لقاء كارثي

في وسط كل ده بقي يا نسمه نظرات عدي طريقته كلامه اهتمامه كل حاجه كل حاجه تقول ان اهتمامه دي مش مجرد اهتمام بصاحبه مثلا جديده دخلت حياته و لا مثلا مهتم بيا عشان العلاقه اللي بين ليله و عشري والنسب و القصه دي و اكيد انتي فهماني دي حاجه بتتحس و بتتفهم مش محتاجه تركيز

نسمه…..اكيد طبعاً بيبان و بنفهم اللي قدامنا عايز ايه

تقي…..بالظبط و انا مش هكدب عليكي يا نسمه انا اول مره اتشد لحد بالشكل ده اول مره اكون مبسوطه وانا مع حد كل مره كان بيطلب فيها يجي معايا انا ببقي مبسوطه و يمكن ببقي مستنيه يقولي انه يجي قبل ما يقول حاسه اني معجبه بيه مشدوده ليه جداً

يمكن شوفته اربع مرات وراء بعض بما فيهم اليوم بتاع ليله ده بس كل مره اشوفوا فيها بنقعد وقت مع بعض و الحقيقه اني اتعودت اشوفوا حبيت ظهوره المفاجئ في حياتي

حبيت اهتمامه اوي يا نسمه يمكن انا في حواليا صحاب و بيهتموا و بيسألوا بس منه هو فرقت معايا كتير عارفه لما حد بيدخل حياتك فجأه و بيملأ عليكي كل حاجه في يومك ده بالظبط اللي عملوا عدي

لدرجه اني حسيت اني كنت مركزه معاه من غير ما احس في خطوبة ليله و نعيمه و كنت مركزه معاه و قاصده ارخم عليه يوم فرح ايمي لما شوفته بيطلع علي السور وبيتصور

وحسيت اني بجد يومها خوفت عليه يقع عشان كده اتعصبت لما ركزت مع نفسي حسيت انه فارق معايا بجد من لما شوفتوا بس انا مكنتش مركزه اليوم اللي روحت فيه عند نادين و نعيمه كنت متعصبه و كنت مبسوطه في نفس الوقت اني شوفتوا كان ساكت طول الوقت و انا عماله ازعق واتعصب و حبيت انكشه و لاقيت نفسي بوجهلوا كلام عشان يقول اي حاجه

حتي لما نزلنا معاه اتعمدت اضايقه و اغلط في عشري قدامه عشان اشوف رد فعله ركزت في حجات كتير اوي يا نسمه لاقيت نفسي مشدوده ليه بطريقه غبيه بس مبقاش ينفع اكمل

نسمه….بأبتسامه بت انتي و قعتي ولا ايه

تقي…..يمكن يا نسمه عشان كده لازم اعمل كنترول قبل ما اقع اكتر من كده و بعدها هتعب و مش هقدر اقوم

نسمه…..طب و فين المشكله انا بردوا مش فاهمه لنا انتي حاسه ان هو كمان مهتم و معجب و بيتلكك عشان يكون معاكي ليه لا

تقي….انتي غبيه يا نسمه بقولك مرتبط

نسمه….والله مافي اغبي منك هو ياتقي لو بيحب و مرتبط بجد هيخرج معاكي و يقضي كل الوقت ده و يهتم و هو اللي يطلب يكون معاكي و تقضوا كل الوقت ده مع بعض و بعدين ما كل الشباب بترتبط و تسيب المهم بيكملوا مع مين في الاخر

تقي…..ايوه يا تسمه بس ده في حد في حياته

نسمه…..تمام بس هو اكيد ادري بحياته منك يعني هو لو مرتاح معاها و علاقته جد مش هيقرب من اي بنت حتي لو بيتعامل معاكي عادي عشان النسب اللي بينكم بردوا مش هيدلك الاهتمام ده كله احتراماً للبنت اللي في حياته

تقي…..تقصدي ايه؟

نسمه…..اقصد انه ممكن تكونوا صحاب ممكن يبقي جدع معاكي ممكن يعمل معاكي اي حاجه عشان النسب اللي بينكم علي اعتبار يعني بقيتوا عيله كلكم بس اكيد مش هيديلك وقته كله و هو في حد في حياته مهما كان الراجل جدع يا تقي اهتمامه باللي قدامه بيبقي ليه حدود واخر و خصوصا لو مرتبط و اللي انا شيفاه من كلامك انه اهتمامه بيكي لا ليه حدود ولا ليه اخر انتي اقل خروجه قولتي بيقعد معايك بالاربع خمس ساعات طب فين البنت اللي في حياته فين وقتها مين اصلا تقبل علي نفسها كده

تقي….اكيد متعرفش يا نسمه و لا هو قال اصلاً

نسمه…..تمام معاكي بس فكرتي مثلاً مقالش ليه

تقي….هيورح يوقتلها خرجت مع بنت

نسمه….اكيد لا بس اللي اقصدوا انها لو فارقه بجد معاه او لو هو جاد في العلاقه دي هو من نفسه هيحط حدود احتراما ليها بس الواضح انه بجد مش بيحبها

