لقاء كارثي
(لقاء كارثي) 81
لقاء كارثي
أميره أسامه
صاحبة البطل الواحد
. البارت الحادي والثمانين .
………………………
في صباح يوم جديد في منزل ايه و سلمي كانوا بيفطروا قبل ما ينزلوا شغلهم.
تامر….يا حبيبي انا فهمت غلط كنت فاكر في الاول لما قالوا ان مامت سلامه جايه ان الكل هيروح بس لا مش هسيبك لوحدك
سلمي و ايه كل واحده فيهم كانت من جواها فرحانه و بتتمني ان تامر يثبت علي موقفه بس لا دي كانت قادره تقوله اه خليك و لا دي قادره تقوله معاك حق خافو انهم يتفهموا غلط سلمي خافت تبان قدامهم انها مش عايزه اخوها عشان حسان و ايه كمان خافت لنفس السبب فا سكتوا خالص.
احمد….يعني هيجرالي ايه يعني عيل صغير انا اهو ارتاح من زنكم كام يوم
تامر….لا لا خليها مره تانيه ان شاء الله و نبقي نسافر كلنا مع بعض مينفعش نسيبك كلنا
احمد….بقولك ايه انا ما هصدق عندي مجموعة كتب هتجنن و ابدأ فيهم واخلصهم علي رواقه و بعدين ما عمك حماده و زوزو جنبي يعني لو زهقت هروح اقعد معاهم اخر النهار شويه اتصل علي عمك عادل و نتقابل نقعد مع بعض دول كلهم كام يوم يعمي مش قصه و بعدين انت بقالك كتير مخرجتش انت و اخواتك روح و اتبسط معاهم و مع الشباب
سلمي….طب افضل انا معاك
احمد…..يعني انتي تفضلي و ايه و تامر يروحوا من غيرك لا طبعاً و بعدين بطلوا زن و دوشه بقي هو انتوا يعني و انتوا معايا بتفضلوا معايا طول اليوم ما كل واحد فيكم في شغله من الصبح لحد بليل يا دوب بنتعشي سوا او الحقكم كده كل فين و فين علي الفطار مره
تامر….بس بنبقي حواليك لو حصل اي حاجه في ثانيه نبقي عندك
احمد….و انا معاكم في العادي علي طول بالموبايل لو في حاجه اكيد يعني هكلمكم و لو اتاخرت عليكم في الرد بردوا هتعرفوا اني فيا حاجه يا سيدي
تامر….بعد الشر عليك
احمد….و بعدين عمك حماده يعني مش هيسيبني هو كان بيسيبنا طول ما اخواتك كانوا مسافرين اول مره روح يا حبيبي و اتبسط و خد بالك من اخواتك
ايه….احممم ااا انا هقوم بقي انزل عشان اتأخرت بابا خلي بالك والنبي من سلامه
احمد….متقلقيش عليه هو اتحسن كتير
تامر….استني خديني معاكي انا نازل
عايز حاجه يا بابا
احمد…..سلامتك يا حبيبي
ايه كان باين عليها الارتباك و سلمي كمان
تامر…..يلا يا يويو
ايه….ااا اه يلا باي يا سلمي باي يا بابا
سلمي….باي يا ايه
احمد….سلام يا حبيبتي
خرجت ايه هي و تامر داس تامر علي الاسانسير كانت عماله تلعب في شعرها و تحط ايدها في جيبها و تمسك الشنطه بتحاول تشغل نفسها في اي حاجه
تامر…..يلا الاسانسير طلع في حاجه وقعت منك ولا ايه
ايه…ااا لا لا يلا
ركبوا و داس تامر علي الزرار
تامر….مش عارف اعمل ايه اقعد و لا اجي
ايه….قصدك السفر
تامر….اه مش حابب اسيبه لوحده بصراحه انتي عارفه اوقات كتير بيتعب
ايه….ااا معرفش بصراحه يعني شوف انتي اللي يريحك
تامر…..طب انتي ايه رايك اجي و لا اقعد
