لقاء كـ،ـ،ـارثي

كنت عارفه يا عشري انك بتستفزني عشان اتكلم و قولتلك مش هخف علي ايدك و مش هتعرف تستفزني بس مقدرتش يا عشري كان جوايا وجع فظيع و قدرت تستفزني لما لمستني و حضتني من ضهري علي قد ما حضنك كان واحشني علي قد ما جسمي كان بيصرخ و رافض لمستك من كتر زعله و محستش بنفسي

عشري….بس لما دخلتلك يا ليله انتي كنتي صاحيه صح

ابتسمت ليله بهدوء

ليله…..بابتسامه اااا انا

عشري….بضحك اه انتي هنكدب

ليله…..صراحه اه كنت صاحبه وسمعتك

عشري….عارف انك سمعتيني و انك كنتي صاحيه و دموعك كانت هتموتني

ابتسمت ليله بتنهيده طويله

عشري…..بس اقولك علي سر

ليله….قول

عشري…..انا كنت بحبك و اوي كمان و حبي ليكي مكانش بسيط يا ليله بس انا معرفتش اني بحبك اوي كده غير بعد ما حسيت انك بتضيعي مني و مش بس كده انا عرفت اني حبيتك اكتر و تقريباً كده المشكله دي زودت حبي ليكي وعرفت قد ايه انتي غاليه عندي

ليله….انا كمان يا عشري المشكله دي زودت حبي ليك منقصتهوش

عشري…..ايوه بس كل الكلام الحلو ده مش هيمنع يعني ان عليكي 300 الف جنيه

ليله….بضحك ابقي زود عليهم فلوس فاطمه

عشري…..بضحك اه فكرتيني يا نصابه شدها لحضنه نامت علي صدره بهدوء و حطت كفها علي صدره و فضلت تمشي ايديها بهدوء.

………………..

في مساء اليوم

وصل عدي تحت بيت تقي الساعه سبعه الا ربع بالظبط و يادوب وقف لمحها خارجه من الباب وكانت ماشيه

عدي…..بابتسامه علي فيييين

بصت تقي بصدمه و ابتسمت

تقي….ايه ده انت جيت بجد

عدي…..بأبتسامه وانا اقول نازله قبل معادك ليه و ليه متصلتيش ده انتي يومك مش فايت هو انتي كنتي ناويه تجيبيني المشوار ده كله علي الفاضي

تقي….بضحك لا لا والله مش كده

عدي….بضحك مش كده ايه ده انا لسه قافشك اهو انا وصلت قبل معادك بربع ساعه و قولت مش هتصل بيكي عشان مخلكيش تستعجلي و عيب يا عم انت اللي جاي بدري اقفشك بسهوله كده ده انا امي دعيالي عشان لسه حاي حالا

تقي….بضحك ياعم والله مش كده افهمني

عدي…..بضحك طب اركبي الاول يلا

تقي….ماهو انت لو سمعتني هتعرف

عدي….طب اركبي و هسمعك

تقي….بضحك لا اسمعني الاول بص انا نزلت لاني خلصت لبس والله وقولت هروح اجيب لبنات و بعدين هرجع اقف شويه و هشوف جيت جيت مجتش خلاص اكيد مشغول

عدي….لا انا مأكد عليكي يبقي هاجي حتي لو ابه حصل و لو مش هقدر اكيد هتصل

تقي….بضحك ماشي ياعم هموما ظلمتني استني بقي اجيب لبنان و هاجي

عدي…..طيب اركبي و انا هجيبلك

تقي…..كفي نفسك

سابته و مشيت ابتسم عدي و فضل باصص عليها في المرايا و بعدين عدت الطريق بص عليها من المرايا التانيه مشيت كام متر و بعدين دخلت سوبر ماركت و كل ده هو باصص عليها استني كام دقيقه كانت سبعه إلا خمسه اول ما شافها جايه دور العربيه و راح علي الصف التاني عشان متعديش تاني وبعدين رجلها بضهره و وقف وركبت هي

تقي…..بأبتسامه شوفت بقي ظلمتني ازاي

عدي….انتي بتقوليلي انا كفي نفسك

تقي…..بضحك اه عادي امسك ده ليك

عدي….ايه ده ؟

تقي….فتحت الشنطه اتفضل ده ريد بول و ده بسكوت حلو اوي انا بحبه بالفراوله و دي شيكولت

