لقاء كـ،ـ،ـارثي
ليله….عندك كام سنه يا فاطمه
فاطمه…22 و عشرين
ليله….ماشاء الله صغنونه خالص قوليلي بقي انتي منين
فاطمه….انا اصلي من الفلاحين بس مروحتش ولا مره كنت عايشه مع ابويا و مراته في مكان اسمه شبرا تعرفيه.
ليله….بابتسامه واسعه بجد طبعاً اعرفوا انا اصلا من شبرا
فاطمه….بابتسامه حضرتك تعرفي شبرا اصلا
ليله….طبعاً انا عيشت فيها حوالي عشرين سنه اكيد عرفاها طيب انتي بتقولي كنتي عايشه فيها سبتيها ليه
فاطمه….ابويا مات و مرات ابويا سابت البيت عشان الايجار كان عالي كنت وقتها عندي 17 سنه و الست ساره الله يسعدها يعني كان ليها واحده صاحبتها كانت عايشه مع جدتها في شبرا و قالت قدامها لو يعني محتاجين حد يخدم و حكيتلها علي ظروفي فا هي طلبت منها تشوفني و عرفتني علي ست امينه و من وقتها وانا عايشه معاهم
ليله….بابتيامه تأثر يا عمري انتي ربنا يرحمه يارب طيب ملكيش اخوات
فاطمه….لا ليا من ابويا بس عايشن مع مراته هي طيبه بس ظروفها علي قدها و انا بشوفهم كل ما بقدر
ليله….طيب و والدتك
فاطمه….انا امي ماتت بعد ما ولدتني مشوفتهاش مرات ابويا اللي ربتني بس لما ابويا مات راحت قعدت بعيالها عند اهلها و انا معرفتش اروح فضلت قاعده عند الحاجه صباح شويه اللي هي جدت صاحبه الست ساره و بعدين جيت علي هنا
ليله….ربنا يرحمهم يارب ياقلبي المهم انتي مبسوطه
فاطمه…..طبعاً مبسوطه الست امينه و ابويا عشري بيحبوني وانا بحبهم و بصراحه كلهم بحبهم
ليله….ربنا يسعدك يارب اي وقت تحتاجي اي حاجه تعاليلي اتفقنا
فاطمه….حاضر و حضرتك لو احتاجتي حاجه انا تحت امرك
ليله….بابتسامه الامر لله بس قوليلي انا لا ليا في حضرتك و لا استاءه ولا كل الكلام ده
فاطمه….بكسوف ميصحش العين متعلاش عن الحاجب
ليله…بضحكه جميله عين ايه وحاجب ايه يابت احنا من شبرا زي بعض يعني احنا اخوات
ضحكت فاطمه بسعاده.
فاطمه…ربنا يسعدك و يجبر بخاطرك
ليله…..حبيبتي يا فاطمه يلا اشربي بقي
فاطمه….طيب انا هاخد الشيكولاته بس ممكن انزل بقي عشان اروح اشوف الست امينه
ليله….بابتسامه ماشي يا ستي هسيبك تنزلي بس المره الجايه مش هتمشي غير لما تشربي اتفقنا
فاطمه….حاضر عيني
ليله….بصي استنيني ثواني وجيالك ماشي
فاطمه….تحت امرك
قامت ليله بهدوء و راحت علي اوضه النوم غابت دقيقه و رجعت بصت لفاطمه
ليله….يلا تعالي
عشري…..سلام يا فاطمه
فاطمه….سلام يا استاذ عشري تؤمرني بحاجه
عشري….الامر لله علي مهلك
راحت ليله معاها لحد الباب عشري عينه كانت علبها من بعيد خرجت و ردت الباب وراها
ليله….بابتسامه قاطمه امسكي دول
فاطمه….بتوتر و خوف لا لا والله الست امينه وولادها وابويا عشري مش مخليني محتاجه حاجه
ليله….بضحك طب براحه مالك عارفه والله انهم مش مخلبنك محتاجه حاجه بس دي حاجه مني هتزعليني يعني
فاطمه…..لا بس والله ما هينفع
ليله….لا هينفع و بعدين ينفع تقولي لاحتك الكبيره لا
فاطمه….لا طبعاً شكراً والله يا مدام ليله
ليله….بضحك تاني مدام ليله قولنا ليله
فاطمه….بابتسامه حاضر ربنا يسعدك يلا سلتم عليكم
ليله….عليكم السلام.
دخلت ليله و قفلت وراها و بصت لعشري و هي رافعه حاجبها و ابتسمت
ليله…بضحك خد بالك امونه لعبت في عداد عمرها معايا
عشري….بضحك ليه بس
ليله….بتقول لفاطمه وصلي الاكل لمدام ليله
ضحك عشري و حسان من قلبهم
حسان…..بضحك طيب الست تقولها ايه طيب
عشري….اااه حقك عليا امسحيها فيا امي حابه تسيطني
ليله….بضحك اما نشوف اخرتها مع العيله دي
حسان….بقول ايه انا هقوم بقي عشان لسه هروح لسلمي معايا حجات مهمه عايز اسيبها عندها
ليله…استني هنا تقوم فين لما تتغدا معانا الاول
حسان….لا غدا ايه
ليله….والله ما هتمشي
عشري….خلتص حلفت عليك اقعد دي مجنونه
ليله….اه انت عارف هتحول و الله اروح ابلغ عنك
حسان…..ليه يا بنت الحلال انا داخل دنيا قريب
ليله….بضحك يبقي تقعد و اسمع الكلام بدل ما اخرجك منها
عشري….اقعد ما صدقنا رضيت عننا دي عايزه تأكلك كمان
حسان….بضحك ما الخوف من الاكل
عشري….لا امي اللي عملاه اطمن
ليله….خير يا سي عشري بقالك كام يوم بتاكل من ايدي كنت سممتك
عشري….بضحك انا قولت حاجه يا عمري يا جدع متوقعناش في غلط بقي
ليله….يلا قوموا هجيب الاطباق و جايه
عشري….اساعدك
ليله…..لا وانت الشهاده لله قادر تقف اوي
عشري…..بضحك شكراً علي التنمر
قام بهدوء هو و حسان و راحوا علي السفره و فضلت ليله تفضي الاكل في اطباق شكلها حلو و جهزت السفره و قعدوا ياكلوا مع بعض.
……………..
عند تقي و عدي.
تقي….ها قولي رأيك؟
عدي….حلو اوي
تقي….بجد
عدي….والله العظيم حلو جداً و المكان اصلا يجنن
تقي….اي خدمه عد الجمايل غداء و مقعداك علي النيل و الجو تلج
عدي…..بضحك اه ده لوحده عقاب
بس سؤال هو انتي كلتي اصلي شايفك سيبتي الاكل
تقي….اه الحمد لله
عدي….لحقتي ده الاكل لسه سخن
تقي….لا ما انا سريعه مبعرفش انا امل براحه و الجو ده
عدي….عشان كده رفيعه
تقي….لا ميغركش رفيعه بس باكل كتير كل الحكايه اني باكل بسرعه
عدي…..زي وليد لاحظت لما جه عندنا اول مره مع ليله و اخواتها عشان يشوفوا الشقه انه كل بسرعه
تقي….هو سريع في اكله بس اوقات بيشلني يعني ليه طقوس كده تجنن خصوصا في رمضان
عدي….اشمعني
تقي….بضحك بيصلي الظهر متأخر و اوقات بياخد ظهر و عصر مع بعض لو اجازه ونايم بس يأذن المغرب و تبقي قاعدين كلنا قدام السفره عشان ناكل التقوي والايمان ينزلوا ابداً مش هاكل غير لما اصلي المغرب حاضر ياعم من انت من الصبح مأخر صلاتك كلها ابداً هنكد علي اللي جابكم و هخليكم شايفين الاكل و هتموتوا وهصلي
عدي…..بضحك ده ابويا ده
تقي….بضحك لا بس انا مبقتش استني الاذان يقول الله اكبر اقعد اكل واخلص وهو لسه بيصلي في الركعه الاخيره عمتي اميمه بقي و ماما يجيبولك شلل هاااااديين اوي يعني ممكن الكل يقوم وهما لسه بيمسكوا المعلقه علي العلم انهم مش بياكلوا كتير عمتو قمر وسط يعني تقعد ناكل شبعت خلاص بس لا هاديه ولا سريعه
عدي…..طيب وليله
تقي…..لا ليله متخلفه عننا كلنا هي ممكن تقعد تاكل لو جعانه او لو حد غصب عليها غير كده متسألش في الاكل اهم حاجه القهوه والسجاير و اوقات تانيه تقعد تقولك جعانه جعانه تحس انها لو جبتلها خروف هتاكل بس تاخد معلقتين و اشطا بس في العموم فيها مني انا وبابا سريعه.
