لقاء كارثي

لقاء كارثي
أميره أسامه
صاحبة البطل الواحد

~° البارت الرابع و الثلاثون°~
……………….

وصل سلامه لعسال تحت بيت خال نادين كان يادوب عسال واصل قبله بكام دقيقه و كانوا مع بعض طول الوقت بالتليفون.

عسال…..بإبتسامه ايوه بقي مين فين العريس بالظبط امال مخليني اجيبلك قميص ليه

سلامه…..ايه رأيك انفع عريس؟

عسال….تنفع طبعاً بس ننزل من عند الراجل هطلع عين اهلك انت بتجيب لبس من ورايا و بتخبيه و كمان لويس فيتون

سلامه…..بضحك انت تعرف اني بجيب حاجه من وراك ده مش بتاعي

عسال…امال بتاع مين ؟ اكيد مش مصطفي عشان مقاسه اصغر واكيد نش بتاعي انا معنديش اللون ده

سلامه….بصلوا بطرف عينه ده بتاع تامر اخو أيه

عسال…..بضحك نعم يا روح امك هي وصلت لكده طب ازاي

سلامه…بضحك هو انا مش قولتلك اني كنت بساعدها و اتبهدلت

عسال…..اه تقوم سالف من اخوها لبس لا انت حالتك بقت متأخره اوي

سلامه….يا عم انا لا استلفت ولا اتهببت هبقي افهمك اللي حصل بس خلينا نطلع للراجل اللي مستني ده

عسال….طيب يلا بينا و نبقي شوف حوار القميص ده بعدين

سلامه….ماشي يا عريس يلا قدامي.

عسال….امسك علبه الشيكولاته دي

سلامه….كمان هبقي شيال يلا ياعم

مسك عسال موبايله واتصل علي نادين.

نادين….الوو

عسال….ايوه يا حبيبي انا وصلت خلاص و سلامه معايا لنا انزل هكلمك عشان اشوفك فين

نادين….بتوتر ماشي اوك

عسال….بابتسامه باي يا عمري

نادين….باي.

طلع عسال علي فوق هو و سلامه و استقبلهم خال نادين سلموا علي بعض و عرفوا عسال علي نفسه و علي سلامه و دخلوا علي الصالون معاه.

…………….

خلص أحمد تسليم الكلاب كلها و بعدين قفل المكان كويس و راح علي العربيه رن موبايله طلعه من جيبه لقاه حسان.

احمد…..سلام عليكم

حسان….عليكم السلام يا عمي اخبار حضرتك ايه

احمد…..الحمد لله يا حسان كله تمام انت عامل ايه و هنا اخبارها ايه

حسان….بخير والله كله تمام بعتالك السلام

احمد…..حبيبة قلبي الله يسلمها يارب

حسان….انا كلمتك في وقت مش مناسب و لا ايه

احمد….لا خالص قولي في ايه

حسان….اممم يعني انا عارف ان مينفعش في التليفون بس معلش مضطر بقي أسالك علي حاجه واخد رايك

احمد….خد رأيي يا سيدي

حسان…..يعني كنت عايز أسأل يوم الجمعه بأذن الله معادنا زي ما اتفقنا بس يعني اليوم هيمشي ازاي

احمد….يعني ايه هيمشي ازاي مش فاهم

حسان….يعني اكيد اهلي هيكونوا معاك هتتعرف عليهم و يتعرفوا عليك فا عايز افهم هي قاعده تعارف بس

احمد….بابتسامه عايز ايه يا حسان قولي

حسان….بأبتسامه كنت بقول يعني لو ينفع نقرأ فاتحه و نلبس الدبل و كده يعني اصل بصراحه لا انا فاهم ولا حتي سلمي يعني حابين نفهم هتبقي قاعده عائليه و نحدد بعدها كل حاجه و لا هي تقول للبنات وانا اقول للشباب و كده يعني

احمد….بضحكه هاديه شوف انت و سلمي ايه اللي يريحكم و اعملوه انتوا جيل مستعجل اصلا

حسان….بابتسامه مش حكايه مستعجلين والله بس بناخد رأي حضرتك و بصراحه يعني اكيد مستعجلين مفيش حاجه تخلينا نأجل ولا ايه

احمد…..بابتسامه ماشي يا سيدي عرف صحابك و هي تعرف صحابها و نفرح كلنا بيكم

حسان…..بإبتسامه ربنا يخليك ليا يا عمي

احمد…..شكراً يا سيدي يلا سيبني بقي بلاش رغي و جعتوا دماغي كلكم و بعدين هلاقيها منك و لا من اللي اسمه سلامه يلا امشي

حسان….بضحكه جميله سلام

احمد….سلام يا سيدي

قفل معاه و ركب و مشي اما حسان فا فضل يضحك وهو بيكلم نفسه

حسان…..عملت للراجل ايه يا سلامه الكلب و الله ايه كان معاها حق لما سمت الكلب علي اسمك اتصل عليه بس بمجرد ما رن سلامه كنسل

……………

وصل عشري مع ابوه و علي اخوه و عمر و فضل و والد فضل و كان في استقبالهم وليد اخو ليله و جوز اميمه احمد و جوز قمر سامح

وصول احمد البيت سلمي و ايه وضحكهم و كان معاهم ولاد اميمه حمزه ونوح.

دخول عشري هو و والده و اخواته و فضل و والده كان ليه هيبه و حضور مش معقول والد عشري و والد فضل كانوا لابسين زي بودي جلبات و شال علي راسهم كان شكلهم يجنن اما الشباب كانوا لابسين بنطلونات و قمصان عشري كان لابس قميص اسود و بنطلون اسود هو كمان شكلوا كان يجنن

أميمه كانت واقفه من بعيد عند المطبخ بتبص مش شيفاه بس شايفه رجاله كتير و كلهم طول بعرض و اتنين منهم لابسين لبس بدوي كان في هيبه غير عاديه طاغيه علي المكان

اميمه…..يارب لو فيه خير ليكي يا ليله يا بنت قلبي ربنا يقربه منك ويسعدك يا بنتي يارب.

في الوقت ده ليله كانت بتتصل عليه و هو بيكنسل

ليله…والله لا اطين عيشتك يا بلطجي

كانت متوتره جداً و هتتجن و تعرف وصل ولا لا و ايه اللي حصل و اول انطباع ليه هو واهله و اهلها علي بعض كان ازاي فضولها كان هيموتها

قررت تروح لنادين عشان تهدأ شويه و اكيد هي كمان حاسه بنفس شعورها دورت العربيه و طلعت علي بيت نادين اتصلت عليها اميمه

ليله….ردت بسرعه الو ايوه يا اميمه

اميمه…..بابتسامه هو ايه ده بقي

ليله….بتوتر ايه في ايه؟ حصل حاجه؟

اميمه….لا هما لسه واصلين مفيش عشر دقايق

ليله….طيب ايه رأيك

اميمه…..انا محبوسه و احمد محرج عليا مطلعش و سمع كلامك بس شوفتهم من بعيد انا صحيح مشوفاش وش حد فيهم بس ماشاء الله يعني كلهم طول بعرض و فيهم اتنين لابسين عبايات بدوي وعقال و شال شكلهم يخض يا ليله

ليله….بابتسامه قلبها فضل يدق مشوفتيش عشري طيب

اميمه….يا بت بقولك مشوفتش اي حد منهم مش باين غير ضهرهم
بس يعني ماشاء الله اجسام و عضلات و طول

ليله….بقولك ايه يا اميمه حاولي تسمعي كده و لو سمعتي اي حاجه كلميني انا متوتره اوي بجد و مرعوبه وليد يعك الدنيا بكلامه

اميمه….متقلقيش انا مفهماه كويس و احمد كمان قالوا و بعدين متخافيش اخوكي هيشرفك

ليله…..ربنا يستر المهم لو عرفتي اي حاجه قوليلي

اميمه……ماشي

ليله….يلا سلام

اميمه…..سلام يا حبيبتي

قفلت معاها ليله و كملت طريقها لنادين.

……………

في منزل خال نادين بعد ما قدموا القهوه و الحلو.

جمال…..نورتونا والله

عسال…..البيت منور بأصحابه

سلامه….تسلم يا عمي والله

جمال….بابتسامه معلش اعذروني انا لسه مش عارف اناديكم ازاي نادين قالتلي ان انتوا الاتنين اسمكم محمد و صحابكم كمان

عسال….بابتسامه بالظبط بس حضرتك قول اللي يريحك يعني انا عسال و هو سلامه عشان تفرقنا

جمال….عاشت الاسامي و ربنا يكتر من اسم محمد

سلامه….بإبتسامه اللهم امين طيب ااا تتكلم انت يا عسال و لا اتكلم انا

عسال….بهدوء خليني انا اتكلم بص لجمال بهدوء حضرتك اكيد عارف احنا هنا ليه طبعاً وعندك خلفيه من نادين

جمال…..اكيد نادين حكيتلي تقريباً كل حاجه و يمكن مش هكدب عليك دي اول مره تكلمني في موضوع زي ده ديماً كنت اقولها مش هنفرح بيكي و تخليني اطمن عليكي تقولي ان شاء الله يا خالو و طبعاً نادين مش صغيره اكيد ارتبطت قبل كده بس دي اول مره احس ان هي متحمسه للموضوع بالشكل ده بس في الحقيقه انا بعد ما عرفت حجات كتير عنك من نادين بقي عندي علامات استفاهم كتير و بصراحه عندي فضول اعرف اجابه كام سؤال منك و اعرف رأيك في كام حاجه شاغله بالي و اعذرني يعني لو هطول شويه بس نادين بنت اختي و بنتي و اكيد حقي اطمن عليها

عسال….طبعاً اي سؤال او استفسار يجي في بالك قولوا علي طول من غير تفكير و انا جاهز

سلامه….شوف يا عمي زياره النهارده دي تعارف يعني لو في اي حاجه في بالك ده حقك و مفيش اعذار احنا هنا عشان تعرف علي بعض و حضرتك تخلص قعدتك معانا و انت مرتاح قبل اي اتفاق

جمال…..جميل اوي طيب اول سؤال شاغل بالي نادين قالتلي ان هي اكبر منك بحوالي اربع خمس سنين ليه نادين بالذات و ايه اللي شوفتوا فيها يخليك تكمل خطوتك ناحيتها مش شايف ان موضوع السن ده مع الوقت ممكن يكون مصدر ازعاج بينكم يعني احنا رجاله و نفهم بعض كويس و اكيد انت فاهم انا اقصد ايه

عسال…..اكيد بس يعني حضرتك اكيد بردوا عارف ان موضوع فرق العمر ده مش حاجز ولا مشكله

جمال….مقولتش انه حاجز او مشكله انا بسأل مجرد فضول

عسال…..صدقني معنديش اي اجابه لسؤالك لاني لما شوفت نادين لاول مره مفكرتش في فرق السن بينا يطلع كام و لا ما حسيت اني مشدود ليها.كان حتي قبل ما اعرف اسمها الفرق اللي بينا مكانش ليه اهميه تخليني حتي اسأل نفسي ليه هي بالذات يعني باختصار فرق السن ده لا كان حاجز ولا هيكون حاجز لو كنت بفكر من البدايه في الارتباط من بنت اصغر مني مكنتش هتلاقيني هنا الوقت و لا بتكلم في جواز كنت ممكن اكتفي بخطوبه و افضل معاها شويه و خلاص بس انا هنا عشان اتكلم في جواز

جمال….بابتسامه وده تاني سؤال سهلتها عليا ايه السر وراء فكرة جوازكم بسرعه نادين قالتلي انك عايز كتب الكتاب في اقرب وقت و دي بالنسبالي حاجه مش مفهومه خصوصا انها قالتلي علي الطريقه اللي اتقابلتوا بيها لو حسبنا الفتره مش هنلاقيها بعيده اوي علي انك تاخد قرار زي ده بسرعه

عسال….بابتسامه هو اني اختار شريكه حياتي اللي عايزها جنبي طول العمر لازم تكون اصغر مني و نكون نعرف بعض من فتره طويله انا بالنسبه العمر زيه زي الفتره اللي عرفتها فيها ملهمش اي اهميه بالنسبالي اللي أهميه هي نادين لا فارق معايا سنها ولا فارق معايا المده اللي عرفتها فيها

