لقاء كارثي

عشري….بضحك اظبطي تعالوا اتعرفوا عليهم و سلموا علي ابويا

ليله…..فين وليد قالي انه جاي

عشري….جه ومشي وعم عادل و عم احمد و اخواتي الكل راح و حماده صحيح

راحوا البنات سلموا علي والده و عرفهم فضل و عشري علي قرايبهم

و اتعرفوا علي ليله و نعيمه سلموا عليهم باحترام و بعدين استاذنوا البنات راحوا يتفرجوا علي المعرض كانوا مبسوطين جداً و فرحانين من قلبهم للشباب.

و بعد وقت طويل قضوه سوا مشيوا من المعرض و روحوا

وانتهي اليوم بمناسبه سعيده و بنجاح جديد للشباب و وقفه من الكل معاهم

…………….

في صباح يوم جديد يوم الخميس

صحي الكل و كل واحد فيهم كان عنده مشوار او شغل كان بيخلصوا قبل مقابلتهم بليل نادين نزلت تخلص كام مشوار و سلمي كمان قدمت معاد كام كشف و نزلت من بدري عشان تخلص شغلها قبل ما تسافر و ايمي راحت علي المطعم شويه عشان هي كمان تخلص شويه شغل .

و الشباب كمان كل واحد فيهم نزل يخلص مشاوير و شغل

عشري كان متابع الشغل و في نفس الوقت بيخلص حوار السوبر چيت و بيأكد علي السواق

اما عند ليله و نعيمه كانوا عمالين يجهزوا شنط سفرهم

نعيمه…..ليله انا مش عارفه اخد ايه معايا

ليله….بضحك والله و لا انا يا نوني

نعيمه….بضحك طب ايه السفريه دي غريبه كده ليه

ليله …هو اكيد اكيد مش هناخد لبس بحر

نعيمه…..هو الجو برد طبعاً بس مش هننزل البيسين

ليله …في الجو ده يا نوني

نعيمه….مايمكن في سخانات

ليله…..معرفش بصراحه هو اكيد فيه بس بيتهيالي محدش هينزل يعني

نعيمه….افرضي اتجننوا و نزلونا

ليله….خلاص خدي واحد بس كفايه و خدي حجات تقيله الجو هناك هيبقي برد

نعيمه…..ماشي هروح اكمل بس قبل ما اققل الشنطه ابقي تعالي بصي كده عليها

ليله…..لو ليكي بس علاج او اي حاجه خديه معاكي متنسيش

نعيمه…..مش هنسي هحطهم الوقت

ليله…..طيب حطي الوقت قبل ما تحطيهم مره كده

نعيمه….ماشي هروح اهلص و انادي عليكي

ليله …اوك

…………….

الوقت كان عمال يجري و كل اللي عنده حاجه بيخلصها.

عشري…..عدددددي

بص عدي عليه من بعيد و شاورلوا بأيده بمعني جاي و راح عليه

عدي……خير

عشري…..وينه سليم

عدي…..والله ما أعرفش بس كان بيقول رايح الكافيه الثاني عايز خاجه

عشري….انا خلصت كل حاجه مع السواق بيجيكم علي 11

عدي…..تمام هيجي هنا صح

عشري…..ايوه وقت ما يوصل في حجات هتحطها معاكم

عدي….حجات ايه

عشري…كراتين مايه و بيبسي و حجات كتير

عدي…..اه طيب تمام سيب شنطتك كمان

عشري….مانا شوبه هطلع قبل ما امشي هجهزها و هديهالكم خليها معاك اوعوا تنسوها بس و بتاعت فضل كمان

عدي…..طيب صحيح انت هتروح بعربيتك

عشري …لا

عدي…..طيب هتروح ازاي انت مش رايح تتفرج علي الماتش الاول

عشري…..ايوه صح تصدق نسيتها دي باخد اي حد من الشباب يوصلونا و يرجعوا هما

عدي…..طيب تمام

عشري…..جهزت شنطتك انت و اخوك

عدي…..لا لما اطلع اخد دش هبقي اجهزها بسرعه

عشري….طيب تمام يلا انا داخل ابص بصه كده عليهم عشان شويه و هروح

عدي…..تمام

………

جري الوقت اكتر و قبل الساعه 8 كان الكل وصل عند زوزو و حماده

الاجواء كانت تجنن و في حماس فظيع و محمود حاطت شاشه كبيره بره في الجنينه و مظبط القاعده و مالي المكان اعلام للأهلي و مش حاطت و لا واحد للزمالك كلهم كانوا عمالين يضحكوا رشيد و احمد مبتسمين و ساكتين من التحفيل عليهم.