عدي….امممم حلو انا بقي لا سريع ولا بطئ هو علي حسب انا فاضي ولا لا يعني لو عندي شغل او مشوار في ثواني اكون مخلص او لو تعبان يعني عامل مجهود و هموت وانام فا بردوا بسرعه كده اكل وخلاص بس لو فاضي او لو معايا حد بيشجع علي الاكل او حد قعدته حلوه باكل براحتي
تقي…..بابتسامه طيب وانت الوقت فاضي ولا قعدتي حلوه ما هو اكيد مش انا اللي اشجع علي الاكل لاني خلصت خلاص
عدي…. بضحك لا اكيد متشجعيش بس يعني نقدر نقول اني فاضي
تقي….ياعم طب قول قعدتك حلوه
و اضحك عليا
عدي…..بضحك لا يا ستي قعدتك حلوه والله انا بنكشك قوليلي بقي بتعملي ايه في حياتك
تقي….يعني ايه بعمل ايه في حياتي
عدي….يعني يومك في العادي بيمشي ازاي ايه اللي واخد وقتك اكتر شغلك ولا الدراسه كده يعني وبعدين انتي بتدرسي ايه ؟
تقي….بابتسامه تفتكر كده انا في ايه
عدي…..بضحك حضانه ده اخرك معايا
تقي….ياجدع عيب عليك انت فاهمني غلط علي فكره
عدي…..طب ايه تجاره او حاجه زي كده
تقي….لا انا السن فرنساوي
عدي…..انا متهيألي نسمه اللي في السن
تقي….اه بس هي الماني
عدي….طيب واشمعني فرنساوي؟
تقي….اممم بحبه و بعدين انا طول عمري الفرنساوي لغه تانيه من وانا لسه في كيچي 1 فا اكيد مكنتش هجازف و ادخل لغه جديده عليا
عدي…..تمام و اشمعني السن بالذات يعني مثلا ليه مش حقوق
تقي…..لاني بحب اللغات عموماً هو انا مؤخراً بدأت ادرس لغه تالته غير الانجلش والفرنساوي كمان.
عدي….ايه هي
تقي….ايطالي
عدي…..بابتسامه لا والله بجد
تقي…..بضحك مش باين عليا صح
عدي….بضحك مش كده بس شكلك ميديش دراسه اصلا
تقي…..لا خد بالك ميغركش اني كنت بخلص اللي ورايا معاك في العربيه انا شاطره و طول عمري اصلا شاطره في اللغات جدا
عدي….مع اني تخيلت انك تجاره مثلاً بسبب حبك وحماسك للشغل
تقي….لا ملهاش علاقه انا طول عمري فاشله في الماث و اي حاجه رياضيه و المواد العلميه كنت فاشله فيها والادبي مكنتش بعرف احفظ كنت بنجح فوق النص في كام ماده كده بالعافيه بس في اللانجلش والفرنساوي كنت بقفل اصلا المدرسين كانوا بيشكوا الاول فيا اني بغش وكده ماهما عارفين مستوايا منيل بس لما كنت بجاوب بقي كانوا بيعرفوا اني قدراتي رايحه في الاتجاه ده
عدي…..كويس والله يعني حلو ان الواحد يدرس الحاجه اللي بيحبها
تقي….اكيد طيب و انت
عدي….بكالريوس تجاره انا علي قدي
تقي….بضحك اه يعني نجحت بالعافيه.
عدي….لا والله انا كنت جايب تسعين في الميه
تقي….بالغش طبعاً
عدي….بضحك باين عليا
تقي…..طبعاً علي فكره ليله كمان كانت في تجاره و كانت جايبه تسعين فالميه
عدي…..بضحك يبقي هي اللي غششتني
تقي….بضحك تصدق ممكن
عدي…..طيب شغلك بقي واخد وقتك وكده
تقي…..انا مكنتش بشتغل قبل كده بس طول عمري هموت واشتغل كملت بضحك كنت بعمل مشاريع فاشله كده وانا صغيره واروح ابيع لصحابي واضحك علب العيال و اخد مصروفهم
عدي….بضحك اه كنتي بتقلبي رزقك يعني و متشرده
تقي….بضحك بالظبط اي مصلحه
عدي…..طيب كنتي بتبيعي ايه؟
تقي….بضحك والله حجات يعني عبيطه وملهاش لازمه بس افتكر في مره اضربت من ماما لان جالها شكوي مني و طبعا انا كنت بعمل المصايب دي من وراهم و كانت بتعدي بس المره اللي معدتش فيها لما قررت اني ابيع صواريخ في رمضان بنت اتعورت في صباعها
عدي….بضحك صواريخ يا مفتريه
تقي….بضحك اه والله ما انا كنت يعني ممكن ابيعلهم الحاجه الحلوه اللي معايا بس في رمضان هبيع ايه صايمين و اللي كان فاطر عشان مسيحي مثلا كان بيتكسف ياكل بردوا فا قولت مفيش غير الصواريخ
عدي….بضحك طب والله شاطره يعني بتبيعي علي حسب الموسم
تقي…..بضحك بالظبط طيب وانت بقي بتعمل ايه في حياتك
عدي….ولا حاجه انا بشتغل مع اخواتي من وانا عندي 15 سنه ابويا عنده الولد يتم 15 يشتغل بس و مش بعمل اي حاجه جديده من الشغل للبيت والبيت للشغل كده يعني
تقي….امممم طيب وحياتك كده عادي يعني اخبار الملل معاك ايه مفيش اي جنان صحاب خروج
عدي….لا طبعاً في انا عندي صحاب ملهمش عدد و صحاب سليم صحابي و صحاب محمود صحابي حتي محمد صحابه اعرفهم و سليمان فا ديماً مش بقعد هما ماشاء الله كتير اوي فا افراح بقي طول الوقت مناسبات بنسافر بنتجنن يعني الحياه مش شغل وبيت بس في جنان كمان.
تقي….طيب حلو و بالنسبه بقي للجزء الخاص الجو بتاعك يعني مش ناوي تعزم صحابك علي فرحك انت كمان
عدي….بضحك بفكر اصل انا ليا جمايل كتير اوي والله يا تقي انتي خلاص مبقتيش غريبه
تقي….بضحك ايه مزنوق في قرشين قول متتكسفش يا راجل
عدي…..بضحك هتسدي
تقي….قول جزر بس معاك من جنيه لألفين جنيه
عدي….بضحك ده اخرك
تقي….بضحك ايه عايز اكتر حلوين عليك دول مشي نفسك بيهم انا طالبه جامعيه مش سيدة اعمال
عدي…..ليه وليد مش بيقبضك و بينصب عليكي ولا ايه
تقي….الشهاده لله بيقبضني بس في مستقبل بيتأمن بقي وكده
عدي….اممم لا خلاص خليهملك انا لما ابقي اتجوز ابقي الم الفلوس اللي علي صحابي
تقي…طب ايه امتي هنخلص منك اقصد يعني هنفرح بيك
عدي…..بضحك ليه انتي جايه ولا ايه
تقي…..ايه ده مش هتعزمني طب عيب علي العزومه اللي قدامك دي حتي و الله اسحب الطبق
عدي…..بضحك لا يا ستي هعزمك بس مش لما اتجوز الاول لسه بدري
تقي….ليه مش في جو يعني مش لسه بدري ولا حاجه
عدي….ايوه بس يعني موضوع الجواز ده محتاج وقت محتاج انك تاخدي قرار صح
تقي….نهار اسود و هو انت ماشي مع البت و مش عارف هي قرار صح ولا غلط
عدي….بضحك لا مش كده بس انا يعني مش بقالي كتير معاها
تقي…..قد ايه يعني ؟
عدي….حوالي اربع شهور خمسه كده يعني
تقي…..عادي مش بالوقت المهم انت مرتاح ولا لا بتحبها ولا لا
عدي….اممم هي طيبه محترمه مؤدبه لذيذه بس يعني لسه بنكتشف بعض
تقي…..بطريقه مضحكه مش إجابه علي سؤالي بس اشطا طيب حلو المهم يعني ان الدنيا تمام؟
عدي….بضحك يعني ماشي الحال طيب وانتي
تقي….لا انا مفيش
عدي….خالص
تقي….بضحك ابيييض
عدي…..طب ليه ابيض معقده
