لقاء كارثي
لقاء كارثي 51/52/53
لقاء كارثي
أميره أسامه
صاحبة البطل الواحد
.البارت الواحد و الخمسين .
…………………….
بعتلهم فضل ڤويس علي الشات و حكالهم اللي حصل و طلب منهم محدش يتصل علي عشري خالص.
ايمي….هو فين طيب يا فضل
فضل….والله يا ايمي ماعارف هو اخر مره كلمته كان في المقطم
عسال…..طيب انا هروحلو
فضل….بلاش يا عسال سيبه لوحده
عسال….اسيبه يعني هيفضل في الشارع بقاله يومين مروحش
فضل….طيب اعمل ايه طيب انا تعبت معاه
رشيد….عسال خليه مع نفسه شويه هو شويه و هيتعب و هيروح
عسال…يا ابني ده راجع علي عشره الصبح و من وقتها ومرتحش و عمال يلف
ايمي….خلاص سيبوا شويه كمان يا عسال اكيد مش هيبات في الشارع سيبه مع نفسه
عسال….تمام
الكل سكت و محدش بعت حاجه تاني ايه و سلمي و سلامه كانوا بيشوفوا و مش بيردوا نادين و نيعمه كمان مكانش عندهم حاجه يقولوها و طبعاً ليله كانت قافله موبايلها مش بتستقبل رسايل و حسان اللي كان مختفي خالص.
…………
عند ايه.
كانت قاعده في اوضه في حالة كآبه فظيعه من بعد اللي حصل و هي مش بتتكلم مع اي حد خالص و كلامها بسيط و حتي لو سلامه كلمها بتقول كلمتين و تقفل كانت بتنزل بدري علي شغلها و تفضل في المحل
و في البيت ساكته و هاديه و يادوب تاكل حاجه بسيطه و تدخل علي اوضتها.
مسكت موبايلها تبعت رساله تاني لليله بنبره حزينه جداً
ايه….ليله و حشتيني اوي مفتقداكي جداً و اليوم من غيرك وحش اوي انا عمري ما شكيت في حبي ليكي او للبنات بس والله يا ليله انا مكنتش اعرف اني بحبك اوي كده نزلت دموعها و بانت علي صوتها
انتي اجدع حد دخل حياتي يا ليله يمكن انا ربنا عوضني بناس جميله في حياتي بعد بابا و ماما و الحمد لله مفيش حد دخل حياتي الا و كان ربنا معوضني بيه بس انتي من الناس اللي كانت جدعه معايا بدون حدود احنا وحشين اوي من غيرك يا ليله فرقتي في حياة كل واحده فينا بجد و غيابك بالشكل ده و جعنا كلنا ووجعني انا كمان اوي
عارفه انا اوقات كتير بحس ان ماما و بابا واحشني اوي و نفسي أشوفهم. بس هتصدقيني اني حاسه اني مفتقداكي اكتر منهم اصلي انا مش فاكره يا ليله اللي عشته معاهم بس انا عشت معاكي انتي تفاصيل كتير و مواقف اكتر و النبي يا ليله متطوليش اكتر من كده انا خايفه تكوني بعدتي خالص اوعي يا ليله تعملي كده احنا مينفعش ننقص واحده و مينفعش متبقيش معانا حياتنا من غيرك مش هيبقي ليها طعم بحبك يا لولي اوي أرجعي بقي.
قفلت موبايلها و نامت علي المخده
……………
اليوم عدي ببطئ فظيع بس عدي و جه تالت يوم كان يوم الجمعه
الحاله العامه كانت عباره عن كآبه و حزن يوم بطئ اغلب الوقت فيه حزن و عياط و رسايل مش بتقف لليله و هي في دنيا تانيه مش معاهم ولا حد.فيهم عارف هي فين او حصلها ايه او عامله ايه.
و عشري مبقاش عارف يعمل ايه او يروح فين اختار اقرب مكان ليه من بعد ما رجع و فضل قاعد فيه كافيه خيال…
شويه يدخل و يقعد جوه و شويه يخرج يقعد في العربيه يغمض عينه بس عشان الصداع يخف لكن مفيش نوم من كتر ما قاوم النوم هرب منه
جسمه اللي متفردش علي سرير من يوم ثلاث ايام من كتر ما تعب مبقاش حاسس بيه رافض يروح و معندوش طاقه يشوف حد ملامحه متغيره مطفيه و عينه حمراء بطريقه بشعه و كل اللي بيشربه قهوه ريد بول عشان يفوق و سجاير و شاي مش حاسس انه جعان نفسه مسدوده بشكل مش طبيعي و مبقاش قدامه غير انه كل شويه يبعتلها رساله ڤديو يكلمها فيه عايز يحسس نفسه بأي شكل انها معاه
شويه يتكلم معاها بهدوء و شويه بحزن فظيع و شويه بعصبيه و شويه يهددها انه هيقتلها و شويه يحكيلها عمل ايه في يومه من غيرها كان حاسس انه خلاص بيتجنن اليوم كان بيجري و الساعه بقت سبعه و تالت يوم بيروح واحده واحده فتح ڤديو جديد و بعتلها.
عشري…..اقولك علي حاجه تريحك
هروبك من اي حاجه بتوجعك مش حل لانك هتفضلي تعبانه عشان تخفي بجد يا ليله لازم تواجههي مش هتهربي ارجعي و اتوجعي و انتي معايا عشان تخفي بسرعه طلعي وجعك عليا هترتاحي صدقيني بس طول ما انتي هربانه بوجعك مش هتخفي ابداً خدي حقك يا ليله تعالي يا قلبي و خدي حقك بأيدك…
انا قولتلك اني تعبت و بموت و حاسس ان قلبي بيقف و هتجنن بس لحد الوقت ملاقتش وصف للي جوايا بس انا بيتهيألي قدرت اوصل لاقرب تشبيه يحسسك انا عامل ازاي من غيرك.
انا عامل زي جثه مرميه علي سرير لشويه طلبه أغبيه بيتعلموا فيها فن التشريح لا هما عارفين يتعلموا كويس ولا انا قادر اتكلم واقولهم ارحموني
وانتي عامله زي الطلبه الاغبيه دول سيباني بموت لا قادره تاخدي حقك و لا انا قادر اقولك ارحميني و ارجعي تعبت يا ليله تعبت ثلاث ايام نايم في الشارع لا طاقه ولا مجهود و لا راحه طب قوليلي هتاخدي وقت قد ايه حتي عشان اعمل حسابي ده اللي بيبقي هيموت خلاص بيتقاله قدامك قد ايه عشان يلحق يعمل حجات كتير قوليلي يا ليله قدامك قد ايه و ترجعي عشان اعمل حسابي لحجات كتير اوي
طيب لو مش هترجعي عشاني ارجعي عشان اخواتك عشان البنات عشان ايمي اللي فرحتها ضاعت انا ذنبي بقي كبير اوي يا ليله وجع كل واحد فيهم بيحبك انا شايل ذنبه و وجعك انتي لوحده في كفه لوحده كفايه كده كفايه ارجوكي .
قفل الموبايل و سابعه و كان حاسس ببرد فظيع قفل الشبابيك و غمض عينه يمكن ينام شويه خلاص لو فضل اكتر من كده خلايا عقله هتتجنن.
…………….
في المحل عند ايه
دخل سلامه بهدوء مكانش شايفها.
مشي لاخر المحل لقاها واقفه و ضهرها ليه ماسكه بأيدها الاتنين في البانيو و منزله راسها و سايبه الكلب في البانيو .
سلامه….بهدوء ايه
رفعت راسها بهدوء و عدلت وقفتها و مسحت دموعها و بعدين بصتلوا
سلامه…..انتي كويسه ؟ واقفه كده ليه تعبانه
ايه…ااااا لا انا بس مش عارفه اعمل ايه للكلب
سلامه….بص علي الكلب ورجع بصلها ليه سيباه كده هيبرد حرام
ايه….بدموع سلامه انا مش عارفه اركز ولا اشتغل و كل ما احاول اكلم حد من البنات الاقيهم بيعيطوا و انا تعبت احنا مفتقدين ليله اوي يا سلامه
سلامه….بنظره حزن قرب منها وضمها لحضنه طب كفايه عياط ايه ليله بخير محصلهاش حاجه لده كله ايه التشاؤم اللي انتوا فيه ده هي بس محتاجه تبقي لوحدها
ايه….بعدت عنه مش تشاؤم ده قلق و خوف تقدر تقول اننا اتعودنا علي ليله قويه و واقفه علي رجلها و ديما بتقاوح كملت بابتسامه وهي دموعها نازله.
لما كان يحصلها موقف جامد كنت ابصلها واقولها ليله انتي مش بتتأثري زينا ليه تضحك و تقولي جمله مشهوره ديماً كانت تقولها انا كده حرب نفسيه و صراعات داخليه و مظهر ثابت و تاخد كل حاجه بضحك بس اول مره افهم معني الجمله دي ليله عملت زي البلونه اللي فصلت تتنفخ بحرب نفسيه و بصراعات داخليه و ذكريات وحشه
و انفجرت كان لازم نفهم يوم ماروحنا نبارك لايمي ان ليله مش بخير كان لازم نفهم انها لما اتخلت عن المظهر الثابت لبست اسود من غير ميك اب من غير اهتمام ملامح كلها وجع انها مش تعبانه جسدياً زي ما قالت ليله كانت منهاره نفسياً انا واثقه ان اللي حصل من عشري وجعها و اللي سمعتوا من مريم كسرها بس كمان هي كانت مش حلوه من جوه و مش هقولك انها كانت مستنيه تنفجر او بتتلكك عشان تنهار ليله كانت مستعده تعيش كل الوجع ده جواها و تردم عليه كمان لان عشري ظهر في حياتها و عوضها بس كسره ليله و وجعها كان عشان هي متوقعتش ده منه هو بالذات هي فضلت متحمله لحد ما تلاقي الشخص اللي يجي و يعوضها و تقول انا راضيه خلاص عن اي حاجه حصلت قبل كده بس بعد اللي حصل انهارت و جابت قديم علي جديد.
سلامه….بتنهيده انتي صح الكتمان صعب و بيوجع و حتي لما بيجيلك لحظه تنفجري مهما انفجرتي بتحسي انك مش مرتاحه بس صدقيني يا ايه مش حابب ادافع عن عشري قدامك بس هو بجد بيحبها
ايه…..عارفه يا سلامه انه بيحبها و علي فكره انا مش زعلانه من عشري خالص و قولتها كتير اللي بينه وبينها يخصهم هما بس بس انا مضايقه انها بعيد و مختفيه ليله عمرها ما سابت اي حد فينا يا سلامه في اي موقف حلو وحش ديماً موجوده و ديماً جدعه و ليها معايا انا شخصياً مواقف متتنسيش
كان لازم تفضل موجوده وسطنا يا سلامه كان لازم نشاركها وجعها و نحضنها و نطبطب عليها و نردلها ولو جزء بسيط من اي حاجه عملتها معانا كان لازم تعرف انها لما وقعت لقت اللي بيحبوها جنبها صدقني لو ليله كانت فضلت معانا كانت بسرعه هترتاح لانها كانت حتاخد من طاقه حبنا ليها و خوفنا عليها اي بني ادم في الدنيا لما بيقع و بيلاقي حد جنبه واقف معاه من قلبه بيقدر يقف بسرعه و عشان كده انا خايفه عليها هي متخيله انها لما تبعد و تهرب و تبقي لوحدها هتخف و هتقوم و ترجع اقوي بالعكس مش ديماً الوحده والهروب وقت الوجع بيزيدنا قوه ده بيضعف اوي يا سلامه وبياخد من الروح من غير ما نحس
عارف يا سلامه اوقات بسأل نفسي ليه مش بحس اني زعلانه الزعل الكبير بتاع اي بنت مات ابوها وامها يمكن فكراهم و اه كنت صغيره و اكيد مشاعري وقتها مش زي لو سابوني الوقت يمكن مش فاكره مواقف كتير بينا بحبهم و كل حاجه و بدعيلهم و بيوحشوني بس جوايا رضا غريب احياناً بيخيلني اسأل نفسي السؤال ده ليه مش زعلانه
بس اكتشفت اني مش زعلانه لان ربنا لما خدهم مني عوضني بسرعه بعيله عوضني بي بابا اللي اوقات بنسي انه جوز خالتي عوضني بسلمي و تامر اخوات وصحاب و ولاد خاله اتخطيت وجع فراق امي و ابويا لانهم كانوا جنبي
بس لو مكنتش لاقيتهم جنبي كنت هفضل موجوعه عشان كده ليله مكانش لازم لما تقع تهرب و تفكر انها كده هتتخطي انا جربت وجع كتير يا سلامه بس كل مره كنت بقدر اتخطي بسرعه وجود اهلي و وجود البنات كان ديماً بيقويني فاهمني
سلامه….فاهمك بس يمكن عشان ليله اتعودت تبان قويه مش قادره تظره ضعفها ده قدامكم مش قادره تظهره لعشري ليله حبت عشري اوي بس كمان عندها عزة نفس رهيبه يمكن مش حابه تبان قدامه مكسوره عايزه تبعد و تتعافي عشان ترجع اقوي قدامه
ايه….تبقي مثل علي نفسها قبله يا سلامه لان زي ما قولت ليله بتحبه بجد و مهما حاولت تخبي عينها و تصرفاتها هتفضحها
سلامه…..اكيد و هو عارف كويس انها لما ترجع هتحاول تثبتله انه مش فارق معاها
ايه….أقولك علي سر و بكره هتقول اني معايا حق
سلامه….قولي يا قلبي
ايه….ليله هتتنازل عن مبدأها لاول مره في موضوع الكدب و الخيانه و هتسامح عشري لانها مش هتقدر تبعد عنه
سلامه….بابتسامه هاديه عارف بس عشري مخانهاش
ايه…..بس هي شايفه انه خانها شابفه انه لما كان معاها كان لابس دبله غيرها و دي وجعاها و شارفه انها خيانه بس مع الوقت اكيد هتفهم و هتسامحه
سلامه….بس قوليلي بقي ايه العقل ده كله
ايه….مش عقل ولا حاجه بس دي الحقيقه سلامه ليله وحشتني اوي و خايفه تتعب و هي لوحدها
سلامه…..هترجع و هتبقي زي الفل و مش هتتعب لان ليله قويه ليله لو هتتعب في اي وقت فات مش هتتعب المرادي لانها هتحاول تثبت لعشري انها من غيره احسن بكتير
ايه…..بتنهيده ياريت تعمل كده حتي لو بتمثل انها احسن بس انا اشك المرادي بالذات ليله قويه يمكن بس الاكيد انها من بعد ما عرفت عشري و بقت ضعيفه و سلمت ليه قلبها و عقلها و بقت تاخد قوتها منه هو و هو الوقت مش معاها و اكيد هي ضعيفه
سلامه….متقوليش كده هتبقي بخير اطمني بابا كلمني علي فكره وقالؤ انك مش كويسه خالص ممكن بقي تشوفب الاستاذ ده و تخلصيه و تيجي معايا
ايه…مش قادره يا سلامه اروح في اي مكان لا عندي نفس ولا ليا طاقه
طيب هنتمشي بالعربيه او نروح نقعد في مكان هادي نغير جو شويه ممكن
ايه….بتنهيده طيب خليني اخلص الكلب ده و نص ساعه بس يكون صاحبه جه خده
سلامه….ماشي يا ستي يلا
…………….
