لقاء كار.ثي
لقاء كار.ثي
ليله…..لا بالعكس شجعوها هي قويه وتقدر و عايزه اصلا تروح و متضيعش تعبها يبقي نشجعها احنا
امينه…..والله يا بتي لو هي بخير و ده في مصلحتها خلاص تروح بس تخلي بالها من روحها و ابوها يفضل معاها
رهف….بخير و كويسه و متقلقيش عليا و الله ادعيلي بس الامتحان يكون سهل
امينه….ربنا معاكي و يوفجك يا نور عيني
ليله….ان شاء الله هيكون سهل
بعد وقت بسيط خلتهم ليله بيتكلموا وبيهزروا وبصت لعشري و شاورتلوا بعينها علي الباب بمعني قول حاجه عشان عايزه امشي
ابتسم عشري و هز راسه بلا
بصتلوا ليله بغيظ و استحلفتلوا بهدوء.
ابتسم و بعد وشه عنها و هو بيبص شمال و بمين و عامل فيها عبيط
حطت ايدها علي دقنها تحركها بهدوء كأنها بتقولوا هوريك
ضحك عشري بهدوء و بعدين قام وقف.
عشري…..يلا يا ليله عشان تلحقي مشاويرك
ليله…..مصدقت و قامت وقفت علي طول اه يلا عشان متأخرش علي البنات كمان
امينه….وه چرالك ايه يا ولدي
عشري…..عنديها مشاوير يا امي و بعدين رايحه مع البنات صحابها يشوفوا الفستان خلينا نخلص مفيش وجت
ليله….معلش يا امونه اديكي شوفتي الوقت اتسرق مننا خالص و مجبتش لسه الفستان و باقي بس ست ايام
امينه….ملحجتيش ترتاحي يا نور عيني
ليله…..تتعوض والله انا بس جيت اطمن علي رهف و اشوفكم واقعد معاكم شويه بس كمان لسه هروح اطمن علي قمر اختي و ابنها
امينه…..سلمي عليها كتير امانه و جولياها حمد الله علي سلامة الصغير
ليله….الله يسلمك يارب
ملك…..وصلي سلامنا ليها يا ليله
ليله…. يوصل والله حاضر سلامتك يا رهوف يا قمر
رهف….الله يسلمك يا عروسه
سلمت ليله عليهم كلهم و بعدين خرجت علي بره مع عشري.
وبمجرد ما قفل عشري الباب بصتلوا
ليله…..ده انت يومك مش معدي احنا مش متفقين تقولي يلا بترخم عليا انا يا بلطجي
عشري…..بضحك اه مش عايزك تمشي بس بصراحه لاقيتك بتستحلفي قولت لا دي ست مفتريه خليني محترم
ليله….بضحك عشان خواف يلا خليني امشي بقي هتأخر
عشري…..ماشي يا ستي هتروحي فين الاول لقمر و لا مصطفي
ليله…..مش عارفه بس ممكن مصطفي الاول انا كده كده مش هطول عند اميمه يعني هطمن علي قمر و عمر و همشي
عشري…..هتتقابلي مع البنات قولتي امته
ليله…..علي سته
عشري…..ماشي علي مهلك بقي
ليله…..انت رايح فين؟