تقي….بضحك لا مش معقده انا اعقد بلد بس نتكلم جد و لا هترجع تضحك و تقولي مش لايق عليكي العقل
عدي…..بضحك لا يا ستي مش هقول
تقي…..ماشي بص اولاً انا مقتنعه من جوايا ان الحب والارتباط و الجواز مرحله في حياة اي بني ادم هتيجي هتيجي و بحس انها زي مراحل الحياه بس ليها وقتها يعني حلو اني اعيش طفولتي و مراهقتي حلو اني استمتع بدراستي و كل الاجواء اللي بتحصل في كل سنه دراسيه سواء تعب مجهود ارهاق صحاب دروس ضحك هزار خناق زعل جري من الدرس ده للدرس ده للمراجعه دي
كمان كل اللي اعرفهم و سبقوني في السن ديماً اسمعهم بيقولوا ان احلي مرحله عدت عليهم مرحلة الدراسه
وحقيقي انا مبسوطه فعلاً بالمرحله دي اوي و حباها جداً و حاسه انها لازم تاخد وقتها بكل تفاصيلها فا ليه استعجل و ليه أدخل مرحله في حياتي علي مرحله تانيه و هتشتت ولا هبقي عارفه اتبسط بالمرحله دي ولا اركز في المرحله دي و بعدين في حاجه كمان انا يوم ما ارتبط و احب اكيد مش هروح اجيب حد معرفوش اكيد هبقي اعرفه زمايل صحاب يعني من نفسي سني يعني بياخد مصروف من بابا
عدي….انتي عندك مشكله في موضوع السن يعني انه يبقي قدك
تقي….مش بالظبط بس لو سني يعني بيدرس فا كده ده مش ارتباط ده تضيع وقت و بعدين اغلب اللي بيدرس معايا لا اما بياخد مصروفه من بابي يا انا عنده شركه بابي و مش محتاج اشتغل يا اما لسه بيفكر ينزل و لا هيتبدل يا اما لسه نازل شغل من قريب و فكر انه بقي بيزنس مان و هو بردوا معتمد علي مصروف بابي
عدي…..طيب تقي هو انتي بالنسبالك الحب و لا الفلوس
تقي….الاتنين مرتبطين ببعض يا عدي ابقي كدابه لو قولت ان الحب اهم الفلوس لا ماهو هنعيش ازاي و اكيد مع الوقت هيحصل بينا مشاكل و ممكن اكرهه و اكره نفسي ما هو انا هبقي عايشه حياه مش حلوه و كمان مقدرش اقول الفلوس بس
عدي….يعني انتي عايزه حد غني و تكوني بتحبيه
تقي….ولا كده يا عدي هي مش بتتحسب كده بص يا عدي مش مهم يكون غني بس يكون علي الاقل طموح عنده احلام بيسعي انه يحققها لو عنده الجزء ده هيقدر يعمل فلوس لانه ممكن يبقي معاه فلوس و مفيش طموح فا الفلوس تروح و ممكن ميبقاش معاه بس عنده طموح ده بقي هيقدر يجيب الفلوس
عدي…..حلو طيب الوقت انتي اتقدملك شخصين شخص طموح بس مفيش حيلته حاجه و شخص عنده فلوس كتير او مرتاح ماديا تقبلي بمين
تقي….ماهي بردوا مش بتتحسب كده
عدي….الله امال بتحسبيها ازاي
تقي….مبدأياً لازم بردوا يكون في قبول ماهو ممكن يبقي شاطر جداً و بيسعي و بينجح بس مفيش قبول تقيل علي قلبي
عدي…..حلو طيب لو اتقدملك نفس الشخصين زي ما قولتلك كده و الاتنين اخلاقهم كويسه و انتي حاسه بقبول منهم هما الاتنين و معندكيش اعتراض علي شخصياتهم لدرجه انك بقيتي محتاره فيهم تختاري مين الطموح اللي محلتوش حاجه ولا اللي مرتاح مادياً
تقي….بضحك طيب هو انا للو قولتلك انها بردوا مش بتتحسب كده هترميني في النيل
عدي…بضحك لا ياستي مش هقولك قوليلي بتتحسب ازاي.
تقي…..بص يا عدي انا في كل الاحوال هقبل بالشخص الطموح بس انهي طموح بالظبط هي دي اللي هتفرق
عدي…..بمعني
تقي…..بمعني ان الشخص ده يا عدي ميبقاش مجرد شخص عنده طموح واحلام مستني الصدفه تحققهالوا من غير سعي لان الطموح مش معناه اني احلم واستني مفيش احلام و طموحات بتتحقق بالقعده و الدعاء يا عدي لازم الشخص يجتهد و يسعي و يتحرك و يحاول
عدي…..حلو طب نغير السؤال و لو قولتي مبتتحسبش كده هقوم احدفك في النيل بجد
تقي….بضحك طيب قول
عدي….بابتسامه بصي لو اتقدملك شخصين و واحد مرتاح مادياً و معندوش طموح يعني عايش يومه زي ما يجي فيه موافق عليه و التاني عنده طموح و بيحاول بس مش بتتحقق يعني نصيبه كده و متنسيش ان اوقات الواحد مهما يحاول لو مش مكتوب ليه رزق في حاجه معينه مش هتحصل هتختاري مين
تقي….بص مبدأياً كده اللي عايش البوم بيومه ده حتي لو مرتاح مادياً مرفوض بالنسبالي لاني مش هرتبط بشخص مأقلم حياته علي الفلوس اللي معاه و خلاص قاعد مرتاح
اما بقي موضزع الرزق والمكتوب انا مؤمنه بيه بس كمان يا عدي انا مؤمنه جداً ان لا يضيع الله اجر من أحسن عملاً يعني مستحيل الشخص يكون عنده طموح و بيحاول و بيسعي و بيجتهد و ربنا يضيع تعبه.
بس هي بتفرق صدقني يعني الشخص الطموح يا عدي بجد و حابب انه يغير حياته للاحسن مش بييأس يعني بيحاول مره و اتنين و عشره و ميه الطموح درجات في واحده اول واقعه ليه بعد محاولة تحقيق حلمه بتحبطه و بتخليه يستسلم و في شخص بيقع مرتين تلاته و بعدها بردوا بيستسلم و بيحس بالاحباط و في شخص ممكن يقع بدل المره عشره و ميه و الف
و بيوصل ليه ؟؟ لانه لا استسلم ولا ضعف ولا اليأس والاحباط اتمكنوا منه كان عنده ايمان بحلمه و واثق ان ربنا هيقف معاه كان ذكي و كل مره وقع فيها دور علي السبب و حاول يصلحوا في المره اللي بعدها
عدي….ماهو ممكن يدور ويلاقي فعلا سبب لوقعته دي و المره اللي بعدها يصلح الغلط اللي وقع فيه بس بردوا وقع طبيعي يحس باحباط
تقي…..لو دور تاني اكيد هيلاقي سببت تاني لو ذكي و حسب الوقت بين الفترتين اللي وقع فيهم هيعرف ان توقيت المحاوله التانيه اكيد كان ليه عامل الوقت اختلف الزمن اختلف لو ذكي هيقدر يعمل معادله بين كل الازمنه اللي حاول فيها
وده الفرق اللي قولتلك عليه الشخص الطموح لو مقرر انه ينجح مهما وقع وقعاته كلها هيحولها لتحدي و ده هيوصل لكن لو وقع و حاول و وقع و بعدها استسلم عمره ما هيوصل لان النجاح عمره ما كان سهل يا عدي كلنا لو ركزنا هنلاقي عندها افكار حلوه طموحات واحلام بس الشاطر اللي يقدر يحقق مش كلنا بنحقق احلامنا يا عدي لان شخصياتنا مختلفه في اللي بيكتئب بسرعه و اللي بييأس من كتر ما حاول و اللي حس بسرعه بالاخباط و استسلم و فيه اللي حط حلمه قدامه و هو واثق من قبل ما يطلع درجه واحده انه احتمال كبير يطلع و يقع الف مره و قرر من جواه انه مهما وقع مش هييأس وده بيوصل فهمت الفرق.
