لقاء كـ،ـ،ـارثي
لقاء كارثي
أميره أسامه
صاحبة البطل الواحد
. البارت الثالث و السبعين .
………………………
عند ليله و عشري ..
عشري كان بيتكلم مع عمر اخوه و ليله بصاله و مبتسمه هتاكلوا بعينها وهو بيتكلم بدوي و مش فاهمه منه اي كلمه.
عمر….ويش تقول انت امس كانوا جالسين ربعه واحده و سولفت معهم
عشري….انت ايش فيك ما تفهم اقولك اليوم تقول امس كيف ما انت داري
عمر….والله ما اني داري حتي اباااه و علي انت كيف عرفت
عشري…..بو ناصر حكاني يقول الكونه قايمه من عقب الظهر و الهوشه داخلينها ربع و عزايم
عمر…..والله ماادري انا بسولف مع علي و بشوف شو رح يصير حتي بطلع عالشمال إذا لزم الامر
عشري…مخبول انت مانك طالع او نازل لا تروح لحالك بورواش مولعها ويحاول يجرنا للحكي عشان الكونه تطيح بإيدينا هو طامع بالارض دير بالك انا واصل اخرتي و إن عاد يتهاوش بعد لاروح لين عنده واطلع بروحه في يدي حلها من بعيد انت ليك حكي معاه انا ماإلي راس له بتعرفني بهد المعبد باللي فيه
عمر….هدي هدي اتركها في يدي و ما تتحملها ضيق يلا بروح انا اناظر و بحكيك
عشري…اتسهل الله معك.
قفل عشري و هو متعصب و بعدين ساب الموبايل من ايده و ولع سيجاره بصلها بهدوء لقاها مبتسمه
ابتسم غصب عنه ورفع حاجبه
عشري…..خير
ليله….ابو ام اللي يزعل القمر بتاعي
عشري…..بضحك هو ابو امه فعلاً
ليله….انا سمعت كل حاجه اني افهم كلمه ضحكت و بعدين بصتلوا عشري انا عايزه اتعلم لهجتكم
عشري….بضحك يعني انا شايط و علي اخري و انتي مبسوطه و عايزه تتعلمي طريقه الكلام
ليله….بضحك الله عشان اعرف اتفاعل معاك و احدد ريأكشن وشني
عشري….طب بالنسبه لريأكشن وشي انا باين اني بضحك ولا متعصب
ليله….هو انا حاسه ان في مشكله
عشري…..بضحك طب و بتضحكي علي ايه بقي و مبتسمه اوي كده
ليله….عشان بحب اشوفك و انت بتتكلم بطريقتك
عشري….بضحك لا والله عايزه تتعلمي يعني
ليله….اممم
عشري….خلاص هعلمك حاضر بس قوليلي يعني مش ناويه تفتحي موبايلك اللي كنتي هتتجنني عليه من وقت ما عدي جابه و هو و اللاب توب مكانهم
ليله….بابتسامه والله كنت لسه بفكر فيه شكلي اتعودت اني ممسكش موبايل زي ما كنا في دهب و بعدين انا في العموم خد بالك مليش في الموبايل اوي انا لو انت و اخواتي و البنات بتكلم معاكم فيه والله ما همسكوا و اخر فتره كنت بمسكه كتير بسببك
عشري….طيب الوقت انا معاكي بس ولا اخواتك ولا البنات موجودين مش ناويه تحني عليهم وتفتحي موبايلك
ليله…..ايه زهقت مني عشان بستخدم موبايلك ماشي يا سيدي
عشري….لا والله مقصدش بس عشان يسليكي شويه مش كنتي زهقانه
ليله….بابتسامه اممم بس يعني تقريباً في واحد كده بقي مالي عليا كل حياتي
عشري…..بحب هو نفسه اللي طول بعرض
ليله….بضحك هو بعينه بصت علي الموبايل و ادي الموبايل اهو خليني افتحه و انكد علي الكل
عشري…بضحك اهدي يا بلطجي قلبتي عليهم ليه تاني
ليله….بضحك هو كده بقالي كتير منكشتش و بصراحه و حشني النكش
عشري…..انكشي چعل ماحدا ينكش غيرك
ضحكت ليله و هو ضحك و بعدين وصل الموبايل بالشاشه و شغل عليها اغاني
ليله….بضحك يعني انا بحاول افهمك بالعاقيه و انت بتتكلم تشغل اغاني بدويه
عشري…..بضحك حلوه اسمعي هتفهمي و تتعلمي
ابتسمت بهدوء و بصت علي الموبايل تاني كان في اشعارات كتير بتوصلها بصت عليه بهدوء و اتصلت علي رقمه بصلها وصحك و بعدين رد
عشري…..قلبيييي والله وحشني اسمك
ليله….هاي عشري
عشري…..بضحك هاي يا عمر عشري
ليله….انا قولت اول نكش يكون معاك
عشري….طب ليه انا غلبان مش لاقيه غيري تنكشي معاه انا مش قدك
ليله….بابتسامه قفلت في وشه يلا خلاص انت هتصاحبني وتاخد وتدي
عشري….بضحك مسكها من رقبتها يابت مش انتي اللي اتصلتي ضحكت ليله و نامت علي رجله وهي بتلعب في الموبايل
حط كفه علي شعرها وفضل يمشي ايده بهدوء و سابها تلعب في الموبايل براحتها وهو بقي عمال يحط اغاني و يغير براحته.
رفعت راسه و ابتسمت
ليله….غريبه محدش فيكم داخل الشات خالص و لا بيرغي عشان تعرفوا بس ان انا صاحبه السعاده في حياتكم
عشري….بابتسامه طبعاً
بصت تاني علي الموبايل و فضلت تشوف مين اتصل و مين بعت و تتابع كل حاجه فاتتها عشر دقايق و هي بتنكش في الموبايل و بعدين حطته علي التربيزه و فضلت نايمه علي رجله و ساكته
مسك دقنها بهدوء وفضل يمشي ايده علي وشها وهو بيشرب سيجارته
عشري…..حبيبي مش جعانه
نامت علي ضهرها وبصتلوا
ليله…..امممم لا شبعانه انت جعان
عشري….لا بس لو عايزه تاكلي اي حاجه او نجيب حاجه من بره شوفي عايزه ايه
ليله….لا مش عايزه بس يعني اقولك علي حاجه
عشري….قولي يا عمري
ليله….انا زهقانه انت مش زهقان
عشري….انا اكيد مش زهقان طول ما انا معاكي بس قوليلي عايزه ايه طيب تيجي ننزل
ليله….ننزل وانت تعبان كده
عشري….انا مش تعبان انا احسن بكتير و بعدين انا بقالي كتير اصلا في البيت
ليله…..طيب هتقدر
عشري….اه هقدر عايزه تروحي فين
ليله…اممم حضنك
ابتسم و بعدين بصلها بحب
عشري…ااااا دي هرمونات صح
ليله….بضحك تقريباً عايزه اخرج و مش عايزه زهقانه ومش زهقانه عايزه انكش في اي حد و في نفس الوقت حاسه اني مفرهده معنديش طاقه للنكش
عشري…..طب خلاص تعالي في حضني ولا تيجي نروح لامونه شويه
ليله…امممم لا خلاص خليني في حضنك
عشري….طب تعالي يا عمري
قامت بهدوء رفعت نفسها خدها في حضنه باس راسها و نامت هي علي صدره و حطت ايدها علي صدره