ايه….انا ابتسمت بهدوء اكيد عيزاك تيجي معانا و نفسي كمان بابا يجي والله بس انا عارفه بابا مش هيرضي يجي لو حماده مش موجود او انكل عادل هو بيحب يقعد معاهم بس معرفش انت شوف اللي يريحك
تامر…..مش عارف هفكر كده واشوف هو بصراحه انا الفتره دي مضغوط و عندي شغل كتير و في نفس الوقت نفسي اسافر و اغير جو و بردوا مش حابب اسيب بابا لوحده هشوف بقي كده
ايه….ماشي شوف واللي يريحك اعملوا
تامر….الاسانيير نزل فتح الباب و خرجوا صحيح انتي رايحه بالعربيه ولا الاسكيت
ايه…..اا لا انا رايحه بالعربيه عشان بعد ما هخلص احتمال اقابل ليله و نوني و نجيب حجات
تامر….لو مش هتاخديها تعالي اوصلك
ايه…..لا هخادها والله روح انت يلا عشان متتأخرش
تامر….ماشي بقولك ايه
ايه….ايه
تامر….مش محتاجه فلوس
ايه…..بضحكه جميله كفي نفسك
تامر…انا مش بهزر
ايه….والله معايا انت محتاج
تامر….بضحك شايلك للتقيله يا عم البنك المركزي
ايه…..بضحك ماشي
تامر….بقولك ايه
ايه…..قول
تامر….اجيبلك حاجه حلوه بليل؟
ايه…..لا شكراً
تامر…من امته و انتي بتقولي شكراً
ايه….بضحكه جميله و من امته و انت بتسأل
تامر….بضحك يعني اجيب
ايه….بابتيامه ماشي جيب يلا باي
تامر…..باي بقولك استني اطلع انا الاول احسن تخبطيني
ايه…..علي اساس اني مش بعرف اسوق
تامر…..بضحك هو انتي بتعرفي تسوقي اصلاً سلام يا مجنونه
ايه…..بابتسامه جميله باي
ركبت ايه و استنت تامر طلع قالتله باي بأيدها و بعدين مسكت الموبايل اتصلت علي سلامه كان في المعرض من بدري.
ايه…..الووو
سلامه……صباح الفل
ايه…..بقولك ايه انا حضرتلك بقي حرف ابقي وريني هتعرف ازاي تلعب معايا
سلامه…..بضحكه جميله حرف ايه ده ان شاء الله
ايه….تاء مربوطه
سلامه……بضحك طب انا راضي ذمتك هو في اصلا اسامي او كلمات بتبدا بتاء مربوطه
ايه….ايه ده هو مفيش
سلامه….بضحك انتي بتسألي اللي يسمعك يقول اخترتي حرف و جهزتي الاجابه كمان
ايه…..اه في و جهزت كمان الكلمات
سلامه….طيب قوليلي الكلمات يلا
ايه….لا ما انت هتغش
سلامه….يا ستي مش هغش و مش هكتب زيك بس قولي
ايه….اممم ماشي الولد هادي و البنت هاله و الاكل هريسه ووو
سلامه…..بضحك استني استنننني يا اخرة صبري و بتقولي عليا انا ساقط ابتدائيه
ايه….بضحك ايه في ايه
سلامه….بذمتك دي تاء مربوطه
ايه…..امال دي ايه ان شاء الله
سلامه…..يعني ميمشيش معاكي انه حرف الهاء
ايه….وهما في بينهم فرق
سلامه…..بضحك يابت اصوت في قلب المعرض يقولوا عليا اتجننت
ايه…..بضحك علي فكره بقي انا بهزر و كنت بختبر معلوماتك
سلامه…..لا يا شيخه
ايه….بابتسامه صباح الفل
سلامه….صباح الفل يا هبله
ايه…..ايه فينك كده
سلامه….عندي نمره و هطلع علي المسرح اغني الوقت هو ايه اللي فينك في المعرض اكيد يا ايه الافتااح بكره و لازم اكون موجود
ايه…..بضحك لا استني انت بتستظرغ و بتألش عليا و كده
سلامه….بضحط طب اقولك ايه هكون فين يعني
ايه….طيب يا عم براحه خلاص بسأل يمكن تكون روحت تصيع هنا ولا هنا
سلامه…..ادعي عليكي تصيعي صياعتي يا بت ده احنا متمرمطين الكام يوم دول