البنات كمان كلهم كانوا وصلوا نادين و نعيمه و ليله خدوا اوبر عشان ميسيبوش العربيات و ايمي و رشيد و حسان جم مع بعض بعربيه رشيد و كان هيسيبها قدام بيت زوزو

و سلمي و احمد وايه جم مع احمد في العربيه.

سلامه و عسال كمان وصلوا بس والدته و ريهام و مصطفي كانوا هيجوا بعد الماتش

ليله….بهدوء فين اخواتك

نعيمه…..نسمه قالت بعد الماتش علي طول هينزلوا

ليله…..طب مجوش ليه الوقت

نعيمه…..نادر بيتفرج مع صحابه في الكافيه و هيخلص و يطلع ياخد نسمه ويجي علي طول البت تقي فين

ليله…..هكلمها الوقت

قامت ليله بهدوء اتصلت علي تقي

تقي….الووو

ليله…..انتي فين؟

تقي…..بضحكه هاديه ايه الدخله دي سلمي طيب

ليله….اخلصيييي انتي فين

تقي….في البيت

ليله…ايوه بتعملي ايه يعني في البيت

تقي…..هتفرج علي الماتش

ليله…..بصي انا خلقي ضيق

تقي….بضحك جايه يا ليله جايه اسكتي بقي

ليله …طب و مجتيش ليه يا جزمه

تقي…..هاجي بعد الماتش

ليله ….انتي بتستعبطي صح والله العظيم يا تقي لو ما جيتي لا هزعل منك بجد

تقي….ياستي ما انا بقولك جايه والله و بعدين اخوكي قالي مش هيوصلني الا بعد الماتش

ليله…..طب اديني وليد

تقي…..بضحك انت مش واثقه فيا ولا ايه؟

ليله….لا مش واثقه اديني وليد

تقي….طب استني بابا كلم ليله

وليد…..بابتسامه ايه يا ليله

ليله…..بنتك لو مجاتش هاجي احدفكم من البلكونه

وليد….هجيبها والله

ليله….طيب منزلتش ليه كل ده

وليد….ما انا قولتلها خليكي اوصلك بعد الماتش عشان معاها شنطتها

ليله…..عارف لو مجاتش هعمل ايه

وليد….يابنتي جايه والله هوصلها لحد عندكم اتفرج بس الاول علي الماتش و بعدين انا لابس هي بعد الشوط الاول تقوم تجهز عشان بخلص الماتش هننزل علي طول و بعدين انتوا هتتحركوا امته

ليله….معرفش يعني علي 12 مثلا واحده

وليد….طيب وعامله دوشه ليه الماتش هيخلص عشره هنخلص و اجيلكم علي طول

ليله….ماشي يا سيدي

وليد…يلا اتكلي علي الله بقي عشان اتفرج خدي معاكي اهي

ليله….هات

تقي…..ايه صدقتي كده

ليله….اشوفك تتأخري يا تقي

تقي….والله ما هتأخر هخلص و اجي علي طول

ليله….اوك يلا باي يا قلبي

تقي…..باي يا حبيبي.

…………

راحت قعدت جنب عشري

عشري…..بهدوء بترغي مع مين كل ده

ليله…..بابتسامه بكلم الجو بتاعي

بصلها عشري بنظره حاده

ليله…..بضحكه جميله لا متبصليش كده بهزر

بص عشري قدامه و حط السيجاره في بوئه

ليله…..بضحك بهزر يا رخم

عشري….وهو باصص قدامه نفخ الدخان لا متهزريش تاني بقي

ليله….طب هات بوسه

عشري…..لا

ليله…..بكلم تقي ووليد يا رخم

بصلها بغضب بصيت و بعدين بص قدامه

ليله…..هات بوسه

ابتسم بهدوء و هز راسه بلأ

ليله….طب هات سيجاره

عشري…..معاكي علبتك

ليله….انا عايزه اللي في ايدك

عشري…..لا

ليله….احسن مش عايزه منك حاجه و مخصماك

نفخ عشري الدخان و شال السيجاره من شفايفه حطها في شفايفها و هو باصصلها بغيظ

ابتسمت ليله و حضنت دراعه

ليله…..بردوا مخصماك

عشري….احسن

محمود…..امنيه و عمرو جم.

