لقاء كارثي
لقاء كارثي 51/52/53
لقاء كارثي
أميره أسامه
صاحبة البطل الواحد
.البارت الثالث و الخمسين .
…………………….
في منزل اهل ايمي .
وصلوا و استقبلوهم و قعدوا كانوا مبسوطين محمود مكانش موجودو و جه بعدهم بنص ساعه.
محمد….طيب حسان اخباره ايه الوقت؟
رشيد…احسن شويه والله يا حماده
ماريز….انتوا ايه اللي جرالكم كده مره واحده اتحسدتوا ولا ايه
رشيد….بابتسامه شكلها كده يا زوزو احنا اتجوزنا من هنا و كله جه وراء بعضه من هنا
امنيه…..بضحك العروسه كان وشها وحش ولا ايه
ايمي…خير يا ظريفه
رشيد….بابتسامه لا والله بالعكس اصلا ايمي اكتر حد صعبان عليا في الموضوع ده كله ملحقتش تفرح و انا والله مش بأيدي اعمل اي حاجه
محمد…..وانت هتعمل ايه بس يا رشيد يا ابني كل حاجه مكتوبه
امنيه…..طيب هو ازاي مفيش اخبار خالص كده عن ليله معقول بجد اخواتها ميعرفوش
ايمي….ميعرفوش والله
ماريز…..انا كلمت اميمه اطمن عليها حزينه و هتموت عشان تطمن عليها
ايمي….اصلا ليله مش هيهون عليها تعرف اننا بندور عليها كده و تسيبنا و بعدين ليله اه قريبه من اميمه وقمر بس في الحجات اللي زي دي متروحش عليهم هما انا واثقه.
محمود…..ان شاء الله يومين ولا حاجه ونلاقيها راجعه هي اكيد قالت اختفي اسبوع اريح دماغي فيهم و بعدين اظهر
محمد….ايوه يا ابني بس المفروض تفكر في اللي قلقانين عليها دول
ايمي….هي في ايه ولا في ايه يا حماده لو كنت شوفت حالتها كنت عذرتها
محمد…..عارف يا ايمي و حاسس بيها و مش لازم اشوفها عشان اعذرها لس اللي اقصده ان هي الوقت مضايقه من عشري بس في اخواتها هيتجننوا عليها في انتوا و احنا و بعدين افرضي من زعلها حصل معاها حاجه مش لازم يبقي حدجنبها
ماريز…..بعد الشر هو الواحد لما بيحس ان الدنيا ضاقت عايه و اتوجع بيفكر في اي حاجه هو بيبقي عايز يهرب وبس
جه عمرو في الوقت ده و سلم علي الكل و قعدوا تاني باركلهم و سأل عن ليله و رجعوا اتكلموا تاني عنها.
شويه و قاموا اتغدوا كلهم و بعد ما خلصوا رجعوا تاني قعدوا مع بعض.
محمد….بقول ايه يا ايمي انتي و رشيد عمرو كان فاتحني في موضوع و طلب مننا نتكلم معاكم فيه بس يعني هو يتكلم احسن
رشيد….طبعاً قول يا عمرو
ايمي…..امنيه قالتلي ايوه انك عايزنا في ايه؟
امنيه…ااا لا انا مليش دعوه هو يقولكم
ايمي….انتي او هو في ايه قلقتونا
عمرو…..ربنا ما يجيب قلق انا هقولكم بصي يا ايمي انتي عارفه ان انا وامنيه المفروض محددين جوزانا يوم 14 فبراير و كنا مجهزين نفسنا علي كده البيت خلص وكان في حجات بسيطه جداً كلهم جهزت و مش فاضل بس غير اننا نفرش و نستني المعاد
ايمي…..ايوه عارفه طبعاً
عمرو…..بس حصل ظروف كده لحسن اخويا و هيضطر يسافر بعد 12 يوم و هو مسافر شغل و اكيد مش هيرجع الوقت خالص يعني انتي عارفه لازم الاول يستقر و وظبط حياته هناك و يبدأ شغله و مش هيبدأ ينزل غير اقل حاجه بعد سنه
بصتلوا ايمي بهدوء و سكتت و فهمت