خرجت ايمي من المطبخ و هي معاها شاي لرشيد كان قاعد رشيد حاطت ايده الاثنين علي دماغه
ايمي…..رشيد الشاي
رشيد…تسلم ايدك يا حبيبي
قعدت بهدوء جنبه و ولعت سيجاره
ايمي….ايه مالك انت مصدع
رشيد….شويه مضايق اوي عشان عشري يا ايمي حالته وحشه اخواته بيكلموني كل شويه عشان اقنعه و انا اصلا مش عارف اوصل ليه فضل بيقول راح الكافيه مش موجود هناك
ايمي….طب امال راح فين
رشيد…معرفش اختفي هو كمان و التاني ده كمان مختفي و مبيردش انا معرفش ايه اللي بيحصل معانا ده
ايمي….تقصد حسان؟
رشيد….اه
ايمي…حسان مختفي اصلاً من نفس اليوم روحنا مع بعض عند اهل ليله بعدها مظهرش
رشيد….معرفس فيه ايه هو رد عليا تاني يوم عادي و بعدها اتسحلنا بكلموا من امبارح مش بيرد
ايمي….طيب ما تقوم تشوفوا يمكن في حاجه معاه
رشيد….انا كنت بفكر اشرب الشاي و اروح و ابص عليه انا اصلاً مخنوق و مش طايق الهدوم اللي عليا و معنديش طاقه اشيل هم الكل
ايمي…ايه مش انت الكبير اجمد كده هو اكيد زعلان من سلمي و من اللي حاصل
رشيد….صح سلمي ما تتصلي بيها كده يمكن تعرف عنه حاجه او كلمها
مسكت ابمي موبايلها و اتصلت عليها.
سلمي….بهدوء ايوه يا ايمي
ايمي…عامله ايه ؟
سلمي….بخير الحمد لله
ايمي….انتي في العياده ولا ايه
سلمي….عيادة ايه انهارده الجمعه يا ايمي اجازه
ايمي…اه صح الايام بقت شبه بعض و مش مركزه المهم انتي بتكلمي حسان
سكتت سلمي ثواني
سلمي….لا
ايمي…يعني ايه لا
سلمي…عادي يا ايمي هو عامل فيها زعلان و انا بصراحه مش هتكلم لان المفروض انا اللي ازعل مش هو
ايمي….تاني يا سلمي انتي بجد ايه اللي جرالك اتعديتي من نعيمه دي نعيمه نفسها ربنا هداها و سكتت هنعيده تاني ما قولنا هما ملهمش ذنب و انا قولتلكم اللي فيكم هيزعل حد فيهم و يبوظ حياته انا مش هتكلم معاه تاني
سلمي….يا ايمي هو اللي زعلان
ايمي….سلمي حسان مختفي من اخر يوم كنا فيه عند اهل ليله لا بيرد علي تليفونات ولا ظاهر طيب هو زعلان اتصلي انتي عليه طيب متصلش يشوفك فين بتعملي ايه نزلتي ولا لا كلميه عاتبيه انما تعملي انتي كمان زيه
سلمي…يعني ايه محتفي ؟
ايمي….زي ما سمعتي لو كنتي علي تواصل معاه كان زمانك عرفتي اي حاجه
سلمي….هو لما مشينا من عند اميمه وصلني انا وايه و هو سلامه مشيوا ورانا و حتي بابا اتصل عليه قاله يطلع
ايمي….ليه ؟
سلمي… مفيش شافني انا وايه في الحاله دي فكان عايز يفهم في ايه و طلعوا و حسان حكاله و بس
ايمي….اه طيب و مشي من عندكم و كله تمام و لا ابوكي زعلوا
سلمي….لا بالعكس بابا زعلني انا و قال انه ملهوش علاقه لا هو ولا اي حد فيهم
ايمي….لا استني ابوكي زعلك ليه ؟ عملتي ايه يا سلمي
سلمي…معملتش
ايمي….امال زعلك ليه يعني شايف ان هما ملهمش ذنب و اتتي اللي ليكي ذنب اكيد ابوكي مش مختل عقلياً هببتي ايه
سلمي…..يا ايمي معملتش هو استفزني بالكلام و فضل يقول ان عشري مش غلطان و ان محدش فيهم غلط قوتلله انت كداب زي عشري
ايمي…..اممممممم قدام ابوكي و اخوكي وسلامه صح طب بصي يا سلمي انا هقفل معاكي الوقت و قسماً بالله و غلاوة ليله اللي واجعه قلبنا كلنا لو ما اتصلتي بيه الوقت و اطمنتي عليه لا هتكلم معاكي ولا هسأل فيكي بعد كده انتي فاهمه
سلمي….ايمي انا مش هتكلم معاه هو اللي مزعلني مش انا
ايمي…سلمي انا قولت اللي عندي لو عايزه تخسريني اعملي اللي يريحك وانتي عارفه اني مش بهددك انا هنفذ يا سلمي
سلمي….بدموع يا ايمي هو مش حاسس انه غلط و كمان بيعاقبني علي رد فعلي بعدم سؤاله و هو عارف كويس اني اكتر حاجه بضايق منها الاهمال و انا حكيتلوا اللي حصل معايا قبل كده و بردوا بيعمل نفس الحاجه
ايمي….سلميييييي اوعي تقارني ده بده هو مش مهمل هو راجل و زعل من طريقتك قدام الكل و حقه لانك غلطتي و بعدين احنا خلصنا الموقف يومها و اعتذرتي رجعتي تاني ليه فتحتيه و ضايقتيه بكلامك
سلمي…..عشان مضايقه علي ليله يا ايمي
ايمي….ومين فينا مش مضايق عليها يا سلمي بس ليله مس هتسقف لاي واحده فيكم لما ترجع وتلاقي حياتكم بايظه و خربانه ليله مش معانا و مش مركزه اصلا باللي بيحصل حواليها هي لو رجعت و عرفت الهبل ده كله اول واحده هتعترض و تقف في وشك انتي واي حد من البنات بيعمل كده فا نعقل و نتصرف صح عشان اللي بيحصل ده ميرضيش ربنا وقفت و هي بتتكلم بغضب انا علي اخري يا سلميي تعبت خلاااااص عماله اسكت في كل واحده فيكم شويه عماله اراضي في الشباب و شايله همكم و مضايقه علي وجعكم و في نفس الوقت محدش حاسس بيا هموت عشان ليله وقلبي واجعني علي الراجل اللي مرمي في الشارع بقاله تلات ايام ده
و الوقت بفكر في حسان يا تري ماله و محدش فيكم فكر اني علي اخري و متحمله فوق طاقتي سلمي انا بقالي اربع ايام متجوزه يا سلمي فاهمه يعني ايه يعني ملحقتش افرح ارحموني شويه من فضلكم
قفلت في وشها و فجأه لقت نفسها في حضن رشيد اللي قام بلهفه لما لقاها متعصبه بالشكل ده.
رشيد…شششش اهدي
ايمي….بدموع تعبانه والله يا رشيد اوي حاسه بخنقه فظيعه مفيش في ايدي حاجه اعملها اليوم مش بيعدي ولا بيخلص تقييييييل اوي الجو كله خنقه ونكد بدأت اقلق بجد علي ليله
كل شويه اقول هترجع ليله انا عارفه ان هي قويه و محتاجه بس تقعد شويه مع نفسها بس انا عقلي مش ساكت لما كلنا واصلين للحاله دي واحنا مع بعض طيب هي فيها ايه وهي لوحدها لو شوفتها هيديها ميت جزمه علي الي عملته فيا ده بس كمان عذراها
رشيد….عشان خاطري اهدي والله العظيم هي بخير و كويسه و بعدين اجمدي مش كنتب لسه بتقوليلي انت الكبير اجمد
ايمي….انا بقولك الحاجه اللي عايزه اسمعها حاسه اني فاضلي تكه بسيطه و لا هعرف اقف علي رجلي ولا هقدر اقف مع اي حد ليله كانت بتقويني يا رشيد انا وهي اللي كنا في ضهر البنات ديماً طول ما هي موجوده و واقفه بطمن و اقول ليله قدها ولو انا بدالها هي كمان بتطمن
مينفعش واحده فينا احنا تقع لان التانيه مش هتلاقي اللي يسندها و لا هتعرف تكون سند للبنات احنا بنكمل بعض يا رشيد صدقني احنا السته كل واحد فينا ليه ميزه و ليه بصمه خاصه في حياه الباقي.
كل واحد فينا ليه دور لو واحده مننا وقعت هينقص مننا حاجه و ليله وقعت وانا بقاوم بس محدش فيهم مساعدني
رشيد….طيب اهدي انا فاهمك و حاسس بيكي و كنت عارف انك هتوصلي للمرحله دي بصي عيطي خرجي اللي جواكي عشان تبقي احسن و ترجعي تاني قويه
ايمي….اميمه مقطعه قلبي هي و قمر يا رشيد كل شويه يكلموني يسألوا عنها وانا مش عارفه اقولهم ايه شايله همهم هما كمان و عذرت عشري بصراحه في انفجاره في فضل الكل بيتصل و يسألوا ما هو لو عارف حاجه كان ارتاح علي فكره انك تعمل سبوت علي شخص واحد و الكل يبقي شايفه طوق نجاه و يفضل كل شويه يتصل و يكلموا و يطلب منه انه يطمنوا دي حاجه مزعجه اوي بتقي حاطت وجعك و خوفك و حزنك في كفه و الكفه التانيه عماله تزيد عليك من كل اللي حواليك
رشيد….عارف يا عمري و حسيت بيكي لان انا كمان بدأت اتحط في نفس الدايره دي اخوات عشري بيتصلوا و انا هموت عشان عشري و بدأت اخاف علي ليله و اختفاء حسان وترني لان انا عارف حسان كويس مهما زعل من سلمي كان لازم يظهر و يبقي ليه دور مع عشري او حتي يتصل يسأل لقيتوا ليله ولا لا طيب محتاجين مساعده ولا لا و هو معملش كده و بصراحه خايف عليه
ايمي…..بهدوء مسحت دموعها طيب و مستني ايه انت كمان انا ناقصه قلق تعالي نروح نشوفوا يمكن عنده مشكله او بنته تعبانه ولا في حاجه
رشيد….طيب تمام اطلعي البسي يلا ولا اقولك خليكي انا هروح اطمن و اجي
ايمي….لا البيت هيخنقني لو فضلت قاعده فيه بالحاله دي خدني معاك و بعدين تعالي نروح المقطم نشوف الغبي اللي هناك ده كمان
رشيد…بابتسامه حب ماشي يا قلبي يلا
طلعوا لبسوا و بعدين نزلوا قفل رشيد البيت و ركبوا العربيه و راحوا علي حسان كان البيت قريب منهم اوي
رشيد….عربيته واقفه اهو اكيد جوه
ايمي….طيب يلا انزل خلينا نشوفوا هو كمان.
نزلوا و راح رشيد خبط علي الباب مكانش في صوت ولا حركه
فضل يخبط كتير مكانش في اي رد
ايمي….طيب يمكن مش جوه او بيجيب حاجه
رشيد….بتوتر حسان مش بيتحرك من غير عربيته
ايمي….طب اتصل كده عليه
اتصل رشيد و قرب ودنه من الباب و هو مغمض
رشيد….ايمي انا حاسس اني سامع صوت موبايله
ايمي….يمكن نايم
رشيد….مستحيل يبقي نايم بالشكل ده مش سامع الموبايل و الخبط ده كله
ايمي…..طيب انت مش معاك مفتاح البيت انت مش كنت قاعد معاه
رشيد….سيبته طبعاً و ادتهوله
ايمي….طيب اكسر الباب
بصاها رشيد وسكت
ايمي….ايه بتبصلي كده ليه اكسره طبعً لا يكون في حاجه
رشيد….طيب ابعدي شويه
بعدت ايمي و وقفت وراه فضل رشيد يخبط الباب بكتفه بكل قوه بس الباب مكانش بيتفتح حاول كتير لكن كان تقيل
ايمي…..ايه
رشيد…مش بيتكسر محتاج حاجه اكسره بيها
ايمي….مفيش اي حد من الشباب معاه مفتاح
رشيد….اكيد لا ولو معاهم هنستني كل ده
في اللحظه دي شافوا عربيه بتركن قدامهم لقوا عسال
ايمي….ده ميدو جه
رشيد….ميدوووووو
نزل عسال و قرب منهم
عسال……انتوا هنا
رشيد…..حسان جوه و موبايله بيرن و عربيته بره مش بيرد بحاول اكسر الباب مش عارف
عسال…..بتوتر انا كمان جيت اشوفه مختفي ليه طيب ايه مش معام مفتاح
رشيد….لا مش معايا انا ادتهوله اخر يوم قبل ما امشي
عسال…متعرفس طيب حد.هنا بتاع مفاتيح
رشيد…ااااا لا انا مش مجمع الوقت
عسال….طيب وسع كده
رشيد….مش هتعرف الباب تقيل اوي
حاول عسال مرتين كان مستحيل يتفتح
عسال……طب تعالي معايا لحظه
رشيد….هتعمل ايه ؟
عسال…..هكسر اي شباك و ادخل مفيش غير الحل ده
راحوا وراه علي الجنب
ايمي…..اتكعبلت ااااه
رشيد…براحه خلي بالك
ايمي….تمام تمام مفيش حاجه ميدو خلي بالك لا تتعور
عسال….متقلقيش بص في الارض و لقي علي جنب حجاره عامله شكل خلو وسط الجنينه خد واحده و بصلهم ابعدوا بعيد شويه
رييد….طيب خلي بالك تعالي يا ايمي هنا
ايمي….ميدو خلي بالك علي وشك
عسال….متخافيش يلا ابعدوا
اول ما بعدوا بعد عسال لوراء شويه و حدفها علي الشباك اتكسر
قربوا تاني بهدوء كان الشباك عالي شويه قرب منه رشيد
رشيد….تعالي يلا اطلع انت اخف
عسال….استني اشوف كرسي ولا سلم انا لابس الكوتش
رشيد….ياعم اخلص بقي
حط عسال رجله علي ايد رشيد و رفعوا رشيد لفوق حاول يدخل ايده من وسط الزجاج عشان يفتح
ايمي….يا ميدو براحه و النبي الازاز هيعورك
فتح ميدو الشباك و وقع ازاز كتير بره و جوه البيت
ايمي….حاسب يا رشيد
رشيد….متخافيش
نضف عسال حوالين الشباك عشان يسند ايده و ينط جوه و بعدين نط
رشيد….روح افتح يلا بسرعه
راحوا علي الباب و هما رايحين سمعوا صوت عسال.
