لقاء كار.ثي
لقاء كار.ثي
مشيت فتطمه و رجعت امينه قعدت معاهم
عشري….ااااه صحيح رهوف ليله جابتلك الورد و الشوكلت دي
رهف…..الله بجد حلوين اوي ميرسي يا ليله تعبتي نفسك ليه بس
ليله…..تعبك راحه دي حاجه بسيطه قومي بس كده تاني و نحتفل بيكي بجد بقي
رهف…..ان شاء الله
سمعوا صوت خبط علي الباب ابتسمت ليله لما شافت ساره و ملك و كارين
ملك….اهلا اهلا بالعروسه المنتظره
ليله…اهلااااا لسه كنت بسال عنكم والله
قربت ملك سلمت عليها و بعدين ساره
ساره……ازيك يا عروسه
ليله…الحمد لله يا ساره انتي عامله ايه
ساره…..بخير والله
كارين…..ازيك ليله
ليله…اهلا يا كوكي وحشاني خالص
كارين….انت كمان واحشني كتير
ليله…..ياعمري
قعدوا كلهم
ملك…..عامله ايه يا ليله احسن انهارده
ليله…..بخير والله الحمد لله احسن عشان شوفتكم
ساره…..بقولك ايه ننسي بقي النكد ده كله عشان والله هم وافرح بيكم
ليله….. بضحك نكد ايه هو كان في نكد
ملك…. بضحك ايوه هي دي ليله
ضحكوا واتكلموا كتير و كانوا مبسوطين بيها اوي و هي كمان مبسوطه معاهم.
عشري…..لسه مصممه تروحي بكره
رهف…..تاني يا عمي اه مصممه و بعدين ما انا قاعده قدامكم اهو كويسه و المسكن مخليني مش حاسه وخدته من اول ما طلعت من المستشفي داخله اهو علي تلات ساعات يعني اكون خلصت الامتحان
امينه….يابتي احنا خايفين عليكي حط يخبطك او يوجعك بلاها الامتحان ده
رهف…..يا تيته متخافوش و متقولوش كده قدام بابا والنبي عشان هو ما بيصدق حد يعترض قدامه بيسخن عليا
امينه…ابوكي خايف عليكي يا رهف
رهف….وانا زي الفل
ليله……خلوها تروح الامتحان مش هيبقي وقت طويل ممكن حد يوصلها و يستناها ساعتين و تخلص و ترجع تاني حرام تضيع عليها ماده و تشيلها و بعدين دي ايدها الشمال و الجمد لله انها الشمال
رهف…..اهو شوفتي يا تيته قوليلهم والنبي يا ليله
امينه……يعني يا بتي احنا رايدين ده يحصول احنا بس خايفين عليكي
ليله…..متخافوش عليها في الحالات اللي زي كده المراقبين بيكونوا رحيمين بالطلبه و بيراعوا الحاله و كل الحكايه ساعتين تخلص و ترجع و اهي تبقي عملت اللي عليها و مضيعتش منها الماده و بعدين ما هي ماشاء الله اهي عندها قابليه انها تروح و متحمسه يبقي نشجعها
ملك….والله يا ليله قولت الكلام ده كله بس كلهم معترضين و بيحاولوا يقنعوها