ايه…..خلاص هانت كلها بكره و ترتاحوا
سلامه…..و لا هنرتاح ولا حاجه هيفضل نفس الشغل بردوا و بعدين لسه هنكمل شغل في الكافيه الجديد بردوا
ايه…..انت هتشيلني الهم ليه بقولك ايه روح اقفل يلا يخربيت الطاقه السلبيه
سلامه….انتي اللي سألتي يا بومه و بعدين انتي نازله متأخر كده ليه انهارده
ايه…..معنديش شغل بدري و المكان نضيف فا قولت انزل متأخر شويه
سلامه…..نزلتي يعني خلاص
ايه….اه انا في العربيه
سلامه…..طيب علي مهلك بقي و انتي ماشيه
ايه….ماشي
سلامه…..لما توصلي كلميني
ايه….اوك يا قلبي
سلامه….يلا يا حبيبي سلام
ايه….باي
………………
في غرفه سلمي .
سلمي…..بأبتسامه انت بتتكلم جد زعلت فعلاً
حسان…..مش قصه زعلت بس انتي قولتيلي جاوب بصراحه
سلمي…..ايوه بس كنت بسألك و انا شاكه مش متأكده يعني سؤالي كان مجرد فضول عشان اتأكد احساسي صح و لا غلط
حسان…..طب اسمعي هقولك انا فجأه حسيت ان الحماس اللي كان عندك اختفي مره واحده و حسيتك عايزه تأجلي موضوع الجواز اللي هو ايه تتجوز الاول لا نسافر و مش مهم اليومين دول نبدأ في الشقه و بعدين عادي يا حسان ده اسبوع فا استغربت
سلمي…..بس انا كنت بتكلم عادي مقصدتش يعني انا حبيت احسسك ان الموضوع بسيط متضغطش نفسك و بعدين عشان نتكلم بصراحه اكتر من ناحيه انا فعلا انكلمت عادي عشانك لاني عارفه ان الفتره دي عندكم افتتاح المعرض و مشغولين غير الكافيه كمان اللي بتجهزوا فيه و الشقه غير شغلك في المعرض الاول و من ناحيه تانيه كنت بتكلم عشان ايه يعني بصراحه مكنتش حابه نتجوز و اسيبها لوحدها
حسان…..ابوه ليه ماهي كده كده هتتجوز بعدنا و مش بفتره طويله و الاهم هتسبيها لوحدها اللي هو ازاي ايه مش صغيره و كمان في بيتها
سلمي…..تمام معاك حق بس انا ليا وجهة نظر مختلفه معرفش يمكن ببالغ بس مش عايزه ايه تحس بفراغ و بوحده مش عيزاها تحس فجأه انها بقت لوحدها او غريبه ايه ليها وضع خاص يا حسان و انا ديماً براعي الجزء ده
حسان…..تصدقي بالله يا سلمي
سلمب….لا إله الا الله
حسان….بمناسبه الوضع الخاص ده انا كنت ناسي اصلاً والله العظيم و حياة هنا ان ايه مش اختك
سلمي…..بأبتسامه يعني ايه ناسي
حسان…..يعني ناسي خالص بجد انا بتعامل علي انكم حقيقي اخوات و علي فكره انا ديماً كل فين و فين بنسي ان عسال و سلامه بردوا مش اخوات بس يعني فهمتك
سلمي…..طيب الحمد لله المهم انك مش زعلان
حسان……انا مش زعلان والله بالمعني الحرفي انا كنت زعلان لحد قبل ما اقول علي الفكره دي اننا نتحوز سوا ثولت لو سلمي اعترضت يبقي في مشكله بقي
سلمي….خالص والله انا فهمتك بس اللي كنت بفكر فيه بس بما اننا هنتجوز مع بعض يا سيدي ان شالله نتجوز بكره
حسان ….بأبتسامه ماشي يا ستي خلاص سماح انتي نازله امتي
سلمي….كمان ساعتين كده هقوم بس اعمل كام حاجه في الاوضه و بعدين هدخل اخد شاور و هلبس و انزل
حسان…..ماشي و انتي نازله كلميني
سلمي….اوك يا حبيبي
حسان…..سلام يا حبيبي
سلمي….باي
……………..
