لقاء كارثي
(لقاء كارثي) 33/34/35
لقاء كارثي
أميره أسامه
صاحبة البطل الواحد
~° البارت الثالث و الثلاثون°~
………….
مسكت ليله في ايد عشري و مشيوا في الشوارع و هما مبسوطين كانت حاسه انها طايره مكانتش مركزه في المكان قد ما كانت مركزه انها معاه هو و بس لكن فجأه لقت نفسها و سط جنينه كبيره كلها ورد و خضار كأنها في قطعه من الجنه مع نسمة هواء بارده .
عشري….مبسوطه
ليله…اوي يا عشري المكان حلو بجد و حاسه ان قلبي مرتاح و في هدوء غريب جوايا
عشري….انا كمان مبسوط اوي
كملوا مشي الجنينه مش بتخلص و كل ما بيمشوا المكان بيبقي احلي و فجأه لمحت شخصين من بعيد وقفت ثواني و هي بتركز في ملامحهم و فجأه ابتسمت بسعاده و بصت لعشري
عشري….بابتسامه هاديه تعرفيهم؟
ليله…..أعرفهم طبعاً تعالي معايا اعرفك عليهم
مسكت ايده و راحت ناحيتهم كانوا واقفين باصين عليهم و هما كنان مبتسمين فضلت تقرب لحد ما وقفت قدامهم و هي مبتسمه و دموعها نازله.
عشري….بابتسامه مين دول يا ليله؟
ليله…..دي امي و ده أبويا يا عشري
ليله……ده عشري يا ماما ده عشري يا بابا
نهاد….عرفاه يا ليله
كامل…..و انا كمان عارفه يا ليله
ليله….هو انتوا ازاي مع بعض ؟ هو انتوا اتصالحتوا
نهاد….بابتسامه صافيه من زمان يا ليله من زمان يا حبيبتي اتصالحنا و بقينا مع بعض
ليله…..فرحت اوي بجد
كامل…..مكانش ينفع غير كده
ليله….ياريتكم فضلتوا مع بعض زمان
نهاد….ياريت يا ليله لو الزمن بيرجع مكنتش ضيعت عمري من غيره
كامل…..عاندنا بعض سنين و ضيعنا عمر بحاله و كل واحد فينا لوحده بس لو نعرف اننا قي النهايه هنرجع مكناش افترقنا
ليله….نصيب فرقكم و نصيب جمعكم
نهاد….لا يا ليله احياناً العناد بيغلب النصيب و احنا الاتنين عاندنا نصيبنا بس اديكي شايفه لما كل واحد فينا اتخلي عن عناده رجعنا
ليله….مش مهم المهم انكم بقيتوا مع بعض انا مبسوطه اوي و مبسوطه اكتر عشان شوفتوا عشري قولولي ايه رأيكم فيه
نهاد…..بيحبك اوي خليكي ديماً معاه
كامل…..جدع و راجل و مستعد يعمل اي حاجه عشان يكسب قلبك
ليله….انتوا ازاي عارفينه و عارفين كل ده عنه
كامل….احنا جنبك علي طول يا ليله و بنتابع اخبارك
ليله…..انا هتجوز عشري يا بابا
كامل…..عارف و فرحان من قلبي عشانك انتي تستاهلي كل خير و عشري هيعوضك عن اي حاجه وحشه عشتيها
ليله….يعني انت موافق
كامل…..موافق طبعاً ومستني افرح بيكي
نهاد…..مبسوطه معاه يا ليله
ليله….اوي بس خايفه
نهاد…..خايفه ليه؟
ليله….من يوم ما عرفتوا و انا خايفه و مش قادره اعرف انا خايفه ليه
نهاد….انتي اللي مخوفه نفسك و مصعبه الدنيا عليكي سهليها شويه يا ليله و افرحي و فرحي قلبي و طمنيني
ليله….بأبتسامه حاضر يا ماما هو انا هشوفكم تاني
نهاد….اكيد كل ما تحبي تشوفينا هتلاقينا جنبك احنا ديماً هنا
ليله….بس انا باجي هنا كتير و مش بشوفكم
نهاد…..بس احنا بنشوفك و عموماً بعد كده لما تيجي هتلاقينا
كامل….خدي بالك من نفسك يا ليله
ليله….متقلقش عليا
كامل….مش قلقان طول عمري متطمن عليكي و عارف انك قويه
نهاد…..ليله أسمعي ديماً صوت قلبك
ليله….يعني ايه ؟
نهاد…..يعني ركزي مع صوت قلبك علي طول و اوعي وقت غضبك تسمعي لعقلك حتي لو هو أصح من صوت قلبك اوقات كتير صوت العقل بيضيع سنين من عمرنا مش عيب تنازل مره عن العقل و نلحق قلبنا يا ليله فهمتيني
ليله….بابتسامه فهمتك
نهاد….اسمعي صوت قلبك يا ليله
فتحت ليله عينها بسرعه و كلمه امها بتتردد في ودنها اسمعي صوت قلبك يا ليله
قامت ليله من النوم و هي حاطه ايدها علي قلبها و فضلت ساكته شويه و ابتسمت بهدوء
ليله…بهمس اتصالحتوا بجد بقيتوا مع بعض
دخلت عليها نعيمه
نعيمه…..يخربيتك خضتيني قاعده كده ليه و بتكلمي نفسك زي العفاريت
ليله….انتي اللي خضتيني في حد يدخل علي حد كده
نعيمه…..قومي يلا انا نازله
ليله….رايحه فين
نعيمه…..رايحه اسلم اوردرات
ليله…..نادين رايحه معاكي
نعيمه….قالتلي هتيجي اه بقولك ايه احنا هنتقابل بليل اكيد
ليله…..اه هنروح علي المطعم ايمي قالت هتخلص مشوارها مع رشيد.و هتفضل هناك في المطعم طول اليوم
نعيمه….طيب تمام لو حصل اي تغيير كلميني
ليله…..تمام بوسيلي نودي و خلي بالكم من نفسكم
نعيمه….ماشي يا قلبي يلا باي.
…………….
في المساء علي الساعه عشره أتجمع البنات في المطعم مع ايمي و الشباب اتجمعوا عند عشري في الكافيه.
عند البنات.
نعيمه…..بابتسامه يعني انا لو فضل راح يتقدملي مش هقعد في القاعده دي
ليله….لا يا اختي لا انتي و لا نوجا
سلمي….علي فكره حسان لما اتكلم بابا اصلا هو اللي قومني انا و ايه و قعد هو و حسان و تامر اخويا لوحدهم هما صحيح متكلموش في اتفاقات بس قوموني يعني عادي
نادين….بابتسامه و انا كمان ميدو رايح بكره لخالو و انا مش هكون موجوده
ايمي….بضحك انا قعدت علي قلبهم بس بصراحه يعني هو محصلش اتفاق انتوا عارفين حماده في المواضيع دي مش بيريح و انا عامله زيه و اخر ما رشيد اتخنق اتصرف هو
ليله….بس بصراحه انا عندي فضول اكون قاعده و اعرف هيحصل ايه
ايمي….اتنيلي هيحصل ايه يعني هيتفقوا عادي اتفاقات رجاله هنجيب ده هنعمل ده كده يعني مع اني عارفه اللي فيها اصلاً
ليله….ايوه ما اكيد رشيد قايلك البت دي بقت عميله قولي يابت تعرفي ايه
ايمي….بضحك والله ما قال حاجه بس اللي اعرفوا من كلام رشيد يعني ان مفيش حد في الشباب هيبقي في بينهم و بين اهلكم نقطه خلاف من الاخر مش هيطلبوا اي حاجه منكم هما عايزينكم كده زي ما انتوا بهدومكم
ليله….بصراحه انا مش بحب الحوارات دي خالص بحس انها محرجه اوي في النهايه مش هتفرق اصلاً
ايمي….مش هتفرق طبعاً بس افتكروا كلامي لما قولتلكم اول مره شوفناهم و قولتلكم الشباب دول مش زي اي رجاله عرفناهم في حياتنا
نعيمه…..بصراحه انا معاكي في ده جداً يا ايمي فضل مش زي خطيبي ولا زي اي حد عرفته قبل كده راجل و مسؤول و مختلف
ايمي….مش فضل بس يا نعيمه كلهم بجد يجننوا
ليله…..قوليلي عامله ايه مع حماتك
ايمي….بابتسامه تجنن يا ليله موجوده ومش موجوده مس بتدخل في اي حاجه و حاسه انها فرحانه اوي و بصراحه معاملتها معايا تجنن و الاهم ان هي و زوزو بقوا صحاب كمان والده بجد طيب و محترم و هادي كده مش بيتكلم كتير حساهم شبهننا اوي و دي اكتر حاجه مريحاني انتوا عارفين اني مليش في جو المشاكل و القرف ده خالص تقريباً كده ده اخر صبري
ليله…..انتي عشان جميله وربنا بيحبك
نعيمه…..انتوا عارفين اني كلمت مامت فضل انهارده
ايمي….بابتيامه بجد ؟
ليله….مقولتليش يا جزمه
نعيمه…..ما انا دخلت لاقيتك بتكلمي نفسك زي المجنونه و كنت مستعجله
سلمي…..طيب ايه اللي حصل
نعيمه…..مفيش هو كان بيكلمني و انا بلبس و كان عندها فضل يرخم عليها وترخم عليه و في الاخر لاقيته بيقولها خدي صبحي علي عروسة ابنك خدت منه التليفون و فضلت تضحك و تكلمني و قعدنا نتكلم حوالي ربع ساعه
ايمي…..طيب و ايه لذيذه ولا حماه و كده يعني
نعيمه…..لا خالص دي الذ من فضل نفسه
ايمي….لا بجد
نعيمه….اه والله يعني من طريقتها كده ست مرحه و بتحب الضحك و طيبه يعني انا صحيح متكلمتش معاها كتير و دي اول مره بس بيبان
ايمي….بيبان طبعاً
نعيمه…..يعني و هي بتتكلم كده تحسي ان هي عشريه بتتكلم كأنها تعرفني من زمان و بعدين مش اللي هو بتكلمني من طرف مناخيرها بقي و عامله فيها حماه لا خالص تحسيها ست جدعه بنت بلد و صوتها يبان انها مش كبيره عارفين يا بنات الستات اللي عندهم شخصيه وواخدين بالهم من نفسهم بس في نفس الوقت لذاذ و مرحين اهي هي كده
ليله…..بنت بلد يعني
نعيمه…..بالظبط بنت بلد
ايمي…طيب الحمد لله خدوا بالكم يمكن اول مره اقولهالكم بس كنت ديماً مقلقه شويه من اهل فضل و عشري لان المعروف عن الجماعه البدو و العرب دول انهم شداد اوي و ستاتهم مناخيرهم لفوق
نعيمه….بالعكس انا قولتلك محستش فيها ده خالص
ايمي…..اتكلمتوا في ايه طيب
نعيمه….مكانش كلام مهم كله ضحك و هزار و قعدت تقولي اعترفي و قوليلي عملتي ايه وحش في امك عشان ربنا يبعتلك محمد و قعدت بقي تضحك و تقولي خدي بالك هيقرفك في الاكل هيقولك بحب ده و مش بحب ده اوعي تسمعي كلامه و عوديه ياكل اللي تعمليه عشان مغلبني و مطلع عيني و حجات كتير اوي و بجد طلعت لذيذه
ايه….الله يعني انتي كمان هتتجوظني يا نوني
نعيمه….بضحك شكلها كده فضل اصلا بيقولي اول ما رشيد و ايمي يتجوزوا هقابل اهلك و نتفق
ايمي….بضحك احيه علي ماسوره الافراح اللي ضربت في وشنا مره واحده طب والله العظيم انا ما في مني كان ليا نظره بردوا فاكرين يا كلاب لما قولتلكم اتحركوا و كل واحده فيكم تختار واحد و حقنا نختار مره
نادين…..بابتسامه انا فاكره يا خبره
ايمي….قوليلي انتي كمان عملتي ايه مع حماتك المستقبليه
سلمي….اه صحيح يا نودي انتي محكتيش ايه اللي حصل
ليله….بضحك اتصلت بيا عشان انقذها مكانتس عارفه تطلع من المطبخ بالعصير و مكسوفه
ايمي….بضحك الله يكسفك و عملتي ايه
ليله….بضحك ابداً اتصرفت و اتصلت علي عسال يروح يلحقها بدل ما توقع علي امه العصير في اول مقابله و تفضحنا
ايه….بضحك يا لهوي علي الموقف
سلمي…..طيب ايه انطباعك عنها لذيذه و طيبه زي ما الشباب قالوا
نادين…..يا خبر بجد الست دي تجنن و اللي قالوا في حقها قليل عليها جميله و كلامها جميل و اسلوبها اجمل تدخل القلب و تقتحمه من غير استأذان في الاول زي ما ليله قالت كنت محرجه و متوتره و بعدين انا كنت لوحدي بس بعدها ميدو نزل و سابنا لوحدنا اتكلمنا كتير و مش عارفه امتي و ازاي فكيت و خدت علي الجو بسرعه اخته بقي تجنن دمها خفيف بشكل مش طبيعي تحسوا انكم قاعدين مع ايه و سلامه مش بتبطلوا ضحك مصيبه بجد و يمكن بسببها انا فكيت كده كنت حاسه ان ايه معايا
ايه….بضحك روحي كانت معاكي يا واطيه
نادين…اه والله و بجد نعيمه قالت ان مامت فضل الذ انا بقي حسيت اني خدت علي اخته و مامته اكتر منه ودي حاجه استغربتها بجد يعني التوتر راح بمجرد ما ميدو مشي
ايمي….انتي لسه بتتوتري و تتكسفي منه يا نودي
نادين….مش زي الاول بس بصراحه بتوتر لكن مع مامته خالص تحسيها ام فيها كميه حنان متتوصفش هدوئها يخليكي متطمنه اتكلمت معاها في موضوع السن و بصراحه دي اكتر حاجه كانت مخلياني حاسه ان الموضوع مش هيبقي حلو بس طريقتها خلتني نسيت اصلا موضوع السن لا فرق معاها و لا طولت في الموضوع لازم تشوفها بجد لاني مهما وصفتها مش هوفيها حقها
ليله….بابتسامه غمزت للبنات لا و جابتلها السلسله القمر دي هديه
ايمي….بابتسامه هي اللي جابتها
نعيمه…..حلوه اوي دي بتتفتح صح
نادين….بابتسامه اه فتحتها و كان فيها صورتها و الناحبه التانيه صوره ميدو
ايمي…..بضحك الله كمان جيبهالك بصور طب جابت صورتك منين من ميدو
نادين….لا هي كانت فاضيه انا اللي حطيت الصور لما نزلت الصبح طلعت عليهم من الصور اللي كنا بنتصورها و قصيتهم و حطيتهم
ايمي…..جميله اوي بجد واضح انها ست بتفهم و شكلها مبسوط
نادين…..اوي يا ايمي و كلمتني انهارده تاني سألت عليا
ايمي…..فرحتيني اوي بجد
سلمي….ميدو رايح بكره اكيد صح
نادين….ايوه
ايمي….بابتسامه عندنا بكره عروستين نادين و ليله
سلمي….حسان كمان قالي انه اتكلم مع اهله انهارده و قالي هيأكد عليا المعاد و احتمال كبير يجوا الجمعه هما كمان
ليله…..وانتي يا موكوسه
ايه….بضحك لا انا لسه شويه لما اعلموا علي الاسكيت الاول و ياخد شهاده هيبقي يجي
سلمي….بضحك المجنون اللي زيها جايب اسكيت و بيروحلها المحل تعلموا
ايمي….بضحك والله سلامه ده مصيبه عسل ابن اللذينه
نادين….اتكلمنا عنك كتير علي فكره و واضح يعني ان سلامه مخلص معاها الموضوع و قريب اوي هيطلبوا ايدك
ايه….بضحك انا و انتي هنبقي سلايف
ايمي…..اه و ليله و نوني انا و سلمي ملناش سلايف
سلمي….و انتي فاكره هتعرفي تخلصي من الرخمين دول
ليله….ايه عندك اعتراض هنفضل علي قلبكم متقلقيش
…………..
