تعاهدنا

البارت السابع عشر …

وصل حسن ورقيه الڤيلا كانت ساره يا دوب

لسه صاحيه وقاعده بتفطر .اول ما شافتهم

ابتسمت.

ساره…صباح الخير يا بابا صباح الخير يا ماما

كنتي فين يا ماما.

رقيه….وهي بتحاول تمسك نفسها بعد ما عرفت

حقيقتها..ابدا كنت بره مع حسن ولسه راجعين

ساره….صحيح يا بابا حضرتك مروحتش الشركه

ليه هو حد فيكم تعبان ولا ايه.

حسن….اقعدي يا ساره عايزين نتكلم معاكي شويه

حست ساره بالتوتر من نظراتهم وطريقتهم وكأنها

و قلقت يكون اللي جه في بالها صح..خير يا بابا

في حاجه حصلت ولا ايه.

حسن….قوليلي يا ساره من يوم ما دخلتي بيتنا

و عيشتي معانا في وسطنا و بقيتي واحده مننا

انا بعتبرك بنتي ورقيه بتعتبرك بنتها قبل ما نعتبرك

مرات ابننا عمرك شوفتي مننا حاجه وحشه عمرك

حسيتي في يوم اننا جرحناكي أو ضايقناكي

او كنا كارهينك.

ساره….بصتلهم بتوتر وكأنها قدرت تستشف اللي

حسن هيفاتحها فيه…لا خالص يا بابا طول عمركم

اهلي وانا بنتكم.

حسن….وادم يا ساره من يوم ما حبك لحد اليوم

اللي دخلك فيه بيته وهو حاطك فوق راسه عمره

مازعلك ولا هانك ولا ضايقك طول الوقت شايفه

بيتمنالك الرضا ترضي انتي بالنسباله كنتي اول

حب واخر حب ليه حصل ولا لأ يا ساره.

ساره…..حصل بس انا مش فاهمه حاجه.

حسن….هتفهمي بس خليني اخلص كلامي وأسألتي

الكتير اللي بتدور جوه عقلي

ساره…أتفضل يا بابا.

حسن…. ده كان بالنسبالي انا ورقيه وادم سيبك بقي

مننا احنا التلاته خالص خلينا نروح لادهم وادهم

بقي يا ساره مش هقولك كان وكان وكان بالنسبالك.

لأ انا عايز اسمع منك انتي ادهم كان أيه بالنسبالك

ساره….مش فاهمه حضرتك تقصد ايه

حسن….لا انتي للاسف فهماني يا ساره وعارفه

وعارفه انا عايز اقول ايه كويس. بس انتي مش

هتقدري تقولي اللي انا مستني اسمعه منك

ان ادهم اخو جوزك وزي اخوكي لان للاسف

هو مش كده صح ولا لا يا ساره.

ساره….بارتباك وتوتر انا انا برضوا مش فاهمه

ليه كل الكلام ده وحضرتك عايز توصل لايه

حسن….بحزم ادهم بالنسبالك ايه يا ساره.

ساره….يعني ايه بالنسبالي ايه ادهم اخو جوزي

وزي اخويا زي ما حضرتك قولت.

حسن….كان نفسي اصدقك يا ساره بس للأسف

مش قادر عارفه ايه اكتر حاجه مضيفاني اوي

ياساره اني اول مره اتخدع في بني ادم بالشكل

ده وللاسف انتي قدرتي تخدعيني وتخدعي رقيه