فا الشخص اللي هيتقدملي لو طموحه ده تحدي بيسعي عشانه و بيجتهد طول الوقت ده هوافق عليه لكن مش هوافق علي شخص عنده طموح و فكره حلوه بس مش بيسعي و قاعد مستني فرصه او صدفه تحصل فاهمني
عدي…..بأبتسامه ده انتب طلع عقلك كبير
تقي…..بضحك قولتلك هبهرك
عدي….يعني الموضوع مطلعش عقده
تقي….لا خالص
عدي….انا فكرته بصراحه عقده انتي قولتي امبارح ان كان ليكي تجربه من طرف واحد
ضحكت تقي و حطت ايدها علي وشها
تقي…..انت لسه فاكر
عدي…..بابتسامه اه فاكر ايه الحوار بقي
تقي….بضحك لا بلاش بقي عسان كنت هباه و بعدين موضوع قديم اوي
عدي…..قديم ازاي يعني انتي كلك علي بعضك كام سنه ابه كنتي بتحبي وانتي في ابتدائي ولا ايه
تقي….لا يعني كان عندي 16 سنه انا الوقت عشرين و داخله علي واحد و عشرين يعني كنت مراهقه
عدي…..طيب وايه الحكايه
تقي…..مفيش بس مكانش ينفع بكل الاحوال هو اصلا كان اكبر مني بكتير يعني تقريباً 38 سنه مثلاً
عدي…..بضحك نهار اسود ده اكبر من نص عمرك
تقي….بالظبط و كنت بحبه بيني و بين نفسي هو كان مدرس الفرنساوي بتاعي
عدي….اااااه قولتيلي انك كنتي بتحبي الفرنساوي بس واضح انه لسه معلق معاكي عشان تدخلي ألسن فرنساوي
تقي…..لا لا خالص انا قولتلك اني كنت بحب الفرنساوي من وانا لسه صغيره قبل ما اشوفه اصلاً هو اولاً كان عندي مدرسه بس اتنقلت و هو جه من اول ماشوفته وقعت في حبه اولا كان زي القمر بجد و كنت بشوفه شخص كامل و بعدين كملت بضحك الموضوع عندي تطور بقيت اتكلم واهزى واتخانق و مواضيع و مواقف و سيناريوهات بيني و بينه بس في عقلي كنت عايشه الوهم علي الاخر المهم يعني من حبي فيه قررت اني في الامتحانات اللي بتتعمل مل اسبوع اني احل غلط في الفرنساوي عشان اخليه يجي يديني درس لوحدي و فعلاً عملت كده و بابا كان مستغرب لانها اكتر ماده انا شاطره فيها فا قولتله بسبب نقل المدرسه و اللغبطه اللي.حصلت و طلبت منه اني اخد درس و حصل وجالي البيت كان يقعد يشرح و انا سرحامه و في دنيا تانيه معاه
عدي…..بضحك حالتك كانت متأخره يعني
تقي….بضحك دي كانت منتهيه علي الاخر المهم يعني فضلت عايشه الوهم اوي و بعدين كان عارف اني شاطره و مستوايا كويس فا لما كان يشرح في الكلاس و اقوم عشان اجاوب و اغلط كان يتعصب و انا بقي تافهه اعيييييط ازاي قدر يزعقلي
عدي فضل يضحك عليها
عدي…..طيب وخلصت علي ايه اتقفشتي ولا ايه ظروفك
تقي…..لا خالص كان في مره عندي بيديني درس و جاله مكالمه طلعت مراته و بعدين ادتلوا الموبايل لابنه فضل يكلموا و يدلع فيه اتقفلت
عدي….بضحكه جميله انتي مكنتيش تعرفي انه متجوز
تقي….بضحك لا كان لسه جديد و كان غامض اصلا و انا كنت حابه غموضه ده بقولك تافهه بس وخلصت بقي علي كده و مكملتش معاه درس تاني ماهو ازاي يخوني بقي و يتجوز ويخلف
عدي…..بضحك لا ملهوش حق طيب و صحابك ايه حكايتهم في حياتك انا شوفت اتنين منهم معاكي في الشغل تمارا و ادهم تقريباً
تقي…..اه هما اللي بيشتغلوا معانا انا ليا صحاب كتير اوي بس تمارا البنت الوحيده صراحه انا صحابي كلهم ولاد لانهم سالكين كده لا في غيره ولا نفسنه
عدي….بضحك بتقوليها عادي كده
تقب….ما دي الحقيقه تمارا بس اللي صحبتي اوي
عدي….بس هي و ادهم شكلهم اكبر منك
تقي….دي حقيقه هما اكبر مني تمارا اكبر بسنتين وادهم بثلاثه يعني هما المفروض يكونوا متخرجين اصلا
عدي…..عادو يعني
تقي….اه تمارا كانت محاربه كانسر و تعبت كتير دخلت اول سنه بس من تعبها مكانتش مذاكره كويس فا نزلت سنه و السنه اللي بعدها اضطرت متدخلهاش اصلا و ادهم اصلا بيحبها جداً يعني في بينهم قصه حب و كده من ثانوي اصلا
فا قرر عشانها انه يأجل سنتين و مدخلش خالص و بعدين قرروا يدخلوا و اتعرفنا علي بعض و بس
عدي…..الف سلامه عليها بس هي شكلها احسن
تقي….اه خلاص هي في اخر مرحله من العلاج الحمد لله و استجابت كتير ادهم ده غالي عندي جداً و بحترمه اوي و بجد هو راجل و بيحبها بس انا ليا غيرهم كتير هما الاقرب و في واحد كمان اسمه حدوته كملت بضحك ده بقي البيست فريند المقرب ليا بحبه جداً اسرارنا و كلامنا و هزارنا كله مع بعض
عدي….ابه حدوته ده كمان
تقي….بضحك هو اسمه رامي بس احنا بنقوله حدوته لانه فعلاً تحس انه حدوته كده بس هي دي قضه حياتي باختصار
عدي…..بابتسامه اممم حلو ساب الاكل و بصلها بقولك ايه انتي هتروحي علي طول
تقي….اه عايز تقوم يلا
عدي…لا مش كده بس يعني بسأل لو لسه قدامك وقت و مش عايزه تروحي نتمشي شويه
تقي…..ماشي بس بشرط
عدي…..كمان بتتشرطي اتفضلي
تقي…..انت قولت نتمشي يعني بلاش عربيه خليها مركونه بره و نبقي نرجع ناخدها
عدي….بضحك انتي ايه حوارك مع الفرهده فرط حركه ولا ايه
تقي…..لا والله مش فرط حركه بس مفيش حد بيتمشي بعربيه و بعدين احنا في وسط البلد الجو حلو و النيل جنبنا مينفعش بعني عربيه قولت ايه
عدي….موافق يا ستي بس برد عليكي انتي لبسك خفيف
تقي….لا متقلقش متعوده وبعدين هنتحرك ونمشي مش هيبقي في برد اوي يعني
بصلها وابتسم و بعدين بص للويتر شاورله يجيب الشيك وراح مطلع محفظته
تقي….ايه ده ايده استني انت بتعمل ايه
عدي….خير
تقي…..خير انت شيل فلوسك انا اللي عازمه ولا نسيت
عدي….بصلها بنظره جد تجنن ايدك جنبك وبلاش عبط
تقي….بابتسامه عبط ايه احنا متفقين تستجدع معايا هعزمك و بعدين انت طلبت المقابل يكون قهون و انا قولتلك غداء مش قهوه كمان وانت رضيت ايه كنت بتاخدني علي قد عقلي
عدي…..بابتسامه اعتبريني خدتك علي قد عقلك
تقي….ايوه بس انا مش موافقه كده انا مش هبقي رديتلك جدعنتك معايا
عدي….اولا عنك ما وافقتي ثانياً ترضهالي يعني تحاسبي وانا معاكي
تقي…..عادي علي فكره يعني مش هتفرق
عدي….لا هتفرق و بعدين مين قال انك مستجدعتيش معايا انتي مش وافقتي تخرجي معايا يبقي استجدعتي صح
ابتسمت بهدوء و قرب الويتر حط الشيك بص عدي فيه و طلع مباغ حطه و بعدين قام وقف و هو بيحط المحفظه في جيبه و باصصلها بهدوء
عدي…. يلا قومي
تقي…..علي فكره بقي كده انت بتخم و انا كده مردتش اي حاجه و بصراحه بقي مبحبش حد يبقي ليه عندي جمايل
عدي…..بابتسامه مفيش جمايل استجدعت معاكي و طلعتك لابوكي و انتي وافقتي تعزميني
تقي…..اعزمك ايه انت اللي دفعت
عدي….بس انتي اللي اختارتي المكان و اختارتي الاكل علي ذوقك وانا اتبسط يعني رديتي اللي عليكي يلااااا
ابتسمت تقي بهدوء و هي بصاله و قامت وقفت و خرجوا من المكان
قرب عدي من العربيه و راح فتح الباب.
تقي…..انت بتعمل ايه انت عندك زهايمر احنا اتفقنا نتمشي من غير العربيه.
خد چاكت احتياطي من العربيه و قفل الباب و قرب منها
عدي….حطي ده عليكي الجو برد و بطلي زن شويه
تقي….بضحك طيب براحه ايه المعامله دي
ضحك عدي و مشيوا سوا.
…………….
عند نعيمه كانت قاعده بتقلب في التليفون فتحت الانستحرام لقت فضل منزل صور مع ثلاث اشخاص شابين و ست زي القمر و هو متصور معاهم اكتر من صوره مره معاهم كلهم و صور مع كل واحد لوحده.
بصت بغيظ علي الصور و مسكت الموبايل تتصل عليه.