عند الشباب
عسال…..يعني انت الوقت عملت ايه
رشيد…مفيش الصبح بدري جالي عمال فكوا العفش كله و قفلوا و علي الضهر كده جالي مهندس و ايمي جات قالتلوا كل حاجه هي عيزاها واختارت الدهانات والالوان و بس المفروض بكره بقي هنزل انا وهي نلف لفه حلوه كده علي كام معرض نشوف الحاجه اللي هنختارها و المهندس اقترح علينا مكان لما عرف احنا هنعمل ايه بالظبط و قالنا هتلاقوا كل طلابتكم هناك و غالباً المكان ده تبعه يعني بيشغلوا بعض
عشري…..طيب روح مش هتخسر حاجه يمكن فعلا تلاقي حاجه حلوه
رشيد….مانا هروح اكيد و قولت لايمي نبدأ بيه و تشوف كده الدنيا فيها المهم الوقت انا اتصلت علي امي سألتها لو عايزه حاجه من العفش قالتلي لا مش محتاجه اي حاجه و حسان كمان سألتوا قالي مش عايز عشان قريب و هيعمل هو كمان زيي و يفضي الشقه لما يبدأ يظبها حد فيكم بقي عايز اي حاجه قبل ما أتصرف فيها انتوا عارفين الحاجه كويسه يعني اوضه نومي و الاوضه التانيه دولاب و سريرين و المطبخ و كام حاجه كده
عسال…..انا لا انت عارف اني مش قاعد في شقتي اصلا يعني مش محتاجهم
سلامه…..وانا شرحه مش محتاجهم
رشيد….طيب وانت يا فضل مش عايز اي حاجه
فضل…..لا انت عارف انا زيهم قاعد مع امي اغلب الوقت و شقتي مفيهاش غير اوضتي و اكيد مش محتاج احط حاجه فيها الا لما اتجوز
عشري…..طيب شوفوا لو اكيد مش عايزين الخاجه انا هاخدها تلزمني
رشيد….طيب تمام خدها بدل ما اتصرف فيها
فضل…..تاخدها تحطها فين انت شقتك محتاجه و بعدين انت ملكش في الكركبه
عشري….مش ليا اكيد يا غبي
فضل….امال لمين؟
رشيد….يا عم لصاحب نصيبهم بقي
عشري….هاخدهم للشباب اللي بتشتغل معانا يتوزعوا علي الشقيتني يعني اللي محتاج حاجه ياخدها بدل ما بيناموا مثلا مع بعض يبقي في سراير زياده و كمان المطبخ شقه فيهم مطبخها مش اوي
رشيد…..باس يبقي حلال عليهم بكره الصبح هبعتهملك في عربيه كبيره عشان من بكره الصبح العمال هيوصلوا مع المهندس و يبدأوا يشتغلوا وعايز الشقه تكون فاضيه
عشري….تمام بكره الصبح هبعتلك حد من اخواتي او من الشباب عشان يركبوا مع العربيه و يعرفوهم الطريق
رشيد…يا شيخ الله يباركلك نزلت من علي كتافي حمل كنت لسه هروح و اشوف حل فيهم و اديهم لاي حد من الناس اللي بتشتغل هناك عشان لازم كنت اخلص منهم
عشري…..هما هيوصلوا امته عندك
رشيد….ممكن علي عشره هو المهندس قالي هيكونوا عندك عشره بس انا مش بثق اوي في كلام الناس دي بس قول عشره
عشري….يوصلوا عشره بعد عشره المهم يجوا يلاقوا الدنيا فاضيه ايه رايك ابعتهم علي الساعه ثمانيه الصبح ولا بدري عليك
رشيد….لا حلو اوي ثمانيه و ياريت يجوا في المعاد ده
عشري….متقلقش هيكونوا عندك ثمانيه بالظبط و هبعتلك الشباب احسن عشان يشيلوا بسرعه كمان و يساعدوا بعض
رشيد….طيب حلو اوي
عشري….قولي بقي انت متمن الحاجه دي ولا لا
رشيد….متمن ايه يا جدع عيب عليك
عشري….لا بص مش هاخد اي حاجه غير لما تاخد تمنهم
رشيد….يا جدع بقولك عيب متعصبنيش عليك هو انا قولتلك اني عراضهم للبيع كده كده كانوا طالعين لصاحب نصيبهم و الشباب بتوعنا يعني اتمن ايه بس
عشري….بابتسامه انت راجل داخل علي جواز و محتاج كل قرش
رشيد….بضحك كفي نفسك ياض المهم بس بكره يوصلوا في المعاد الله يخليك عشان اخلص بدري
عشري….ماشي متقلقش انا هظبط كل حاجه و الصبح هبعتهملك
سلامه….هتروح امته يا حسان
حسان….فين؟
سلامه…تطلب سلمي
حسان….هو المفروض الجمعه بس انا مش عارف يعني هيبقي تعارف بين اهلي و ابوها ولا فاتحه كمان نش عارف
سلامه….وهتفرق في ايه يعني
حسان….مش هتفرق في حاجه بس هتفرق انكم تبقوا معايا احنا متكلمناش في فاتحه او اي حاجه كلامنا كله علب اني اجيب اهلي و يتعرفوا بقوا و يتفقوا بس قلقان تبقي فاتحه كمان
رشيد…طيب و قلقان ليه ما تخلص من كل الرسميات دي
حسان….يا ابني بقولك عايزك تبقي معايا
فضل…طيب ما تسأل سلمي او اتصل بابوها علي طول و شوف معاه الوضع ايه
حسان…انا فكرت في كده بس مش عارف هيفهمني و لا هيفكر اني بحطه قدام امر واقع
عشري….هو مش وافق امر واقع ايه بقي ماهو معروف يعني ان هيبقي في فاتحه شوف معاه كده و اتفق
حسان….طيب تمام
عشري….وانت هتعمل ايه يا عسال
عسال….لا انا هتفق معاه بس و اشوف طلباته و نتعرف مش اكتر الفاتحه و الشبكه و كل الكلام ده هحدده معاه
عشري….طيب كويس
رشيد….وانت هتعمل ايه؟
عشري…..انا زي ما قولت هنروح كده نتفق و نحدد و بعدها نشوف بقي نقرأ فاتحه و البس شبكه و نحدد معاد كتب الكتاب و الدخله علي طول
رشيد….اوعييييي بقي يعني هتحصلني
عشري…بابتسامه هحصلك يا عم
عسال….لا لحظه بس طيب هتعمل ايه ؟
عشري…..اعمل ايه في ايه ؟
عسال….في موضوعك انت و ليله بخصوص مريم
عشري….بتنهيده و الله يا ميدو شكلي كده مس هعمل حاجه
عسال….يعني ايه مش هتقول؟
عشري….حاولت كتير كل ما اجي اقولها يحصل حاجه تمنعني و معرفش
عسال….لا يا عشري متقولش حاجه تمنعك قول انك مش عايز تقول
عشري….لو جيت للحق انا حقيقي مش عايز اقول بس ربنا يعلم اني حاولت كتير و اقربهم امبارح بس ليله للاسف مش بتديني فرصه ببقي رايح و انا مقرر اقولها كلامها و طريقتها يمنعوني و اغير رأيي بسرعه خايف يا عسال حط نفسك مكاني
عسال….لو مكانك يا عشري مش هعمل زيك و هبقي صريح
عشري….انت بتقول كده عشان انت حقيقي مش مكاني و لا نادين زي ليله
عسال…..الفكره مش ان نادين مش زي ليله يا عشري الفكره انك عايز تبدأ معاها حياتك علي كدبه
عشري….كدبه ايه يا ميدو هو انا هتجوزها و انا خاطب مريم انا نهيت كل حاجه عشانها قفلت حوار مريم كله عشان ابقي ليها هي بس اختارتها هي
عسال…..ايوه يا عشري طيب ليه مش عايز تعترفلها ادام خلصت من كل ده ليه مش عايز تبدأ حياتك معاها و انت مرتاح
عشري….لاني مش ضامن رد فعل ليله يا عسال لو حد فيكم يقدر يضمنلي انها تنسي و تسامح انا مستعد اقولها حالاً
حسان…ايوه ياحبيبي بس كمان ده مش حل انت رايح بكره يا عشري تدق بابها و تطلب ايدها هتقعد مع رجاله و تاخد في ايدك رجالتك يعني الموضوع خلاص دخل في الجد بيتهيألي لو انت شايف الوقت الوضع صعب هيبقي اصعب لو ليله عرفت بعد ما تخطبها او تكتب كتابك عليها
سلامه….المشكله مش في كده المشكله ان احتمال كبير الموضوع يتفتح من اي حد تبعك و يبقي مفجأه ليها يعني الافضل تعرف منك
عشري….انا قولتلهم كلهم محدش يتكلم
عسال…..وهما وافقوك يا عشري
عشري….لا امي موافقه و لا ابويا موافق اقنعتهم بصعوبه امي قالتلي حقها تعرف لان دي حاجه متستخباش و ابويا قالي انا مش هتكلم بس لو اتسألت هقول
سلامه….طيب ما عندهم حق يا عشري افرض ابوم في وسط القاعده اتسأل هيبقي ايه الوضع
عشري…..ميتهيأليش يعني في قاعده اتفاق حد فيهم يقولوا عشري كان مرتبط ولا لا
سلامه….لا مش كده بس جايز يتفتح سيره او علي الاقل في قاعده التعارف دي حد فيهم يسأل ليه مرتبطتش كل ده
حسان…..و بعدين بلاش كل ده افرض ليله قعدت مع امك و عرفت منها بعد كده افرض اي حد تاني افرض مريم نفسها يا سيدي انت مفكرتش ان في جوازكم مريم تكون موجوده
عشري….مفكرتش و مش عايز افكر بس ميتهيأليش مريم من الشخصيات دي انها تروح و تقول و تبوظ الدنيا
حسان….ليه يعني هي ملاك
عشري….مش ملاك بس مريم محبتنيش اصلا و مكانش في بينا حب عشان مثلاً تنتقم مني
رشيد….عشري احنا خايفين عليك
عشري….عارف يا رشيد و مستوعب الموقف اللي انا فيه جداً بس اعمل ايه ؟ انا عشانها خدت قرار سريع و نهيت كل حاجه و باخد معاها خطوه جد و مستعد اعمل اي حاجه عشان افرحها و تبقي معايا بحاول علي قد ما اقدر اعوضها عن الكدبه دي بكل الطرق بس مش قادر انا واثق ان ليله لو عرفت هتبعد
رشيد….لو بتحبك مش هتبعد لو عرفت منك مش هتبعد جايز تزعل شويه بس انت هتقدر تراضيها بطريقتك و احنا كمان معاك محدش هيسيبك كلنا هنتكلم معاها و البنات كمان
عشري…..المشكله اني فضلت استني و كل مره احاول اقولها يطلعلي حاجه توقفني
عسال…. اخر حاجه وقفتك يا عشري هو موت عم مريم و علي ما افتكر يعني انت مقدرتش تستني فتره حزنها كمان و روحت خلصت الموضوع و دي حاجه حلوه تتحسبلك انك احترمت و جود ليله في حياتك و حبيت تخلص الموضوع بسرعه بس انت الوقت مفيش حاجه توقفك