عمرو…..و طبعاً انا كلمت عمي شرحت ليه كل حاجه انا مش هقدر اتجوز من غير حسن اخويا يا ايمي و لو استنيت للوقت اللي كنا محددينه حسن مش هيبقي موجود وده اخويا الوحيد اكيد حابب انه يبقي معايا لما كلمت عمي استأذنته اننا نقدم الجواز بما ان كل حاجه خلصانه و يبقي السبت اللي جاي هو معترضش انتي عارفه زي ما قولت كل حاجه جاهزه و امنيه هي اللي كانت حابه اننا نتجوز يوم عيد الحب عشان تبقي مناسبه حلوه يعني كنت مستني عشانها عمي وافق بس طبعاً قلقت يعني انك تضايقي هو قالي لا طبعاً بس انا بردوا حابب اخد رأيك انتي ورشيد في النهايه اللي حاصل ده يخص صحابكم ايمي انا عارف ان الظروف متسمحش خالص بالجواز الوقت ليله انتي عارفه غاليه عندي و بحبها جداً عشري كمان يارشيد يمكن معرفتي بيه من قريب بس والله حبيته و جدع ومضايق علي اللي حصل بينهم بس انا في موقف لا احسد عليه عايز اخويا يكون معايا فا انتوا ايه رأيكم
رشيد….بابتسامه لو بتسأل عن رايي انا فا انا مليش رأي في الموضوع ده يا عمرو اكيد هفرح من قلبي و ربنا يتمملكم بخير ده كفايه شعورك ده و عسري نفسه مش هيبقي في باله كل اللي انت بتقولوا ده اتجوز يا حبيبي و اتبسط انت و امنيه و اخوك يفرح معاك يعني متفكرش بالطريقه دي ليله وعشري اه في بينهم زعل بس هما معانا وبخير يعني مفيش سبب يمنع .
عمرو….حبيبي يا رشيد والله العظيم لو عليا زي ما قولت انا كنت مسستم نفسي علي يوم 14 عشان امنيه متزعلش بس كمان يعز عليا نفرح وفي حد فيكم زعلان
رشيد….يا حبيب قلبي اللي انت بتقولوا ده لوحده كفايه اوي ده حقك و بعدين انك تعمل حسابنا في حاجه زي دي معناها كبير عندي يا عمرو اكيد يا حبيبي مش هزعل و بعدين اهي مناسبه تغير المود ونفرح كلنا و هجيبلك عشري من قفاه و ان شاء الله ليله كمان ترجع و يمكن ده يكون سبب صلحهم
عمرو…..ايه رأيك يا ايمي؟
ايمي….بتنهيده اللي رشيد قاله انا معاه يا عمرو اكيد اتمني كل خير لاختي وليك طبعاً وحقك تفرح وسط اخوك واهلك مقدرش اتكلم
عمرو….بالله عليكي انا مش عايزك تبقي زعلانه انا عارف ان ليله غاليه عندك اوي
ايمي….بطل هبل يا عمرو اكيد مس زعلانه واكيد عايزه افرح بيكم وزي ما رشيد قال انك تفكر بالطريقه دي حاجه تفرحني جداً
امنيه…..هو انا مكنتش عايزه اقولك خوفت تزعلي و علي فكره انا كان نفسي يبقي يوم 14 بس انا عارفه كمان ان ليله لو عرفت اني هتجوز هترجع و اكيد مش هتزعلني و هتبقي جنبي
ايمي….ليله لو عرفت هترجع اكيد بس المشكله هتعرف ازاي و هي مختفيه كده
عمرو…..احنا لسه قدامنا وقت انهارده السبت و المفروض الفرح يبقي السبت اللي جاي يعني بنتكلم في ثمان ايام اكيد هترجع او هنعرف مكانها
ايمي….يارب يا عمرو عموماً سيبك الوقت من ليله وعشري انا اكيد معنديش مانع و مقدرش اقول اه او لا فرحتكم دي تفرحني و اكيد حابه افرح بيكم يا عمرو
محمد….مش قولتلك مش هتزعل
عمرو…..بس كان لازم اخد رأيهم
ايمي…..لا يا حبيبي ابدأ بقي جهز يلا لان مفيش وقت
عمرو…..هو نفيش حاجه تتعمل البيت كله جاهز هيتفرش بس محتاج يوم او اتنين و بس نظبط معاد حجز الفندق و خلاص
رشيد….طيب شوف ناقصك ايه او عايز تظبط ايه و انا معاك
عمرو….حبيبي يا رشيد متحرمش منك
رشيد….مبروك يا موووني هتبقي عروسه قمر
امنيه….بأبتسامه الله يبارك فيك يا رشيد
ايمي…..مبروك يا حبايبي ربنا يسعدكم يارب
عمرو….الله يبارك فيكي يا ايمي
امنيه….قامت باستها وحضنتها الله يبارك فيكي يا عمري
ماريز…..يارب يكتر افراحنا و يارب ترجع ليله وزي ما قال رشيد تبقي مناسبه حلزه تخليهم يتصالحو
امنيه…يارب
محمد…..ان شاء الله خير
كملوا قعدتهم ايمي كانت مبسوطه اكيد عشان اختها بس كانت مضايقه من جواها مش عارفه هتعمل ايه لو ليله مظهرتش هتبقي ازاي فرحانه و هي مش جنبها رشيد كان حاسس بيها و سكت متكلمش .
