تعاهدنا

يومها عرفت ان ادهم بيحب عهد وكان ظاهر في عينه

جدا انه متعلق بيها لكن اللي صدمني هو تمثيل عهد

بحبها ليه بصراحه اضايقت جدا عشان ادهم ..

ولو حضرتك تفتكري واحنا بنتعشي قصدت اقول قدام

ادهم علي العريس اللي متقدم لعهد اللي هو عاصم

يومها ارتبكت هي وطنط سهام..وطنط سهام بسرعه

قالت انها مديه فرصه لعهد انها تفكر لكن ادهم كان باين

عليه انه مضايق ومتعصب جدا لان واضح انها مكانتش

قيلاله…تاني يوم ادهم خرج هو وعهد لقيت طنط سهام

بتكلمني بتقولي انها عيزاني بس طلبت مني اني مقولش

قدامكم اني ريحالها وفعلا خرجت من غير ما اقول اني

ريحالها ووصلت واتفاجئت بطريقتها ولهجتها اللي متغيره

معايا جدا مش هي طنط سهام اللي اعرفها دي كانت واحده

غريبه بتتكلم بطريقه تخوف و قالتلي ان ادهم طلب منها

ايد عهد وكان عايز يعرف رأيها قبل ما يفاتحكم هي طبعا

كانت عارفه ان عهد بتحاول توقعه وترسم عليه الحب

مش زي ما أقنعتكم انها أتفاجئت ان عهد وادهم بيحبوا

بعض وكل الحوار اللي هي عملته ده وطلبت مني بالنص

اني امسح الصور اللي صورتها لعهد ومفتحش اي كلام

في الموضوع ده لانها موافقه علي ادهم قولتلها بس عهد

مش بتحب ادهم وانا مقدرش اسكت لانها مكانتش

اول مره اشوف عهد مع شاب بدأت لهجتها تتغير وتكلمني

بأسلوب غريب وبدأت تهددني قالتلي لو حاولتي تتكلمي

او تقولي اي حاجه هبوظ حياتك مع ادم ومش بس كده

هقول ان انتي جيتيلي عشان تهدديني ابعد عهد عن ادهم

وقالتلي هقول انك اعترفتيلي انك بتحبي ادهم وانك

قولتيلي لو عهد مبعددتش عن ادهم هركبلها صور وافضحها

قدام الدنيا كلها قولتلها محدش هيصدقك قالتلي لا

هيصدقوني وانتي اللي بيتك هيتخرب وادم هيرميكي

في الشارع عشان اخوه وقالتلي فكري كويس في

كلامي وعرفتني ان ادهم هيطلب ايد عهد وحذرتني

اني متكلمش…انا بصراحه خوفت وفضلت اني اسكت

لكن حاجه جوايا خلت ضميري يأنبني روحت لادهم

وحكيتله كل حاجه حصلت كان مصدوم ومكانش

مصدقني لكن وريته الصور راح زي المجنون علي

بيت طنط سهام ..مش عارفه حصل بينهم ايه أتخانقوا

أتكلموا وصلوا لأيه مش عارفه بعدها بيوم لقيت ادهم

هادي وبيضحك وفاتحكم في موضوعه مع عهد قولت

اكيد ضحكت عليه بكلمتين وساعتها قولت خلاص

مليش دعوه انا مش هتدخل وانا كده عملت اللي عليا

وبرأت ذمتي من ناحيه ادهم وفعلا روحنا البوم ده عشان