تقي….بس هي بتحبه يا تقي يعني من كلامه هي متعلقه بيه ازاي انا ادخل في الخط كده ابوظ كل حاجه بينهم ازاي اقبل علي غيري اللي مستحيل اقيلوا علي نفسي انا ابعد من البدايه احسن ما احط رجلي و الكل يتوجع و بعدين مش جايز يكون اعجاب مؤقت و يرجع يندم ليه احط نفسي في الدايره دي

نسمه….هو انتي متخيله مثلا ان لو عدي مش ناوي علي جد معاكي هيلعب بيكي شويه و يسيبك و يرجع لحبيبته انتي هبله يا تقي متخيله ان عدي ممكن يعمل ده و هو عارف ان اخوه و عمتك في بينهم علاقه و جواز يعني هتبقي مشكله و هتكول اخوه و العيله مستحيل ميعملهاش

تقي…..وانا مش بتكلم في كل ده و عارفه انه مستحيل يعمل ده انا بتكلم في البنت اللي متعلقه بيه يا نسمه مش هقدر انا عشان كده بعدت بقالي كام يوم مش برد و هو مش مبطل اتصال و لا رسايل و اتصالاته و رسايلوا اكدولي ان عدي جواه حاجه و بقيت حاسه اني صح و بعدين جايز فعلا ميبقاش بيحب البنت بس هو كان معاها قبل ما انا اقرب و كان في احتمال يكمل معاها يبقي لما ابعد هيكون حل كويس هيقدر يرجع العلاقه بينهم هيقدر يلاقي نقطه يتفاهموا فيها علي الاقل هي متتظلمش

نسمه…..هو انتي متخيله انك لو دخلتي دماغ عدي حتي لو بعدتي هو هيكمل يا تقي مع البنت مستحيل سواء راجل او بنت الاتنين لو اتعلقوا بحد مستحيل يكملوا في علاقه تانيه و بعدين انتي ليه مشيله نفسك الهم اوي كده هو قالك اصلا انه مش مرتاح و انه مش جاد و ان العلاقه بارده يعني بيكي من غيرك هو مش مرتاح و الواضح انه مكانش هيكمل يعني مش بسببك و ياما بتحصل اصلاً كام واحد و واحده اتعرفوا علي بعض و مكملوش كام شاب دخل علاقه مع بنت و البنت هي اللي اتعلقت و الراجل مقدرش و سابها و كام راجل حب بجد والبنت مقدرتش تحب و سابته ليه مأزمه الدنيا كده يا تقي ما تسيبي الامور تمشي زي ما هي و بعدين لا انتي اعترفتي باللي حاسه بيه و لا هو

يبقي ليه تبعدي ما تسيبي الامور تمشي زي ما هي و شوفي هتروحوا فين

تقي…..واتعلق بيه اكتر و بعدها افوق علي قلم علي وشي لما يبعد و لا اتعلق بيه و يتعلق بيا و نظلم بني ادمه في وسطنا نسمه انا لو هدخل علاقه زي دي مش هقدر احترم نفسي ولا هسامح نفسي انا عشان ادخل علاقه اكون مرتاحه فيها لازم اللي قدامي يكون مش مرتبط ولا في حد في حياته ختي يا ستي لو بالفرض ارتبطنا و اتعلقت بيه ولاي سبب مكملناش اه هتوجع بس مش هوجع حد و بعدين مش متخيله اني اسيب نفسي زي ما بتقولي وانا عارفه ان في حد تاني في حياته لسه و لا متخيله انه هو يبقي سايبها و هي لسه جواها مشاعر و متغفله

نسمه….انا مقولتش سيبي نفسك للعلاقه و اندمجي و حبي انا قولت خليكم زي ما كنتوا صحاب يا ستي في بينكم علاقه نسب انتي كمان غبيه بتقطعي مره واحده طب ليه ماهو ده لوحده يخليه يتعلق اكتر يهتم اكتر يركز اكتر مش هيبعد ولا هينسي يا تقي

تقي…..لا هيبعد و انا كنت صح و امبارح بعتلي رساله بعد ما انتي مشيتي و قالي انه مش هيتصل ولا هيبعت تاني رسايل و فهم يعني لما انتي عرفتيه اني مش هروح تاني اني مش حابه اشوفوا ولا حابه و جوده و حقيقي من بعدها متصلش لحد انهارده

نسمه…..غبيه علي فكره

تقي….مش غبيه يا نسمه انا الموقف اللي انا فيه ده فكرني بموقف ليله مع عشري ثراحه كان معاها حق

نسمه…..لا يا تقي موقفك غير موقف ليله انتي عدي قالك عادي انه مرتبط و عشري خبي عن ليله ارتباطه قبلها

تقي…..طب دي انيل كمان يعني ابقي عارفه انه مرتبط و اكمل معاه طب بذمتك هو يشوفني ازاي اصلاً يحترمني ازاي

