لقاء كـ،ـ،ـارثي
صاحبة البطل الواحد
. البارت الحادي و السبعين .
…………………….
علي الساعه 11 ونص الضهر في البيت عند نعيمه.
صحيوا علي صوت خبط علي الباب قوي خبط وراء بعض مش بيقف
قامت نادين بسرعه من السرير وهي مخضوضه خرجت علي بره لقت نسمه
نادين….في ايه؟
نسمه….معرفه
خرج نعيمه بتوتر
نعيمه….ايه ده مين بيخبط كده
نادين….معرفش انا خايفه اسأل مين اصلاً
نعيمه…..وسعي كده انتي وهي
نسمه….متفتحتيش يا نعيمه غير لما تعرفي مين
نعيمه…..بصت من العين السحريه كان في حد حاطت ايده هزتلهم راسها
نادين….بخوف متفتحتيش والنبي
نعيمه…..مفتحش ايه امشي انتي وهي وراء مسكت المفتاح و فتحت
واول ما فتحتزقت تقي الباب و دخلت
تقي…..ايه نايمين نومة اهل الكهف منك ليها قوموا ايه خلاص بقيتوا ستات بيوت مفيش حد فيكم عنده شغل وووووسع للطعميه السخنه
ابتسمت نادين بغيظ و نسمه ضحكت
نعيمه…..تصدقي يا بت انتي مشوفتيش تربيه قطعتي خلفنا احنا الثلاثه
تقي…..طلعت واحده طعميه وكلتها احسن بردوا مصلحه عشان التكدس السكاني اللي بقينا فيه و اهو نبقي خلصنا من ثلاثه
نعيمه….بضحك خير عالصبح جايه تمسكي في مين
تقي…..فالطعميه احيه عليها وهي سخنه
وقفت نعيمه تضحك و تبصلهم نادين كانت بتضحك بهدوء عارفه انها جايه تصالحهم خدت من ليله كل حاجه حتي طريقتها في الصلح لما بتزعل حد فيهم
نسمه…..كل الظيطه دي عشان طعميه امال لو داخله علينا بخروف هتعملي فينا ايه
تقي…..بصتلها بطرف عينها ومالها الطعميه يابت عيشي عيشة أهلك قال خروف قال بس علي فكره انا جايبه فول و طعميه و بطاطس و مروقه عليكم احلي ترويقه و في واحده كده يعني بتحب الايس كوفي جبتلها بقي كوبايه ايس كوفي مشربتش زيها
ضحكت نسمه و حطت ايدها علي كتف نادين
نسمه…..في واحده طالبه الرضا يا قمر نسامحها
نادين….بأبتسامه ربعت ايديها علي حسب لو الايس كوفي حلو هنسامحها
تقي….فتحت الشنطه طلعت منها الايس كوفي احيه علي الايس كوفي و جماله تدوق يا قمر
ضحكت نادين و خدتوا منها و داقته بهدوء
نادين….امممم مش بطال
تقي….لا هشتم ده تمنه ضعف الفطار ميت مره
ضحكت نادين وبصتلها
نادين….خلاص حلو
نعيمه….طب وانا هتصالحيني بأيه
تقي…..لا انتي هاخدك في يوم و ننزل شارع الهرم بضحتك دي هتتبسطي هناك اوي
ضحكوا كلهم و قربت تقي من نادين حضنتها
تقي…..متزعليش مني والله العظيم مكانش قصدي
نادين…..مش زعلانه يا جزمه
تقي….حضنت نعيمه ما توطي شويه مش لازم احس بالعجز و اشب عشان اطولك يا وحش
ضحكت نعيمه و رنت الضحكه
تقي….احيييبيه ودني باظت هرمت طبلة ودني.
نسمه….طب وانا وانا
تقي….انتي ايه اصالحك يعني وكده روحي بت هاتي اطباق خلينا نطفح و نشوف شغلنا دي ساعه رزق
نسمه….بضحك اه يا واطيه ساعه رزق ايه ما ترشي مايه قدام القهوه احسن
تقي….انا مش هرد عليكي عشان قررت ابقي مؤدبه المهم القمر صالحني
نادين…..المهم متكونيش روحتي سخنتي ليله عليا اكتر ما هي مش طيقاني
تقي….بصي هو انا كده كده كنت جيالك والله العظيم بس علي فكره بقي ليله قالتلي لو مروحتيش صالحتي البنات و بالذات نادين مش هعرفك يرضيكي يعني عمتتي تتبري مني
نادين….بسعاده بجد ليله قالتلك كده
تقي….هي مالها ضحكت بسعاده كده ليه
نعيمه….بضحك حط ايدها علي كتف تقي شايفه يا بت الضحكه من الودن للودن ازاي ولا كأنها الجو بتاعها
تقي…..هو الجو بيخلي الواحده تضحك كده
بصتلها نعيمه و ضحكت
تقي….بتضحكي ليه ده سؤال عابر ما انا جربتش ضحكة الجو دي
نادين….يا بت خليكي معايا بجد هي اللي قالتلك كده
تقي…..ورحمة خالي حسن قالتلي كده و برقتلي تبريقه كده اللي هو هتنفخ يعني بصت لنعيمه ايدك يا وحش كسرتي عضمة كتفي انتي مالك مريحه كده ليه
ضربتها نعيمه علي راسها من وراء
نعيمه….اسكتي شويه بقي بالعه راديو
تقي…اااااااه ودني و راسي باظوا يلا يا بنتي خليني اطفح بدل ما انزل علي كرسي متحرك
نعيمه…..بضحك ابوكي عمل فيكي ايه
تقي….بضحك كان هيروقني بس عفي عني و صالحني علي فكره
نسمه….هو اللي صالحك و الله وليد طيب المفروض كان حدفك من فوق
تقي….بأبتسامه حطت ايدها في جيوب البنطلون لا خدي بالك انا كاريزما بردوا و متقاومش
نعيمه….يا واااد انت يا كريزما احيه عليا حاطه ابدها في جيبها بعد ما مسكت الطعميه
تقي….احيه عليا انا الزيييييت
ضحكوا كلهم عليها
نادين….الاكل ريحتة حلوه اوي
تقي…..وهيبقي احلي والله لو طفحنا و هو سخن
نعيمه….طب احكيلنا حصل ايه امبارح عند ليله
تقي…..واختك محكتلكيش ماهي كانت مرزوعه جنبي
نعيمه….انا كنت نايمه لما جات و صحيت علي ازعاجك
تقي…..طب اكل طيب الاول
نعيمه….لا احكي
تقي….لا مقدرش الطعميه سخنه وسعي كده
فضلوا بضحكوا عليها كلوا مع بعض و كانوا مبسوطين اوي بعد ما فطروا حكيتلهم اللي حصل و قالتلهم عشري قالها ايه نادين و نعيمه كانوا مبسوطين اوي و حكيتلهم نسمه علي اللي ليله قالته وهي تقي مع عشري جوه.
ارتاحوا جداً و حسوا ان فعلاً خطتهم نجحت مكانش فاضل غير انهم يشوفوها بقي و يقعدوا مع بعض.
خلصت تقي معاهم و اتأكدت قبل ما تمشي انهم مش زعلانين منها و بعدين مشيت.
قامت نادين بعدها تاخد شاور و تجهز عشان تنزل هي كمان علي شغلها.
……………….