في المحل عند ايه افتكرت ان تامر هيجي معاهم و نسيت تقول لسلامه فا رجعت اتصلت بيه تاني.
سلامه….خير افتكرتي حرف جديد
ايه….بضحكه هاديه لا مش بكلمك عشان كده
سلامه….امال عايزه ايه ؟ مش هشوف شغلي انا
ايه….هقولك حاجه وهقفل مش هعطلك تاني والله
سلامه….انا بهزر يا عبيطه قولي في ايه
ايه….سلامه تامر هيجي معانا
سلامه….اه ما انا عارف
ايه….عارف منين انا مثولتلكش؟
سلامه….لا ما انا اتصلت علي بابا بعد ما قفلت معاكي سلمت عليه و اكدت عليه تاني ان ماما جايه معانا و اخواتي عشان يبقي مطمن يعني يس فا قالي انه مطمن اكيد و معندوش مشكله و حتي تامر كان رافض عشان ميسبهوش لوحده و قالي ابقي كلم تامر لانه مش بيخرج كتير و شغلوا واخد وقته و يغير يعني جو بس فا كلمت تامر انا هو كان بيفكر ميجيش بس قولتلوا يجي و ميقلقش عليه و هنكلموا كل شويه
ايه….اااا اطيب انا نسيت اقولك احنا اصلا اتكلمنا في الموضوع ده قبل ما أنزل علي طول و افتكرت الوقت
سلامه…..لا عرفت خلاص يا قلبي
ايه…..ااا ماشي طيب انت مش زعلان
سلامه….ايه احنا اتكلمنا في الموضوع ده قبل كده صح اكيد مش زعلان و اكيد دي لا اول ولا اخر سفريه او خروجه او تجمع يعني لازم نكون متأقلمين علي كده تامر واحد من عيلتنا صح يا ايه
ايه….صح
سلامه….بس يبقي هنتعامل عادي و هنتبسط بس هنخافظ علي الحدود بتاعتي انا وانتي اوك يا عمري
ايه….اوك يا حبيبي
سلامه…..ممكن بقي تروحي تشوفي شغلك و تسبيني اشوف شغلي
ايه….بضحكه جميله ماشي يا عم رجل الاعمال باي
سلامه…..باي يا هبله
……………….
اليوم كان بيجري علي الساعه سته بالظبط و صل عشري تحت البيت عند ليله اتصل عليها و قالها انه تحت فتح الباب و نزل و قف قدام العربيه يستناها كان لابس بنطلون چينز اسود و تيشرت ابيض سبعه مبين عضلات صدره و عليه چاكيت جلد اسود شكلوا كان يجنن.