عسال…..حساااان ولا يا حسااان فيك ايه رشيد
ايمي وقفت مصدومه
رشيد….بغضب افتتتتتتتح
جري ميدو بسرعه و راح فتح و دخلوا جري ورا عسال لقوا حسان واقع علي الارض و وشه اصفر
و جسمه متلج حرفياً
رشيد….حسااااان ولا يا حسان
قرب بسرعه عسال رش علي وشه ميه و قفت ايمي مصدومه و لمحت شرايط برشام كتير و في من ضمن الشرايط فاضي.
ايمي….حسان لالا حسااااان رشيد هو انتحر
بصوا الاتنين عليها لقوا في ايدها شرايط فاضيه بصوا بصدمه
ايمي….ايوه يعني ايه ؟ طب ليه اصلاً ؟ يعني ايه انتحر
رشيد…بصدمه يعني ايه صحيح
مسكت ايمي راسها و وقعت علي الارض.
عسال….ايميييييي الحق مراتك يا رشيد
رشيد كان في حالة ذهول قاعد علي الارض ماسك حسان و عينه علي ايمي دقيقه غاب عقله حرفياً وحس انه في كابوس كان محتاج يفهم
عسال……يا رشيييييييد
بصلوا رشيد و ساب حسان و قرب بسرعه من ايمي رفع راسها علي رجله اغم عليها بس مغابتش غياب كلي عن الوعي هي جسمها ساب و مقدرتش تمسك نفسها
عسال….حسان قوم يا صاحبي والنبي قوم عملت ايه في نفسك طب ليه والنبي قوم كان عمال يغسل في وشه و يضمه شويه و يخبط علي وشه شويه قام وقف عايز يشيله بس كان تقيل عليه
عسال….رشيد تعالي سااااااعدني يا رشييييد
رشيد مكانش معاه خالص و مش عارف يبقي معاه
ساب عسال حسان تاني و جري علي رشيد
عسال….ايمي ايمي قومي والنبي
فتحت ايمي عينها ببطيئ فظيع و رجعت غمضت خدها عسال من ايده و شالها حطها علي الكنبه و مسك كوبايه المايه حدفها في وش رشيد
بصلوا رشيد بسرعه
عسال…….فوق يا غبي مش وقتتتتتك
بص بسرعه علي ايمي لقاها وراه و حسان في الارض
عسال……براحه عايش عاااايش الحمد لله رشيد حسان عايش والله قوم والنبي بسررررررعه
مسك موبايله اتصل علي سلامه و هو مرعوب.
سلامه….ايوه يا عسال.
عسال…..سلامه تعالي بسرعه علي بيت حسان
سلامه….في ايه
عسال……حسان مغم عليه و واخد برشام كتير و معايا رشيد وايمي و الاتنين حالتهم وحشه الحقني بسرعه كلم فضل اخلللللص
قفل سلامه و طار بالعربيه و ايه مكانتش فاهمه حاجه منه و اتصلت بسرعه علي سلمي تعرفها.
حاول رشيد يقوم و يبدأ يستوعب
عسال…..شيله معايا خلينا ندخله جوه عالسرير
رشيد….سرير ايه خلينا نوديه المستشفي طيب
عسال…..اجري هات دكتور بسرررعه لا لا انت صح شيلوا معايا خلينا نخرجه علي العربيه بسرعه
شالوا رشيد منه كانت رجله مهزوزه مش قادر يقف علي رجله ساعده عسال و سحب المفتاح من الباب و جري بسرعه سبقه و راح فتح عربيته
عسال….تعالي حطه هنا بسرعه و اجري هات ايمي
رشيد…طيب استناني متتحركش في هنا مستشفي قريبه
عسال…..طيب بسرعه والنبي يا رشيد
جري رشيد علي جوه شال ايمي و خرج بيها بسرعه ركبها طلع عسال بسرعه من قدامه جري رشيد ركب و لحقوا.
رشيد…خليك ورايا يا عسال
بص علي ايمي و حط ايده علي وشها
رشيد…ايمي ايمي قومي والنبي ايمي حسان كويس ايميييييي
فتحت عينها و هي عمال تقاوم و تفتح و تقفل في عينها
رشيد….بضعف و النبي يا ايمي قومي حسان بخير والله عايش و كويس
فتحت تاني و بدأت تسمعه
رشيد….ايمي حسان كويس هنروح بس نوديه المستشفي هاااا قومي بقي قومي والنبي انا مش عارف اتصرف ايمي مش قادر اقف علي رجلي والله.
فتحت بضعف و مسكت راسها و بعدين بصتلوا و هي في حالة ذهول
ايمي….عايش
رشيد….اه والله عايش مع عسال اهو هنرزح بس نوديه المستشفي و نطمن عليكي كمان انتب حاسه بايه هاااا
ايمي….حسان عايش بجد
رشيد….والله عايش بخير فوقي ها خليكي معايا
عشر دقايق و وصلوا علي المستشفي نزل بسرعه عسال وراح علي حسان
رشيد…ايمي خليكي لحظه هدخلوا مع عسال و هجيلك
ايمي….فتحت الباب انا كويسه
رشيد….ايمي استني هتدوخي تاني
جري بسرعه رشيد و شاله من عسال
رشيد….عسال اقفل العربيه و امسك ايمي.
جري عسال قفل عربيته و راح مسك ايمي بسرعه و دخلوا وراء رشيد
عسال….انتي كويسه
ايمي….اه اه هو كويس صح
عسال….اه بخير والله
خدوا الممرضين من رشيد حسان و دخلوا بسرعه يكشفوا عليه و هو فضل معاه و ايمي و عسال فضلوا بره.
عسال….ايمي اقعدي هنا هروح ابص عليه ماشي ولا افضل معاكي
ايمي….بدموع روح يا عسال انا كويسه
عسال….جايلك بسرعه ماشي
ايمي…..ماشي
الدكتور جوه معاهم.
الدكتور…..ايه اللي حصل بالظبط
رشيد….محدش يعرف هو كان لوحده و دخلنا عليه كان مغم عليه و واقع
عسال….طلع من جيبه شرايط البرشام كانوا ثلاثه هو الشرايط دي كانت جنبه و خلصانه غالباً خدها
الدكتور…بص عليهم دي اغلبها مسكنات بس قويه هو كان في حاجه مضيقاه يعني اقصد كان عنده فكرة الانتحار
عسال….بصدمه انتحار ايه اكيد لا هو اه في حاجه مضيقاه بس تخص واحد صاحبنا عنده مشكله بس مش لدرجه الانتحار
الدكتور…..طيب هو محدش كان معاه يعني يعرف كان تعبان في حاجه
رشيد…هو عايش لوحده ولما مردش روحت اشوفه و لاقيته كده
الدكتور…..الضغط واطي اوي النبض كويس الحمد لله هنعملوا غسيل معده و نركبلوا محاليل و هنعمل شويه تحاليل لان كميه المسكنات كتير اوي
عسال….دكتور بالله عليك هيبقي كويس صح
الدكتور….متقلقش كويس انكم لحقتوا
سحب الدكتور منه عينه دم و فضلوا واقفين يتابعوا الدكتور بيعمل ايه.
عسال……رشيد اخرج اطمن علي ايمي انا واقف معاه
رشيد…طيب راجعلك
خرج لقاها قاعده دموعها نازله و ساكته
رشيد….ايمي انتي كويسه
هزت راسها بضعف
رشيد…طيب قومي معايا نشوف دكتور يكشف عليكي
ايمي….مسحت دموعها رشيد انا كويسه غالباً ضغطي وطي المهم حسان
رشيد…حسان كويس قومي خليني اطمن عليكي يلا
قومها و راحوا علي نفس الاوضه بصت علي حسان و طلب رشيد من دكتور تاني يطمن عليها.
كشف عليها و قاس ضغطها كان واطي اوي
الدكتور….انتي مريضه ضغط اصلاً
ايمي….لا بس انا غالباً ضغطي بيوطي لما بتوتر
الدكتور….طيب بتاخدي حاجه
ايمي….لا يعني شويه و ببقي كويسه و خلاص مش بيوطي لدرجه اني اخد حاجه
الدكتور ….طيب هناخد الوقتزحقنه تظبط الضغط و شويه كده و نقيس تاني لو ظبط خلاص و هكتبلك علي حبوب ضغط كده تاخديها عند اللزوم و ترتاحي شويه
ايمي…..تمام
رشيد….طيب مش محتاجه اي
حاجه تاني يا دكتور
الدكتور …لا هي بخير متقلقش توتر مش اكتر الف سلامه عليكي
ايمي….ميرسي يا دكتور
راحت مع الممرضه خدت الحقنه و رجعت تاني خدها رشيد و قعدها بره
و شويه بسيطه و خرج عسال
رشيد…ايه خرجت ليه
عسال…..هيعمل غسيل معده و الدكتور طلب مني استني معاكم
ايمي….طيب مافاقش لسه
عسال…..لسه خير ان شاء الله
رشيد….طيب تعالي اقعد ارتاح شويه
عسال….انا تمام.
فات نص ساعه و صل سلامه و ايه و وصلت سلمي و احمد كانوا داخلين مصدومين و صدمه سلمي كانت جيالها بسكوت
احمد….في ايه يا ولاد ماله حسان
سلامه….حسان جراله ايه يا رشيد
رشيد…متقلقوش هو جوه مع الدكتور بيعمل غسيل معده و خدوا منه عينه دم
سلامه….غسيل معده يعني ايه
رشيد….معرفش يا سلامه معرفش واخد كميه برشام كتيره و مغم عليه لسه مافاقش و محدش فينا فاهم حاجه
ايه….يعني ايه انتحر ؟
احمد…..انتحر ايه يابنتي اكيد في حاجه طيب هو محدش فيكم عارف اي حاجه
رشيد….والله ما نعرف اي حاجه خالص يا عمي احنا مستنينه يفوق و نفهم حصل معاه ايه
سلامه….طيب حد فيكن قال لابوه او امه
رشيد….لا طبعاً بلاش نقلقهم حرام خلينا الاول نطمن عليه.
احمد….خير ان شاء الله ربنا يجيب العواقب سليمه.
بصت ايمي بغضب لسلمي و سكتت
سلمي بصتلها و بسرعه بعدت عنيها و مقدرتش تنطق كانت مرعوبه عليه و خايفه و مش فاهمه اي حاجه و زعلانه من نفسها انها متصلتش عليه و لا عرفت بيحصل ايه معاه.
نادين عرفت من ميدو اللي حصل قالت لنعيمه و راحوا مع بعض بسرعه و فضل كان في الطريق و علي و عمر لحقوا لما سمعوا بيكلم سلامه.
تلت ساعه كمان و كانوا وصلوا دخل فضل جري و هو باين عليه الخوف.
فضل……حسان حصلوا ايه يا رشيد
رشيد….اهدي بخير و زي الفل الحمد لله
فضل…..طيب في ايه فهموني
علي…..سلام عليكم جميعاً
عمر….سلام عليكم
الجميع….عليكم السلام
فضل….بغضب ما تنطق انت وهو حسان في ايه
رشيد…..واخد كميه برشام كتيره اغم عليه و ضغطه كان نازل اوي عمل غسيل معده و الوقت معلق كلوجوز و الدكتور بيقوله انه بقي احسن و الضغط ظبط شويه و هيفوق بعد شويه اكيد
فضل….ليه هو لسه مافاقش اصلاً انتوا مخبين عليا ايه
سلامه….يا ابني اسكت بقي هنخبي ايه احنا واقفين زينا زيك
فضل…..طب ليه خد كل ده و ليه اتعملوا غسيل معده ده انتخار يعني
رشيد….والله ما نعرف اي حاجه يا فضل
نعيمه….فضل اهدي اكيد كان مصدع او اي حاجه حسان هينتحر ليه بس
علي…..طيب هو حكي معك يا رشيد جالك انه مريض
رشيد….لا والله يا علي انا لما قلقت عليه روحت اشوفه انا و ايمي عربيته بره الموبايل بيرن و مش بيرد حاولت اكسر الباب متكسرش لاقيت ميدو كمان جاي عشان يطمن عليه كسر الشباك ونط و لقيناه مرمي علي الارض
بصت سلمي لبعيد و هي بتكتم عياطها.
علي….طيب ما حكي معك امس
رشيد….المشكله اني معرفش عنه اي حاجه يا علي من يوم اللي حصل لما روحنا نشوف ليله عند اهلها كان اخر مره شوفته و ده اللي معصبني لانه جنبي المفروض كنت سالت عليه بس كلنا اتشغلنا مع عشري وليله و اللي حاصل ده كله و بصراحه مركزتش معاه و لا حسيت ان اختفاءه ده في حاجه قولت هو مضايق هو كمان معرفش بقي
عمر…..بسيطه بسيطه ان شالله خير معافي يارب.