نسمه….يابت انتي هتاخديه من علي مراته دي لسه مجرد علاقه مش مستقره اصلا يا تقي دول بيبقوا مخطوبين و متجوزين و بيسيبوا بعض عادي

تقي…..معرفش بقي يا نسمه انا مقدرتش و زي ما قولتلك انا بحاول اللقي مخرج اهرب منه من ليله

نسمه….طب وليه تهربي ما تيجي و نسافر ونتبسط و اتعاملي عادي

تقي…..يا سلام و افرضي سألني مكنتيش بتردي ليه و ليه اختفيتي و ليه بطلتي تيجي مع الشغل

نسمه…..عادي هو قبل ما يسأل اصلا لو مضايق منك و من اللي عملتيه هيبان عليه و اكيد هيتكلم معاكي بصراحه و لو اتكلمتوا اتكلمي معاه عادي جداً ولو فرضنا انه حب يفاتحك في اي حاجه قوليلوا كل اللي عندك و افهمي منه هو عايز ايه ناوي علي ايه مش هتخسري حاجه يا تقي

تقي…..مش هقدر يا نسمه مس هقدر

نسمه….لا هتقدري و هتيجي كمان و ياستي اقولك بلاش تتكلمي في حاجه و لو سألك قولي كنتي تعبانه كان عندك مذاكره كنتي مكتئبه بسبب المذاكره و مش حابه تردي عندك مشكله في البيت متخانقه اي نيله و ارجعي اتكلمي و هزري عادي و مشي الامور طبيعيه لو بقي هو حب يخلي الامور مش طبيعيه و صارحك بأي حاجه قولي اللي جواكي مقالش و اتعامل عادي كملي انتي كمان عادي لحد ما نشوف اخرتها و بعدين متنسيش انتوا في بينكم نسب يعني هتشوفوا بعض كتير غصب عنكم هربتي من الشغل و الرد عليه تمام بس اكيد هتشوفوا بعض و انا شايفه ان الهروب ده مش حل هو متعب ليكي قبل ما يكون متعب ليه.

واصلاً ليه تهربي قبل ما تفهمي الدنيا فيها ايه بلاش تعملي حاجه تندمي عليها بعدين الكلام و المصارحه و النقاش مفيش احسن منهم علي الاقل لو بعدهم قررتي تبعدي هتبعدي وانتي بخير فاهمه و انتي عندك فكره عن ابعاد الموضوع مش تبعدي و انتي زي البقره كده

بصلتها تقي و سكتت اقتنعت بكلامها بس في نفس الوقت حاسه بالذنب

نسمه….قولتي ايه هتسافري مفيش كلام

تقي….معرفش يا نسمه بجد متلغبطه طيب نسمه انتي لو مكاني بجد ممكن تكملي لو هو في حد في حياته

نسمه…..لو بيحبها و حبه واضح انا من جوايا مش هدي مجال لقلبي انه يتفتح هو من نفسه اصلا هيتعامل بأخويه و صحوبيه لكن لو حاسه ان لا في حب و لا اهتمام اه ممكن يا تقي لو انا واثقه اني مش هخرب علاقه كويسه و جميله و لو واثقه ان مفيش حد هيتأذي بسببي اه هكمل خصوصا لو قلبي حس بمشاعر حلوه
لو معملتش كده هبقي بظلم نفسي يا تقي يعني لو عارفه انه مش بيحب و ان مفيش علاقه جاده و ان مفيش حد هيتأذي ليه انا ابعد و اجرح قلبي واذي نفسي بالبعد و الفراق و الهروب ليه احرم نفسي من اني اعيش مشاعر جميله هو انتي فاكره يعني ان عدي مستني انك تبعدي عسان بعرف يصلح علاقته بحبيبته

يا قلبي لو مش في مشاعر اصلا حتي بعدك مش هيقربهم من بعض
بطلي هبل و خليكي موجوده لا تبقي قريبه اوي و لا تبقي بعيده خليكي في النص وشوفي و راقبي بنفسك الدنيا ماشيه ازاي

تقي….وانا كده مش هبقي بخرب العلاقه يا نسمه

نسمه…..لو بيحبها بجد يا تقي مش هيسمح لاي حد يخرب العلاقه دي و اديكي شوفتي اخوه عشان بس البنت زعلت ليله بكلمتين عمل فيها ايه و اديكي شوفتي بردوا لما ليله رفضتوا عمل فيها هي ايه ده اتجوزها من غير ما تعرف يعني متمسك بيها يا تقي فهمتي اللي اقصدوا

بصتلها تقي و أتنهدت و سكتت وفضلت تسمعها و هي جواها جزء مقتنع و جزء تاني مش مقتنع

………………

عند اميمه وصلوا و سلموا و قعدوا مع بعض حمزه كان ساكت مبسوط بليله بس كان اول مره يشوف عشري من بعد اللي حصل فكان لسه الموضوع مأثر عليه .