عشري….لا في يا عسال و بالله عليك ما تتكلم و انت مش حاسس بيا في انت اللي داخل علي خطوه جد مع خال نادين و في حسان اللي رايح يوم الجمعه يبدأ خطوه جد هو كمان و في رشيد اللي كاها ايام و يدخل حياه جديده في سلامه و ايه اللي علاقتهم اتطورت بشكل كببر و داخلين علي خطوه جد و في فضل اللي مستني اهل نعيمه يرجعوا عشان هو كمان ياخد نفس الخطوه
عسال….طب وانت مالك و مالنا و ليه شايف اني مش حاسس بيك انا عشان حاسس بيك و عارف اللي جواك الوقت بقولك اتصرف
عشري….يعني ايه مالي و مالكم هو انت متخيل ان انت او هما حد فيكم هيسامحني لو حصل بينكم و بين البنات مشكله وقتها هتيجوا تلموا فيا و تقولوا انت سبب ومحدش فيكم يقولي مش هيحصل عشان انا لو مكانكم و ليله زعلت مني بسببكم هحس ان انتوا السبب حتي لة مقولتهاش انت فاكر ان البنات مش هتاخد صف ليله مش هيزعلوا عليها و لا هيزعلوا منكم
عسال…..خليني اقول ان كلامك صح هنلومك يا سيدي و هنزعل و البنات هيزعلوا وياخدوا صف ليله و هنعذرهم بس اعمل اللي عليك قولها و احنا مع بعض هنقدر نراضي البنات و نفهمهم بهدوء الموقف من بدايته هنفهم انهم قبل ما يوصلوا اصلا كنا واخدينك دهب مخصوص عشان تقتنع بجوازتك و متفشكلهاش هنقعهم انك كنت واخد قرار انك تسيب مريم اصلا قبل ما تشوف ليله و كنت بتدور علي حل هنصارحهم بكل حاجه و هيفهموا و هيقفوا معانا في توضيح الموضوع لليله
عشري….مستحيل يا عسال الموضوع مش بالسهوله اللي انت شايفها دي
عسال….ولا بالصعوبه اللي انت متخيلها يا عشري
رشيد….طيب ما تجري يا عشري ايه رأيك بكره كلنا نتجمع و نفتح الموضوع
عشري…..انت بتتكلم ازاي صعب انا مش قادر افتحه معاها لوحدي اخدها و افتحه قدامكم و اجرحها قدام الكل
عسال….يعني هي لما تعرف يا عشري.مش هتتجرح قدام الكل
عشري….مش هتعرف يا عسال وده قراري خلاص انا اللي في ايدي عملتوا عشانها بقيت ليها لوحدها خلصت موضوعي مع مريم ربنا يعلم حبها في قلبي قد ايه و يعلم كمان اني لا خونتها و لا بخونها و حتي كدبتي عليها مش كدبه مستمره دي كدبه خلصت منها يعني حتي لو عرفت هيحصل ايه انا خلاص مش مع مريم و ده المهم فا اي كلام في الموضوع مبقاش ليه لزوم
عسال….يعني ايه ؟ هتبدأ حياتك معاها علي كدبه ؟
عشري….انت ليه مصمم يا عسال ان انا بكدب عليها
عسال….امال انت بتعمل ايه؟
عشري….بغضب بسيط افهم يا عساااال انا بحافظ عليها بحافظ علي علاقتنا انا مش متجوز و عندي عيال في السر و لا مرتبط بيها وانا مصاحب عليها و لا حتي مريم لسه لابسه دبلتي انا مع ليله و بس يا عسال فهمت ليله و بس
عسال….بس يؤسفني اني اقولك ليله نفسها لو عرفت مش هتبقي معاك
عشري….طيب كويس انك فهمت انا ليه مش عايز اقول اديك قولتها مش هتبقي معايا
عسال….ده لو عرفت بعدين او عرفت من غيرك لكن لو انت قولتلها الوقت الوضع هيبقي مختلف
عشري…..مش هتعرف لان اولاً مش كتير يعرف اني كنت خاطب دي مجرد دبل لبسناها وسط اهلنا و معملتش اي حاجه حتي جوازي اللي كان هيحصل مكنتش اعلنت عنه من ناحيتي خالص لاي حد لاني مكنتش مقتنع بالموضوع و مش هتعرف من اي حد لان مفيش حد هيقول
عسال…..متأكد يا عشري ؟
عشري….ايه ناوي تبيعني و تقولها يا صاحبي
بصلوا عسال بغضب و بعدين خد علبة سجايره وموبايله و مفاتيح عربيته وقام وقف و هو باصص عليه.
عسال….خوفك من انك تخسر ليله خلاك تخرف و تشك في اقرب الناس ليك مش انا اللي ابيعك يا صاحبي بس خليك فاكر اني نصحتك كتير و خليك فاكر كمان ان مفيش سر بيفضل سر اتأكد اني مش هقولها ودي حاجه صعبه عليا وانت عارف ده كويس بس اتأكد كمان و خدها مني ليله هتعرف يا عشري ووقتها هنلومك كلنا زي ما قولت لان ساعتها مش ليله بس اللي هتزعل منك البنات كلهم هيزعلوا علي صاحبتهم زي ما احنا زعلانين عليك انا مش بهاجمك يا عشري و يمكن انا اكتر حد قلبي عليك لان عشري اللي انا اعرفوا ميوصلش لمرحلة الخوف دي الا لو كان حب من قلبه و علي قد حبك ده يا صاحبي انت هتتوجع و صدقني لو في حاجه هلومك عليها وقتها مش هيبقي زعل نادين مني لاني هقدر اراضيها بس هلومك علي الجرح اللي هيكون بينزف في قلبك لاني وقتها هقف عاجز قدامك و مش هقدر اراضي قلبك.
سابهم عسال وبعد
حسان…..استني يا عسال
فضل…..عسااااال
سلامه….انت يا بني خد
عشري….سيبوا سيبوا
رشيد…..هو خايف عليك متزعلش منه
عشري….عارف يا رشيد عمري ما ازعل منه هو معاه حق بس كمان مش قادر يفهم انه غصب عني هو ميعرفش ليله قدي لو عارفها هيفهم اللي انا حاسس بيه
حسان….ملنا مقدرين قلقك يا عشري بس خايفين عليك و عايزينك تبدأ حياتك من غير وجع او مشاكل
جري فضل و سلامه وراء عسال قبل ما يمشي.
فضل….انت يا ابني اقف بقي
عسال….فضل انا عايز امشي
فضل…..هسيبك تمشي بس متاخدش علي كلام عشري هو ميقصدش ولا شاكك فيك
عسال….عارف يا فضل و متأكد كمان انه واثق ان مفيش حد.فينا هيبيعه و مزعلتش من كلمته
سلامه….ميدو عشري بيمر بحاله مش حلوه انا اول مره اشوفه في الحاله دي عشري.خايف بجد يخسر ليله
عسال….عشان حبها بجد يا سلامه و ده اللي راعبني عليه خوفوا من انه يقولها الحقيقه و تخيله للي ممكن يحصل مقيده بس هو غبي ميعرفش ان اللي ممكن يحصل بعد كده هيبقي اقوي ووقتها كلنا هنقف قدام عشري و مش عارفين نداوي جرحه عشري طول عمره قوي و البنات هي اللي بتقرب منه و مش سهل عليه انه هو اللي يحب و يبادر و يدي كل اللي عنده وقعت عشري و كسرته هتبقي كبيره اوي انا واثق من ده و واثق كمان ان وجع ليله هيبقي كبير لان هي كمان حبت عشري اوي حاولوا تقنعوا قبل ما نبص نلاقي الاتنين واقعين قدام عنينا و خدوا بالكم الاتنين اعند من بعض لو الوضع اتطور بينهم هيبقي صعب السيطره علي عندهم حتي لو كان علي حساب قلبهم
فتح عسال العربيه و دورها و فضل سلامه و فضل واقفين ساكتين وباصين عليه.
قربوا منهم و قعدوا معاهم.
رشيد….ايه مشي
فضل…..اه مشي فكر يا عشري كلام عسال صح هو خايف عليك انت وليله
عشري….فكرت يا فضل لو قدرت اقول والاقي فرصه هعمل كده لو مقدرتش يبقي موضوع مات وانتهي
بصوا لبعض كلهم وسكتوا.
…………..
انتهت قاعده البنات و الشباب مع بعض و كل واحد فيهم روح علي البيت في مساء اليوم.
رشيد….انا عايز اعرف انتي بتنكشي في ايه كده مش سامعك كويس من الصوت
ايمي…اديني سيبت من ايدي يا سيدي و بقيت معاك
رشيد…ايوه كنتي بتعملي ايه بقي
ايمي….ولا حاجه كنت مطلعه كل هدومي و بشوف ايه اللي هحتاجه و ايه اللي مش هحتاجه و عندي حجات جديده ببص عليها كده يعني
رشيد….حبيبي انا قولتلك هتجيبي كل حاجه جديده
ايمي….عارفه يا روحي بس اكيد مش هرمي اللبس بتاعي ده في لبس فيهم لسه متلبسش و في لبس يادوب لبسته مره او اتنين و كنت جايبه حجات كتير جداً الشتاء اللي فاتت متلبستش اصلاً انا اللي هحتاجه اكتر هو الصيفي و بعدين انا بشوف اللي محتجاه هنا في الشقه مش الشقه التانيه فهمت هناك عارفه اني هجيب كله جديده
رشيد….بالظبط المهم مش عايز تبعتي اي حاجه هناك و تفضلي رايحه بيهم لبسك اللي عندك هيفضل عندك و الجديد كاه اغلبوا هيروح هناك
ايمي….اكيد مش هفضل رايحه جايه باللبس و علي فكره انت كمان هتجيب شويه لبس يفضلوا هنا علي طول
رشيد….تصدقي ان انا ناسي موضوع اللبس ده خالص
ايمي….لا انا مش ناسيه يا عمري
رشيد….ادخل
حسان…..رشيد انا داخل اوضتي لو عايز حاجه انا لسه صاحي شويه
رشيد….ماشي يا حسان ادخل انا لتكلم مع ايمي شويه و هنام عشان هصحي بدري
حسان….بابتسامه طيب سلم عليها
رشيد….بيسلم عليكي
ايمي…الله يسلمه سلم عليه كتير
رشيد…بتسلم عليك يا حسان
حسان….الله يسلمها يلا سلام
رشيد….سلام معاكي يا حبيبي
ايمي….ايه عارف تنام بقي ولا مش اوي
رشيد….انا نمت كذا مره مع حسان بس فكرة اني افضل هنا فتره دي موتراني شويه بصراحه بس عادي هتحمل
ايمي….معلش كلها اسبوعين و ترجع الشقه
رشيد…..بقوا اقل من اسبوعين يا قلبي هاااا و بعدين هرجع وانتي معايا و ده اللي مصبرني
ايمي….بابتسامه ماشي يا سيدي بقولك صحيح انت هتصحي امته عشان اصحيك
رشيد….لا تصحيني ايه انا هصحي علي سبعه و نص عشري هيبعتلي الشباب اللي بيشتغلوا معاه يشيل الحاجه
ايمي….طيب يلا يا حبيبي روح انام عشان تلحق تريح شويه
رشيد….انتي بكره معايا اوعي تنسي
ايمي….لا مش ناسيه متقلقش هروح بس علي 11 كده المطعم و بعدين هنتقابل
رشيد….تمام انا هكلمك و هاجي اخدك
ايمي….ماشي يا حبيبي يلا تصبح علي خير
رشيد….وانتي من اهل الخير يا عمري.