رشيد….يارب
نادين….بهمس ميدو انت كويس
عسال….بابتسامه هاديه كويس متقلقيش مسك كفها و سكت
نعيمه….ايمي انتي كويسه
رشيد….صغطها وقع واغم عليها لما شافت حسان واقع و علي التربيزه كل الشرايط الخلصانه دي فكرت حصلوا حاجه
نعيمه….بهدوء قعدت جنبها و حضنتها نامت ايمي في حضنها و سكتت
احمد…..لا حول ولا قوة الا بالله
مر وقت بسيط حوالي نص ساعه كمان و خرج الدكتور عشان يطمنهم ان حسان فاق
احمد….طمني يا دكتور
الدكتور…..اطمنوا هو الوقت فاق معلق ليه محاليل قدامها ربع ساعه وتخلص التحاليل بتاعته الحمد لله كويسه بس السكر كان عالي هو قالي انه مش مريض سكر فا غالباً هو سكر مفاجئ نتيجه ضغط توتر تفكير كده يعني ضغطه منتظم خلاص و ضربات قلبه كويسه بعد المحاليل ما تخلص هنعلق واحد كمان و لو اتحسن هيروح عاظي بس محتاج تغذيه كويسه كمان عملناله غسيل معده لانه خد كمية برشام كتيره اوي
رشيد….طيب حضرتك عرفت منه ليه خد كل ده
الدكتور….اه هو قالي انه كان مصدع جداً و قالي انه كان بياخد المسكنات عشان ضرسه تاعبه المفروض انه كان بيعالجه بس غالباً يعني من التوتر ضغط عليه و الحشو وقعت وجعه جداً و بقي عمال ياخد في مسكنات المهم جات بسيطه الحمد لله و الف سلامه عليه
فضل….طيب نقدر نشوفوا
الدكتور….اه طبعاً عادي هو بخير اتفضلوا الممرضه هتفضل معاه عشان تعلق المحاليل التانيه وشويه و هاجي ابص عليه
رشيد….تمام شكراً يا دكتور
دخلوا كلهم يبصوا عليه كان نايم و مغمض عنيه و وشه اصفرررر خالص ودقنه طالعه بسيط باين عليه التعب و الحزن
فضل…..حسان فيك ايه يا اخوي
فتح عينه ووابتسم بهدوء
فضل…..بخير انت يا اخوي ايش صار معك
احمد….كده يا حسان تخوفنا عليك في حد يا ابني يعمل في نفسه كده
حسان….بهدوء انا بخير الحمد لله اطمنوا
رشيد…..اطمنوا ايه يا اخي ده انت نشفت دمنا حرام عليك
علي…..الحمد لله انه بخير ما عليك شر ابد معافي ان شالله
عمر…..ايه يا اخوي بتعرف غلاوتك عندنا
حسان..بأبتسامه حبيبي حقكم عليا تعباكم
سلامه….انت حاسس بأيه طيب؟
حسان…..انا كويس بس بردان اوي
فضل و عسال و سلامه و رسيد في نفس اللحظه قلعوا جواكتهم و قربوا منه حط سلامه عليه الچاكت بتاعه
سلامه…البسوا انتوا و هات الغطاء ده عليه
نعيمه….اكيد من غسيل المعده حاسس بالبرد بس هو وشه اصفر كده ليه
احمد….من الدواء اللي خدوا انت تحمد ربنا ان في حد جالك
رشيد…الدكتور قال كويس اننا متأخرناش عليه
احمد….ليه كل المسكنات دي يا ابني و بعدين ضرسك واجعك اعملوا ايه يا سلمي سايبه خطيبك كده تعبان
بصت سلمي علي حسان بس هو مبصلهاش و دي موتتها
رشيد…الحمد لله عدت علي خير انت متعرفش واقع كده من امته
حسان….والله ما اعرف يا رشيد بس اخر حاجه فاكرها كان النهار طالع انا كنت مصدع صداع هيقتلني فضلت كل شويه اخد مش بيعمل حاجه بقيت اضغط علي سناني جامد فا تقريباً الحشو المؤقت ده اتكسر و ضرسي رجع وجعني مبقتش حاسس بقي صداع و دني باظت وجع في ضروسي كلها مش متحمل باخد المسكن مش عامل حاجه حسيت اني عندي هبوط بس مقدرتش اكل اي حاجه و لا عارف افتح بوئي حسيت بعدها اني جسمي سايب ومش موزون و مس فاكر بقي اي حاجه
احمد….الحمد لله انها جات علي قد كده و ربنا سترها معاك
حسان….الحمد لله بص لايمي كانت واقفه حزينه وساكته ايه يا ايمي حقك علينا كلنا مش لاحقه تفرحي
ايمي…بهدوء المهم انك بخير
بس صدقني انا تعبت منكم و بس كل حاجه ترجع زي ما كانت مش عايزه اعرفكم فتره طويله
ابتسم حسان بتعب
احمد….بابتسامه حقك صراحه انا لو مكامك معرفهمش من الوقت
رشيد….بسببك شربنا خضه كبيره و عسال شربها لوحده انا شوفتك كده و لاقيت ايمي بتقول ده انتحر حسيت اني مش مركز وفجأه هي اغم عليها و عسال يا عيني اللي خد الخضه كلها لوحده لا عارف يشوفك و لا عارف يشوف ايمي ولا انا مركز معاه
بص حسان علي ميدو
حسان…..انا كويس يا ميدو حقك عليا يا اخويا
قرب ميدو وباس راسه
عسال…..سلامتك يا صاحبي
ايه….سلامتك يا حسان
حسان….الله يسلمكم
سلمي….بهدوء سلامتك يا حسان
حسان…..الله يسلمك
نعيمه….انت ازاي هتقعد لوحدك
عسال….انا هفضل معاه
سلامه….وانا كمان انا كده كده مش ورايا اي حاجه
حسان….محدش هيفضل انا كويس
عسال…..مش هسيبك كده قول زي ما تقول
ايه….طيب هو ينفع يشرب عصير او اي حاجه
سلامه….المحاليل الوقت كفايه عشان غسيل المعده اللي عملوا ده.
قربت الممرضه شالت المحلول و حطت غيره في الكانولا وخرجت
حسان….انا همشي امته انا زهقت
رشيد…هتخلص ده و الدكتور يبص عليك و نمشي
احمد…مستعجل ليه استني اطمن الاول
عدي وقت بسيط ربع ساعه كمان والمحلول كان في اخره راح فضل و رشيد يشوفوا الدكتور و معاهم علي و عمر
و فضلت سلمي بصاله و ساكته دموعها نازله و بتحاول تمسحها كل شويه عشان محدش يشوفها
ابوها كان ملاحظ سكوتها و ملتحظ ان حسان مجابش عينه في عينها و لا حتي كلمها حس انهم زعلانين او بمعني اصح حسان اللي زعلان منها وشاف انه معاه حق
احمد. تعالوا با ولاد نستني بره لحد ما الدكتور يرجع سلمي خليكي مع حسان
الكل فهم و خرجوا مع احمد فضلت هي واقفه علي جنب و بصاله و هو راسه الناحيه التانيه منطقش
قربت منه بهدوء لحد ما وقفت جنبه
سلمي….اااا سلامتك
حسان…..شكراً
نزلت دموعها و قربت تمسك كفه قبض علي كفه وسحب ايده
سلمي….حسان ممكن تبصلي
حسان…..سلمي انا تعبان و مش عايز اتكلم يا تقفي ساكته يا تخرجي تقفي معاهم بره
سلمي….طيب انا عارفه انك زعلان و ليك حق بس انا كمان
بصلها بغضب و نظره حاده.
حسان….انتي كمان ايه سلمي متتكلميش عشان مزعلش منك اكتر انا مصدوم فيكي مش المفروض ان انتي اللي تصدمي خالص انا معملتش حاجه كل اللي عملته اني محكتش عن سر صاحبي امني عليه و لو رجع بيا الزمن هسكت تاني و هخبي لان مش من حقي اتكلم في حاجه متخصنيش انما انتي زعقتي و رفعتي صوتك و انا قولت حقك و سكت اتهمتيني اني مخبي حاجه انا كمان وليا وش وقناع تاني شككتي في حبي ليكي مفيش ولا ملمه قولتيها الا وكلها قلة ثقه محترمتنيش قدام الكل و مع ذلك لما اعتذرتي قبلت اعتذراك و اضايقت كمان عشانك لما ايمي طلبت منك تعتذري قدام الكل و مكفاكيش قدام عمي و تامر محترمتنيش و قولتي عني كداب زي عشري و الشباب و فوق كل ده مهانش عليكي تتصلي اي وقت تعتذري تبرري و لما متصلتش مجاش في بالك تطمني حتي عليا اسكتي يا سلمي اسكتي
سلمي….بدموع طيب انا اسفه
حسان…..و انا مس قابل الاسف يا سلمي
سلمي….طب ليه ؟ طيب انا كان غصب عني والله
حسان….سلمي امسحي دموعك دي عسان محدش يشوفك كده و اخرجي بره اقفي معاهم انا مش قادر اتكلم
سلمي….طيب هقف ساكته خلاص
غمض حسان عينه بغضب و حزن و كان مضايق و هو شايفها بتعيط كده و هو بيقسي عليها بس كمان كان زعلان منها اوي و متوقعش رد فعلها.
وقت بسيط مر و دخل الدكتور اطمن عليه و اكد عليه ميعملش ايه و يعمل ايه و بعدها خرجوا من المستشفي و راح ركب مع عسال.
علي….حمد الله علي سلامتك يا خوي تريد مني شي
حسان….حبيب يا علي تسلم شكراً يا عمر تعبتكم معايا
عمر….لا تجول هالشي انت غالي بالعافيه ان شالله
رشيد…..عمر لحظه انت و علي
علي….تؤمر بشى يا عمي
احمد….تسلم يا علي الله يخليك
عمر….سلام عليكم يا عمي
احمد….عليكم السلام
ايمي…قربت من علي و عمر لحد ما رشيد يجي علي لحظه انت وعمر متمشوش عيزاكم عشان نشوف حل في اخوكم هو كمان.
علي…..محمد انا تعبت معه و ابويا علي اخره عشان مبجيش يرد عليه
عمر….مفيش اي خبر عن ليله
ايمي….لو في كان زمان اخوك رجع
عمر….انا اقصد يعني بامانه يا ايمي محدش فيكم يعرف مكانها
ايمي….بابتسامه هاديه هو لو في حد فينا يعرف مكانها كانت هتبقي دي مناظرنا اكيد لا يا عمر و خد بالك انا نفسي لو هي رجعت وطلبت مني عشري ميعرفش مش هسمع كلامها لانها اكيد تعبانه اكتر منه
رشيد….ايه الاخبار اخوكم طاح في الكل و مبيردش علي حد
ايمي…..رشيد خلينا نروح نشوف عشري
رشيد….طيب تمام خليني بس اعرف حسان كده حساااان بقولك هنروح لحد المقطم نطمن علي اللي بايت في الشارع ده كمان و هرجعلك هحصلكم علي طول
حسان….طيب روح تمام
رشيد….عسال خليك معاه انت و سلامه
سلامه….احنا معاه روح انت يلا و طمنا
احمد….انا كمان هروح معاهم و طمنونا علي عشري بس
رشيد….حاضر يا عمي
فضل…..حسان يا اخوي بروح معهم و برد تاني ليك ماشي يا اخوي
حسان….بابتسامه روح يا فضل انا زي الفل و طمنونا ماشي
فضل…..يصير خير ان شاء الله نعيمه بتچي معي و لا بتروحي مع نادين
نعيمه….لا هاجي معاك نودي روحي و هبقي ارجع مع فضل
نادين….طيب ماشي
ركبوا عربيتاهم و راح عسال قرب من نادين
عسال…..حبيبي هتيجي معانا ولا عايزه تروحي
نادين….عادي براحتك لو مش عايزني اجي هروح
عسال…..لا يا روحي انا بسألك عشان لو عايزه تمشي هدخل من طريق تاني عشان تروحي علي التجمع بدل ما ندخل من العكس
نادين….طيب اجي معاك
عسال….بأبتسامه اكيد يلا اطلعي ورايا حبيبي
نادين….حاضر
ركبوا ومشيوا و كل واحد فيهم راح علي مكان
……………
وصل حسان الاول علي البيت كان معاه عسال و نادين و ايه و سلامه واحمد و سلمي .
فتح سلامه بسرعه الباب و دخل و هو عسال ماسك ايده
و كانت المره الاولي يشوفوا البيت بيت هادي و شيك و منظم بس استايل شبابي اكتر ريحة السجاير في البيت كانت ماليه المكان.
احمد….ده انت شارب سجاير لما قايل يا بس افتح يا سلامه الشبابيك ديخل هواء نضيف
سلامه….ايه ابني ده صحيح ريحة السجاير فظيعه
عسال…..سلامه خلي بالك الستاره نازله بس تحتها ازاز مكسور كتير
نادين….طيب في اي حاجه اشيل بيها الازاز ده
عسال….لا متمديش ايدك انا هنضف كل حاجه
ايه….عامل ايه الوقت يا حسان
حسان….بابتسامه تحسن كتير والله يا ايه
ايه….كده خوفتنا عليك
سلمي…..بابتسامه تعب حقك عليا
احمد…..هو الدكتور قال ياكل عادي خلاص صح
سلامه….قال شويه هو كده كده خد المحاليل وعوضته شويه
احمد….طب عصير طيب ولا اي حاجه وشه اصفر خالص
سلامه….اه ممكن عصير خفيف كده الوقت هجيبلوا اشيل بس الازاز ده عشان محدش يتعور
ايه….هو ازاي هيفضل كده مفيش حد يصلحه
سلامه……هنقفل السلك ده بقي لحد بكره ميتهيأليش نلاقي حد الوقت بقولم ايه روحي انتي حطيله عصير و شوفي عمي يشرب ايه
ايه….ماشي
احمد….انا مش عايز اي حاجه هاتي بس ليه
سلامه…..لا طبعاً يلا يا ايه روحي
احمد ….ايه هاتي مايه بس انا مش عايز والله
عسال…..اجيبلك حاجه تاني تحطها عليك لسه بردان
حسان….لا لا انا تمام كده
قربت نادين من سلامه تساعده و طت تشيل معاه الازاز و تحط في الشنطه
حسان….قول لايه تجيب عصير طيب
احمد….انت شايل همي ليه لو عايز هشرب
حسان….معلش اشرب حاجه مينفعش اول مره تيجي البيت
احمد…..طيب شاي يا ايه و كوبايه صغيره مش عايز عصير
عسال…..سلمي تشربي ايه
سلمي….ااا مش عايزه حاجه يا ميدو شكراً
راح عسال علي نادين الاول و مسك ايدها روحي هناك قولتلك
نادين….الازاز كتير
عسال…..عارف وقولت روحي هناك هتتعوري
نادين….طيب
احمد…..طيب سلمي ضرسه ده ينفع يتعمل امته بدل ما يرجع يتعبه تاني مش هيقدر يتحمل مسكن
سلمي….مش هينفع بكره لازم برتاح شويه ممكن بعد بكره
سلامه….طب لو وجعه تاني هيرجع ياخد مسكن
سلمي…..هو بس لحد بكره و بعدين هو لو بطل يضغط علي فكه اكيد مش هيوجعه انا المفروض موت جزء من العصب فاضل حاجه بسيطه يعني يتحمل و بعد بكره يجي و هعمله.