عند ايه بعد ما نزلت مع تامر سندت راسها علي الكرسي و بصت من الشباك كلام سلامه كان ملازمها طول الوقت بتحاول تكون طبيعيه بس مش عارفها مزاجها كان زي الزفت لا فكرت تدي نفسها فرصه تفكر في كلامه من ناحية صح او غلط حلال او حرام و علي حتي فكرت و لو ثواني تركز فعلاً مع هزارها مع تامر في اي وقت
كل اللي كانت بتفكر فيه انها رافضه طريقه تفكيره و مش عايزه حتي تقبل الموضوع او تشوف انه صح
غضبها من سلامه خلاها مش شايفه غير حل واحد ان لو سلامه فضل يفكر بنفس الطريقه و مجاش و قعدوا و سمعها مش هتقدر تكمل معاه مكانتش عايزه تسمعه حتي
كانت مقرره انها تبلغوا بقرارها ان تامر اخوها و هيفضل اخوها لا هتقدر تغير معاه طريقه هزارها ولا هتقدر تحط حدود لعلاقتها بيه بعد العمر ده كله..
لدرجة انها مركزتش في كلامه هو عن علاقته الشخصيه بريهام انها برغم انها اخته الا انه عمره ما هزر معاها بالطريقه دي و في وسط شرودها قطعه تامر لما حط ايده علي خده.
تامر….هاااااااا فينك
اتنفضت ايه من لمسته بس هو فكرها اتخضت و كأن كلام سلامه ليها فجأه خلي لمسة تامر ليها غريبه و زي النار علي جسمها.
ايه….ايه في ايه؟
تامر….بأبتسامه اتخضيتي يا قلبي ده انتي تخضي بلد سرحانه في ايه
ايه….ولا حاجه لسه بس مفوقتش
تامر….اجيبلك حاجه تشربيها
ايه….لا مش عايزه
تامر….هتخلصي شغل امته
ايه….اااا معرفش ممكن علي تسعه او ثمانيه و نص كده
تامر…..تمام انا لو خلصت شغل و مروحتش في اي مكان هعدي عليكي و نروح مع بعض بدل ما تروحي بالاسكيت يا هبله
ايه….بابتسامه لا روح انت ملكش دعوه بيا
تامر….بضحك ليه مخصماني
ايه….اقصد متستناش يعني يارخم و انا هبقي امشي
تامر….عموماً هكلمك يلا وصلنا
ايه…..ماشي يلا باي
تامر…..باي كده طب مفيش بوسه حضن ربنا معاك ربنا يرزقك اعملي بالهديه بتاعت امبارح حتي
ايه….بصتلوا ليه مراتك اتكل علي الله يا تامر
تامر…..بضحك بقي كده طب يا ستي شكراً انزلي بس زعلان علي فكره
ايه….بابتسامه اتفلق يلا باي
تامر…..باي يا قلبي اوعي الكلاب تعاكسك
نزلت ورزعت الباب و هي بصاله بغضب
تامر…..بضحك ازعي براحتك دي عربيتك
ايه….بابتسامه والله نسيت
تامر….باي يا مجنونه
ايه….بابتسامه باي
فضلت باصه عليه و بعدين راحت فتحت المحل دخلت بهدوء حطت اكل لكوبر و راحت قعدت علي المكتب فضلت تخبط بصوابعها علي المكتب و بعدين اتنهدت بخنقه فظيعه حطت راسها علي المكتب و فضلت تفكر و هي دماغها هتنفجر
……………..
صحي عشري من النوم فتح عينه براحه ملقاش ليله جنبه قام بهدوء و هو ماسك الجرح بص عليها في الدريسنج مكانتش موجوده و الحمام مفتوح دخل غسل و شه و سنانه و بعدين خرج بهدوء يدور عليها بره قال بتعمل فطار
مشي بهدوء لمحها واقفه علي البار
سانده راسها علي ايدها و موطيه بتعب و ماسكه بطنها
عشري…..ليله
رفعت راسها بهدوء و قامت وقفت و ابتسمت بتعب
ليله….صباح الخير
عشري…..صباح النور يا قلبي انتي مالك فيكي ايه ؟
ليله….اااا مفيش روح اقعد هحضرلك الفطار عشان تاخد الدواء.
عشري…..سيبي الفطار الوقت انتي شكلك صاحيه من بدري و مالك ماسكه بطنك ليه انتي تعبانه
بتصلوا بهدوء و هي باين علي ملامحها التعب و الانزعاج وهزت راسها
عشري….بقلق مالك يا ليله فيكي ايه طيب
ليله….بطني بتتقطع يا عشري
بصلها بخوف وقرب منها ساب جرحه و مسكها بهدوء
عشري…..بتتقطع ازاي فيكي ايه و ليه مصحتنيش
ليله…..مرضتس اقلقك خدت مسكن و الوجع راح شويه بس رجع تاني
عشري…..ايييييه انتي اتعديتي مني
ابتسمت غصب عنها و بصتلوا
ليله….هي الزايده بتعدي يا عشري
عشري…..اااا ما انا معرفش انتي بتقولي تعبانه وخدتي مسكن ولسه تعبانه طيب اااا استني استني هكلم ومحمود او علي يجوا بسرعه نروح المستشفي
ليله….مسكته حبيبي اهدي مفيش داعي انا مش فيا حاجه تقلق
عشري…..هو ايه اللي مش فيكي حاجه تقلق انتي دكتوره خلينا نروح ونطمن بسرعه
ليله….عشري دي البريود ارتاحت
بصلها بصدمه و اتوتر و حط ايده علي راسه
عشري….اااااا ايوه يعني اااا ليله خلينا نروح احسن انتي تعبانه و اللي اعرفوا يعني البريود مش متعبه كده
ليله….متقلقش انا مش فيا حاجه
عشري….طيب خلينا نروح يمكن حاجه تانيه
ليله….مفيش حاجه تانيه هي البريود والله
عشري….طيب يعني هي وجعها متعب كده
ليله…..انا في العادي مش بتعب بالمنظر ده اول مره تتعبني كده
عشري….يبقي انا صح انتي اتعديتي
ليله….جرالك ايه يا عشري هو دور برد دي زايده
عشري….طب خلاص خلاص متتعصبيش طيب ما انتي اللي بتقولي مش بتتعبك كده
ليله….ايوه بس هي كان معادها في الوقت اللي سافرت فيه يعني المفروض كانت جات تالت يوم سافرت مثلاً فا هي متأخره
عشري….حامل
ضربته ليله في كتفه
ليله….ابعد عني
عشري….بضحكه هاديه طب خلاص والله بهزر طيب في حاجه بتاخديها او بتشربيها
ليله…..لا عمري ما خدت حاجه ولا عمرها تعبتني كده
عشري….طيب هتخسري ايه لو روحنا مس بمكن ده وجع حاجه تانيه و انتي مفكراها البريود
ليله….يا غبي ما هي جات خلاص اقولك ايه تاني
عشري…بضحك مقصدش يعني هي جات حمد االه علي السلامه انا اقصد ممكن يكون انتي مفكره ان ده وجعها
ليله….هو ايه اللي حمد الله علي السلمه عشري امشي من قدامي بدل ما اطلع تعبي عليك
عشري….بابتسامه يا قلبي والله ما قاصد اعصبك انا اقصد هي جات مع توقيت الوجع فا انتي فكرتيها هي
ليله….لا يا عشري هي انا في العادي بحس بتعب بسيط اوي نفس التعب ده عندي بس اقوي شويه فهمت
عشري….طيب اعملك ايه
ليله….ولا حاجه روح اقعد لحد ما احضرلك الفطار
عشري….لا طبعاً تعالي انتي اقعدي
ليله….عشري والله العظيم الكلام تاعبني بطل مناهده شويه انا تمام خلاص
عشري….طيب هساعدك او اقولك انا مش جعان الوقت والله تعالي ارتاحي شويه.
