هو راجع امته ؟

عشري……لسه قدامه حوالي خمس ايام

رشيد….كده هيجي قبل فرحك علي طول

عشري….اه ان شاء الله

رشيد…..يوصل علي خير يا رب

عشري…..يارب هو حسان معداش عليك انهارده

رشيد…..لا جه عدي عليا شويه و بعدين راح المحل علي ايه و قالي انه هيرجع علي البيت عشان تامر و العمال زمانه رجع

عشري….و هو راح لايه ليه ؟

رشيد…..مفيش سلمي نزلت عيادتها و ايه اتفقت معاها انها هتقعد بهنا و مش هتنزل الشغل انهارده بس ايه جالها شغل علي الصفحه ثلاث اوردرات تقريباً و شغل كويس يعني فا ابوها قالها لو عايزه تروحي انزلي و انا هاجي معاكي و هخلي بالي من هنا و بعدها اتصل علي حسان عرفوا فا حسان قالوا تمام روح و اللي فهمتوا معرفوش سلمي في الاول عشان هي قلقانه بسبب حوار مريم ده انها تنزل بالبت لوحدها المحل و كده بس فا نزلوا و حسان قالي هروح اقعد معاهم شويه و هطمن علي هنا حقه بردوا هو كمان قلقان
و ميقدرش يعترض

عشري….هو حقه بس اه ميقدرش يعترض ده شغلها و كويس انه راح عشان يبقي مطمن و مش سايبهم لوحدهم