لقاء كارثي
(لقاء كارثي) 33/34/35
لقاء كارثي
أميره أسامه
صاحبة البطل الواحد
~° البارت الخامس و الثلاثون°~
……………….
بعد ما نزل عسال و ركب عربيته و مشي و ساب عشري و ليله افتكر انه مقالش لنادين ان خالها عرف موضوع هادي فا قرر يتصل بسرعه عشان يعرفها مسك موبايله و اتصل عليها
نادين….الوووو
عسال…..ايوه يا حبيبي
نادين….في حاجه ولا ايه؟
عسال….لا بس نسيت أسالك هو خالك كلمك ؟
نادين….انا لاقيته متصل مرتين بس الموبايل كان سايلنت هكلموا الوقت في حاجه ولا ايه
عسال…..طيب كويس انك لسه مكلمتهوش انا نسيت اقولك حاجه مهمه حصلت و لازم تعرفيها عشان لو كلمتيه تعرفي تقولي ايه
نادين….في ايه قلقتني
عسال….مفيش قلق بس هو عرف موضوع هادي
نادين….ايه ؟ طيب ليه قولتلوا
عسال….هو في الحقيقه انا مقولتش سلامه اللي غلط بلسانه بس فكر انك قايله و انا مكنتش بردوا عارف انه ميعرفش لو كنت اعرف كنت فهمت سلامه
نادين….انا مقولتش عشان ميقلقش و بعدين هو طول الوقت مشغول مع تيته كنت هقولوا ايه يعني
عسال….ماشي يا عمري اهدي و محصلش اي حاجه و متقلقيش هو لو كلمتيه مش هيقولك اي حاجه
نادين….بس اكيد اضايق مني
عسال…..هو اضايق عشان معرفش بس لما فهم سكت و زي ما قولتلك مش هيقولك حاجه يعني المهم انك بخير و انا طمنته ان هادي محبوس و مش هيقدر خلاص يتعرضلك بعد اللي حصل
نادين….هو انتوا ليه قولتوا اقصد يعني ايه اللي.حصل عشان سلامه يقول
عسال….هو كان مصمم يعرف ليه مستعجلين اوي كده علي كتب الكتاب و بصراحه كويس ان سلامه قال
نادين….مش فاهمه
عسال….نادين انتي عارفه كويس انا ليه مستعجل وليه عايز نتجوز بسرعه اولاً عشان زي ما قولتلك ابقي جنبك طول الوقت و ثانياً عشان اي حد يشوفني معاكي ميفكرش يبصلك او يقولك كلمه و انا عارف كويس اوي ان خالك بيحبك و بيخاف عليكي و بيثق فيكي و اكيد ملمحش لاي حاجه مش حلوه بس كمان كان لازم يفهم سبب استعجالي فهمتي حاجه
نادين….اااا لا بس يعني اللي فهمتوا انك خوفت يعني ان خالو كمان يعترض علي وجودك او يقولي كلمه تضايقني
عسال….حبيبي ركزي معايا شويه اكيد خالك مش هيقولك كلمه تضايقك بس يا عمري محدش فينا يقدر يعرف تفكيره ممكن يوديه لفين فهمتي ولا لسه
نادين….لا لسه انت تقصد ايه يعني خالو ممكن يفكر في ايه مش فهماك هو فرح جداً لما قولتلوا انك عايز تقابله
عسال….عارف يا ماما بس انتي مش قادر تفهميني و انا مش عارف افهمك او اقولهالك ازاي
نادين…..قولها زي ما انت فاهمها عشان اقدر افهم انت بتفكر ازاي
عسال….حبيبي خالك عادها اكتر من مره ليه مستعجلين حاولت افهموا بكذا طريقه بس كان بيرجع للسؤال نفسه
نادين….ايوه طيب لما عرفتوا موضوع هادي و قولتلوا انت ليه عايز نتجوز بسرعه فهم صح
عسال…..صح
نادين….طيب فين المشكله
عسال….مفيش مشكله يا حبيبي سؤاله ده اصلا كان قبل ما يعرف و لما عرف غهم و سكت وخلاص مفيش.حاجه
نادين….تمام انت بقي كنت بتقصد ايه لما قولت كويس انه عرف
عسال….نادين انا قولتلك لا هسمح لاي حد يبصلك بصه مش تمام او يقولك كلمه مش حلوه او حتي يفكر بينه و بين نفسه بطريقه مش حلوه و سؤال خالك مقدرتش افهمه غير بالطريقه دي جايز يكون مش قاصد و عنده بس فضول يفهم سبب اصراري بس حتي لو كده انا مش حابب اسيب المجال مفتوح لاي حد حتي لو كان خالك ماهو طبيعي يشك لو شافنا مستعجلين علي جواز فهمتي
نادين….بتوتر ااااا ميدو هو انت تقصد ان خالوا يعني فكر ان
عسال….حبيبي مقولتش كده بس حتي لو فكر بالطريقه دي فا كويس ان سلامه قال السبب فهمتي يا عمري
نادين…اااا اايوه فهمت
عسال….بابتسامه بس كده يا حبيبي بلاش تتوتري بقي ولو كلمك هو مش هيقولك حاجه تضايقك ولا حتي هيزعل ممكن بس يتعاتبك وقتها ابقي عرفيه انك مقولتيش عشان متقلقيهوش عليكي يعني الموضوع بسيط
نادين….ميدو قول بصراحه هو خالو قالك اي حاجه تضايقك او قال حاجه عني
عسال…..لا يا عمري خالص خالك ده راجل جميل و محترم و ذوق و بيحبك جداً و مبسوط اوي و صدقيني انتي عارفه اني مش بكدب اللي بقولوا ده من دماغي انا يعني خوفت لو مكانش لقي سبب مقنع انه يفكر بطريقه مش حلوه فا عشان كده بقولك كويس ان سلامه قال ده اولاً ثانياً حتي لو فكر بالطريقه دي هو خايف عليكي عشان بيحبك
نادين…..بس هو المفروض يكون واثق فيا
عسال…..و هو واثق فيكي اكيد و بعدين انا مش عايزك تفهمي كلامي بطريقه غلط نودي الراجل مقالش اي حاجه انا اللي بقول فهمتي
نادين…..اوك فهمت
عسال…..حبيبي لا خالك و لا اقرب ناس لينا ولا اي حد غريب هسمح ليه انه يفكر او يقول او يبصلك بصه مش حلوه و انا عشان احافظ علي صورتك لازم احاول الحق اي موقف قبل حتي ما يفكروا بطريقه مش حلوه فهمتيني
نادين….بابتسامه فهمتك
عسال….طيب ايه هتفضلي متوتره و قالبه وشك كده
نادين….بابتسامه انا مش قالبه وشي بس بصراحه لما فهمتك خوفت يكون خالو قالك حاجه او فكر في حاجه مش حلوه
عسال….محصلش الراجل بجد يجنن و انتي محظوظه انك عندك خال زيه بيحبك و بيعتبرك بنته و اوعي تنسي انه حقه يخاف عليكي بطريقته
نادين…..ميدو
عسال….نعم يا حبيبي
نادين….انا بحبك اوي
عسال…..سكت ثواني و ابتسم ااااه و ده ليه بقي
نادين…..بضحكه توتر اااا مش عايزني اقولك اني بحبك
عسال…..لا طبعاً لو عليا عايز اسمعها كل ثانيه بس ليه يعني الوقت
نادين…..عشان انت بجد حد جميل يعني دفاعك عن خالو فرحني
عسال….لان حقيقي هو معملش حاجه غلط ولا قال كلمه انا قولتلك اللي خوفت منه خوفت يكون فكر اننا مستعجلين عشان في حاجه مش حلوه حصلت لكن هو حد جميل و قابلنا بكل ذوق و نسيت اقولك كمان طلب مني اشوف جدتك
نادين….بابتسامه شوفتها
عسال….شوفتها جميله و فكرتني بجدتي الله يرحمها ربنا يدها الصحه و يطول في عمرها و تشوفك وانتي احلي عروسه كانت مبسوطه اوي سلمت عليها انا و سلامه و قعدنا معاها شويه بتحبك اوي
نادين…..بتأثر انا كمان بحبها اوي و عارفه انها مبسوطه اكيد هو انت ليه مقولتليش كل ده فاكر تقولي الوقت
عسال….بابتسامه ماهو احنا كنا قاعدين كلنا بقي و معرفتش اتكلم معاكي في كل التفاصيل دي
نادين…..ماشي هو انت مشيت
عسال…..اه يا حبيبي مشيت و عشري مشي وراء ليله يوصلها و هيمشي
نادين…..اوك يا ميدو ااا انا هقفل بقي واتصل علي خالو تكون وصلت
عسال….ماشي يا حبيبي قفلتي الباب
نادين…..قفلتوا والله هو مش انت فضلت واقف لحد ما سمعت صوت المفتاح
عسال….طيب خلاص براحه متزوقيش كده
نادين….بضحكه جميله مش بزق
عسال…..بموت فيكي
نادين…اااا احم طيب يلا امشي بقي
عسال….بضحك و بعدين بقي في التوتر ده و الله ارجعلك
نادين….بابتسامه مش هفتحلك
عسال…..مش مهم معايا مفتاح
نادين….بضحك اااااه انا جيبته لنفسي يعني
عسال….شوفتي بقي يبقي مطولش لساننا تاني
نادين….بابتسامه جميله ماشي خلاص هسكت