ليله…عشري روح اقعد
عشري….طيب يعني انا لما كنت بجيب الحاجه في البيت قبل ما تيجي يعني ااا افتكرت الموضوع ده و جبتلك حجات في الدولاب اللي في الحمام شوفتيها
ليله….اه شوفتها بصتلوا بغضب و طريقه مضحكه عامل فرح جوه ايه كل الانواع دي فاتح صيدليه
عشري….بضحك باسها من خدها ما انا مكنتش عارف انتي بتستخدمي ايه فا قولت للصيدلي هات كل الانواع اللي عندك
ليله….بصتلوا و ابتسمت و مستغربش
عشري….بضحك والله استغرب و قولت لو طلع بجح و قالي ليه كنت هقولوا بنعمل تحدي عشان نقيم احسن نوع
ليله….ضحكت و مسكت بطنها و الله انت مترتبش و مشوفتش ابجح منك امشي يا عشري
عشري….بضحك قرب منها حضنها من ضهرها بحب بس بحبك و بموت فيكي
ليله….طب وسع وبطل قلة ادب
عشري….الوجع فين؟
ليله….ابتسمت بهدوء ابعد يا قليل الادب
عشري….باسها من خدها بهدوء و ابتسم الوجع فين
مسكت ايده و حطتها علي مكان الوجع و غمضت عينها بهدوء
ضغط علي الوجع و ابتسم بهدوء
عشري….ممكن و حياة عشري عندك تدخلي تاخدي شاور دافي عشان ترتاحي و انا هجهز الفطار انا صاحي انهارده احسن كتير و بعدين نايم من امبارح و مرتاح و المفروض اتحرك شويه و كمان زهقان ريحي انتي علي الاقل الوقت
كان حاضنها و واقف وراء ضهرها و ساند راسها علي كتفها بصتلوا بهدوء وباسته من خده
ليله…..بحبك
عشري….ابتسم و بصلها و باسها من شافيفها و انا بموت فيكي يا بلطجيه
ليله….طيب ممكن متتعبش نفسك و حياتي
عشري….بأبتسامه ليله هو انتي معايا بجد
ليله…بضحك لا قريني
عشري….بابتسامه اقولك علي حاجه بجد لما بشوفك بحس اني عارف اخد نفسي بحس اني عايش
ليله….عارفه بصت في عينه و رفعت ايدها حضنت وشه و غمضت عينها بتنهيده طويله عارفه عشان ده نفس اللي بحس بيه
عشري…..طيب انا بقول تتكلي علي الله عشان في جرس انذار
ليله….بضحك ان شالله يارب تبقي غاره انا اجازه كام يوم بس مترتاحش اوي هخلص و هرجع عشان العب معاك
عشري….امممم و اكون انا خفيت
ليله…..بضحك متفرحش اوي لو خفيت مش هرحمك اصلاً انا مخففه اللعب عشان العمليه مس اكتر
عشري…..بضحك كده و مخففه امال لما اخف خالص هتعملي ايه
ليله…..هختبر صبرك و هختبر كلمتك
عشري….بضحك و حياة امي يا بنت المارديني انا لسه عند كلمتي ان ما كنتي تيجي و تقوليلي ارحمني مبقاش محمد عشري
ليله….انااااا بتحلم يا بلطجي انت اللي هتيجي و هخليك تندم علي الكلمه اللي ادتها لوليد
باسها بوسه طويله من رقبتها و بعد عنها بهدوء
عشري…..بأبتسامه اخفي من قدامي بسرعه
ليله….بضحك عيوني ابقي سلملي علي جرس الانذار و قوله اني رجعاله قريب
عشري….بضحك امشي يا بلطجيه
دخلت ليله و هي بتضحك و راح عشري يجهز الفطار ليهم بهدوء.
………………….
عند سلمي و حسان كان بيكلمها في الموبايل.
سلمي….ما احنا قولنا كده من الاول انت اللي قولت هشوف شقه
حسان…..ما انا مكنتش حابب بصراحه افضل هنا في اوضه محبوس طول الفتره دي بس مش لاقي كله متأجر واللي فاضي قدامي يا بعيد عن البيت يا الفرش فيه مش حلو
سلمي….خلاص اتحمل كام يوم في الاوضه اللي تحت و تامر هنتفق معاه العمال يبدأوا باوضه النوم و الدور اللي فوق كله و بمجرد ما يخلص تطلع حاجتك و تقعد فوق بقي لحد ما يخصلوا تحت
حسان…..تمام هعمل كده بس بقولك ايه انتي مش فاضيه انهارده
سلمي…..انهارده انا مش عندي شغل وكنت هروح ابص علي نوني قولي عايز ايه
حسان….في هنا مبلغ كبير و ساعات و حجات مهمه كنت عايز اديهالك تخليها معاكي
سلمي….طيب تمام شوف امته و تعالي جيبهم هستناك انا كده كده مكنتش هروح بدري يعني هنزل علي سته كده او خمسه و نص
حسان….طيب تمام
سلمي….حسان صحيح انا في حاجه عرفتها امبارح بليل من ايه و لازم تعرفها
حسان…..حاجه ايه
سلمي….اممم ابقي اتصل اطمن علي عشري عشان عمل عمل عمليه من ثلاث ايام
حسان…نعممممم عمليه ايه دي و ازاي من ثلاث ايام
سلمي….هقولك قبل ما ايمي تسافر بيوم هو عملها لانه تعب اوي كان تاني يوم الفجر بعد ما خد ليله و اللي عرفتوا يعني انه تعب جداً من الساعه 12 لحد الفجر و لما متحملش اخواته راحوا خدوا و دخل عمليات علي طول لان الزايده كانت هتنفجر و حتي فضل معرفش
حسان….بصدمه سلمي انتي بتهزري
سلمي…. الله العظيم ابداً ههزر في حاجه زي دي
حسان….طب و مين اللي قال لايه
سلمي….فضل لما كانوا عند نعيمه عرفهم كان هو لسه عارف قبلها علي طول
حسان…..طب وانا ليه معرفش
سلمي….هقولك هو محدش اصلا عرف غير بعد ما فضل عرف لان عشري محبش يقول عشان خاف ان رشيد يعرف هو وايمي و يرجعوا يأجلوا السفر تاني
حسان….طب اقفلي اقفلي يا سلمي هتصل عليه و ارجع اكلمك
سلمي….اوك مستنياك باي
حسان….سلام.
قفل حسان و اتصل علي عشري و كان مضايق اوي.
سمع عشري موبايله بيرن علي التربيزه خرج بهدوء و اول ما شاف رقمه رد.
عشري….الووو
حسان…..تصدق بالله انت واطي ونا عندك دم و انا مش عايز اعرفك تاني
عشري….بأبتسامه ايه كل ده ليه بس
حسان…..انت عبيط يا عشري تبقي عامل عمليه من ثلاث ايام و معرفش غير الوقت
عشري….انت كل ده متعرفش والله انا استغربت انك متصلتش
حسان…..انا متصلتش عشان سايبك انت وليله لوحدك بس لو اعرف كنت جيتلك انا بجد مضايق منك وزعلان اوي و من الكل مش منك بس
عشري….طب اهدي بس انا والله العظيم ما عرفت مخلوق غير محمود و علي شافه وهو جاي يجري ياخدني و حلفتهم ميعرفوش فضل عشان لو عرف هيقول و رشيد هيعرف و مش هيسافر و صعب عليا يأجل سفره تاني وبعدين عرفت ان انت هتوصلهم ولما فضل عرف قولتله ميقولش الوقت خالص غير لما يسافروا و خوفت انت تعرف يبان عليك
حسان…..يعني انا لو عرفت كنت هقولوا يا عشري ما انت عارفني هو انا عيل صغير
عشري….والله ما اعرف انك لسه متعرفش حقك عليا بقي
حسان…..حق ايه بقي وقرف ايه والله حرقت دمي انا لسه عارف من سلمي حالا و كنت فاكرها بتهزر
عشري…..خلاص ياعم براحه شويه حقك عليا انا
حسان…..طيب طمني عليك انت كويس ايه اللي حصلك
عشري….انا احسن كتير الحمد لله تعبت منها مره واحده بس عدت علي خير والله
حسان…..طب انا عايز اشوفك
عشري…..تنور تعالي يا سلام
حسان….طب ايه هينفع اجيلك و لا استني شويه تفوق و تعرف تنزل و اقابلك في الكافيه
عشري….تعالي ياض وبطل هبل كافيه ايه
حسان….خلاص هعدي عليك كمان ساعتين كده كويس
عشري…..كويس اوي انا صحيت اصلا خلاص
حسان….ماشي مش محتاج اي حاجه اجيبهالك
عشري….سلامتك يا صاحبي
حسان…..سلام يا عشري
عشري….سلام.
