لقاء كار.ثي

نعيمه….ماشي باي

فضل….باي

……………..

عند ايه في المحل..

سلامه….انتي متأكده انك هتقدري ترجعي الكلب ده زي ما كان

ايه….هحاول طبعاً انا مش فاهمه ازاي سابه كده بجد الكلب تعبان جدا من القرف اللي فيه ده يعني ده جلده باين انه ملتهب و في حشرات كمان مدمره جلده

احمد….صاحبه لو شافه كده هيندم انه امنه عليه دي روح حرام والله

سلامه….شكله تعبان اصلا

ايه…..يلا خليني ابدأ فيه عشان أخلص بسرعه

سلامه…..استني هاجي اساعدك

ايه….لا خليك الكلب مش نضيف خالص و انتي يا هنا خليكي مع جدو و سلامه عشان لو في حشرات متجيش عليكي

هنا….حاضر

سلامه….استني طيب ارفعه معاكي

راح وراها طلعت جلافز و خلت سلامه يلبسوا و رفع الكلب معاها علي البانيو و بعدين خرج و سابها

بدأت ايه تحط عليه مايه وتحسس عليه بهدوء كانت حاسه ان الكلب تعبان و في حاجه مش مريحاها فجأه لاقت الكلب مش عارف يقف علي رجله و بينزل في البانيو حاولت ترفعه و تقومه وقف كملت و فضلت تحط المايه عليه و يادوب اديت الكلب ضهرها و رجعت بصت عليه لاقته نايم في البانيو و عمال يخرج رغاوي كتير من بوئه

ايه……بفزع و صوت عالي بااابا سلامه الحقوني

جريوا بسرعه عليها جوه لقوا الكلب بيطلع في الروح خلاص جوه البانيو

عمال يتنفس بسرعه و الرغاوي اللي في بوئه بتطلع أكتر

أحمد…..ايه ده هو حصلوا ايه

ايه…..بخضه فظيعه معرفش والله ما أعرف انا لسه بحط عليه المايه معملتش فيه حاجه اصلا

سلامه…..وسعي كده

ايه….مش بيقوم يا سلامه ده شكلوا بيمو,ت

احمد…..بيمو.ت ازاي يعني ما لسه داخل معاكي كويس

ايه….انا معرفش هو شكلوا تعبان اصلاً

سلامه….بعد عن الكلب و فضل يبص عليه شويه في حاجه مش مظبوطه

ايه بصتلوا و مفهمتش

احمد…..حاجه ايه؟

سلامه….مش عارف بس قلبي مش مرتاح للقصه كلها

احمد……تقصد ايه ؟

ايه…..يعني ايه مش مرتاح للقصه

سلامه…..في حاجه غلط يا ايه قصه الكلب من اولها لاخرها مع منظر الكلب و الوقت الكلب بيطلع في الروح في حاجه غلط

احمد….حاجه ايه اللي غلط يا ابني خلينا نتصل علي صاحبه طيب يجي يلحقوا او ياخدوا علي اي دكتور يمكن واكل حاجه

سلامه….لا لا محدش يتصل الوقت

ايه…..سلامه في ايه انا ليه حاسه انك شاكك في حاجه اوعي تكون قصه مريم مأثره عليك