اميمه….نورتنا يا عشري والله

عشري…..ده نورك يا ست الكل

اميمه….بصت لليله و ابتسمت انا عارفه انكم جعتوا ربع ساعه والاكل يبقي جاهز

ليله…..علي مهلك انتي عارفه انا مش بتغدي بدري اصلاً

عشري…..طيب ممكن بقي علي ما الغدا يجهز استأذن منك يا احمد انت و ست الكل و اخد جمزه شويه نتكلم مع بعض

احمد….يا سلام اتفضل طبعاً

اميمه…..يلا يا حمزه قوم

عشري….ممكن يا استاذ حمزه نتكلم شويه

حمزه….اه طبعاً اتفضل تحب نقعد فين

ليله….خدوا علي اوضتك يا عم حمزه و ابقي فرجوا غلي البلاي ستيشن بتاعك و خد بالك بيعرف يلعب هاااا وانت وعدتني تعلمني عشان اغلبوا

حمزه….بابتسامه ماشي هلعمك اتفضل

عشري…..يلا بعد اذنكم

راح عشري وراء حمزه

وخدت ليله نوح في حضنها

ليله….قلبي يا ناس انت

احمد….ايه الاخبار يا ليله كله تمام

ليله….بابتسامه الحمد لله يا احمد

………..

عشري…..اوضتك حلوه يا جمزه دي اوضتك انت و نوح

حمزه….بهدوء اا لا دي اوضتي انا بس نوح اوضته جنبي

عشري….لا بس جميله ااا اقعد فين

حمزه…..ممكن نقعد هنا علي المكتب وانا هجيب الكرسي التاني

عشري….ماشي تمام قولي بقي حريف بلاي ستيشن انت يعني

حمزه…..يعني بيقولوا

عشري….طب ايه تلاعبني ماتش و نشوف مين الحريف

حمزه…..بأبتسامه هاديه تمام لحظه اشغلوا

راح حمزه يشغل و عشري كان باصص عليه بهدوء و ابتسامه جميله كان ملاحظ توتره و ملاحظ انه قافش شويه عليه

حمزه….اتفضل الدراع

عشري…..شكراً يا عم حمزه

حمزه…طيب تحط حضرتك التشكيل

عشري…..بص مبدأياً كده بلاش حضرتك انا صحيح اكبر منك بس بلاش ياعم تحسسني اني عجزت اوي كده ده قربت من طولي حتي

حمزه…..بابتسامه طب اقول ايه

عشري…..قول عشري محمد اي حاجه ويلا تعالي اقعد عشان اغلبك ماتش سريع كده

حمزه….ماشي

بدأوا الماتش و بدأ عشري بحماس و هو بياعب بجد ومركز حمزه كان متوتر و مش مركز اوي دخل فيه اول جون

عشري…..بضحكه جميله شكلك ايه الوقت قدام خالتك و انت بيدخل فيك جون يا عم حمزه هتعلمها ازاي

حمزه…..بدأ يفوق شويه و يركز عادي مش مهم اول جون هغلبك بردوا

عشري ….يلا وريني

كملوا لعب دخل فيه حمزه جون و التاني و ركزوا اكتر

عشري….ايه يا عم حمزه فوقت عليا ولا ايه براحه شويه

حمزه….بضحك قولتلك هغلبك

عشري……بعينك هاخد الماتش منك الوقت

بدأوا ينفعلوا و يتحمسوا و يضحكوا و يضايقوا بعض و خلص الماتش اتنين اربعه و فاز عليه حمزه

بصلوا عشري و هو بيضحك بغيظ ورافع حاجبه

حمزه…..بضحك غلبتك

عشري….شادد حيلك انت عليا خد بالك انا بس عشان جعان مش مركز انما لو جتلي وانا فايق كده هكسرك

حمزه….بضحك مش هتعرف

ضحك عشري و ساب الدراع

عشري….لا بس الله ينور طلعت لعيب انت عارف كل شهر كده بنعمل مسابقه في الكافيه يعني بنجيب اربعه كل اتنين قصاد بعض و اللي يكسب في كل فريق الجايزه بتاعته كل طلباته علي الكافيه

حمزه…بابتسامه بجد

عشري….اه والله لازم تيجي يوم بس خد بالك اللي بيلعبوا بيبقوا حريفه اكتر مني و منك يعني لو مركزتش هيكسروك

حمزه….لا متقلقش هكسبهم

عشري….خلاص هنشوف

ابتسم حمزه و سكت و حس عشري انه فك شويه بصلوا بهدوء.