…………..
في غرفه حسان.
حسان…..خلاص انا بكره هتصل عليه ولو قالي تمام انا هعرف الشباب و انتي عرفي البنات لو هيبقي مجرد تعارف يبقي اكيد مش هنمشي غير و احنا متفقين و محددين معاد
سلمي…..طيب تمام شوف هيقولك ايه و خير المهم قولي هنا كويسه
حسان….انا بخير روحتها انهارده بدري
سلمي…..رشيد عندك صح ؟
حسان….اه عندي هيفضل معايا لحد ما يروح علي بيته باذن الله هو وايمي
سلمي….بإبتسامه انا مبسوطه اوي عشانهم
حسان….وانا كمان عقبالك
سلمي….بإبتسامه عقبالك انت
حسان….قريب ان شاء الله هبقي اعزمك بقي
سلمي….بضحكه جميله يا سلام هجيلك طبعاً
حسان….بإبتسامه جميله ماشي يا مجنونه قوليلي هتعملي ايه الوقت
سلمي….ولا حاجه هنام عشان بكره هروح علي العصر كده العياده
حسان….ليه العصر بدري كده؟
سلمي….عندي عمليه لازم اكون هناك بدري قبل معاد الكشف
حسان….عمليه في العياده
سلمي….اه عادي بس بتاخد و قت شويه عشان في فتح و خياطه و شغل كتير لتزم اكون هناك بدري
حسان….اممم طيب عموما هنبقي مع بعض علي الموبايل
سلمي….طيب تمام
حسان….تمام يا حبيبي يلا روحي نامي بقي وانا كمان هنام
سلمي….تمام تصبح علي خير
حسان….وانتي من اهل الخير
………….
في غرفة ليله اتصل عشري عليها
ليله…الووو
عشري….اوعي تكوني نمتي
ليله….لا منمتش بتفرج علي فيلم
عشري….فيلم ايه؟
ليله….بضحكه جميله و الله يا حبيبي ما اعرف شوفت منه مشهد صغير علي النت شدني دخلت علي اللينك بتاعه و بتفرج عليه بس هو رعب
عشري….بإبتسامه امممم اول مره يعني الاقيكي بتتابعي افلام و بتهتمي
ليله…مانا كنت بتفرج معاكم في دهب
عشري…..لا كده يعني بس مش بتركزي اوي بحس انك ملكيش اوي في جو التلفزيون و الافلام
ليله…..امممم يمكن بس ده مؤخراً زمان كنت بحب التلفزيون اوي لما ماما كانت عايشه كان ليا تلفزيون في اوضتي و معرفش انام غير وهو شغال بس بعد وفاتها مبقتش اتفرج خالص ولا متابعه اي حد و ممكن اقعد ساكته في اوضتي من غير ما اشغل اي حاجه وبقيت انام في الضلمه
عشري…بضحكه جميله كبرتي و عقلتي يعني
ليله….بأبتسامه انت عارف ان انا كنت خوافه اوي و انا صغيره
عشري….عفتريت بقي و جو العيال الصغيره ده
ليله….يا لهوووووي يا عشري ده انا كنت بترعب من خيالي
عشري….بضحك مصدقتش ده انتي بلطجيه زيي
ليله…لا ما انا كنت بلطجيه بردوا بس كنت بخاف من موضوع العفاريت ده اوي و بعدين ماما كانت تقعد ترغي معايا علي ايام زمان وتحكيلي حكايات و قصص تخوف حصلت بجد كنت انا بقي اسمع كده و اترعب
عشري….أوقات من كلامك بحس ان مامتك كانت صاحبتك و اوقات تانيه بحس انكم مكنتوش بتتفقوا ابداً
ليله….بإبتسامه دي حقيقه انا وهي كنا صحاب اوي و بنقعد نرغي و نتكلم و تحكيلي عن حياتها زمان و اوقات كنا نفضل قاعدين لحد ما الصبح يطلع واحنا بنرغي بس حقيقي في حجات كتير مكناش بنتفق فيها بس الحجات دي كانت تخصني انا يعني كانت شديده شويه علي قد ما كانت حنينه بس طبعها كان صعب اوي و بعدين شخصيتها كانت قويه اوي و انا كمان شخصيتي قويه فا كنا مش بنتفق
عشري…..يعني ايه الحجات اللي تخصك
ليله…..لبسي خروجي صحابي دروسي كل حاجه كانت بتخاف عليا اوي
عشري…..عشان الصغيره اكيد
ليله….مش بس كده يعني مكانش في غيري معاها اخواتي البنات اتجوزوا و كمان علاقتها هي وبابا مكانتش كويسه خالص كانت ديماً تشد عليا و تقولي مش عيزاكي تبقي نقطه ضعفي قدام ابوكي
عشري….طيب و قبل ما اخواتك البنات يتجوزوا كانت كده
ليله….لا خالص هي طول عمرها بتقولي ان اميمه و قمر مريحنها اكتر مني و دي حقيقه بصراحه
عشري….بضحك معترفه يعني
ليله….اميمه و قمر اهدي مني بكتير و بعدين مكانوش بيعترضوا علي اي حاجه حتي لو كانت الحاجه دي مش علي مزاجهم يعني محدش فيهم كان يقدر يقولها لأ مفيش غير حاضر و طيب و نعم
عشري….بس البلطجيه متمرده
ليله….مش تمرد والله بس انا كده مقدرش اكون مجبره علي حاجه و مقدرش اسمع الكلام الا لما تقولي سبب مقنع للرفض يعني أرفض معنديش مشكله بس قولي سبب يخليني أقول حاضر و انا راضيه
عشري….بس اسبابها كانت واضحه خوفها عليكي ده كفايه و كمان غصب عنها كانت شايفه ان ابوكي ممكن يضايقها بيكي لو عملتي اي حاجه غلط
ليله….مش كفايه يا عشري يعني خوفها عليا دي حاجه انا مقدراها لكن انها تجبرني علي كل حاجه عشان بس ابويا ميقولهاش قصرتي في تربيتك بالنسبالي كنت شايفه انها غلط
عشري….الله اعلم بظروفهم محدش فينا يقدر يحط نفسه مكانها في النهايه هي ست و ام و كانت لوحدها
ليله….معاك حق ربنا يرحمهم الاتنين
عشري….طيب قوليلي ايه اللي اتغير فيكي و انتي معاها و بعد وفاتها
ليله….لا حجات كتير اوي يعني هديت كتير بقيت مسؤوله اكتر
عشري….بضحك طيب مسؤوله و فهمنا انما هديتي بلاش كدب
ليله….بضحك طيب و الله هديت خالص عشري انا كنت مجنونه و عصبيه جداً و اي حد يعملي حاجه من علي مزاجي اضربوا لا انا كنت متشرده و بتاعت مشاكل
عشري….بضحك لا واضح انك عقلتي و هديتي ده انتي لسه مخرشمه الواد و ربطاه
ليله…..بضحك ماهو مش معني اني هديت اني اسكت و اقف اتفرج قولتلك وقت عصبيتي مش بشوف بس اللي اقصده اني الاول كنت يومياً بعمل مشاكل الوقت بعدي حجات كتير اوي
عشري….امممم ربنا يهديكي
ليله….بضحك هو انا شامه ليه ريحة تريقه
عشري…بابتسامه انا مقدرش يا ست العاقلين
ليله….امممم طيب قولي كلت
عشري….اه
ليله…..بتعمل ايه الوقت
عشري….ولا حاجه بشرب سيجاره و بشرب قهوه
ليله….القهوه المعفنه بتاعتك صح
عشري….طب بلاش انتي تتكلمي عن العفانه يا بتاعت الفسيخ وخدي بالك انتي و عداني تشربيها
ليله….ماشي يا سيدي هشربها قولي بقي انت مالك
عشري…..يعني ايه؟
ليله….مالك فيك ايه ؟
عشري….فيا ايه ما انا زي الفل و عمال ارغي معاكي و بضحك
ليله…اممممم بس انت ناسي اني بفهمك من صوتك
عشري….و صوتي ماله بقي
ليله…..مخبي عني حاجه مضايق مخنوق نبرتك مش مريحاني
عشري….هتعملي فيها بقي عندك حاسه سادسه
ليله….لا بس بحس بيك يمكن بتضحك و بتفتح مواضيع و بتتكلم بس انت مش معايا
عشري….بضحكه جميله والله امال مع مين
ليله….أسأل نفسك بقي انت معايا بنص عقل بس
عشري….عقلي كله معاكي يا ليله
ليله….طيب مالك بجد انا واثقه انك مش كويس
عشري….بإبتسامه يمكن واحشني حضنك
ليله…..يا سلام بس كده بكره لما تيجي هتلاقيني هناك عند اميمه و ليك عليا اول ما اشوفك هاخد بالحضن
عشري….وحياة امك علي اساس انك هتيجي
ليله….بضحك طب ما انت مركز اهو
عشري…طيب يا ستي انا موافق و مش هرجع في كلامي بس انتي قد كلامك هتاخديني بالحضن قدام الكل
ليله….بضحك لا خد بالك انا قد كلمتي
عشري….حلو و انا مستنيكي
ليله….بضحك استني بس متقفش في الكلمه بدل ما ابوك يطلع سلاحه و يطخنا
عشري….ليه و انا هستني ابويا انا اللي هطخك
ليله…ليه بقي ان شاء الله ده انا هحضنك
عشري….لا شكراً لما تبقي مراتي ابقي احضنيني قدام اي حد
ليله….والله انا هحضنك قدام اهلك مش ناس غريبه
عشري….لا يا قلبي و انا مش هعمل كده فيكي و لا مستعد اخلي حد يشوفك جريئه
ليله….ماشي يا سيدي و عموما يعني انا عيله اكيد مش هعمل كده اخويا و جواز اخواتي موجودين يعني
عشري…..عاقله طول عمرك
ليله….طيب ايه هاجي
عشري…..تاني
ليله….خلاص مش عايزه و لا عايزه اعرف اصلا هتعملوا ايه
عشري….انا هقولك
ليله….لا شكراً مش عايزه
عشري….احسن بردوا هليها مفجأه احنا نحدد كل حاجه و اجي انا قبل فرحنا بيوم اقولك فرحنا بكره
ليله….وعلي ايه تتعب نفسك يا عريس كفايه تجيلي في نفس اليوم تديني فستاني و تقولي البسي
عشري….انتي صح
ليله….سكتت ثواني انما خير يعني مشغل ام كلثوم جنبك و الجو هادي مين معاك يا بلطجي
عشري….بابتسامه ليله
ليله….بضحكه جميله لا يا حبيبي انا مش معاك انا لوحدي
عشري….مش مصدقاني افتحلك الكاميرا
ليله…..تعرف اني مشوفتش شقتك ولا مره
عشري….شقتك مش شقتي
ليله…امممم اه نسيت طيب لو سمحت بقي امشي من بيتي عشان مش بحب حد يبهدل الدنيا
عشري…..انا قاعد مؤدب و مش مبهدل الدنيا
ليله….طيب خلاص صعبت عليا و اصلا الجو برد حرام هتقعد في الشارع مش هتهون عليا
عشري….لا وشارع ليه هروح انام في حضن امينه
ليله….مفيش مرواح و مفيش حضن امينه هو حضن ليله بس
عشري….ماهي ليله قاسيه عليا انهارده مش عارف ليه
ليله….مقدرش
عشري….بابتسامه طيب بقولك ايه افرجك علي الشقه ولا لما تيجي تشوفيها احسن
ليله….اممممم لما اجي اشوفها بس استني هنا هو مين قالك بقي اني هقعد في زايد ان شاء الله
عشري…..امال عايزه تقعدي فين
ليله….هنا في التجمع
عشري…..طيب مش لما تشوفيها يمكن تعجبك
ليله….هي عجباك ؟
عشري….بإبتسامه اكيد و إلا مكنتش قعدت فيها
ليله…اممم طيب خلاص يبقي نقعد فيها
عشري….علي فكره انا بتكلم جد لو معجبتكيش شوفي المكان اللي يريحك
ليله….لا بهزر بس افرض يعني اني بتكلم جد