بصلها حسان بهدوء…
حسان…..لا متشتغليش بالك انا مش هاخد مسكن و بكره هروح اشيله خالص في اي عياده هنا قريبه
سلمي….تشيل ايه ضرسك سليم و كويس و بعدين تروح فين علي فكره دي شغلي انا و لازم اكملوا مينفعش حد تاني يكمل شغلي
حسان….انا مقولتش حد هيكمل انا هشيله
احمد….بابتسامه و بدأنا شغل العيال يلا اتخانقوا بقي مع بعض علي مين يشيل و مين يعالج
سلمي…..بدموع علي فكره بقي هو بيعند معايا وانا ساكته من بدري
بصلها حسان و سكت مبيحبش يشوفها بتعيط.
احمد….بهدوء طيب ليه العياط الموضوع مش مستاهل خالص علي فكره هو مضايق شويه خلاص نسيبه وبعدين ماهو تعبان بردوا
سلمي….لا هو مش مضايق شويه هو مضايق كتير و عارفه انه زعلان مني و انا مضايقه عشان مكلمتوش بقالي يومين و معرفش هو فيه بس هو لازم براعي اني كنت مضايقه و لو اعرف انه تعبان كده اكيد كنت هكلمه
احمد…..بابتسامه هو انتي متعرفيش عنه حاجه من يوم ما هو وسلمه وصلوكم
بصت سلمي الناحيه التانيه
حسان….يلا ردي .
بصوا الشباب لبعض و خدوا جنب شويه عشان يتكلموا براحتهم
حسان…..ما تردي عليه سكتي ليه؟
احمد…..بابتسامه طيب سؤال بقي دموعك دي تأنيب ضمير ولا مضايقه عشان هو زعلان و واخد موقف
سلمي…..انا قولت انه معاه حق يزعل بس انا وقتها اللي كنت زعلانه و اصلا كنت مفكراه مش بيكلمني و زعلان و اكيد مضايقه اني مسألتش عليه
عسال….طيب خلاص يا سلمي حصل خير احنا كلنا متوترين و اعصابنا مشدوده و في سوء تفاهم بيحصل بينا كلنا و طبيعي نقفش كلنا علي بعض والحمد لله ان حسان بخير دي اهم حاجه
احمد….هو حلو يا ميدو اننا نلتمس لبعض الاعذرر ونبقي فاهمين اننا بنمر بوقت صعب بس ماهو مينفعش يا ابني بردوا ابداً ان وقت ما يكون في موقف مش حلو غيرنا بيمر بيه نزودها احنا علي بعض ليله و عشري علي راسي و خد بالك انا بحب ليله جدا و زعلان عشانها بس كمان بدل ما نحاول نساعدهم بنطلع غضبنا علي بعض بنتي غلطانه و انا بقولها تاني في وشها و مينفعش اني اغلطها قدامك يا حسان بس انا راجل بقول الحق في وش اي حتي لو كان حته مني مش هقاوح في الغلط ولا هبرر انا قولت الكلام ده لحسان و بقوله تاني موقفكم كشباب تجاه عشري موقف طبيعي واحد قالكم محدش يقول او يعمل كده وانتوا نفذتوا و لو مكنتوش نفذتوا مش هتبقوا صحاب انما البنات عارف انهم حساسين تجاه بعض بس كمان منبوظش حياتنا ونحترم علاقتنا و نحاول اننا نأجل اي زعل او عتاب لانه مش وقته خالص
طب اهو هو الوقت تعب و لو لا قدر الله مكانش اتلحق كان جراله حاجه هي بقي كانت هتعيش عادي و الموضوع مش حبه زعل وعياط وفراق لا دي هتفضل عايشه بتأنيب ضمير طول حياتها و هتشوف انها السبب كمان يبقي ليه كل ده من الاول انا اكتر حاجه مضيقاني من سلمي ان هي مش كده و دي مش طبيعتها عارف ان البنات علاقتهم قويه جداً بس كمان بالهداوه مش كده
سلامه…..خلاص يا عمي الموضوع بسيط والله و ان شاء الله يخلص علي خير و انت يا عم حسان سلمي اكيد مش عارفه انك تعبان
حسان…..انا مشكلتي مش في التعب يا سلامه بس خلاص الموضوع بسيط وحصل خير
احمد….لا قول خلينا نخلص بقي من الموضوع ده عشان بتقفل خالص
حسان…..صدقني هو اتقفل والله و مفيش اي حاجه خالص و مش زعلان من سلمي كمان هي معاها حق و انا عاذرها
بصتلوا سلمي و عارفه انه بيقفل الموضوع عشان مش حابب يتكلم فيه قدامهم بس كمان هو زعلان و اكيد هيتعاتب معاها لوحدهم .
عسال….يلا حمد لله علي سلامتك يا اللي رعبتني.
حسان….بابتسامه كسرت الازاز ده افوق بس و هنفخك
عسال….بضحك ده اللي همك طب اعمل ايه انت عامل بابا مبيتكسرش ده رشيد كتفه اتخلع و معرفش يفتحه
حسان….باب مصفح فاكر نفسك انت وهو شغالين في فرقه 777
سلامه…..يا فرحة صاحب الباب بيتعملوا دعايه زي الفل
احمد…..بس كده احسن امان الازاز مقدور عليه
عسال…اه طبعاً بكره انا اشوف كده اي حد يصلحه
احمد …..خير ان شاء الله طيب انا هقوم بقي و انت ارتاح و اوعي تاخد حاجه تاني و الف سلامه عليك
حسان….الله يسلمك يا عمي خليك شويه طيب
احمد….لا ارتاح انت بقي انا اطمنت عليك و بعدين نام شويه شكلك مرهق خالص
حسان….حاضر
احمد….خلي بالك منه يا ميدو
عسال….متقلقش عليه يا عمي
احمد….يلا يا بنات صحيح انتوا خرجتوا ولا لا
سلامه….بابتسامه والله ملحقنا لما ميدو كلمني جيت علي طول محسودين احنا
احمد….ابقوا عوضها بعدين بقي
سلامه….طيب يلا انا هاجي معاكم اوصلكم و بعدين هرجع
عسال….بقولك ايه امشي انت معاهم وانا هفضل معاه و كده كده رشيد جنبي لو حصل اي حاجه هكلموا
سلامه…طيب ما اجي
حسان….اسمع كلامه بقي متسبش امك و اخواتك و بعدين انا عايزه هو كمان يمشي والله
عسال…..ما تسكت بقي شويه ياعم انت كمان
احمد….لحد ما تخلصوا خناق هاتي يا سلمي المفتاح انا بره سلام يا حسان سلامتك يا حبيبي
حسان….الله يسلمك يارب
سلامه….طيب انا خارج هكلمكم ماشي
عسال….تمام
ايه…باي يا حسان
حسان….باي يا يويو
ايه….نودي مش ماشيه
نادين….ماشيه اهو يلا
عسال…..قام مع نادين وقفوا جنب الباب من بره وسابوا سلمي مع حسان دقيقه
سلمي….هجيلك بكره
حسان….متتعبيش نفسك عسال معايا يا سلمي
سلمي….مش عايزيني اجي يعني
حسان…..مش عايزك تتعبي نفسك
سلمي….وانا مش تعبانه علي فكره
حسان….طيب اللي يريحك اعمليه
سلمي…طيب هكلمك لما اوصل ممكن تبقي ترد عليا
حسان….تمام لو مردتش يبقي نمت
سلمي…..لا هترد يا حسان و حتي لو نايم هصحيك
بصلها و هو نظرته كلها عتاب
سلمي….بصت علي الباب ملمحتش حد قعدت جنبه و مسكت ايده عشان خاطري بلاش البصه دي دمعت تاني طب انتي وحشتني
حسان…..بطلي عياط
سلمي….طيب قول الاول انك صالحتني ومش زعلان
حسان…..لا يا سلمي عشان بجد زعلان و أوي كمان يلا قومي عشان بابا واقف بره و الكل بره و انتي معايا لوحدك اخلصي عشان ميضايقش
سلمي…..يعني هتفضل زعلان
حسان….اه و يلا اخرجي عشان بابا قولت
سلمي…هزت راسها حاضر قربت من خده بسرعه باسته و هي بتعيط و بعدين قامت مشيت
ابتسم حسان بهدوء و رجع راسه لوراء من التعب.
نادين…طيب مش عايز اي حاجه اجيبهالك
عسال….لا يا قلبي روحي علي طول
ولما توصلي كلميني عشان انتي مفيش حد معاكي انهارده
نادين….حاضر
عسال…..اقفلي السوسته شويه هتبردي
نادين…..حاضر
عسال….نودي
نادين…..ايوه
عسال…..بحبك
ابتسمت بهدوء و انا بحبك باي
عسال….باي يا عمري
………………
اما عند ايمي و رشيد
وصلوا المقطم و قربوا من الكافيه فضل كان سابقهم قدام و بيدور بعينه علي العربيه واول ما لمحها و لمحه قاعد جوه داس بالكلاكس ليهم بصوله كلهم
فضل…. هناك اهو
رشيد….شوفته خلاص
ركن فضل و نزل و هما نزلوا واخواته كمان و قربوا منه كان مغمض عينه و ساند راسه علي جنب عكس وقفتهم
رشيد…بتنهيده يرضي مين بس المنظر ده
عمر….بهدوء ده نايم ولا ايه خبط خبطه بسيطه عالشباك مبصش
فتح رشيد الباب كان مقفول من جوه
علي….ده قافل الابواب
ايمي…..هو ازاي نايم و قافل الشبابيك عليه كده يتخنق خبطوا بسرعه
خبط علي علي الشباك بصوت عالي
فضل….عشررري
ايمي….بقلق يا نهار اسود خبطوا تاني
رفع عشري راسه بهدوء و بصلهم بتنهيده طويله
عمر شاورله ينزل الازاز
نزل عشري و بصلهم
رشيد….انت غبي ياض نايم وقافل عليك العربيه عايز تتخنق
عشري….بنبره ضعيفه و صوت باين عليه الارهاق مش فارقه انتوا بتعملوا ايه هنا انا قولتلكم لو وصلت لحاجه هكلمكم
ايمي….لا انزل كده من فضلك خلينا نتكلم كلمتين
علي….ايش بيك يا ولد ابوي راسك يابس ليش
عمر……بنبره حازمه و غاضبه يلا داه الوقت طالع ورانا خلونا نلحق ع الدار كافي قعاد بالشارع و لا تعاند تسمع القاله قبل لا نمشيك بالغصب
عشري….بنبرده هاديه عُمر ما فيي حيل للسوالف الكثير أنا قُلت ما نمشي لين نلاقي ليله و ما نروح للدار قَبل ما مريَم و أهلها يخلوا المربع أحسن لي و الله أذبح و أروح فيها قتيل
فضل….بغضب كفاية عناد واسمع الكلمة قعادك هنا ما بيرچع ليله وما لك صلاح بمريم ولا عزوتها أنت بتمشي هجان ولا تريد نحكم عليك
ايمي….بهمس لرشيد هما بيقولوا ايه
انا مش فاهمه
رشيد…بيقنعوا يمشي
عشري…..فضل مالي خلق
علي….بنبرة تحذيريه بتروح معي ولا تبي تشوف شغلي وياك ؟ إنت دارك شكلك كيف صار شكلك ماعاد ينشاف يلاااااا
بصلهم عشري بغضب و حط ايده علي المفتاح عشان يدور
وقف علي بسرعه قدام العربيه
علي…..بتحدي يلا ادعس بسيارتك لو تقدر ودك تشوف العواقب
قرب عمر من الباب فتحه و سحب المفتاح بالعافيه بصلوا عشري بنفاذ صبر
رشيد….يلا يا عشري عشان خاطرنا احنا خايفين عليك يا اخي روح حتي روح كام ساعه ارتاح و بعدين اعمل اللي انت عايزه
عشري…..بتهديد لعمر رد المفتاح هسه مافي مزح
عمر….وش بتسوي إذا مارديته
عشري….عمررررر
فضل…..يا عشري اسمع الكلمه ما تعذبنا معك
عشري…فضل أنا حلفت ما أرچع دام مريم بعدها تدور بالمنطقه والله لارجع و ألقاها لأقلبها عليكم نكبه ولا تظني إني أمزح.