فضل….الوووو
نعيمه….اهلاً بشيخ العرب اللي صوره منوره علي الانستجرام
فضل….بضحك ايه رأيك
نعيمه….لا حلوين مين دي يا فضل اللي مبسوط اوب وانت بتتصور معاها
فضل….بضحك ايه بتنكشي ورايا
نعيمه….تعرف عني كده انا فتحت لاقيتك في وشي
فضل….بضحك طيب هعمل نفسي مصدق بس يعني هي الصوره دي اللي لفتت نظرك ملفتش نظرك اني متصور مع رجتله كمان
نعيمه….لا يا اخويا لفت نظري انشكاحك و ضحكتك وانت بتتصور معاها
فضل….بضحك بس ايه رأيك موووزه صح
نعيمه….بأبتسمه غيظ والله طب اتكل علي الله
قفلت في وشه بغيظ
ضحك فضل و رجع اتصل عليها
نعيمه….خير
فضل….بضحك انتي بتقفلي في وشي يابت
نعيمه….انا قولت اتكل علي الله
فضل…..ودي زي مع السلامه يعني
نعيمه…..ما عسان انت مستفز
فضل….بضحك ليه بس يا قلبي طيب بذمتك ايه رأيك في الاوت فيت و كلميني شويه عن الحلاوه
نعيمه….حلتوه مين يا مغرور
فضل….بضحك ايه تنكري اني زي القمر
نعيمه….امممم طيب هتبطل ضحك و لا اقفل في وشك تاني
فضل….بضحك متقدريش
قفلت في وشه من غير ولا كلمه و هي مبتسمه و هو ميت من الضحك رجع اتصل تاني
نعيمه….نعممم
فضل….بضحك خدي بالك دي تاني مره تقفلي و التالته تابته
نعيمه….بجد يلا حبيبي خد التالته في وشك
قفلت و فضل مات علي نفسه من الضحك و اتصل تاني
نعيمه….بابتسامه خير
فضل….لما اجي اجيبك من قفاكي متبقيش تزعلي
نعيمه……انت فين يا فضل
فضل…..ملكيش فيه
نعيمه….انا مش بهزر علي فكره
فضل…..ابه عندك زهايمر ما انا قايلك اني رايح انا و عسال و سلامه للتوكيل عشان نخلص باقي الورق و نشوف هنستلم امته العربيات بس واضح كده ان القمر بتاعي مركزش من غيرته
نعيمه….غيرة مين يا ابو غيره انا هغير عليك انت
فضل…..طبعاً زي القمر و طول بعرض يعني استاهل
نعيمه….بابتيامه فضل هقفل في وشك تاني
فضل….بضحك طب بتضحكي ليه
نعيمه….مبضحكشششش
فضل…..طب احلفي
نعبمه….ابتسمت غصب عنها خد بالك انت مستفز
فضل….بضحك و خدي بالك اناي بتضحكي تاني
نعيمه…احمممم انت لسه هناك صح
فضل…..لا مشيت من شويه
نعيمه…..كداب الصور لسه نازله من كام دقيقه
فضل….عادي نزلتهم و انا ماشي
نعيمه….طب اتصل عليا ڤديو كول او اقولك عدي عليا انت قولت مشيت من شويه يعني قربت مني
فضل…..لا طبعاً مش هعرف اعدي عليكي انا عندي شغل و مروح
نعيمه….لا ياشيخ الوقت عندك شغل طب ايه رأيك انك يا اما هتعدي عليا يا اما هتفتح ڤديو كول
فضل….بضحك طيب انا لا هعمل ده ولا ده و اعلي ما فخيلك اركبيه
نعيمه…..طب لو معدتش عليا بقي يا فضل هيبقي يومك اسود و مش عايزه ڤديو كمان
فضل…..بضحك مش معدي
نعيمه….ده اخر كلام عندك
فضل….اه عشان تبقي تشكي فيا اوي وبعدين قومي كده ادخلي البلكونه عشان اعرف اتكلم معاكي عشان انتي زودتيها اويييييي
نعيمه….انت بتزعق
فضل….اااااه بزعق وهتقومي
نعيمه….طب مش قايمه و وطي صوتك
فضل….يبقي تسمعي الكلام عشان نسمه و نادبن ميسمعوش فضايحنا
نعيمه…..نادين مش موجوده و فضايحنا دي انت السبب فيها
فضل….طب قومي
نعيمه….لا
فضل….اخلصي بقولك ابعدي عشان عايزك في موضوع
نعيمه….طب متزعقش
فضل….طب اسمعي الكلام واخلصي.
قامت نعيمه بهدوء و راحت علي البلكونه
نعيمه….خير موضوع ايه
فضل…..قدام دقيقه لو منزلتيش همشي
بصت نعبمه علي تحت لاقته واقف بعربيته في نص الشارع فاتح الباب و واقف بره عينه عليها بابتسامه تجنن
نعيمه….بابتسامه يا مجنووووون
فضل….بضحكه تجنن اويلي انا علي الدقاقه
نعيمه….فضل انت جيت ازاي
فضل….الدقيقه بتخلص همشي
نعيمه….بضحك لا لا استني طيب اغير حتي
فضل…زي ما انتي يلا بقوا عشرين ثانيه
نعيمه…لا لا جايه استنب متمشيش
قفلت فب وشه و جريت علي بره
نسمه….في ايه يا نعيمه بتحري ليع وراحه فين
نعيمه….بابتسامه فضل تحت هنزلوا
نسمه….بضحك الللللعب
خرجت نعيمخ و هي بتضحك سحبت الاسانسير و ركبت ونزلت علي تحت و هي ماشبه بسرعه عليه
ابتسم فضل لما شافها كان ركب و قعد في الكرسي
فتحت نعيمه و ركبت بسرعه و هي بصاله و مبتسمه بسعاده
نعيمه….ابه بقي الجنان ده انت جيت ازاي بسرعه كده هو انت جيت لما قولتلك
فضل….بضحك علي اساس اني راكب هيلكوبتر و هلحق
نعيمه….بضحك يعني انت كنت بتشتغلني و جاي ولا ايه مش فاهمه
فضل…..لما اتصلتي عليا كنت داخل عليكي اصلا و قولت اشتغلك شويه
نعيمه…..طب جيت ليه
فضل…..امشي يعني طب يلا انزلي
نعيمه….لا لا متمشيش طيب ايه يعني وحشتك ولا جاي ترخم عليا ولاعايز حاجه ولا فاضي و جاي تخرجني
فضل…..بابتسامه هو انا مش جاي اخرجك لاني مش فاضي وعندي شغل والله و اكيد وحشتيني انتي عارفه انك دايماً وحشتيني و اكيد كمان مش جاي ارخم عليكي و لا حتي عايز حاجه انا جاي عشان سبب تاني
نعيمه….بابتسامه ايه جاي ليه؟
فضل…..طيب غمضي عينك
نعيمه…اغمض لا يا حبيبي مليش انا في جو المقالب ده
فضل….مفيش مقلب يا هبله دي مفجأه
نعيمه… بضحك لا والله اخاف و بعدين انا بفضحك بضحكي بلاش افضحك و انا بصوت و بلم عليك الناس
فضل….بضحك ضربها براحه بالقلم يابت خلي في ثقه شويه و غمضي
نعيمه….طيب احلف انه مش مقلب
فضل….انزلي يابت انزلي انا غلطان اني عايز اعملك مفجأه والله انا راجل مش تمام سايب شغلي و جاي اتمرقع انا كمان
نعيمه…..بضحك لا خلاص طب ايه هتبوسني
فضل….بفضل ايه عايزه تتباسي
نعيمه….بضحك لا انت اللي بتقول جاي تتمرقع
فضل….بضحك غمزلها يعني مش عايزه
نعيمه….بضحك لا هموت علي بوسه بس بوليس الاداب هيطب
فضل….طب غمضي يلا
نعيمه….اووووف طب انت حلفت
فضل….اه بص لو بصيتي مش هيبقي في مفجأه
نعيمه….لا خلاص هغمض حطت كفها علي عينها
و بعدين سمعت نكش وكان بيجيب حاجه من وراء
نعيمه….فضل والمصحف انا خايفه و قلبي بيدق ايه الصوت ده بتنكش في ايه
فضل…..والله ما تخافي بجيب المفجأه متبصيش بقي
نعيمه….طيب
رجع فضل و مسك بأيده بوكيه ورد لونه احمر
فضل….بابتسامه فتحي
نعيمه….فتحت بخوف و بعدين ابتسمت الله تحفه
فضل….عجبك
نعيمه….اوووي انت اول مره تجيبلي ورد علي فكره
ضربها علي راسها بغيظ و رفع حاجبه
فضل…..طب ايه يا عمييييي ملفتش نظرك غير الورد
بصتلوا وبعدين بصت للورد ولعبه في وسطه علبه صغننه بصت بهدوء و ابتسمت و بعدين بصتلوا
نعيمه….ايه العلبه دي
فضل…..بابتسامه هاديه شوفيها
شدت العلبه براحه و حطتها علي التابلوه مكانتش عارفه تفتحها بايد واحده
فضل…..اساعدك
نعيمه….اه ياريت
حط البوكيه علي رجلها و مسك العلبه فتحها بهدوء بمجرد ما فتحها نورت و عكست نورها علي خاتم الماظ شكلوا يجنن بدل اللي اتكسر و اتقص و احلي
بصت نعيمه بصدمه علي الخاتم ومنطقتش
فضل….بابتسامه هاديه كنتي زعلانه وطلعتي عنينا لحد ما وافقتي انه يتقص و انا قولتلك الخاتم يتعوض بس ايدك لا اتبسطي بقي الخاتم بتاعك رجعلك ياستي هو صحيح مش نفسه بس يارب يعجبك
بصتلوا نعيمه بتأثر و ابتسامه تجننو فجأه قربت منه ضمته بدراعها السليم
ضحك فضل ولف دراعه عليها وباسها من رقبتها
فضل….بحب يا عمري انتي
نعيمه….بعدت و ابتسمت و هي دموعها نازله انا بفكرتك نسيته
فضل….بضحك بتعيطي ليه يا عبيطه اكيد منستش انا المفروض اني كنت جيبتهولك من وقتها بس اتشتغلت معاكي و في شغلي فكرت اصلا اني اجيبه لما تخفي عشان تتبسطي اكتر بس قولت لا خليني اجيبه انهارده عشان انا عارف نفسيتك لسه مش احسن حاجه