عسال….يلا يا حبيبي روحي و لما أوصل هكلمك
نادين…..طيب تمام
عسال….باي يا حبيبي
نادين….باي
……………
ققلت نادين مع ميدو و اتصلت علي خالها اول ما رن كنسل قالت انه مشغول و سابت الموبايل دقيقه بالظبط و سمعت صوت جرس الباب
بصت بسرعه علي الباب بخوف و مسكت بسرعه الموبايل في ايدها و راحت علي الباب بهدوء تبص كانت مرعوبه يكون حد غريب او حد تبع هادي او هادي نفسه
قربت اكتر و بصت من العين السحريه لاقته خالها اتنهد براحه و هي حاطه ايدها علي قلبها و حطت الموبايل في جيبها وفتحت علي طول اول ما شافته ابتسمت
نادين….خالو
جمال….طبعاً مستغربه اني اجيلك في الوقت ده طبعاً ليكي حق ما انا لو بنت اختي بتعرفني كل حاجه بتحصل معاها مكنتش قلقت لما اتصلت كذا مره و مردتش
ابتسمت نادين بحب و قربت منه وضمتوا
نادبن….بابتسامه هاديه حقك عليا محبتش اقلق
جمال…..لا يا ستي اقلقيني ولا انتي خلاص قررتي تقولي اخبارك اللي تفرح بس
نادين…..والله ده كلام الناس العاقلين افرحك لكن مخوفكش واقلقك
جمال….والله لو كده ميبقاش ليا لازمه في حياتك لو مش هقف معاكي في الوحش قبل الحلو يبقي انا ايه لازمتي
نادين…..طب ادخل بس نتفاهم جوه ولا هنتكلم علي الباب
جمال….لا هندخل طبعاً عشان لسه ناوي اتخانق معاكي
نادين….بضحكه جميله طيب اقعد بقي جهز الكلمتين اللي هتديهملي في عضمي لحد ما اعملك قهوتك وارجع
جمال….تعالي هنا مش عايز قهوه انا شارب كتير انهارده
نادين….لا مليش دعوه هتشرب
جمال….طب روحي هاتي عصير و كوبايه مايه وتعالي
نادين….بس كده عيوني
راحت نادين علي المطبخ و هو راح قعد يستناها دقيقه بالظبط و رجعت قدمتلوا العصير و قعدت
جمال…..احكيلي بقي كل حاجه
نادين….هو مش ميدو حكالك
جمال….حكالي بس اكيد اختصر هو شكلوا اصلاً اتصدم اني مكنتش اعرف و حب يقفل بسرعه علي الموضوع واكيد مش هعديه كده غير لما اعرف منك كل حاجه
نادين…ماشي هحكيلك اللي حصل كله
وبدأت نادين تحكيلوا كل حاجه حصلت معاها و بعد ما خلصت بص جمال علي التربيزه و رفع حاجبه
جمال….ماهو لا انتي بتشتغليني لا الاستاذ ميدو بتاعك
نادين….ليه بس
جمال….التربيزه سليمه
نادين….لو ركزت شويه هتلاقيها مش هي و ميدو هو اللي جابها تلني يوم حب يعني انه يرجع البيت زي ما كان بالظبط عشان لما اقعد هنا مفتكرش اللي حصل
جمال….بابتسامه ااااه قولتيلي بقي شكلوا بيحبك اوي فعلاً
نادين….بابتسامه احراج طيب حضرتك رأيك ايه
جمال….رايي في ايه مش قالك اني وافقت
نادين…..بضحك قالي بس اقصد رأيك بيحبني و لا لا
جمال….والله كل دي حركات حد بيحب بجد بس سيبك منه الوقت متهربيش انا بجد زعلان منك
نادين….حقك عليا و الله يا خالو لما حصل كل ده اتلهيت و كمان كنت مصدومه و نفسياً زي الزفت و مرعوبه و محبتش اقلقك و عارفه كمان انك تعبان مع تيته طول الوقت محبتش ازعجك
جمال….يا بنتي انتي عبيطه تزعجيني ايه بس انتي بنتي و بعدين افرضي مكانش في ميدو و لا في صحابك كنت هتبقي بطولك مثلاً
نادين….اكيد لا بقولك ايه انسي بقي انا زي الفل اهو خلينا في المهم
جمال….بابتسامه ما طبعاً عايزه المهم مع ان يعني فرحتك بتقول انه عرفك
نادين….عرفني بس عايزه افهم منك و اعرف رايك
جمال….بصي هو كا نظره اولي و اسلوب و كلام و عقل باين عليه انه راجل و جدع و محترم و ابن ناس و كل ده حلو اوي بس انا مس هصدقه غير بعد ما اتعامل معاه اكتر علي الواقع يمكن لما سألت عليه سمعت عنه و عن اهله كل خير و لما شوفتوا انهارده تقريباً حسيت بنفس الكلام اللي سمعتوا عنه بس كمان لما يبقي معانا و وسطنا هتأكد اكتر
نادين….صدقني يا خالو ده ميدو و مش هبتغير ولا هتشوف اي تغير هو بجد حد كويس
جمال…..يارب يطلع بنفس الصوره اللي شوفتوا عليها لانه لو هو نفس الشخص يبقي ربنا بيحبك يا نادين لانه بجد راجل و جدع و هطمن عليكي و انتي معاه
نادين …..ان شاء الله هتطمن يا حبيبي
جمال….قوليلي بقي مقالكيش حاجه بخصوص تحديد المعاد
نادين….لا قالي و بكره هنتقابل كلنا في المطعم و نتفق مع بعض و نظبط موضوع المعاد ده
جمال….علي خير ان شاء الله انا قولتلوا يعرف و يقولي
نادين….و انا اكيد هكلمك متقلقش
جمال…..خلاص ان شاء الله عشان بس نلحق نعمل ترتيبنا
نادين…..ماشي سكتت شويه و بصتلوا
جمال….ايه عايزه تقولي ايه ؟
نادين…اااا انا بكره هكلم ماما و بابا
جمال…..ماشي كلميهم
نادين….هكلمهم بس بصراحه انا خايفه اوي
جمال….خايفه من ايه؟ ميوافقوش علي ميدو
نادين…..لا مش كده طبعاً اصلاً لو فكرزا يعترضوا هو مش من حقهم كل قراراتي خدتها من غيرهم يا خالو اكيد مش هوافقهم علي حاجه تخص حياتي الشخصيه
جمال…..امال خايفه من ايه انهم ميقدروش يجوا يعني
نادين….يعني و خايفه يعندوا علي وجود بعض
جمال….وانا قولتلك لو ده حصل يبقي عملتي اللي عليكي لكن اوعي تزعلي و جودهم لا هيزود ولا هينقص جايز تفرحي لو حضروا معاكي بس الاكيد ان فرحتك مش واقفه عليهم ولا ايه
نادين…..اكيد بس بصراحه بتمني اوي يكونوا جنبي يمكن انا عمري ما احتاجتهم و لاقتهم و يمكن كمان اي حاجه احتاجتهم فيها و انا سني اصغر من كده بالنسبالي كانت سهله انا اول مره احس اني محتاجه و جودهم اوي
جمال…..عارف يا حبيبتي و ده حقك بس اللي انا بتمناه يا نادين انك تتوقعي انهم ميجوش او تتوقعي انهم يفضلوا زي ما هما يعندوا علي بعض عشان لو فعلا ده حصل متزعليش و تفرحي و متضيعيش فرحتك ابداً شوفي يا نادين اللي عايز يكون معاكي في اهم يوم في حياتك هيعمل المستحيل و اوعي يا بنتي تزعلي علي اي حد ميحاولش يفرحك و يكسرك في يوم زي ده انا مش بعصيكي عليهم او بزود غضبك من ناحيتهم و انتي عارفه ده كويس
نادين….عارفه ياخالو
جمال…..انا بس عارف انتي اتحملتي قد ايه و عيشيتي بسببهم حياه عامله ازاي و مش عايز اشوفك في يوم زي ده مضايقه المفروض انك اتعودتي خلاص
نادين….بابتسامه متقلقش يا حبيبي انا هقولهم لو وافقوا يجوا اكيد هكون مبسوطه موافقوش بردوا هفضل مبسوطه كفايه ان حضرتك معايا
جمال…..ربنا يسعدك يا نادين و يبقي احلي يوم في حياتك متخافيش انا جنبك
نادين….ربنا يخليك ليا
جمال….ويخليكي ليا بقولك ايه انا هقوم انا
نادين….تقوم ايه خليك شويه
جمال….انا نزلت و سيبتهم عسان كنت قلقان عليكي و عايز اجي اطمن عليكي بنفسي
نادين….طيب اشرب العصير طيب
جمال….خليني اقوم بقي لسه هروح الوقت اتأخر
نادين….ماشي يا حبيبي خد بالك من نفسك
جمال….لو في اي حاجه تكلميني و لو اتكرر تاني و خبيتي عليا ساعتها هزعل بجد
نادين…..بابتسامه لا متقلقش خلاص وعد مش هخبي عليك حاجه
جمال….يلا تعالي اقفلي ورايا تصبحي علي الف خير
نادين….وهي بتسلم عليه و انت من اهل الخير يا حبيبي سلام سلم علي تيته و طنط هدي و الولاد
جمال….يوصل باذن الله يلا سلام
نادين….باي
قفلت نادين وراه الباب و دخلت و هي مبسوطه جداً.