مفيش دقيقتين و سمعت صوت موبايلها بيرن بعد فتره من قفله
قامت بسرعه وبصت علي الموبايل وضحكت
عشري….بابتسامه ايه قالوا ينكشوكي
ليله…بضحك شكلها كده اكيد جالهم اشعار اني فتحت الموبايل
عشري….مين
ليله….ايه استني…الوووو
ايه سمعت صوتها و سكتت ثواني
ايه….الوو
ليله…خير جالك اشعار اني فتحت قولتي اتصل
ايه….بابتسامه هاديه يعني حاجه زي كده او تقريباً انتي بجد بتحسي بينا فتحتي موبايلك في اكتر وقت محتجالك فيه
ليله…..كويس بردوا ان يبقي في حد فينا بيحس اصل لو كلنا معندناش احساس تبقي مصيبه
ايه…..وحشتيني
ليله….شكرااااا لسه فاكره
ايه….خالص والله هموت واكلمك واسمع صوتك بس مش عارفه اتصل علي عشري و خايفه اتصل مترضيش تردي او اعصبك
ليله….لا وانتي الشهاده لله حساسه اوي
ايه…..بضحكه هاديه بقولك ايه هو مش انتي قولتي ان انا اكتر حد انتي مش زعلانه منه
ليله….اه بس متفرحيش اوي كده مش طيقاكي بردوا و مستنيه بس ايمي ترجع عشان اشوفكم و اطلع عنيكم و هانت خلاص هتمشي بكره الفجر
ايه…..ليله
ليله….افندم
ايه…..انا محتجالك اوي
ليله….امممم ايه بتحاولي يعني تمثلي عليا عشان ارحمك متقلقيش هبدأ بيكي عشان اخلص منك بسرعه
ايه….بتنهيده انا لو اعرف عنوان بيتك كنت جيت علي طول من غير ما اكلمك يعني سهل اخده من فضل او من حسان او اي حد راح عندك بس انا مش عايزه اي حد يعرف
ليله….ليه جايه تموتيني قبل ما اخد روحك
ايه….لا بس محتجالك انتي و ايمي اوي بس ايمي مش موجوده و يمكن مليش عين اني اكلمك لان محدش فينا لسه شافك من وقت اللي حصل و كمان عشري تعبان بس انا لا هقدر اتكلم مع سلمي في الموضوع ده ولا هقدر اتكلم مع نادين ولا حتي نعيمه
ويمكن دي اول مره في حياتي احس ان الدنيا مقفله في وشي كده لو ايمي موجوده كنت روحتلها بس هي مش موجوده و انتي الشخص الوحيد اللي هثق في رأيه زي ايمي
ليله….بهدوء بت انتي بتعملي فيا مقلب و لا انتي فيكي حاجه
سكتت ايه خالص و حست بخنقه و نزلت دموعها في صمت.
ليله….ايه
ايه….بدموع ليله انا محتجالك بجد
ليله…..بقلق ايه في ايه ؟
ايه….مش هعرف في الموبايل
ليله….طب يلا مستنيه ايه قومي تعالي و لا مش هتعرفي اجيلك انا
ايه….لا هعرف بس ابعتيلي اللوكيشن
ليله….حالاً هبعته
ايه….بس ليا طلب كمان معلش ممكن مفيس اي حد يعرف خالص اني هجيلك و لو عشري جنبك و سمعك ياريت ميعرفش اي حد اني جيالك
ليله….طيب اهدي بس و يلا حالا هبعتلك اللوكيشن اوك
ايه….اوك يا ليله يلا باي
ليله….باي
عشري….في ايه يا ليله مالها ايه
سرحت شويه و بعدين بصتلوا ورفعت كتفها
ليله….معرفش بس بتعيط و اول مره احس انها مخنوقه اوي كده
عشري…..زعلانه مع سلامه ولا ايه
ليله….معرفش والله يا عشري مقالتش اي حاجه بس هي مش عايزه حد يعرف خالص ياريت متعرفش سلامه و لا اي حد
عشري…..طيب تمام بس فين سلمي يمكن مقلب
ليله…لا صوتها معيط بجد و بعدين هي قالتلي انها مش عايزه سلمي كمان تعرف
عشري…..طب ايه في ايه
ليله….معرفش انا قلقانه صوتها ميطمنش و بعدين غريبه انها مش عايزه سلمي كمان تعرف
عشري…..طيب متقلقيش خير ان شاء الله يمكن زعلانه مع سلمي او سلامه او اي حد هي هتيجي امتي
ليله…..استني ابعتلها اللوكيشن نسيت ااااا هي اكيد هتتحرك علي طول
عشري …طيب قبل ما تيجي اسيبكم مع بعض و انزل شويه
ليله….هتروح فين خليك عشان متتعبش
عشري….مش هتعب متقلقيش هتصل علي محمود يجي تحت ياخدني بالعربيه اروح الكافيه شويه انا كده كده منزلتش بقالي كتير و كمان اشوف الحوار اللي حاصل ده مع عمر و هي تبقي براحتها عشان لو في حاجه فعلاً تاخد راحتها يمكن مش حابه تتكلم قدامي
ليله….لو مش هتبقي تعبان اوك روح و غير جو شويه بس لو شوفت فضل متقولش حاجه قدامه عشان ميقولش قدام نعيمه او سلامه او اي حد خليني افهم في ايه الاول
عشري….انا مش هقول ولا هعيد انا هنزل عادي اشوف عمر و اغير جو شويه و انتي لما تخلصي عرفيني
ليله….طيب بس استني متنزلش الوقت اسه قدامها شويه
عشري…..ماشي انا هقوم بس اغير اكيد مش هنزل كده
ليله…..تمام تعالي اطلعلك لبس عشان الجو برد
عشري…..تمام يلا يا حبيبي.
……………….
عند نادين.
كانت لسه في الشارع خلصت شغلها و قررت تروح الاول علي بيتها عشان تأكل السمك زي كل يوم.
طلعت البيت مودها مكانش حلو اوي
البيت كان واحشها هي اتعودت ترتاح في بيتها بقالها يومين مشافتش عسال خالص غير ڤديو او بيكلمها مشافتهوش من يوم ما راحوا شافوا البيت هو كان مشغول جداً عشان خلاص هيبدأوا يستلموا العربيات في المعرض مشافتوش امبارح خالص و انهارده طول اليوم بينهم بس مكالمات.
فا كانت حاسه بزهق من كل الاتجاهات البيت وحشها عسال وحشها ليله وحشتها اوي ابمي كمان وحشتها جداً مفتقده قاعدتها مع البنات كلهم غير شغلها كان كتير و شيلاه كله لوحدها عشان نعيمه طبعاً تعبانه و كانت بتحاول طول الوقت تهتم بيها و تشوف الشغل فا كانت حاسه بضغط فظيع
طلعت البيت و اول حاجه عملتها راحت اطمنت علي السمك كان كله عايش حطتلهم الاكل و قفلت كل الانوار و سابت بس نور التربيزه بتاعت السمك و نامت علي الكنبه كانت حاسه بإرهاق فظيع.
مسكت الموبايل ظبطت المنبه علي ساعه كانت محتاجه تنام قبل ما تروح عند نعيمه كانت متطمنه عليها عشان نسمه معاها.
غمضت عينيها شويه و ثواني و راحت في النوم و بعد عشر دقايق صحيت علي صوت الموبايل مسكته بهدوء لقت عسال.
