لقاء كار.ثي

جايز عملنا معاها موقف كويس في بنتها و هي حبت ترده بنفس الطريقه عن طريق بنتها يعني الجدعنه مع الغريب بتترد يا نعيمه وطفله خرجت صاحبتك من مصيبه

و مش بس كده البنتين اللي جابوا عمر ربنا بعتهم في اليوم ده بالذات و خلي بنت فيهم تشبه علي عمر و يعلق معاها و بعد اربع ساعات تشوفوا تاني في مكان تاني و تفتكروا و ترجعوا تفتكري ان دي صدفه اكيد لا ربنا جابها في طريق قمر من بدري و خلاها شافت الولد وحفرت صورته وصوته في عقلها عشان بعد كام ساعه ترجع تنقذه

الحجات اللي بنعملها مع الغريب قبل القريب المساعده الجدعنه حتي لو مش هتترد فيا بتترد فيكم و في اهلي علا طلعت جدعه يا نعيمه و هنا اللي كنتي شيفاها حمل علي سلمي فضلت معاها طول الوقت ده عشان في لحظه تبقي طوق نجاه لأيه..

انا بس حبيت افكرك بحاجه لفتت نظري انا شخصياً لما قعدت امبارح مع نفسي و هديت و افتكرت.

صدقيني يا نعيمه الخير مش بيروح و الجدعنه رصيد عند ربنا بيفضل مكانها محفوظ بتترد حتي لو فات كتير اوي و لما بتترد ربنا بيرجع لعقلك في لحظتها موقف حلو عملتيه كأنه بيفكرك ان بسبب جدعنتك في الموقف ده انا انهارده برده ليكي بموقف تاني فهمتي حاجه

نعيمه….بابتسامه اه فهمت و بصراحه علا طلعت جدعه و احترمت وموقفها و يمكن في لحظه كده امبارح لما سلمي قالتلي اللي حصل حمدت ربنا ان هنا كانت موجوده و شافت ده بعينها

ليله…..و انا مش عايزه اكتر من كده انك تفهمي و تعرفي ان في حجات مش لازم نحسبها مينفعش نختار اللي نستجدع معاهم حتي لو اللي قدامك واطي اعملي اللي جواكي انا في وقت من الاوقات ربنا شاهد عليا كنت ناويه امد ايدي لمريم بالخير بعد كل اللي عملتوا و اديتها الف عذر لدرجه ان جيت علي عشري عشانها بس هي متدتنيش الفرصه دي انا بس عيزاكي تفهمي الدرس ده كويس و تعرفي ان اللي عند ربنا عمره ما بيروح مواقفك بتتردلك بتترد لاهلك لصحابك لاقرب ناس ليكي

نعيمه…..ماشي يا ست لولي فهمنا الدرس خلاص و اوعدك استجدع مع الغريب قبل القريب كمان

ليله….بابتسامه قامت وباستها من خدها هي دي نوني يلا انا هنزل بقي عاشن متأخرش

نعيمه….بردوا هتروحي لرهف اجليها لبكره

ليله….بضحك هزت راسها لسه بنقول ايه اموت نفسي عشان ترتاحي

نعيمه…بضحك لا مقصدش والله هو انا بقولك متروحيش قصدي اجليها لبكره و خليكي انهارده في قمر وبس