نزلت ليله من الاسانسير فتحت الباب اول ما شفتها و شافتوا ابتسموا
كانت لابسه فستان لونه بني غامق و علي ايدها چاكت و هاڤ بوط و رافعه شعرها و عامله ميك اب يجنن سبقتها ريحتها قبل ما تقرب منه
ابتسم عشري و اتحرك خطوه قربت منه و ابتسمت وباسته من خده
باسها عشري من خدها و هو ماسك وسطها
عشري….ايه القمر ده
ليله….انت اللي قمر و حشتني
عشري…..و انتي و حشتيني اكتر مسك كفها و قربوا من العربيه فتحلها الباب و استني لحد ما ركبت قفل عليها وراح ركب احمد كلمني علي فكره الصبح
ليله….اه ما اميمه قالتلي انه هيتصل عليك يعرفك انه مستنيك
عشري…..بأبتسامه تجنن ايه الحلاوه دي
ليله….اتلم يا بلطجي و يلا اطلع
عشري….بضحكه تجنن حاضر هطلع
ليله….ايه اللبس تمام يا استاذ عشري
عشري…..رفع حاجبه شامم ريحة تريقه بس عموماً هو تمام و قمر
ليله…..طيب علي فكره بقي مش بتريق
عشري…..مااااشي
ليله….قولي بقي عامل ايه من غيري
بصلها عشري و ابتسم بهدوء و بعدين بص قدامه
ليله….بضحك ده ايه البصه دي بقي
عشري…..عشان حاسس ان في تريقه في شماته مش مرتاحلك
ليله…..طب ليه سوء النيه ده و الله سؤال برئ يعني مرتاح مفيش دوشه مفيش ازعاج كده يعني
عشري….بصلها بهدوء تعبان من غيرك يا ليله
ضمت شفافيها بزعل و ابتسمت
ليله….يا عمري انت و الله وانا كمان
عشري……بطلي كدب انتي مبسوطه و معاكي البنات و سيباني لوحدي
ليله….بنظره تجنن امممم ابتدينا الغيره بقي طب علي فكره يعني اه شمتانه فيك مش انت اللي صممت ارجع
عشري….و رجعت في كلامي حلو كده ارجعي معايا يا ليله
لياه….بضحكه جميله انت بتتكلم جد
عشري…..وغلاوة ليله بتكلم جد انا بجد تعبان من غيرك حاسي اني لاول مره مبقاش عايز اقعد في البيت لوحدي شوفي فضلت كام سنه هتجنن واخلص البيت و كام سنه مقضيها نوم علي سرير صغير عشان اخلصوا و اعمل فيه كل حاجه نفسي فيها و قد ايه فرحت لما خلصت كل ده ميجيش حاجه قدام احتياجي ليكي اتعودت علي وجودك اتعودت اصحي وانام وامل واقعد و انتي معايا البيت من غيرك والله العظيم يا ليله ميت مفيهوش روح
ابتسمت لياه بتأثر و نامت علي كتفه و هي بتتنهد
ليله……خلاص با بلطجي قربنا نبقي مع بعض و مش هسيبك تاني و لا في حاجه هتبعدنا بعد كده عن بعض
عشري….طيب مش هتيجي معايا
ليله….عشري هو انت بتتكلم بجد
عشري…..بنرفزه بانت علي صوته اه يا ليله بتكلم بجد و الله العظيم ما عارف اقعد من غيرك و انهارده الصبح صاحب علي كابوس و مودي زي الزفت
ليله…..لا استني انت فيك ايه؟
عشري….عايزك يا ليله محتاجك الفتره اللي قعدناها مع بعض خلتني صعب اعيش حتي لو يوم و انتي مش معايا اول مره اجرب احساس الراجل اللي اتجوز و معاه ست في البيت اول مره اصلاً احس ان وجود الست يفرق اوي كده يعني انا كنت فاكر اني لما اخلص البيت و اعمل فيه كل حاجه بحبها هبقي مبسوط بس طلع انه طول الفتره دي مكانش في روح