عدي…..بضحك انتي بتعامليني بقي علي اني ابن اختك اللي شبط و جه معاكي و لا قولتي يلا اعزم السواق علي حاجه

تقي….بضحك والله عشان السببين و زود عليهم سبب تالت

عدي…..ايه هو بقي

تقي….يعني جمايك كترت و شكلك عايز تكسر عيني و انا ميتكسرش عيني خد بالك

عدي….بضحك انتي هبله يا تقي ولا انتي مولوده بعيب خلقي في دماغك

تقي…..بضحك الاتنين ياعم انا بهزر معاك انا جيبت لبان و قولت احيبلك حاجه تتسلي فيها و اكيد بعني بتشرب ريد بول انا لولا اني راحه اعمل تحاليل كنت شربت معاك بس قولت اخلي عندي دم مش وقت الريد بول

عدي….بابتسامه ماشي يا ستي شكراً

تقي….افتحلك حاجه

عدي…..لا انا مش عايز

تقي…..طيب انت هتوجع دماغي ليه امسك حاجتك اهي حدفتهم وراء علي الكنبه تاخد لبان

عدي….لا شكراً مليش في اللبان هو انتي هتعملي تحاليل ايه بالظبط

تقي…..دم بس يعني هياخد منه عينه لكذا حاجه

عدي….انتي في العموم بتاكلي من بره كتير

تقي….اكتر واحده عكاكه ممكن تقابلها في حياتك

عدي….بضحك وايه الفخر في كده
قولي فاشله في الطبخ و اخلصي

تقي….بضحك لا ما دي حقيقه بس كده كده ماما اللي بتعمل لاني مش فاضيه لكن في العموم سبب العك اني علي طول في الشارع

عدي….فا بتعكي بقي

تقي….بعك ده انا العك جنبي ملاك

عدي….ايه بتحبي الاكل مش باين عليكي

تقي….بضحك لا ميغركش المنظر انا باكل تسعين مره في اليوم عادي

عدي…..يعني اللي هيتجوزك هيبيع كليته

تقي….بضحك والله اللي عايز يتجوز يعمل ميظانيه خاصه ليا

عدي…..طيب بتعكي ايه بقي او بتحبي ايه

تقي….بضحك لا هو انا بحب كل حاجه تتخيلها معادا حاجتين بس السمك و كملت بقرف و الارنب

عدي…..بضحك و مال وشك اتقلب كده ليه

تقي….اصلي مش متخيله ان في حد يقدر ياكل الارنب

عدي…..بضحك ليه طيب

تقي…..بقرف هو انت بتاكله

عدي….بضحك باكله و بنصطاده كمان و بنشويه في الصحراء اي خاجه بتتامل و خصوصا في الصحراء بناكلها

تقي….ااااااه ده شره القطه يا عدي

عدي….بضحك الله يقرفك طيب سيبك من الارانب السمك بتقرفي منه ليه حد يقرف منه

تقي….لا هو السمك مش لدرجه قرف بصراحه بس مش باكله غير كل سنه او اتنين مره و مش باكل اي نوع بس بحب الجمبري و بحب الفسيييخ

عدي….الله يقرررفففك قرفانه من الارانب و بتاكلي فسيخ عادي

تقي…..بضحك ده جميل

عدي….انتي تسكتي خالص ده كفايه ريحته اصلا اللي ياكل فسيخ المفروض ميقرفش من اي حاجه

تقي….بضحك من فضلك اتكلم عن الفسيخ بأسلوب احسن من كده

عدي…..بضحك ليه هو قريبك تصدقي انا غلطان اني جيتلك اصلا انا لو اعرف انك بتحبي الفسيخ مكنتش عبرتك بقولك ايه احنا هنرجع نقطع العلاقات بعد المشوار ده

تقي…..بضحك تاني طيب متبقاش ترجع تتصل عليا هو انت جيت معايا ليه صحيح

عدي…..فاضي و زهقان و عايش من امبارح في هدوء قولت اشوفك عشان اصدع شويه واتسلي

تقي….تتسلي قرطاس لب انا اهلا بيك في مقلة عرابي

عدي…..بضحك اهلا بيكي يا قرطاس انا انقذتك من العلقه بس انهارده هقول للدكتور يتوصي بيكي في الحقنه