………………..
في غرفه نعيمه.
فضل….يعني وصلوا
نعيمه….اه وصلوا من شويه علي فمره بكره هروحلهم شويه
فضل…..ماشي بس ياريت نروح بدري شويه
نعيمه….بابتسامه حاضر اي اوامر تانيه
فضل….مش اوامر علي فكره بس انتي عارفه الشتاء جوها هادي و عندكم في التجمع لو قتيل اتقتل محدش هيحس بيه و اديكي شوفتي اللي حصل لنادين و كان بدري كمان
نعيمه….حاضر يا قلبي متقلقش هروح بدري و هرجع بدري قولي بقي انت طالع امته
فضل…..لا لسه شويه انتي عارفه اني من بدري سايب الشغل عشان كنت مع عشري
نعيمه….بابتسامه عشري مبسوط صح
فضل….طاير من الفرحه
نعيمه…..ليله كمان مبسوطه اوي و انا فرحانه اوي عشانها بجد
فضل…..ربنا يكملهم علي خير عايزين بس بكره نتقابل و نعرف هنعمل ايه عشان انا كمان عايز اجي لابوكي و نخلص
نعيمه…..خير ان شاء الله هو ايه اللي نخلص دي عندك مهمه حضرتك
فضل…..اه عندي مهمه لو ملحقناش دور في الطابور ده هنروح في الرجلين انا بقولك اهو
نعيمه….بضحك طابور ايه انت بتجيب عيش قول ماشاء الله
فضل….بضحك يا ستي ما شاء الله وربنا يسعدهم كلهم بس انا مليش فيه عايز ابقي عريس الكل بيلحق نفسه و بعدين خليكي محموقه اوي كده عشانهم و هتبصي تلاقي نفسك في اخر الدور
نعيمه….بضحك يا سيدي انا راضيه الاخير ربه كريم
فضل….بضحك لا ده كان زمان واحنا عيال كان بيتضحك علينا بالكلمه دي عشان نستني دورنا في الاخر انما احنا كبرنا يا هبله
نعيمه…..بابتسامه بردوا الاخير ربه كريم يا سيدي علي الاقل عشان الكل يفضالنا
فضل….بيتهيألك اللي هيتجوز فيهم و يجرب حلتوه الجواز مش هيعرفنا و اولهم البلطجي و البلطجيه
نعيمه…..لا متخافش لياه و عشري جدعان مش هيسيبونا و ربنا لو حصل اروح انط في كرشهم
فضل….بابتسامه لا يا ستي هما فعلاً جدعان و مش هيعملوها بس بصراحه يعني انا عايز علي الاقل نقرأ فاتحه نلبس شبكه و تبقي حاجه عائليه و بعدها نحدد معاد الجواز بعد رشيد و عشري مش هتفرق بس انا بقولك اهو من الوقت عسال الواطي مش هيتجوز قبلي
نعيمه….بضحك واشمعني بقي
فضل….يابت عيب عليكي انا الكبير
نعيمه….طيب يا كبير هو عموما هيتجوز قبلك اهدا بقي
فضل….لا هيكتب كتاب
نعيمه….بضحك طب و ده مش جواز في رأيك
فضل….جواز مقولناش حاجه بس انتي هتبقي في بيتي
نعيمه….تصدق بالله هقولوا
فضل….بضحك قوليلوا هو عارف
نعيمه…..انت حاطه في دماغك ليه
فضل…..لا ميدو حبيبي والله انا بهزر بس انا علي طول بتناقر معاه و برخم عليه
نعيمه….حرام عليك ده ميدو طيب اوي
فضل…..هو من ناحية طيب فا هو طيب و غالي علي قلبي ربنا يارب يسعده هو ونادين و نفرح بيهم في اسرع وقت
نعيمه….اقولك علي حاجه
فضل…..قولي يا قلبي
نعيمه….تعرف اني علي قد ما انا مبسوطه باللي بيحصل الوقت علي قد ما انا خايفه
فضل…..خايفه من ايه
نعيمه……خايفه ناخد عين حلوه مش بيقولوا الضحك الكتير بيجي وراه نكد اهو انا هايفه الافراح الكتير دي تيجي بعدها عين ترشق فينا
فضل…..اعوذ بالله يا بومه اتفائلي خير عايزين نفرح
نعيمه….اكيد متفائله خير و ان شاء الله ربنا هيكملها علي خير بس بقولك يعني اني متوتره مش اكتر
فضل….لا يا قلبي متتوتريش كله خير ان شاء الله هنفرح و نتبسط
نعيمه….يارب يا حبيبي يلا بقي بلاش رغي خليني اروح انام
فضل…..بقيت برغي الوقت ماشي يا ستي بقولك ايه اوعي تتأخري بكره
نعيمه…..ما هلاص قولنا حاضر اكيد مش هنتأخر مش اتفقنا نتقابل بكره في المطعم
فضل….اه علي الساعه تسعه بامر الله
نعيمه….ماشي يا حبيبي هاجي من هناك علي المطعم
فضل….تمام يا قلبي يلا روحي نامي بقي
نعيمه….تصبح علي خير
فضل….وانتي من اهل الخير
نعيمه….لما تطلع ابعتلي رساله
فضل…علي اساس هتصحي
نعيمه….وانت ماااااالك اصحي ولا افضل نابمه ابعت وخلاص عشان اعرف طلعت امته
فضل….بضحك اوبااااا بدأنا بقي طيب ما انا ممكن اضحك عليكي
نعيمه….جرب كده و الله اتصل بنجود تفتن عليك
فضل….بضحك خلاص بقيتوا صحاب ده اللي ناقص
نعيمه….بضحك غيران ليه
فضل….وانا هغير من ايه ربنا يهني سعيد بسعيده يلا احطي
نعيمه…..احطي دي زي غوري كده صح ده انت ليلتك سوده
فضل….بضحكه عاليه و جميله لا والله ما اقدر بحبك يا مجنونه
نعيمه….بابتسامه و انا بموت فيك يا رخم ابعتلي هاااا
فضل….عيوني يلا تصبحي علي خير
نعيمه….وانت من اهله باي
فضل….باي
………………
قفل فضل واتصل علي عشري
عشري…..الوووو
فضل….فينك انت
عشري…ايه مراتي انت
فضل…..يومك اسود فينك رد
عشري….داخل عليكم خير
فضل…..عايزك
عشري….لا معلش بطلنا انا داخل علي جواز
فضل…..اتربي و اخلص
عشري….خلاص جاي اهو يلا احط
فضل….بضحك اه يا واطي سلام
عشري….بابتسامه سلام
دقايق بسيطه و رجع عشري ركن ونزل دخل علي جوه اطمن علي الشغل و سحبزا فضل من ايده و طلع بيه بره
عشري….خير مزنوق فيا اوي كده
فضل…..بقولك ايه
عشري…..قول
فضل…..في حاجه عايز اخد رايك فيها لو وافقت خد رأي ليله و لو وافقت هتيجي معايا
عشري….اوافق علي ايه و ليله توافق علي ايه و اجي معاك فين مالك يا مخبول
فضل…..هقولك باختصار يعني اهل نعيمه وصلوا اليوم و هي بكره رايحه تطمن عليهم و بصراحه انا كنت عايز بعد بكره نروح انا وانت عندهم من غير ما هي تعرف يعني اتعرف عليهم و اطلب يدها من ابوها و لو يعني موافق نخطبها في نفس اليوم معاك انت وليله وكده كده اهلك هما اهلي و الموجودين كلهم اللي هيحضر فيهم عشانك انت و ليله هيرجعوا و يحضروا معانا فا ليه الدوشه و ليه نفضل رايحين جايين
عشري….بضحك ااااايوه هات من الاخر مالك ياواد مستعجل خلاص و لا نفسك اتفتحت مجادرش تتحمل يا واكل ناسك
فضل….بضحك مالك قلبك علي امي امينه ليه
عشري….اممممم طيب يا سيدي انا عن نفسي معنديش مشكله و بيتهيألي ليله كمان مش هيبقي عندها مشكله بس قولت لامك وابوك
فضل…..بصراحه
عشري….بضحك هات اللي في جوفك واعترف قولتلهم و انا اخر من يعلم
فضل…..بضحك صراحه خدت رايهم كده من بعيد لبعيد قالولي اخد رايك
و هما معندهمش مانع بس لازم انت و ليله توافقوا يعني ابوي قال ان ده يومك انت و عروستك و يمكن مترحبوش بالفكره و تحبوا ان اليوم يكون ليكم
عشري….بابتسامه حب امك وابوك اتخبلوا كيف ما انت اتخبلت ايه معارفينش كلكم غلاوتك عندي قد ايه و اني هبقي طاير من الفرحه لو شوقتك معايا عريس
فضل….بايتسامه يعني انت موافق
عشري….اكيد يا مخبول
