لقاء كار.ثي

عدي…..بابتسامه ليه معندكيش اسرار

تقي….في حياتي عموماً يعني؟

عدي….اه بيتهيألي ان كل واحد فينا عنده اسرار و تبقي مصيبه لو السر بيخنقك و تروحي تفضحي الخلق عشان ترتاحي

تقي…..بضحك لا مش للدرجادي انا بتكلم عن سر شخصي يعني اكيد في اسرار صحابي بيتكلموا معايا فيها نسمه حد من اخواتي اهلي عادي طبعاً بعرف اصون السر وجداً كمان بس اقصد عني انا بص يا عدي انا والله العظيم مش بكدب بس انا حياتي عاديه جدا بسيطه اوي معنديش اسرار ولو عندي اسرار اللي هي بتبقي بسيطه خالص و مقدرش اسميها سر يمكن السر الوحيد اللي في حياتي هو انت و علاقتي بيك

انا حد يا عدي صريح مش بيخاف مبحبش اكدب و يمكن ده عشان بابا ماما اهلي لما بعمل اي حاجه حتي لو كان تصرف غلط مفيش حد فيهم بيهاجمني بيتصرف معايا تصرف يخليني اخاف اقول الصراحه

احنا صحاب و بنحكي كل حاجه لبعض مفيش بينا خوف او طريقه مش حلوه تخليني اكرهه الكلام معاه بالعكس اهلي يا عدي يستاهلوا مني كل خير لانهم عمرهم ما قصروا معايا و لا عمري حسيت اني كارهه اسلوبهم او طريقتهم فا واجبي ناحيتهم اني احترمهم اكون صريحه معاهم عشان كده في جزء جوايا مخليني مضايقه اني مخبيه عليهم و بصراحه انا اتبسطت اوي لما انت بنفسك قولتلي لازم نقول ولازم علاقتنا تبقي في النور و اللي مخليني مرتاحه شويه و مش حاسه اني بعمل حاجه غلط اوي في ان بابا وماما لسه ميعرفوش ان الموضوع احنا اللي مأجلينوا لحد ما اخلص امتحان يعني مساله وقت

ركن عدي علي جنب و بصلها بهدوء.

عدي…..بصي يا تقي انتي اكيد لو مش واثقه في مشاعري مكنتيش هتسكتي و دي حاجه انا واثق منها

انا لو عليا عايز اقول لكل الناس و اكيد هعمل ده و قريب بس زي ما انتي بتقولي الوقت الموضوع متأجل بس لفتره بسيطه لما قولتلك امبارح وشجعتك اننا نتكلم اولا انا كنت واثق ان ليله وعشري حاسين بينا او عارفين حاجه من اول علاقتنا ثانياً انا وانتي اصلا كنا متفقين نعرفهم و ده احتراماً ليهم و لعلاقتهم كمان في حاجه مهمه انا يمكن عارف ان اخويا هيبقي فرحان ليا مبسوط بالخطوه دي عموما بس كان فارق معايا اوي اشوف رد فعل ليله اسمع رأيها اشوف هي متحمسه للعلاقه دي ولا لا و بصراحه انا كمان ارتاحت لما هي عرفت و لما شوفت رد فعلها.