نادين….الووو
عسال…..ايه حبيبي لسه مخلصتيش في البيت كل ده
نادين…لا خلصت بس كنت برتاح شويه
عسال…..انتي نايمه يا نودي
نادين….امممم ايوه قولت انام شويه
عسال….حبيبي مالك بس ده ارهاق و تعب و لا في حاجه مضيقاكي انتي من الصبح مش في المود
نادين….انا كويسه يا حبيبي ارهاق بس بسيط و زهق مش اكتر
عسال….طيب انتي مطوله عندك
نادين….في ايه يا ميدو حاضر هقوم امشي
عسال…..بابتسامه ايه ده انتي بتتعصبي عليا
نادين….مش بتعصب بس عارفه انك عابزين امشي عشان الوقت ميتأخرش
عسال….خالص والله شوفتي بقي ظلمتيني ازاي انا بسألك عشان لو مطوله كنت هعدي عليكي
سكتت و ابتسمت بهدوء
عسال….بضحكه جميله ايه سكتنا الوقت
نادين…..لسه فاكر اصلا تيجي تشوفني بقالك يومين مختفي
عسال….لا بلاش كدب بقي هو امبارح بس
نادين …وانهارده
عسال…..طيب ما انا بقولك هجيلك يبقي انهارده مش محسوب
نادين…..هتيجي امتي؟
عسال….حالاً انا اصلا في العربيه و اتحركت
نادين….طيب اوك
عسال…..عايزه اي حاجه اجيبهالك
نادين….لا مش عايزه
عسال…..ماشي يا عمري حبه صغيره و ابقي عندك
نادين….اوك باي
عسال….باي يا عمري
……………….
عند نعيمه
نسمه كانت قاعده جنبها و بيتفرجوا علي التلفزيون
سمعت نسمه صوت رساله مسكت موبايلها بهدوء و فتحته
سليم….ازيك يا نسمه اخبارك ايه يارب تكوني بخير لما تشوفي رسالتي لو عرفتي تتصلي كلميني.
التسمت بهدوء و بعتتلوا.
نسمه….بخير يا سليم الحمد لله انا تمام انت اخبارك ايه
سليم….شاف رسالتها ورد عليها انا تمام الحمد لله يا نسمه اسف لو ازعجتك
نسمه….لا خالص والله انا فاضيه عموما اكلمك الوقت
سليم…..ثواني و هتصل عليكي
نسمه….اوك.
قفلت الواتس و قامت بهدوء من جنب نعيمه.
نعيمه كانت قاعده مركزه مع الفيلم و بتقاوم عنيها اللي عماله تقفل و تفتح.
دخلت نسمه علي الاوضه و استنت سليم دقيقه بالظبط واتصل عليها.
نسمه….الوو
سليم…بابتسامه اخبارك ايه
نسمه….انا الحمد لله تمام انت كويس
سليم…..بخير كنتي نايمه ولا مشغوله
نسمه….ولا ده ولا ده انا كنت بتفرج علي فيلم انا ونوني
سليم….قطعت التركيز يعني
نسمه….بضحكه هاديه لا خالص والله الفيلم قديم اصلا و انا سيباه بس عشان نوني مركزه معاه
سليم….طيب يا ستي بصي انا مش هطول عليكي بس يعني افتكرتك من شويه و افتكرت كلامنا عن الشغل و بصراحه لقيتلك شغلانه حلوه ومؤقته لحد ما تلاقي شغل
نسمه….بضحك انا صعبت عليك ولا ايه
سليم….بضحك مش كده والله بس افتكرتك و قولت ليه لا
نسمه…..طيب ايه هو الشغل ده بقي
سليم….يعني تنزلي مع تقي و صحابها اللي اعرفوا انهم طول اليوم بيلفوا في تسليم الشغل و اوقات بيبقوا مضغوطين جداً بين المزرعه و بين التسليم عندنا و عند ايمي و في كل مكان تاني
نسمه…..ايوه بس انا هشتغل ايه
سليم….زي ما هنا بيشتغلوا عادي وعلي فكره هو الشغل مش متعب بتسلمي بس مش اكتر و بعدين هتريحوا بعض اللي فيكم يقدر يجي هنا يجي واللي مش هيقدر التاني يكون بداله و غيره في مكان تاني خالص كده يعني
نسمه….ايوه بس يعني تقي بتشتغل عشان باباها شريك في الموضوع بس انا بصراحه هتحرج جداً يعني مش هعرف اقول
سليم….ليه مفيهاش حاجه محرجه عادي زهقانه و هتنزلي معاهم وانتي وتقي صحاب و هتتبسطوا مع بعض و بعدين ما نعيمه شريكه هي وفضل و بعدين كمان ليه بتحسييها كده طيب ما تقي صحابها شغالين معاها و ملهمش علاقه بالشغل خالص
نسمه……بص هي فكره حلوه بس بصراحه مش عارفه هعملها ازاي حاسه اني مش هقدر اطلب
سليم…..اطلبي من نعيمه طيب اكيد مش هتنكسفي من اختك
نسمه….بضحك والله حتي نوني مقدرش اقولها هي عمرها ما هتقول لا بالعكس هي طول الوقت هي اللي بتعرض عليا حجات كتير
سليم…..طيب ايه رايك انا اقول لتقي و مش هجيب سيرتك اصلا يعني الكلام يبقي مني ليها كا اقتراح انها تعرض عليكي ده
نسمه….امممم طيب ماشي
سليم….بابتسامه طيب خلاص سيبيها عليا انا دي و انا هحلها المهم ان الفكره عجباكي
نسمه…..حلوه اكيد انا من وقت ما سيبت الشغل في اوقات كتير لو مفيش جامعه ببقي في البيت نش لاقيه حاجه اعملها و بعدين انا بروح الجامعه يومين بس في الاسبوع
سليم…طيب كويس اوي يعني هتريحيهم كمان و هتشيلي معاهم بقولك ايه سيبيها عليا و انا بكره كده هرد عليكي تمام
نسمه….بابتسامه ماشي تمام و شكراً يعني انك اهتميت انا والله كنت بتكلم عادي معرفش ان الموضوع هيشغلك
سليم…..لا مشغلنيش ولا حاجه بس يعني فكرت فيها الوقت قولت اخد رأيك
نسمه….طيب شوف كده هتظبطها ازاي و قولي بس اوعي تقول لتقي اني اعرف عشان ممكن تزعل مني و تقولي ليه معرفتنيش
سليم….لا مش هقول ولا هجيب سيرتك متقلقيش
نسمه….اوك يا سليم
سليم…..ماشي يلا شوفي بقي الفيلم بتاعك ده واستني مني مكالمه بكره
نسمه….بضحكه هاديه طيب تمام ميرسي يا سليم
سليم… يلا هسيبك بقي و شوفي اللي وراكي
نسمه….اوك باي يا سليم
سليم….باي.
قفلت نسمه و ابتسمت باستغراب متوقعتش انه يهتم اصلا ولا توقعت انه ركز في كلامها لدرجه انه يحاول يشوفلها شغل و قررت تستني هيرد عليها يقولها ايه و تبقي تعرف بعدين سبب الاهتمام ده ايه
……………..