فضل….طيب ما تجس نبض ليله الوقت الله يخليك
عشري…ماشي هقولها مع اني عارف ردها زين بس قولي كيف يعني تروح لاهلها من غير ما تعرف
فضل….يعني عايز افاجئها
عشري….بضحك قصدك توقف قلبها طيب قولي لو هي مش هتعرف ازاي هتاخد معلد من ابوها
فضل….ماهي ليله لو وافقت هي اللي هتساعدنا في الحوار ده تاخدلنا معاد و تفهموا كل حاجه و انا اروح اتعرف عليه و تبقي معايا و ناخد ابوك وابويا و نتفق علي كل حاجه ونخلصها و بعدها في خطوبتك نفاجئها انها خطوبتنا كمان
عشري….ماشي بس خد بالك عايزين نقعد ونفكر لان المكان مش هيساع الكل لازم مكان اكبر
فضل….بضحك طيب انا فكرت في دي كمان يعني لو كل حاجه تمام واتفقنا يا نعملها في المطعم عندهم يا في اي كافيه لينا نتلم كلنا و يبقي يوم خاص
عشري….مش بقولك مظبط كل حاجه ماشي يا سيدي و فكره حلوه و خد بالك انا الوقت جالي فكره حلوه لسلامه
فضل….بابتسامه ايه عايزه يفاجئ ايه هو كمان في خطوبه حسان وسلمي
عشري….وليه لا خلينا نخلص منيكم كلكم و بيني و بينك عايز كل الخطوات الاولي دي تخلص قبل فرح ايمي و رشيد عشان بعد ما يرجعوا من شهر العسل انا و ليله هنتجوز و حسان هيبقي بيستعد و اكيد عسال لانه هيبقي كتب الكتاب لسه هنشوف بكره هنتفق علي ايه و بعدها انت و سلامه
فضل…..خلاص عرف ليله الوقت و شوف رايها لو موافقه خلينا كده نتصل علي الشباب و نقول لسلامه و نعرف رأيه ايه
عشري….ماشي يا سيدي هتصل عليها روح شوف الشباب لحد ما اخلص معاها و ابعتلي فنجان قهوه
فضل….ماشي احلي قهوه
عشري….بضحك ما طبعاً يا واطي
ضحك فضل و دخل و سابه و راح قعد عشري علي تربيزه هاديه كده ورايقه ولع سيجاره و اتصل عليها
ليله….حبيبي
عشري….باتبسامه جلب حبيبك
ليله….روحت
عشري….لسه واصل الكافيه من دقايق
ليله…..بتنهيده ماشي وحشتني
عشري….لحجت اوحشك
ليله….ايه انا موحشتكش
عشري…..وحشتيني اكيد
ليله….طيب امال ايه
عشري….بنكشك يا بلطجيه
ليله…..بحب ماشي
عشري….بقولك ايه انتي لوحدك ولا نعيمه معاكي
ليله….لا نوني في اوضتها و غالباً نامت ملهاش صوت في ايه؟
عشري…..طيب شوفي هقولك علي حاجه حابب اخد رأيك انا و فضل فيها بس لو مش موافقه قولي انك مس موافقه و ده بيني و بينك يعني قولي اللي في قلبك ليا من غير احراج فهمتي
ليله….في ايه قلقتني
عشري….مفيش قلق بس قولي لو مش موافقه ممكن
ليله….حاضر والله هقول بس يلا اتكلم متقلقنيش
عشري…..بابتسامه ماشي يا ستي هو لو فضل و نعيمه لبسوا شبكه معانا في نفس اليوم تزعلي
ليله….بابتسامه لا طبعاً بس ده بجد يعني مجرد فكره ولا ايه
عشري…..دي فكره فضل خد رأيي و طلب مني اخد رأيك و خدي بالك هو مش هيزعل لو قولتي لا عارف كويس ان ده يومك و من حقك تفرحي بيه لوحدك
ليله….انت عبيط انت و هو يا عشري انا يومي هيكمل بيكم اصلاً و اكيد مش هفرح لوحدي يعني فرحتي مش هتبقي من غيركم موافقه طبعاً اصلا ازاي الجزمه دي مقالتليش مستنيه يعني فضل اللي ياخد الاذن
عشري….لا ماهي نعيمه متعرفش احنا هنعملها مفجأه يعني فضل مش عايز يعرفها
ليله….لا استني و دي هيعملها ازاي طيب يفاجئها هي ماشي انما اهلها انت ناسي ان فضل لسه متعرفش عليهم و لا اتعرفوا عليه هيخطبها من غير ما يقعد معاهم و يتفقوا
عشري…ماهي دي تاني حاجه عايزينك تساعدينا فيها
ليله….هي ايه
عشري….علي حد علمي يعني ان نعيمه تقريباً لمحتلهم علي موضوع فضل ولا لسه
ليله…..لا هي قالتلي انها لمحت اكيد
عشري….طيب يبقي زي الشاطره انتي هتكلمي والدها و تفهميه كل حاجه و تقوليلوا اننا عايزين نقابله بعد بكره و انا وقضل و ابويا و ابوه هنروح و نتعرف و نطلب يدها و نقرا فاتحه كمان و نعرفهم ان فضل حابب يفاجئها يوم خطوبتنا و بما ان الكل هيبقي موجود تبقي فرصه
و نبقي كسبنا يوم بدل ما احنا مش عارفين نحدد
ليله….بابتسامه طيب هما عموما وصلوا انهارده و نوني قالتلي انها هتروح بكره تطمن عليهم
عشري…..يبقي قبل ما هي توصل تكوني انتي مكلمه ابوها و مفهماه كل حاجه و حتي بعد ما تكلميه تجيبي رقمه فضل كمان يحكي معاه و بعد بكره نروح و نخلص كل حاجه بس المهم تفتكري ابوها يوافق علي لعب العيال ده ولا طبعه ايه
ليله….بضحك كويس انك عارف انه لعب عيال عموماً متقلش مش هيضايق يعني في النهايه هو عرفكم من كلام نعيمه و موضوع السفر و كمان عرف ان ايمي اتخطبت لصاحبكم و حماده كمان اكيد اتكلم معاه عن رشيد و بردوا عمو احمد والد سلمي وايه هنا صحاب و لما يعرف موضوع سلمي اكيد هيبقي متطمن و هيفهم انه حابب يعملها مفجأه و انا هبقي معاكم لو حابين
عشري…..لا انتي بس خلصي الموضوع معاه و هاتي رقمه فضل يقولوا اننا هنزورهم بعد بكره
ليله….ياباي عليك مش عايزني احضر اي حاجه تفرح طب بقولك ايه بقي انا مش موافقه
عشري….بضحك بطلي انتي لعب العيال واعملي اللي قولت عليه بس عرفيني بجد مش مضايقه
ليله….اكيد لا يا قلبي هو انت لسه مش عارفني يا عشري نعيمه دي حته مني و فضل اخويا يعني فرحتي هتبقي فرحتين و خد بالك انا بقي بتمني الوقت سلامه يعمل كده مع ايه يوم خطوبه حسان و سلمي
عشري….بحب مس بقولك بحبك و بموت فيكي كمان انا لسه قايل كده لفضل و هكلم سلامه في الحوار ده
ليله….بابتسامه عشان تعرف ان دماغنا واحده
عشري….وده اللي بحبوا فيكي بتفكري زي ما بفكر و بتفهميني قبل ما اتكلم
ليله….بحبك يا بلطجي
عشري…..قلب البلطجي انتي طيب خلاص المهم مش عايزين اي حد يعرف و لو هتقولي للبنات يبقي اوعي تقولي قدام ايه عشان هي كمان تتفاجئ فهمتي
ليله….ماشي انت بس الاول شوف رأي سلامه عشان لو وافق علي الفكره ابقي اقول للبنات علي نعيمه كمان و متكلمش قدامهم هما الاثنين
عشري….اتفقنا يلا روحي شوفي بقي بتعملي ايه وانا لما هطلع هكلمك
ليله….هروح اكلم اميمه عشان ننم عليك شويه
عشري….ليه لسه كل ده منمتوش عليا
ليله….بضحك لا قالتلي لما اظبط البيت واشوف اللي ورايا و تنيم الكل عشان ترغي براحتها
عشري…ماشي يا ستي نموا وقطعوا في فروتي كمان علي قلبي زي العسل
ليله…..ما تجيب بوسه يا بلطجي
عشري…..بضحك علي الهواء مليش فيه
ليله….بضحك و هواء ليه يلا تعالي
عشري…..بابتسامه جميله بتلكك انا خدي بالك
ليله….بضحك لا خلاص اعقل يا متشرد يلا روح و شويه واكلمك
عشري…..بحب ماشي يا ست البنات سلام
ليله…..سلام يا عمري
…………….