……………..
عند اميمه.
اميمه…..انتي بتقولي ايه دب كانت قلبت الدنيا و طينت عيشتنا
قمر ….بابتسامه علي فكره بقي انا مع نادين
نادين….اهو شوفتي
اميمه……طب دي هبله تعملي زيها يابت انتي مش عارفه اختك
قمر….انا عشان عارفه اختي هي مش هتيجي غير كده ليله لما ترجع هتبقي عامله زي القنبله اللي عايزه تنفجر و هتاخد وقت طويل لحد ما تلين ده لو لانت و كمان عشري راجل مش بعيد اختك تقولوا كلمه تجرحه فا كرامته تنقح عليه هو كمان والموضوع يدخل في عند
اميمه….طيب فرضنا اني وافقتكم علي الجنان ده وليد هيوافق ده احمد وسامح اللي مش اخواتها هيخافوا يوافقوا
نادين…..وليه يرفضوا انتي بس اقترحي عليهم الفكره و قولي يا ستي انها فكرتي عادي
اميمه….اسمعي مني وليد يخاف من رد فعل ليله تصدقي بأيه
نادين…بالله
اميمه…..مش بعيد لو ليله عرفت اللي هنعملوا ده تروح تحبس وليد
ضحكت نادين وقمر
قمر… هي في دي معاها حق
اميمه….انتوا بتضحكوا و الله ما بهزر
نادين….اميمه اسمعيني ليله اختكم و انتوا اكيد عارفنها مويس بس كمان ليله دي عشره عمر يعني في حجات اسفه ممكن انا اعرفها عنكم انا حافظه كويس طبع ليله لو هتموت علي حاجه هتعمل نفسها مش فارقه معاها عشان كرامتها و ده اللي انا عارفه انها اما ترجع هتعملوا ليله بتعشق عشري وبتحبه بجد وواجعها جداً و هي واخده قرار قدام الكل ان عشري انتهي من حياتها خلاص بس انا عارفه ان من جواها مش ده اللي قلبها عايزه و نفيش قدامنا حل غير اننا نحطها قدام امر واقع
اميمه….نقوم نجوزها من غير ما هي تعرف ده جنان
نادين….اه جنان انا معترفه بس صدقيني مفيش غير الفكره دي اختك في الكدب تموت ولا انها ترجع في كلامها و مهما صدقت ان عشري مكانش قاصد وسامحته مش هتسامح في كرامتها من اللي اسمها مريم ليله لحد الوقت مسمعتش اي رساله مفتحتش الموبايل معرفتش اللي حصل لما هترجع هترجع بغضب مفيش بعده ولا قبلو او هترجع وهي عامله نفسها قويه و هتنتقم من عشري بس كمان هتنقم من نفسها كتكابر كتير بس انتوا عارفين انها بتحبه و هتتوجع وزي ما قمر قالت عشري اه بيبحها بس ده راجل بدور و صعيدي و شرقي و اختك قدام الكل مسخرته ولو فكر يقرب منها لما ترجع هتمسخروا تاني هو سكت اول مره عشان عارف انه غصب عنها بس ليله عشان غضبانه مش دريانه باللي بتقولوا جايز يا اميمه كرامته هو كا راجل تتجرح من اهانتها ليه قدام الكل جايز تقوله كلمه توجعه و يمشي حتي لو بيموت فيها
يا اميمه دي الست لما بتبقي متجوظه لو قالت لجوزها خلي عندك كرامه وطلقني كرامته بتنقح عليه وبيطلقها ما بالك هو مش غلطان الغلط الكبير و مستجمل لسه مش ممكن يتوجع و يفضل كرامته وقتها اختك هترتاح والله ابداً دي هتموت مننا يا اميمه و لو هتموت و هديت بعد كده و فهمت مش هتقدر تروح تقوله سامحني انتي عارفه ليله كويس صدقيني مفيش غير الحل ده