عشري….اكيد مش هتقعدي في مكان غصب عنك
ليله….بس اللي اعرفوا يعني ان اهلك كلهم قاعدين فيها
عشري….وانتي اهلي يا ليله و مكان ما يعجبك هكون
ليله…بإبتسامه ده بجد و لا كلمتين حلوين تثبتني بيهم
عشري….وحياة ليله من بكره لو عايزه اكلم نادين تشوفلك كذا مكان و انتي اختاري و لو علي اهلي ملكيش دعوه كده كده شقتي موجوده مش هتطير يعني و بعدين انا اللي هعيش معاكي
ليله….بإبتسامه ماشي يا سيدي بس عموماً انا معنديش اعتراض علي المكان
عشري…..ماشي بردوا هاخد منك كلمه لما تيجي تشوفيها
ليله….هو ده بيتكم اصلا يا عشري
عشري….احنا لينا بيتين و احد فيهم امي و ابويا قاعدين فيه و في علي اخويا الكبير و عمر و سليمان اما البيت اللي انا فيه انا و محمود و سليم و عدي
ليله….انت في الدور الكام
عشري….الرابع
ليله…اممم في اسانسير ولا لا انا صحتي علي قدي بقولك اهو
عشري….بضحكه هاديه فيه و لو مفيش اشيلك
ليله….هتفضل تشيلني بقي كل ما انزل و لا اطلع اجيب حاجه
عشري….لا ما انتي مش هتجيبي اي حاجه حاجتك كلها هتبقي عندك
ليله…..ايوووووه هات من الاخر و قولي هحبسك
عشري…..لا يا غبيه اقصد اي حاجه للبيت انا اللي هجيبها انما انتي انزلي
ليله….عشري بيتهيألي انا عمري ما سألتك السؤال ده انت ممكن تعترض علي شغلي
عشري….و اعترض ليه بتشتغلي رقاصه
ليله….بضحك لا بس يعني ممكن بعد الجواز تغير كلامك
عشري…..لسه متعرفنيش انتي ولا ايه انا مش بغير كلامي و بعدين اللي فهمتوا من شغلك يعني انك مش ديماً بتنزلي و لا هو الشغل اللي لازم تكوني في الشارع ديماً مش موظفه يعني
ليله….اكيد بس بيجي عليا وقت ممكن انزل كام يوم وراء بعض
عشري….وماله ادام حاجه تخص شغلك خلاص
ليله….ماشي طمنتني
عشري….هتنامي امته
ليله….ايه زهقت روح روح اقفل
عشري…اكيد مزهقتش انا بسأل عادي
ليله…..اهو ردك ده لوحده يخليني اتأكد ان احساسي صح و انك فيك حاجه
عشري…..لا والله و ردي ماله
ليله….معرفش يعني في العادي ردك بيكون غير كده
عشري….بيكون ازاي
ليله…يعني بتقولي مقدرش ازهق منك لا يا قلبي مزهقتش
عشري…..مزهقتش يا ست البنات و الله كان سؤال برئ و رد مش مقصود حلو كده
ليله…امممم ماشي هعديها عموماً لو هتنام هنام
عشري….صراحه انا عايز انام عشان هصحي علي الساعه سته ونص كده
ليله….سته ونص ايه الساعه ثلاثه ونص رايح فين بدري كده
عشري….مش رايح بس عشان اصحي الشباب و عدي اخويا هيروحوا لرشيد قولتلك
ليله….اه عشان الحاجه طيب هتصحيهم و تنام
عشري….اه هنام و اصحي علي 12 كده و هنزل
ليله…طيب تمام خلاص روح نام يا قلبي
عشري…نامي علي طول
ليله….هنام والله
عشري…بإبتسامه في حضني
ليله…..بضحكه هاديه في حضنك اكيد
عشري….تصبحي علي خير يا ست البنات
ليله….وانت من اهل الخير يا بلطجي
عشري….ليله بحبك
ليله….يالهووووي علي الصوت لا خد بالك انا بضعف
عشري…بضحكه تجنن طيب روحي يا مجنونه يلا
ليله….بحبك يا يا بلطجي قلبي
عشري….بإبتسامه تصبحي علي خير
ليله….وانت من اهل الخير باي
عشري….باي
…………..
في صباح يوم جديد
نزلت نادين ركبت عربيتها و اتحركت اتصل عليها ميدو
نادين….بإبتسامه صباح الخير اخيراً صحيت
عسال….انتي فين ؟
ضيقت نادين عينها و ابتسمت بإستغراب
نادين….ااااا انا في العربيه رايحه مشوار شغل
عسال….مشوار ايه مقولتليش
نادين….انا قولتلك امبارح بليل اني رايحه اقابل حد عشان عارض شقه و شاليه في مطروح و قولتلك اني هشوفهم و اروح لنوني علي المخزن عشان نسلم باقي الاوردرات اللي متبقيه و بس
عسال…..قولتيلي امته يا نادين انا معرفش غير موضوع المخزن بس
نادين….لا قولتلك يا ميدو انت بس اللي شكلك ناسي بأماره ما قولتلي هتقابليه فين قولتلك في كافيه قريب من المخزن وقولالي كويس و اوعي تقابلي اي حد في مكتب او مكان مقفول بس انت شكلك مش مركز و اصلا من امبارح بليل و انت مش كويس خالص لدرجه انك مردتش عليا لما قولتلك صباح الخير
سمعت صوت تنهيده طوياه و صمت دام ثواني و يمكن دقيقه
عسال…..انا اسف
نادين….علي ايه ؟
عسال…..لو ضايقتك مني
نادين…..انا مش مضايقه منك يا ميدو بس اول مره اشوفك كده و مش فاهمه انت مالك
عسال…مفيش يا روحي مخنوق شويه مش اكتر
نادين….طيب من ايه و لا مش عايز تقول
عسال….لا والله بس مفيش حاجه مهمه صدقيني
نادين….ازاي و انا اول مره اشوفك عامل كده ميدو هو في مشكله او حاجه حصلت بسببي
عسال….بسببك انتي ؟
نادين….اه يعني في حاجه في الببت عندك و لا انت مش حابب تروح لخالو
عسال….ناديييبين
نادين….طيب حط نفسك مكاني انت مش عايز تقولي مالك و طبيعي انا متوتره اصلا يعني اكيد دماغي هتفكر بالشكل ده من امبارح و انت صوتك غريب و بتتصل تطمن و تقفل علي طول حتي قولتلي هتنام و مسألتنيش زي كل يوم هتنامي امته خدتي العلاج ولا لا قفلتي الباب و لا لسه حتي مقولتليش عملتي ايه انتي و البنات و بخاول افهم مالك بتقول مفيش و انا واثقه انه فيه ميمنفعش بعد ما اكون متعوده منك علي حاجه معينه و اهتمام معين فجأه ملاقيش اي حاجه و كمان مش قادره اعرف مالك
عسال…..حبيبي اهدي
نادين….اااا انا انا هاديه
عسال….لا يا ماما مش هاديه متعصبه و جداً كمان و بتسوقي ممكن تقفي علي جنب
نادين….لا معنديش و قت و متأخره
عسال….نادين اقفي يا عمري
نادين…..قولتلك مش هقف انا كويسه
عسال…..بنبره عاليه نسبياً نادييييين اقفي علي جبن بقولك
هدت العربيه شويه و وقفت علي جنب سمع صوت العربيه و هي بتهدأ
عسال….وقفتي
نادين….وقفت
عسال….طيب خدي نفس بقي و اهدي شويه
نادين…..لا
عسال….حبيبي اسمعي الكلام
نادين….خلاص انا كويسه
عسال….طيب اسمعي الكلام و حياة ميدو
سكتت نادين ثواني غمضت عينها حاولت تهدي
عسال…..هاااا هديتي
نادين….بصوت هادي ايوه
عسال….طيب بحبك
نادين….بإبتسامه بسيطه و توتر شكراً
عسال….لا ده انتي زعلانه بجد بقي
نادين…..اه زعلانه عشان من امبارح بحاول اعرف مالك و انت مش عايز تقول وووو
عسال….حبيبي اهدي مش هعرف اتكلم معاكي و انتي متعصبه و صوتك عالي
نادين….انا صوتي مش عالي انا بس متعصبه
عسال….طيب نتكلم بهدوء ممكن
نادين….اتفضل
عسال…..ايه اللي مزعلك اوي كده عشان مش عارفه مالي و لا عشان كنت رخم شويه و معملتش معاكي الحجات اللي المفروض اعملها ؟
سكتت شويه و مردتش عليه
عسال…..ردي عليا يا حبيبي
نادين…..الاتنين
عسال….طيب انا كنت رخم عارف بس انا لما ببقي مضايق مش بعرف اتكلم كتير و بحب افضل ساكت عشان مبقاش رخم اكتر
نادين….اكتر من كده انا من امبارح حاسه اني مفتقداك طول اليوم انت مشغول وانا مشغوله يا دوب بنطمن بس علي بعض بليل انت قابلت الشباب وانا قابلت البنات و بردوا معرفناش نتكلم مصدقت روحت لاقيتك قولتلي هتنام و صوتك كان وحش جداً و فضلت اسالك مقولتش و قولتلي انك عايز تنام و قفلت بسرعه مع انك فضلت فاتح الفيس و الواتس شويه
عسال….بإبتسامه ااااه ده انتي بتراقبيني بقي
نادين….مش براقبك بس مكانش عندي نوم و كنت فاتحه عادي لاقيتك فاتح
عسال….طيب مبعتليش ليه
نادين….عشان المفروض انك كنت هتنام بس واضح انك كنت مشغول في حاجه مهمه
عسال…..بضحكه شقيه هو القمر بتاعي غيران ولا ايه
نادين….بتوتر اااا لا طبعاً
عسال…..بجد
نادين….قولتلك لا
عسال…ماشي مع اني مش مصدقك عموماً انا فضلت اقلب شويه و بعدين نمت والله مكنتش بعمل اي حاجه ده اولاً ثانياً انا بجد اسف معرفش اني هبقي رخم وازعلك كده و اسف كمان عشان مردتش الصباح بس نسيت انك نازله المشوار ده اما بقي عن سبب رخامتي فا انا من امبارح مش مظبوط يعني شديت شويه مع الشباب بسبب الشغل و مودي مكانش احسن حاجه
نادين….طيب كنت هتخسر ايه لو كنت قولتلي كده امبارح لما سألتك
عسال…..والله مزاجي مكانش حلو خالص وقولتك لما ببقي مضايق مش بعرف اتكلم عموماً اسف والله حقك عليا و مش هتتكرر تاني
نادين….اوك يا ميدو
عسال….نودي مش عايز اشوفك زعلانه
نادين….خلاص مش زعلانه
عسال…..بس انا شايفك زعلانه
نادين….بإبتسامه بسيطه لا مش زعلانه خلاص
عسال…..اكيد
نادين….اكيد
عسال…طيب قوليلي هتخلصي امته
نادين….مش عارفه يعني المشوار ده سريع بس معرفش هخلص المخزن ده امته
عسال….قبل ما تدخلي المخزن تكلميني عشان الشبكه جوه مش حلوه
نادين…حاضر
عسال…..بنوتي القمر هتفضل مبوزه كده
نادين….ااااا ايوه
عسال….خلاص لما اخلص مع خالك هاجي اصالحك موافقه
نادين….بإبتسامه موافقه
عسال….ماشي يا عمري خدي بالك من نفسك و لو في حاجه طمنيني اوك
نادين….حاضر
عسال….باي يا تويتي
نادين….باي
……………..
اما عند ايمي و رشيد خلص رسيد الصبح كل حاجه مع عشري و خدوا الشباب الحاجه ورجعوا بيها وعلي الضهر قابل ايمي و راحوا علي اول معرض عينه كانت حمرا خالص مش نابم كويس و بدأ يبان عليه اعراض التعب و مسؤوليات العريس اللي بيسابق الزمن عشان يخلص كل حاجه بسرعه.
……………..