في غرفة سلمي.
سلمي….بضحك جننوا بابا بيقولي انا عارف انه هيجنني
حسان….بضحك والله سلامه ده مصيبه بس علي فكره انا واثق ان بباكي هيحبه اوي
سلمي….عارفه بصراحه سلامه محدش اختلف عليه و هو شكلوا كده حبوا لو سمعت بابا و هو بيحكي عن مشاكستهم لبعض هتموت من الضحك
حسان….لا ما انا عارف سلامه فضيحخ و مش بيستر بس والله انا مبسوط اوي ان حصل بينهم الموقف ده انهارده لان ده هيخليهم يقربوا اكتر من بعض
سلمي….صح انا كمان حاسه بكده
حسان…..طيب طمنيني ايه عامله ايه الوقت
سلمي….شويه تسخن و شويه تبقي كويسه
حسان….مكانش لازم تسمعوا كلامها كان لتزم تروح لدكتور
سلمي…..بضحك والله حاولنا بس ايه بتترعب من الحقن و بالنسبه ليها الدكتور يعني حقن
حسان….دي عبيطه كلها شكه صغيره امال اللي قد هنا يعمل ايه و بعدين ما يمكن ميبقاش في حقن و تاخد علاج عادي
سلمي….هنا اعقل من ايه انا واثقه في موضوع الحقن
حسان….بضحك للدرجادي
سلمي….عندها فوبيا والله في مره ضرسها وجعها جداً و كانت بتموت بجد فضلت يومين احاول معاها عشان اعملها حشو عصب موافقتش غير لما كانت هتروح فيها من كميه المسكنات و جننتني عشان اديها بس الحقنه بتاعت البنج
حسان…..بابتسامه والله بحسها طفله
سلمي…..دي خوافه دي مع انها قلبها جامد في حجات كتير والله بس قدام الحقنه ممكن تفضحنا
حسان….انتي بس خلي بالك منها و من حوار السخونيه ده
سلمي…..متقلقش انا كل شويه بشوفها هي الوقت احسن
حسان…..بقولك ايه بكره هتيجي اكيد علي معادنا
سلمي….اه متقلقش هخلص الشغل واجيلك علي طول بكره اصلا مفيش شغل كتير اوي
حسان….طيب اجي اخدك
سلمي….لا تيجي فين يا حبيبي انا هخلص واجي علي طول وبعدين انا هروح بالعربيه
حسان….طيب عموماً شوفي كده انا بكره فاضي
سلمي…لا روح انت و رشيد علي طول و انا هاجي علي هناك
حسان….تمام يا حبيبي
سلمي…..هتنام
حسان…..بابتسامه لو مش جايلك نوم هفضل معاكي انا كده كده مش عندي نوم اوي
سلمي….بحب لا روح نام يلا و ارتاح
حسان…..بتخلصي مني بشياكه ها
سلمي….بضحك انا والله ابداً
حسان….ماشي بس لما اجي العياده و اوقفك قدامي مرتجعيش تتلخمي و تتوتري
سلمي…..بضحك طيب جرب كده مش هخليهم يدخلوك
حسان…..هقولهم حاله مستعجله
سلمي….و انا هقولهم بطلنا كشف
مستعجل
حسان……بابتسامه قلبك قسي عليا خدي بالك
سلمي…..مقدرش
حسان…..ماشي يا ستي
سلمي….يلا روحي نام
حسان…..طيب ما تخليكي شويه
سلمي….انت جرالك ايه روح يلا نام و بلاش دلع
حسان…..انا ادلع براحتي علي فكره
سلمي…..بضحك لا مش براحتك و مفيش دلع
حسان….طيب بحبك
سلمي….بابتسامه وانا بحبك اوي
حسان….يلا يا حبيبي روحي نامي
سلمي….بحب تصبح علي خير
حسان….وانتي قريباً من اهلي
سلمي….بضحكه جميله انا بقيت من اهلك و اتدبست فيا خلاص
حسان….احلي تدبيسه في الدنيا
سلمي…..بابتسامه يلا سلام يا عمري
حسان…..سلام يا حبيبي.
……………
ايه…..باحراج يا لهوي عليك يا سلامه والله قلبي هيقف
سلامه….بضحكه جميله ليه بس يا عمري الست كانت بتطمن علي مرات ابنها المستقبليه
ايه…..مرات ابنها قلبها وقف و بعدين في حد يخض حد كده هو ايه اللي خدي ماما عايزه تقولك سلامتك
سلامه….بضحك هو في احلي من الخطفه دي
ايه….بابتسامه لا مفيش و علي فكره صوتها حلو اوي
سلامه….انتي بتعاكسي صوت امي يا يابت
ايه….بضحك صوتها حلو بصراحه تحس انها صغيره
سلامه….هي فعلاً صغيره مش كبيره اوي يعني بس سيبك انتي انا مبسوط عشان زنقتك اول مره اشوفك مكسوفه كده
ايه….بابتسامه ماشي يا رخم هردهالك اخف بس شويه
سلامه….صوتك لسه تعبان اوي
ايه….انا جسمي مكسر والله و معرفش ليه تعبت كده مره واحده
سلامه…ايه عشان منرغيش كتير مفيش نزول بكره المحل
ايه….متقلقش يا سيدي انا بكره قاعده بالاجبار بابا مش راضي ينزلني و هينزل هو بدالي بس قبل ما اروح علي المطعم هبص عليه و اجي
سلامه….طيب وهو هينزل ليه ما تقفلي بكره و خلاص
ايه….ما انا قولتلك الاسبوع ده عندي ضغط شغل كتير و الفتره دي عموما لان اغلب الناس بتجيب الكلاب و القطط يعملوا شاور و يحلقوا عشان الجو لما بيبقي برد اكتر من كده بيتعبوا فا انا عندي ناس كتير حاجزه و مقدرش الغي معاد
سلامه….ايوه يا حبيبي طيب هو هيعرف يتعامل ؟
ايه….اه متقلقش حمودي شاطر بيساعدني كتيرو اصلا قبل رأس السنه ده بيكون موسم و هنا في ناس كتير اوي بيحتفلوا مع كلابهم في اليوم ده و بيبقي عندي اسبوع ضغط فظيع اوقات كتير كان بيجي هو و تامر و حتي سلمي لو مش عندها شغل و بنقعد بقي نحمي الكلاب و نحلقلهم و نعملهم صبغه و نلبسهم اسكارڤات علي رقبتهم فيها رسومات شجرة الكريسماس ليله كبيره يعني
سلامه…..بضحك اه يعني بتقلبوها كوافير كلاب بمناسبه السنه الجديده
ايه…..بضحك حاجه زي كده
سلامه….طيب هو مين اللي هيساعده بكره؟
ايه….هو مفيش حد للاسف تامر بكره عنده شغل كتير و سلمي كمان هتنزل بدري واتصلت بلغت البنات يقدموا مواعيد الحجز و يبلغوا الحالات عشان تقدر تيجي علي المطعم و الولد اللي بيشتغل معايا زي ما قولتلك الاسبوعين دول مش هيقدر يجي خالص انت عارف يعني كليه الطب رخمه فا هيروح هو كده واحده.