جمال…..بس بيقولوا ان الفتره بتاعت التعارف بتخليكم تعرفوا بعض اكتر

عسال….وده حصل نادين عرفت كل حاجه عني و انا كمان عرفت كل حاجه عنها يعني بالنسبالي تقدر تقول خلصنا كل الكلام في فتره بسيطه اللي عاشته في اربعه وثلاثين سنه و اللي انا عيشته في ثلاثين سنه اتكلمنا فيه في الفتره دي

جمال…..طيب بردوا مردتش عليا ليه عايز تكتب كتاب اللي عرفتوا منها بردوا انك عايز تكتب كتاب و مش مهم الدخله الوقت

عسال….مين قال مش مهم انا لو عليا مستعد ان يوم كتب الكتاب هو نفس اليوم اللي نادين تكون فيه جنبي في بيتها بس انا مش عايز اضغط عليها

بصلوا جمال و هو مضيق عينه

جمال….تضغط عليها يعني ايه

عسال….انا واثق ان نادين بتبادلني نفس الشعور و الا مكنتش هبقي هنا لو عندها اي اعتراض بس اللي اقصده من كلمه ضغط حسيت ان نادين لسه مش مستعده نفسياً يمكن عشان اكون صريح اكتر نادين اعجبت بيا زي ما انا اعحبت بيها حبتني زي ما انا حبيتها بس لما عرفت فرق السن حسيت انها رجعت اكتر من خطوه لوراء مش هكدب عليك كنت قلقان الفرق ده يكون العقبه بينا بس قررت اني مستسلمش و اتمسك بيها و اقنعها ان الفرق ده بالنسبالي مش موجود و قدرت و اتفقت معاها ان الايام بينا هتثبتلها ده و تقدر تقول اني لحد الوقت بحاول اخلي نادين تنسي و تتعايش و تتجاهل الفرق ده مع الوقت عرفت ان موضوع السن ده ليه سبب عندها و عقده بسيطه من والدها فا عشان كده بحاول مضغطش عليها و حابب امشي معةها خطوه خطوه

جمال….بابتسامه جميل اوي طيب لما انت حابب تمشي خطوه خطوه مش شايف اننا نبدأها بقراءه فاتحه تلبسها دبل

عسال….كل ده اكيد هيتعمل بس كمان انا حابب نكتب الكتاب

جمال….بضحكه هاديه اهو اصرارك ده اللي مخليني عندي فضول افهم السبب

سلامه….بهدوء يمكن قلق عسال عليها خصوصا بعد اللي حصلها من الشاب اللي كانت مرتبطه بيه

جمال…..بصدمه لا مش فاهم حصلها ايه

بصوا الاثنين لبعض ثواني و حس سلامه انه بوظ الدنيا.

…………..

في منزل أحمد فتح الباب و دخل سلمي و ايه كاموا قاعدين بره و ايه علي راسها فوطه صغيره كانت سلمي قاعده جنبها بتعملها كمادات.

سلمي….حمد الله علي السلامه يا حبيبي

احمد….الله يسلمك

ايه….بهدوء كله تمام في المحل

احمد….اه يا ستي كله تمام

ايه….بضحكه جميله ايه مالك متعصب ليه هو سلامه عمل حاجه

احمد….خدي بالك انا بقولك اهو الجدع ده مجنون

سلمي….بضحك ايه الجديد ما جنع الا ما وفق

احمد…..مش هو بس و سي حسان كمان

ايه….احسن اشربي بقي

سلمي…..بضحك عملوا ايه طيب

احمد….واحد مستعجل اوي و عايز يوم الجمعه يقرأ فاتحه و يلبس شبكه و التاني قال ايه تخلص بس من موضوع سلمي و ايه و هاجي اطلب ايد ايه

بصوا الاتين لبعض و هما مبتسمين و ملتمح ابه كانت مصدومه

سلمي….بضحك سلتمه قالك كده

احمد….اه والله مجنون يا بنتي و خدي بالك عاملك مفجأه بس قالي مقولكيش لما تبقي تروحي المحل شوفيها

ايه….مفجأه ايه

احمد…..يعني اقولك و يقولك ابوكي عيل فتن و محفظش السر

ايه…..بضحك لا انت حلو قولي و مش هقولوا

احمد….بابتسامه و انا ابوظ مفجأه الراجل تعب فيها ليه لما تروحي انتي ابقي شوفيها و خدي بالك يمكن المفجأه دي اللي خلتني يعني موافق عليه

ايه…بابتسامه لا انا كده عندي فضول

احمد….بعيداً يعني عن فضولك وعن المفجأه بس هو كبر في نظري و طلع راجل بجد هو اينعمممم مجنون و شكلوا كده مصيبه و اتحدفت عليا بس مش هنكر انه دخل قلبي ابن اللذينه

سلمي….بضحك بركاتك يا سلتمه مش قولتلك هتحبوا اوي

ايه….بابتسامه بجد يا بابا يعني حضرتك موافق عليه

احمد….لما شوفتوا يوم خطوبة ايمي مش هكدب اني كنت مركز اكتر مع حسان بما انه هو اللي طلب يقابلني و كان واخد خطوه و سابقه بس حسيت ان هو كمان شاب محترم و متربي هو و الشباب كلهم يعني زي ما حكيتوا عنهم بس انهارده معرفش عمل فيا ايه خلاني فجأه حسيت اني اعرفه من فتره و شوفتوا كذا مره مع ان دي كانت تاني مره اشوفه منكرش يعني ان الدم غلي في نافوخي لما لاقيته جايبك تحت البيت قولت رايح بيكي فين ده و كنت ناوي اكسر دماغه

ايه….بابتسامه لا والله كان هيوصلني تحت البيت و يمشي يروح المحل بسرعه

احمد….ما انا فهما بقي و بعدين هو يقدر يعمل غير كده ولا افتح راسه المهم يعني انه دخل قلبي و للحظه كده حسيت اني بتعامل معاه زي ما بتعامل معاكم عصبني و طلع عيني في المناهده زي ما بتعملوا معايا بس كمان طلع جدع و راجل

سلمي….بابتسامه جرا ايه يا حمودي انا كده هغير حبيتوا اكتر من حسان ولا ايه

احمد….بضحكه جميله مش مسئلة حبيتوا اكتر بس تقدري تقولي ان حسان عاقل مثقف شخص كده راسي و تقدري تاخدي و تدي معاه في مواضيع كتير تحسيه كده رزين

سلامه عكسه تماماً زي ما بتقولها كده في جيلكم علي الله حكايته بس صاحب موقف و جدع هما الاتنين حبيتهم حسان اقدر اسرح معاه في مواضيع كتير و سلامه اللي هيطلع عيني زيكم

سلمي…..بضحكه جميله سلامه جميل و جدع و محترم و متربي و علي فكره لما تتكلم معاه بردوا عاقل بس هو كمان عنده جزء مرح يعني يدخل القلب علي طول

احمد….عارف و عموماً شكل كده ربنا كرمني فيكم و بعتلي ولدين تاني غيركم

ايه….بابتسامه قولي لبس القميص

احمد….لبسوا و نسي يقطع التيكت و انا اللي قطعتهولوا

ضحكوا الاتنين بحب و سعاده و كانوا طايرين من الفرحه

احمد….قوليلي عامله ايه الوقت لسه سخنه

ايه….لا الحراره نزلت و تقدر تقول خلاص خفيت

احمد….بابتسامه ما طبعاً لازم تخفي مش قلبك اطمن من ناحية سي سلامه بتاعك

حضنتوا ايه بحب

ايه…..ربنا يخليك ليا يا بابا

احمد….و يخليكي ليا انتي و اخواتك تامر لسه مجاش

سلمي….لسه يا حبيبي

احمد….و فين حبايبي مش سامعلهم صوت

ايه….مين ميلو و سلامه

احمد…..بنظره مضحكه يا بنتي عيب غيري اسم الكلب ده بقي

فضلوا يضحكوا من قلبهم علي طريقته و علي اسم الكلب.

……………

في منزل خال نادين.

جمال….فهموني انا معرفش حاجه عن الموضوع ده

عسال…..نادين مقالتش لحضرتك حاجه

جمال….لا هو ايه اللي حصل

سلامه…..انا اسف والاه لو عكيت الدنيا بس فكرت ان حضرتك عارف

جمال…..لا خالص و انت معكتش الدنيا و لا حاجه

عسال…..طيب انا هقول لحضرتك اللي حصل بس ارجوك متعاتبش نادين في الموضوع ده لاننا ما صدقنا انها اتحسنت شويه و اكيد هي خبت عليك عشان متقلقش بدأ عسال يحكيلوا باختصار اللي حصل من هادي و اللي حصلها

جمال…..وبعدين

عسال….ولا حاجه كان واخد اربع ايام و اتجدد 15 يوم و بس

جمال……عشان كده عايز تكتب الكتاب

عسال…..عايز اكون جنبها في اي وقت عايز لما اضطر اروحلها محدش يفهم وجودي بطريقه غلط او يبصلها بنظره مش حلوه او يقول كلام عنها عايز وجودي جنبها يكون واضح و مفهوم للكل

جمال….بابتسامه رغم اني مضابق من نادين اوي و اكيد هعاتبها بس بعدين الا اني اقدر اقول اني فهمت السبب من تصميمك علي كتب الكتاب و مبدأياً انا معنديش اي مانع يا عسال بس فاضل اهم سؤال

عسال….بابتسامه اتفضل

جمال…..نادين حكيتلك عن ظروفها وحياتها اللي عاشتها من غير ابوها و امها

عسال….اكيد

جمال….طيب بالنسبالك الموضوع عادي

عسال…..انا شخص بيؤمن اوي بالعيله و باهميه وجودها و بشوف ان النسب ده مهم ان العيله تكون موجوده و مهم ان عيلتها و عيلتي يكونوا كويسين مع بعض لاننا بنبني حياه جديده وسطهم بس كمان انا شخص بيؤمن ان كل واحد فينا اتكتب عليه حياه معينه يعيشها و نادين مكانش ليها ذنب في حياتها غير ان نادين ليها عيله حضرتك و جدتها يعني الموضوع بالنسبالي عادي و كفايه بالنسبالي الناس اللي حواليها و جنبها ديماً

جمال….ده اللي عايز اسمعوا منك لان نادين لا اختارت امها ولا حتي ابوها يعني ملهاش ذنب في ظروفهم او مشاكلهم و بيتهيألي هيبقي صعب عليها لما تبقي معاك و يحصل بينكم مشكله و تجرحها في النقطه دي

سلامه…..بص يا عمي حضرتك لسه متعرفش ميدو و لا تعرفنا عموماً بس الايام هتثبت عكس مخاوفك دي احنا عيله بسيطه انا عيشت حياتي من غير اب و ميدو عاش حياته من غير اب وام لانهم اتوفوا مش عارف نادين حكيتلك ولا لا بس احنا عيشنا مع امي هي اللي تعبت و كبرت و ربت و متقلقش علي نادين ابداً يمكن ظروفنا احنا الثلاثه مكانتش واحده بس كانت تشبه بعض بشكل كبير محدش فينا بيختار اهله بس احنا نقدر نعمل اهل و عيله و بيت

عسال…..اخر حاجه ممكن تفكر فيها هو اني اجرح نادين اصلاً موضوع مامتها و باباها موضوع مقفول بالنسبالي لو موجودين هبقي مبسوط لان دي حاجه تسعد نادين و لو مش موجودين انا مش هخليها تحس بغيابهم اطمن علي نادين و بعدين حضرتك موجود ربنا يخليك ليها يعني اب تاني ليها

جمال….بابتسامه نادين بنتي اللي مخلفتهاش يمكن انا مش جنبها بصفه دايمه و يمكن بشوفها كل فين و فين لما بنعرف نظبطها بس هي عارفه كويس انها يوم ما تحتاجني هتلاقيني في ضهرها

عسال….اكيد و بما ان حضرتك قولت كل اللي عندك و سألت كل الاسئله اللي شغلاك لو مفيش اي سؤال تاني انا حابب بشكل رسمي اطلب من حضرتك أيد نادين

جمال….بابتسامه و انا موافق يا ابني

سلامه….طيب نتفق بقي

جمال….شوفوا عايزين تعملوا ايه و لو متفق انت و نادين علي معاد معين اكيد معنديش مانع

عسال…..انا متفقتش علي معاد بس اكيد هتفق مع حضرتك يعني انا بقول اننا نلبس شبكه و نكتب كتاب في نفس اليوم و نحدد معاد الفرح مع بعض يعني الشقه موجوده و كل حاجه موجوده نادين بس تختار كل اللي يعجبها و من بعد كتب الكتاب يعني شهر بالكتير كل خاجه تبقي خلصانه