نعيمه….ايوه بس كتير اوي يا فضل
فضل….مفيش حاجه كتير عليكي انا اهم حاجه عندي تكوني مبسوطه
نعيمه…..طيب التاني فين
فضل….بضحك هتعملي بيه ايه اتباع خلاص الله يرحمه ممكن بقي البسهولك مضطرين نلبسوا في الشمال لحد ما اليمين تخف و اهو يبقي فال خير مش بيلبسوا الخاتم بعد الجواز في الشمال
نعيمه….بابتسامه تجنن اه صح
لبسها الخاتم بهدوء و باس كفها
ابتسمت نعيمه و ضمتوا تاني
فضل….بضحك من ثواني كنتي خايفه من بوليس الاداب
نعيمه….بضحك لا خلاص بقي اداب اداب المهم ابقي معاك في زنزانه واحده
فضل….بابتسامه غمزلها يا نهار ابيض طب ياريت ده انا هجيب منك مساجين صغيرين هيبقوا قمر
ضحكت نعيمه ورنة الضحكه
فضل….يخررربيتك انزلي انزلي يابت
نعيمه…..بضحك ما انت اللي قليل الادب و بتضحكني
فضل…..يخربيت ضحكتك يا شيخه يابت انا فثدت فيكي الامل خلاص هنتحبس بسبب ضحكه
نعيمه….بضحك طب خلاص والله
فضل…..بابتسامه غيظ من ضحكتها ماشي المهم مبسوطه
نعيمه…اوي ربنا يخليك ليا يا فضل انا بحبك اوي
فضل….وانا بموت فيكي يلا اطلعي
نعيمه….طب خليك شويه
فضل….يابت انا جاي سرقه عندي شغل والله
نعيمه….طيب شويه صغنونه خااالص
فضل….ما اكتر من كده مش هجيب مساجين صغيرين ده انا هجيب ميكانيكيا يصلحوا العربيه اللي هتيجي علي الارض الوقت
ضحكت تاني و رنة الضحك من لخمته بقي يقفل بسرعه الشباك
فضل…..يخربيت ام ضحكتك علي اليوم اللي فتحت في بوئي انزلي يلا يا مجنونه فضيييييحه
نعيمه…..بضحك خلاص والله هنزل سوق براحه
فضل….طب يلا خلبني اجري قبل ما نتقفش
نعيمه….بضحك ماشي فتحت الباب و رجعت بصتلوا بغضب متبقاش يا اخويا تضحك اوي كده في الصور عشان مخليش يومك اسود جتك القرف في حلاوتك
فضل…..بضحك غيرانه صح اعترفي وبلاش غرور
نعيمه….سيبنالك الغرور يا شيخ العرب واه غيرانه واياك اشوفك بتتصور مع بنات تاني
فضل…..بالءمه يبقي معايا الوحش ده وابص علي غيره ابقي حمار
نعيمه….بابتسامه ثبتني ثبتني
فضل…..بضحك والله ابداً ويلا اطلعي بسرعه بترنج الرقاصين ده ولبساه ابيض كمان
نعيمه….ايه انت اللي قولتلي انزلي زي ما انتي وبعدين ده اوف وايت مش بتشوف
فضل….طب يلا علي فووووق قال يعني هتفرق اوي ماهو فااااااتح
نعيمه….بضحك علي طريقته بحبك
فضل….وانا بموت فيكي امشي يابت يلا
نزلت ومشيت بهدوء
فضل….اموووت انا
نعيمه….بضحك بصتلوا لاقيته باصص علي جسمها اتربي يا فضل وبص قدام
فضل….بضحك بتفرج
نعيمه….لا متتفرجش يا سافل بص قدامك عشان اعرف اديك ضهري وامشي.
بص قدامه و هو بيضحك واول ما ممشيت تاني بص عليها
فضل….اويلي انا علي الدقاقه
نعيمه…..بضحك بحبك يا شيخ العرب حدفتلوا بوسه ابتسم فضل و باسها من بعيد و بعدين استني ركبت الاسانسير و مشي و هو مبسوط انه قدر يفرحها.
……………….
في منزل ليله مشي حسان و قعدت هي و عشري و هي مضايقه و زعلانه
عشري…..هنفضل مبوزين كده
هزت ليله راسها
عشري….بابتسامه خلاص بقي و حياتي و الله العظيم الوقت هيجري علي طول اصلا لما هنتشغل بكل التجهيزات دي مش هيبقي عندنا وقت
ليله….خلاص اللي تشوفوا بس لنا ابقي اختفي واهرب متبقاش تزعل
عشري…..لا مش هتعملي كده هتقدري
ليله…اه هقدر ما انت هتقدر و عايز تمشيني
عشري….امشيكي ايه يا هبله انا عايزك تروحي تجهزي اللي وراكي بسرعه عايزك تجهزي و تغيري مود شويه كام يوم مه البنات واخواتك و عايز اوحشك
ليله….انت واحشني من الوقت اصلا
عشري….لا عايز اوحشك اكتر و بعدين انتي لسه معايا كمان ثلاث ايام يعني علي ما يرجعوا ايمي و رشيد و سيبك بقي من الموضوع ده انا عايزك في موضوع تاني اهم
ليله….ايه قول
بصلها عشري بحب كان مساك ايدها بين كفوفه سحبها بهدوء و فتح السوسته لتاعت الچاكت بتاعها بصتلوا بايتسامه و صدمه
ليله….بتعمل ايه
عشري….بأبتسامه لا مش هعمل متخافيش بصلها ثواني بصي انا عايزك تروحي تشيلي التاتو ده
ليله….بابتسامه رفعت حاجبها ليه مضايقك اوي كده
عشري….اه يا ليله و مش بهزر علي فكره
ليله….ايه عايز الحرق بتاعك يرجع اصلا لو شيلتوا مش هيرجع
عشري….لا يا ستي مش عايز الحرق يرجع بس مش عايز اشوف تاتو علي جسمك يا ليله انا عارف انك عملتيه عند و عشان تضايقيني وانتي مكنتيش مركزه بس هو حرام يا قلبي و انا مش عايزك تاخدي ذنوب ملهاش لاذمه فا عشان خاطري هتروحي تشيليه
ليله….ااااا هو انا معنديش مشكله بس اللي اعرفوا ان ازالة التاتو بتوجع
عشري…..توجع مش مهم مش انتي اللي روحتي عملتيه
ليله….بضحك انت فرحان فيا عايزني اتوجع يا عشري
عشري….اه اتوجعي الوقت في الدنيا احسن ما تووطعي في الاخره عشان تحرمي بعد كده تعملي اي تفكير من غير عقل
ليله…..طب انا مش هروح بقي ايه رايك و بعدين انا شيلت ذنبه خلاص و كله بسببك
عشري…..شيلتي ذنبه بس ربنا هيسامحك لو شيلتيه و بعدين بسببي ليه انا قولتلك روحي اعملي كده اسمعيني كويس عشان مش هعيد كلامي يومين كده و هروح للدكتور عشان اطمن علي الجرح و هاخدك معايا و هنروح نشيله
ليله…..انا خايفه والله بيوجع
عشري….متخافيش مش هبوجع ان شاء الله و بعدين هو اللي عملهولك راجل ولا بنت
بصتلوا و ضيقت عينها و هي بتبتبسم اااا راجل
بصلها بصدمه ثواني و هو باصصلها بغضب
عشري….انتي بتتكلمي جد راجل
ليله….بضحك اه راجل اغلب بتوع التاتو رجاله عادي يعني
عشري….مسكها من دراعها بغضب هو ايه اللي عادي يا روح امك عادي ان راجل يرسم علي صدرك و يلمسك
ليله….بضحك اااااه احترم نفسك و بعدين سيب ايدي
عشري….اسيب ايديك ايه انا هكسر دماغ اهلك سيبتي جسمك لراجل يا ليله
ليله….بضحك طب اهدأ بس والله بتوجعني بهزر يا غبي
عشري…..لا مش بتهزي
ليله….والله العظيم بهزر و رحمة امي بنوته اللي عملته
عشري…..بجد يا ليله
ليله…..وغلاوة عشري عندي مافي راجل لمسني اصلا بعني كنت عارفه ان احنا هنتصالح و اكيد هتروقني عليه عشان كده اختارت ان بنت اللي تعملي
عشري….بابتسامه هاديه و هو لسه باصصلها بغيظ ااااا حلو رحمتي نفسك
ليله….طب علي فكره بقي انت وجعتني
عشري….احسن مش حرقتي دمي تستاهلي
ليله….طب ماشي شوف مين بقي هيروح يشيله
عشري….هتروحي غصب عنك زي ما الدنيا اتصافت و رجعت زي ما كانت و هنبدأ من جديد كمان القرف ده هيتشال عشان ربنا يرضي عننا تمام
بصتلوا بطرف عينها و هي مكشره
عشري…..تماااام
ليله…طيب
عشري…..لا مش سامح علي صوتك صوتك كان قد كده يا ام لسان طويل
ليله….خلاص قولنا تمام
عشري….بابتسامه طب تعالي في حضني
ليله…..لا
عشري….اخلصي يا بت
ابتسمت بهدوء و نامت في حضنه باسها من راسها بحب و قامت مره واحده
عشري….في ايه يا مجنونه
ليله….بضحكه تجنن عشري انا سرقتك
عشري….يعني ايه سرقتيني
ليله….بضحك يعني دخلت خدت فلوس من حفظتك و ادتها لفاطمه
عشري…..بضحك اااه صح حسيت انا و فهمت بتقلبيني يابت بتعملي الواجب من جيبي
ليله….بضحك اعملك ايه ما انت اللي مجبتش فلوسي و حاجتي تستاهل و بعدين البنت صعبت عليا حسيت اني عايزه افرحها
عشري….بابتسامه تجنن ماشي يا ستي المحفظه والفلوس و صاحب الفلوس فداكي انا اللي جابني الارض اصلا قلبك الحنين ده
ليله….بابتسامه لا يا شيخ قلبي بس
عشري….لا حجات كتير بس نمشيها قلبك الوقت
ابتسمت ليله و نامت علي كتفه
……………..