تقي…..مش بخاف علي فكره سمعت اشعار علي موبايلها فتحته لقت زميلها حدوته باعتلها حاجه ابتسمت و بسرعه اتصلت عليه الووو

حدوته….قلبي

تقي…..واحشني جداً بقولك ايه دي تكنو بجد

حدوته…اه لسه شايفها قولت ابعتلك ايه نروح

تقي…..مش عارفه ابويا هيوافق ولا لا

حدوته….طب شوفي كده و عرفيني عشان نلحق نحجز قبل ما التكيت تخلص تمارا و ادهم قالولي احتمال يجوا

تقي….طيب اشطا هشوف كده و اعرفك و يلا اتكل علي الله مش فضيالك

حدوته…..تصدقي انا غلطان اني عبرتك

تقي….بضحك والله انت قلبي يلا باي

حدوته…..باي

بصلها عدي بفضول

عدي…..ايه ربنا كرمك و ارتبطتي

تقي….باعم انا لحقت ده حدوته

عدي….امممم وعايزك تروحي فين بقي عم حدوته

تقي…..دي حفلة تكنو في شرم

عدي….ليكي انتي في حفلات التكنو و الخبط و الرزع ده

تقي…..مش اي حفلات يعني

عدي…..و وليد بيوديكي يعني

تقي…علي حسب الغزاله بصراحه بس دي فيها سفر و بيات ممكن ميرضاش

عدي….احسن

تقي…..وانت مالك اصلاً

بصتلوا و بعدين بصت قدامها تلعب في الموبايل و بعدين عملت بلونه باللبانه فرقعت في وشها

بصلها عدي و فطس من الضحك

عدي…..عشان تطولي لسانك تانب انا اللي يجي عليا ميكسبش

تقي….بضحك حواااجبي

عدي…..بضحك احسن

فضلت تنضف في وشها و هي عماله تضحك معاه و بعد وقت مش طويل و صلوا معمل التحاليل سجلت بياناتها و جات عشان تدفع الفلوس وقفها مسكت ايده بهدوء

تقي…..اوعي تعمل كده والله العظيم حالا همشي و مش هعمل حاجه

عدي….عادي علي فكره

تقي….لا مش عادي حط فلوسك في جيبك

عدي….طيب يا ستي براحه انا اسف ادفعي سابها وراح قعد

تقي…..كملت البيانات و دفعت الفلوس و راحت قعدت جنبه و طلعت لبانه حطتها في بوئها

عدي….ايه خايفه من الجمايل متخافيش مش هقولك رديها

تقي….بابتسامه لا مش كده بس انا عشان اتعامل معاك براحتي بلاش ندخل الماديات بينا انا سيبتك تدفع حساب العزومه و قولت مش مهم لكن في حجات مينفعش

عدي….بايتسامه ماشي زي ما تحبي انتي هتدخلي امته

تقي….معرفش قالتلي خمس دقايق وانادي عليكي

عدي…..طيب تمام مسك الموبايل فضل يلعب فيه و فجأه سمع صوت فرقعه اللبان

ابتسمت تقي بصدمه مكانتش تعرف انها هتعمل صوت كده

بصلها عدي بهدوء و هو باصصلها بحده

تقي…..بضحك ايه هي اللي فرقعت

عدي….هاتي اللبانه

تقي….بضحك خلاص مش هفرقعها والله

عدي….بصوت هامس طب هاتيها

تقي…..خلاص والله لما ننزل هبقي ارميها

عدي….هاتي اللبانه

تقي…..بضحك لبانه ايه بلاش قرف

عدي…..هاتيها ملكيش دعوه

تقي…..خلاص والله معرفش انها هتعمل الصوت ده سرحت

عدي…..ضيق عينه طيب هاتيها

تقي…..امسك انت علقت و مليش دعوه بقي هي كانت في بوئي

مسكها في ايده و حطها بين صوابعه

عدي….متاكليش لبان في الشارع تاني ادام بتسرحي

تقي….بضحك علي فكره بقي احنا مش في الشارع

عدي…..طيب متبقيش مستفزه

تقي….بضحك فين الاستفزاز احنا في المعمل

بص قدامه و بعدين بص للموبايل بصت تقي علي اللبانه اللي بين صوابعه وابتسمت

تقي….هو انت هتفضل ماسكها كده

بصلها بنظره حاده

تقي…..بضحك الحق عليا هتلزق في ايدك و تبهدلك

عدي….ملكيش دعوه

تقي….احسن يارب تسيح

خرجت بنت من اللي شغالين نادت عليها.