ايمي….الله يحرق مريم علي اللي جابوها انت مالك و مالها روح ارتاح و بعدين اعمل اللي انت عايزه هي مش موضوعنا اصلا يا عشري
رشيد….يا ابني اسمع الكلام
علي…..محمد مريم واهلها بيروحوا بكره
عشري…..خلاص يوم يفلوا انا برد
عمر…..يعني ماك عابز تِرضي راس واحدٍ منا ولا تِعطيه قدر ؟
رشيد….خلاص يا عمر سيبه براحته طيب هقولك حل حلو ايه رأيك تروح لحسان هو كده كده تعبان و عسال قاعد معاه اقعد معاه
عشري….رشيد مالي خلق يا اخوي أجلس مع اي أحد بالله تركوني بحالي
نعيمه….يا عشري قعدتك دي مش هتقدم ولا هتأخر انت لو بتدور عليها في اي مكان محدش هيقولك لا بس انت قاعد في الشارع و ده مش حل
عشري…..بنبره وجع
ماشي خبريني وين أفتش عليها؟ والله مارح اقصر بس انا قلّبت وراها بكل درب وخلاص ما ظل فيني قوه ولا لي طاق أتحمل و ما بقدر ارد لاي مكان من دونها
علي…..بترد يا اخوي بس انت ما إلك غير الصبر
عشري…..حتي الصبر ما عاد ينطاق
ايمي…..ممكن تسيبوني مع عشري لوحدنا شوبه انا عايزه اتكلم معاه
رشيد…..طيب تعالوا يا شباب خلونا نسيبهم شويه.
عشري…..رد المفتاح يا عمر
عمر…..لا
عشري…..ابي افتح الشباك
اداله عمر المفتاح وراح معاهم و طلعت ايمي ركبت جنبه قدام.
ايمي….عشري اللي بتعملوا ده مش صح لازم تروح يا عشري انت من يوم التلات مرتحتش طيب روح خد شاور كل حاجه نام ساعتين تلاته و ارحع انزل تاني محدش هيقولك لا لكن انت كده بتموت بالبطئ
عشري…..مش قادر يا ايمي مش قادر والله غصب عني انتوا ليه مش حاسين بيا
ايمي….لو مش حاسين بيك يا عشري مكنت هتلاقينا هنا الوقت انا مقدره كل اللي انت فيه بس زي ما انا خايفه علي ليله و بفكر فيها اكيد خايفه عليك و بفكر فيك ليله لو شافتك عامل كده في نفسك مش هتسامحك
عشري…..هي كده كده مش مسمحاني يا ايمي بس ترجع هي
ايمي….عشري انت مسمعتش اخواتها قالوا ايه مسمعتش وليد و هو بيقولك جرب زعل ليله كتير في الكدب ليله يا عشري في مره خدت موقف من وليد استمر خصامهم ثلاث سنين و مرجعتش تكلموا الا لما عرفت انه عمل حادثه كبيره يعني خلينا نكون واقعين افرض ليله طولت هتفضل كده
عشري….لو هتغيب بدل اليوم الف سنه يحرم عليا اي حاجه من بعدها غير برجوعها لا هدخل البيت يا ايمي قبل ما ترجع ولا هعمل اي حاجه و اعتبروا كلكم ان حياتي وقفت من بعدها
ايمي…..طب وشغلك و حياتك واهلك
عشري…..كله يهون بس هي ترجع
لو رجوعها ليا بأذايا يا ايمي هنزل ارمي نفسي قدام اي عربيه
ايمي….وتفتكر هتسامحك يا عشري انا اول مره اشوفك بالضعف ده انت ايه اللي جرالك
عشري…..صاحبتك خدت روحي واختفت عيزاني اكون ازاي ايمي انا مكنتش اعرف اني بحب ليله بالشكل ده انا وصلت لمرحله اني علي قد ما انا خايف عليها و هموت عشان ترجع علي قد ما انا خايف عليها مني لو شوفتها بعد اللي عملته فيا ده ليله موتتني يا ايمي الف مره الكام يوم دول انا بجد بموت من غيرها حسستني بالضعف و العجز حياتي مره واحده وقفت كل ثانيه بتعدي بحس بخنقه بموت والله بموت
بحاول احسس نفسي انها معايا و عمال ابعتلها بقالي ثلاث ايام رسايل واكلمها صوت و صوره و كتابه طيب معندهاش حتي فضول تفتح موبايلها ولا خلاص هي بمجرد ما مشيت داست علي كل حاجه موحشتهاش يا ايمي اصل وجع ليله مني كان كبير و ده معناه انها بتحبني زي ما بحبها و اللي بيحب مش بيكره بسهوله مبتفكرش فيا طيب مفتكرتش اي كلمه حابه تسمعهالي و تتصل و تتخانق معايا
طيب بلاش كل ده تفتح موبايلها و تشوف اللي بعته و تضايقني بعدم ردها بس انا ارتاح و احس انها كويسه.
ايمي….بوجع علي حالة عشري ليله مش كده يا عشري هي لا نسيتك ولا داست علي كل حاجه هي تعبانه و هي مش من النوع اللي ممكن تفتح رسايلك عشان تضايقك بعدم ردها ولا لسه عندها كلام تقوله ليله قالت كل حاجه قبل ما تمشي هي محتاجه تكون لوحدها مش اكتر ليله عارفه انها لو فتحت موبايلها هتضعف لانها بتحبك واكيد هي مش عايزه تضعف
عشري…..طيب ترحم ضعفي انا علي الاقل ليله مش ضعيفه يا ايمي ليله قويه و اديكي شايفه قوتها عملت فيا انا ايه ايمي انا مستغرب نفسي
راضي علي نفسي حجات كتير عشان خاطرها و مش مضايق بالعكس لا مكسوف من ضعفي قدامها و لا مكسوف من كسرتي ولا مكسوف اني محسسها قد ايه انا من غيرها ولا حاجه لان دي الحقيقه صاحبتك لعنه دخلت علي قلبي شقلبت كيانه انا فضلت محوش الحب جوايا عشانها و هي جات خدته كله و مشيت و خدت روحي كمان انا تعبان يا ايمي من غيرها بجد حياتي واقفه ملهاش طعم
ايمي انا فضحت بنت عشانها عملت حاجه مستحيل اي راجل في الدنيا يعملها وده مش طبعنا البدو مش كده يا ايمي انا كنت مستعد اتجوز مريم عشان بس استرها كنت مستعد اصلح بينا وبين الكلب اللي عمل كده و اشتري كل حاجه عليه علي حسابي بس عشان استرها انتي متخيله ان انا في الاخر اللي فضحتها متخيله حجم تأنيب الضمبر اللي جوايا انا عملت كده بس عشان وجعت ليله بالكلام و مستعد اعمل اكتر حبي لليله خلاني لا قادر افكر و لا اتصرف صح بقي عادي عندي اني اعمل اي حاجه بس هي ترجع
و الله العظيم يا ايمي انا كدبي عليها كان عشان مخسرهاش والله يا ايمي مكلمتش مريم و اصلا كنت محرج عليها تكلمني وانا مع الشباب في دهب ممسكتش ايدها غير وانا بلبسها الدبله مقولتلهاش بحبك او اي كلمه حلوه بين اتنين مكانش في كل ده ليله مش فاهمه ولا عايزه تفهم او تسمع.
ايمي…..صح عشان هي الوقت مش معانا عسان متعصبه موجوعه زعلانه الموضوع لسه في اوله ترجع او تفتح موبايلها و هتبدأ تفهم و تهدأ و صدقني هترجعلك ليله لما امها ماتت و قررت انها تسافر و خطيبها قرر انه يسيبها متأثرتش كده و كملت و اتخطت بسرعه ليله لو كانت بتحبه نفس الحب اللي بتحبه ليك لما امها ماتت كانت راحت اترمت في حضنه و حست انه خلاص مبقاش ليها غيره بس هي كانت عايزه تبعد و تسافر و مفكرتش فيه
لو انت اللي كنت مع ليله وقتها مستحيل يا عشري كانت فكرت في السفر مستحيل كانت دورت علي راحتها بعيد عنك
عشري….بس هي بعدت الوقت يا ايمي
ايمي….عشان زعلانه منك انت بس صدقني هي مش مرتاحه
عشري….طب انا خايف عليها اوي
ايمي….متخافش ليله قويه و كويسه و انا واثقه هي بس حابه تاخد بريك و تهدأ لو بتحبها بجد و فارقه معاك روح يا عشري
عشري….مش قادر والله
ايمي….هتقدر روح و اطلع علي فوق علي طول خليك في بيتك متكلمش حد يا سيدي و اقعد لوحدك و انا هقول لاخواتك ينبهوا علي الكل يسيبوك براحتك بس امك وابوك ملهمش ذنب في وجع قلبهم عليك يا عشري كمان لازم تهدأ و ترتاح و تستعد لمواجهه ليله لما ترجع ازاي هتقدر تقف قدامها بمنظرك ده انت بتتكلم بالعافيه يا عشري لا واكل ولا شارب و لا نايم صوتك كله تعب روح عشان خاطري
سكت عشري وسند راسه علي الكرسي
ايمي….عشري انت مش بتعتبرني اختك
عشري…..بوجع اكيد يا ايمي
ايمي…و اختك بتقولك انها مش هتسيبك غير و ليله راجعه لحضنك وده اعتبره وعد مني و انا طول عمري قد كلمتي
عشري…..بتنهيده وجع تموت خليكي جنبي يا ايمي
بصتلوا ايمي بتأثر وهي عينها فيها دموع و ابتسمت وهي بتهز راسها
ايمي…..مسكت كفه انا في ضهرك و حياة غلاوة ليله عندك و عندي ما هسيبك غير وليله في بيتك بس اوعدني متعملس اي تصرف متهور ملكش دعوه بمريم واهلها لحد ما يمشوا ليله محتجالك اوعي تعمل حاجه تبعدك عنها اوعدني
عشري….بتنهيده اوعدك يا ايمي
ايمي….يعني هتروح مع اخواتك
عشري….حاضر يا ايمي هروح
طبطبت علي ايده بهدوء و طلعت موبايلها و اتصلت علي رشيد.
رشيد….ايوه يا ايمي
ايمي….رشيد تعالوا يلا
رشيد….تمام ثواني
قفلت ايمي و استنوا شويه خرجوا من جوه كلهم و قربوا منهم
رشيد…ايه في ايه ؟
ايمي….عشري هيروح البيت خلاص علي خدوا يلا انت و عمر و فضل عالبيت و ياريت بلاش اي حد يتكلم معاه او يسألوا في اي حاجه خلوه براحتوا انا وعدته
علي…..ماشي تمام
ايمي….هو هيروح و هيرتاح و مش هيبقي ليه علاقه بمريم و اهلها لحد ما يمشوا تمام
علي….تمام عين العقل يا اخوي و انا بوعدك ما بخلي اي احد يقرب منك
ايمي….يلا انا هنزل يا عشري و ياريت اي وقت اكلمك ترد عليا
عشري….حاضر يا ايمي
نزلت ايمي بهدوء و شكروها اخواته انها قدرت تقنعه بعد ثلاث ايام اقناع
ايمي….فضل عينك عليه و متسيبهوش
فضل….اطمني متخافيش
نعيمه…فضل روح انت يلا معاهم
فضل….هوصلك الاول
رشيد…لا سيب نعيمه هنوصلها في طريقنا يلا روح انت مع عشري
فضل…..ماشي هكلمك لما اوصل
نعيمه….تمام
مشي فضل و ركب عربيته و طلعوا كلهم و عربيه غشري كانت وسطهم
و مشي رشيد.
رشيد….انا مش عارف اقولك ايا ايمي بجد كويس انك قدرتي تقنعيه
ايمي….متقولش حاجه عشري اخويا و ميهونس عليا بهدلته دي خالص هو محتاج بس حد يتكلم معاه بهدوء و يسمعه
رشيد….شكله صعب خالص عشري تعبان
ايمي….كل ده هيروح بمجرد ما ليله ترجع
نعيمه…..نفسي اعرف هي فين خايفه تكون سافرت بعد ما سألتوا عنها
رشيد…لا متقلقيش انا وصيت امير يعرف اخو صاحبه يركز مع اسمها وبياناتها كويس و لو شافهم يعرفنا هي لسه هنا و انشاء الله مش هتمشي
نعيمه…..يارب.
……………………
في صباح يوم جديد كان يوم السبت و ده رابع يوم علي اختفاء ليله.
في مدينه الاسكندريه في برج كبير قدام البحر مباشرة
كانت ليله بتقضي أصعب و اتقل ايام في حياتها.
الوقت اللي مر علي الكل كوم و اللي مر علي ليله كان كوم تاني
كل ثانيه و دقيقه و ساعه و يوم كانوا بمثابه سنين سجن تقيله
من اول ما مريم مشيت و هي بتحاول تفكر تعمل ايه عقلها كان شبه واقف ومش عارفه تفكر تواجه عشري ولا تختفي من غير ولا كلمه تستني يوم تاني عشان متضيعش فرحه ايمي و لا تتكلم و تعرف صحابها عارفين ولا لا بس بمجرد ما خدت قرار المواجهه العنيفه دي
و هي دخلت في متاهه تانيه بعد قرارها تقول وترجع البيت و ترفض تقابل عشري و لا تروح تقعد في اي مكان شويه و ترجع ولا تبعد
وهي اختارت البعد لان محدش فيهم كان هيسيبها تاخد نفسها اللي مريم سلبته منها .
و دخلت في متاهه تالته بعد قرارها في الاختفاء تواجه اهله و لا لا و قدرت تاخد قرار في دي كمان و قررت انها قبل ما تختفي تصفي حسابها مع الكل و تواجه الكل بكدبه عليها.
اما المتاهه الرابعه والاهم وهي تروح فين اول مكان جه في بالها دهب بس كمان مكانش ينفع تروح في مكان يلاقوها فيه فكرت تسافر بره مصر بس وجع قلبها اللي كانت حاسه بيه خلاها لاول مره تخاف تموت في بلد وحيده لوحدها لكن وجعها من عشري خلاها تاخد الباسبور عشان يلف حوالين نفسه و تنتقم منه.
مكانتش عارفه تروح فين بمجرد ما خرجت من بيت اهله وقفت زي التايهه مش عارفه تروح فين و بعد تفكير طويل قررت تروح مكان مستحيل يخطر في باله او في بال الكل.
مكانتش عايزه حد يلاقيها و خصوصاً عشري كانت عارفه ان حبها ليه اتملك قلبها و وجودها في اي مكان يقدر يلاقيها فيه هيخليها تضعف و هي مكانتش عايزه تضعف او تحسسه بضعفها.