خرجت ليله بهدوء و بصتلوا بتعب
عشري…..ده حسان لسه عارف الوقت اني عملت عمليه و كان مضايق وهيجي يشوفني قالي ساعتين كده و هيجي
ليله…..طيب تمام خليه يجي
عشري….لسه تعبانه
ليله…امممم بطني بتوجعني اوي
عشري…..طب تعالي يا قمر
قربت منه ضمها لحضنه لفت دراعها علي رقبته و نامت علي كتفه
عشري…..سلامتك يا حبيبي يارب انا بدالك
ليله….بابتسامه بدالي ازاي يعني
عشري….بضحك الوجع مش البريود يا جزمه
ليله…بضحك انت بتشتمني و انا تعبانه
عشري…..لا مقدرش يا عمري هو الشاور مريحكيش شويه
ليله….يعني شويه
عشري….طيب بقولك ايه عارفه الاربه اللي بيتحط فيها مايه سخنه انا عندي واحده لما بتمرن و بيحصلي اصابه او لو ضهري وجعني بحطها ايه رايك احطلك فيها مايه دافيه تحطيها علي بطنك هتريحك شويه
ليله…..ماشي
عشري….طب يلا يا قمر روحي اقعدي علي الكنبه و هجيلك الوقت.
سابته ليله وراحت نامت علي الكنبه
حط مايه في الكاتل و دخل جوه جاب الاربه و رجع حط فيها المايه و قفلها و خد طبقين فيهم فطار شكله يجنن اول ما شافته جاي و شايل الحاجه في ايده قامت بهدوء خدتهم منه
عشري….يلا كلي و بعدين حطي دي هنا كده علي بطنك
ليله….ايه ده دي سخنه اوي
عشري….الوقت تتعودي عليها و تريحك يلا يا عمري افطري
ليله….طيب العلاج بتاعك
عشري….هاخده الوقت لما افطر
ليله…..لا في واحد قبل الاكل
عشري…..خدته والله خلاص
ليله….بجد
عشري….والله بجد يلا افطري
ليله…ماشي
…………………..
الوقت كان بيجري و سلامه حالته نفس حالة ايه و اسوء
وصل لمرحله مش قادر خلاص لا يسيطر علي عقله ولا قادر يمنع دماغه من التفكير في الموضوع
و الشك لما بيدخل قلب راجل صعب انه يسيطر علي عقله او يتحكم في طريقه تفكيره هو لا كان شاكك في تامر ولا في ايه بس كان مضايق من القرب الزايد حاول يقنع نفسه انه غلط و ان ايه معاها حق هي اتعودت عليه و في بينهم عشره تحكم عليهم انهم يتعاملوا زي الاخوات بس لما كان بيجي يقارن علاقة سلامه بريهام قدام الطريقه اللي بدأ يركز فيها في علاقه تامر وايه يحس باختلاف جايز يكونوا بيئتين مختلفين عن بعض بس احمد علاقته بيهم كويسه رباهم كويس بيخاف عليهم متفاهم فا الاختلاف موجود في النشأه لكن هما كمان عندهم اصول و تربيه.
بس الفرق اللي غاب عن عقل سلامه
ان وجود الست في التربيه بيفرق اكتر بكتير من الراجل هو ركز علي اختلاف النشأه اختلاف المستوي زمان بينهم بس مركزش علي انه اتربي هو و ميدو واخواته تحت ايد ام مهما غابت عن ولادها كان في جده بتاخد بالها منهم يعني ست وهي كمان كانت مركزه ديماً في كل التفاصيل.
لكن احمد شال الليله لوحده اه حاول يربي و يهتم لكن الراجل غير الست هو شغلوا و الفلوس اللي بيأمنها ليهم كانت في اولوياته
لكن الست او حنان بصفه خاصه زي ما اهتمت بالاولويات اهتمت بتفاصيل صغيره في التربيه حبت ميدو حب جنون لكن حبها لبنتها وخوفها عليها من ميدو او من اخواتها زود في تربيتها ليهم تفاصيل و نصايح يمشوا عليها
لكن احمد شاف ان كلهم اخوات و بيحبوا بعض وهو مش بيفرق بينهم و دي اهم حاجه بس مركزش علي النصايح و غابت عنه ..
وهو ده الخلاف الوحيد اللي حصل بين حناااان و احمد في تربيتهم لولاد مش ولادهم ..
وده اللي خلي سلامه يركز و ياخد باله و يضايق.
سلامه كان واقف مع فضل و عسال بنص عقل او عقل شبه مش معاهم
بيحاول يكون طبيعي بس من جواه كان هيتجنن.
………….
في السويد.
خرجت ايمي و رشيد و اميره و كريم يتمشوا و يتفسحوا و يشوفوا مل مكان في البلد اول حاجه جابوها لما خرجوا خط يتصلوا بيه علي الكل و يتطمنوا عليهم.
اتصلت ايمي علي ماريز و حماده طمنتهم عليها كلموا رشيد و كلمت اميره ماريز وسلمت عليها.
بعد ما خلصت قررت تتصل علي عشري عشان تطمن علي ليله.