عند ايمي و رشيد
رشيد….ايه يا حبيبي اتعودنا علي البرد و لا ايه واقفه كده عادي
ايمي….هو برد بس الجو ده يجنن
رشيد….يجنن ايه بس انا كنت بحب الشتاء بس بالمنظر ده بجد صعبه اوي التلج في كل حته
ايمي…..طيب ادخل عشان متبردش انا هخلص السيجاره و جايه
رشيد….لا هقف معاكي قوليلي بقي كنتي سرحانه في ايه
ايمي….بأبتسامه افتكرت البنات في كذا موقف كده و حسيت انهم وحشوني اوي كأني بقالي كتير مشوفتهمش كمان زوزو و حماده و امنيه وحشوني اوي
رشيد…..والله العظيم انا كمان وحشوني كلهم الشباب و البنات زوزو و حماده و اخواتك و امي و ابويا علي فكره انا بسافر كتير اوي و ديماً كنت ببقي متحمس للسفر بس بمجرد ما اسافر احس اني هتجنن و ارجع بجد مش عارف ازاي اميره و كريم قدروا يعيشوا السنين دي كلها بره مصر انا كام يوم و بدأت احن
ايمي….اللي خد علي الغربه يا رشيد بيتعود و غالباً اصلا مبيبقاش تعود قد ما هو اجبار مجبرين علي عيشه تانيه و حياه تانيه شغلهم و دراستهم وحياتهم فجأه اتحولت من مكان لمكان
رشيد….انتي سافرتي كذا مره متعودتيش
ايمي….انا سافرت الامارات و قطر والبحرين و كل بلد فيهم قعدت فيها شويه بس مكنتش قادره و كمان كانوا بلاد عربيه صراحه مش متخيله اني اتغرب و كمان في بلد اجنبيه صعبه اوي
رشيد…ربنا يكون في عون كل اللي متغربين البلد هنا علي قد ما هي تجنن بجد بس ميته انا بيتهيألي الناس اللي عايشه هنا لو جربوا بس ينزلوا في مصر يومين تلاته مش هيقدروا يعيشوا في بلدهم
ايمي….هو مين راح مصر اصلاً و معجبتهوش انا مهما اروح او اجي مقدرش ابعد عنها
رشيد….خلاص يا ستي راجعين بكره ان شاء الله
ايمي….صحيح انت قولت هنمشي امته
رشيد…بعد الفجر هنروح علي المطار علي طول عايزك بس بكره كده اول ما نصحي او لو قدرنا الوقت نقفل الشنط و نحط الحاجه اللي جيبناها.و بكره هنخرج شويه مع اميره و كريم شوفي لو في حاجه نسينا نجيبها و شوفي لو عايزه تجيبي اي هدايا تاني
ايمي….بابتسامه اميره شكلها زعلان
رشيد…..اه اوي كانت بتعيط الوقت سكتها و خرجت اشوفك
ايمي……و الصبح بردوا عيطت و لما خرجنا وانت ماشي انت و كريم قدامنا عيطت هي كل ما تفتكر اننا راجعين خلاص تعيط
رشيد……ان شاء الله ينزلوا و يبقوا معانا في اقرب وقت
ايمي….يارب
رشيد…..طيب ممكن تيجي بقي جوه عشان متتعبيش
ايمي…..يلا بينا.
………………..
عند نادين
بعد ما قفلت مع ميدو سابت الموبايل تاني و نامت علي وشها وهي حاضنه المخده بتاعت الكنبه و عماله تبص علي السمك كانت مشغله موسيقي هاديه علي السوند سيستم فيها صوت الموج بتاع البحر و قافله كل الانوار معادا التربيزه و في عالم تاني مع الموسيقي والسمك و خمس دقايق و رجعت نامت تاني.
مر حوالي نص ساعه وصل ميدو و طلع المفتاح فتح بهدوء عشان لو نامت تاني ميقلقهاش اول ماشاف النور مقفول كده و الموسيقي شغاله التسم و عرف انها نايمه
قفل الباب براحه و دخل بهدوء قرب منها و نزل علي رجلوا قدامها وقرب من وشها بحب فضل يبوس فيها بهدوء
فتحت نادين عينها و ابتسمت اول ما شافته ومسك كفه
عسال….باس كفها بحب و فضل بلعب في شعرها بأديه الدنيا وحشتيني يا احلي تويتي في الدنيا
نادين….بهدوء ابتسمت وحشتني اوي..
قامت براحه قعدت علي الكنبه و هو قعد جنبها و ضمها اوي و هي لفت ايديها علي رقبته و دفنت وشها في رقبته
عسال…..خد نفس طويل و هو بيشم ريحتها ريحتك و حشتني يا تويتي
نادين….بابتسامه سابت ايدها و بصتلوا بحب و حطت ايديها علي خده انت كل حاجه فيك وحشتني
ابتسم عسال بحب مسك دقنها بهدوء وقرب منها ابتسمت و عضت علي شفايفها بتوتر سحب شفايفها بصباعه وقرب منها زي الجعااان
غمضت نادين عينها بسعاده و توتر و إحراج و تاهت معاه شويه لاول مره تحس انه مش عايز يبعد عنها و فعلاً كام دقيقه عدوا وهو مش سايبها
بعد عنها بهدوء و رجع ضمها و هو مغمض عينه
عسال…..وحشتيني اوي اوي اوي اوي حقك عليا مقدرتش اشوفك امبارح و كنت مشغول جداً بس والله غصب عني
نادين….بابتسامه عارفه بس وحشتني بردوا
عسال…..طب ايه لسه زهقانه
ضحكت نادين و دفنت وشها في حضنه
نادين……راح الزهق خلاص
ضحك و فضل ماسك راسها ثواني و قامت بسرعه بصتلوا
عسال….ايه خضتيني
نادين….بزعل زي الاطفال ميدو انا انا انهارده اتخبطت و اتعورت
عسال…..فين يا عمري
نادين…..في كتفي هو انا مش عارفه حصل فيه ايه بس حاسه اني اتعورت
عسال…..طيب اتخبطتي في ايه يا قلب ميدو
نادين …انا كنت في الشقه اللي استلمتها و امبارح اتنضفت انهارده بقي روحت اطلع فيها حجات ناقصه كنت بحط حجات في المطبخ في الرف اللي تحت و انا بطلع اتخبطت في الحرف بتاع الرخامه في كتفي
عسال…..طب فين يا روحي
نادين….هنا
عسال….طب خليني اشوف كتفك كده قرب ايده نزلها الچاكت و بعدين نزلت التيشرت اللي تحت اووووووف
نادين….ايه اتعورت
عسال…..نادين انتي كتفك بيوجعك دي زرقاء خالص ابعدي كده ايدك بعد الكم من رقبتها شويه
نادين….بتوجعني بس مش اوي لما اتخبطت كانت وجعاني اوي و حسيت اني اتكهربت اصلا
عسال…..حبيبي انت كتفك في دايره زرقاء كبيره انتي كنتي قالعه الچاكت صح
نادين ….اه كنت برتب الحاجه
عسال…..عشان كده لو كنتي لابسه الچاكت مكناتش هتعلم وتوجعك كده التيشرت ده خفيف طيب حركي دراعك كده
نادين….لا اهو عادي بيتحرك بس هو في وجع بسيط
عسال…..قلبي القمر سلامتك لازم تحطي عليها چل باسط للعضلات لانها هتوجعك لما تنامي لما ننزل هنجيب
نادين…..ماشي
عسال…..ينفع كده مش تخلي بالك
نادين …معرفش ازاي اتخبطت اصلا كنت فاكره ان الرخامه بعيد عني
عسال قرب وهي بتتكلم بهدوء باس كتفها بهدوء
عسال…..انتي مشكلتك انك علي طول ملخومه
نادين….يعني ايه
عسال……رفع هدومها و ىفعلها الچاكت يعني علي طول بتجري و لاخمه نفسك حتي لما بكلمك ڤديو ببقي مرعوب وانتي عماله تجري و حاسس انك هتقعي
نادين…بابتسامه و انت علي طول و انت معايا بتخلي بالك
عسال….بحب طبعاً عشان بخاف علي بنوتي القمر
نادين …ميدو
عسال….روح ميدو
نادين ….يعني هو ممكن يعني تخليك شويه و تخليني في حضنك شويه
بصلها وابتسم بهدوء وسكت
نادين …يعني انا اصلا كنت نايمه و انت اللي جيت صحتني
عسال….بنظره تجنن كأنه باصص لطفله عايزه ايه
نادين….يعني انام بس حبة صغنن قد كدددده نص ساعه بس في حضنك
عسال…..بضحكه جميله قد كده
نادين….اممم قد كده والله
عسال…..حاضر عايزه تنامي فين
نادين…..بضحكه هاديه فضلت تجيب عينها مال و يمين بشقاوه يعني هو انت لو عموماً موافق بيتهيألي انام في الاوضه احسن لان هنا الكنبه صغنونه هنام عليها و انا قاعده
عسال….بضحك وانتي مش عايزه تنامي وانتي قاعده
نادين….هو انا حصان انا عايزه انام في حضنك
عسال…..نص ساعه بس.