البنت….انسه تقي

تقي….ايوه

البنت….اتفضلي

قامت تقي وقفت و وقف عدي و مشي وراها لمح باسكت رمي اللبانه و دخل معاها.

قعدت علي الكرسي و هو وقف قدامها.

قعد الدكتور جهز العينات ولزق عليهم الاستيكر بتاع العينات و بعدين طلع حزام

الدكتور …ارفعي الكم رفعت كم الچاكت و معرفتش ترفع باقي هدومها موصلتش لحد فوق

الدكتور …طيب احنا ممكن نشيل الچاكت لو ينفع

تقي….اوك

قامت وقفت بهدوء قلعت الچاكت و مدت ايدها بيه لعدي كانت لابسه بدي ابيض بكم من تحت و مبين بطنها شويه خصوصا لما قعدت ضهرها بان

حطلها الدكتور الحزام و بعدين قرب الحقنه

الدكتور…..خدي نفس

خدت نفس طويل و حطلها السن بتاع الابره سحب العينه و حطلها قطنه

الدكتور …اضغطي عليها لحظه

تقي….اوك

قرب منها بلاستر حطها علي الشكه نزلت الكم بهدوء

تقي…..كده خلاص

الدكتور….ايوه خلاص

تقي….طيب انا عندي بكره معاد للدكتور هتخلص امته

الدكتور…….الساعه تسعه الصبح العيانات هتكون موجوده تقدري تيجي تاخديها في اي وقت

تقي…..اوك ميرسي يادكتور

الدكتور….العفو الف سلامه عليكي

عدي…..قرب منها البسي

لبست الچاكت و قفلته فتح عدي الباب و خرجها وخرج وراها و نزلوا علي تحت.

تقي……ميرسي يا ابن اختي تعبتك

عدي…..بابتسامه علي ايه يا خالتي

تقي….بضحك ايه خالتي دي ليها حق ليله تضايق من كلمه عمتي لا خليها تقي احسن

عدي….ماشي يا ستي هتعملي ايه الوقت

تقي……ولا حاجه هروح

عدي….تحبي نروح نقعد في اي مكان

تقي…..لا خليك صريح كده معايا واعترف ان لا ليلك صحاب و لا ليك حبيبه ولا ليك اي حد

عدي….بضحك صح انا اصلا مكروه في المجتمع

تقي….المجتمع بيفهم والله

عدي…..طيب اركبي يا ام نص لسان

ركبت تقي و اول ما طلعت حطت الحزام و فتحت شنطتها طلعت اللبان مسك كفها بسرعه بصتلوا بهدوء سحب منها العلبه و بصلها

عدي…..مفيش لبان في الشارع

تقي…..العربيه كمان بقت شارع

عدي…..بره بيتكم متاكليش لبان كده حلو

تقي…..وانت مالك انت و بعدين هي اللي فرقعت

عدي…..فرقعت لوحدها صح يلا اخلصي هنروح نقعد في مكان ولا عايزه تروحي

تقي….اممم ماشي هروح بس هنروح فين

عدي….لا انتي اقعدي ساكته وانا هوديكي

تقي….ماشي طب شغل حاجه بقي

ابتسم عدي و شغل الكاست و طلعوا بالعربيه.

………..

عند ايه يومها كان طويل و مرهق نفسياً جداً لا قادره تشتغل ولا تركز قررت انها تقوم تمشي بس مكانتش عايزه تروح بدري سلمي قاعده من الشغل و اكيد هتتكلم معاها او تسألها حست انها محتاجه تحاول تعمل حاجه لو نفعت مش هتتردد لحظه و هتقوم تعملها فوراً مسك موبايلها….

وللحديث بقيه…..