عشري…بص يا صاحبي انا عارف انك زعلان مني و عارف انك بتحب ليله اوي و حقك علي فكره لان انا نفسي مكنتش حابب اتجوز ليله بالطريقه دي بص انا مش هقولك انت لسه صغير و لسه مش فاهم لانك ماشاء الله شاب و كبرت و كلها كام شهر و تبقي في الجامعه و تبدأ حياتك و تشتغل و تخلص و هتحب و هتتجوز و هتفتح بيت يعني انا الوقت بتكلم مع شاب مش مع عيل صغير بس كمان لسه معندكش خبره في الحياه و ده مش معناه انك عيل صغير بالعكس انا الوقت في اخر الثلاثينات لو شلت من عمري عشر سنين مثلاً و بقيت في العشرينات معناه اني عيل او صغير اكيد لا صح

حمزه…..صح

عشري…..بس العشر سنين دول يا حمزه مش قليلين و اكيد التفكير فيهم بيختلف و الاسلوب و الطريقه عقلك اصلا كل يوم بيكبر عن اليوم اللي قبلوا فا هنا احنا مش بنتكلم علي كبير و صغير احنا بنتكلم علي سنين بتفرق في عمر البني ادم

فا لو قولتلك انت لسه صغير اكيد مش هتفهمني غلط و لا هتشوف ان ده تقليل منك صح

حمزه….اكيد

عشري….تمام وده اللي عايز اقوله انت كبير بس فرق السن اللي بيني و بينك يخليك صغير بالنسبالي يخليك لسه معندكش خبره يخليك تشوف الامور بشكل غير اللي انا بشوفها بيه

صدقني يا حمزه انا لما حبيت ليله اتمنيت اعملها كل حاجه حلوه زي ما انا مخطط حتي جوازنا كان ليه تخيل و تفكير تاني خالص في دماغي مكنتش اعرف ان كل ده هيتغير انت اكيد عرفت اللي حصل بينا و السبب اصلا اللي وصلنا للقرار ده ليله انا زعلتها بس زعل مش مقصود و ده مش معناه اني مغلطتش لا غلط بس احنا بشر حاولت اصلح غلطي حاولت اني افهم ليله بكل الطرق بس قفلت دماغها مكانش قدامي حل يا حمزه

خد بالك الفكره نفسها مكانتش في بالي بس لما سمعت الفكره عجبتني لاني مكانش عندي اي استعداد اخسر ليله خدت الاذن من خالك و امك و خالتك قمر و من ابوك و من عمك سامح من صحابها نيتي من ناحية ليله ربنا شاهد عليها كانت كلها خير

حمزه…..بس الطريقه مش حلوه علي فكره انا زعلت من ماما و بابا خالي و خالتو اكتر ما زعلت منك

عشري…..حتي لو زعلت مني حقك بس تعالي نقرب وجهات النظر شويه

ليله لو مش بتحبني و هما عارفين انها بتحبني مكانش حد وقف معايا يا حمزه لو غلطي ده الكل شافه كبير مكانش حد هيقف في صفي اه هو غلط بس احياناً بنغلط غلط غير مقصود يعني مثلاً لو انت معاك خاتم الماظ بتاع امك و قالتلك حافظ عليه و خليه معاك و انت عملت كده وحافظت عليه و جه نوح من وراك مسك الخاتم ده ضيعوا او كسره اكيد امك هتزعل منك صح

حمزه….صح

عشري…..بس هل انت ليك ذنب في ده

حمزه….لا

عشري …لا اكيد ليك ذنب انت ذنبك الوحيد انك محاولتش تخبي الهاتم بعيد عن ايد نوح بس كمان هو اللي ضيعه او كسروا و في نفس الوقت انت مكنتش قاصد ده يحصل عشان توجعها صح

حمزه…..اكيد

عشري…..تمام بس هي زعلت و غضبت و مرضيتش تسمعك وانت حاولت اكتر من مره تفهمها انك ملكش ذنب بس لو روحت اتكلمت مع ابوك بهدوء هيفهمك و هيحاول بلاقي معاك حل انك تقعد معاها و تفهمها ده بالظبط اللي حصل بيني و بين ليله هي استأمنتني علي قلبها

وانا والله حافظت عليه و حبيتها زي ما هي حبتني كانت عندي ذنب او غلطه اني مصارحتهاش بحاجه قديمه يمكن لاني عرفت طبعها و عرفت انها بتكره الكدب اوي بقي عندي خوف بسيط من انها لو عرفت تبعد عني فا قررت اخبي عليها بس مكنتش اعرف ان في شخص شر في الحكايه هيجي يبوظ كل ده و حصل للاسف و ليله غضبت و حاولت بكل الطرق افهمها بس وجعها مني كان اكبر من انها تسمعني

فا لجأت لصحابها و اهلها لحد ما قدرنا نوصل لحل يخليني اقدر اقنعها و اتكلم معاها و تسمعني

حمزه….انا فاهم حضرتك عايز تقول ايه و فاهم كويس انك حاولت تلاقي حل بس اكيد كان في حل غير انها تتجوز من غي رما تعرف و تحس ان الكل اتفق عليها

عشري….صدقني ملاقتش يا حمزه حاولت كتير بس هي كانت منهاره و تعبها زود الحمل عليا و اكيد يعني انت عارف ان خالتك حبستني يوم يعني الكلام معاها وهي غضبانه كده كان صعب و بعدين البنت اللي كانت في حياتي دي والله ما قالت الحقيقه هي كدبت في كل حاجه و خلت ليله ثقتها تتهز فيا و كان لازم تهدا و تسمعني و عشان تسمعني و تقتنع و هي كمان تخرج اللي جواها كل ده مكانش هيحصل في قاعده او اتنين و مكانش في طريقه تجمعني بليله غير اننا يتقفل علينا باب واحد