سلامه….اممم طيب انا بكره عندي مشوار شغل علي 11 الصبح كده هخلص و اروح اعدي عليه شويه
ايه….بابتسامه ااا لا اكيد يعني مش هينفع
سلامه….ليه ؟ هيضايق يعني
ايه….لا مش كده طبعاً بس مش معقول كل شويه تروح و تسيب اللي وراك انا قولتلك هعدي عليه قبل معادنا بشويه و هشوف لو محتاج حاجه و هكون بقيت احسن
سلامه….اناااااا لو روحت هو هيضايق سؤال ردي ؟
ايه….اكيد لا طبعاً بس يعني
سلامه….خلاص بقي اطلعي منها انتي
ايه….يا حبيبي مينفعش بالله عليك متضايقنيش
سلامه….انا اللي هزعل منك علي فكره
ايه….يا سلامه انت ملكش علاقه بالشغل ده و مش هتعرف كله بهدله
سلامه….و انا قولتلك اطلعي منها اصلا انا بكره معنديش غير مشوار الساعه 11 الصبح هخلص علي الساعه اتنين ومش هيبقي ورايا اي حاجه غير معادنا بليل فهمتي فا بعد ما اخلص مشواري هروح اعدي عليه شويه
ايه….حبيبي ممكن تسمعني
سلامه….لا
ايه….بضحك ايه الرخامه دي طب علي فكره بقي لا كلامك و لا كلام حمودي هيمشي عليا و هصحي بدري انزل علي الشغل
سلامه….طب جربي كده
ايه…..هتعمل ايه يعني ؟
سلامه….والله العظيم هنكد عليكي
ايه….ولا تعرف
سلامه….بابتسامه جربي و انتي تشوفي
ايه….طيب قولي ايه هو نوع النكد عشان بس ابقي عارفه انا داخله علي ايه
سلامه….اول حاجه مش هتنزلي شغلك باقي الاسبوع و لا الاسبوع الجاي كله و مليش علاقه بقي واخده فلوس حاجزه مش مهم تاني حاجه مش هتكلم معاكي خالص طول الفتره دي
ايه…..بابتسامه طيب بقولك ايه انت بوء يا سلامه و متقدرش اصلا متكلمنيش
سلامه….بضحك هو بصراحه مقدرش بس والله هزعلك مني و هوريكي وشي التاني و اوعي يغرك يعني اني مقدرش علي بعدك وكده لو ضايقتيني هضايقك
ايه….يعني انا الحق عليا اني مش عيزاك تتعب
سلامه….يعني انتي شايفه ان بابا يقدر علي الشغل لوحده
ايه….طيب ما انا قولتلوا هو اللي مش موافق
سلامه….خلتص يبقي سبيها علينا بقي احنا مع بعض هنخلص كل حاجه و بما انه بيساعدك ديماً يعني فاهم بيعمل ايه و انا هفهم منه المهم متقوليش قدامه عشان لو عرف هيقول لا اتفقنا
ايه….ماشي يا حبيبي اتفقنا
سلامه….يلا روحي بقي نامي عشان انا حاسس ان صوت طالع بالعافيه و مش قادره تفتحي عينك
ايه….طيب يا حبيبي انت هتنام
سلامه….اه خلاص هقوم بس اشوف هلبس ايه الصبح و اجهز كده و بعدين انام
ايه….ماشي يا حبيبي
سلامه…تصبحي علي الف خير
ايه….وانت من اهل الخير باي
سلامه…باي.
…………..
في غرفه ليله.
ليله…..بأبتسامه صوتك ضايع
ايمي…خلصانه والله يا ليله مش قادره
ليله…..طيب قوليلي اعملك ايه و انا جاهزه
ايمي….عارفه والله بس المشكله اني مش بجيب حاجه انا بنزل انا و رشيد بنلف و بنقلب الدنيا و بعدين انتي متخيله بتجهزي شقه كامله في ايام يعني احنا المفروض نكون مخلصين كل حاجه قبل اممم هو انهارده ايه
ليله…..بقينا الثلاثاء خلاص الساعه 2 ونص .
ايمي….طيب يعني المفروض علي يوم الاثنين الجاي كل حاجه تكون موجوده في البيت و مفروشه في اسبوع و متنسيش اني لسه مجبتش اي حاجه خالص ليا
ليله….سيبك من حاجتك انتي دي هنظبطها مع بعض انا مستنياكي بس تخلي كل فرش البيت مع رشيد و بعد كده تفضي انتي كده حجزتوا ايه و ايه اللي ناقص
ايمي…احنا اختارنا اوضه النوم و اختارنا المطبخ بس بنزود فيه كام حاجه لان المطبخ في البيت مساحته كبيره و كنان بيعمل من نفس الالوان رفوف لغرفه الخزين اختارنا كل حاجه خاصه بالجنينه من ديكورات و ترابيزات وقاعده شتويه كده هتعجبك اوي فاضل بس الاوض التانيه تتفرش و فاضل السفره و القاعده اللي هتكون بره و رعدين الريسيبش كبير اوي اربع قطع تقريباً مفتوحين علي بعض يعني ركن فيه سفره ركن في القاعده اللي بقولك عليها و فاضل اتنين رشيد قالي هنعمل قاعده تانيه
كده رايقه علي الارض و يحط فيها شاشه كبيره للبلايستشن يعني تبقي زي ركن جيمينج كده و كل ده هنروح نشوفوا بكره
ليله….طيب يعني هانت باذن الله
ايمي…..هانت بس خلصت والله صحيان بدري ولف كتير صدعت
ليله….لو الموضوع مش اختيار بس كنت قعدتك و خليتك ترتاحي و اشتريت انا بس انتي لازم تنزلي و تختاري المهم يعني حاولي علي قد ما تقدري تختاري كل ده بكره عشان تريحي شويه
ايمي….هعمل كده بس لسه في ديكورات و حجات كتير لازم تتجاب احنا بنجيب الاساسي الاول
ليله….اخلصي من الاساسي اهم و بعد كده كل حاجه هتتحل قوليلي العمال شغالبن في الشقه
ايمي….اه كله شغال هما قالوا لرشيد يوم الجمعه المغرب كده هيكونوا مشطبين كل حاجه و الدهانات خلصانه و من يوم السبت بأمر الله هنبدأ نستلم كل حاجه و تامر هيجي بقي هو وزمايلوا يفنشوا كل الديكورات الباقيه و نفرش
ليله….لحظه هو تامر اللي ماسك الشقه
ايمي….بابتسامه اه بصراحه لما رشيد جاب المهندس اللي تبعوا افكاره معجبتنيش اوي قولتلوا هكلم تامر قالي اوك كلمته و جالي انهارده الصبح اتكلمت معاه انا ورشيد و شاف البيت و عرض افكار حتي احلي من افكاري بصراحه و اختياره لديكورات الجنينه بره تجنن تجنن حتي هو اللي اقترح موضوع الركن الشتوي انا كنت سايبه كل حاجه مفتوحه بس هو قالي بما ان الشتاء هتزيد بدل ما تبقوا دبماً سايبين الجنينه و قاعدين جوه نعمل قاعده حلوه و عبجتني انا و رشيد اوي فا بكره باءن الله هيجي هو و زمايلوا يبدأوا في الجنينه بره لحد ما جوه يخلص و بعدين يكمل شغلوا لان في رسم و حجات هتعجبك اوي
ليله….بأبتسامه اكيد هتعجبني يا قلبي طيب بصي انتي بكره و بعده حاولي تنجزي علي قد ما تقدري و باذن الله الخميس ننزل نشتري لبسك و بعدين ننزل تاني الجمعه بدري شويه قبل معاد سلمي بليل و لو خلصنا اوك مخلصناش يبقي ننزل السبت لان انتي عارفه الاحد و الاثنين هيبقي مضغوط بالنسبالي و المشكله اني مش عارفه نادين هتختار الثلاثاء و لا الاربع انتوا قلتوا كتب الكتاب امته
ايمي….ااا رشيد كان عايز الخميس بس مستحيل طبعاً فا قررنا يبقي اول الاسبوع مش اللي جاي التاني يعني سبت احد مش عارفه لسه
ليله….طيب كويس خير ان شاء الله احنا بكره نقعد و نظبطها مع بعض
ايمي….ان شاء الله
ليله….يلا روحي نامي عشان تقدري بكره تشوفي يومك و اشوفك بكره يا عمري
ايمي….ماشي يا حبيبي يلا تصبحي علي خير
ليله….وانتي من اهل الخير .
…………….