جمال….بابتسامه مش قولتلك مستعجل

عسال…..صراحه اه يعني لما بنبقي عارفين احنا عايزين ايه كويس بنبقي مستعجلين

جمال…..طيب انا عارف ان صحابكم هيتجوزوا قريب هتعملوها ازاي دي يعني لو حددنا مثلا كتب الكتاب هيبقي الفتره دي و لا بعد ما يتجوزوا

عسال….هو لو قبلها يعني علي الاسبوع الجاي مثلاً يبقي ياريت لان اللي اعرفوا ان هما بعد الجواز بيومين هيسافروا بره مصر و اكيد انا ونادين حابين يكونوا معانا ايمي صاحبه نادين المقربه و كمان رشيد صاحبنا

جمال….طيب انا معنديش مانع بس بردوا هشوف نادين و لو تمام اليوم اللي يعجبكم نتفق عليه

سلامه….بابتسامه هو انا شايف اننا نحاول نظبطها اكتر لان ماشاء الله يعني تقدر تقول ان عندنا مناسبات كتير يعني متنساش يا ميدو ان حسان هيخطب الجمعه و عشري المفروض انه انهارده هو كمان بيتفق ومنعرفش هيتفقوا علي امته غير ايمي و رشيد

جمال…..بابتسامه ماشاء الله ربنا يكتر من افراحكم

عسال…..يارب طيب هو مبدأياً يوم الجمعه كده مش هينفع

جمال…..هو انتوا ملكم صحاب

عسال….بابتسامه احنا سته صحاب و نادين والبنات بردوا سته و حضرتك تقدر تقول يعني ان نصيبنا طلع واحد و كلنا ارتبطنا

جمال….بضحكه هاديه النصيب ده محدش يتوقعه محدش عارف نصيبه فين عموماً بما انكم كلكم صحاب في بعض انا رأيي يعني انكم تتفقوا افضل مع بعض و تظبطوها يعني بيتهيألي كده الموضوع مطلعش متوقف علي قرارك انت و نادين بس غير ان في اتنين منكم داخلين علي جواز خلاص و اكيد هتبقوا معاهم طول الوقت

سلامه….عشان كده اقتراح حضرتك كويس لازم كلنا نقعد ونتفق

عسال…..طيب خلي موضوع الوقت ده علي جنب خلينا الوقت في طلبات حضرتك لنادين

جمال…..بابتسامه عايزها تكون مرتاحه يا عسال البنت دي تعبت كتير في حياتها

عسال….لو علي الراحه بسيطه متقلقش عليها ابداً نادين هشيلها فوق راسي و هعوضها عن اي حاجه تعبتها

سلامه….اطمن عليها هتبقي في وسط عيله بتحبها و بتخاف عليها بس يعني اللي نقصده طلباتك في حقوق نادين

جمال…..شوف يا ابني هقولك علي حاجه و يمكن دي اول مره اقولها حتي نادين نفسها متعرفهاش لانها لو عرفت هترفض و بما انك بقيت مش غريب و قريب هتبقي مسؤول عنها فا هقولك علي حاجه اولاً انت عارف كويس ان نادين مجتهده و شاطره و بنت مفيش زيها ذكيه و قدرت تستخدم غضبها من كل حاجه عاشتها في شغلها و بفضل الله هي مش محتاجه لاي مساعده ماديه من اي حد حتي ليا انا كمان مع انها عارفه اني مستحيل اعدي جوازها كده من غير ما يكون ليا دور فيه او مشاركه في بيتها بس كمان في حاجه مهمه نادين و قت ما كبرت و بقت واعيه و مدركه علاقتها بأبوها و امها رفضت تماماً انهم يصرفوا عليها كل واحد فيهم كان بيبعت مبلغ كويس لامي لتعليمها و احتياجتها كلها حاولت معاها انا وامي كتير بس مقدرناش و كان واجب عليا انا و امي نعرفهم عشان يعرفوا ان الفلوس اللي بيبعتوها دي نادين مبتحطش ايدها عليها و كان ردهم ان الفلوس دي تتشال لجهازها او بمعني اصح ده كان اقتراحي عليهم لان ده حقها هي عمرها ما طالت منهم اي حاجه و اظن ابسط حقوقها انها تاخد منهم حقها مادي ادام مقدرتش تاخده معنوي هما وافقوا و انا و امي شيلنا كل فلوسها دي و انهارده نادين معاها مبلغ محترم متعرفش عنه حاجه واثق انها هترفض بس اللي اقصده ان لو انت طالب مني اقولك ايه الطلبات اللي محتاجها لنادين صدقني مش هتلاقي عندي رد غير انك تخليها مبسوطه لان لو علي الفلوس و الماديات زي ما قولتلك هي مش محتاجه لاي حد و انا جنبها كمان مش هخليها تحتاج غير فلوسها اللي في رقبتي انا وامي يعني صدقني سواء ظروفك كويسه او لا كفايه اوي انها تكون مرتاحه معاك ومتطمنه.

عسال….وانا كمان مش محتاج اي حاجه و الحمد لله ظروفي الماديه كويسه جداً انا قولت لحضرتك عن شغلي و عن حالتي الماديه كلها و سؤالي هنا بردوا مكانش علي اتفاق بينا مين هيعمل ايه و مين هيجيب ايه لاني باختصار مش عايز اي حاجه من نادين انا شقتي موجوده و كل حاجه نادين هتختارها هتتجاب و هتتنفذ كل اللي قصدته ايه الضمان اللي حضرتك عايزه ليها

سلامه…..عسال يقصد يعني الشبكه المهر المؤخر القايمه كل الحجات دي

جمال….طيب بص عشان ننهي الموضوع ده خالص عرفت بردوا من نادين ان انتوا عندكم اخت ربنا يحفظها ليكم كل اللي اقدر اقوله شوفوا تتمنوا اختكم يتعمل معاها ايه و اعمل لنادين زيه و مش هقدر اقول غير كده

سلامه بص لعسال بابتسامه بسيطه

عسال….بتنهيده هز راسه بهدوء اتأكد اني عمري ما هخذلك و لا هخذل نادين و كل اللي ربنا يقدرني عليه عشان افرحها و اخليها مبسوطه مش هتردد اني اعملوا

جمال…..و انا واثق من ده كويس يا عسال

عسال….طيب انا كان ليا طلب بسيط و يمكن حابب اخد رأي حضرتك فيه

جمال…..اتفضل

عسال…..نادين عارفه كويس ان والدها و والدتها احتمال كبير ميقدروش يكونوا معاها في كتب الكتاب سواء لو علي ظروفهم او لو عشان مش حابين يكونوا مع بعض فا انا كنت بفكر يعني لو ينفع انا اتواصل معاهم من غير ما نادين تعرف و احاول اقنعهم يكونوا موجودين لاني واثق ان ده هيفرق كتير في نفسيه نادين و طبيعي مهما كانت زعلانه منهم بس و جودهم احتمال كبير يخلي زعلها ده علي جنب و لو منفعش مش هنخسر اي حاجه و مش هعرفها اني قولت عشان متحطش امل كبير في وجودهم و ترجع تزعل فا حضرتك رأيك ايه

جمال….بابتسامه والله فكره حلوه اهو بالمره تتعرف عليهم و جايز تقدر في النهايه محدش يكره انهم يبقوا موجودين هديك رقمهم و اتواصل معاهم بس لازم تبقي عارف ان احتمال محاولتك متنفعش

عسال…..مش هخسر حاجه هتبقي محاوله و جايز يوافقوا

جمال….يمكن ابوها يوافق و يقدر يكون موجود بس مش عارف امها هتوافق ولا لا و جايز كمان تحط شرط لو هي هتبقي موجوده ابوها ميبقاش موجود

عسال….امممم طيب و لو ده حصل

جمال…..لو ده حصل و كنت كلمت ابوها و حسيت انه موافق يبقي ابوها اللي يبقي موجود مش هي

بصوا لبعض بهدوء

جمال….عارف انكم مستغربين لان امها دي تبقي اختي بس صدقوني مهما كانت البنت بتحتاج امها في اي فرحه ليها مش بتبقي قد احتياجها لوقفة ابوها في ضهرها شوف هتعمل ايه و لو قدرت تقنعهم تبقي بطل

عسال…..بابتسامه هحاول و هعمل كل اللي يطلع في ايدي

جمال….ماشي و ان شاء الله تقدر تفرح نادين و بالنسبه بقي لموضوع كتب الكتاب و الشبكه زي ما قولتلك شوف كده انت و صحابك و نادين و صحابها هتتفقوا علي ايه و تظبطوها ازاي و اديني ردك الاخير عشان لو المعاد هيبقي قريب نلحق نظبط الدنيا

عسال……ان شاء الله بكره او بعده بالكتير الرد هيكون عند حضرتك نقعد بس بكره و نتقابل مع بعض و هعرفك

جمال…..تمام وانا مستني الرد

عسال….بابتسامه طيب احنا هنستأذن بقي

جمال….لحظه قبل ما تمشي امي كانت عايزه تشوف عريس نادين و تسلم عليه ممكن

عسال….بابتسامه يا خبر طبعاً ممكن

جمال….بابتسامه ادوني خمس دقايق و راجعلكم

عسال….اتفضل.

………………….

في منزل أميمه

قعدوا كلهم مع بعض اتكلموا في حجات كتير بعيده عن موضوع ليله و عشري والده حب الكلام مع احمد جوز اميمه جداً و بدأوا يتناقشوا في حجات كتير و يمكن المناقشات العامه اللي حصلت دي خلتهم اتعرفوا علي بعض اكتر وليد كمان و عشري و الشباب كانوا بيتكلموا و بيتناقشوا و بعد نقاش دام حوالي نص ساعه و كلام كتير وضح الصوره بالنسبه للكل بدأ والد عشري يتكلم.

عشري….طيب يا شباب سمعونا الصلاه علي الحبيب

سكت الجميع و رد عليه اللهم صلي و سلم وبارك علي محمد

عشري…ترى السوالف معكم ما تملّ وانتم زين الناس بس خل نخلّي الهواوي عالطريق و نحكي في السالفه الاهم نحنا جيناكم لعلوم غاليه…

و أنا طامع فـ يد بنتكم الزينه نِعم النَسَب لولدي محمد وناويها ستر وغطا وعزوه له

ابتسم اهل ليله و كانوا تقريباً مش فاهمين نص الكلام

ابتسم عشري و بص لابوه بهدوء

عشري….يا بااااه قول علي لسانهم هم ماهم دريانين

عشري الاب….بابتسامه بعتذر انتم مش فاهمين كلامي

احمد….بابتسامه هو يعني فهمت شويه

عشري….طيب خليني اتكلم عادي عشان تفهموني اكتر يعني احنا طالبين ايدك بنتكم ليله لابني محمد علي سنة الله و رسوله قولتوا ايه

احمد….نسبك يشرفنا يا حاج عشري

وليد….شرف لينا يا حاج والله يعني زي ما بيقولوا الجواب بيبان من عنوانه

عشري….الشرف لينا احنا بص لابنه بهدوء و ابتسم ايه يا عريس مش عايز تقول حاجه

عشري….بابتسامه قولت كل اللي عايز اقوله يا حاج بس يعني بعد اذنك كنت حابب نتكلم اكتر في التفاصيل

وليد….شوف يا محمد يعني انت و ليله واضح انكم شاريين بعض و دي اهم حاجه يعني انت موافق و هي موافقه ودي اهم حاجه

عشري…اكيد بس انت اخوها وليك طلبات اؤمرني

وليد….بابتسامه العفو الامر لله صدقني مش هنتخلف زي ما قولت الجواب بيبان من عنوانه

عشري….ربنا ما يجيب خلاف ابداً بس قولي علي كل اللي انت عايزه

وليد….بص لاحمد وسامح و رجع بصلوا اممممم بص هو لو سألت اي حد في مكاني مش هيطلب غير المعامله الطيبه و الحب بينكم و انك تحافظ عليها ولو كل ده موجود الباقي سهل

عشري….ليله في عيني و قلبي اطمن بس انت كمان ليك طلبات تحفظ بيها حق اختك

وليد….بابتسامه صدقني انا مش عارف اقولك ايه

احمد….شوف يا محمد موضوع الاتفاق ده مش هنختلف عليه زي ما وليد قالك

عشري…..اكيد مش هنختلف بس انا حابب افهم منكم عوايدكم غير عوايدنا طلباتكم غير طلباتنا و واجب عليا احترم عوايدكم