واكيد ده مش هيحصل غير بالجواز مكانش بنفع اخدها بيتي و هي مش مراتي و اتأكد كويس ان حتي لو انا كنت هوافق علي اي حاجه المهم تسمعني امك و ابوك و خالتك وخالك مكانوش هيوافقوا علي اي حل غير لو حل مناسب ماهو مينفعش يعرفوا اني هاخدها بيتي من غير جواز و يوافقوا فاهمني و انا خدت عهد علي نفسي مع خالك

ان وجودها في بيتي مؤقت يعني انت اكيد كبير وفاهم اللي انا عايز اقوله ليله اه كان مراتي بس انا قررت ان ده يبقي علي ورق مش اكتر فاهمني يا حمزه

حمزه….بهدوء فاهمك

عشري….بس وده اللي حصل فضلت معايا طلعت غضبها كله هديت و اتكلمت معاها كتير و فهمتها و اقنعتها و اثبتلها و الحمد لله زي ما انت شايف الامور هديت و رجعنا تاني زي الاول و بمجرد ما حسيت انها فهمت الموضوع صح رجعتها بيتها عشان يوم ما ترجع تدخل بيتها معايا يكون بطريقه صح و طريقه تلبق بيها اعملها احلي فرح و تلبس احلي فستان و كلما نفرح بيها

انا واثق ان الطريقه مزعجه ليك و لاي حد عرف و ليا ولله بس في النهايه كانت هي الحل حمزه انا وخالتك قبل مشكلتنا دي كان فاضلنا ايام و نتجوز و المشكله اللي حصلت بوظت كل حاجه يعني في كل الاحوال احنا كنا داخلين علي جواز و بعدين انت عارف خالتك اكيد اكتر مني و عارف انها لو مش راضيه او موافقه او مقتنعه مش هتفضل معايا لحظه بس هي مبسوطه و انا عايش عشان ابسطها وبس ده كل همي انا مش عايزك تزعل مني او تاخد موقف من ابوك وامك وخالك وخالتك و اي حد اتدخل في الموضوع صدقني يا حمزه بكره لما تحب و تحب من قلبك بجد و لو لاقدر الله حصل موقف بوظ علاقتك مع اللي بتحبها دي انت مكنتش قاصده هتحاول تعمل كل اللي يطلع في ايدك عشان تحافظ علي البني ادمه دي عشان ترجعها لحضنك عشان تخفف وجعها و تفهما الصح

انت لسه مش مدرك اوي للمشاكل و المواقف دي بس انا واثق انك فاهمني

حمزه….انا فاهمك و مش زعلان منك والله انا بس زعلت عشان ليله و زعلت ان الكل اتفق عليها و عشان عارف ليله كويس كنت واثق انها مش بخير و كمان لما تعبت بسبب اللي حصل اضايقت اكتر و مكنتش عارف اتصرف مكنتش قادر اعملها حاجه فكرة انها تعبت بسبب زعلها منك و انك في الاخر اتجوزتها بالطريقه دي ضايقتني و انا معاك يمكن مكنتش فاهم اوي كل الموضوع زي ما حضرتك شرحته بس غصب عني اتصدمت لما عرفت

عشري…..وانا بقولك حقك بس عايزك تتأكد من حاجه ليله اهم حد في حياتي مستحيل اوجعها او ازعلها او اجرحها جايز وجعتها بس والله كان وجع غير مقصود اما اتوجعت زي ليله بالظبط بس صممت اصحح غلطي ده و من بعد ما ترجعلي تاني هقدر انسيها الزعل والوجع و الجرح و عمري ما هعمل اي حاجه توجعها تاني و كمان انا قولتلك ليله قدامك اهي و انت عارف انها مش بتكدب و لا بتقدر تخبي مشاعرها انت شايف انها مش مبسوطه

حمزه…..لا مبسوطه يمكن لما كلمتها كنت حاسس انها بتكدب عليا عشان اصالح ماما و بابا بس انهارده لما شوفتها حسيت انها كويسه

عشري…..كويسه والله و خفت الحمد لله و خلاص يا عم حمزه كلها وقت بسيط و تبقي احلي عروسه و خد بالك انا عارف يعني ان ليله بتحبك اوي و بتعتبرك الراجل بتاعها اكتر كمان من خالك و ابوك و جوز خالتك يعني من الاخر كده انا مش هسالم ليله بفستان فرحها غير منك قولت ايه

حمزه…..بصحكه جميله موافق طبعاً

عشري…..بابتسامه يعني خلاص يا صاحبي مش زعلان مني

حمزه…..لا مش زعلان منك بس خلي بالك منها عشان ليله طيبه اوي و جدعه ولله و بتحبك

عشري…. انا بحبها و متقلقش عليها هحطها في عيني ياعم و لو حصل اي حاجه حقك تيجي تقولي انت عملت و سويت ما انت راجلها بقي يعني كلامي هيبقي مني ليك بس خد بالك لو هي زعلتني هاجي اشتكيلك بردوا