ركن عمرو العربيه و نزل هو وامنيه دخلت امنيه و هي بتضحك هي و عمرو.

امنيه…..التالته شمال بيهز جبال

ضحكوا كلهم عليها هي و عمرو و محمود اللي غني معاهم

قاموا سلموا كلهم عليهم

ايمي…..اوعي تقولي انكم جايين

امنيه….بضحكه جميله و سعاده هزت راسها بسرعه جاااااين

عمرو…..بضحك معرفتش اخلص من زنها والله

ليله…..جايب الصفرا دي معانا ليه

امنيه…..احييييه وحشتيني يا لولي

ضحكت ليله و حضنتها

قرب عمرو سلم من الشباب كلهم و حضن عشري اوي مشافهوش من يوم الفرح و بعدين قعدوا كلهم

و بدأ الماتش الكل سكت و كانوا مركزين رشيد اختار مكانه جنب احمد عشان يبعد عن رخامه الشباب عليه

في اول دقيقتين بالظبط الاهلي حط اول جون

قام الشباب كلهم بحماس مبسوطين صوتهم كان عالي اوي ابتسم احمد بهدوء و سكت و رشيد بدأ يهز رجله

تامر…..بضحك منور يا حمودي

احمد….بهمس مسموع اه يا ابن الكلب

الكل ضحك عليه

فضل……رشييييييد الاول

بصلوا رشيد بهدوء و بعدين بص علي الماتش و ايمي واقفه عند البار اللي بره ميته من الضحك و مش راضيه ترخم عليه.

سلمي كمان و نادين وامنيه كانوا واقفين جنبها و عمالين ياكلوا في الحاجه اللي زوزو بتجهزها ليهم

سلمي….الله زوزو البتاعه دي طعمها حلو اوي

ماريز….ايه رأيك

سلمي….يالهوي تجنن

ماريز……بس حساها مسكره شويه

سلمي…..لا خالص والله مظبوطه

نعيمه….الله يا زوزو حلوه اوي تسلم ايدك

ماريز ….بالف هنا يارب بس بلاش حلو بقي عشان تتعشوا وانتي يا مسطوله اقفلي علي الرضعه بتاعتك دي هتتحرق

ايمي…..مش سخنه يا زوزو لسه

ماريز….سخنت هلاص عيزاها تولع

نادين….ايمي انتي هتاكلي ايه ده

ايمي…..بليله ومش هأكلك معايا دي بتاعتي

نادين….شايفه يا زوزو بنتك

ماريز….هأكلك انا الوقت ملكيش دعوه بيها

نعيمه….بضحك هموت واعرف ايه سر حبك للبليله

امنيه…..طول عمرها بتتخانق مع اي حد ياكل منها و يبقي يوم اسود لو اخر حبه و حد كلهم

ايمي….بضحك بحبها بتفكرني بأيام الطفوله

ماريز…..انتوا هتفضلوا واقفين ترغوا منك ليها يلا ساعدوني عايزين نخلص عشان نتعشي و علي فكره صحيح عشان متنسوش انا خليت محمود يجيبلكم فاكهه و شويه معجنات و انا كمان عملتلكن كام حاجه تاخدوها معاكم

نعيمه….بضحك زوزو علي طول الطرف الاكثر حماس و ياريتها بتيجي معانا

ماريز….الحق عليا يعني مش عبزاكم تجوعوا

نعيمه….زوزو بقولم ايه قولي بصراحه الحرق خف شويه

ماريز…..خف كتير و بقت زي الفل اهي

نعيمه…..بجد يعني مش مقرفه

ماريز…لا خالص يابت ما هي خفت اهي وعلي فكره اسبوع و لااتنين هتلاقي الجلد غير و فتحت

نعيمه…..بجد والنبي

ماريز….والله متركزيش انتي بس معاها

نادين….بغضب طفولي متركزش ايه ده موبايلها كله بقي تصوير لايدها

نعيمه…..بس يارخمه انتي

ماريز…..طول ما بتركزي فيها هتجننك انسيها خالص

نعيمه…..طب هاتي بوسه وانتي قمر كده

ماريز….بضحك باستها

ايمي …مين قدك يا زوزو اخيرا هنحققلك الامنيه و الجو هيخلالك انتي و حماده عشان تلعبوا عريس و عروسه

ضحكوا كلهم و ضربتها ماريز علي كتفها

ماريز ….يابت تحترمي نفسك واتربي شويه

سلمي…..بضحك ابمي كالعه قليله الادب كده لمين يا زوزو

ماريز….والله ما اعرف بس انا اللي مربتهاش

ايمي….بضحك طب تنكري انك فرحانه

ناريز….بضحك امشي يابت من قدامي انتي و البليله بتاعتك دي

…………..