احمد….يمكن معاك حق بس في النهايه بيبقي الجواز واحد راجل و ست مقفول عليهم باب واحد و تحت سقف واحد اللي بينهم بيكون موده وحب و رحمه و معامله طيبه يعني صدقني كل الحجات الماديه وقتها مش بيبقي ليها اي لزوم ليله هي الصغيره في اخواتها لو سألت حد من اخواتها مش هيقولك غير انهم يتمنوا تعيش حياه هاديه وسعيده لان في النهايه اللي انت هتعملوا عشانها مش هيعود عليهم هيعود علي ليله بس هما كل اللي هيهمهم انها تكون مرتاحه يمكن انا و سامح اللي نقدر نتكلم في موضوع ضمان حقها اكتر لان الموضوع ده هيبقي محرج علي وليد شويه صحيح ليله زي اختي الصغيره لنا اتجوزت اختها كانت هي لسه عيله بضفاير بس انا هحط كل ده علي جنب و هتكلم معاك من غير احراج

عشري…بابتسامه ياريت قولي طلباتك

عشري الاب…..اطلب شبكتها و مهرها ومؤخرها وكل شئ كل اللي تريده بيتنفذ

احمد….الشبكه و المهر و الكلام ده كله حاجه بينه وبين ليله وزي ما بنقول عندنا الشبكه دي هديه العريس لعروسته يعني مفيش خلاف عليها و يمكن زي ما قال وليدانا مش هزايد علي كلامه بس حقيقي مش هنختلف و ملناش طلبات بس اللي فهمتوا ان عوايدكم مختلفه و من كلامك يا حاج معايا في الاول فهمت ان العريس عندكم بيجيب كل حاجه لعروسته و مش بيحتاج منها غير شنطه هدومها صح

عشري الاب….صح هاذي عوايد

احمد….علي راسي طبعاً بس احنا كا اهل ليله حابين نفرح بيها علي طريقتنا يعني احنا كمان لينا عوايد و العروسه بتجيب جهازها هي كمان

عشري الاب…..ومين قال انها مش هتجيب هتنزل مع محمد و اللي بتختاره بيحضر فوراً

عشري….شوف يا استاذ احمد انا زي ما قولت احنا لينا بيتين في زايد شقتي موجوده في بيت فيهم جاهزه من كل شئ بس انسي خالص انها جاهزها واعتبرها فاضيه و ليله تيجي هي و اخواتها وانتم كمان تنورنا و تتفرجوا عليها و اللي هتطلبوا هيتنفذ ليله بس تشاور و كل اللي تعوزه هيجي

احمد….لا انت مفهمتنيش انا مقصدتش ان ليله تختار بنفسها انا قصدت اننا نقف في النص يعني نتشارك مع بعض في فرش البيت علي الاقل بما ان الشقه موجوده زي ما قولتلك دي عوايدنا و اكيد حق ليله علينا اننا نتعب في جهازها و نجيبلها كل اللي تطلبه

عشري….طيب بص انا فاهمك كويس ومقدر انكم حابين تفرحوا بيها و ده حقكم مقولتش اي حاجه بس بعيد عن ان دي عوايدنا انا حقيقي مش عايز حاجه من ليله انا كل اللي عايزه انها تشاور و انا انفذ

احمد….بابتسامه يعني عايز تحرمنا من فرحتنا بيها

عشري….عمري بالعكس بس فرحتكم بيها انها تكون مبسوطه زي ما قولت في الاول

عشري الاب…..شوف يا استاذ احمد محدش يقدر يحرمكم من فرحتكم بيها بس لو مصممين يبقي تمن اللي هتشتروا بيه تشيلوه في البنك باسمها و زي ما محمد قالك الشقه مش محتاجه بس اللي هي هتطلبه فيها هيتنفذ في النهايه هي اللي بتقعد في البيت و هي الست

احمد بص لوليد و سامح

احمد…..بابتسامه ايه يا وليد

وليد….اللي تشوفوا يا احمد انا بصراحه مش عارف اقول ايه

والد فضل سلامه.

سلامه….تقولوا لا الا الا الله في النهايه الكل واضح انه حابب يفرح عروستنا

عشري….بالظبط انا مليش اي دخل في الطريقه اللي حابين تفرحوا بيها ليله دي بتاعتكم و بينكم وبين بعض بس زي ما قولت موضوع البيت منتهي و الشبكه همشيها زي ما قولت يا استاذ احمد دي هديتي ليها
بالنسبه للمهر و المؤخر وحقوق ليله

احمد…..بأبتسامه حتي دول متستناش مني او من اي حد فينا يقول كلمه

علي…بضحكه جميله الاتفاق بيريح كل الاطراف يا استاذ احمد

سامح…..بس والله كلها حجات بسيطه في النهايه النسب اهم

عمر…..اكيد النسب اهم بس ده حق الغاليه و محمد عايز يضمن حقها و يطمنكم

وليد…..شوف يا محمد يعني زي ما قولتلك عوايدكم مختلفه عن عوايدنا يعني عندنا لو بنجهز العروسه مع العريس بنكتفي بس بالشبكه معندناش مهر و لو مثلاً الاب عايش و عنده شقه لبنته ومصمم تقعد فيها بيبقي باتفاق طبعاً مع العريس و هو وقتها بيدفع مهر بما انه مش جايب شقه او عفش

عشري الاب….لاه بنختلف عنكم عندينا العريس بيدفع مهر و بيجهز كل حاجه حتي حوايج العروسه هو ملزم بيها بس معنديناش قايمه زيكم بس لو لاقدر الله محصلش نصيب محدش عندنا بياكل حق وليه بص لعشري بابتسامه و ثقه هاااا يا محمد محدش راضي يقول قول كلمتك انت عايز تعمل ايه لعروستك

عشري….بابتسامه طيب بما انكم مصممين متقولوش و بعد اذنك يا حاج طبعاً و أذن الجميع اقول انا كلمتي

أحمد….اتفضل طبعاً

عشري….انا لو عليا اللي بتمني انفذه و يليق بليله هو اكتر بكتير من اللي اقدر عليه حالياً لان مفيش حاجه تتساوي بغلاوتها عندي و ان شاء الله ربنا يقدرني و اقدر انفذ حتي لو واحد في الميه من اللي هي تستحقه بس حالياً بما ان انا و الشباب في ذنقة كبيره اوي بسبب شغلنا و الافتتاحات اللي هتحصل الفتره الجايه غير ان الكل ملزم بجواز فا انا هقدم لليله حاجه بسيطه يارب تليق بيها المؤخر نص مليون و المهر نص كيلو دهب و بعد اذنك يا حاج هخالف عادتنا و عوايدنا و هكتب قايمة لليله

عشري الاب…..اللي تريده يصير يا ولدي

ابتسم احمد و وليد و سامح و مكانوش متخيلين ان بعد كلامه ده كله يقدم مهر نص كيلو دهب و اللي هو يساوي اكتر من اتنين مليون جنيه

وليد…..اااا بس ده كتير يا محمد

احمد…احنا قولنالك النسب اهم صدقني ليله نفسها لو عرفت هترفض

عشري الاب…..الغاليه ليها الغالي

عشري….مفيش حاجه تكتر عليها ده اقل بكتير من اللي هي تستاهلوا

عشري الاب…..تمام يبقي نقرأ الفاتحه و لا لسه في اي حاجه حابين تقولها

وليد…..بيتهيألي قولنا كل حاجه خلينا نقرأ الفاتحه

عشري بص لفضل و ابتسم عارف ان ليله هتطين عيشته عشان هيقرأوا الفاتحه من غيرها بس اكيد مش هيقدر يقول لا قدام الرجاله

عشري…..طيب قبل الفاتحه مش نتفق الاول علي معاد الشبكه و كتب الكتاب و الدخله

احمد….والله شوفوا المعاد اللي يريحكم اكيد محدش فينا فارق معاه الوقت يعني اتفق انت و ليله

علي….بضحك وهو بيغمز لعشري عريسنا مستعجل اوي

عشري….ابتسم بغيظ و بص لوليد طيب هو الوقت زي ما قولتلك يا وليد انا و الشباب صحابنا كلنا تقريباً داخلين علي جواز يعني حابين بس نظبط فرق التوقيت بينا لان زي ما انت عارف مستحيل حد فينا يسيب اللي هيتجوز فاهمني يعني لازم نبقي جنب بعض

وليد….اكيد طبعاً لازم تظبطوها مع بعض و علي حد علمي ايمي هتبقي اول حد و لا ايه؟

عشري….بالظبط يعني اقل من اسبوعين ان شاء الله و يتجوزوا بس في واحد صاحبنا هيخطب يوم الجمعه فا لسه مش عارف الباقي اتفاقاتهم ايه بس لو الاحد مثلاً تمام بالنسبه ليكم يبقي نلبس الشبكه و كتب الكتاب و الدخله يبقي بعدها علي طول اسبوعين مثلا يكون رشيد و ايمي رجعوا من شهر العسل و باقي الشباب يكونوا اللي اتفق اتفق واللي خطب خطب

عشر الاب…..بضحكه جميله وافرض عروستك معجبهاش فرش بيتها شايف ان اسبوعين دول مش قليلين ولا انت مستعجل يا عريس زي ما اخوك قال

عشري….بابتسامه ماشي تشوفها و لو معجبهاش الحاجه امرها سهل وبردوا اسبوعين ثلاثه بالكتير قولتوا ايه؟

احمد….يبقي خلينا الاول في اول خطوه يوم الاحد هتبقي شبكه و اتفق معاها هي و اخواتها يروحوا يشوفوا البيت لو تمام وهي موافقه علي موضوع اسبوعين يبقي خير البر عاجله و لو في حاجه محتاجه وقت يبقي تظبطوها مع بعض و اتفقوا بس بردوا احنا مستعدين

عشري الاب….تمام يبقي الاحد الشبكه و الاثنين هنستناكم تزورونا و نقعد مع بعض و عروستنا تروح تشوف بيتها و تاخد قرارها

احمد…..انا معنديش مانع وفاضي

سامح….ولا انا لو الكل موافق يبقي تمام

وليد….ولا انا بردوا ان شاء الله سهله و بسيطه

عشري….طيب نقرأ الفاتحه

احمد….. نقرا الفاتحه طبعاً

وليد…..بضحكه جميله طيب بقول ايه استنوا لحظه بس اقول لام حمزه اختها الكبيره تقرأ الفاتحه هي كمان احسن تعملنا مشكله

عشري الاب…..بضحكه جميله لاه قولها مش قد مشاكل الحريم احنا

ضحكوا كلهم و قام ولبد يقول لاميمه بسرعه في الوقت ده نفسه عشري كان حاطت سماعته في ودنه مسك الموبايل واتصل علي ليله

ليله في الوقت ده كانت قاعده هي و نادين والاتنين متوترين و مش عارفين ايه اللي بيحصل معاهم و فضولهم هيقتلهم فجأه لقت عشري بيتصل بيها

ليله….ده عشري شكلهم خلصوا

نادين….طيب ردي بسرعه شوفي عملوا ايه و طمنيني

ليله…..الوووو اخيراً رديت معرفتنيش ليه لما طلعت كنسلت عليا كتير

عشري….باتسامه وهمس خليكي معايا ثواني

ليله…..معاك

استني عشري دخول وليد

دخل وليد و هو مبتسم يلا ام حمزه مستعده معانا

عشري الاب…..سمعونا الفاتحه

عشري….بهمس أقرأي فتحتك معانا يا عروسه

سكتت ليله بصدمه و هي قلبها بيدق جامد و بصت لنادين

نادين….ايه

ليله….بهمس بيقولي اقرأي فتحتك معانا

نادين…بفرحه كبيره حضنت ليله يلا بسرعه اقرأي

ابتسمت ليله وهي عينها مدمعه و بدأت تقرأ في سرها و نادين رفعت ايديها هي كمان تقرأ الفاتحه

وليد و عشري حطوا ايدهم في ايد بعض و الكل قرأ معاهم و ثواني و سمعت لياه زغروطه طويله من اميمه صوتها دخل في قلب ليله و حست بفرحتها ليها من قلبها نزلت دموع لياه و هي مبتسمه و قابها بيدق

عشري….بهمس بحبك هكلمك تاني

قفل و مدهاش فرصه تقول ايه حاجه نزلت الموبايل و هي مصدومه حضنتها نادين وهي بتصرخ و بتتنطت بيها.