يتجوزها و وليد هو اللي يكون وكيلها و بعدها نظبط اي فكره عشان نقدر ناخدها و عشري ياخدها مننا و تفضل معاه لحد نا هو يقنعها بنفسه
اميمه…..يعني ايه مش فاهمه ؟
نادين….بابتسامه بجملت الجنان يا اميمه يحبسها و يفضل هو وهي لوحدهم مش هتخرج من البيت غير لما تسمعه و تسامحه و الموضوع يخلص
اميمه…..طب وليد هنقنعه ازاي ده ميقدرش ابداً يقف قدام ليله بعد المصيبه دي والله ليله تاكله بسنانها
نادين….مش هيقف قدامها يا ستي احنا هنكتب الكتاب و بعدين نشوف يوم مناسب نخرج مثلا انا وهي و البنات نقول رايحين اي مكان افرجهم مثلا علي الشقه و اليوم اللي هنكرر فيه ازاي نخلي ليله تقتنع تخرج عشري هو بقي اللي يعرفها انه بقي جوزها بعد ما ياخدها مننا و مش هتشوف حد فيكم ولا فينا غير لما تهدأ و تسامح عشري وبعدها اكيد مش هتعاتب حد جايز تضايق و تزعل و تشتم فينا كلنا و لو طالت حد مننا تقتله زي ما قولتي وانا اولكم عشان انا صاحبة الفكره بس كمان لما ترجع لحضن عشري هتشكرنا اننا كسرنا العند اللي جواها ده و قربناها منه تاني
قمر….بقولك ايه انا اقتنعت اختك وانتي عرفاها مش هتيجي غير بكده و الراجل بيحبها و بصراحه انا مستخسره عشري يضيع منها يا ستي غلط واعترف و هو الوقت هيتجنن عشانها.
اميمه….طيب انا مش هقدر افتح الموضوع ده خالص معاهم وليد هيطلع فيا و هيخاف من ليله
نادين…..سيبي الموضوع ده عليا و علي عشري انا الاول هروح افتح الموضوع معاه هو والشباب والبنات و لو تمام هنظبط الخطه مع بعض و عشري يقابل وليد و احمد و سامح ويقعد مع الشباب و يتكلموا ويتفقوا
اميمه….طب فرضنا كل حاجه مشيت تمام ليله تتجوز كده يا نادين من غير فرح ولا افرح بيها واشوفها عروسه
نادين….هتفرحي بيها يا اميمه لما تشوفيها سعيده و في بيتها و دي اهم حاجه بس انا عارفه ان عشري كمان مش هيرضي اولاً اهله عايزين يفرحوا بيه لانهم مستنين اليوم ده
ثانياً عشري عايز يشوف ليله عروسه كل الحكايه ان الكتاب يتكتب و تبقي مراته و يخطفها في بيته بقي في اي مكان هنقرره و يقفل عليهم باب ميخرجش منه غير وهي معاه و بعدها نعمل فرح و نتبسط كلنا
اميمه…..بأبتسامه انا نفسي اعرف ازاي فكرتي في حاجه زي دي ؟
قمر….بضحك طلعت مش سهله
نادين…..هقولك يا اميمه اولاً انا هموت علي ليله وعيزاها ترجع و كمان انا عارفه هتعمل ايه لما ترجع بس كمان انا لو مش واثقه من حب عشري ليها مكنتش فكرت كده انا هقولك انتي وقمر علي حاجه ليله احد الوقت متعرفهاش و عشري قالي معرفهاش الوقت حاجه هالص عشان كانت هترفض وقالي لما نتجوز هبقي اقولها انا.