ليله كانت سانده علي كتف عشري و هو مركز و عمال يهز في رجله مسكت ايده و قعدت تلعب في الساعه بتاعته وهو سايبها تفتح و تفتش بس هي كانت عماله تتفرج علي الصور بتاعته و كل ما يعجبها صوره تبعتها علي نفسها

عشري….بهمس بص عليها بتعملي ايه

رفعت وشها و ابتسمت بسرق صورك

عشري بابتسامه تجنن باس راسها

نامت تاني و فضلت تلعب و مره واحده قام و كلهم قاموا

جوووووووووووووون وهو بيقوم خبطها من غير ما يقصد في مناخيرها مسكت مناخيرها و فضلت موطيه لقدام و غمضت عينها

سلامه و تامر و فضل و محمود و عمرو و عسال مكانوش ساكتين و حسان عمال يضحك و عادل و حماده مبسوطين احمد مكانش طايق تامر و لا طايقهم كلهم ورشيد علي اخره ودنه احمرت و فيه عرق تحت عينه برز من كتر ما هو متعصب بس كان مبتسم و عمال يعض في شفايفه.

حماده…… بضحك ايه يا احمد انت و رشيد مش ناويين تغيروا

احمد…زملكاوي حتي الموت

رشيد….بطريقه غضب مضحكه انا نفسي نكسبهم قبل ما نموت

ضحكوا كلهم و صوت ضحكهم كان عالي و البنات عمالين يضحكوا و يحفلوا عليهم من بعيد.

قعد عشري تاني و هو بيضحك لمح ليله موطيه و ايدها الاتنين علي وشها

عشري…..ارجعي يلا

هزت راسها بحاضر بس فضلت زي ما هي

عشري……انتي كويسه شد كفها براحه من علي وشها لمح دم ايه ده ايه الدم ده

ليله….بصت ليله علي ايدها هات منديل

عشري….ايه اللي عورك كده

ليله…..وانت بتقوم خبطتني

عشري….انا حقك عليا يا قلبي والله ما خدت بالي

محمود…..ايه ده انتي بتنزفي ليه

عشري…..خبطتها

محمود…..خدي خدي مناديل

ايمي……احيييييه عروت البت

حماده…..مترفعيش راسك غلط

عادل……لو في تلج يا محمود هاتلها واحده

نادين…..هي اتفتحت يعني ولا ايه

ليله…..لا لا خبطني بس اقعدوا يا جماعه مفيش حاجه

عشري……طيب وريني طيب

سلمي…..طيب تعالي اغسلي وشك و ايدك

ليله….لعشري مفيش حاجه يا قلبي راجعه تاني

راحت ليله علي جوه مع البنات غسلت و شها وايدها

سلمي…..حطي المنديل و امسكي مناخيرك شويه عشان الدم يقف

ايمي…..هو خبطك ازاي

ليله…..بابتسامه وهو بيقوم البلطجي

ايه……بضحك كويس انه مطيرش مناخيرك

ليله….بضحك هو مش حاسس اصلا انه خبطني و كمل تشجيع

نعيمه…..وريني وشك كده احسن تكون ورمت

نادين …لا لا مورماش بس حمراء

ليله…..انا كويسه خلاص

عشري دخل مع ماريز يشوفها

ماريز ….ايه يا ليله وريني

شالت المنديل و بصت لعشري و ضحكت

ليله…..طيرت وشي يا بلطجي

عشري…..وريني كده و الله ما حسيت حقك عليا بتوجعك طيب

ليله….لا لا خلاص كويسه.

