لقاء كار.ثي

نعيمه….صباح الفل

ليله…..صباح النور يا نوني اعملك الفطار

نعيمه…..لا خليكي كملي فطارك يا قلبي

دخلت علي المطبخ و ليله كانت قاعده علي البار بتشرب سيجاره

نعيمه…..انتي مكلتيش حاجه ليه صاحبه علي القهوه و السجاير كده علي طول

ليله….لا كلت بسكوت اهو

نعيمه…..بسكوت ايه يا ليله انا معرفش بتاكلي بسكوت القهوه ده ازاي ده يوقف القلب اكتر من القهوه اللي بتشربيها دي اعملك اي ساندوتش طيب

ليله….مش قادره والله يا نوني

نعيمه…..عندك مشاوير و لسه هنتقابل ونلف كتير

ليله…..هنبقي ناكل مع بعض اكيد انتي عارفه انا مش بحب افطر لو هنزل

نعيمه…..طيب قوليلي نمتي كويس

ليله….الحمد لله ياروحي

نعيمه….هي البت تقي فين صحيت ملقتهاش

ليله…..ماعندها امتحان و قالتلي هتخلص و تروح و تجيلنا علي المكان علي طول

نعيمه…..نسمه كمان عندها امتحان ربنا معاهم

ليله….يارب

نعيمه…..انتي رايحه لقمر الوقت

ليله…..عندي كام مشوار كده لازم اخلص منهم قبل ما نتقابل هروح لميمه قمر هناك لازم اطمن عليها هي وعمر و عايزه الاول اروح اطمن علي رهف مش حلوه بردوا مشألش علي البنت

نعيمه….ما انتي روحتي امبارح خليكي انهارده في مشوارك ده

ليله…..امبارح كانت دايخه من البنج و اكيد مينفعش مسألش تاني و مش هقعد كتير اكيد

نعيمه ….طيب انتي كويسه

ليله….كويسه والله احسن كتير الحمد لله

نعيمه ….امبارح كنتي تعبانه اوي و كنت خايفه عليكي

ليله……الحمد لله عدت علي خير ربنا كريم

نعيمه……ونعم بالله

ليله…..بقولك ايه صحيح تعالي انتي و نادين مع بعض انا لسه مكلمه سلمي و قولتلها تجيب ايمي معاها هي وايه

نعيمه…..هتروح تاخدها يعني

ليله….لا ايمي رشيد هيوديها لزوزو عشان هتسيب چوي هناك و هتبقي قريبه ياخدوها في طريقهم و انتي و نادين اتفقوا سوا ونتقابل كلنا

نعيمه….خدي بالك انا مرضتش اقلب علي نادين امبارح عشان خاطرك

ليله……ليه بس عملت ايه نادين

نعيمه…..مش شوفتي كانت متعصبه ازاي عليا

ليله….متعصبتش عليكي يا نوني هي كانت متعصبه مني انا و كانت بس بتعاتبك انتي و رشيد وفضل انكم مقولتوش بس انا اتكلمت معاها وفهمت و بالله عليكي لما تقابليها متزعليهاش هي كانت خايفه بس و اكيد اضايقت من اللي سمعتوا وحصل معانا

نعيمه….اكيد مش هكلمها يعني بس انا مليش دعوه انا عملت اللي انتي قولتي عليه يعني هي المفروض متحملنيش الذنب