من اول ما وصلت فضلت قاعده علي البحر مش بتنطق لا بتعيط و لا بتصرخ و لا بتتكلم باصه للبحر و بس من الساعه سبعه الصبح لحد الساعه 12 وهي قاعده مش عارفه تعمل ايه او تروح فين
لحد ماجالها شاب سألها محتاجه شقه هزت راسها من غير ولا كلمه و وقفت تسمعه و هو بيعرض عليها اكتر من مكان و اكتر من شقه يقولها مميزات و مزايا كل بيت و شاورلها علي البرج اللي كان في ضهرها و قالها انه فيه اكتر من شقه لو تحب تشوف هزت راسها بهدوء و راحت معاه من غير ولا كلمه لدرجه ان الراجل فكرها مش بتتكلم.
راحت وراه بالعربيه ولفت و وقفت قدام البرج و نزلت بهدوء وراه هو مكمل كلام وهي في دنيا تانيه البرج كان في اكتر من شقه و اول شقه دخلتها في الدور السابع مدخلتش بعدها.
قالها دي اول شقه و فرجها عليها وهي ماشيه وراه لا بتبص ولا بتشوف هي بتجاريه و بس سألها لو عجبتها هزت راسها عرض عليها تتفرج علي باقي الشقث رفضت بهزه بسيطه من دماغها سألها هتقعد ايه بصتلوا بتوهان وهي مش عارفه ترد تقوله ايه لان هي متعرفش لما حس الشاب انها مش متأكده بدأ يقولها اليوم الواحد بكام شوفي مبدأيا حابه تقعدي قد ايه سرحت و قررت انها تحاسبه علي عشر ايام مبدأياً
خد منها الفلوس وسابلها رقمه و قالها لو احتاجت حاجه هو موجود لو عايزه تزود ايام مفيش مانع و بعد رغي كتير هي في غني عنه في الوقت ده بالذات سابها ومشي بعد ما سلمها المفتاح
قعدت ليله علي اقرب كرسي و هي ساكته و تايهه اكتر من نص ساعه كانت محتاجه تاخد شاور عشان تفوق افتكرت شنطتها قررت تنزل بهدوء تجيبها نزلت تاني و قبل ما تاخد الشنطه جابت مايه كانت عطشانه و حاسه ان في حاجه واقفه في زورها مش عارفه تبلع ريقها منها بس مكانتش تعرف ان دي غصه وجع طعمها مر.
جابت المايه و حاسبت عليها من غير ولا كلمه للبقال اللي جنب البرج
وبعدين خدت شنطتها وحاجتها و طاعت تاني بالاسانسير علي فوق قفلت بالمفتاح و سابت المفتاح في الباب و بعدين خدت هدوم من شنطتها و دخلت خدت شاور و بعدين خرجت فتحت البلكونه بهدوء و فضلت قاعده علي كرسي تتفرج علي البحر اكتر من ساعه وهي قاعده نفس القاعده متحركتش غير اما حست ببرد و النهار راح
دخلت قعدت علي الارض جنب الكنبه فتحت اللاب توب و فضلت تتفرج علي الصور و السجاير في ايدها علي ما عدي اليوم
وده كله كان يوم الاربع تاني يوم مواجهتها مع عشري…
صحيت يوم الخميس لقت نفسها قاعده علي الارض زي ما هي و سانده ايدها علي الكنبه و حاطه راسها ونايمه عليها
قامت بوجع مميت في رقبتها و جسمها اللي نشف من البرد
راحت فتحت البلكونه و قعدت شويه تشوف البحر كانت فاكره انها لما تبعد هتقدر تعيط براحتها هتقدر تصرخ و تنهار و تظهر وجعها وضعفها بس مكانتش عارفه لا في دموع ولا في احساس بالانهيار
كانت في حالة صدمه علي توهان علي ضياع علي عدم استيعاب علي ذهول.
كانت بتمر بحالة غريبه عمرها ما مرت بيها.
من وقت ما مريم جاتلها يوم الاتنين و هي محطتش حاجه في بوئها الثلاث عدي من غير اكل الاربع عدي من غير اكل و الخميس كان يوم جديد بدأت تحس بدوخه و غثيان و قولون بيتقطع و نغزات غريبه في معدتها من قلة الاكل بس مكانش في نفس و لا قدره للبلع و مكانش في اكل من الاساس في الشقه مكانش معاها غير زجاجتين مايه و سجاير و شنطه فيها شويه هدوم.
يومين ونص محطتش حاجه في بوئها ويمكن اكتر اليوم اللي مريم جات فيه هي كانت اصلا عندها برد و مش قادره تاكل.
الشعور الوحيد اللي كان مضايقها انها حاسه بدوخه و زغلله رهيبه مخلياها مش قادره تشوف كويس و دي كانت اعراض قلة الاكل مع السجاير والقهوه.
بس كل ده كان أسهل من أعراض وجعها من عشري.
دخلت من البلكونه علي الصاله جوه راحت الحمام خدت شاور عشان المايه تخليها تفوق و بعدين خرجت و لعت سيجاره و بقت قاعده في البلكونه من سيجاره لسيجاره و عينها علي البحر مكانتش مركزه مع الوقت و لا حاسه بيه وهو بيمر موبايلها مقفول مفيش تواصل مع اي حد مش بتنطق حتي مع نفسها
ولا فاقت لسه من صدمتها عشان تكلم نفسها و ترتاح شويه.
حست ان شمس تاني يوم بعد عن عشري بتغيب و علي الساعه تسعه قامت بالترينج اللي عليها حطت الكاب بتاع السويت شيرت علي راسها و ربطت شنطتها علي وسطها و لبست الكوتش و مسكت موبايلها شالت الخط عشان لو فتحته محدش يتصل فتحت الموبايل و حطت السماعات في ودنها وشغلت اغاني مركزتش في اي كلمه ولا حتي كانت مركزه مين بيغني
بس كانت عايزه الصوت اللي في ودنها يبقي اعلي من الصوت اللي جزه عقلها و اعلي من صوت قلبها اللي بيصرخ.
نزلت بهدوء علي الشارع كان الجو برد اوي و بتمطر و الدنيا رايقه مفيش غير عربيات عدت علي الصف التاني و عدت من السور بتاع الكورنيش وراحت قعدت علي البحر و هي لسه في حالة ذهول تامه
كانت عامله زي اللي متخدره بتتحرك من غير تركيز مصدومه و صدمتها مخلياها في حالة توقف تام عن الدنيا و اللي بيدور فيها.
فضلت قاعده قدام البحر اللي كان غضبان عينها علي الموج و السماعات في ودنها من تسعه لحد 12 وهي باصه و ساكته و بعدين قامت بهدوء اتحركت و خرجت من جوه رجعت تاني علي الشارع فضلت تمشي كتير و بعدت عن المكان اللي قاعده فيه لمحت سوبر ماركت كبير
دخلت بهدوء تجيب اي حاجه كانت مش عارفه هي عايزه ايه هي بس عايزه تحس انها بتعمل حاجه و تشغل نفسها جابت مايه تاني كل حاجه علي الرفوف قدامها كانت داخله في بعضها مش شابفه بعنيها زغلله الوان المنتجات قدامها ساحت علي بعض حست ان هي خلاص بتموت من قلة الاكل و قلبها بيقف بس معندهاش نفس كل اللي راحت تجيبه بسكوت عشان بس تضيع الدوخه.
وراحت جابت بن كانت محتاجه قهوه تفوقها و بعدين راحت جابت علب سجاير كتير مجابتش غير الاربع حاجات دول و راحت بهدوء علي الكاشير طلعت الڤيزا من غير ولا كلمه
سألها محتاجه حاجه تاني هزت راسها بلأ
الشاب حطلها المايه و البسكوت و البن والسجاير في الشنطه و خد منها الڤيزا
وقرب منها الجهاز عشان تكتب الباث وورد شردت و هي بتحاول تفتكر و بعدين كتبته بهدوء و رجعته تاني ليه.
سحب الفلوس و مد ايده بالڤيزا خدتها وخدت الشنطه و مشيت و فضلت ترجع تاني لحد ما طلعت علي البيت.
دخلت علي المطبخ عملت قهوه فارت منها رجعت عملت غيرها فارت لتاني مره عملت التالته و بعدين راحت علي البلكونه فتحت كيس بسكوت خدت واحده كلت نصها حاولت تاكلها او تاكل اكتر بس مقدرتش لا عارفه تبلع و لا معدتها مستقبله اكل سابت البسكوت و حطت رجلها علي كرسي تاني و ولعت سيجاره و شربت القهوه و السماعات لسه في ودنها و هي لسه باصه علي البحر .
من اول ما طلعت لحد ما بدأت تشوف الشروق و هي قاعده ساكته و حركتها قليله يادوب تولع سيجاره وترجع تاني علي نفس الوضعيه.
قامت بهدوء لما حست بالتعب دخلت علي الكنبه نامت و اللاب توب كان قدامها علي التربيزه و فضلت تمشي بأيدها الصور و هي دموعها اخيراً بدأت ترجع تنزل تاني مع كل صوره ليها مع عشري.
و بدأت تفتكر حجات كتير مواقف علي احداث كل يوم كانت بتقضيه معاه.
و بدأ صوتها الداخلي يبقي اعلي من صوت الاغاني كانت عماله ترفع الصوت لحد ما بقي علي الاخر و مبقاش في مفر من سماع صوتها الداخلي.
و كل الكلام اللي كانت بتقولوا لعشري كان جواها .
ليله….عملت فيا كده ليه؟ هونت عليك يا عشري؟
انا توقعتها من اي راجل في الدنيا الا انت ازاي يا عشري كنت معايا و في فحياتك غيري ازاي كنت بتاخدني في حضنك و لما تسيبني تروح لغيري. ازاي قدرت تخوني
ليه معرفتنيش ؟ كنت بتقولها يا عشري قولتلها بحبك طيب قولتلها حبيبتي كنت بتقولها يا تاج راس البنات كلهم زي ما كنت بتقولي
كنت بتبصلها بنفس نظرتك ليا ؟
طيب قولتلها انك مش هتسيبها غير وانت راجل عجوز و مش هتموت غير في حضنها.
طيب لما كنت ببقي مش معاك كنت بتبقي معاها يا عشري ؟
طب اتأخرت عليا لما قولتلي هجيلك كنت معاها يا عشري ازاي قدرت تروح تواسيها في حزنها و انا عارفه انك في شغلك عملتها ازاي
طب كنت بتسلم عليها و بتحط ايدك في ايدها بلاش كل ده لما كنا في دهب و لسه علاقتنا مبقتش قويه كنت بتكلمها طيب لما كنت بشوفك بتتكلم في الموبايل و تلمحني جايه عليك وتقفل كانت هي يا عشري.
انا قولتلك كدب وخيانه لا يا عشري طيب كنت عملت حاجه واحده بس ازاي قدرت تعمل فيا الاتنين.
طيب لما كنت برجع و الاقيك واقف تحت البيت تفاجئني كنت بجد ببقي وحشاك وعايز تفاجئني و لا كنت بتبقي معايا قبلها و ضميرك واجعك و حابب تريحه.
ده انا وقفت قدامها يا عشري و قولتلها لو قولتيلي اي حد في الدنيا عمل كده هصدق بس عشري لأ
قولتلها مش هسمحلك تتكلمي عنه كده و مقبلتهاش عليك ازاي انت قلبك طاوعك تقبلها عليا.
سمحت لنفسك ازاي تقرب مني؟ و انت بتخوني سمحت لنفسك ازاي تسيبني اثق فيك الثقه دي كلها.
طيب ليه لما كنت انا اللي بقرب منك مكنتش بتمنعني ؟
طب فاكر يا عشري لما قولتلك انك خطر عليا انا وقتها كنت حاسه اني عامله زي المراهقه اللي لو قربت منها اكتر هتسلملك نفسها
ده انا من حبي فيك يا عشري بقيت اعذر اي بنت سلمت نفسها لاي راجل باسم الحب لاني حبيتك لدرجه ان في اوقات كنت مستعده اسلملك فيها عمري مش جسمي.
كنت مأمناك لدرجه اني عمري ما خوفت منك طب قولي ليه عملت معايا مواقف حلوه و مبتتنسيش
ليه كنت جدع معايا في كل حاجه ليه معملتش معايا مواقف تخليني اقدر اكرهك ..
قبلت اهانتي ليه يا عشري؟
دافعت عنها ليه و قولت انك بتثق فيها ؟
طب ايه هعمل ايه من غيرك بعد كده؟ انت دخلت حياتي و قولتلي انك هتبقي فيها انا اقلمت نفسي علي وجودك يا عشري مبقاش عندي اي اختيار تاني غير انك موجود في حياتي و قلبي استكفيت بيك عن العالم كله.
وقفت حياتي من بعدك عليك انت و بس حياتي عمرها ما وقفت علي حد يا عشري كل مره كنت بقع فيها و بخسر فيها ناس كنت بكمل ده انا حتي امي كملت بعدها كنت بقول وقتها اني هموت من غيرها بس قدرت و كملت بس ورحمة امي يا عشري انا مش هقدر من غيرك و الله العظيم مش هقدر مقولتليش ليه طيب اعمل حسابي انك مش هتبقي موجود.
انت كنت عارف ان اليوم ده هيجي ليه محسستنيش بيه حتي ليه سبتني مكمله في حلم جميل من غير كوابيس طب كنت سيبلي اي اشاره تخليني اتوقع اللي بيحصل فيا الوقت.
طب قولي ليه مخلتنيش اشك فيك ده انا مفيش مره قولتلك عايزه اشوفك قولتلي لأ مفيش مره كلمتك ولاقيتك مشغول كنت بتعملها ازاي يا عشري بالشاطره دي
كان معاك تليفون خاص بمريم كنت بتستناني اتشغل او انام عشان تقضي وقتك معاها قولي عملتها ازاي…
عشري انا بموت والنبي يا عشري خد حبك من قلبي قبل ما تبعد عن حياتي و النبي يا عشري انا مش عايزه اتكسر ده انا محلتيش حاجه في الدنيا غير قلبي كنت سيبتهولي و الله العظيم هو مكانش سليم اصلاً بس انا كنت بحاول اكمل و انت لما ظهرت حسيت ان قلبي ده عمره ما وجعني حسيت اني عمري ما زعلت سامحت اي حد وجعني عشانك عشان دخلت حياتي بقلب جديد
بس انت الوقت دمرتني انا مش هقدر يا عشري خلاص ابقي معاك بس قولي اعملها ازاي؟
أكمل ازاي من غيرك يا عشري
ده انا حياتي جات عندك ووقفت
اصل انا عارفه نفسي يا عشري طول عمري بقدر اتخطي اي حد وجعني
طول عمري قويه بس انت ضعفتني اوي انت مدخلتش قلبي بصعوبه يا عشري انت دخلته بسهوله بس طلوعك منه ده اصعب من طلوع الروح.