نادين….نص ساعه بس و انت كمان اظبط الموبايل لو مش واثق فيا
عسال….بضحك ما انا هظبطه بس اسمعيني لو رن و قولتي استني شويه هعضك
نادين …بضحك لا مش هقول و الله
عسال…..تمام الساعه الوقت 8 ونص يعني تسعه بالظبط هنقوم
نادين …اوك موافقه بس يلا بقي بسرعه عشان لو فات دقيقه واحده مش هسيبها
عسال…..ماشي يلا قام وقف و مسك كفها سحبها بهدوء وحط ايده علي وسطها ودخل معاها الاوضه
قلعت نادين الچاكت بهدوء و سابته علي الكرسي و قعدت عشان تقلع الكوتش بصلها وابتسم
نادين….بابتسامه ايه بتبصلي كده ليه هنام بالكوتشي و لا هنام بالچاكت
عسال….هو انا قولت حاجه اقلعي
نادين….وانت مش هتنام بالكوتش صح
عسال……هقلعوا يلا اطلعي
طلعت نادين بسرعه علي السرير شغلت ابچوره صغيره بتعمل اشمال في السقف فضل يضحك عليها بهدوء و بعدين قفل النور وراح طلع جنبها.
عسال…..بحب يلا تعالي يا عمري
دخلت بسرعه في حضنه و بعدين بصتلوا
نادين….هو يعني ينفع اتغطي انا بردانه
عسال…..بضحك كده انا اللي هنام و لو نمت يومك مش هيبقي فايت
نادين…..برداااانه
عسال….بتنهيده و ماله لنا نشوف اخرتها مع الدلع ده قام سحب الغطاء و رجع خدها في حضنه و رفع الغطاء لحد كتفها و بصلها بحب و كفه في ضهرها غمضي عينك يلا و اياك تفتحيها الحقي نامي شويه لو ضيعتي الوقت مليش دعوه
نادين …لا هنام حضنته من صدره اوي و غمضت عينها
ربع ساعه بالظبط و كانت نادين في دنيا تانيه بجد عسال فضل مبتسم و باصص للسقف و هو بيمشي ايده علي شعرها و ضهرها وسرح مع الاضاءه بتاعت الاباچوره لحد ما هو كمان نام….
…………..
عند تقي وعدي.
عدي…..بأبتسامه فكري تاني مش جعانه
تقي…..هو انا عشان قولتلك باكل تسعين مره هتمسكها عليا ياعم قولتلك مش جعانه انا كلت و نزلت
عدي….طيب نروح نقعد في اي مكان هنفضل في العربيه كده
تقي….هو انت لا عايز تنزل و تسيب العربيه ولا عايز تقعد في العربيه هو انت مسن مش هترتاح يعني غير لما تقعد في مكان
عدي….مش مسن الحق عليا بريحك
تقي…..والله هتريحني لو نزلتني من الصندوق اللي انا قاعده فيه ده ونزلنا نتمشي او حتي نقف جنب الناس الحلوه دي
عدي…..ابتسم بغيظ صندوق ايه ده انتي يومك مش باين ليه ملامح عربيتي انا صندوق
تقي…..بضحك و مالك اتحمقت كده ليه اه صندوق
عدي….بس بس بس عارفه تمنها كام اللي مطلعاها مسرح دي
تقي……لا و مش عايزه اعرف انا مليش في العربيات اصلاً
عدي….ولما ملكيش في العربيات بتتسحبي من لسانك ليه
تقي…..ما خلاص يا عم غلطنا في البخاري
عدي….طيب انزلي يلا
تقي….بابتسامه بتطردني ولا هننزل نقف
عدي…..بضحك لا هننزل نقف يا ام لسان طويل مش هطردك
تقي….ماشي يا عم شكراً
فتحت تقي الباب و نزل بسرعه و هو نزل و لف راح عليها كانوا في المنيل وقفوا قريبين من النيل مكان تاني غير اللي راحوا فيه مع بعض.
عدي…قوليلي بقي انتي ليه مش معاكي عربيه صحيح
تقي…..بابتسامه هو انا لازم يعني يكون معايا عربيه؟
عدي…..لا هو مش لازم اكيد و بعدين ده مجرد سؤال
تقي….اولاً انا مش بعرف اسوق هتقولي وايه المشكله اتعلمي هقولك مش عندي رخصه هتقولي وايه المشكله طلعي هقولك نفس الكلام اللي قولته وانا راكبه الصندوق بتاعك ده اني مليش في العربيات و لا جو العربيات ولا هي من اهتماماتي اصلا و زيد علي كل ده اني لو راكبه اوبر او تاكسي و جات عربيه زنقت علي السواق لاي سبب بطلع راسي من الشباك و بشتم صاحب العربيه و مره لبست واحد في سواق اوبر و قفشوا في خناق بعض فا تخيل بقي انا لو سوقت وحد ضايقتي هعمل ايه لا مقدرش
عدي…..بضحك ياريتني ما سألت لبستي السواق في خناقه
تقي….بضحك اه والله كان فاكرني تبعه ميعرفش انه سواق اوبر
عدي…..بضحك هو انتي وليد مستحملك ازاي
تقي….بابتسامه بنته بقي و بعدين المشكله مش في بابا المشكله في ماما لان اللي بيشوفها معايا مستحيل يصدق اني بنتها
عدي….اشمعني ؟!
تقي…..ماما هاديه جداً مش بتتكلم غير لو حد كلمها تقريباً مش اجتماعيه خالص بتحب قاعدة البيت جداً و نادراً ما بتخرج و ده في المناسبات لو حد فينا انا و اخواتي فرضاً عمل حاجه غلط و اتعصبت عصبيتها اللي هو ينفع كده ؟! كملت بضحك عصبيتها صوتها واطي
عدي…..و بتعمل ايه معاكي
تقي….بضحك ولا حاجه مبتقولش غير ربنا يهديكي
عدي…..بضحك عندها حق
بصت علي اتنين واقفين جنبها باين عليهم انهم في اول الاربعينات و معاهم واحد ثالث باين انه اكبر منهم شويه وافقين بيتناقشوا نقاش كله عتاب و لوم اللي بيعاتب و بيلوم واضح انه طيب اوي و من كلامه ونبرة صوته باين عليه انه موجوع اوي و التاني بيسمعه و واقف في حالة برود او استماع او جايز خجل و التالت بيحاول يصالحهم علي بعض.
عدي…..بابتسامه و همس ما تروحي تقفس معاهم احسن
تقي….بضحك بس بقي شكل في حوار
عدي….يخربيت الفضول يا بنتي متركزيش مع الناس
تقي….انا مالي هما اللي صوتهم عالي و بعدين الراجل الاسمر ده صعبان عليا اوي
بص عدي عليهم بهدوء كان بينهم حوالي خمسه متر بس مكانوش مركزين اصلا مع تقي و عدي و لا مع اي حد خصوصا اللي بيتكلم بقهر ده كان مش مركز غير علي الشخص اللي بيعاتبوا و حتي عدي ركز معاهم لما لمح دموع الراجل و كلامه المؤثر
و من كلامهم عرفوا اساميهم و حكايتهم.
اتكلم الراجل بحرقه و توتر فظيع و رعشه في ايده مين ده ؟؟ ده بقي غريب عني انا لما شوفته معرفتوش غضب ربنا علي وشه بصلوا بوجع انا لو اعرف ان عماد هيجيبني هنا عشان اقابلك مكنتش جيت لو فيها موتي انت ازاي تعمل فيا كده يا عماد
عماد….سعيد أشرف رجع من اسبوع و من وقت ما رجع و هو عايز يقابلك بأي طريقه عشان يعتذر منك و تسامحه و هو مستعد كمان انه يديلك حقك كله..