حمزه….بضحك ماشي بس هي مش هتزعلك

عشري…..بضحك متأكد ياعم خالتك مجنونه و تزعل بلد

حمزه….بضحك لا والله طيبه

عشري…..طب ممكن بقي حضن كده عشان اعرف اننا اتصافينا يا صاحبي

حمزه…..ممكن طبعاً

قام عشري حضن حمزه بسعاده

عشري…..خد بالك كل اللي اتكلمنا فيه ده ميمنعش اني ليا عندك طار و هغلبك في البلاي ستيشن

حمزه….بضحك هنشوف

عشري….بص لما نخرج يعني قدامها كده قول اني غلبتك اصل انا معرفها اني شبح في اللعب داري عليا الصحاب ليهم ايه عند بعض

حمزه….بضحك خلاص هقولها انك كسرتني

عشري…..بضحك ده العشم يا صاحبي يلا نخرج

حمزه……يلا بينا.

خرجوا علي بره مع بعض و هما مبتسمين و حمزه بيضحك

ليله…بابتسامه ايه خلصتوا

عشري….بقولك ايه كسرت حمزه في اللعب

ليله…..غلبك يا حمزه

حمزه….بضحك طلع لعيب و شكلي كده مش هعرف اعلمك

ليله…..بضحك كداب شكلك انت اللي كسرتوا

عشري…..بضحك ايه يا عم حمزه واضح ان الكل واثق في قدراتك

احمد….بضحك البلاي ستيشن مجننه يا عم عشري

نوح….انا بعرف اكسبه علي فكره

حمزه….مين ده انا اةل امبارح غالبه سته واحد

نوح…..كنت عايز انام و مكنتش مركز

عشري….يعني بتعرف تلعب انت كمان ياعم نوح

نوح….اه انا لعيب اسال بابا

احمد…..اه لعيب يا عشري و هيكسرك

عشري….خلاص المره الجايه هلعب معاك و نشوف

ضحكوا و اتبسطوا و بعدين اتغدوا مع بعض و قضوا وقت جميل ليله كانت مبسوطه بالاندماج اللي حصل بين عشري. و لاد اميمه و نسي حمزه زعلوا خالص و فك و بقي طول الوقت يتكلم و يضحك و يهزر مع عشري و بعد وقت طويل نزلوا و مشيوا

عشري…..بابتسامه كده خلاص يا بلطجيه مبقاش في حد زعلان مننا

ليله…..بابتسامه عملت ايه في حمزه داخل معاك الاوضه و هو مش طايقك خارج مبسوط و كأنكم صحاب

عشري….حمزه جميل و هيطلع راجل جدع ربنا يحفظه لابوه و امه بيحبك اوي علي فكره و يعني هو صغير و مشاعره محدوده لسه اتكلمت معاه وفهمته بهدوء و الدنيا تمام متقلقيش

ليله….بابتسامه انت عارف انك هتبقي اب حنين اوي

عشري….بضحكه جميله اشمعني عشان عرفت اصالح حمزه

ليله….لا مش بس كده يعني هزارك و كلامك معاه هو و نوح و بعدين يعني بتحاول تتعامل معاهم علي قد سنهم حتي نوم بتاعامل معاه علي انه خلاص كبر

عشري…..ماهو حقيقي مبقاش طفل انتي عارفه يا ليله ابويا عمره في حياته ما عامل حد فينا واحنا صغيرين علي انه طفل بمجرد ما كنا ندخل في عشر سنين يبدأ يتعامل معانا علي اننا رجاله حتي امي بس يمكن عشان انا و محمود و سليمان سننا قريب اوي لبعض مكنتش بركز في التفاصيل دي اوي بس ركزت فيها وهو سليم وعدي صغيرين

معاملته ليهم و هما اطفال بجد تجنن حنين اوي و بياع و بيهزر و يجي علينا يتعامل بعقل و يتكلم معانا علي اننا كبار كان يقولنا هما لسه صغيرين و انا باما عملت معاكم كده بس لما يكبروا و يبقوا رجاله زيكم هعاملهم زي ما بعاملكم بس والله عمره ما كان قاسي او شديد ابداً هو يبان انه شديد بس في الحقيقه حنين جداً

ليله….بابتسامه ضربك قبل كده يا عشري

عشري…..بابتسامه مفيش اب مبيضربش بس هو مش من الابهات اللي بتضرب او قاسيه بالعكس بس انا افتكر موقف يعني ضربني عشانه و كنت صغير يعني حوالي تسع سنين مثلاً و ضربني خوف عليا او من صدمته ضربني

ليله….عملت ايه

عشري….بضحك مسكت مسمار صلب طويل حطيته في الكهرباء اتنطرت حوالي ثلاثه متر و اتهبدت في الارض و يومها وقعت علي صباع رجلي جامد واتكسر ابويا اصلاً اللي خلاه اتصدم انه شافني و استغرب يعني قال عايز يشوفني هعمل ايه مكانش ماوقع اني بجد هحط المسمار وكل ده مخدتش ثواني و مره واحده اتحدفت قدامه