ليله كانت نايمه علي رجل عشري و هو حاطتتلها الاربه علي بطنها و كفه علي شعرها
عشري…..لولي احسن الوقت
ليله…رفعت عينها وابتسمت اه احسن كتير
عشري….يعني مش محتاجه نشوف دكتور
ليله….لا يا حبيبي اطمن انا بخير هي غالباً عشان اتأخرت فا لما جات تعبتني بس انا كويسه
رن موبايل عشري بصت هي علي التربيزه و جابته لقت رقم غريب
عشري….ايه الرقم ده ؟ الووو
ايمي….احيييييه قلبي واخويا اللي وحشني
عشري….بضحك يا ايمي وحشتيني انتي اكتر والله يا قلب اخوكي اخباركم ايه
ايمي….زي الفل يا بلطجي بس بقولك ايه الجو هنا مستحييييل بجد
عشري….برد هااا
ايمي….بضحك برد ايه دي دي تلاجه حد فتحها و نسيها بس بجد البلد تحفه و تجنن ياريتكم معانا
عشري….يا قلبي ربنا يسعدكم و ان شاء الله تتعوض و يبقي لبنا سفريه جماعيه كده نفصل بيها
ايمي….ده اكيد المهم طمني عليك البلطجيه عامله ايه معاك
عشري….بضحك مسك خد ليله البلطجيه نايمه علي رجلي
ابتسمت ليله عشان عارفه انها مش هتسكت
ايمي….ادييييييني احيه عليا
عشري….بضحك هتموتي طبعاً و تطلعيها مسرح
ايمي….جداً افتحلها الاسبيكر
عشري…بضحك فتحته اتكلمي
ايمي….احييييكي علي الثبات علي المبدأ يا تربيه وسخه نايمه علي رجل الراجل يا بلطجيه خير ناويه علي ايه بتصبتي الراجل عشان يسلم بقولك ايه يا عشري اوعي تديها الامان صاحبتي و عرفاها متسلمش واسمع كلام اختك
عشري….بضحك لا لا متقلقيش مش بتثبتني
ايمي….قومي يا صايعه خير سلمتي
ليله….بابتسامه عايزه مني ايه
ايمي….احيييييه عالصوت لا الصراحه ليك حق يا بلطجي تسلم ما هو بردوا الصوت ده لوحده يخلي الواحد يرفع الرايه
عشري….بضحك عرفتي بقي
ليله….بضحك احترمي نفسك و خليكي في صوتك و لا نسيتي رشييييد
ايمي….بضحك انا بعمل كده يا جزمه
ليله….اه بتعملي كده
ايمي…..بتثبتي الراجل يابت
ليله….لا مش بثبته انا تعبانه
ايمي….تعبانه ازاي كملت بضحك ايه نوع التعب
ليله….بضحك با بنتي صفي نيتك شويه انا عندي البريود يا جزمه و بطني بتوجعني
ايمي….بضحك طيب عشان تعرفي ان نيتي سليمه حتي تعبك طلع شمال
ليله….بضحك انا مش هرد عليكي
ايمي….طب وحشتيني
ليله….وانتي كمان يا رخمه
ايمي….بجد وحشتك
ليله….والله العظيم و حشتيني اوي انتي والبنات هترجعي امته
ايمي….مستعجله علي حبسي ليه احنا مش اتفقنا اسافر اعمل ميموري حلوه اعيش عليها في السجن
ليله….بضحك لا خلاص مش هحبسكم
ايمي….بضحك ايه رضيتي عننا
ليله….يعني حاجه زي كده ما انا اكتشفت اني مش هعرف اقعد بره لوحدي من غيركم فا قولت بقي اخليكم وخلاص و اطلعوا علي عينكم
ايمي….لولي و الله العظيم والله العظيم و غلاوة زوزو و حماده وحشتيني بشكل مش طبيعي و هموت واشوفك واحضنك و مبسوطه بجد من قلبي انك بقيتي بخير و هديتي و مبسوطه اكتر ان انتي بقيتي في حضن عشري و هو في حضنك و لازم تعرفي حاجه انتوا ملكوش غير بعض
تزعلوا بقي يحصل بينكم مشاكل تبلطجوا علي بعض بس اللي لازم تتأكدي منه ان انتوا اتخلقتوا لبعض ميكس كده يجنن و تركيبه مينفعش انكم متبقوش لبعض بحبك يا لولي و بموت فيكي و انا واثقه انك عارفه اني بحبك و اني مستحيل اعمل حاجه غير لو فيها مصلحتك مش عيزاكي تزعلي مني او من البنات احنا بنحبك اوي و لو مش عارفين حبك لعشري قد ايه مكانش حد فينا اتجرأ يعمل كده افرحي و اتبسطي و اوعي تخلي حاجه تزعلك او تنكد عليكي او تضيع من ايدك عشري عشان الراجل ده مش بيحبك بس يا ليله الراجل ده روحه متعلقه فيكي
عشري….بحب سامعه
ليله…بابتسامه مين يشهد للعريس
ايمي…..والله بتكلم جد انتي واثقه يا ليله اني كنت هتجنن عليكي و اني مكنتش طايقه لا عشري ولا حد من الشباب بس بعد ما مشيتي و اختفيتي انا مقدرتش اسيب عشري لانه كان هيتجنن عليكي بجد
عشري….هي عارفه يا ايمي كويس هي عندي ايه ليله مش حبيبتي ليله روحي و قلبي و نفسي و كل حاجه حلوه عايش عشانها
ايمي….طب والله يا قلب اختك انت تستاهل بوسه
ليله….بابتسامه يلا طبلوا لبعض
ايمي….بضحك اخويا واطبل ليه براحتي عايزه ايه يا صفرا
ليله….بضحك لا صفرا دي امنيه اختك يا واطيه
ايمي….طب سيبك من امنيه الوقت هنفرح بيكم امته عايزه اجيب الفستان يا بت
ليله….بابتسامه افكر
ايمي….بضحك و ماله فكري بس متاخديش وقت يعني خلاص اتفضحتي وهتموتي علي الراجل
ليله….بضحك بت انتي عايزه مني ايه يلا روحي لشهر العسل بتاعك يا صايعه و لسي رشيييييد
ايمي….هروح يا حبيبتي اكدب يعني
ليله….ايمي هتيجي امته
ايمي…هنمشي بعد ثلاث ايام ان شاء الله
ليله….خلاص لما تيجي لازم تبجي انتي و البنات و الشباب و نتجمع و حشتوني اوي
ايمي….لا يا قلب ايمي انا مش هدخل بيتك غير وانتي عروسه يعني التجمع ده هيبقي عندي انا لما اجطوصل بأذن الله و المره التانيه هنيجي بس عشان نباركلك يا ست العرايس
ليله….اممم ماشي مش مهم المهم اشوفكم و نتجمع
ايمي….باذن الله يا قلبي قوليلي اجيبلك ايه معايا
ليله….ولا اي حاجه انتي عارفه اني عندي كل حاجه خدي بس بالك من نفسك و من رشيد و اتبسطي علي قد ما تقدري
ايمي…..يا عمري انتي ربنا يخليكي ليا و اشوفك ديماً اسعد.حد في الدنيا خدي بالك من اخويا يا بت
ليله….قوليلوا هو باخد باله مني
ايمي….ماهو منيمك علي رجله يا سهله عايزه ايه تاني
عشري….بضحك انتي مينفعش معاكي غير لسان ايمي
ليله…بضحك يلا يا بت امشي
عشري…..رشيد فين يا ايمي
ليله….في التويلت يا عشري هيبقي يكلمك
عشري….ماشي يا حبيبتي سلمي عليه و خدوا بالكم من بعض
ايمي….حاضر يوصل يلا هسيبكم بقي و يومكم جميل كملت بضحك ومتنساش بقي يا عشري مسكن حاجه دافيه كده يعني
عشري…بضحك عيوني
ليله…بضحك اقفلي يا جزمه
ايمي….باي يا قلبي
ليله….باي يا حبيبي
عشري….بضحك بموت فيها
ليله….بابتسامه قربت من حضنه و نامت علي صدره و انا كمان بموت فيها و مفتقداها اوي
عشري…..ان شاء الله اول ما يرجعوا هنتجمع كلنا و في حاجه كمان
رفعت ليله راسها وبصتلوا
ليله….حاجه ايه؟
عشري….ايمي قالت هيرجعوا بعد ثلاث ايام و ان شاء الله اكون انا بقيت احسن هنشوف هنروح امته و بعدها هوصل حبيبة قلبي لبيتها
بصتلوا ليله بصدمه و حست ان قلبها اتخطف
ليله….يعني ايه؟
عشري…..يعني سبب وجودك هنا و اللي حصل ده كله بس عشان ترجعي لحضني عشان اقدر افهمك اتكلم معاكي اشيل من دماغك اي افكار دخلت فيها اعرفك ان مكانك هنا جنبي و في قلبي لا في قبلك ولا في بعدك اعرفك ان وجودك في حياتي اهم حلم بتمني احققه و انا بنسبة ميه في الميه واثق اني نجحت في ده خفيتي و دي اول واهم حاجه عندي هديتي سمعتيني و اتكلمتي صفيتي من ناحيه ناس كتير اهلي و الشباب واخواتك و الهم صحابك عرفتي انهم بيحبوكي و شيلتي من دماغك اي فكره وحشه
بدأتي تضحكي تهزري و انا مصدقك عشان كده يا ست البنات وجودك هنا خلصت مدته المؤقته بس قبل ما هتمشي من هنا هنتكلم في كام نقطه مهمه اولهم عايزه ترجعي علي البيت ده ولا بيت تاني في مكان مختلف ولو هترجعي عايزه تغيري ايه في البيت لاني بمجرد ما هوصلك البيت هيبدأ العد التنازلي لرجوعك فيه لاني مش هتحمل بعد ما رجعتي لحضني اني استني فتره من غيرك فا لازم في وقت قياسي جداً نخلص كل حاجه عشان نحدد المعاد و ترجعيلي فهمتي يا ست البنات
ليله….لا مفهمتش اولاً انا لا عايزه بيت تاني ولا فرش تاني ولا نيله انا مش فارق معايا كل الهبل اللي كنت بقوله ده يمكن كنت بقوله وقتها لاني متعصبه و لاني كنت لسه متشتته بس خلاص انا سمعتك و صدقتك و بحب البيت اوي و مش هغير فيه حاجه اولا لانها عجباني ثانيا لانك تعبت فيها و حبيت كل حاجه اخترتها.