اما عند عشري الكل قام بارك و حضنوا بعض و زغروطه اميمه مكانتش راضيه تقف من فرحتها

قدموا الحلو و العصير و الشاي و القهوه و بعد وقت بسيط الكل قام و استأذنوا و هما علي معادهم.

………….

نزلوا علي تحت و قفوا شويه مع بعض باركوا لعشري و الكل مبسوط

عشري…..بهمس لفضل بقولك ايه انا هخلع انا

فضل….ايه رايح فين

عشري….هروح اشوف ليله و خد بالك احنا لازم نتفق احنا والشباب مع بعض

فضل…..ماشي نبعت في الجروب و نشوف لو نتقابل ونتكلم

عشري….ماشي يلا امشي انت بقي معاهم

فضل….بابتسامه مبروك يا عريس

عشري….بضحك عقبالك

فضل…..ادعيلي يلا سلم علي ليله وباركلها

عشري…يوصل بقولك ايه عايزين نعرف عسال عمل ايه هو التاني عامل فيها مقموص من امبارح و مبيكلمنيش

فضل….يا عم لا مقموص ولا حاجه انت مش عارف ميدو يعني هو خايف عليك مش اكتر المهم خليك في ليله الوقت و هنحل كل حاجه ان شاء الله

عشري….ماشي يا اخوي خليني اشوف ابويا

قرب عشري من والده ابتسم و نزل بضهره علي العربيه كان قاعد قدام ابتسم عشري و مسك كف ابوه باسه

عشري…..الله يباركلنا فيك يا بااه

عشري الاب….مبروك يا ولدي الله يفرحني بيك

عشري…هفرحك بيا قريب المهم انا بروح مشوار و برچع محتاج مني شي

عشري الاب….سلامتك يا ولدي خد بالك من روحك و سلم علي عروستنا

عشري….بضحك مفضوح انا

عشري الاب…بضحك مفضوح ومكتر

عشري…..ماشي يلا سوق براحه يا عم علي

علي…..خايف علينا ولت خايف فرحك يبوظ يا واطي

عشري….بضحك لسانك عايز قطعوا سلام يا نسواجي

علي….بضحك سلام يا عريس

ركب عشري عربيته و مشي مسك موبايلوا واتصل علي ليله في نفس الوقت عسال كمان كان نزل و اتصل علي نادين.

نادين….بسعاده يعني ايه انا مش فاهمه حاجه خالص

عسال….بحب يعني نتفق مع الشباب و البنات و نشوف مين ظبط معاد عشان نعرف نختار الوقت

نادين….ايوه يعني ايه بردوا ازاي كل ده مع بعض مش احنا اتفقنا يبقي خطوبه الاول و بعدين تحدد كتب الكتاب

عسال….كده كده كتب الكتاب مش هنروخ بيتنا يعني قدامنا وقت فا ليه نفضل نمشيها خطوه خطوه الاحسن يكون فاتحه و شبكه و كتب كتاب و بعدين نحدد الدخله

نادين….ابتسمت بتوتر ااااا امم طيب اوك بس انا بردوا معرفتش ايه اللي حصل

عسال….هحكيلك كل حاجه يا عمري انا بس هشوف سلامه هيروح ولا هيعمل ايه واجيلك اتفقنا

نادين….اوك اتفقنا

عسال….سلام يا روحي

نادين…..باي

عند سلامه.

سلامه…..زي ما قولتلم تقريباً اتفقنا خلاص و لسه نازلين هحكيلك كل حاجه بس الاول طمنيني انتي عامله ايه الوقت

ايه….انا احسن كتير والله

سلامه….لسه سخنه؟

ايه….لا لا مفيش حراره بس رشح و جسمي مكسر

سلامه…..انتي محتاجه دكتور يا ايه

ايه….انت هتعنل زي بابا انا احسن والله فوقت متقلقش عليا

سلامه…..بقولك ايه انتي مش هتروحي بكره الشغل

ايه….لا طبعاً مستحيل مينفعش

سلامه….هو ايه اللي مينفعش انتي مش سامعه صوتك

ايه….هبقي احسن والله بس عندي شغل كتير بكره

سلامه….بقولك ايه اقفلي طيب الوقت هشوف عسال و ارجع اكلمك

ايه….طيب تمام يا حبيبي باي

سلامه…..سلام يا قلبي

عسال…..ايه رايح علي فين

سلامه….هروح انا فاصل خالص وانت

عسال…انا هروح لنادين شويه عشان تعرف اللي حصل و هرجع

سلامه…..ماشي و انا هشوف كده عشري عمل ايه و شوف رشيد كمان عمل ايه انهارده هو وايمي ولو ينفع نتقابل بكره كلنا يبقي لازم ضروري نتقابل

عسال…..طيب تمام ظبطها انت و عرفني بقي

سلامه….ماشي يا حبيبي خد بالك من نفسك اشوفك في البيت

عسال….وانت كمان ابقي طمن ماما بقي لحد ما اجيلها

سلامه….طيب تمام يلا سلام يا ميدو

عسال….سلام

…………..

ليله….الووو افهم بقي في ايه اللي حصل ده ؟

عشري…..بابتيامه جميله انا بقي اللي عايز افهم ايه خير بتتصلي عليا كتير ليه هو انا مش قايلك رايح بيت اهل خطيبتي ينفع يعني الاتصالات دي كلها

ليله….بضحكه جميله بقي بيت اهل خطيبتك الوقت بقولك ايه انت هتقولي ايه اللي حصل ولا اتجنن عليك

عشري…..اتجنني اصل بصراحه وحشني جنانك

ليله….عشري متبقاش رخم وقول

عشري….يخربيت الفضول وانتي مالك عايزه تعرفي ليه

ليله….عايزه اعرف عشان انا خطيبتك يا استاذ

عشري….بضحكه جميله اوباااااا دخلنا في الجد ولا ايه ايه الصدمه دي

ليله….بضحك يومك اسود انت لسه مستوعب الوقت صباح الفل يا بلطجي

عشري…..قلب البلطجي

ليله….طب يلا قول

عشري….لما اروح ابقي اكلمك

ليله…..و حياة امينه هو انت كمان مس جاي

عشري….بضحك لمي لسانك يابت مالك ومال امي

ليله….و حياة امك قول ابقي

عشري….ما قولتلك لما اروح

ليله….انت بجد مش جاي

عشري….معايا ابويا واخواتي و جوز عمتي يعني اسيبهم

ليله….لا والله ده انا أروح فيك في داهيه لو مجتش

عشري….طيب هوصلهم لو قدرت ارجعلك تاني هرجع

ليله….جرب مترجعش والله هتلاقيني قدامك و انا مجنونه واعملها

عشري….طيب يلا يا مجنونه

ليله….مش هقفل

عشري….الله ايه الرخامه دي يا انسه مينفعش كده انا الوقت واحد خاطب

ليله….بضحك والله لو شوفتك هموتك يا في ايدي

عشري….بضحك طب خلاص خلاص انا بهزر معاكي والله انا في الطريق وجاي عليكي

ليله….طب أحلف

عشري….يابت عيب مفيش ثقه في الكلام كده خالص

ليله….طيب بقولك ايه انا عند نادين مش في البيت

عشري…..صحيح متعرفيش عسال عمل ايه

ليله….اممم معرفش بس هي كانت بتتكلم معاه الوقت و نزل خلاص و شكلوا هو كمان جاي

عشري….اممم طيب لما اجي بقي انزلي اوك

ليله….اوك متتأخرش

عشري….مش هتأخر يلا باي يا قلبي

ليله….باي

قفلت ليله ودخلت علي جوه

ليله…..ايه طمنيني عمل ايه

نادين…..هو جاي مقالش حاجه لما يجي يحكيلي بس شكلها كده اتفقوا علي كتب كتاب و شبكه

ليله….بابتيامه تجنن ومالك مكشره ليه يا بومه

نادين….مش مكشره

ليله….بت انتي مش مريحاني هو انتي مش مبسوطه

نادين…..خالص والله انا طايره من السعاده بس مش عارفه حاسه اني متاخده كده يعني لما حسيت ان الموضوع دخل في الجد حسيت اني اتوترت

ليله….طبيعي اذا كان انا لما عشري كلمني و قالي اقرأي فاتحتك معانا حسيت ان قلبي و قع في رجلي

نادين….بضحك هو شعور حلو اوي و في نفس الوقت مرعوبه يا ليله فكره الجواز مرعبه اصلا يعني تحسي انك مقسومه نصين نص طاير من الفرحه عشان هتبقي مع اللي بتحبيه في نفس البيت و نص تاني خايف ميبقاش قد المسؤوليه

ليله….اقولك علي سر

نادين….قولي

ليله….انا كمان حاسه بنفس احساسك مش عارفه ليه حسيت اني اتوترت لما لاقيت الموضوع بدأ يدخل في الجد غالباً يعني اي بنت بتبقي داخله علي جواز ده بيبقي نفس احساسها.

نادين….صدقتيني بقي لا وهو مستعجل اوي

ليله…..بس هو بيحبك يا نودي بجد

نادين….انتي كمان عشري بيحبك اوي باين علي كل تصرفاته يمكن هو و ميدو طريقتهم في التعبير عن الحب مختلفه بس مقدرش اكدب احساسي من حب عشري ليكي

ليله…..عارفه و المشكله ان انا كمان حبيتوا اوي

نادين….طيب ودي مشكله

ليله….بالنسبالي مشكله لاني لما بحب ببقي حد تاني خالص و عشري خلاني وصلت معاه لحاله غريبه عليا

نادين…..طيب هسألك سؤال و تردي عليا بصراحه

ليله…أسالي

نادين….لو خطيبك الاول رجع ممكن

ليله….متكمليش يا نادين لان مفيش مقارنه يمكن هو كان شخص كويس بس مستحيل اقدر اقارنه بعشري ده غير اني مع عشري حبي مختلف انا تقريباً محبتش غير عشري يا نادين

نادين….يمكن عشان كنتي اصغر شويه

ليله….ممكن بس كمان انا واثقه ان في فرق كبير انا مكنتش بحب بنفس الطريقه بس عشان اصغر بس حب عشري ليا كمان مختلف خلاني حبيته بطريقه مختلفه

نادين…..بابتسامه طيب لو قولتلك اوصفيلي حبك لعشري في كلمه

ليله….كلمه لا صعب

نادين….بضحك خلاص كلمتين واخرك تلاته

ليله….انتي مش فهماني نادين حبي لعشري مش بعدد الكلام و لا معني الكلام اصلاً مقياس لدرجه حبي ليه.

عشري بيجري في عروقي يا نادين بتنفسه وجوده عامل زي الهاله في حياتي اللي لو طلعت منها ممكن اموت بضحك معاه من قلبي بحبه من قلبي مشاعري معاه ملهاش حدود لما بيعمل حاجه تفرحني بوصل معاه للفرحه لاقصي درجه لما بيعملي مفجأه و ابص الاقيه تحت البيت من غير ما يقولي بتفاجئ و كأني اول مره أشوفوا معاه بحس اني ست بجد مش ست عاديه حتي لما بيعمل اي حاجه تخلي قلبي يدق قلبي بيبالغ في دقاته و بحس ان هو هيقف من كتر ما دق مع عشري مبقدرش اسيطر علي مشاعري صدقيني

نادين….بابتسامه و تأثر و قعتي يا لولي

ليله….يعني انتي اللي موقعتيش

نادين….بضحكه جميله و تنهيده خارجه من قلبها وقعت يا ليله

ليله…طيب هسألك سؤال و تردي بصراحه لان مينفعش تكدبي عليا

نادين….لو سؤالك عن موضوع فرق السن .لا يا ليله اطمني انا نسيتوا خالص

ابتسمت ليله عشان فهمتها نادين

نادين….هو ده كان سؤالك

ليله….هو طيب قوليلي مش بتفكري فيه خالص

نادين….ميدو مش بيديني فرصه افتكر اصلا كل تصرفاته معايا مخلياني غصب عني احس ان هو الاكبر ان انا معاه ببقي طفله كل مواقفه معايا بتثبت انه راجل ناضج مسؤول طبيعي اي حد مكاني بينسي فرق السن ده ميدو اول مره اتكلم معايا و عرف سبب رفضي قالي حاجه مش قادره انساها