ليله…..هو انتي يعني فاكر ان انا مرتاحه من غيرك و البنات مخليني نسياك و مش فارق معايا انا كمان مخنوقه يا عشري و بعدين انا اصلا مكنتش عارزه امشي من الاول
عشري….خلاص ارجعي معايا عشان خاطري
ليله…هو مش احنا اتفقنا و بعدين انت اقنعتني
عشري…..يا ستي انا غبي حمار مش بفهم اقنعتك بحاجه انا اصلا مش مقتنع بيها هتفرق ايه يعني لما تخرجي من بيتك علي الفرح و ترجعي تاني بليل
ليله…..بضحكه جميله مسكت خده و قربت منه باسته بوسه طويله يا خرابي علي القمر بتاعي و هو مقموص وغيران كده
عشري….بأبتسامه تجنن الروچ طبع علي خدي صح؟
ليله….بضحكه تجنن هزت راسها اه بس همسحه متقلقش
عشري…..مسك كف ايدها باسه من جوه بحبك
ليله….وانا بموت فيك يا عمري
فتحت شنطتها طلعت المناديل و فضلت تمسح في خده
ليله…..اي خدمه
عشري….بقولك ايه
ليله….قول
عشري…..لما نخلص عند اميمه هتيجي معايا
ليله….علي فين
عشري….هنطلع المقطم شويه ايه موحشتكيش القاعده هناك
ليله….ماشي موافقه بس ادعي اميمه متفضلش ماسكه فينا
عشري…..لا ما احنا مش عايزين نطول اوي
ليله….لا انت بتحلم دي عامله حسابها اننا هنتغدا معاها
عشري….ماشي بس نتغدا و نمشي و بعدين ابقي اتكلمي انتي عشان لو قالتلي اقعد هتحرج اقولها لا
ليله…..حاضر يا سيدي متقلقش
……………
عند نسمه و تقي اتقابلوا و نزلوا مع بعض يقعدوا شويه في كافيه.
نسمه…..تقي هو في حاجه انا معرفهاش
تقي….حاجه ايه؟
نسمه…..مش عارفه يعني حاجه حصلت بينك و بين عدي اصل انتي مره واحده كده حساكي مش علي بعضك و بعدين قررتي بعد ما انا نزلت انك مش هتروحي هناك والوقت بتقوليلي افكر معاكي تقولي ايه لليله عشان مش هينفع تسافري ادام عدي جاي هو عملك حاجه
تقي…..معملش يا نسمه
نسمه….طيب امال ايه انا اخر حاجه يعني اعرفها انكم تمام و بتتكلموا و مبقتوش تتخانقوا لما تشوفوا بعض و من الاخر كده يعني انا حاسه ان في اعجاب بينكم
تقي….بتنهيده نسمه انا مش هعرف اقولك اي حاجه بجد غير اني عيزاكي تلاقيلي حل ليله لما بتحط في دماغها حاجه مش هتسكت و مش بعيد لو مروحتش تيجي تجيبني بجد من البيت و مش هعرف اقولها لا
نسمه….و هو بعد كلامك ده يعني تفتكري اني هقولك حاضر و هنفكر في حل و مش هسأل عن السبب لا طبعاً انا هعرف و الوقت حالاً
تقي…..معنديش حاجه اقولها والله يا نسمه
نسمه…..قولي اللي انتي حاسه بيه قولي اللي جواكي قولي سبب رفضك تقي اللي اعرفها سفريه زي دي مش هتسيبها و تقي اللي اعرفها ده جوها اصلا في ايه يا تقي انتي بتخبي عليا
تقي…..مش بخبي يا نسمه والله انتي عرفاني اصلا مش بعرف اخبي و بيبان عليا بس انا اصلا مش فاهمه نفسي
نسمه….يا ستي قولي و انا هفهمك
بصتلها تقي ثواني و فضلت ساكته
نسمه….قولي يا تقي قولي عشان خاطري هو عدي ضايقك او عملك اي حاجه مش تمام تصرف يعني