عند تقي و عدي فضلوا يتمشوا لحد ما وصلوا علي كوبري قصر النيل.
تقي…..بخوف انت بتعمل ايه
عدي….هطلع اقعد
تقي….تقعد فين يا مجنون انت ايه حكايتك مع النيل انت عايز تموت غرقان
عدي….متخافيش و بعدين تعبت من المشي
تقي….لا لا اوعي تعمل كده
عدي…..بضحك انتي خوافه ليه
تقي…..عدي بالله عليك متعملش كده اقولك يلا خلينا نمشي
عدي….اقفي بس و بعدين انتي ماسكه فيا كده ليه انا عيل صغير والله ما قادر اقف
تقي…..طب خليك انا ماشيه اقعد بقي مع نفسد
عدي…بضحك استني بس يا تقي
تقي….لا لا انت مجنون و انا مش هعرف اتعامل مع مجانين اقع بقي. انا مش شيفاك
راحت عشان تعدي الشارع
عدي….بضحك استني يا هبله خلاص والله مش هقعد استني و هي بتعدي كان في شاب بوتسيكل هيخبطها
استنيييييي شدها و بصلها بصدمه و هي كمان اتصدمت
تقي…..بابتسامه خوف انا كنت هتخبط صح
عدي…..انتي مجنونه يا تقي الموتسيكل كان هيشيلك
تقي….وادي جميل جديد يا عم عدي
عدي….جميل ايه و قرف ايه هو انتي عقلك مش شغال الراجل عمال يكلكس
تقي….اااا مخدتش بالي و بعدين انا اصلا مش بعرف اعدي الشارع انا مشيت عشان تيجي ورايا و متقعدش علي السور
عدي…..يا غبيه والله خضتيني حد يعمل كده
تقي…..يعني هو حد يطلع يقعد علي السور
عدي….طب يلا يلا امشي و قفتي قلبي يا مجنونه
تقي…..طب استني متمدش مش بعرف اعدي والله
عدي….لسانك طول كده و عامله فيها شبح و مبتعرفيش تعدي
تقي….بضحك و الله ما بعرف اعدي اعمل ايه طيب
عدي….بابتسامه غيظ طب هاتي ايدك و اخلصي
تقي….ايدي ايدي ايه لا انت مرتبط
عدي….بضحك يا بنتي اخلصي هعديكي هو انا هخطبك اقول عليك ايه يا وليد مش كنت ضربتها علقه و ارتاحنا
تقي…..بضحك و الله لو كان ضربني لا كنت جيت طلعته عليك
عدي…..وانا مالي
تقي…..ما كنت هتبقي واقف زي قلتك
عدي….زي قلتي طب اديكي بالبوكس اكسر سنانك و لا اعمل ايه
تقي….بضحك لا عديني و اكسب فيا ثواب
عدي….بضحك طب هاتي ايدك يا هبله
مسكت كفه بهدوء و هو مسك كفها ونزلوا من علي الرصيف تاني العربيات كانت بتجري عدوا بسرعه اول شارع و بعدين فضلوا يطلعوا و ينزلوا من علي الرصيف و هما بيضحكوا مش عارفين يعدوا لحد ما عدوا الطريق و جريوا طلعوا علي الرصيف التاني و فضلوا ماشين كان في ناس كتير الكابلز و الشباب و اسر باطفالها و بياعين بعربيات
فضلوا ماشين بيضحكوا و بيتكلموا و هما مش مركزين انهم ماسكين لسه في ايد بعض
تقي….هو انت عندك اكونت علي الانستجرام
عدي…..اه عندي
تقي….طيب ابقي ابعتهولي ده لو عايز يعني
عدي….لا مش عايز انا عايز اخلص منك
تقي….بضحك ما انت لو كنت سيبتني احاسب كان زماني بذلك و اقولك يخونك العزومه
عدي….بضحك الحمد لله اني حاسبت امي دعيالي بس يلا خليها عليا هبعتهولك
تقي…..ماشي يا عم
عدي….بقولك ايه
تقي…..قول
عدي…..مش عايز اشوفك تاني غير في المناسبات بقي في اي ظروف مجبورين عليها
تقي…..بضحك احسن بردوا و اقولك هخلي ادهم يبعت الشغل هو و تمارا عشان مشوفكش تاني مع اني يعني كنت عايزه اردلك جمايلك دي كلها
عدي….لا شكراً اعتبري نفسك ردتيها ويبقي جنيل اكبر لو قطعنا علاقتنا و رحمتيني من لسانك الطويل ده
تقي….احسن بردوا انا اصلا بعد ما توصلني مش عايزه اشوف وشك تاني
عدي….وعلي ايه اوصلك اركبي اوبر و ننهي معرفتنا الوقت
تقي…بضحك لا ما انت هتوصلني غصب عنك و بعدها مش هشوف وشك اقولم و متبعتش الاكونت و همسح رقمك
عدي…..بأبتسامه تجنن طيب كويس عقبال ما تاخدي بالك اننا عدينا الشارع بقالنا سنه و تسيبي ايدي
بصتلوا بصدمه و بصت علي ايدها و شدتها بسرعه و بصت قدامها و ابتسمت
عدي…..بضحك ايه استحلتبها ولا ايه
تقي….وهي باصه قدامها بكسوف فظيع ابتسمت علي فكره انا مركزتش فعلا انت ماشي ترغي مش مديني فرصه
عدي….عدي ااااا طيب كويس
بتصلوا تقي و هي مبتسمه و خدودها حمراء فا ضحك بهدوء بصت قدامها تاني و فضلت ماشيه ساكته راحوا علي العربيه ركبوا و اتحركوا قلعت الچاكت و حطتوا علي الكنبه وراء.
تقي….الچاكت بتاعك اهو
عدي….خليه طيب الجو برد
تقي…..بابتسامه لا شكراً مش بردانه خلاص
عدي…..بضحك تمام براحتك
كمل طريقه في هدوء و الاتنين كل شويه يبصوا لبعض من تحت لتحت.
بعد و قت مش طويل و صل عدي عند بيتها.
عدي….حمد لله علي السلامه
تقي….بأبتسامه الله يسلمك اتمني يعني مكونش ازعجتك انهارده و يكون يوم حلو
عدي….بضحك هو من ناحية الازعاج فا طبيعي يعني من اربعه لتسعه و نص و انتي معايا فا اكيد ازعجتيني
تقي…بضحك ياعم الله يجبر بخاطرك متقولش كده
عدي…..بضحك لا ده ذم مش مدح
تقي….بضحك مش عارفه اقولك ايه والله علي ذوقك
عدي….بضحك اه انتي قاطعه ودنك يعني طيب عموماً يا ستي شكراً بجد علي الكام ساعه دول انا والله ما حسيت ان الوقت جري كده و بحد كنت مبسوط اوي
تقي….بابتسامه انا كمان والله كنت مبسوطه و شكراً علي عزومتي اللي انت حاسبت عليها و علي الچاكت و علي الموتسيكل اللي كان هيطيرني
عدي….بضحك عدي الجمايل
تقي….ما قولنا مش هنعد بقي و هننهي العلاقات
عدي….اه صح مش عايز اشوف وشك تاني
تقي….بضحك اطمن مش هتشوفوا ياعم يلا عايز حاجه
عدي…..ايه اوصلك احسن تاكلي علقه
تقي….بضحك لا شكراً امان انهارده
عدي….بابتسامه ماشي يا ستي
تقي….باي
عدي….باي
نزلت تقي بهدوء و لفت من قدامه و قالتله باي تاني ابتسم ورقع ايده بهدوء و اول ما دخلت ابتسم وهو بيهرش في شعره و بعدين اتحرك بالعربيه.
……………
عند ايه خلصت شغلها كله بس مكانتش عايزه تروح بتحاول تتأخر عشان توصل يادوب تاكل معاهم و تقول انها عايزه تنام مكانتش عايزه اي حد يحس بحاجه خالص.
من وقت ما قفلت مع سلامه الصبح لا هو كلمها و لا هي كمان كلمتوا كانت مضايقه اوي منه و مضايقه من اللي حاصل اللي بوظ علاقتهم في لحظه حست بخنقه فظيعه و نزلت دموعها غصب عنها قامت بهدوء دخلت علي جوه فضلت تغسل في وشها كان احمر هو و عينها من كتر العياط وقفت سندت علي البانيو و هي عماله تخرج من جواها النفس بهدوء و فجأه سمعت صوت كوبر عمال يهوهو عدلت نفسها و مسحت وشها و قبل ما تخرج من جوه لاقيته في وشها بصتلوا بصدمه و وقفت في مكانها من غير ولا كلمه و هي بصاله و باين عليها انها معيطه
هو كمان فضل واقف باصصلها ثواني و شاف منظرها عرف انها مضايقه.