ليله…..بابتسامه وهي سانده ايدها علي الكنبه و حطاها تحت دقنها قالك ايه

نادين….قالي انا هدخل حرب معاكي عشان اخليكي تنسي فرق السن و عارف اني هكسبها

ليله….بنظره تجنن و شكلوا كسبها

نادين….كسبها يا ليله حربه معايا كانت زي السهل الممتنع لا حسيت بيها ولا خدت بالي اني خسرت

ليله…..سلمتي

نادين…..سلمت يمكن اكتر حاجه كانت مخوفاني اني اشوف بعيني مواقف مفتعله لميدو عشان يثبتلي انه اكبر مني عقلياً و يحاول يثبتلي بمواقف كبيره ان انا كنت غلط و هو صح كنت خايفه لانه لو كان عمل كده كان هيصغر اكتر في نظري

ليله….تقصدي فرد عضلات

نادين….بالظبط بس هو معملش كده ميدو قدر يسرق قلبي بمواقف بسيطه و ردود افعال ابسط و يمكن لحد وقت بسيط كان لسه عندي القلث ده خصوصاً بعد موقف هادي يعني انا قولت لو ميدو أڤور في رد فعلوا و عمل فيها غيران و اتعصب و فضل يقول انا هعمل و هعمل في هادي او مثلاً لو مكانش اتقبض علي هادي بسبب المخدرات ولاقيته راحلوا و عايز يضربوا و الحجات الغريبه دي كنت هخاف

ليله…..بس هو لو غار ده حقه

نادين….اكيد و هو غار بس بالطريقه اللي بحبها مش بالطريقه اللي كنت خايفه منها حتي لما ضرب هادي في القسم راح عليه بكل هدوء و طحنوا لا زعق و لا قال لفظ و لا اتعصب تفريغ غضبوا كان شبه ميدو اللي عرفته

ليله…..طيب ما عشري بالغ في رد فعلوا

نادين….لا عشري من يوم ما اتعرفنا عليه وهو كده عصبيته ملهاش حد و هو شخص ردود افعاله الواحد يقلق منها عشان كده مش بشوف عشري أوڤر لان ده طبعوا و ده اللي اقصده لو ميدو كان عمل زي عشري كنت هحس انها فرد عضلات او بيحاول يثبتلي انه كبير و فاكر ان ده تصرف يخليني احس انه يعتمد عليه حتي توقعت انه يزعل مني يتعصب كان هادي جداً عينه مليانه غضب لكن في نفس الوقت حنيتة اللي اتعود عليها موجوده ورد فعلوا اصلا للموضوع مجاش في بالي انا قولت هيزعل يعمل نفسه مضايق يتعصب يكسر بس هو معلملش كده اول حاجه فكر فيها اننا نتجوز و فجأه لاقيته بكل هدوء بيصلح كل اللي اتكسر في البيت و بيرجع كل حاجه زي ما كانت باختصار ميدو قدر يكسب الحرب بطريقه سهله

ليله…..هو كان واضح من البدايه يا نادين و يمكن زي ما بتقولي ردود افعاله حتي و هو متعصب نفس ميدو اللي نعرفه هو بجد بيحبك اوي

نادين….وانا كمان بحبه اوي والله العظيم و معاه بحس بالامان بحس في وجوده اني مش ناقصني اي حاجه

ليله….بضحك احيه عليا و بتقوليلي اتاخدت لما اتفق علي كتب الكتاب

نادين….بضحك دي حاجه ودي حاجه بقولك ايه صحيح هو عشري جاي

ليله….اه قالي في الطريق لما يجي هنزله

نادين…..طيب ما تخليه يطلع ونقعد مع بعض او ننزل نروح اي مكان شويه ميدو جاب اصلا و قالي لما اجي انزلي

ليله….مش عارفه هقولوا

نادين….ماشي و هقولك علي حاجه و اوعي تقولي اني قولتلك

ليله….خير

نادين….ميدو زعلان منه هو والشباب

ليله….بجد

نادين….امبارح كان موده زي الزفت وهنا كانوا مع بعض وانهارده كمان الصبح كان باين علي صوته فضلت اسألوا وعرفت انه شد معاهم بخصوص الشغل

ليله….بس مستحيل يزعل مع عشري

نادين….هو انا معرفش زعل مع مين بس يعني بقول لو قعدنا عشان بفكوا شويه

ليله….تصدقي ممكن يكون زعلانه فعلاً اصل عشري سألني متعرفيش ميدو عمل ايه مع خال نادين غريبه انه معرفش منه

نادين….شوفتي بقي يبقوا زعلانين خلينا نصالحهم

ليله….لا هو احنا نخليهم يتقابلوا مع بعض بس ملناس علاقه بيهم يعني منفتحش موضوع الصلح و الكلام ده عشان لو قافشين اوي ميقفشوش اكتر خليهم يتكلموا عادي

نادين…..طيب ماشي

دقايق بسيطه واتصل عسال علي نادين

نادبن….الووو

عسال…..حبيبي انا تحت انزلي يلا

نادين….اااا طيب ممكن تطلع شويه

عسال…..في حاجه ولا ايه

نادين….لا مفيش بس عيزاك ضروري

عسال….طيب حاضر بس قوليلي في ايه

نادين….لما تطلع هتعرف يلا بقي بسرعه

عسال….طيب طالع اهو

نادين….باي

ليله….بهمس ايه طالع

نادين….اه جاي عشري فين

ليله….استني اشوفوا مسكت موبايلها واتصلت عليه الووو

عشري….ايه يا حبيبي

ليله….فينك كل ده

عشري….خلاص خمس دقايق وابقي عندك لما اجي انزلي علي طول

ليله…..لا اما تيجي اطلع

عشري…اطلع فين

ليله….عند نادين

عشري…..اشمعني

ليله….يا سيدي عيزاك انا و نادين

عشري….لا مش هينفع ميدو عندك

ليله…..لو عندي مش هتطلع يعني

عشري….لا لو مش عندك مش هطلع

ليله….طيب اعتبروا عندي يا سيدي هو وصل و طالع هو كمان اطلع بقي عايزينكم

عشري…..ماشي يا ليله تمام يلا اقفلي انا قربت

قفلت ليله ورن جرس الباب راحت نادين تفتح ابتسمت اول ما شافتوا

نادين….بهمس ضبعت المفتاح ولا ايه

عسال…..بابتسامه لا بس اكيد مش هفتح عليكي يعني انتي وليله

نادين….طيب ادخل

دخل عسال وابتسم لليله

عسال….لولييييي

ليله….اهلا بالعريس

عسال…..بابتسامه اهلا بالعروسه

ليله….اخبارك ايه

عسال….زي الفل انتي عامله ايه

ليله….كله تمام

عسال…..ايه العريس عمل ايه انهارده

ليله….خير ان شاء الله هو يقولي متعرفيش ميدو عمل ايه وانت مش عارف هو عمل ايه زعلانين من بعض ولا ايه

عسال….بابتسامه انا وعشري مستحيل ده حبيبي

ليله….طيب امال ايه بقي

عسال….مفيش والله بس احنا روحنا في نفس الوقت تقريباً و ملحقتش لسه اعرف

ليله….عموماً هو جاي علينا ابقي اعرف منه

عسال….طيب تمام قرب يعني

ليله….اه كان هيستناني و نخرج بس قولتلوا يطلع و لما عرف انك هنا قالي ماشي

عسال….طيب تمام بص لنادين وابتسم بحب ايه يا حبيبي انتي كويسه

نادين….الحمد لله قولي تشرب ايه

عسال…..لما عشري يجي بقي نبقي نشرب قهوه بس انا عايز مايه الوقت

نادين….بابتسامه حاضر

بص عسال لليله و ابتسم

عسال…..مقالكيش اي حاجه خالص

ليله….بابتسامه مقالش والله صاحبك مطلع عيني بس يعني عشان مظلمهوش اتصل بيا وهو هناك و قالي اقرأي معانا الفاتحه

عسال….بابتسامه واسعه اوبااااا بتتكلمي جد

ليله…..بضحكه جميله اه والله

عسال….عملها البلطجي

ليله….بضحك عملها يا سيدي

عسال…..يلا ربنا يتمملكم بخير يا لولي ان شاء الله و نفرح بيكم في اقرب وقت

ليله…..و انت ونادين كمان هي عموماً شكلها كده الفتره الجايه كلها افراح

عسال….بابتسامه اه والله ماشاء الله علي خير يارب

ليله….يارب اللهم امين سلامه مجاش معاك ليه

عسال….روح بقي فاصل مع صاحبتك من بدري كمل بضحك و اشتغل بدالها في المحل حلق للكلاب و حماهم و بوظ الدنيا

ليله….بضحك بتتكلم جد

عسال….اه والله دي تعبانه متعرفيش ولا ايه ؟

ليله….بتتكلم جد

عسال….اه والله سخنه و متبهدله

ليله…..معرفش والله مكلمتهاش انهارده

نادين….مين دي اللي تعبانه

ليله…..ايه بيقول سخنه و تعبانه وسلامه كان بيساعدها في المحل طول اليوم

نادين….استني اكلمها انا معرفش والله

ليله….مشغوله اقفلي

نادين….ما انا بكلمها يا ذكيه

ليله….يابت معاها تليفون و كنسلت

عسال….تلاقي سلامه بيكلمها

ليله….هي كان باين عليها امبارح كانت مرشحه خالص

عسال….ربنا يشفيها اكيد من المايه و حموم الكلاب

ليله….اكيد و ايمي و رشيد مكسرين كلمتها عشان اشوف عجبها حاجه ولا لا صوتها خلصان

عسال….ايوه انا اتصلت برشيد بس بدري شويه و كان خلصان

رن موبايل ليله

ليله…..ده عشري شكلوا وصل الووو

عشري…..ميدو وصل

ليله…اه وصل لسه طالع

عشري….طيب انا طالع افتحي يلا

ليله….اوك باي

قفلت وقامت وقفت

ليله….خليكي هروح افتح انا

نادين….ماشي

بصلها عسال بابتسامه تجنن وسكت

نادين….بابتسامه ايه في ايه

عسال….بحب شاورلها تقرب تعالي و حشتيني

نادين….بابتسامه مدت ايدها و مسكت كفه و راحت قعدت جنبه انت كمان وحشتني بس لسه مخصماك من الصبح.

عسال….يا خبررر من الصبح قلبك اسود ولا ايه

نادين….بابتسامه جمياه لا بس انت قولت لما تيجي هتصالحني و لازم افضل زعلانه

عسال…..بحب بس كده قرب بسرعه من خدها باسها بوسه طويله و في نفس الوقت هاديه

اتوترت نادين و قامت بسرعه من جنبه وهي متوتره

عسال…..بضحكه هاديه ايه اللي حصل بصالحك

نادين…ااااا انا هروح اشوف القهوه

عسال….بحب ماشي

جريت بسرعه من قدامه لمحت عشري بيققل باب الاسانسير و بيقرب من ليله و بدون تردد ضمها من وسطها و باسها من خدها

عشري….حبيبي و حشتني

ليله….بهمس وانت كمان يا بلطجي ادخل تعالي

عشري…..اهلاً بعروستنا

نادين….واضح ان هيبقي في عرايس و عرسان كتير

عشري….ربنا يكتر افراحنا يا ستي

نادين….ازيك يا عشري

عشري…..الحمد لله انتي اخبارك ايه

نادين….كله تمام ادخل تعالي

ليله….عشري قهوه

عشري….ماشي يا حبيبي تمام

نادين…..هنروح نعملها ونجيلكم

عشري….تمام

غمزتلها ليله و سابوهم لوحدهم و هما بيبصوا عليهم من بعيد

قرب عشري من ميدو اول ما قرب شويه منه قام و الاتنين ضموا بعض من غير ولا كلمه

عشري….بهمس براحتك خالص عاملي فيها زعلان و مش بتكلمني ماشي ياعم لو تقدر علي زعلي انا مقدرش علي زعلك

عسال….بهمس انت عارف اني مقدرش و عارف كويس اوي ان زعلي مش منك زعلي عليك فا بلاش تعمل فيها انك اجدع مني

عشري….بابتسامه لا ياعم انا مش اجدع منك انت اجدع مني و عارف انك مش زعلان مني و عارف كمان انك معاك حق في كل كلمه قولتها بس غصب عني

عسال….عارف انه غصب عنك بس ليله تستاهل انك تحاول

عشري…عشان تستاهل انا خايف اخسرها ياريت المحاوله دي كانت في اي حاجه تانيه الا جرحها