والاهم من كل ده اني عيزاك انت يا عشري مش عايزه اي حاجه غيرك
بس انا مليش دعوه انا مش همشي من هنا
عشري…..بصلها بحب و ابتسم ازاي يا عمري بس احنا اتفقنا
ليله….لا متفقناش و بعدين اسمعني بقي كويس عشان واضح كده اني طلعت طيبه معاك زياده عن اللزوم
عشري….بضحكه تجنن قولي
ليله….انا جيت هنا بمزاجك بس مش همشي غير بمزاجي وانا مش همشي خالص انت اتفقت من غر ما تاخد رأيي وانا بقولك الوقت اهو اني مش موافقه
عشري….بأبتسامه تجنن مسك كفها طيب ممكن نتكلم بهدوء
ليله….لا
عشري….طيب اسمعيني ولو الكلام معجبكيش اعترضي
ليله….هعترض من الوقت عشان كلامك مش هيعجبني
عشري….حبيبي بصي الموضوع مش هيطول و بما انك موافقه علي البيت و الفرش و كل حاجه زي ما هي من غير تغيير يبقي القمر بتاعي هيمشي و هنبدأ نجهز للفرح و كل حاجه تخصك فستان تجهيزات تجيبي باقي حاجتك كلها لبسك اي حاجه نقصاكي تشوفي لو في حاجه في المطبخ في البيت عموما نجيب المكان بتاع الميك اب بتاعك اللي كان سبب في كل ده
ليله….الله يحرقه مش عيزاه
عشري….بضحك المهم يعني كل ده يخلص في اسبوع عشر ايام بالكتير الفرح و تجهيزاته كلها عليا حاجتك هتنزلي مع البنات تجيببها
و فستانك هنروح نجيبه مع بعض يعني اصلا الوقت ده هنبقي مشغولين فيه
ليله….خلصت
عشري….بابتسامه خلصت
ليله….طيب انا مش ماشيه ولا حتي يوم واحد ولو لزم الامر اوي يبقي هو يوم واحد وبس قبل الفرح
عشري….بضحك بصي نبطل جنان و خلينا عاقلين كده و نسمع الكلام انا اديت كلمه لاخوكي و كمان عايز البيت يوحشك شويه عايزك تفكي تغيري جو تشوفي دنيتك في الكام يوم دول تقعدي مع البنات تتكلموا تهزروا تشوفوا الشغل هيمشي ازاي تفصلي بعيد عني شويه بس كمان انا هبقي جنبك و معاكي مش هسيبك بس اللي اقصده خدي بريك عشان ترجي بطاقه اقوي
ليله….بتأثر عشري عشان خاطري خليني معاك و حياتي يا عشري
ابتسم عشري بتأثر و سعاده و حب و شدها لحضنه باس راسها بوسه طويله.
عشري….انا معاكي و هشوفك كل يوم و هفضل جنبك بس انا عايز اعمل شويه حجات تفرحك حتي في البيت هنا عشان تحسي بتجديد لما تيجي و حياة غلاوتك هيبقي صعب عليا انا كمان بس انا عايز افرحك
ليله….مش همشي يا عشري و مش عايزه اي حاجه عيزاك انت بس متخلنيش امشي عشان خاطري
عشري….بقولك ايه متوجعيش قلبي طيب هو اسبوع
ليله…لا مش عايزه
عشري….يابت بطلي جنان الحقي اقعدي مع البنات و اسهري و اتبسطي و باتي معاهم قبل ما ترجعيلي هتزهقي مني بعد كده
ليله….مش هزهق و همشي قبل الفرح بيوم
عشري…..لولي يا قلب عشري من جوه انتي هتسمعي الكلام و هتقولي حاضر و اللي قولته هيتعمل و اصلا في كمان حاجه تانيه هتتعمل قبل الفرح لسه هنتكلم فيها
رن موبايل عشري في الوقت ده و لمح اسم حسان.
عشري….بصي هنأجل كلام الوقت عشان حسان شكلوا وصل الوووو
حسان…..ايوه يا عشري انا داخل عليكم خلاص عشر دقايق بالكتير وابقي عندك
عشري….ماشي يا صاحبي مستنينك
حسان…..ماشي يلا سلام
عشري….سلام.. يلا يا عمري قومي غيري كده الترنج ده
ليله….بصتلوا بزعل و هزت راسها
عشري…..فكي التكشيره دي هنتكلم بعد ما حسان يمشي اوك
ليله….مش عايزه اتكلم معاك و يكون في علمك بقي لو مشتني همشي خالص و مش هتعرف مكاني و ابقي دور عليا بقي
سابته و مشيت راحت علي اوضتها
ابتسم عشري و ضحك بهدوء علي المجنونه اللي كانت من يومين بتقوله بكرهك و بكره البيت و المكان و مش عيزاك
عشري….بحبك يا ليله..
………………
وصلت تقي علي الساعه اربعه بالعربيه اللي فيها الشغل علي واحد من الكافيهات بتاعتهم تنزل الشغل.
