لقاء كـ،ـ،ـارثي

سلامه….بابتسامه هاديه بس كلها وجع انتي اخترتي اخوكي و انا بحترم اختيارك و مقدره و مش زعلان لاني من الاول محطتش نفسي في مقارنه معاه ولا عمري كنت هعملها بس ده قرارك وانا بحترمه بس انا عشان بحبك يا ايه لازم انصحك نصيحه تنفعك في حياتك عموماً لان حتي لو انا مش معاكي هيبقي في راجل غيري معاكي حاولي تبدأي تحطي حدود من الوقت في علاقتك بتامر حاولي تمنعي الهزار الاوڤر و اللمس حاولي متسمحيش لاي حد يقتحم خصوصيتك و يشوفك وانتي نايمه او وانتي بتغيري هدومك اظبطي دنيتك من الوقت قبل ما راجل غيري يدخل حياتك عشان تامر يتعود و عشان متجيش تغيري ده بعدين و يفكر ان الراجل اللي معاكي مضايق منه لو ظبطي كل ده من الوقت و جيتي اتكلمتي بعدين فيه هيفهم انه قرارك انتي مش اللي معاكي و اخر حاجه هقولهالك بطلي تتعاملي ببراءه اوي كده اوعي تخلي مخلوق يستغل برائتك يا ايه انا همشي و انا مبرأ ضميري قدام ربنا ان كل كلمه قولتهالك كانت حب وخوف عليكي لا شك ولا عدم ثقه و لا اي حاجه وحشه ربنا يوفقك و يسعدك و اشوفك ديماً بخير

قام بهدوء وقف وقرب منها باس راسها بوسه طويله انهارت و هو بيبوسها و مسكت ايده سحبها بهدوء و خرجت ركب و مشي

فضلت تعيط بانهيار و وجع و حست انه خد قلبها معاه

وللحديث بقيه……