لقاء كار.ثي

خبط فضل و بعدين فتح

رشيد….اهلا اهلا تعالوا

ايمي….طيب روح يا حبيبي عشان شغلك

رشيد….لا ده فضل و عشري

ايمي….. سلم عليهم كتير

رشيد…..الله يسلمك ايمي بتسلم عليكم يا شباب

فضل…..اخبارك يا ايمووو

ايمي….بخير يا فضل

رشيد…..طيب يا روحي شويه و اتصل عليكي

ايمي……اوك يا قلبي باي

رشيد…..باي قفل رشيد و بص لعشري و ابتسم و هو رافع حاجبه عامل ايه يا فضل

فضل….بضحك بص لعشري الحمد لله يا قلب اخوك

رشيد…..داخل انت يا فضل علي عزاء طب ارمي السلام

بصلوا عشري بغيظ و سكت

فضل……بضحك انا رميت السلام

رشيد……اه بس في غيرك مرماش

عشري…..ما هو غيري يا فضل لو فتح بوئه هيزعلك

فضل…..بضحك ااااه كوبري انا بينكم

رشيد…..بضحك لا يا صاحبي معاش ولا كان اللي يعملك كوبري بس هو في ناس كده عايزن الواحد ميوجهلهاش كلام عشان ميزعلهاش

عشري…..لا وانت حلو و بتعرف تزعل

رشيد…..ياض احترم فرق السن اللي بينا حتي بدل ما اقوم اكسر دماغك اوعي تفكر اني طيب

عشري…..وانا عشان محترم ده مش هتكلم معاك غير كده انت عارف لساني كويس

رشيد….لا معرفش نفسي اتعرف والله ما تبوظت ياض كده وتروق شويه بدل ما ازعلك خد بالك انا ساكتلك كرم اخلاق مني

عشري….ماشي يا عم و انا مش هرد عليك

رشيد…..بضحك ولا متعصبنيش انا مش طايقك

عشري….وليك عين انت اللي مش طايقني كمان

رشيد….اه عشان قالب خلقتك عليا من امبارح وانا عامل عبيط و مش واخد بالي

عشري……ومش حقي اقلب خلقتي

رشيد….لا ياروح امك مش حقك انا زيي زيك مكنتش اعرف حاجه

عشري…..بس عرفت وكان اصول تقولي

رشيد…..بص هتكلمني في الاصول هروق عليك بجد عشان انت عارف اني اعرف في الاصول كويس بس انا واثق انك لو مكاني مش هتنطق لو ايمي عندها مشكله و اتصلت بيكم و قالت رشيد ميعرفش عشان خايفه عليه هتيجي تقولي

عشري……اه هقولك

رشيد…..ولااااااا بطل كدب و المصحف ما كنت هتنطق صح ولا غلط يا فضل

فضل…..بابتسامه صح

عشري…طيب انت بتحلف ليه دخلت جوايا

رشيد…..لا عشان واثق انك لو عارف ان معرفتي بالحاجه دي هتضرني مش هتتكلم علي اللقل لما تسمع و تفهم و بعدها تحدد بقي تقول ولا متقولش

عشري….وانت حددت يا اخويا

رشيد….هو انا لحقت ما انت طبيت علينا زي القضاء المستعجل جيبتلنا كلنا تروما