سلامه…اااا اخبارك ايه
هزت راسها بهدوء مكانتش عارفه تتكلم اول ما شافته اصلا حست انها عايزه تعيط و حست ان في غصه واقفه في حلقها فا اكتفت بهز راسها عشان لو فتحت بوئها هتعيط
سلامه…..اااا احممم انا قولت اعدي عليكي و كنت حاسس اني هلاقيكي مشيتي
ايه….بصت علي البانيو بهدوء و هي بتقفل المحبس احممم ااا لا انا خلصت بس كنت همشي بصتلوا تاني وبعدين مشيت من جنبه راحت قفلت الغاز و الشفاطات كان باين عليها التوتر اوي و كل حركات جسمها و انفعالتها بتقول انها علي تكه و عايزه تنهار من العياط.
سلامه….اساعدك في حاجه
ايه…ااا لا لا انا خلصت خلاص
سلامه….اممم طيب ممكن نقعد و نتكلم بقي زي ما طلبتي
بصتلوا ايه بهدوء سرحت ثواني ووهزت راسها و بعدين راحت قعدت علي الكرسي قرب بهدوء قعد قدامها فضلت ساكته شويه و بصالو
سلامه….اااا بصي يا ايه انا عارف ان انتي عندك كلام كتير اوي عايزه تقوليه هسمعك طبعاً بس قبل ما اسمعك انا بعتذر في الاول عن طريقتي معاكي بس انا قولتلك يا ايه سيبيني امشي لاني عارف نفسي كويس كنت مضايق و علي اخري انا مضايق يا ايه و اعصابي بايظه من اول ما قولتيلي ان تامر دخل الصبح عليكي الاوضه و صالحك بس مكنتش ناوي اصلا اني افتح معاكي الموضوع كنت هفضل مضايق شوبه مع نفسي وخلاص و قولت عادي اكيد زعلها اوي لدرجه انه يدخل الصبح يصالحها قبل ما يروح ينام و حلةلت اتخطي الموضوع يمكن مقدرتش و مكنتش هاجي لما قولتييلي حاول تيجي و تامر هيجي بعد ما يخلص مه سلمي و حسان و خلينا نقعد مع بعض صدقيني مكنتش هاجي لاني عندي شغل بس مقدرتش يا ايه حبيت اجي و اقعد معاكم و احاول اشيل التفكير ده من دماغي بس لما شوفتك بتهزري معاه و المشهد ده كله حصل قدام عيني صدقيني انا مش قادر اوصف حسيت بأيه بش عشان دماغك متروحش لبعيد ده لا شك فيكي ولا شك في تامر والله العظيم انتي عارفه انا بحبك تامر اوي و هو جدع و محترم و بقينا صحاب بس انا راجل يا ايه و سواء تامر ده اخوكي ابن خالتك علاقتك بيه قويه لدرجة انك مش شيفاه ابن خالتك و حساه اخوكي كل ده حلو و علي عيني و راسي بس غصب عني مقدرتش
ايه انا لا عندي مشكله معاكي و لا مع تامر و لا الكلام اللي بقوله ده يخليكي تفكري اني بقولك وقفي علاقتك بيه بالعكس هو اكيد اخوكي و دول عيتلك بس انا كل اللي طلبته حدود يا ايه مش اكتر عشان نبقي مرتاحين و ده بعيد خالص عن علاقتي بتامر يعني لو فاكره اني عقلي صغير و هفضل مركز و طريقتي هتتغير مع تامر تبقي غلطانه علي فكره انا لسه شايفه من شويه و سيبته مع عسال و ضحكنا و هزىنا و الدنيا زي الفل انا بس طلبي منك انتي انك تحاولي تظبطي الميزان يا ايه مش اكتر و بيتهيألي انا لو مش بحبك و خايف عليكي مش هقولك كده انا عارف انك مركزتيش ولا خدتي بالك اصلا من الموضوع لانه مش في دماغك و لاني حافظك عارف انك بتتعاملي ببراءه فهمتيني.
بصتلوا ايه و فجأه نزلت دمعه تجري من عينها بسرعه مسحتها بضهر ايدها بسرعه و اتكلمت بصوت مهزوز
ايه….مش هقدر يا سلامه صدقني مش هقدر
بصلها سلامه بهدوء و هو بيضغط علي فكه
ايه…..انا يمكن فوقت علي عصبيتك بحقيقه انا كنت نسياها ان تامر و سلمي اخواتي و بابا يبقي جوز خالتي و ده بجد انا مش بهزر حقيقي انا نسيت انهم مش اخواتي و لا بابا ابويا دي عيلتي يا سلامه اللي اتربيت وسطهم حبيتهم و حبوني مش متقبله اصلا اللي قولته
حتي لو معاك حق فيه الطريقه دي تمشي مع اي حد ظروفه غير ظروفي الاصول و العادات و التقاليد تمشي في اي حاله و اي وضع الا علاقتي بتامر لان هي علاقه اخويه غصب عنك و عني و عن اي حد
مش هقدر يا سلامه بعد العمر ده كله اروح اقوله حط بينا حدود عشان سلامه عايز كده
سلامه….وانا مطلبتش منك تدخلي تامر اصلا يا ايه و لا طلبت منك حد يعرف انا كل اللي طلبتوا حدود منك يعني لو بتهزري بأيدك خففي عشان هو ميضطرش يهزر لو بتقربي منه باي طريقه خففي عشان هو ميقربش لو متعود يفتح عليكي الاوضه اي وقت اقفلي علي نفسك من جوه علي الاقل و انتي نايمه و انتي بتغيري او وانتي في اي وضع مينفعش يشوفك عليه بس ده اللي طلبته يعني لا قولت تروحيلوا ولا تقوليلوا لان الموضوع اصلا بايخ و مينفعش يتفتح انا مش عايز اخسره و لا عايزه يزعل مني و يفكرني شايفه بطريقه مش حلوه بالعكس انا يهمني انه ميزعلش
ايه…..بدموع وانا مش هعرف يا سلامه لا هقدر احط حدود و لا هقدر اتغير معاه في يوم وليله و لو فرضنا ان ده حصل في حاجه اتهزت بينا يا سلامه
سلامه….ثقه يعني انتي اكيد عارفه اني بثق فيه و في تامر يا ستي و لا تقصدي وجع مني انا اعتذرت بس حقي انا بحبك و لو وجعي ده حب و خوف عليكي ميبقاش وجع يا ايه
ايه….لا يا سلامه لا وجع منك و لا ثقه سلامه اللي حصل ده هيخلينا بنتعامل مع بعض بحرص بترقب بقلق انا طول الوقت هبقي بحاول اعمل حجات تثبتلك اني ماشيه علي اوامرك زي انهارده لما كلمتني تامر كان معايا في الاوضه عايز المفتاح مردتش اول مره قولت لما يخرج بس هو مخرجش و كان لازم ارد عليك فب المره التانيه عشان ميسالنيش مبترديش ليه و حاولت علي قد ما اقدر اخليه يسكت بس هو كان بيتعامل عادي و خوفت اةل ما اتكلم وانت سكت.
مش هقدر يا سلامه اتعامل بحدود و خوف و ترقب و لا هقدر امنع تفكيرك طول الوقت في الموضوع بتخيل نظرتك لتامر لو شوفته معايا لو حصل وهزر تاني قدامك حتي لو بالكلام هتبقي ازاي من امبارح منمتش انا ابسط كتير يا سلامه من اني اعيش في علاقه فيها توتر و ترقب و حدود و اني اعمل حساب لكل تصرف حتي لو بحسن نيه لان انا طول الوقت بتعامل بحسن نيه و تلقائيه مش هعرف يا سلامه مش هعرف مقدرش اضمن انك مش هتتغير مع تامر مش هقدر اضمن انك بعد الجواز تحطلي حدود و شروط و قواعد جديده امشي عليها في علاقتي باخويا عشان كده يا سلامه انا اسفه بصلها بصدمه وهي بتقلع الخاتم نزلت دموعها تجري بوجع
ايه…..مش هقدر يا سلامه مش هقدر اكمل
سلامه….بصدمه و نظره وجع انتي بتعملي ايه
ايه….انا بحبك وانت عارف اني بحبك يا سلامه بس بحب اخويا و معنديش استعداد اني اخسره او علاقتي تتوتر بيه بسبب اوهام او تفكير في دماغك
سلامه….انتي عايزه تسبيني يا ايه؟ انتي بجد قلبك طاوعك تعملي فيا كده
ايه….غصب عني يا سلامه مش هقدر و الله العظيم ما هقدر انت تستاهل كل خير بس احنا مش هينفع نكمل مع بعض انا اسفه
بص سلامه علي الخاتم بهدوء و صدمه و وجع قفل ايده علي الخاتم بقوه و بعدين بصلها و هز راسه بهدوء .
سلامه….تمام يا ايه تمام لو ده الحل اللي هيريحك فا انا هنفذه بس قبل ما امشي هقولك كلمتين لانك غاليه عندي اوي
بصتلوا و هي دموعها نازله و هتموت