اتصل سلامه علي ايه
ردت عليه و هي بتعطس
ايه….الوووو
سلامه….طيب قوليلي اعمل فيكي ايه
ايه…في ايه بس
سلامه…ايه انا متصل بيكي كام مره
ايه….ايوه كتير شوفتهم
سلامه….لا والله طيب انتي بتستفزيني و لا ايه حكايتك
عطست تاني و كان باين علي صوتها التعب
ايه…..طيب براحه ووطي صوتك الله يخليك هموت من الصداع
سلامه….طيب ردي عليا
ايه….طيب هو انت متعصب ليه علي الصبح
سلامه….صبح ايه يا ايه الساعه اتنين و نص
ايه….كنت نايمه والله انا لسه بفتح المحل حالا و لسه مبدأتش شغل
سلامه…..و من امته بتنزلي متأخر
ايه….مش باين علي صوتي اني تعبانه طيب
سلامه…..طيب مردتيش ليه
ايه….يا سلامه بقولك كنت نايمه و تعبانه و بعدين انا حاسه الوقت اني سخنه شويه مسمعتش و لما جيت اكلمك لاقيت الرصيد خلصان و المفروض اجدد الشحن بتاع الشهر و مروحتش لسه جيت افتح علي طول لاني متأخره
سلامه….طيب ولما انتي تعبانه كده نزلتي ليه
ايه….عشان عندي شغل كتير و مينفعش مفتحش
سلامه….ايه المشكله لو ارتاحتي يعني
ايه…..مفيش مشكله بس مش هينفع
لازم افتح
سلامه…..اشتراك الشحن ده ايه
ايه….فاتوره عادي
سلامه….ايوه بتعمليها ازاي يعني ولا اسمها ايه
ايه….انا هروح الوقت يا سلامه اشحنها
سلامه….بغضب اييييييه اخلصي متعصبنيش اكتر ما انا متعصب
ايه…..يا سلامه متبقاش مزعج بقولك وطي صوتك
سلامه…..طيب اخلصي عشان اشحنهالك
ايه…..لا مش هخلص و مش هتشحنلي
سلامه…..اهو مين اللي بيعصبني الوقت
ايه….يا غبي انت افهم مينفعش تعملهالي انت لازم انا اللي اعملها من الموبايل
سلامه….طيب اقفلي يا ايه اقفلي.
ايه….باي
قفل سلامه و قامت ايه تكمل تظبيط في المكان قبل ما تشتغل و هي مش قادره فات حوالي نص ساعه و سمعت صوت الكلاب عالي بصت عليهم لمحت سلامه داخل عليها ابتسمت بهدوء كان داخل عليها وهو متعصب
ايه…..سلامه
سلامه….ايه بقي حكايتك انتي
ايه….يا ابني سيبني في حالي انت بتقول شكل للبيع
بص عليها وشها كان احمر و مناخيرها و تحت عينها شاحب
سلامه….ايه منظرك ده
ايه….بضحكه بسيطه معلش الميك اب بتاعي خلص
سلامه….انا مش بهزر
ايه….طيب اقولك ايه مش باين عليا اني تعبانه
حط ايده علي راسها و بصلها
سلامه……ايه انتي سخنه اوي
ايه….بضحك لا يا شيخ انت كنت فاكرني بهزر معاك
سلامه….تعالي اقعدي هنا علي الكرسي انا مش بهزر الوقت
ايه….ادي قاعده عايز ايه بقي بتتخانق ليه
سلامه….بتخانق عشان قلقت عليكي بس سيبك مني الوقت انتي بجد ازاي نزلتي و انتي تعبانه كده و ازاي نزلوكي من البيت اصلا
ايه….محدش يعرف اني تعبانه
سلامه….ازاي يعني مش شايفينك نازله متأخر محدش سالك
ايه…..لا عشان محدش في البيت تامر راح شغلوا و سلمي نزلت بدري عشان عندها عمليه و بابا بيخلص ورق و حجات من بدري
سلامه….طيب نزلتي ليه بردوا
ايه….عشان في ناس حاجزه معايا من يومين و دافعين ديبوزيت و في ناس هتجيب الكلاب بتاعتهم استضافه لحد الساعه تسعه مقدرش لان دي سمعه مكان
سلامه…..طيب فين اللي شغال معاكي
ايه….مش هيجي انهارده عشان عنده محاضرات مهمه
سلامه…..هو انتي ناويه تعملي الكلاب دي كلها
ايه ….لا مش كلهم خمسه بس الباقي دول استضافه
سلامه…..والوحش اللي باصص علينا ده ايه ظروفه استضافه
ايه…لا هياخد شاور و يحلق
سلامه….وانتب متخيله هتقدري تعملي ده لوحدك و انتي تعبانه
ايه….متقلقش عليا شاكك في قدراتي ولا ايه
سلامه….ده وقت هزار
ايه….طب اعمل ايه بحاول افكك و انت زعلان كده
سلامه…..فطرتي
ايه….اااا اه
سلامه….احلفي
ايه….بابتيامه مفطرتش
سلامه…..واثق طبعاً خدتي اي دواء للبرد
ايه….لا مخدتش لسه بس معابا بنادول
سلامه….متاخديش اي حاجه و تعالي اقعدي هنا هرجعلك تاني
ايه….رايح فين لو هتجيب اكل متجيبش مش قادره
سلامه….بنظره غضب اقعدي مكانك بقولك
ايه….طيب
سلامه….صحيح هاتي موبايلك و عرفيني بتعملي البتاعه دي ازاي
ايه….طيب لحظه قامت راحت علي المكتب مسكت موبايلها و شنطتها طلعت الڤيزا امسك الباث وورد ثلاث سبعات واحد
بصلها سلامه بغضب خد منها الموبايل
سلامه…..اسمها ايه و لا بتتعمل ازاي
ايه….طيب امسك الڤيزا عشان اقولك
سلامه….خلصي يا ايه عشان هتعصب عليكي
ايه…..والله ما هقول الا لما تاخد الڤيزا
سلامه…خد من ايدها الڤيزا بغضب و بصلها قولي
قالتلوا ايه علي نظام الفاتوره بتاعتها بعد ما خلصت كلام ساب الڤيزا عي المكتب و بصلها
سلامه…..مش هتكلم معاكي الوقت عشان انتي تعبانه بس هنتحاسب بعدين
بصتلوا و سكتت و سابها وخرج
غاب عليها سلامه شويه و رجع كانت هي واقفي ماسكه كلب صغير بتحلق ليه قبل الشاور
سلامه….هو انا مش قولتلك تقعدي مبتسمعيش الكلام ليه
ايه….يا سلامه الكلاب دي ليها مواعيد شويه وهتلاقي صحابهم جايين وراء بعض ياخدوهم لازم الحق اخلص قبل سبعه
سلامه…..فين احنا و سبعه فين اغسلي ايدك و تعالي بسرعه عشان تفطري
ايه…انا مش مش فاهمه انت فيك ايه علي الصبح
سلامه….طيب امسكي نفسك بس بدل ما انتي ماشيه تطوحي كده
قربت منه و قعدت قدامه مكانتش قادره تفتح عينها و عينها لونها احمر
سلامه….امسكي افطري و بعد ما تفطري هتاخدي العلاج و ده تليفونك انا نفسي افهم بس انتي فاتحه سنترال موبايلك مش بيفصل رن رن
ايه…..مين اتصل
سلامه….وانا ايش عرفني كلها أرقام غريبه مردتش طبعاً بس اخر رقم ده اتصل اكتى من مره
ايه…..هات كده طيب
بصت علي الرقم طلع رقم صاحب الكلب الكبير اتصلت عليه و كل المكالمه كانت بتتكلم انجليش و بتضحك بهدوء و سلامه باصص عليها ورافع حاجبه قفلت ايه
سلامه….هو مستعجل ليه مش معاده سبعه ونص
ايه…..بابتسامه انت رامي و دنك
سلامه…..اه بس تبقي مصيبه لو اتكلمتي انجليش علي اساس يعني مفهمش و كده
بصتلوا بغضب بسيط و ضربتوا علي ايده
ايه…..اتنيل عارفه انك فاهم طبعاً بس هو بيأكد عليا قبل ما مراته ترجع
سلامه….مين دي و ترجع منين هو مسرب الكلب ولا ايه
ايه….بضحك يا ابني اسكت بقي
سلامه….مش فاهمه والله و الراجل ده اجنبي ولا ايه
ايه…هو عايش في المانيا من وهو طفل بس هو مصري بس مراته المانيه و ريتشرد كمان الماني
سلامه….الكلب
ايه….بضحك اه و اصلا الكلبه مش بتاعه يعني هو بتاعه اه بس هو بتاع صاحبته يعني صاحبته الكلب اقصد اللي هي تبقي مرات الكلب
سلامه….بضحك مرات الكلب لا استهدي بالله كده السخونيه تقريباً اشتغلت
ايه…..يا ابني افهم انا اقصد ان مراته تبقي صاحبته
سلامه…..اللهم صلي علي النبي لا انتي وصلتي
ضحكت ايه ضحكة تعب
أيه….يا سلامه بقي
ضحك سلامه و وطي شويه و هو بيضحك باس راسها و ضمها
سلامه….خلاص والله بهزر معاكي فهمت انتي تقصدي ان الكلب بتاع مرات الراجل اللي كان بيتكلم صح يعني هي صاحبته
ايه….بابتسامه اه يا رخم وهي كانت في مشوار من بدري و المفروض تجيب الكلب بكره فا هو عاملها مفجأه انه جابه انهارده عشان ميتعبهاش يعني فهمت
سلامه….حنين اوي يلا بلاش رغي كلي
ايه….سلامه هاكل والله بس بالله عليك خليني اقوم انجز شويه
سلامه….كلي عشان لازم تاخدي حاجه تنزل حرارتك دي يلا اخلصي و اشربي العصير ده و متعصبنيش
بصتلوا بقلة حيله كلت بسرعه و مقدرتش تكمل جابلها مايه و خدت العلاج قعدها غصب عنها تشرب العصير بعدين خدها غسلها و شها و رفع شعرها حاول يفوقها شويه
سلامه…..بقولك ايه قوليلي اعمل ايه وانا اساعدك
ايه….انت عبيط يا سلامه انا هخلص انا كويسه الوقت
سلامه….اخلصي مش هتقدري علي البغل ده
ايه….اسمه ريتشرد و احترموا عشان ده صاحبي
سلامه….شايفه مراته سمت الكلب ريتشارد مش علب اسم جوزها اعرف واحده سمت الكلب سلامه
ايه….بضحك ده حب ايش فهمك انت
سلامه…..صح انتي صح انا راجل مش بفهم يلا اخلصي
ايه….هتبهدل نفسك والله و بعدين ريتشرد بيغرق الدنيا
سلامه….اخلصي بقي يلا
ايه….طيب
بدأ سلامه يساعدها قعدها هي علي التربيزه بتاعه الحلاقه و الكلب اللي تخلصوا يرفعوا علي البانيو و يسألها يعمل ايه لحد ما خلصوا كل الكلاب و نشفهم كويس و ظبطهم و بعدين بصلها.