و لما عرف عدي انها جايه في الطريق راح علي الكافيه ده قرب بالعربيه و ضحك وهو شايفها ماسكه في ايدها كشكول صغير و حاطه القلم في ودنها و عماله تقربلهم الصناديق عشان ينزلوها بسرعه
تقي……يلا يا بسرعه يا كابتن الله يباركلك امسك شيل
عدي….بضحك بتعملي ايه يا بليه
تقي……ايه بليه دي همست بهدوء لم لسانك عشان ميبقاش شكلك وحش في محل عملك وانت عارف لساني
عدي…..بضحك ماشي بس ايه الشياكه دي
تقي….بابتسامه طرش الاوت فيت صح
عدي…..بضحك اه والقام هياكل من ودنك حته
ابتسمت و شالت القلم بسرعه
تقي…نسيته محصلش حاجه
عدي….طيب سيبي من ايدك بتعملي ايه
تقي…العمال عندكم رتمهم بطئ وانا هلقي ضيق بقربلهم الصناديق عشان نخلص
عدي….بضحك اولا الصندوق اتقل منك بتهببي ايه ثانياً انتي علي طول مستعجله كده
تقي….مش استعجال بس بحب اخلص وانجز انا مش بارده خلقة ربنا كده بقي دمي حامي
عدي…..ااااااه شكلك كده بتهربي من العزومه كلتي علقه ولا ايه
تقي….بضحك لا يا سيدي مش بهرب انا قد كلمتي لو جاهز حضر نفسك و متقلقش مكلتش علقه ولا حاجه في واحد كده طلع جدع معايا و خلص الموضوع
عدي…..بضحك اي خدمه مع ان لو عليا يعني كنت عايزك تاكلي علقه بصراحه
تقي….طب كملها حلوه للاخر لسه بقول في واحد جدع و بتاع
عدي…..بابتسامه ماشي يا ستي طمنيني طيب مكلتيش علقه بجد
تقي…..لا والله مكلتش علقه دخلت نمت و بابا مكلمنيش بس الصبح يعني اتكلم معايا و اتصالحنا
عدي….طيب الحمد لله اننا عرفنا نمسك لساننا
تقي…عيب عليك قولتلك مش هصغرك
عدي….بضحك اااااه صح باماره ما عصبتي ابوكي و كان هيحدفك من الدرج و لولا اني اتدخلت كان زمانك في عداد الاموات
تقي….بضحك ما انا لو كنت سكت كان روقني لازم كده انكشه عشان ينسي
عدي….بضحك ماشي يا ستي ها هتعزميني بجد ولا هتخلعي
تقي….لا ياعم مش هخلع متقلقش يلا جهز نفسك عشان اروح بس اسلم لاخر كافيه و نخلع
عدي….طيب هيحصل مشكله عندك اتصل علي وليد
تقي….لا متقلقش ابويا طيب و هقولوا عادي انت بقي هيحصل عندك مشكله
عدي….انا لا طبعاً
تقي…طب ايه الجو بتاعتك موقعها ايه من الاعراب
عدي….بضحك اخلصي يلا وبلاش رغي و طولة لسان
تقي….بضحك ياعم انا مالي هو انا اللي بتقرطس انتوا صنف عايز الحرق اصلا
عدي…..بضحك علي اساس اني خارج مع جو جديد ده انا خارج مع واحده مسحوبه من لسانها و في بينا نسي يعني نعتبر قرايب
تقي….ماشي ياعم انا هسبق بقي علي الكافيه اشطا
عدي….اشطا جاي وراكي يلا
تقي…..يلا.
راحت تقي علي اخر كافيه نزلوا الحاجه و دخل عدي مع العمال هو وسليم حطوا كل حاجه
وبعدين خرج علي بره هو وهي و سليم.
عدي…..يلا اركبي جاي وراكي
تقي….باي يا سليم
سليم….باي يا تقي
عدي….انا شويه وهاجي
سليم….بابتسامه استني هنا علي فين
عدي….بضحك ايه الضحكه دي مالك في ايه
سليم….مش متطمنلك فا بسأل
عدي….بضحك لا اطمن و اتكل علي الله خليك في حالك
سليم….بضحك الللعب
ضربه عدي في كتفه وراح ركب ومشي هو و تقي.
فتحت تقي شنطتها و طلعت روچ و لفت المرايه عليها
عدي…..رجع المرايا مكانها بتهببي ايه اشوف ازاي انا
تقي….ايه بحط روچ هرجعهالك و لا العربيات وراك مستنيه اخد المرايا عشان تخبطك
عدي….بضحك هو انتي علي طول كده ردك جاهز
تقي….بابتسامه ماهو يعني بالعقل كده الدنيا مش هتتقلب من ثواني
عدي….خدي خدي خليها عندك مش عايزها
تقي….بضحك خد بالك معاملتك معايا مش قد كده و انا سكتالك غلب
عدي….هتعملي ايه يعني والله احدفك بره العربيه
تقي…..تحدفني الله يسامحك
عدي…..بضحك لا لا البراءه دي مش ماشيه معاكي
تقي….بضحك لا ما انا مفرهده والله مش قادره اتخانق و زوري واجعني و عندي برد وحالي بالبلاء
عدي….من اعمالك
تقي….الله يسامحك
ضحك عدي و كمل طريقه
مسكت الشنطه اللي كانت معلقاها علي ضهرها فتحتها كان مراقبها بهدوء و مبتسم
طلعت من شنطتها كتاب و كشكول سلك و قلم خرجت من ايدها توكه و رفعت بيها شعرها ومسكت القلم و فتحت الكتاب و الكشكول و بدأت تنقل حجات
عدي…..بضحك هو انتي بتعملي ايه ؟
بصتلوا تقي بهدوء.
تقي…..في عندي تلخيص في الماده لخصت نصه و انا جايه في الطريق وبكمل النص التاني لحد ما نوصل
عدي….بضحك انتي مش طبيعيه علي فكره حاطه توكه في ايدك و من شوين قام في ودنك والوقت بتذاكري اين الدماغ دي
تقي…..ابتسمت بهدوء و بعدين ضحكت بص هو انا ابان عشوائيه كده و بعمل حجات مش ماشيه علي بعضها في نفس التوقيت بس هو ده يومي الوقت بيجري و لو طنشت او سيبت حاجه للوقت المناسب مش هعملها و بصراحه يعني لو فيك من يكتم السر انا ما بصدق حاجه تشغلني يعين لاعبيه شويه فا لو معملتش اللي عليا هضيع و انا بصراحه عايزه انجح و مش عايزه الشغل يضيع سنه مني فا بحاول اني اخلص و كمان لو روحت علي بليل هبقي مكسره و مش قادره و هنام
عدي…..بابتسامه انتي في سنه كام يا تقي
تقي….تالته السنه الجايه اخر سنه
عدي…..طيب بقولك ايه و بجد والله لو حابه اوصلك و تروحي عشان متتعطليش اىوحك و ياستي يبقي ليا عزومه عندك اي وقت تاني
تقي….لا استني انت ما صدقت لسه من دقيقتن بقولك لاعبيه و ما بصدق اي حاجه تشغلني انا هموت من الجوع كمل يا عم انا هخلص علي طول
عدي…..بضحك ماشي الحق عليا يا ستي كملي
تقي…..ماشي بس براحه الله يباركلك علي المطبات عشان لو خدت مطب و بوظت اللي بكتبه هزعلك او هخليك تقعد تكتب كل ده تاني وانا هاكل واسيبك
عدي….بضحك لا وعلي ايه همشي زي السلحفه و بعدين انا خطي وحش
تقي….يبقي براحه بقي
عدي….عيني حاضر
كملت كتابه و هو كل شويه يبصلها و يبتسم كانت ميكس غريب و مجنونه و فيها طاقه حلوه.
………………..
عند ليله و عشري..
نفخ حسان دخان السجاير..
حسان….بصوا انا مش فارق معايا التوقيت الوقت قد ما فارق معايا اني اخلص كل حاجه زي ما سلمي عايزه بس هو في كل الاحوال اكيد اكيد انتوا فرحكم قبلنا
عشري….ياعم عارف انا مش بتكلم علينا احنا انا بتكلم في العموم عليك انت و الشباب رشيد فلت منكم خلاص و انا بردوا يعتبر خلاص فاضل انتوا الاربعه
ليله…جات من المطبخ و حطتلهم القهوه انتوا شاغلين دماغكم ليه ما اللي هيخصل الاول يتجوز بيتهيألي ملهاش علاقه ترتيباتكم و تجهيزاتكم ببعض.