عرف فضل من عشري ان ليله معندهاش مشكله و انها بكره هتتصل علي عادل والد نعيمه و تتفق معاه علي كل حاجه كان مبسوط اوي و قرروا يتصلوا بالشباب مكالمه جماعيه كده سريعه
اتصل عشري عليهم و جمعهم حسان و رشيد كان صوتهم يادوب نايم
هزروا معاهم شويه و فوقوهم و عرفوا حوار فضل و الكل كان مبسوط و اقترح عشري علي سلامه فكرتوا حسان معترضتش و اتحمس هو كمان للفكره و شجع سلامه
عسال….ايه قولت ايه يا سلامه
سلامه….بهدوء ابتسم مش عارف هي فكره حلوه بس معرفش الكل هيوافق ولا لا
عشري….سيبك من ايه لانها مش هتعرف المهم ابوها فاتحه كده بكره و لو تمام لسه قدامك ثلاثاء و اربع و خميس تجهز فيهم نفسك
سلامه…ايوه بس احنا نقعدناش ولا اتفقنا و لا شاف امي ولا امي قعدت معاهم
عشري….كل ده يتحل و بعدين انت مس قولت بكره هتعدي علي الراجل يبقي فاتحه بكره
عسال…..مش هيرفض يا سلامه و بعدين هو الراجل تقريباً اتعرف
علينا كلنا و صاحبك نفسه اتقدم و خد خطوه يعني تقريباً بقي عارفنا و واثق فينا
سلامه….اممم طيب انا هقولوا بكره و هشوف معاه كده
عشري….تمام المهم تأكد عليه ميقولش لايه خاجه و محدش فيكم كمان يجيب سيره لنعيمه عايزين نفاجئهم
رشيد….بابتسامه و صوت نايم هي ايه ماسوره الافراح دي
فضل…..ايه خير ما كله بسببك فتحت نفسنا علي الجواز و المسؤوليه
رشيد….بضحك لا وانتوا الشهاده لله سنكم صغير اتكسف علي دمك انت وهو اللي قدكم معاه عيال الوقت لسه مستنين افتح نفسكم
سلامه….خلاص ياعم كفايه تقطيم هنتجوز و نتلم.
عشري…..بقولكم ايه انا خدت قرار في موضوع ليله بكره ان شاء الله بس نخلص قعدتنا مع بعض هاخدها كده شويه و نتكلم مع بعض
فضل…..بجد اكيد هتقولها يعني؟
عشري….اه بيتهيألي بكره الوقت مناسب مفيش ضغط ولا في اي حاجه تمنعني خلينا نخلص قعدتنا في المطعم و بعدين نروح اي مكان هادي انا وهي وأقولها كل حاجه
عسال….ايه اخيراً اقتنعت
عشري…انت عارف اني مقتنع من الاول كل الحكايه ان ديماً الوقت اللي باجي اقول فيه مبيبقاش مناسب و بعدين انا بصراحه تعبت اول مره اتحط في موقف زي ده و حاسس اني مضغوط و موضوع اني عامل عامله ده تاعبني انا مش كده و مش حابب اكمل من غير ما اقول
حسان….صراحه كده احسن يا عشري علي الاقل قبل معادكم يوم الاحد يعني افضل تكون عارفه قبل اي خطوه رسميه انت عارف ان البنات ليهم عقليه خاصه كده و لو عرفت بعدين ممكن تفكر انك قولت بعد ما بقت معاك عشان تضمن انها مش هتعمل مشكله
رشيد…حسان بيتكلم صح كده احسن يعني لما تقولها و تعملوا كل الخطوات دي مع بعض وهي عارفه احسن كتير من انك تخبي او هي تعرف انك مخبي
عشري…..بالظبط عشان كده انا شايف ان بكره مناسب انا لو استنيت اكتر من كده مش هيبقي في وقت اقول
سلامه….بيني و بينك يا عشري هو مش بس افضل عشان قبل خطوه الخطوبه و كده هو افضل اصلاً انها تعرف منك صراحه انا طول الوقت مقلق ان حد يعرفها يعني مريم امك ابوك اخواتك اخوات عشري حد فيهم يقع بلسانه من غير قصد او حتي مريم بقصد في النهايه متنساش انتوا قريبين من بعض كلكم و محدش عارف لو عرفت انك اتخطبت بالسرعه دي كرامتها تشتغل و تبوظيلك الدنيا
عشري….لا من الناحيه دي اطمن لو علي مريم انا واثق فيها جداً مستحيل مريم تعملها هي مش كده ولا من النوعيه دي اصلاً و لو علي اخواتي عارف انهم مستحيل يعملوها اصلا الكل عرف خلتص سواء اخواتي او اخوات عشري كله تمام بس اللي مقلق منه اوي بصراحه هما امي وابويا لان الاتنين معترضين اصلا علي الموضوع ابويا قايل انه مش هيتكلم بس لو الموضوع اتفتح قدامه هيقول حصل و امي قالتلي قولها لان ده حقها و قالتلي لو حصل اي موقف مستحيل اكدب و انا بصراحه يعني لما بصيت علي الموضوع من وجه نظرهم حسيت ان عندهم حق وانا مستحيل اطلعهم كدابين واخلي شكلهم وحش
رشيد….عين العقل انت كده صح و بقولك ايه انا بصراحه متفائل جداً و حتي لو زعلت او اضايقت انك خبيت هتروق بسرعه ليله بتحبك و مستحيل تتخلي عنك
حسان….فكره انه كان خاطب مش هتزعلها لان هي كمان كانت مخطوبه هو اللي هيزعلها انك خبيت عليها بس انا واثق انك لما تقولها انك عملت كده عشانها هتفهم
سلامه…..يا عم تزعل انك خبيت احسن كتير ما تعرف من غيرك اصلا صدقني هتعدي و لو زعلت بجد يبقي دي مهمتي انا و الشباب وكلنا هنفهمها موقفك من مريم كن البدايه اصلا و هنعرفها انت عملت ايه عشانها بمجرد ما رجعنا من دهب
عشري…..يلا كله خير بقولكم ايه بلاش رغي يلا اتكلوا علي الله و انت ياعم رشيد انت و حسان روحوا ناموا عشان عايز اطلع انا كمان
سلامه….تصدق بالله احنا متربناش عشان قاعدين نرغي معاك غور ياعم سلام يا شباب
عشري….بضحك ماشي يا واطي
حسان….هنتقابل بكره خلاص ولا في اي تغيير
عشري…لا مفيش علي تسعه هنكون هناك
سلامه….بقولك ايه يا حسان بخصوص موضوع خطوبه ايه انا مبدأياً معنديش مانع هتكلم مع امي واخد رأيها و لو تمام بكره هقول لعمي بس كمان عايزك تاخد رأي سلمي
حسان….هتوافق اكيد يعني
سلامه…ماشي بردوا قولها عشان الكل يبقي موافق
حسان….ماشي تمام هرد عليك الصبح
سلامه…..اشطا
سلموا علي بعض و قفلوا المكالمه و هما متفقين .
……………
خرج سلامه راح علي اوضه عسال
سلامه….ولا بقولك ايه تعالي كده معايا نتكلم مع امي و نشوف رأيها
عسال….بأبتسامه وانا مالي انت صغير ما تروح انت
سلامه…..يا جدع متبقاش رخم اخلص
عسال….هي صاحيه
سلامه….مانت عارف مش هتنام غير لما تصلي الفجر و صوت التلفزيون في الاوضه شغال
عسال…..طيب امشي يا مزعج يلا.
راح سلامه خبط علي الباب
حنان…..ادخل
فتح سلامه الباب و دخل هو وعسال
سلامه….بابتسامه ست الكل
حنان….بابتسامه خير في ايه دخلتكم علبا مش مريحاني
سلامه….بضحك علي طول كده قفشانا
عسال….بضحك انا مالي هو اللي عايزك مش انا
حنان…وانت جاي وسيط يعني تعالوا اقعدوا و قولولي في ايه
قعدوا معاها و فتح سلامه الكلام و اتكلم عسال هو كمان مكانش عندها اي اعتراض.
حنان…..شوف يا سلامه انت عارف يا حبيبي اني من اول ما حكيتلي عن ايه وانا موافقه انت بتحبها وهي بتحبك يعني الموضوع منتهي و بعدين قولتوا انهم ناس محترمه ودي بشهادتك انت واخوك وبعدين هي صاحبته نادين و نادين محترمه واخوك خلاص داخل علي جواز و الشباب كمان زيكم وانا بثق فيهم يعني معنديش مانع اتكلم بكره مع والدها و لو موافق خلاص يبقي علي بركه الله
سلامه……يعني معندكيش اعتراض او مثلا حابه تتعرفوا كلكم و نزورهم الاول وكده
حنان….مش هتفرق يا حبيبي كده كده هنتعرف و الاتفاقات دي انت واخوك اللي هتعملوها مع ابوها يعني اتفاقات رجاله انا مليش علاقه بيها اتكلم معاه و بكره حاول تخلص كل حاجه بس تعرفني بقي عشان نجهز انا واخواتك يا عريس
سلامه….بحب باس كفها ربنا يخليكي ليا يا ست الكل
عسال….طيب بقول ايه انا رابح انام بقي ادام كله تمام
حنان….بضحكه جميله ماشي يا وسيط
عسال….بابتسامه تصبحي علي الف خير يا اجلي حنون في الدنيا
حنان….وانت من اهل الخير يا حبيبي وانت يلا روح معاه مش ناقصه صداع
سلامه….بقي كده ماشي يا ست حنون بكره احرمكم من صداعي ده لما انجوز و تقولي يوم من ايامك يا سلامه
حنان….بضحك لا هقول الله يكون في عونك يا ايه علي البلوه اللي طلع من نصيبك
عسال….بضحك لما مش هتقوليها مش هتلحقي لان البلوه هتفضل في حياتك و معاها بلوه تانيه ايه نفس العينه متقلقيش
حنان….بضحك يعني مش هعرف اهرب
سلامه….ادبستي يا حنون
حنان….ربنا يعيني عليكم بقي اعمل ايه
ضحكوا معاها و بعدين رواحوا علي اوضهم.