تقي….لا لا لا دماغك متروحش لبعيد مفيش الكلام ده
نسمه….طب امال ايه
تقي….طيب بسي انا هقولك بس لو بجد بتحبيني الكلام ده ميطلعش ما بينا
نسمه….من امته قولتيلي حاجه و قولتها لحد يلا قولي
تقي…..بصي انا خرجت مع عدي كذا مره مره بعد اللي حصل يوم ما عرفت بجواز ليله و وصلتوني بليل هزرنا يعني واحنا طالعين البيت و قولتله يطلع معايا و يقول هو كلمتين حلوين لابويا عشان هو سايط من اللي حصل و كنان الوقت اتأخر ضحك وقالي والمقابل كان بيهزر يعني قولتلوا اللي انت عايزه قالي تعزميني علي قهوه قولتلوا بس كده هغديك علي حسابي المهم طلعنا و الموصوع خلص تاني بوم كنت بسلم شغل و هزرنا واتكلمنا و قالي فين العزومه قولتلوا لو جاهز انا جاهزه و فعلاً خرجنا وجه معايا و قعدنا اكتر من خمس ساعات مع بعض كان وقت يجنن و اتمشينا و اتكلمنا كتير اوي فات يوم و كلمني عرف اني رايحه اعمل تحاليل و احنا بنتكلم قالي مين جاي معاكي قولتلوا مفيش قالي خلاص هجيلك من هنا لهنا المهم يعني جالي و روحنا مع بعض .
فضلت تقي تحكيلها علي احداث اليوم و المشكله اللي حصلت قدامهم و ازاي عدي قدر يحتويها و يهديها .
تقي….ااا بس كان بيكلمني بقي من بعد ما وصلني بشويه بس نمت من صدمه الموقف والعياط و الخوف حسيت اني محتاجه انام فصلت صوت الموبايل و نمت تاني يوم اتصل كنت في الحمام بجهز عشان انزل قولت لما انزل هتصل عليه بس حدوته كلمني و فضل معايا ساعه او اكتر بنرغي و بحكيلوا اللي حصل و هو بقي كان عمال يتصل بيا و انا اصلا كنت في طريقي ليهم في الكافيه و كل ده حدوته معايا بيحاول يعرف الراجل راح لانهي مستشفي كان مودي زي الزفت من اول ما صحيت و هتجنن و اعرف اي خبر عن الراجل المهم قبل ما اوصل حدوته قدر الحمد لله يوصل للراجل و عرف انه عايش و مزاجي اتغير كنت مبسوطه جداً قفلت مع حدوته كنت وصلت اتصلت علي عدي و كنت شيفاه من بعيد كان مضايق و متعصب اني مردتش و كان قلقان يعني بكون حصل معايا حاجه بسبب الموقف ده
المهم يعني اتكلمنا و بعدين روحتلوا و قعدنا نهزر شويه و كان عندي معاد مع الدكتور قالي هاجي معاكي قولتلوا حدوته جاي مرضيش قالي اعتذري ليه و انا اللي هاجي روحت مشوار شغل و بعدين اتقابلنا و روحتا فعلاً و بعد الدكتور اتغدينا مع بعض و قعدنا اتكلمنا كتير اوي
اصلا اليوم اللي وصلتوني فيه و احنا طالعين جالوا تليفون كان بيتكلم بهدوء و واضح انه بيكلم بنت بيقولها ايوه يا حبيتي يفي مشوار لما اخلص هكلمك وانتي كمان طيب و حجات كده المهم لما خرجنا بقي اخر مره للدكتور من ضمن الكلام سألته في حد في حياتك قالي اه بنت متعرف عليها من خمس شهور معجب بيها مفيش من ناحيته حب كبير بس واضح انها تهمه او تعنيلوا بيغير عليها في مواقف حكهالي و في نفس الوقت هو حاسس انه مش متأكد من شعوره