حسان…لا بصي هي مش فكرة التجهيزات بالعكس يعني انا هبدأ و غالباً عسال كمان هيبدأ يمكن لسه مش عارف فضل و سلامه هيبدأوا امته بس لو كلنا بدأنا مع بعض مش قصه انا بتكلم علي توقيتات الفرح والجواز نفسه
ليله….ايوه ماهي دي لازم تحددوها و تتفقوا عليها مع بعض و متنساش كمان ان اكيد فيكم حد هيسافر بعد الجواز يعني الباقي مضطرين يستنوا لحد ما اللي سافر يرجع
حسان….بالظبط انا البيت عندي تامر قالي مش هياخد اكتر من عشر ايام ان مكانش ثمانيه و طبعاً هنعمل زي رشيد اللي هيخلص هيجي علي البيت علي طول معرفش بقي عسال اتفق هو ونادين علي ايه معرفش اذا كان هيكسر حاجه او يعدل علي النظام
عشري….شقه عسال مس محتاجه لا تكسير ولا اي حاجه هي نظامها كده تحفه و تقريباً كل حاجه هتيجي هتتحط في مكان مناسب
حسان….ده من وجهة نظرك و وجهة نظري بس يمكن يكونوا اتفقوا علي حاجه تانيه هنشوف لسه
ليله….طيب هو انت هتعرف تقعد يا حسان في البيت و هو متبهدل كده و ريحة الدهانات والجو ده
حسان….والله يا ليله مش عارف بس مفيش حل
عشري….ليه مفيش حل تعالي اقعد هنا في شقه اي حد من الشباب انت عارف انهم مش قاعدين تحت هجيبلك سرير و افرشلك اوضه وهات حاجتك
حسان….ياجدع انا لسه بقولك لاقيت شقق بس استبعدتهم و هما جنبي هاجي زايد
عشري….ياعم انا الحق عليا عايز اريحك
حسان….هتتحل متقلقش كله خير المهم قولي انتوا ناويين علي ايه
رن تليفون عشري
عشري…..ليله ردي علي امي
خدت الموبايل و قامت بهدوء ترد علي امينه.
عشري….بابتسامه بقولك ايه هات سيجاره قبل ما تيجي
حسان….بضحك ايه قلبت معاك حكومه
عشري….بضحك دي اسوء من الحكومه
حسان….طب ما بلاش احسن يكون غلط
عشري…ياعم اخلص بقولك هموت علي سيجاره بقالي ثلاث ايام مشربتش
حسان….بضحك ولعلوا واحده امسك لو جات طولت لسانها هقوم اضربك انت
عشري….بضحك لا متقلقش
…….
ليله….بخير يا امونه اطمني والله كويس و بعدين لو قلقانه عليه تعالي شويه ولا محتاجه اذن تطلعي تشوفي ابنك
امينه….لا والله بس هقولك انا سألت محمود متي اخوك يقدر ياكل زين قالي الدكتور قال اول يوم بس اكل خفيف فا قولت بقي انا هعملكم الغداء انهارده و عملتلكم خلاص هبعته مع فاطمه و بألف هنا
ليله….طب ليه كده بس تعبتي نفسك
امينه….تعبكم راحه يانور عيني ارتاحي انتي انهارده محمد قالي انك تعبتي معاه
ليله….حبيبه قلبي ربنا يخليكي لينا و يديكي الصحه يارب انا متعبتش ولا اي حاجه والله
امينه…..يا جلبي انتي الله يسعد قلوبكم و يخليكي يا بنت الاصول يا جدعه يلا فاطمه هتروحلكم الوجت
ليله….طيب يا ست الكل انا مستنياها وتسلم ايدك مقدماً
امينه….تسلمي من كل شر بالسلامه يا نور عيني
ليله….سلام يا حبيبتي
قفلت ليله و راحت بهدوء قعدت.
عشري….فا هنشوف بقي هنعمل ايه و هنحجز علي طول
حسان….علي خير باذن الله
عشري……خير يا حبيبي امي محتاجه حاجه؟
ليله….بصت علي السيجاره اللي في ايده و خدتها طفتها لا بس قالتلي انها هتبعت فاطمه بأكل معرفش مين فاطمه بس قولتلها طيب
عشري….بابتسامه الشغاله اكيد بس مالك و مال السيجاره طيب
ليله….انت شايفه يا حسان انت كمان و سايبه
عشري….بضحك هو اللي اداني
ليله…كماااان
حسان….بضحك اه يا واطي والله هو اللي زن
عشري….بضحك بقولك ايه امي عامله اكل ايه
ليله……معرفش كمان هسألها با بجح مش كفايه تعبت نفسها
عشري…..هي امي كده
حسان….ربنا يخليهالك اخبارها ايه مبسوطه طبعاً
عشري….بابتسامه اه اوي الحمد لله
حسان…..ايه ياست ليله احنا صافي يا لبن صح
ليله….بأبتسامه للاسف
حسان….بضحك ما خلاص بقي قلبك ابيض و لعدين المهم مش انتي مبسوطه خلاص بقي
ليله….ماشي يا عم حسان عموما انت عارف يعني انا قولتلك الموضوع خلص والله
حسان….ربنا يسعدكم يارب و يبعد اي خلاف عنكم
ليله….يارب
عشري…..يارب يا حبيبي و نفرح بيك قريب انت و سلمي و تخلص علي خير السحله اللي انت داخل عليها
حسان….اه ادعيلي لاني مش عارف ازاي هخلص من الكام يوم دول
عشري…بضحك رشيد وقت ما جهز فلت ابن المحظوظه وجه عندك
حسان….اه حظه بس هتتحل
ليله….ان شاء الله يعدوا بسرعه
جرس الباب رن
عشري….خليكي استني
حسان…..افتح انا طيب
ليله….خليكم دي اكيد البنت
قامت ليله وراحت فتحت للبنت
فاطمه….بابتسامه كسوف الست امينه قالتلي وصلي الاكل ده لمدام ليله.
ابتسمت ليله و غمض عينها ثواني
ليله…بابتسامه طيب تعالي يا فاطمه اتفضلي
دخلت معاها فاطمه بهدوء علي المطبخ.
فاطمه….سلام عليكم
عشري….كيفك يا فاطمه
فاطمه…..الحمد لله يا استاذ محمد
دخلت ليله و خدت منها الاكل كانت بعتاها بشنطتبن كبار والاكل محطوط في اطباق متغلفه بفويل وسخن جداً
ليله….ايه ده ده سخن اوي
فاطمه…..خلي عنك انا هساعدك
ليله…طيب هاتي الشنطه دي و علي مهلك عشان متتحرقيش
ابتسمت فاطمه و طلعت الاطباق كلها حطتها علي الرخامه
فاطمه….الست امينه قالتلي لو حابه اساعدك في حاجه اساعدك
ليله….تسلمي يا عمري انا مش محتاجه حاجه متتعبيش نفسك
فاطمه….مفيش تعب والله طيب اجهزلك الغداء
ليله….ولا اي حاجه سيبي كل حاجه مكانها و تعالي يلا اشربي العصير ده
فاطمه….لا لا شكراً
ليله….شكراً ايه هزعل منك تعالي يلا
فاطمه…..مش عايزه والله انا بس كنت جايه اساعد حضرتك لو محتجاني هروح لست امينه
ليله….انا مش محتاجه حاجه و هخليكي تمشي بس لما تشربي يلا اسمعي الكلام تعالي
خدتها ليله و خرجت علي بره المكان اللي عشري و حسان كانوا قاعدين فيه قدام الشاشه كان مقسوم قاعدتين فا قعدت معاها في الجزء التاني بس كانوا قدامهم.
ليله….تعالي اقعدي يا فاطمه
قعدت فاطمه بكسوف ادتها ليله العصير و فتحتلها البونبويره تاخد شيكولاته
ليله….اتفضلي يا فاطمه
فاطمه….مش عايزه والله متتعبيش نفسك
عشري….من بعيد بابتسامه اسمعي الكلام يا فاطمه و متتكسفيش
ابتسمت فاطمه و خدت واحده قعدت ليله قدامها.