سلامه…..هو انتي ازاي بتقدري تعملي الشغل ده بجد
ايه….بضحك اكل العيش يا ابني
سلامه….لا بجد متعب اوي
ايه…طيب قوم يلا اغسل ايدك و وشك
سلامه…..غسلتهم خلاص
ايه….طيب هدومك اتغرقت
سلامه….ااا لا انا لبست البتاع اللي ادتهولي ده و تمام
ايه…..هنا في مايه انت مش معاك چاكت؟
سلامه….معايا في العربيه متقلقيش
ايه….سلامه انا بجد تعبتك اوي و حاسه اني ابتديت اكون مزعجه
سلامه…..بابتسامه حاسه يعني مش متأكده
ايه ضربته علي ايده
سلامه….بضحك ااااه خلاص خلاص بهزر قوليلي انتي ايه اللي عمل فيكي كده كنتي كويسه امبارح
ايه….والله ما اعرف انا امبارح كان عندي رشح بسيط اوي بس الصبح صحيت لاقيت نفسي كده
سلامه….انت لسه دافيه
ايه…..لا فوقت شويه و الله الوقت ابقي احسن
سلامه…..بابتسامه سلامتك يا قلبي
ايه….بابتسامه جميله مسكت كفه شكراً
سلامه….بحب حط كفه التاني فوق كفها علي ايه يا عبيطه
ايه….علي كل حاجه انا بجد كنت تعبانه اوي و كنت بقاوح لاني مجبره اخلص شغل انهارده من غير تأجيل و المشكله ان انهارده الظروف كلها كانت ضدي مقدرش اكنسل و مفيش حد في البيت ولا الولد اللي معايا موجود مكنتش عارفه اخلص ازاي الشغل ده كله ربنا يخليك ليا
سلامه…اي خدمه يا ستي انا بقول بقي تمشي الواد اللي معاكي ده و تشغليني معاكي اهي لقمه عيش جديده الواحد يقلب رزقه فيها
ايه….بضحك باصص للغلبان في مرتبه
سلامه….طب قوليلي بياخد كام
ايه…بضحك مش هقولك سيب الواد في حاله
سلامه…بضحك يا ستي فضول
ايه….هو مفيش مرتب ثابت لان هو مش موجود معايا غير ثلاث ايام في الاسبوت بس يعني تقدر تقول حوالي 3 الاف
سلامه….يا ابن المحظوظه ثلاث ايام في الاسبوع بثلاث جنيه طب بقولك ايه انا هاخد الف و نص
ايه….بضحك اه يا مفتري ده انت من يوم واحد جبت اخرك
سلامه…..بابتسامه صراحه ربنا يكون في عونكم و خدي بالك انا شكلي هفكر في الموضوع ده بجد
ايه….تفكر فيه ازاي يعني مش فاهمه
سلامه….يعني بعد جوازنا مش هيبقي في شغل
ايه…بابتسامه لا والله طيب كويس انك قولتلي عشان يبقي عندي سبب ارفضك عشانه
سلامه….ترفضي مين يا بايره انتي تطولي يا بت
ايه…..بضحك احترم نفسك
سلامه….بجد بقي مش بهزر الموضوع متعب ايه
ايه….بس مربح و يستاهل يا سلامه ودي اكتر حاجه بحبها
سلامه…..يبقي لازم يكون معاكي حد ثابت لاني عمري ما هسمح ابداً انك تتعبي بالشكل ده
ايه….ماشي نبقي نشوف الموضوع ده بعدين او تبقي تشتغل معايا انت
سلامه…يا سلام موافق صحيح انتي مش كنتي متحمسه لفكره عسال في موضوع مزرعه الكلاب
ايه….صحيح فكرتني لاقيت لارثر عروسه نفس سلالته
سلامه….بجد
ايه….اه والله و صاحبها معندهوش مانع و مش بس كده هو قالي مش هيحتاج من الجراوي اللي هتتولد لانه عنده كلاب تاني
سلامه…طيب حلو اوي انا هقول لعسال و لو كده ظبطوا مع بعض و اتشاركي انتي و هو ولو الموضوع كبر يبقي ترتاحي من شغلك ده و علي الاقل هتبقي بردوا بتشتغلي في حاجه بتحبيها و لو مصممه تفضلي فيها علي الاقل المشروع لو كبر تشغلي معاكي كذا حد
ايه….تمام شوف عسال هيقولك ايه عشان اتفق مع صاحب الكلبه
سلامه….ماشي تعالي قربي كده اشوف حرارتك
ايه…..نزلت
سلامه…..يعني شويه بس انتي لازم تروحي ترتاحي يا ايه
ايه…لما صحاب الكلاب يوصلوا و ياخدوا كلابهم
سلامه……لسه ساعه بقولك ايه تعالي اروحك و انا هرجع تاني و لما يوصلوا و يمشوا هجيبلك المفتاح
ايه….لا طبعاً مش هتعرف
سلامه…..مش هعرف ايه عرفيني انتي مين اللي هيستلم كل كلب فيهم و متقلقيش
ايه…مش هتعرف والله صدقني
سلامه….انا معنديش اي شغل او اي حاجه الوقت و هقابل عسال علي ثمانيه يعني متقلقيش
ايه….مش هتلحق يا سلامه
سلامه….هلحق ملكيش دعوه انتي يلا قومي تعالي اوصلك
خدها عسال غصب عنها و لم حاجتها و قفل المحل بالمفتاح من بره و راحوا علي العربيه وصلها لحد البيت و علي حظهم احمد كان راجع و وقف قدام الباب لما شافها معاه ضيق عينه شويه و بصلهم
ايه…..بهمس و تعب ده بابا
سلامه….نهار اسود ده هياكلني علقه
ايه….بابتسامه بش بقي متضحكنيش
سلامه…..انزلي لو اتعصب هقولوا انتي اللي قفشتي فيا
ايه….اه يا ندل
فتحت الباب ونزلت و بصت لاحمد
ايه….ازيك يا بابا
احمد….انتي كنتي فين ؟ و ايه اللي جاببك بدري
سلامه….احممم مساء الخير يا عمي
احمد….اهلاً ازيك يا سلامه
سلامه….الحمد لله اااا احمم انا بس كنت بوصل ايه لانها تعبانه
احمد…بصل لايه مالك فيكي ايه
سلامه….انا اتصلت بيها و لاقيت صوتها تعبان و قالتلي انها نزلت المحل و مكانش في حد في البيت روحتلها و كانت سخنه اوي
احمد….حط ايده علي راسها يا خبر انتي سخنه اوي
ايه….متقلقش انا احسن من الاول سلتمه جابلي فطار و علاج و هبقي كويسه
احمد….ايه اللي نزلك طيب و انتي كده و ليه مكلمتنيش
ايه….الفاتوره بتاعت الموبايل خلصت و سلامه شحنهالي اما جالي وكان لازم انزل عشان عندي اكتر من حجز
احمد…حجز ايه و بتاع ايه و انتي عامله كده
سلامه….والله قولتلها قالتلي ان كل الناس دي دافعه ديبوزيت
ايه….انت عارف يا بابا التأجيل و التأخير مش كويس عشان المكان
احمد….عارف بس هتشتغلي ازاي و انتي عامله كده
ايه….متقلقش انا معملتش اي حاجه قولت لسلامه و هو عمل كل حاجه و خلص الكلاب كلها بس هو رجعني و هيرجع تاني المحل عشان الناس هتستلم بعد ساعه
احمد….تعبناك معانا يا سلامه
سلامه….تعب ايه بس يا عمي متقولش كده
احمد…..طيب روح انت يا ابني شوف اللي وراك و انا هطلعها و اروح علي المحل
سلامه….لا لا انا هروح و هرجعلكم المفتاح لما اخلص و معلش خليك معاها متسيبهاش لوحدها
احمد….يا ابني شوف انت اللي وراك و بعدين انت مالك مبهدل كده ليه
ابتسمت ايه و نزلت وشها تحت
سلامه…بصلها و ابتسم و بعدين بص علي نفسه ما هو من الكلاب بقي الله يسامحهم
قرب تامر منهم ركن العربيه و نزل بسرعه
تامر….اهلا ازيك يا سلامه
سلامه….تيمو اخبارك يا حبيبي
تامر….كله تمام مالكم واقفين كده ليه
احمد….مفيش يا سيدي اختك سخنه و سلامه جابها
تامر….ايه ده مالك يا مصيبه ما انتي كنتي زي القرده
ايه…..شكراً يا سيدي
احمد….بقولك ايه كويس انك رجعت اختك كان عندها عندها شغل و نزل و هي كده و سلامه ساعدها و لسه الناس مستلمتش كلابها تروح بقي انت علي المحل تسلم عشان الراجل يشوف اللي وراه تعب معاها و اشتغل بدالها
ايه….اه يا تامر معلش عشان سلامه المفروض يقابل عسال عشان يروحوا لخال نادين و يطلبوا ايدها و اكيد مش هيروح كده
تامر….بابتسامه لا ما هو اسمعوا انا مش جاب و طالع ده انا جاي بسرعه عشان اخد حجات للشغل و هطير عشان في ناس مستنياني
احمد…..يا اخي خلي عندك دم
تامر….بضحك والله ما هعرف و بعدين ما تروح انت يا حاج
احمد….هسيب اختك مولعه كده افرض تعبت و هي لوحدها و سلمي لسه مش هتيجي الوقت
سلامه….بإبتسامه ماقولنا اروح انا قولتوا اطلع من البلد
ضحكت ايه و بصتلوا
احمد….يعني الحق عليا مش عابز اتعبك و بعدين انت هتروح ازاي بمنظرك ده تطلب ايد البنت
سلامه….هو ماله منظري انا معفن اوي كده يعني
احمد…كلك شعر و هدومك متغرقه
ايه كانت واقفه هي و تامر ميتين من الضحك
سلامه….هخلص و اروح اغير
احمد….انتوا معادكم امته مع خال نادين
سلامه….ثمانيه
احمد….طيب والناس دي اخر حد هيستلم امته
سلامه….سبعه و نص
احمد….مش فاهم هتطير يعني هتقابل اخوك و لا هتغير و لا هتروح للراجل
سلامه….متشغلش بالك انا هروح علي طول علي خال نادين و هقابل عسال تحت و هخليه يجيبلي تيشرت اطلعوا بقي ايه مش قادره تقف
احمد….انت حر مش فتحت اصدرك اتحمل بقي
سلامه….بهمس مسموع ايه المعامله دي
ايه و تامر كانوا واقفين بيضحكوا عليهم
تامر…..معلش بقي يا سلامه مش عملت فيها جدع اشرب
سلامه…..حتي انت ماشي ياعم يلا انا هروح بقي و هرجعلكم المفتاح
احمد….كمان هترجع المفتاح طيب
سلامه….طيب يا حاج عايزين حاجه
ايه….بضحك شكراً يا سلامه
تامر…..بضحك شد حيلك
سلامه….ادي اخرت الجدعنه
ضحكوا عليه الثلاثه و راح ركب و مشي
احمد….بأبتسامه ايه المجنون ده
تامر….والله عسل
احمد….طب اطلع ياللي معندكش دم انت كمان
مشي سلامه بالعربيه و كان لامح محل كبير بتاع الوميتال دخل
سلامه….سلام عليكم
عليكم السلام اتفضل
سلامه…..بقول لحضرتك انا عندي كده محل جنبكم المحل اللي هو بتاع الكلاب
اه عارفه ماله
سلامه…..كنت عايز اعمل حاجه هو انا مش عارف هي ايه بالظبط بس يعني في مساحه جوه صغير اوي يعني لو بغير فيها بتاع مش عايز يكون مكشوف يعني لو حد دخل من اول المحل و دخل علي جوه يقدر يشوف اللي بيغير فا انا عايز اعمل حاجه تمنع الموضوع ده
اه فهمتك طيب انت عايز تقفلها بباب يعني
سلامه….لا بص انا هوصفلك هو المحل الدخله بتاعته طويله و اخره علي الشمال في مساحه صغيره حوالي مترين يادوب محطوط فيها البانيو يعني شبه مفيش مساحه فا اللي بيغير بيقف في حته كده حوالي نص متر او اكتر شويه فا لو حد دخل لجوه هيلمح اللي بغير واقف قدام البانيو فهمتني
اممممم فهمتك بس كده مفيش مساحه و لا ينفع يتحط باب يعني من كلامك اللي بيغير بيغير في المساحه اللي جوه دي و مفيش ركن مثلا خاص يتعمل عليه باب
سلامه…..بالظبط فا شوفلي حل بقي
امممم طيب كده مش هينفع غير باب صغير بروڤا زي الاوكرديون كده
سلامه…مش فاهم
تعالي معايا هوريك واحد و هتفهم كلامي و لو ينفع معاك يبقي مفيش غير الحل ده
سلامه….طيب تعالي فرجني
قام سلامه معاه مشي لاخر المحل و دخل معاه من باب تاني زي المخزن
اهو هو ده بيتهيألي عملي و مش محتاج اي حاجه
سلامه…ايوووووه فهمتك الوقت الله ينور حلو اوي ده بس قولي ده بيتحط كده مش بيتثبت
ممكن يتثبت عادي لو في زاويه بيتحط فيها مفصلات و هو بيتشد و يتلم من جنب واحد بدل اتنين
سلامه….مش مهم انا عايزه ثابت و كفايه جنب واحد يتشد و بعدين مساحته صغيره يعني يادوب اللي واقف وراه متغطي
بالظبط هو انا عندي اكبر اللي هناك دول زيه بالظبط بس ملمومين لما بيتفتحوا بيبقوا حوالي مترين
سلامه….لا مترين يبقي بيغطي المساحه كلها جوه و مش هيبقي ليه مكان
بالظبط انا لما فهمت طلبك لاقيت ان ده انسب حاجه عشان ميخنقش المكان
سلامه…طيب قولي بقي ده للبيع و لا بتاع حد
لا مش بتاع حد للبيع عادي لو عايزه خده
سلامه….اه ياريت و ياريت كمان لو ينفع يتركب الوقت
اممممم هو ينفع بس اديني ربع ساعه عشان ابني بيركب شباك هنا قريب و راجع و لما يرجع هجيلك
سلامه….بس بقولك ايه انا نص ساعه بالكتير و هقفل المحل يعني بالله عليك متتأخر عليا
متقلقش والاه هو جاي اصلا خلاص هجيب الباب و المفصلات و اجيلك انا عارف المحل
سلامه…..طيب تمام قولي حسابك كام
لما اجيلك نتحاسب مش هنختلف
سلامه….ربنا ما يجيب خلاف بس قولي حسابك
هو عامل ثلاث الاف ونص عشانك ثلاثه و متين
سلامه….تمام امسك كده دوووول الفين
طيب خلي و نتحاسب لما اجي
سلامه….امسك بس بالله عليك ما تتأخر عليا
وراك علي طول والله يجي بس ابني و هجيلك
سلامه…..تمام يلا سلام عليكم
عليكم السلام
مشي سلامه علي المحل
في منزل ايه.