عسال….يعني ايه خلاص كده ناويت تسكت وتخبي و تستني بقي القدر يكشف سرك

عشري….بتنهيده لا ناويت اعمل بنصيحتك و اقولها و اللي يحصل يحصل

عسال….ده بجد ولا بتشتغلني

عشري….مش بشتغلك اكيد انا خدت القرار اصلا انا واخده من اول ما قولت لمريم بس كل مره بيحصل حاجه تخليني اسكت

عسال….طيب ايه هتقولها امته

عشري….هو مش انهارده اكيد

عسال….لا هو مش مناسب بصراحه انهارده واضح انها لسه متعرفش اللي حصل معاك في مقابلة انهارده يعني من رأيي متبوظش المناسبه دي

عشري…..متقلقش انا اصلا كنت بفكر نتقابل كلنا عشان نشوف كل واحد فينا هيحدد امته و منحددش مع بعض لازم يبقي في فرق يوم علي الاقل بينا فا كنت بفكر يعني نشوف بكره لو ينفع نتقابل كلنا و بعدها انا هاخدها و نروح نقعد في مكان رايق كده و هقولها

عسال….طيب تمام كده احسن صدقني و بعدين انتوا خلاص كل خطواتكم الجايه جد يعني حتي لو زعلت هتاخدلها يوم اتنين و هتحلوها بأمر الامر واحنا معاكم و جايز الكام خطوه اللي جايين دول يكونوا سبب في انها متطولش في الزعل و الموضوع يخلص و ينتهي بسرعه عكس ما انت متخيل

عشري….ان شاء الله

عسال…بالنسبه بقي لموضوع اننا نتقابل ده لازم يحصل بكره بالكتير الراجل مستني مني معاد احنا محددناش بسببكم كلكم

عشري….طيب خلاص خلينا نشوف الشباب و نكلمهم الوقت كلهم و نتفق

عسال….ياريت عشان ارد عليه

قربت نادين و ليله كان معاهم القهوه

و حلويات و طبق في ساليزون و حجات حادقه كده .

ليله….دي قهوتك يا عسال دي بتاعتي انا و عشري دول

عسال…..تسلم ايدك يا لولي

نادين….كلوا بقي من الحجات دي انا مش هعزم عليكم

قرب عشري خد واحده ساليزون

عشري….انا مش محتاج عزومه انا جعان اصلا

نادين….بجد طب قولي عايز تاكل ايه

عشري…لا لا ده كويس اقعدي

نادين….بالله عليك في حجات كتير اوي

عشري….يا ستي عارف اقعدي

نادين…طيب هقولك نطلب اكل اوك

عشري…بضحك يا بنتي اقعدي انا مش جعان للدرجه يعني قعد المجنونه دي

عسال….بابتسامه و الله نودي تعمل اللي هي عيزاه

عشري….يا ابني والله مش عايز اقعدي يا نادين انا لو جعان هتكسف منك يعني

نادين…..طيب هعملك حاجه سريعه

عشري….يابنتي بس بس والمصحف مش عايز

ليله….وانت مكلتش بقي

عشري….كلت بس حسيت اني عايز اكل حاجه حادقه قبل ما اشرب القهوه و السجاير و بعدين انا بحب الساليزون

ليله….هو انت مكلتش حاجه عند اميمه ازاي سابتك من غير ما تاكل اصلا

عشري….بضحك وانا رايح اتغدي انتي كمان و بعدين انا اينعم مشوفتهاش بس هي متوصتش جابت كل حاجه حلوه و حطتها و شكلي كده بعد الجواز وزني هيزيد بسببكم

ليله…..حصل

نادين…..انت لسه شوفت حاجه دي اميمه فظيعه اولا اكلها يجنن ثانياً كريمه بشكل مبالغ فيه تبقي قاعد بتكلمها في موضوع معين و هي باين انها مركز معاك و فجأه تقولك والنبي تاكل والنبي اقوم احطلك طبق محشي كملت بضحك بجد بموت فيها

ليله….بضحك لما بروح عندها برجع حرفياً مش بتنفس كلها امي الله يرحمها امي بقي لما كان حد يجي عندنا فجأه من غير ما نعرف و البيت في اكل بس عادي يعني علي قدي انا وهي او مفيش غير في الفريزر فجأه تقزم و نص ساعه ابص الاقي سفره كامله ابصلها و اقولها امته وازاي بجد كانت فظيعه اوي

نادين…..الله يرحمها يارب فكرتني بزوزو هي كمان كده تكرهك في حياتك والاكل و الشرب

عشري….زوزو دي جميله اوي بجد طلعت عسل و فيها من ايمي

ليله….اه كتير المهم خلينا بقي في اللي انت عملتوا

عشري….بابتسامه انا !! عملت ايه

ليله…..انت هتستعبط يا بلطجي انت ازاي تقرأ فاتحه من غيري

عشري….هو انا مش اتصلت بيك

ليله….لا يا شيخ احنا نش اتفقنا

عشري….ااااااه يابت بطلي غباء و جعتني و الله

ليله….وجعتك ده انا هطين عيشتك قامت قعدت علي ركبها و هي بتخنقوا

عشري….بضحكه جميله والله هديكي كتف اطيرك ااااااه يا عضااااااضه

عسال….بضحك احسن عضي تاني

نادين….حرام عليك يا مفتري انت كمان

عشري…..يابت جرالك ايه

ليله….بغضي احسن تستاهل عشان بعد كده متعملش غير اللي متفقين عليه

عشري….بضحك طيب حطي نفسك في مكاني الرجاله كلهم قاعدين و فجاه لاقيته ابويا بيقول نقرأ فاتحه اقول انا لا و يفكروني بخلع منك

ليله….تخلع مني انت تطول بجد انا مش طيقاك

عشري….والله العظيم الموضوع حصل بسرعه حتي اسألي فضل و بعدين ما انا كلمتك قولتلك اقرأي معانا و خليتك تعيشي اللحظه

ليله…وهي بتقلدوا و خليتتتتك تعيشي الللحظه

عشري…انا بعمل كده

ليله…بضحك اه بتعمل كده

مسك ايدها الاتنين بأيد واحده وقام وقف قدامها و عسال ونادين بيضحكوا عليهم

عشري….انا بعمل كده

ليله….بضحك سيب ايدي يا بلطجي و ابعد عني

عشري….ولو مبعدتش هتعملي ايه

ليله….بضحك ابعد ايدك التانيه والله لو لمستني ما هسيبك

عشري…..هتعملي ايه انا عايز اعرف

فضلت تضحك و مش عارفه تفك نفسها منه

نادين….بضحك خلاص سيبها يا عشري معلش

عشري….عشان خاطرك انتي بس يا نودي

ليله….وانت قاعد كده مش بتعمل حاجه

عسال….بضحك صاحبي

مسكت مخده حدفتها علي عسال طيب خليه ينفعك

عسال….بضحك الله وانا مالي

عشري…انتي بتضربي صاحبي ده انتي يومك ازرق

ليله…بضحك خلاص خلاص والله ما قادره

قعد مكانه و هو بيبصلها بغضب و رافع حاجبه

ليله….خلاص مش هعمل حاجه بس عرفني حصل ايه

نادين….انا كمان عايزه اعرف

عسال…..احنا اتكلمنا في حجات كتير و اتفقنا و كله تمام بس احنا الوقت متوقفين علي مواعيد الكل حتي انا قولت لخالك اعرف و اقولك لاني مش عايز احدد معاد و ارجع الاقي حد فيكم متفق عليه و عشري مكنتش عارف عمل ايه وحسان قالي الجمعه هو رايح بس مكانش عارف هتبقي فاتحه و خطوبه و لا قاعده تعارف بين اهلهم و بس

نادين….سلمي كانت بتقول انه هيكلم انكل احمد انهارده و يعرف منه

ليله….اكيد كلموا خلاص

عسال….طيب يبقي كده كده احنا بعيد عن الجمعه لان لا حسان ولا سلمي ولا ايه هيبقوا معانا حتي لو قاعده تعارف

ليله….بالظبط

عشري….بابتسامه و الاحد ابعدوا عنه عشان هنقرأ فاتحه و نلبس شبكه

بصتلوا ليله بصدمه و ابتسمت

ليله…..ده بجد؟

نادين….بضحك ايوه اعترف اتفقتوا علي ايه

عسال….تصدق بالاه كنت هقولوا لو الاحد مناسب ليك يبقي نخلص الجمعه مع حسان و الاحد نكتب الكتاب و كويس اني قولتلوا نستني

ليله….انت ساكت ليه ما تقول يا رخم

عشري…..بنظره حب هاديه خلاص اتفقنا علي الاحد بأمر الله و الاثنين كمان معلش بقي اعذروني هناخده منكم عشان المفروض بعد الخطوبه تاني يوم علي طول هتيجوا انتوا عندنا هنتغدي سوا عند امي و ابويا و بعدها هناخدكم و تروحي تشوفي شقتك يا عروسه

ليله…..بصدمه و ضحك انت بتهزر صح

عسال….بضحك اول مره اشوف ليله متوتره

ليله….بضحك مسكت مخده تانيه و ضربت بيها عشري ما البركه في صاحبك اللي عمال يفاجئني مش لو كنت معاكم كان احسن

عشري…..بضحك يا بنتي كفايه ضرب جسمي باظ و الله يا ليله همسكك أطبقك في ايدي

ليله….طيب قولي بجد

عشري…..مفيش والله زي ما بقولك قعدنا اتكلمنا اتعرفنا بعدها اتفقنا

ليله….علي ايه بقي

عشري….لا ده اتفاق رجاله ملكيش دعوه بيه

ليله….انا راجل قول

عشري….بضحك مفيش والله الاتفاقات العاديه يعني بعدين اتفقنا ان يوم الاحد هنعمل خطوبه و الاثنين انتوا هتيجوا و هتروحي انتي واخواتك تشوفوا البيت لو عجبك يبقي الدخله بعد اسبوعين يكون رشيد وايمي اتجوزوا و راحوا شهر العسل يعني اسبوعين بعد فرحهم علي طول لو في اي تغير بردوا هتعرفيني عايزه ايه و هنسابق الوقت زي ايمي و رشيد و هنخلص في اسبوعين ثلاثه بالكتير

ليله….بضحك لا استني ايه الصدمه دي احنا متفقناش عالسرعه دي

عشري….اييييييه مش قد مسؤوليه الجواز و هترجعي في كلامك

نادين….بضحك احسن تستاهلي مش كنتي مطلعاني مسرح انتي و ايمي لما قولت لميدو انت مستعجل

ليله….بضحك اسكتي يا واطيه مش وقتك انتي رد عليا جواز ايه انا متفقتش علي جواز

عشري….بضحكه تجنن ايه لعب عيال هو

ليله….اااا لا بس يعني انا مكنتش متخيله انكم هتقعدوا تتفقوا علي كل ده فكرت يعني مجرد تعارف

عشري….و انا قولتلك خلاص خلصت

ليله…..اااا طيب ايه حوار الشقه يعني انا مش فاهمه

عسال….بس اقولك علي حاجه يا عشري ليله مش هتغير حاجه في البيت

نادين….اشمعني بقي

عسال…..لان ماشاء الله بيت عشري مش محتاج

ليله…..بغرور و سخريه رفعت حاجبها تضايق عشري مين قالك مش يمكن ذوفه يطلع وحش

عشري عدل نفسه و بصلها وهو رافع حاجبه

عسال….بضحك لا استني متردش هلي الطلعه دي عليا انا ذوق مين اللي وحش ده راجل عرباوي يعني الذوق و الشياكه كلها

ليله….مش اوي كده بطل تطبيل

عسال….خلاص احنا فيها مش قولت معادكم الاثنين

عشري…..قولت

عسال….روحي شوفي البيت اولا هي شقه في دور يعني عباره عن ڤيلا تتوهي فيها و ربنا يحفظ البيت يارب عشري مخليه قصر مش بيت عادي و بعدين عشري بيحب النظام و نظيف جداً و ده طبع العرب خدي بالك يعني لما تدخلي البيت هتحسي انك داخله متحف

ليله….بابتسامه بردوا ممكن ميعجبنيش

عشري….والله عجبك هنتجوز بعد اسبوعين معجبكيش شاوري بس و اقلبي البيت تحت و فوق و بردوا هنتجوز بعد اسبوعين

ليله….بضحك بعني لو قولت في حاجه مش عجباني بردوا هنتجوز بعد اسبوعين

عشري…..بابتسامه اه مفيش مهرب بس خلينا نتكلم جد سيبك من كل الكلام اللي ميدو قاله لو في اي حاجه حابه تغيريها حتي لو البيت كله اعملي اللي يعجبك