سمعوا تحمد و رشيد صوتهم طلع مره واحده و بيقولوا جون

ايمي……بضحك احيه جابو جون

خرجوا كلهم و خدها عشري في ايده

رشيد ….بضحك التاني جاااااي هنعلم عليكم و هتشوفوا الشغل الوقت

سلامه……اقعد بس احسن يطقلك عرق رشيد فرحان فرحة الاقرع بالمشط

احمد….لا لا لا اتلغي طب ازاي

كلهم فطسوا من الضحك علي منظر رشيد

اللي كان واقف و باصص علي التلفزيون بغيظ

عسال…..بضحك فين الشغل

سلامه….اقعد يا جدع قال جون قال

رشيد ….والله العظيم الحكم ده ما مظبوط ابو اللي يشجعكم تاني

ايمي…..بضحك رشيد تاكل بليله

فطسوا من الضحك و بصلها رشيد بغضب

سلامه…..بضحك قصف جبهه من الاخر

فضل…..بضحك دي بتاكل بليله بجد

رشيد…..هزعلك

ايمي…..بضحك والله ما قصدي هي جات كده

تامر…..بلاش بليله يا ايمي بتيجي علي الجرح والله

احمد…..قوم ياض من جنبي قووووم

تامر ….بضحك طب نجيبلك كوبايه عشان السكر يظبط

احمد…..هزعلك خد بالك

عادل…..بضحك سيبوا يا تامر بقي متبقاش رخم

راحت ايمي بهدوء قعدت جنب رشيد علي ايد الكرسي

ايمي …بهمس انت بتتعصب عليا

رشيد….ايمي اسكتي بجد انا مش طايق نفسي

ايمي….طب وانا مالي هو اللي خسرتكم

بصلها رشيد و هو بيهز رجلوا

ايمي….بضحك انا هقوم خلاص

قامت و بعدت عنه و فضل حاطت ايده علي خده و عمال يهز في رجلوا

عشري….لسه في دم

ليله….لا وقف خلاص

عشري….مسك مناخيرها براحه بتوجعك

ليله…..شويه مش اوي

عشري…..حقك عليا

ليله…..بابتسامه طيرت وشي يا بلطجي

ابتسم عشري و لف دراعه عليها

عشري…..يارب اموت

ليله…..بعد الشر يا رخمم قولتلك بسيطه خلاص

باس راسها بهدوء

و قضوا الوقت مقسومين الكل فرحان و عاملين احتفال و مش ساكتين و احمد و رشيد هيولعوا

لحد ما الماتش خلص قام رشيد بغضب و قف علي الباب بره ولع سيجاره

احمد….حرقوا دمنا علي الفاضي

تامر……السكر يا ابو تيمو قولنالك غير مبتسمعش الكلام

احمد…..والله ما حد رفعلي السكر غيركم انتوا الثلاثه

سلامه….بضحك الله بنحتفل بفريقنا

فضل….بضحك طب انا معملتش حاجه

حماده….قوم قوم اغسل وشك عسان تفوق

بصلوا احمد و ابتسم بغيظ وكلهم ضحكوا

حماده…..والله مش بتريق عشان وشك احمر بس

ماريز ….بلا كوره بلا حرقه دم يلا خلونا نتعشي

سلامه…..رشيد هتتعشب ولا تاكل بليله

رشيد….سلامه هتغابي عليك خد بالك

حسان……بضحك والله لو ضربك يا سلامه يبقي معاه حق

رشيد….قولوا عشان والله مش طايق نفسي

قربت منه ايمي و هي بتضحك

ايمي….امشي يارخم من هنا بصت لرشيد و ابتسمت بهدوء طب ايه القمر بتاعي هيفضل متعصب كده علي فكره بقي انا زعلانه بس هعديها عشان انت مضايق

بصلها بهدوء و نفخ الدخان و سكت

ايمي….طيب مش هتجيب حلاوه فوز الاهلي انا اهلاويه علي فكره و لازم تجيب حلاوه الفوز

رشيد….بابتيامه غيظ انتي عارفه انك رخمه صح

ايمي….بضحك فك بقي و بعدين يا رشيد دي اول مره يعني ما انتوا علي طول خسرانين

مسكها من رقبتها بغيظ و قربها منه

رشيد ….اخنقك يعني انتي بتعصبيني اكتر

ايمي…..بضحك اااااه هي الخقيقه بتزعل غير يا شيخ و بلاش حرقه دم

سلامه….من وراهم صح غير هو في احلي من الاهلي و جمهور الاهلي و تشجبع الاهلي و حماس الاهلي

رشيد…..بضحك لو مسكتك همسخرك

سلامه…..بضحك خلي عندك روح رياضيه

رشيد….اللهم طولك يا روح

سلامه….بضحك لا وسع خلقك معانا مصطفي جاي هو وريهام الوقت و معاهم الطبله و هنعمل احلي احتفاليه بفوز الاهلي في الطريق

رشيد….بضحك انا بفكر نلغي السفر

فضلوا يضحكوا و بعدين دخلوا عشان يتعشوا كلهم مع بعض

و يستنوا الباقي كلهم

وللحديث بقيه……