سعيد…حد الله بيني و بينه البني ادم ده لو بينه و بين دخول الجنه سماحي ليه مش هقبل
ده كان اقرب ليا من نفسي يا عماد و كنت ببديه عليا في كل حاجه لو كنت اطول احرم نفسي من اي حاجه عشان مشوفهوش في ضيقه كنت عملتها كنت ديماً برمي نفسي في النار عشانه نجيتوا من الف مصيبه و مدتلوا ايدي الف مره كان الكل يقولي ابعد عن اشرف ده مش وراه غير المشاكل و المصايب اقولهم محدش ليه دعوه ده صاحب عمري و الصاحب علي عيبه بكره ربنا يهديه عشان هو في غفله من الهباب اللي كان بيشربه ابويا كان يقولي ابعد عن اشرف سكته غير سكتك اقوله ليه كده يابا ده غلبان و ملوش حد امي تقولي يا سعيد ابعد عن اشرف ده غدار و ملهوش صاحب و مسيره يغدر بيك اقولها يغدر بالناس كلها الا انا ..
بس انت غدرت بيا يا صاحبي اللي عملتوا فيا شريط بيعدي قدام عيني مبيتنسيش دمرتني و دمرت حياتي كلها في اسبوعين خدتك من ايدك قبلها و عالجتك من القرف اللي كنت بتشربه متحملتش تقعد شهر في المستشفي و ضحكت عليا قولتي انا اتخنقت يا سعيد طلعني يا سعييييد ابوس ايدك انا بقيت احسن اقولك معلش با اشرف اتحمل عشان تخرج من هنا بني ادم تاني تقولي خلاص انا اتغيرت يا صاحبي و الكام اسبوع اللي قعدتهم خلوني حابب التغيير و عايز اخرج ابدأ من جديد بصلوا و كمل بقهر صدقتتتتتتتك صدقتك و خرجتك و بقيت اتابعك بنفسي و كنت رايح جاي معاك زي العيل الصغير خايف عليك كأنك ابني او اخويا الصغير مكنتش بسيبك غير علي النوم و بدأت احس فعلاً انك اتغيرت و بعدت عن الهباب ده بس انت كنت مغفلني و كمت بتعرف تصرف نفسك طلبت مني اشغلك معايا و انا عشان احسسك انك بني ادم قبلت و قولت احسن الشغل هيغير حياته اكتر هيشغلوا اكتر هيخليه يلتزم ويعرف يتحمل مسؤوليه كملنا شهرين و انا شايفك ماشي علي الصراط المستقيم صلاه الوقت بوقته في الجامع شغل التزام لحد ما اديتك الامان انت الوحيد اللي خلتني اصدق ان الطيب ملوش مكان في الدنيا دي انت الوحيد اللي خلتني اصدق ان الكلب بيصون العشره و المعروف اكتر من البني ادم.
بص لعماد بوجع اديته الامان لدرجه اني بقيت اسيب الخزنه قدامه في البدايه كنت بسيبها عشان اختبره كان جوايا شك بسيط انه لسه محتاج وقت و كنت عايز اثبت ده لنفسي بس اشرف كان راسم الخطه من قبل طلوعه من المصحه و انا صدقتها كان ينادي عليا و يقولي اقفل يا صاحبي الخزنه العمال داخلين خارجين و محدش ليه امان و ولاد الحرام كتير كنت اقوله حاضر يا اخويا و افرح من جوايا ان ثقتي اللي راهنت عليها و اللي حطتها فيه و وقفت قدام الدنيا كلها طلعت في محلها لحد ما خان ثقتي فيه و سرقني سرق مليون ونص تمن رهن المخزن و الوكاله بتاعت ابويا اللي كانوا مرهونين علي ذمه مزاد و فجأه فين اشرف اتبخر عشريييييين سنه يا ظالم و جاي انهارده تقولي اسامحه يا عماد انا و ابويا حياتنا اتدمرت في يوم وليله خسرنا فلوس المزاد و خسرنا المخزن و الوكاله في ظرف شهر بقبنا علي الحديده لاني مكنتس قادر اقف علي رجلي جاتلي جلطه من الصدمه و ابويا كان راجل كبير مقدرش بقف بطوله و خمس شهور بالظبط متحملش كان معلممم صعبت عليه نفسه لما اللي كان بيديهم بقوا هما اللي يدوا و يمدولوا ايديهم عشان يقدر يصرف عليا و عليه وعلي امي مات من القهر و الحزن و امي حصلتوا بعدها بشويه
و انا فضلت ثلاث سنين بعافر مع الدنيا عشان اقدر اقف علي رجلي من صدمتي فيك…
تقي….بحزن هو في كده بجد الراجل هيموت من الحزن
عدي…..الدنيا مليانه للاسف ناس زيه اول ايد بيعضوها اللي اتمدت ليهم
تقي….حاجه مرعبه و تزجع بجد لما يكون في حياتي شخص بيحاول يخليني انسان ليا قيمه و يتحدي كل الظروف و الناس و يتجاهل اي نصيحه عشان يقف مع شخص و في الاخر اغدر بيه الراجل انا حاسه ان قلبه هيقف
عدي…..لما بتحبي حد اوي يا تقي و تبدأي تفضليه عليكي من حبك ليه وجعك منه مبيبقاش وجع بسيط صعبه اوي لما تقولي كله الا ده و يجي ده و هو اللي يعملها
تقي…..معاك حق حاجه توجع
عدي…..غلطت الراجل ده انه وثق فيه و ادالوا الامان
تقي….ماهو بردوا لما منديش الثقه لاقرب حد لينا هنديها لمين
عدي…..مش كل حد قريب مننا لازم نثق فيه يا تقي و بعدين الراجل ده عمره ما كان هيوصل لمرحلة الزجع دي لو اتسرق من شخص غريب او من حد شغال عادي معاه
تقي….ازاي مليون ونص من عشرين سنه يعني كانوا مبلغ
عدي….صح بس لو حد غريب اللي سرقها كان اتوجع و زعل علي الفلوس مكانش هيفرق معاه مين اللي سرق لكن هو الواضح انه موجوع من اللي عملها مش علي الفلوس زعلان علي الثقه اللي اتحدي بيها الكل و هو خذلوا قيمة الوجع صدقيني مش من قيمة الفلوس قيمة الوجع من قيمة الشخص اللي كان قريب مننا
تقي….بجد صعبان عليا اوي واضح انه كان حد مرتاح مادياً
بص عدي بهدوء تاني عليهم و ركز معاهم هو وتقي.