نادين….طيب هو انا عندي سؤال

عشري…..اسألي

نادين….هو الواضح من كلام الكل ان انت الوحيد اللي فارش شقتك ليه بقي يعني مفكرتش مثلا انك لما تتجوز عروستك تبقي حابه تعمل بيتها بنفسها زي باقي الشباب

عشري….طيب هقولك اولاً رشيد و حسان كانوا متجوزين قبل كده و الاثنين سابوا البيت اللي اتجوزوا فيه و بيتهم اللي قاعدين فيه حالياً قرروا ميعملوش اي حاجه فيه عشان السبب اللي قولتي عليه يعني لما يتجوزوا العروسه هي اللي تختار و كل واحد فيهم جاب حجات بسيطه يادوب بس تكون موجوده في الشقه بالنسبه لفضل و عسال و سلامه كل واحد فيهم عنده بيته بس قاعدين مع اهلهم فابالتالي شققهم فاضيه اما انا بقي من اول ما كان عندي 25 سنه قررت اني اقعد لوحدي و طبعاً ابويا عنده نظام مبيساعدش اي حد فينا هو شايف اننا رجاله و لازم نعتمد علي نفسنا ودي حاجه حلوه كل اللي عملوا قال انا جبت الارض و انتوا عمروها

طبعاً بيت ابويا وامي هما في الدور الاول و الثاني علي اخويا و الثالت و الرابع المفروض انا و عمر اخويا لان احنا ترتيبنا علي عمر انا سليمان احنا الاربعه اكبر و بعدين محمود و سليم وعدي فا ابويا قال الكبار هيبقوا معايا و علي ما الصغيرين يكبروا شويه يبقوا يبنوا لنفسهم قولت ماشي علي بني و اتجوز و بعدين لما قولت عايز ابني و اقعد في الشقه لوحدي عمر قالي حلو ارفع الاساس عشان انا كمان خلاص هتجوز و هاخد الرابع

قولت لا انا الرابع و اختلفنا هو مصمم علي الرابع و انا اقوله الثالث بتاعك انت اللي هتتجوز موافقش قالي والله انا أعطل الجوازه لحد ما تبني فا ابويا قالي يا ابني خليه يتجوز ده دماغه صرمه قولتلوا وانا دماغي جزمه و طبعاً انا بحب الادوار العاليه مش حابب حد يكون فوقي و حابب اعمل حجات معينه و عمر نفس دماغي و تلاقينا اصلا مولودين فوق راس بعض

عسال….بضحك ما دي حقيقه

عشري….المهم صممت وقولت مش رافع اساسات و هو صمم و قفلت معاه فا سليمان قال خلاص انا معنديش مشكله اخد الثالث وقتها كان بيحب و هيتجنن و يتجوز بدري

ابويا قالوا طيب ماهي نفس المشكله لو انت خدت الثالث مين فيهم اللي ياخد الرابع انت الصغير و عمر داخل علي جواز و محمد اكيد اللي بعدو

قولتلوا لا انا مش هتجوز الوقت خلي سليمان ياخده و بيني و بينكم قولت بس محمود و سليم و عدي بقدر عليهم صراحه محمود اكتر واحد من اخواتي طيب و بحبه اوي و هو كمان قريب مني و مستحيل يعترض علي اي حاجه فا امي قالتلي طيب لما انت تروح البيت التاني هترفع كل الاساست دي ازاي لوحدك هتستني اخواتك يكبروا شويه و يشدوا حيلهم و بعدين يرفعوا الاساسات و قتها البيت التاني كان مرفوع اساس اول دور لان تحت البيت كان فيه الكافيه بتاعنا و ده كان اول كافيه لينا في زايد و البيت الاي ابويا و امي فيه مكانش فيه تحت محلات لان ابويا رفض عشان امي تبقي براحتها

فا كان اول دور مرفوع قولتلوا بس عدي لسه صغير الدور الاول يبقي بتاعه الدور الثاني هيبقي لسيلم و الثالث لمحمود وانا الرابع ابويا قالي حلو مين هيرفع كل ده سليم كان وقتها لسه متخرج او في اخر سنه تقريبا فا مستحيل يقدر محمود شاف اني مش قادر فاقالي طيب انا معايا مبلغ مع اللي معاك هنرفع بيهم اساس الدور الثاني و الثالث و اقعد انت في الثالث شويه اللي هي شقته يعني و بعدين نبقي نتصرف بعدين سليم قال انا كل ما هشتغل هديكم جزء من اللي عليا عشان يبقي هو اللي رفع اساس الدور بتاعه و يسددلنا و انا ابني الرابع كنا وقتها مزنوقين في النهايه احنا شباب لسه يادوب بنبدأ حياتنا فا صعبنا علي ابويا قال طيب خلاص انا هرفع الاساس بتاع سليم و لما يبقي يقدر يسدد يسدد براحته و قتها فرحت و بدأنا فعلاً رفع الاساس وقتها كنت 25 سنه علي ما رفعنا بقي و جهز الشقه و قسمتها بالطريقه اللي تعجبني كان عندي وقتها 28 سنه يعني بعد ثلاث سنين لاننا كنا نعمل حاجه و نقعد شويه لحد ما نجمع مبلغ و بعدها بقي الشقه كانت هلصانه كهرباء و سباكه و كل حاجه زي ما انا عايز بالظبط حفر بقي و كهرباء مخفيه و كهرباء داخليه و خارجيه و مسكنا بعدها البيت من فوق لتحت خلينا المدخل والدرج و الادوار في حته تانيه انا واخواتي في النهايه ده هيبقي بيتنا

عسال….بايتسامه اصلا المدخل بجد يجنن تحسي انك في فندق مرايات و زرع و اضاءه و رخام فظيع بجد

عشري….المهم بعد ما خلصنا كان في مكان للاسانسير احنا عاملين حسابه قولت وقتها لمحمود اننا هنأجل حوار الاسانسير ده عشان عايز ابدأ افرش بقي الشقه قالي لو استنينا مش هنعملوا الوقت خالص ايه رأيك نخلص منه و واحده واحده نفرش الشقه انت في دماغك جواز الوقت قولتلوا لا قالي بس ولا انا يبقي نخلص عشان سليم و عدي لو خلعوا مننا مش هنعرف نقفشهم قولتلوا اشطا و عملنا الاسانسير مع بعض و خلصنا كل حاجه و بعدها انا خلصت نقاشه و كل حاجه في البيت بقي جاهز بس من غير فرش جيبت وقتها اوضه نوم صغيره و استقريت لوحدي و بعدها بقي كل ما يبقي معايا مبلغ اشيلوا و خدت قرار اني لما افرش افرش الشقه كلها مره واحده و قعدت كذا سنه علي نفس الوضع اوضه نوم صغيره و كام حاجه في المطبخ يقضوا الغرض بعدها اهتميت بالشغل و شويه و عملنا المعرض مع عسال و الشباب اللي هو اول معرض و بعدها بقينا نفتح انا واخواتي فروع للكافيه و علي فكره احنا معندناش ثلاث كافبها بس في ثلاثه هنا بتوعي انا واخواتي و ابويا بس و في اربعه تانبين شراكه بين ابويا و عمي و جوز عمتي اللي هو ابو فضل اينعم احنا كلنا بنشتغل في فروع بعض عادي بس اقصد ان الثلاثه اللي ديما اقول عنهم بتوعنا احنا بس و في اتنين في سيناء و ولاد عمي هما اللي شغالبن فيهم بس بتوعنا احنا عادي يعني احنا لينا خمسه مش شراكه و في طبعاً السادس اللي هنفتحه بس ده بتاعي انا وفضل والشباب بس من غير اخواتي او ولاد عمي

نادين….بس نفس الاسم صح

عشري….اه نفس كل حاجه و العلامه التجاريه و كله

ليله….هو اسمه ايه صحيح

عشري….ابن سيناء و ده ابويا اللي اختاره من زمان يعني المهم و قتها اتشغلت في كل الفروع دي و في اراضي ابويا كان ياخد مننا الفلوس غصب و يشتري و مع الوقت حست انه كان صح بعد كده بقي و انا عندي 35 سنه قررت اني خلاص لازم أبدأ اكون فلوس تاني بقي بس للفرش و يمكن الفلوس بقت تزيد كتير في وقتها فمكانش في اي حاجه تخليني ابقي مزنوق الشغل كبر و المشاريع كترت فا عندي اكتر من دخل بعدها بشويه فكرنا في حوار الكافيه انا و الشباب و الفرع التاني للمعرض رجعت تاني وقفت الفكره خدنا ارض من بابها و رفعنا اساسها و عملنا دورين للمعرض اللي هو لسه بيجهز لحد الوقت

وبعدها بحاجه بسيطه لقينا مكان يجنن بمساحه مهوله قررنا نعمل فيها كافيه هو اصلا مبني زي المول كده خدنا الارضي بتاعه كله و بدأنا نظبط فيه واحده واحده بقالنا حوالي اهو من وقت ما خدناهم اربع سنين بنجهز فيهم عشان يطلعوا زي ما احنا حابين و بقيت 39 وانا هموت وافرش الشقه و مش عارف

عسال….بضحك صراحه انا نفسي تعبتلوا واخد القرار و هو عنده 25 سنه

ليله….بضحك 14 سنه مش عارف تفرش الشقه يا عشري

عشري…بضحك اعنل ايه كل ما انوي يحصل حاجع بس كل التأجيل اللي حصل كان في صالحي بصراحه يعني عملنا بيت يجنن زي ما قال عسال مساحته حوالي 600 متر صافي علي دور واحد يعني مساحه ڤيلا جهزناه بالطريقه اللي ترضينا كاشباب مع بعض و بعدها اتسحلت في مشاريع كتير و الحمد لاه المشاريع دي خلتني الوقت لا بفكر في فلوس ولا ممكن اتزنق في اي حاجه يمكن تعبت كتير اوي بس عملت حجات كتير

نادين….بابتسامه طيب انا عندي فضول انت الوقت 39 عملت شقتك امته

عشري….بضحك وانا 39

عسال…..عشري تقريباً لسه مخلصها من كام شهر بعد ما تم ال39 علي طول

ليله….اه يعني مش مفروشه من وقت طويل

عشري…..لا خالص يادوب ست شهور تقريباً او خمسه كمان رجعت بقي جبت مهندس ديكور و عدلنا تاني الدهانات و كل حاجه و ظبطنا نقاشه وعملنا ديكورات و بعدها اختارنا كل حاجه في البيت و خلصت

نادين….مصدقاك لان تشطيب البيت متعب جداً وقت و فلوس و مجهود

عسال…..بضحك وهو بجد شقي فيها و صرف كتير

عشري…..بضحك انا شحتت مصرفتش اكتر من مليون ونص في فرش الشقه

ليله….بضحك علي كده انا لو قولت نغير اي حاجه هنطلع في المسامح كريم مع بعض

عشري…بضحك لا يا ستي مش هنطلع انتي شوفيها عجبتك اوك معجبتكيش متفكريش في اي حاجه كل اللي هيعجبك نجيبه

عسال….بابتسامه متقلقيش قاعد جنبك شيخ العرب

ليله….بابتسامه ماشي يا سيدي هنشوف

عشري….المهم الوقت عايزين نتفق مع الشباب لازم نتقابل و نتفق مع بعض

عسال……طيب نكلم رشيد لان هو اكتر واحد مشغول فينا الوقت و نشوف وقته بكره لو تمام اوك

نادين…..ممكن نتقابل هنا او في المطعم

عسال…..مش هتفرق خليني اكلموا و اكلم حسان و انت ابقي شوف فضل و سلامه معايا اكيد

عشري…..طيب تمام اتصل و انتي يا ليله ظبطي مع سلمي و ايه كده و شوفي وقتهم

ليله….تمام

اتصل عسال و اتصلت ليله و بعد مكالمه دامت بينهم اكتر من تلت ساعه اتفقوا كلهم يتقابلوا عند نادين بكره عشان يتفقوا

بعد وقت بسيط نزلوا كلهم من عند نادين ميدو مشي و عشري راح وراء ليله وصلها و روح.

و قرر انهم بعد اتفاقهم ياخد ليله و ينزل بيها و يقعدوا في مكان مع بعض و يقولها كل حاجه قبل معاد خطوبتهم..

وللحديث بقيه…….