تامر…..هو مش قالك هيجيب هو المفتاح سيبه بقي الراجل عايز يحس انه عمل حاجه
احمد….يا ابني خلي عندك دم أختك بتقول انه معاها من بدري و هو اللي خلص الكلاب كلها و نضف المكان ورجعه زي ما كان و راح جابلها فطار عشان نزلت من غير ما تاكل و جابلها علاج وشحنلها فاتوره موبايلها و بعدين انت مش شايف الراجل اتبهدل ازاي و هو رايح مشوار مهم هخليه كمان يرجع يجيب المفتاح و يتأخر
ايه…..بصراحه هو تعب اوي مخلنيش عملت حاجه والله و الكلب الكبير هده بجد
تامر…..بابتسامه والله لو انتوا الاثنين سألتوا هيقولكم علي قلبي زي العسل
احمد….ما تتلم و حط لسانك في بوئك
تامر….بضحك اوبااااا واضح ان حمودي غيران عليك يا قمر
ابتسمت ايه بإحراج و سكتت
احمد….والله شكلي هفتح دماغم
تامر…بقولك ايه عايز تروح انت حر و لو عليا كل اللي أقدر اعملوا حالياً هديك قميص لسه متلبسش حته بقي لويس فيتون تجنن و هو نفس نقاصي تقريباً و هيليق اوي علي بنطلونه و بورقته ها بورقته بس مش خساره فيه و عشان اكمل الواحب للاخر هديك ازازه برفيوم و انا كده ابقي عملت اللي عليا
احمد….يا ابني هروح للراجل اقوله ابني بعتلك لبس هو شحات
ايه…..بضحك عادي يا بابا يعني مفيهاش حاجه و بعدين هو مكانش عامل حسابه يجيلي اصلا لو عانل حسابه كان جاب تيشرت او قميص
احمد….يا بنتي احسن يزعل و يفكر اننا بنعمل كده رد جميل يعني عن اللي عملوا معاكي
تامر….يا حاج حمودي رد جميل ايه و بتاع ايه جيلنا غير جيلكم احنا جيل بيتعامل و مبيحطش فرق شباب مع بعض يعني و بعدين هو انا باعت حاجه ملبوسه ده لسه جديد اديهوله انت بس و هو هيتعامل
احمد….طيب افرض مجاش مقاسه
ايه…هيجي هيجي تامر قريب من مقاسه
تامر…..قريب ايه هو مقاسه يلا بقي امسك القميص اهو و استني اجيبلك البرفيوم
راح بسرعه جابله ازازه برفيوم boos
تامر…..بص لايه و ابتسم كده يروح مشواره وهو زي القمر عداني العيب بقي و لا ايه
ابتسمت ايه و غمزلتوا بشقاوه
ايه….اشطا
احمد…..والله انا هتشل علي ايدكم انتوا الجوز قريب و شكلها كده هيبقي علي ايد التاني اللي قاعد في المحل
قرب تامر من ايه حط ايده علي كتفها و فضلوا يضحكوا علي احمد
تامر….بابتسامه بت يا ايه بقولك ايه انتي سخنه بجد روحي خدي شاور قبل ما بابا ينزل
ايه….هروح الوقت
تامر….يلا انا همشي بقي بسرعه عشان متأخر بس بقولك ايه
ايه….قول
تامر….هو ممكن سلامه يزعل بجد
ايه….يزعل ايه ده هاري سرقه لبس من عسال خد بالك ممكن ميرجعش القميص اصلا
تامر….بضحك اوبااااا طلع حرامي يعني عموما يا ستي حلال عليه كده كده مش هاخده اكيد مع انه غااااالي بس يلا مش خساره فيكي انتي و هو
ايه…..وانا مالي انا هو انا اللي هلبسو
تامر….تصدقي انا غلطان بشرفك قدامه يا جزمه يلا سلاااام
ايه….بابتسامه سلام يا تيمو
……………
بعد حوالي نص ساعه و صل احمد قدام المحل ركن العربيه و نزل لمح سلتمه واقف مع صاحب المحل بتاع الالوميتال و كان بيحاسبه علي حاجه
سلامه…..تسلم ايدك تعبتك معايا يا ريس
قرب احمد و طلع علي الرصيف و هو بيبص للراجل اللي راح ركب عربيته و بص لسلامه
سلامه….هو حضرتك ايه اللي جابك
احمد…..هو ايه اللي جابني انت كنت بتبيع المحل ولا ايه
سلامه….بضحك لا محل ايه اللي ابيعوا
احمد….امال ايه اللي جابك
سلامه….بضحك مقصدش يا حاج بس يعني تعبت نفسك ليه كنت هجيلكم انا فاضل كلبين بس
احمد….بنبره عصبيه بس مضحكه كأنه بيكلم ابنه الصغير انت مش عندك مشوار يا ابني
سلامه…..اه ما انا كلمت عسال قولتلوا اني هقابلوا علي طول و قولتله يجيبلي لبس و كده
احمد….هو خال نادين ده فين ؟
سلامه….مش عارف هو عسال قال في وسط البلد بس يعني هنتقابل علي الطريق مش هتأخر هسلم اخر كلبين و امشي
احمد…..يا ابني قدامكم علي المعاد ساعه الا ربع لسه هتروح و تقابلوا وتغير و عايز تستني لسه تسلم اخى كلبين يعني هتعمل كل ده في نص ساعه فاكر نفسك سوبر مان
ابتسم سلامه و هو كاتم ضحكته
سلامه….ااا معلش يعني حتي لو اتاخرنا عن المعاد ربع ساعه مش قصه
احمد….ربع ساعه مش قصه انت عارف انا لو جايلي عريس لبنتي و فضل لاطعني كده و هو جاي يتمختر هرفضه
سلامه….بضحكه بسيطه طيب كويس ان حضرتك قولتلي عشان اعمل حساب الوقت يعني
ابتسم احمد غصب عنه وهز راسه شمال ويمين
احمد…..مين الراجل ده بيتهيألي اني شوفته قبل كده
سلامه….بضحك ده اللي هيشتري المحل
احمد…..انا قولت بردوا مش مرتاحلك
سلامه….بضحك لا بهزر ده عنده محل الوميتال هنا جنبكم
احمد….ايوه صح عرفته انا بردوا بقول شوفتوا فين المهم ماله ده انت عارفه يعني و لا ليه كلب هنا
سلامه….لا كلب ايه انا اول مره اشوفوا انهارده بس كنت بخليه يعمل حاجه كده في المحل
احمد….حاجه ايه يا ابني انت المحل عجبك ولا ايه
سلامه….بضحك اهدي بس يا حاج كل الحكايه اني كنت بركب باب كده زي البروڤا تعالي شوفوا
احمد….وريني يا سيدي باب ايه ده كمان
دخل مع سلامه علي جوه
سلامه….اهو
احمد…..ده ايه ده ايه مقالتليش يعني انها بتعمل حاجه في المحل
سلامه….بابتسامه هرش في راسه لا ماهي ايه متعرفش اني هعمل كده انا خدت الراجل وانا راجع و جيبته ركبوا
احمد….و ليه ركبتوا يعني مش فاهم
سلامه…اااا احم يعني ااا فاكر لما جيت يعني لايه و ووو
احمد….ما تنطق يا ابني نشفت ريقي
سلامه….بضحكه بسيطه يعني لما روحنا الملاهي وكده
احمد….اااااه لما رجعتها بأصابه في مناخيرها
سلامه….بضحك اه هو اليوم ده لما جيت يعني ايه قالتلي انها هتدخل تغير و كده فا بصراحه المكان مفتوح و كنان في شاب بيشتغل معاها فا قولت وارد يدخل فجأه و هو مش عارف انها بتغير يعني قولت كده احسن عشان تكون براحتها صراحه يعني انا كان نفسي اعمل باب و يكون مقفول اكتر بس للاسف مفيش مساحه و ده الحل الوحيد يعني علي الاقل تبقي حاجه ساتره شويه المكان
بصلوا احمد و هو رافع حاجبه و مضيق عينه و مبتسم ابتسامه خفيفه
ابتسم سلامه بصلوا و بعد عينه و بعدين بصلوا بطرف عينه شويه
سلامه….اااا ايه ؟ معجبتكش الفكره
احمد….بإبتسامه تسلم ايدك غلبتني مفكرتش فيها انا دي خالص
سلامه….بإبتسامه واسعه اااا طيب يعني كويس انها عجبتك و كده اااا يعني متقولش لايه بقي خليها تتفاجئ
احمد…..قصدك خلي قلبها يقف لو دخلت شافت المنظر ده قدامها هتتصرع و تفكر في حد واقف
سلامه….بضحك لا لا هلموا شويه
احمد….بإبتسامه طيب امسك و بطل رغي
سلامه…ايه ده
احمد….ده قميص تامر بعتهولك و متقلقش لسه جديد كمان في ازازه برفان حط منها و دراي ريحة الكلاب اللي طالعه منك دي
سلامه….بضحكه جميله ايدك قولت من الكلاب مش مني بس بقولك ايه عسال هيجبلي و بجد شكراً يعني علي تهتمام تامر
احمد…..يا ابني امسك انا مش بعزم عليك و يلا عشان تروح مشوارك
سلامه….و الله هجيبلي متقلقش
احمد….شايف البتاع اللي انت ركبتوا ده روح وراه غير و مش عايز رغي انا مش بحب المناهده ولا عايز تعصبني عليك
سلامه…..بابتسامه لا وعلي ايه تسلم ايدك
سابوا احمد وخرج قعد بره
وقف سلامه و هو بيضحك قلع التيشرت و فتح المايه ظبط نفسه و بعدين سحب كام منديل نشف فيهم و بعدين طلع القميص و بص عليه عجبوا لبس و قفل الزراير شويه و ساب الباقي و حط من البرفيوم و بعدين طلع
بص عليه احمد بابتسامه شبه معدومه باينه بس في عينه
احمد….كويس طلع مقاسك
سلامه….اه بس ايه رايك حلو
ضحك احمد و هز راسه شمال و يمين
قام احمد قرب منه بص سلامه بتقرب
سلامه….في ايه
احمد….مسك التيكت هتمشي بالتيكت
سلامه….بضحك اااا مخدتش بالي
احمد….طيب يلا عشان متتأخرش
سلامه….طيب اتفضل ده المفتاح ووووو اتفضل كده دي الفلوس اللي خدتها من الناس اللي استلمت قالوا ان ده باقي الحساب
احمد…..ماشي يا سيدي تسلم ايدك
سلامه…علي ايه بسيطه ااا متأكد ان حضرتك مش عايزني معاك لحد ما تسلم باقي الكلاب
احمد….دول كلهم كلبين و بعدين هسحب الباب و همشي يا ابني امشي الله يباركلك روح معادك
سلامه….بضحك ااا ماشي تمام مش عايز اي حاجه
احمد….استني قولي حساب الباب و الحاجه اللي جبتها لايه كام
رفع سلامه حاجبه و بصلوا
احمد….ايه باصصلي كده ليه مش ده حقك
سلامه…..طيب ترضهالي
احمد….بابتسامه بسيطه لو حقك ارضهالك وبعدين يعني تدفعلها كل ده ليه
سلامه…احمممم طيب بص انا الوقت رايح مع اخويا عشان يطلب ايد نادين و زي ما حضرتك قولت كده لازم اروح عشان متأخرش اخلص بس من موضوع اخويا و حضرتك تخلص من موضوع سلمي و حسان يوم الجمعه و هتصل بيك اخد منك معاد عشان اجي اطلب ايد ايه و بيتهيألي كده في سبب داعي يسمحلي ان ادفعلها يلا سلام عليكم
ابتسم احمد بهدوء و عليكم السلام
ابتسم سلامه لأحمد و طار بسرعه من وشه ركب عربيته و مشي.
احمد…..بأبتسامه ماشي يا سي سلامه
وللحديث بقيه…….
