لقاء كار.ثي

لقاء كارثي
أميره أسامه
صاحبة البطل الواحد

. البارت المئه 123.

………………………..

في صباح يوم جديد داخل اللجنه بتاعت نسمه..

قعدت نسمه في مكانها في المدرج مستنيه ورق الامتحان يدخل

كانت مبسوطه و مرتاحه جداً لان دي اكتر ماده بتحبها و سهله جداً بالنسبه ليها..

عملت الموبايل صامت و حطتوا في الشنطه و افتكرت مكالمه سليم ليها الصبح..

فلاش باك..

نسمه….الوو

سليم….صباح الفل

نسمه….صباح النور

سليم…..صاحيه مش كده

نسمه…ايوه صاحيه متقلقش

سليم….ماشي انا قولت اشوفك لا تكون راحت عليكي نومه عارف انك روحتي متأخر انتي ونادر

نسمه….لا متقلقش انا صاحيه انت صوتك لسه نايم

سليم…..انا لسه صاحي كنت ظابط المنبه عشان اشوفك بس خلاص هصحي قوليلي صليتي

نسمه…..اه الحمد لله صليت

سليم….مذاكره كويس

نسمه…جداً جداً جداً

سليم….بأبتسامه واضح انك مبسوطه بالماده دي

نسمه….أوي دي اكتر ماده بحبها انا أصلا رجعت امبارح مراجعتش لاني بحبها اوي و كنت مخلصاها كمان

سليم…..طيب الحمد لله قوليلي بقي الامتحان قد ايه

نسمه…..ساعتين و نص بس علي فكره انا مش هروح بالعربيه هركب اوبر

سليم….ليه العربيه فيها حاجه

نسمه…..لا بس هخلص و اروح عند نعيمه عشان اتفقنا ننزل معاهم انا و تقي نشوف الفساتين و اكيد مش هنروح بكل العربيات دي

سليم….طيب هترجعي بأوبر ؟

نسمه….اوبر او مع اي حد من صحابي

سليم…..لا مترجعيش مع حد هتخلصي و تلاقيني مستنيكي

نسمه…..بابتسامه ليه بقي لسه قلقان يكون حد بيراقبني مش خلاص اطمنا

سليم….بضحكه هاديه اه اطمنا بس يعني هو انا عشان اطمن عليكي بعد ما تخلصي لازم يكون في حاجه مينفعش يعني اعدي عليكي ولا مش عايزه تشوفيني

نسمه…اكيد ينفع و اكيد مش قصدي كده انا بسأل بس و بعدين مش عايزه اتعبك

سليم….لا متقلقيش مفيش تعب ولا حاجه و بعدين انتي جامعتك قريبه مني المهم يعني متبقيش انتي اللي مش عايزه

نسمه….بابتسامه اكيد لا

سليم…..لا ايه؟

نسمه….اااا تعالي

سليم…ماشي يا ستي هتخلصي تلاقيني واقف في المكان اللي كنت راكن فيه اخر مره و اكيد يعني هكلمك

نسمه….اوك انا بس هقفل صوت الموبايل بفتحوا لما بخرج

سليم……ماشي تمام بس اكيد مش هتقفليه من الوقت

نسمه….لا هقفلوا الوقت ليه