هو بس اطمن اني عايش نفخني و بعدين خدني في حضنه و طلع جري علي المستشفي خدي بالك ابويا جواه حته كده ضعيفه مش بتبان اوي بس هو بيخاف جداً و بيترعب لو حد فينا جراله حاجه و هناك اصلا عرف ان صباعي اتكسر هو رايح يشوف الكهرباء دي عملت فيا ايه

ليله….بابتسامه كان قلقان عليك اوي يوم ما طلع عشان يطمن عليك

عشري…..عارف و علي قالي انه بهدلهم و طلع عينهم عشان خبوا عليه

ليله…..طيب بصراحه كده و من غير كدب بتحب مين اكتر امك و لا ابوك

عشري….بابتسامه ده ايه السؤال ده

ليله…..عادي عمرك ما فكرت فيه

عشري….والله العظيم عمري

ليله….طيب واديني سالتك بقي مين فيهم اغلي شويه عندك

عشري….بصي انا امي ليها غلاوه خاصه دي امي يعني كل حاجه حلوه في حياتي افتكر مواقف و احداث و حياه كامله معاها و مع اخواتي و ابويا خوفها علينا و حنيتها و تفكيرها و عقلها لا يعني مقدرش اقرب ناحيتها يمكن الام ديماً ليها حته كده خاصه عند ولادها اكتر من الاب بس بما اني عمري ما فكرت بالطريقه دي لا مقدرش ابويا في حته تانيه هو كمان

ليله….طيب يعني اكيد في حد غالي سنه صغيره

عشري….والله ما اعرف يا ليله مقدرش اتخيل حياتي من غير حد فيهم مقدرش احس ان في حد اغلي من التاني كل واحد عندي ليه حته ابويا ده سند و ضهر و حجات كتير انا اوقات بحس ان طول ما ابويا عايش و بخير اني في امان مهما كبرت و مهما طولت و بقيت راجل بس لا ابويا وجوده مطمني يا ليله مخليني مرتاح كده و صالب طولي

ليله…..مين اكتر حد في اخواتك بتحس انه نسخه من ابوك او يعني في الجزء الحنين ده

عشري….طب انا هسألك انتي السؤال ده مين من وجهة نظرك كده بما انك شوفتي اخواتي كلهم

ليله….بصراحه انت و علي يعني محمود و عدي و سليم اصغر شويه و مشوفتش فيهم لسه الحته دي و عمر بحسه جامد شويه

عشري…..بابتسامه اهو عمر بقي اكتر حد نسخه من ابويا يبان شديد بس هو جواه ضعيف و حنين اوي

ليله….ده بجد

عشري…..والله العظيم عمر ممكن لو حد من ولاده تعب تلاقي عينه طول الوقت مدمعه و لو حد وقع قدامه واتعور من كتر ماهو خايف ميقدرش يجري عليه يشوف حصلوا ايه

ليله…..بص هو عمر يجنن بس بحس انه اشد واحد فيكم مع اني لما اتعاملت معاه بيضحك و مرح بردوا و نظرتي اختلفت كتير عنه

عشري…..لا هو دي شخصيته بس عمر طيب اوي علي فكره اينعم انا و هو ناقر و نقير بس خدي بالك لا انا اتحمل عليه حاجه ولا هو و بردوا يوم ما عرف اني تعبان كان هيتجنن

ليله…..ايوه كان خايف عليك اوي هو كمان بصراحه ماشاء الله يعني انا بحب اشوفكم مع بعض و علاقتكم كلكم جميله وبحس كمان ان علاقتكم احلي من علاقه فضل و اخواته

عشري…بالعكس انتي لسه معاشرتيناش اوي اخوات فضل طيبين بشكل غبي فضل اكتر واحد فيهم تحسيه شديد و قاسي

ليله….فضل !! ده طيب اوي

عشري….اهو شوفتي طيبته دي بالنسبه لاخواته هو اقساهم متسمعيش صوتهم ابداً و بعدين هو الكبير ملهم اصغير طبعاً سنهم او الفرق بينهم زي انا واخواتي بينهم سنه اتنين شهور بس كلهم متجوزين وفي حالهم ومالهمش صوت دي نجود مجنونه عنهم

ليله……نجود دي قمر و جميله

عشري….اه اوي بس علاقه فضل باخواته حلوه جداً بس تقدري تقولي ان فضل متعلق بينا اكتر لما اتولد فضل كان علي طول امه سيباه عندنا كبر و اتربي وسطنا و امي كانت بتحبه اوي كأنه ابنها فا عشان كده تحسيه اقرب لينا

ليله…..ربنا يخليكم لبعض يا قلبي

عشري…..و يخليلك اخواتك اميمه بتحبك اوي علي فكره

ليله…..اميمه دي امي مش اختي انا كمان بحبها اوي

فضلوا يتكلموا مع بعض لحد ما وصلوا المقطم ركن العربيه و نزل فتحلها و دخلوا علي جوه رحبوا بيهم اوي و دخلوهم قعدوا طلبوا قهوتهم و قعدوا