طب انا متعودتش اسيب حقي يا عشري عشان ارتاح و وجع قلبي يهدأ مبحطش راسي علي مخده الا وانا جايبه حقي من اي حد وجعني.
أخد حقي منك ازاي؟ أوجعك وانتقم منك ازاي ؟ يا عمري
ده انا عايشه بقلبك يا عشري عايشه بحبك مقدرش اشوف فيك اي حاجه وحشه مقدرش اوجعك بأيدي ده امووووت والله اموت ولا تعيش لحظه وجع علي ايدي او ايد غيري.
طب انت بجد حبتني قولي اه عشان الاقي مبرر يخليني موجعكش يا عشري .
طب قولي يا عشري هتبقي في حياتي ازاي غريب ؟ ولا معرفه ولا واحد عادي زي اي حد معرفهوش
ازاي مش هلمسك و اشم ريحتك ازاي مش هسمع صوت نفسك بليل و انت معايا علي التليفون نايم ازاي مش هلمح ضحكتك ازاي هبطل اقرب منك واحضنك قدام كل الناس
انت ايه اللي عملته فيا ده ازاي بجد معملتش حساب اني هموت من غيرك
نزلت دموعها بوجع و حطت وشها في المخده و رجع تاني صوتها الداخلي.
مهما ما عملت فيك عشان خاطري متسبنيش لو قولتلك مس هسامحك و مش عيزاك و بكرهك متصدقش متستسلمش يا عشري أرجوك لو بتحبي ربع الحب اللي قلبي حبهولك متسيبش ايدي بسهوله لان دي هتكسرني اكتر …
سكت فجأه صوتها الداخلي و وقفت دموعها و غابت عينها عن الواقع في لحظه كانت عامله زي اللي في غيبوبه يقوم يهزي شويه و يرجع تاني يدخل في نفس الغيبوبه
وانتهي يوم الخميس بطريقتها المختلفه عن طريقتهم
وجالها اليوم الثالث مكانتش عارفه الوقت بيعدي بسرعه و لا ببطي بس كل اللي كانت حاسه بيه انها يوم عن يوم بتدبل جواها وجع بيقتلها و وجع جسدي مرعب كانت حاسه بتغيرات جواها مش فهماها مش عارفه الوجع من معدتها ولا من قلبها و لا قولونها العصبي و لا الحجر اللي واقف في حنجرتها مصعب عليها البلع طيب الاعراض دي من
من الحزن ولا من كتر شرب القهوه و السجاير ولا قلة الاكل.
ولا هي وصلت في حب عشري للادمان ودي اعراض انسحابه ماهو بردوا ثلاث ايام كتير علي قلبها.
كانت فاكره انها بتعاقبه بس طلعت بتعاقب نفسها.
يومها كان بيمر مابين كنبه لبلكونه لصور لدموع تقعد علي الارض و ترجع عالكنبه تدخل البلكونه و ترجع تفتح اللاب توب تبص علي صوره
تشرب قهوه وسجاير و مايه وفي ايدها تاني بسكوته يادوب خدت منها حته عشان تضيع الزغلله اللي تعباها.
قضت اليوم بين كلام داخلي ولوم في عشري ووجع منه و ذكريات بتهاجم عقلها بطريقه بشعه
وفي وسط ماهي بتتفرج علي الصور لمحت شويه ڤديوهات كانت نعيمه و ايه باعتنها للكل وهي احتفظت بيهم علي اللاب توب زي ما احتفظت بالصور فتحت ڤديو منهم
كانوا علي الشاطئ في دهب ايه بتصور مقالب سلامه و هي و عشري واقفين وراء بعيد و حسان بيصورهم سمعت صوته و انهارت من غير صوت.
عشري…..لو في مايه جات عليا انا وليله يا سلامه واحنا بتصور هنفخك
حطت ليله ايدها علي وشها وفضلت تروح لقدام وترجع لوراء وهي منهاره و دموعها نازله
فتحت ڤديو تاني
عشري….طب جربيها والله هتعجبك
ليله….يا سيدي مش عايزه
ابتسم عشري ورفع حاجبه وبص علي الڤديو
سلامه…..بضحك زي ما انتوا واقفين اعتبروني مش معاكم و دول بقي عشري وليله استاذ عشري بيقنع استاذه ليله تشرب قهوه عربي
ليله…..بضحك طب بزمتك معايا حق ولا لا
سلامه…..انا اسف يا افندم مقدرش اقول رايي لاني رأيي محايد
عشري….لا متقدرش تقول رأيك عشان هتتعلق
سلامه…..والي هنا مضطر انهي الحوار قبل ما استاذ عشري يعلقني
ضحكوا الاتنين و حط ايده علي ضهرها وضمها.
نزلت دموعها و حطت ايدها علي اللاب توب تلمسه.
وبعد شويه قفلته و قامت بهدوء مسحت دموعها حست انها بتطوح كانت خايفه يغم عليها قعدت بسرعه علي الكنبه و خدت بسكوته حاولت تاكلها و تلحق نفسها واول ما حست انها كويسه دخلت البلكونه في الهواء
العربيات بتتحرك و في ناس ماشيه بس كانت حاسه ان كل حاجه واققه مفيش غيرها في البلد حاسه انها لوحدها.
بدأت تسرح و ترجع بذكرايتها كتير
وبقت تفتكر كل موقف عدي عليها وحش حتي موت ابوها اللي كانت فاكره انها مش هتتوجع عليه ابداً
بس الحقيقه انه قتلها و اللي قتلها اكتر انها حاولت تخفي ده قدام الكل
رغم زعلها ووجعها منه بس عمرها ما قدرت تكرهه قالتها كتير في ضهره وفي وشه انها بتكرهه انه لو مات مش هتتأثر لانه عمره ما كان موجود في حياتها بس لما سمعت الخبر حست ان قلبها بيتوجع.
فلاش بااااك.
نهاد…..ايه يا وليد كنت فين كل ده ؟
يلا ادخل غير هدومك عشان ناكل
وليد….اااا لا انا نازل تاني و كنت جاي اخد اخواتي
نهاد….ليه يا وليد في ايه
اميمه….تاخدنا فين ؟
وليد…..بابا في المستشفي وراح عشان تعب شويه بس للاسف اتوفي من نص ساعه و جوز عمتي هو اللي قالي انا رايح اللي حابب فيكم يجي معايا يجي.
اميمه…انت بتقول ليه
قمر….بابا مات.
سكتت نهاد بصدمه و منطقتش و لا سمحت لدموعها تنزل قدام ولادها عشان ميحسوش بضعفها ولا كانت بتحبه قد ايه و نفس الصدمه كانت عند ليله اللي قامت بهدوء تلبس زي اخواتها ونزلت وراحوا المستشفي
ودخلوا واحد واحد في ثلاجه الموتي يودعوا و طلبت ليله من وليد ميدخلش معاها زي ما دخل مع اخواتها.
دخلت بهدوء و رعب مميت وقربت منه وسحبت بهدوء الغطاء و فضلت باصه في وشه كتير و بعدين قربت باست راسه بهدوء و فضلت سانده راسها علي راسه.
ليله….انا كنت محتجاك معايا اوي كنت بحلم باليوم اللي امشي جنبك في الشارع وانا ماسكه ايدك ليه حرمتني منك ده علي قد كلمه بكرهكك اللي قولتها كان في مليون بحبك نفسي تسمعها قولت مش عيزاك في حياتي و انا جوايا مليون كلمه محتجاك
انا مسمحاك من كل قلبي بس زعلانه منك اوي اوي انهارت في حضنه وهي مسكاه بكل قوتها و بتعيط بصوت مكتوم.
فاقت ليله وهي بترفع راسها للسماء و دموعها بتجري بهدوء زي الشلال علي وشها.
و بعد تقليب في الماضي و الذكريات رجعت لنفس الكنبه نامت كان يوم صعب عليها زي ما هو صعب علي الكل كانوا مشغولين بتعب حسان و اختفاء عشري كمان .
وجه يوم السبت رابع يوم.
صحيت ليله علي سؤال لنفسها هفضل هنا لحد امته طب هرجع ازاي هواجه ازاي هقدر اقق قدامه تاني هقدر اشوفه مستحيل اكيد هضعف و حشني اوي بس رجوعي ليه صعب او مستحيل
طب ارجع و اتظاهر كالعاده بالقوه ولا المرادي هبقي مفضوحه ليه وللكل.
طيب يا تري هو بيفكر فيا يا تري دور عليا يا تري فارق معاه اني مش موجوده ولا فارق وتعبان زيي
طيب البنات كويسين من غيري انا وايمي طيب ايمي مبسوطه في سفريتها و لا مسافرتش اصلاً
طيب اخواتي كويسين و لا خايفين و زعلانين عليا.
و فجأه رنت في ودنها كلمه عشري وهي ماشيه…
عشري….ليله متعمليش فيا كده متسبنيش
نظرته ليها كانت صادقه بس وجعها منه خلاها مش عارفه تصدقه
و فجأه تاني ظهر في ودنها صوت مريم اللي قتلها
مريم…..انتي عارفه محمد صعبان عليا اصل والدك عاش نفس القصه مع والدتك.
الفرق بس ان والدك اتجوز والدتك و مقدرش يكمل معاها كتير اصله ابن ناس و ابن عيله و اهله طول عمرهم مش بيحبوا والدتك و بيستعروا منها و منك انتي و أخواتك فا اضطر يطلقها انما محمد يا حرام صعبان عليا لسه ميعرفش ان حياته هتنتهي نفس النهايه قوليلي هي الستات في المناطق الشعبيه كلهم كده بيلعبوا علي الراجل الغني و ابن الناس.
حطت ليله ايدها علي ودنها وهي بتروح وتيجي بسرعه و دموعها نازله وصرختها لسه مش عارفه تطلع.
…………..
اما عند عشري سمع كلام ايمي و راح البيت وصل مع اخواته فتحولوا و دخلوا علي طول لكن مقدرش ينام كويس عينه كانت بتروح و يرجع يصحي علي كابوس ان ليله فيها حاجه عقله مكانش راضي يهدأ من فكره ان ليله حصلها حاجه.
يادوب روح خد شاور و غير هدومه هو كمان كان حاسس بكل اللي ليله حاسه بيه دوخه و زغلله و عدم اتزان قلة نوم وسفر رايح جاي من دهب و تدوير في كل مكان بالعربيه و قاعده في الشارع لا اكل ولا شرب الريد بول مع القهوه زودوا ضربات قلبه جداً كان حاسس بتعب بس ساكت مش بيقول نسي شرب كام علبة سجاير من كتر ما شرب.
مسك بايده واحده تمر كلها عشان بس يقدر يقاوم الليل عدي عليه بصعوبه و جه تاني يوم كانت عينه رايحه شويه في النوم وهو كمان صحي علي صوت داخلي بيرن في قلبه قبل ودنه كأنه سامع صوتها بتنادي عليه.
مسك موبايله و بعتلها رساله تاني.
عشري….رابع يوم يا ليله و انتي مش معايا ولا اعرف عنك حاجه انا روحت بس مش بمزاجي والله ايمي قالتلي انك هتزعلي مني يمكن معاها حق لو لسه بتحبيني و يمكن لا بس انا قررت اني مزعلكيش ابداً
علي فكره يا ليله ايمي مسافرتش هي و رشيد بيدوروا عليكي هما كمان ايمي و البنات بيحبوكي اوي يا عمري انتي محظوظه بيهم او هما اللي محظوظين بيكي معاهم حق يحبوكي ده انا في وقت بسيط عشقتك يا ليله و روحي بقت مرتبطه بروحك.
ليله انا بدأت اتهد و تبعت مش استسلام يا عمري بس حاسس بأعراض غريبه اول مره احس بيها مش بنام يا ليله من يوم الثلاثاء و من كتر ما عاندت النوم
بقي يهرب مني حتي لو عيني غمضت ثواني عقلي شغال محتاج انام اوي بس والله مش عارف.
اصوات جوه عقلي غريبه و متعبه اوي لا عارف اوقفها ولا قادر مسمعهاش مش باكل يا ليله و مش جعان بس بدأت احس اني لو مكلتش هموت مش هاين عليا اكل من غيرك يا بلطجيه بس عايز اعيش حتي لو هعيش لحد ما اشوفك مره و بعدها يا ستي همنع اكل و شرب و نوم انا بحاول اكل بس معرفتش الاكل مش بيتبلع جسمي واجعني اوي زي اللي واكل علقه او اتحدف من فوق جبل عالي و جسمه اتكسر.
روحي من جوه تعباني ااااااااه
قوليلي يا بنت عمري ابدأ اليوم ازاي انهارده اصلي تايهه و كل الاعاراض اللب قولتلك عليها دي مخلياني مش عارف اركز اروح تاني المقطم ولا انتي مش هناك ؟
طيب أرجع علي دهب ؟ ولا اروح السخنه اقرب اصلي بصراحه حاسس اني مش قادر اسوق.
طيب بلاش كل ده اقعد و استناكي طيب انتي بتعملي ايه صحيتي يا عمري كلتي ولا مقضياها سجاير وقهوه بلاش يا حبيبي دول دمروني خالص و تعبوني .
ليله انتي مش هتسبيني صح انا محتجاك اوي علي فكره حاسس اني خسيت شويه ارجعي بقي الشيست باظ يابت مش هتلاقي حضن حلو يخبيكي جواه.
ريحتك وحشتني وريحه نفسك و لمستك حاسس ان كفي عجز من غير لمستك يا ليله ارجعيلي يا بنت عمري و بطلي عناد و متركبيش دماغك قولي لقلبك براحه علي قلبي انا مش قدك بحبك اوي انا لو عايش لحد الوقت يا ليله عايش عشان بتنفسك انتي قلبك اللي جوه قلبي هو اللي مخليني اقاوم.
ارجعيلي عشان خاطري يا احلي و انضف ست عرفتها في حياتي .
و للحديث بقيه…….