………………….
في صباح يوم جديد
كل واحد فيهم صحي يعمل حاجه وراه في شغلوا
رشيد و ايمي راحوا يكملوا اللي ناقصهم
و حسان اتصل علي سلمي عشان ياخد رأيها
حسان…..ايه يا حبيبي نزلتي
سلمي….اه انا في العربيه
حسان…طيب كويس انك لوحدك عشان كنت عابزك في موضوع
سلمي….موضوع ايه
حسان…..امبارح كنت بتكلم انا و الشباب يعني و عرفت من عشري ان فضل هيروح بكره يتكلم مع اهل نيعمه بس من غير ما هي تعرف و لو اتفقوا وكله تمام هيخطبها في نفس اليوم مع ليله و عشري
سلمي….بابتسامه بتتكلم جد يعني هي مش هتعرف
حسان….لا مش هتعرف اي حاجه ليله هتظبط كل حاجه مع باباها و تاخد معاد ليهم و هما يروحوا يتكلموا و يتفقوا
سلمي….طيب حلو اوي دي نعيمه هتفرح جداً و هتتفاجئ
حسان….اكيد طيب و اقترحنا كمان ان سلامه يعمل زي فضل و يخطب ايه معانا يوم الجمعه بس سلامه عايز يا رأيك و يعرف موافقه ولا لا
سلمي…..بابتسامه واسعه طبعاً موافقه هي دي عايزه سؤال قولوا اه طبعاً
حسان…..بسعاده يعني مش مضايقه
سلمي….اضايق من ايه بس دي اختي يا حسان و اكيد نفسي افرح بيها موافقه طبعاً
حسان….طيب يبقي في الحاله دي لا تجيبي سيره لايه و لا نعيمه علي اللي هيحصل ده و سلامه قال انه رايح لبباكي انهارده المحل لانه كان هيساعده و اكيد هيفتح الموضوع معاه و يشوف رأيه لو وافق يبقي تمام علي خيرة الله
سلمي….هيوافق ان شاء الله متقلقش
حسان….ان شاء الله يا حبيبي يلا ركزي بقي في السواقه ولما توصلي عرفيني
سلمي….بابتسامه ماشي يا حبيبي يلا باي
حسان….باي يا قلبي
قفلت سلمي معاه واتصلت علي احمد
احمد….ايوه يا سلمي نزلتي
سلمي…نزلت
احمد…..اختك كويسه
سلمي….اه واسمعني كويس
احمد…خير في ايه
سلمي….عرفت ان سلامه جايلك انهارده عشلن يساعدك
احمد….طب ليه بس يا بنتي معقول كده الراجل بقول بنتعبه و نستغل موقفه
سلمي…..خليك معايا بس سلامه احتمال كبير يفاتحك في موضوع ايه حسان لسه قافل معايا و قالي ان هو والشباب اتفقوا ان نعيمه و فضل ابن عمه عشري هيخطبوها يوم الاحد مع ليله و عشري و هيعملوها مفجأه ليها و يعني سلامه حابب هو كمان يعمل كده
احمد….استني بس مش فاهم تقصدي يخطب ايه يعني يوم خطوبتك
سلمي….بالظبط هو اكيد لما يجي هيتكلم معاك و تتفقوا وكل حاجه و ايه مش هتعرف خالص و عشان هاطري يا بابا وافق و اوعي ترفض خلي الفرحه تبقي فرحتين
احمد….ايوه يا بنتي بس حسان انا قعدت معاه و اتكلمنا
سلمي….ما هو سلامه هيقعد معاك و تتكلموا يعني مش هتفرق اي حاجه متزعلوش والنبي يا حمودي و خلينا نفرح ايه و نفاجئها هي كمان
احمد….بابتسامه ماشي ياستي يجي هو بس خليني الاول اطلع عينه شويه
سلمي…بضحك لا براحتك هو يستاهل
احمد….بأبتسامه ماشي يلا روحي شوفي اللي وراكي و انا هشوف سي سلامه ده هيجي امته.
سلمي…..ماشي يا حبيبي مع السلامه
احمد….سلام يا حبيبتي
…………..
في نفس الوقت ده ليله كمان كانت بتكلم عادل والد نعيمه و فهمتوا كل حاجه هو ونجلاء و هما فاتحين الاسبيكر ومعاهم اخواتها.
عادل….يا بنتي استني انا مش فاهم اوي يعني ازاي بس اوافق علي خطوبه بنتي من واحد مشفتوش
ليله….ما تفتح مخك معايا يا دولا انا بشرحلك كل ده عشان اقولك المفيد اكيد يعني مش هتشوفوا يوم الخطوبه انا بعرفك و كنت مستنيه اطلب منك اني ادي فضل الرقم بتاعك هو يكلمك و يتفق معاك و يجيلك بكره
نجلاء…..طيب ليه الاستعجال ده يا ليله
ليله….هو في ايه يا نوجا هشرح ميت مره بقولك انا خطوبتي يوم الاحد و فضل يبقي ابن عمتة عشري و كنا حابين نفاجئ نعيمه كلنا و هي كمان تتخطب معايا
نجلاء….طيب هو كويس يا ليله نعيمه حكيتلي شويه حجات كده بس مفهمتش ان الموضوع جد
ليله…..كويس جداً و مس هتلاقي لنعيمه عريس زيه و بعدين انا وبنتك هنبقي سلايف عايزه ايه يا نوجا
عادل….طيب يعني هو هيجيلي بطوله و بعدين اهلوا يتفاجئوا زي بنتي انا مش فاهم
ليله….ما طبعاً ست نوجا كلت عقلك في السفريه بقزلك ايه ركز معايا انا خلقي ضيق
ضحكوا عليها كلهم
نادر…..ليله اتعصبت
ليله….بضحك ابوك وامك جننوني
نسمه… وحشتيني يا لولي والله
ليله….مش وقتك يا جزمه انا مش طيقاكي لبكي روقه استني عليا المهم يا عم دولا هو هيكلمك لما اديلوا الرقم هيتفق معاك علي بكره و خد وادي معاه في الكلام متعملش نفسك مش فتهم يعني متحرجش الراجل و بكره هيجيلك هو و والده و عشري اللي هيبقي خطيبي و والده حلو كده
عادل….فهمت خلاص طب هيجوا نتعرف يعني
ليله….هتتعرفوا و هتتفقوا زي ما عملوا معايا بالظبط فهمت كده
عادل…..فهمت يا ستي طيب نعيمه متعرفش صح
ليله….بقولك هنفاجئها ورحمه امي
عادل…..اللله مش بفهم طيب استني هنا ايش عرفني انها موافقه
ليله….موافقه يا عم دولا و بتحبه و ببحبها و كانوا اصلا مستنينك تىجع عشان يجي يتكلم معاك بس اقترحنا يعني مطولش و تتخطل معايا و الفىحه تبقي فرحتين يا دولا
نجلاء…..بت يا ليله العريس حلو
ليله….بضحك قمر و بعدين عيب الراجل جنب يا نوجا سيطر ياعم دولا
عادل….بضحك والله انتي مصيبه و مش عارف ليه انا ناشي وراكي حاسس بمصيبه
ليله….بضحك مفيش مصايب عيب عليك هتخاف علي نوني و هي معايا بقولك هنبقي سلايف انا وهي و هحيب بنتك من شعرها
عادل….بضحك ماشي يا مصيبه
ليله….هخليه يتصل الوقت بيك تخلص معاه بسرعه عشان نعيمه لسه نازله وجايه عليكم و اياك حد فيكم يجيبلها سيره ماشي
عادل….انا مش هتكلم خلاص
نجلاء….ولا احنا متقلقيش
ليله…..ماشي يا ستي يلا هروح ابعتلوا الرقم و خلي الموبايل في ايدك
عادل…..يلا مستني
ليله…..بسعاده سلام يا ابو العروسه
عادل….بابتسامه جميله سلام يا عروسه
…………
وللحديث بقيه….