عماد….سعيد انا مقدر كل اللي بتقولوا و عيشته معاك لحظه بلحظه و انا اكتر حد عارف انت كملت ازاي بس اشرف رجع و جاي و هو عايز يرد كل فلوسك اللي خدها زمان جاي و ندمان صح يا اشرف
اشرف….سعيد حقك عليا انا عارف ان الكلام مش كفايه بس زي ما عماد قالك انا هعوضك و هرجعلك الفلوس و هنسيك اللي حصل زمان بس سامحني
سعيد….تعوضني عن ايه عن صدمتي فيك ولا عن العشرين سنه اللي عيشتهم في ذل و مرمطه تعوضني عن عمري اللي راح من غير ما اقدر اعمل بيت و اتجوز واجيب عيال لاني مقدرتش اعيش نفسي عشان اتحمل مسؤوليه و لا تعوضني علي نومي في بدروم و لا في اوضه علي السطوح و لا دور ارضي المجاري لو رحمتني فيه مره يبقي يوم واحد و باقي الشهر نايم وسط المجاري تعوضني عن ابويا اللي مات بقهرته و كسرته و وجعه مني عشان وثقت في واحد زيك ولا تعوضني عن مرضي و لا تعوضني عن امي اللي راحت هي كمان انت دمرتني عشرين سنه بكلم نفسي زي المجنون بقيت شبهكك يا اشرف ااااااه ماهو عشان انسي كل البلاوي دي بقيت شبهك بقيت مدمن عشان عقلي يفضل نايم علي طول و مش بس كده ده انا بقيت رد سجون و اتسجنن سنتين و لما طلعت مبقتش عارف اعيش وسط الناس مش عارف ارفع راسي لاني بقيت حد تاني غيري انا علي قد ما حبيتك يا اشرف علي قد ما دعيت عليك قولتها بحررررررقه يا اشرف كل يوم قبل ما انام طول العشرين سنه بدعي عليك كل يوم نفس الدعوه
نزلت دموعه بوجع و هو باصص للسماء قولت ياااااارب صعب حياته عليه زي ما صعبها عليها يااااارب احرموا جنتك ياررررب متقضيش ليه طلب ياااارب اسحب من وشه القبول ياااارب صعب عليه دنيته واخرته زي ما صحب عليا حياتي
مسح دموعه وبص لعماد مش عايز فلوسي انا استعوضت ربنا فيها من زمان اللي زي ده عيشته كلها حرام في حرام امشيييييي و اوعي توريني وشك تاني قولتلك اني بقيت شبهك يا اشرف طول عمري ما بحطش في جيبي غير المصحف بس من يوم ما دخلت السجن و انا مبحطش في ايدي غير دي
طلع من جيبه مطوه كنت عارف ان هيجي يوم من الايام و اقتلك بيها امشي من وشي و اوعي تخليني اضعف لدرجه اني اقتل نفس.
عماد…..سعيد شيل اللي في ايدك دي و عشان خاطري متخليش غضبك منه يعميك انت لسه واقف علي رجلك و اللي فات مش نهايه الدنيا تقدر تبدا من تاني بفلوسك تقدر ترجع المخزن و الوكاله و ترجت شغل ابوك
اشرف…..عشان خاطري يا سعيد سامحني سعيد انا ابني بيموت مني مريض سرطان انا عارف ان ده ذنبك سامحني يا صاحبي عشان خاطر العيل الصغير ده مش عشاني لو مش عايز تشوف وشي كمان مش هخليك تشوف وشي قولي سامحتك و خد الفلوس و صدقني هرتاح و مش هضايقك تاني لو عايز كده
سعيد…..بوجع بصلوا بكره فظيع دعوتي استجابت يا اشرف و ربنا صعب عليك دنيتك و ابتلاك في اعز حد عندك زي ما بسببك خسرت اغلي اتنين عندي مش هسامحك و مش هاخد الفلوس و من انهارده هزود علي الدعوه دعوه جديده انه يطول في عمر ابنك يا اشرف و يزود في مرضه و تشوفوا قدامك بيحارب و يوجع قلبك عليه يا كاااافر يا ظااالم ياللي متعرفش ربنا بيني وبينك يوم الموقف العظيم مش هتدخل الجنه يا اشرف حتي لو بقيت مش بتسيب السجاده مش هتدخلها يا اشرف حتي لو كرثت حياتك كلها لاعمال الخير مش هتدخلها غير لو قولت سامحتك وانا مش مسامح
اشرف…..سعيد لا يا سعيد ابني لا اوعي اووووعي تحط ابني في دعوتك ادعي عليا انا قابل بس ابني لا ده انا سميتوا علي اسمك يا سعيد ابوس ايدك سامحني انا عارف اني غلطت بس والله عمري ما كرهتك
سعيد….بس انا بكرهك يا اشرف بكرهك اوي علي قد ما حبيتك علي قد ما كرهتك علي قد ما كنت اتمنالك الخير علي قد ما اتمنالك الوقت الشر و الوجع و الذل والقهر
و انا شايفه في عينك الوقت و هشوفوا اكتر مع كل مرحله بتتأخر لابنك هشوفوا اكتر و هو ربنا بيمد في عمره و يزود مرضه و يصعب عليك حياتك يا زبااااااله خبطه سعيد في صدره بقهر و زقه بعيد.
مسك عدي كتف تقي و بعدوا شويه عنهم
اشرف…..لا يا سعيد ابني لا قرب و زقه هتسامحني و هتاخد فلوسك عشان دي كانت لعنه علي حياتي و حياة ابني
سعيد….بغضب زقه و لسسسسسه انت لسه مشوفتش حاجه لسه هتدوق النار و تتكوي بيها ابقي وريني الفلوس بقي هتعمل ايه في ابنك انت واطي و اسمك ده خساره فيك ابنك لو مكانش مرض مكنتس هتسأل فيا بس انا بقولك اهو خدهت حلال عليك هينفعوك في علاج ابنك بس مش هيكونوا دواء دول هيكونوا اللعنه اللي بتزود مرض ابنك.
زقه اشرف بغضب متحملش يشوف كل الكرهه ده بيحاسب عليه ابنه
حاول عماد يفصل بينهم بس غضب سعيد كان غضب مكبوت من عشرين سنه و غضب اشرف كان وجع علي ابنه اللي بيصارع المرض طلع سعيد المطوه تاني و هو اشرف بيزقه و بيبعده اتعور في ايده حاول عماد ياخد المطوه اتعور مسكوا اشرف بسؤعه من ايده و خد المطوه.
كل ده تحت انظار عدي و تقي اللي كانوا عمالين يبعدوا و هنا بيقربوا منهم الناس بدأت تتلم بس مكانوش فاهمين حاجه و محدش كان بيحوش الكل بيتفرج حاول عدي يرجع علي العربيه بس زقهم لبعض و ضربهم خلاه مش عارف يتحرك
تقي…..عدي خلينا نمشي
عدي…..مسك ايدها تعالي متخافيش و قبل ما يخلص كلامه الوضع ساء بين سعيد و اشرف سحب اشرف المطوه منه عشان يبعدها عنه قرب سعيد منه بغضب ضربه في وشه بكل قوته حاول اشرف يبعد و هو بيزقه المطوه جات علي رقبة سعيد.
مسك سعيد رقبته الكل بعد بصدمه عماد كان وسطهم واقف مصدوم و حصلت حاله من الصمت لمده ثواني قبل ما الناس تجري او تصوت او حتي تقرب تنقذ سعيد الكل وقف مصدوم و دم سعيد بقي عامل زي النافوره غرقت كل اللي كان قريب و طالت تقي وشها بالچاكت و عدي كمان
في اللحظه دي بدأ الصريخ يعلي من كل اللي واقفين حتي الرجاله بقوا يصرخوا و يقولوا اطلبوا الاسعاف و تقي جالها حاله هيستريا بقت تصرخ و اتصدمت مسكها عدي من ايديها و حاول يخرج بسرعه من بين الناس و رجع بيها بسرعه علي العربيه ركبها في الكرسي و بعدين بص علي الراجل وهو حاطت ايده علي راسه
محدش توقع اللي حصل و لا حد توقع ان كلامهم ينتهي النهايه دي .
و كل اللي حصل بينهم في الاخر ده و التطور اللي وصل لضرب و غضي مخادش ثواني عشان كده الكل وقف ساكت و مصدوم كانوا مركزين في حوارهم من صوتهم العالي زي ما تقي و عدي كانوا مركزين كانوا زعلانين جداً علي الراجل الي واقف يدعي بقهر و يعاتب بقهر و حياته متدمره و واقفه بس مكانوش يعرفوا ان كل ده هيحصل.
عدي كان في صدمه حقيقيه هيتجنن ركبها و وقف قدامها لا عارف يسكتها من هيستريا الصريخ و لا عارف يعمل حاجه مقدرش يعمل اي حاجه غير انه في اخر كام ثانيه كان بيحاول يبعد بيها عشان يمشوا او يققوا عند العربيه بس ملحقش.
