لقاء كار.ثي

بدأت الهمسات تعلي من الطلبة

الدكتور….بحده يعني ايه؟ بتحرض اللجنة عليا؟

نور…..لا يا دكتور أنا بتكلم بهدوء وباحترام بس واضح إن حضرتك شايف إن صوتك العالي هيخلي الحق معاك، وده مش هيحصل

الدكتور….بعصبية طب اسمع ده آخر تحذير ليك يا تقعد عشان الورق يتوزع يا مفيش حاجه هتتوزع وخلي وقتكم يضيع اكتر و خلي المحاضره القانونيه دي تنفعك

نور….وأنا كلامي الأخير إحنا مش بنطلب ميزة إحنا بنطلب حق ضاع بسبب تأخير حضرتك ولو مش هيتعوض يبقى على الأقل يتسجل إننا اعترضنا باحترام

بدأ جزء من البنات و الشباب اللي يهدي نور مع المراقبين اللي عارفينه و بيحبوه و اللي يقول للدكتور يا دكتور من فضلك وزع الورق

بنت….يادكتور الوقت بيضيع

شاب….خلاص يا نور

شاب اخر….يا دكتور هو معاه حق الماده طويله

شاب اخر……دكتور وزع الورق بعد اذنك مش هناحق نكتب

الدكتور…..الورق مش هيتوزع غير لما الاقي الكل قاعد في مكانه و انت خد بالك انت بتضيع حق زمايلك يا تقعد يا تخرج

نور…..انا مش خارج انا بطالب بحقي اللي معترض هو حر بص لزمايله كلكم عارفين قد ايه الماده طويله و الخطأ مش من عندي من عند الدكتور حضرتك حاجه من الاتنين يا تكتب ان حضرتك اتأخرت نص ساعه عن الطلبه و تشيل عقوبة تاخيرك يا ناخد وقت اضافي

الدكتور…..انت اتجننت انت ازاي تتكلم معايا كده حد يجيب الامن

نور…..وانا موافق هات الامن و اعمل اللي يريحك بس انا مش هسكت و بطالب بالوقت اللي ضاع عشان ده عحقي مش معني ان حضرتك دكتور جامعي و ليك نفوذ تيجي عليا كطالب و تضيع حقي و مطالب مني اني اسكت

دخل الامن في الوقت ده و قربوا علي نور

نور…..محدش يقرب مني انا مغلطتش اللي هيحاول يقرب مني او يخرجني بالعنف هقلب الدنيا انا عايز عميد الجامعه

شاب ……محدش يقرب من نرو هو مغلطش

شاب اخر….ايوه نور مغلطش الدكتور هو اللي غلط وهو اللي متأخر علينا

بنت…..بعد اذنكم عايزين عميد الجامعه نور بيدافع عن حقنا

وفي لحظه بدا الكل يتكلم بشجاعه وياخدوا صف نور حاول الامن يهدي الموقف لما لقي ان الشباب كلهم مع نور و حاولوا انهم يتكلموا مع نور و يقعدوا عشان الوقت بيضيع

الدكتور….خليك عامل فيها زعيم عصابه كاه من وقتكم و خد بالك بمجرد ما هتخلصوا في امتحان تاني لدفعه غيركم يعني مش هيبقي في وقت اضافي لو اتنططت لان كل امتحان ليه وقت يخلص فيه