تقي…..الراجل مااااات الراجل مات يا عدي
بصلها عدي بصدمه مش عارف يرد خد دقيقه و نص يحاول يستوعب و مبدأش يركز غير لما خد باله من الدم اللي علي لبسه وعلي لبسها قفل الباب و جري بسرعه ركب و قرر انه يبعدها بسرعه من المكان خالص
تقي…..الراجل مات الراجل مات دبحه يا عدي مات قدامي يا عدي
بعد شويه مسافه كام متر بس مكانش عارف يسوق اعصابه باظت و هي كمان اعصابها كانت بايظه خالص
تقي….بصريخ دم يا عدي دم الراجل يا عدي
ركن عدي بسرعه في مكان ابعد شويه بس كان شايف من بعيد اللمه حواليهم كترت جداً و قف و نزل بسرعه راح فتح الباب و قرب ضمها
عدي…..تقي اهدي عايش والله عايش
تقي…..الراجل مات يا عدي و الله مات
عدي….والله كان بيتحرك هيلحقوا و الله هيلحقوا اهدي اهدي عشان خاطري
تقي…..بصريخ في دم يا عدي عليا
عدي….تقي تقي بصيلي اهدي خالص اقلعي الچاكت ده
خد منها الچاكت و قلعهولها و فضل يسحب في مناديل يمسح وشها و هي بتعيط بانهيار و جسمها كله بيترعش
عدي…..اهدي خلاص محصلش حاجه
تقي….بدموع الراجل مات
عدي….لا لا والله مش مات ان شاء الله جرح بسيط ضمها تاني لصدره و هو واقف قدامها تقي عشان خاطري اهدي انا اعصابي بايظه اصلا خليني اركب و اتحرك و نبعد شويه ربكيلها الحزام و قفل الباب و جري بسرعه و هو بيقلع السويت شيرت بتاعه و حدفه وراء في الكنبه و ركب و اتحرك كانت عماله تعيط و منهاره جنبه
عدي….تقي بصيلي هاتي ايدك اهدي وحقك عليا انا مكانس لازم ننزل من العربيه اصلا
تقي….بدموع الراجل مات شوفته يا عدي دمه عليا
عدي…..اهدي مماتش كان بيتحرك والله و الناس هتساعده اكيد
بعد مسافه كويسه و وقف في مكان هادي جنب كشك صغير نزل بسرعه جاب ازازه مايه و قرب منها بسرعه فتح الباب
عدي…..انزلي تعالي اغسلي وشك و نضفي الدم ده واهدي عشان خاطري شويه جسمك بيترعش اوي فتح الحزام و سحبها بهدوء انزلي في الهواء
تقي……بدموع مش قادره اقف علي رجلي يا عدي
عدي…..طب خلاص خلاص خليكي قاعده بس قربي و شك شويه
فتح الازازه و بقي يحط في ايده و يغسلها و شها و سحب كام منديل نشفلها المايه.
عدي….امسكي يا تقي اشربي
مسكت منه الازازه و هي بتترعش منظر الراجل مش بيروح من بالها
عدي…..بااااس بااااس اهدي خلاص محصلش حاجه.
ضم راسها و فضل يهدي فيها كتير لحد ما بدأت تسكت بس دموعها كانت نازله.
عدي….تقي انتي كويسه
تقي….انا عايزه اروح
عدي…..مش هروحك غير لما تبقي كويسه قوليلي اتصل علي تمارا تجيلك
تقي….لا لا
عدي….طيب اتصل علي نسمه
هزت راسها بلأ
عدي….اوووف طيب وليد عارف انك معايا اتصل عليه و لا هيضايق انا عايز اكلم حد يجيلك عشان تهدي شويه
تقي….لا متكلمش حد انا كويسه خلاص
عدي…..طيب اهدي و بطلي عياط هتفضلي معايا شويه لحد ما تبقي احسن ماشي
هزت راسها بهدوء
عدي…..هنتحرك بالعربيه شويه اوك
تقي…..ماشي
راح ركب و اتحرك سندت راسها علي الكرسي فضل يلف بالعربيه و هو عمال يبصلها كل شويه لحد ماهديت خالص و بقت ساكته
عدي….تقي
لفت راسها بهدوء وهي سانده و بصتلوا
عدي….ايه طمنيني عليكي انتي كويسه
تقي….بصتلوا و عيطت تاني الراجل منظره مش بيروح من بالي
عدي…..بصلها بتأثر و قلق عليها و مد كفه مسح دموعه والله كان بيتحرك و اقولك انا بعد ما هوصلك هرجع تاني اسأل الناس اللي كانوا في المحلات لو يعرفوا حاجه عنه و هطمنك ماشي
هزت راسها بهدوء.
عدي…..اقفل الشباك شويه عشان متبرديش
تقي…..لا خليه
سابها براحتها و فضل بلف بيها شويه و لقاها مغمضه و نايمه قبل ما يوصل علي بيتها صحاها
عدي….تقي تقي اصحي يلا
فتحت عينها و بصتلوا بهدوء
عدي….فوقي احنا داخلين علي البيت خلاص احسن الوقت
تقي….الحمد لله
عدي….انتي هتطلعي من غير چاكت كده
تقي….انا مش عايزه الچاكت ده تاني
عدي….طيب انا معايا واحد تاني اللي لبستيه المره اللي فاتت تطلعي بيه
تقي….لا لا انا هطلع كده متقلقش
عدي…..طيب هتخبي الچاكت ده ازاي انا مش عايز حد يشوفوا و يتخض لو شاف الدم ده
تقي….لا ارميه انا مش عيزاه و اطمن محدش هياخد باله
عدي…..انتي اصلا منظرك باين ان فيكي حاجه يا تقي
تقي….لا لا انا كويسه والله و هطلع ادخل علي اوضتي
عدي…..طيب هبقي اطمن عليكي
تقي….اوك
عدي…..تقي حقك عليا مكانس لازم انزل من العربيه
تقي….بهدوء وانا ذنبك ايه انا اصلا اللي قولتلك ننزل
عدي….طيب انتي كويسه
تقي….احسن والله
عدي…..تحبي اطلعك لحد فوق
تقي….لا لا انا هطلع متقلقش
عدي…..تمام قرب من البيت وركن طمنيني عليكي لما تطلعي و تدخلي اوضتك ماشي
تقي…..حاضر
عدي…..نزل عدي فتحلها الباب يلا انزلي براحه
نزلت تقي بهدوء
عدي….عارفه تمشي كويس
تقي….اه تمام تمام
عدي….طيب علي مهلك يلا
تقي….باي
عدي….باي يا تقي.
طلعت تقي و هو اتحرك
……………
عند ليله كانت قاعده مستنيه ايه
عشري نزل لمحمود قبل وصولها بربع ساعه عشان يسيبهم براحتهم
لانه فهم من ليله انها عندها مشكله و مش حابه حد يعرف .
وصلت ايه علي اللوكيشن تحت البيت اتصلت علي ليله تعرفها و تعرف منها هي في انهي دور كلمتها ليله و شافتها من فوق و قالتلها تطلع و هي هتستناها.
ركنت ايه و نزلت بهدوء دخلت علي البيت دخلت ليله كمان و راحت تفتحلها الباب وقف الاسانسير و نزلت ايه اول ما شافتها ابتسمت بتأثر و قربت منها بسرعه ضمتها
ايه ….وحشتيني اوي
ليله…..بابتسامه هاديه غمضت عينها انتي كمان و حشتيني اوي
فضلت ايه حضناها ثواني طبطبت ليله علي ضهرها بهدوء وحب
وللحديث بقيه