اميمه….حاجه ايه؟
نادين…..المزرعه اللي اشتريناها و بقينا كلنا شركاء فيها يا اميمه اكيد عرفاها
اميمه….اه وليد قال انه بدأ كمان شغل فيها
نادين….تقدري تقولي ان نص الفلوس عشري اللي شارك بيها و كلنا كتبنا العقد ده بأسمنا الا عشري كتب نصيبه باسم ليله
بصوا لبعض اميمه وقمر
اميمه….انتي بتقولي ايه ؟
نادين….والله العظيم حتي وليد نيعرفس المعلومه دي مفيش غيري انا و ميدو و حسان بعد ما المحامي كتب العقد وخلصنا كل حاجه مع المالك عشري عمل تنازل و قالي اخليه معايا لحد ما يطلبه مني عشري بيحب ليله لدرجه الجنون هيموت عليها يا اميمه و اقل حاجه تتعمل في حقه اننا نقف معاه وققه بجد صح اختك هتطلع عينه و احنا في ايدنا نختصر كل ده
اميمه….طيب والمأذون يا نادين هنعمل فيه ايه
نادين….دي بتاعت عشري بقي يجيب ماذون تبعه و كده كده معروف ان العرب في جوازهم بتبقي قاعده رجاله و بيبعتوا حد يسأل العروسه
اميمه….طيب وده مش حرام كده الجواز مش هيبقي باطل
نادين….اكيد مش باطل اختك هتموت عليه يا اميمه لسانها هيقول لا بس قلبها هيقول اه
اميمه….بابتسامه ده انتي طلعتي اجن منها يا نادين
قمر…..ليله محظوظه بيكم
نادين.. احنا اللي محظوظين بيها يا قمر اختك دي بعيداً عن انها اختي و صاحبتي بحسها امي
قمر….طب افرضي لو عرفت انك انتي صاحبه الفكره وزعلت منك بجد
نادين….بتنهيده و توتر تزعل هتاخد وقت بس قدام شويه هتهدأ و لو خلصت علي خير ليله هتتبسط و خدي بالك انا لو في نفس الموقف ده ليله هتعمل كده
اميمه….طب انتي ناسيه حاجه مهمه بطاقتها
نادين….دي محلوله يا ستي ترجع هي بس و اول ما ننوي نعمل كده انا هجيب بطاقتها بطريقتي هقولها شغل بقي محتاجه اخلص ورق اي حاجه قولتوا ايه معايا
قمر…..انا معاكي
اميمه….انا مش عارفه بصي انا معاكي بس اقناع وليد و اني اشرح لاحمد وسامح مليش دعوه بيها
نادين….قولتلك خليها عليا بقي انا اتفقنا
اميمه….طيب تمام شوفي الاول عشري هيقولك ايه يمكن هو ميوافقش بالفكره اصلا و ميحبش انه يكدب عليها تاني
نادين….لا هيوافق عشري بيدور علي اي حاجه تخليه مع ليله كمان هيقول اكيد لسه لاهله عشان يبقوا موجودين
اميمه….طيب عرفيني بقي هتعملي ايه
نادين….ماسي ان شاء الله خير و بعدين هي علقه بالشبشب مش موضوع يعني
ضحكوا كلهم و فضلوا بكملوا كلام لحد ما عسال وصل وكلمها سلمت عليهم و نزلت.
……………….
نزلت نادين اول ما شافت ميدو ابتسمت .
عسال…..القمر اللي وحشني
نادين…..نعيماً
عسال….بضحك اهو شوفتي بقي انتي اللي بتجرجريني تاني
نادين…..طيب خلاص اسفه يلا بينا
عسال……مش هتقوليلي كنتي جايه ليه بردوا
نادين….هقولك بس مش الوقت لما نتجمع كلنا
عسال…..مين اللي يتجمع
نادين….احنا و الشباب
عسال….وده ليه بقي
نادين….امممم يعني في كده اقتراح هقولوا لو نفع هنختصر وجع قلب كتير علي ليله و عشري و علينا كلنا
عسال…..طيب وامته هنتجمع؟
نادين…..بكره كلنا عند ايمي و رشيد ولازم عشري يبقي موجود
عسال…..اشمعني ايمي و رشيد؟
نادين….يعني عشان حسان ميبقاش تعب عليه هو لسه تعبان بس براحتكم يعني عادي
عسال…..طيب قوليلي هتروحي فين الوقت ولا هتعملي ايه ما تيجي الوقت نخلص و نروح و نشوف عندك ايه تقوليه
نادين…..مش هينفع انهارده اولا ايمي و رشيد عند زوزو ثانياً سلامه وايه خرجوا و نعيمه عند اهلها خليها بكره
عسال….طيب اصلك بتقولي لازم عشري يبقي موجود و عرفت انه عند حسان فا قولت فرصه انا كده كده كنت هروح اشوفه
نادين…..خليها بكره وخلاص بقي
عسال…..تمام ماشي يلا انتي هتعملي ايه الوقت
نادين…..هروح
عسال…..طيب يلا اركبي
ركبت نادين وراه و اتحرك عسال بيها.
…………
نزلت نعيمه من عند اهلها و اتصلت بفضل.
فضل……هلا حبيبي
نعيمه….فضل انا نزلت من عند ماما
فضل….كيفهم ان شالله بخير
نعيمه….الحمد لله كويسين و بيسلموا عليك
فضل…..الله يسلمهم وين بتروحي
نعيمه…امممم والله يا فضل مش عارفه انا نزلت و ركبت العربيه و قاعده مش عارفه اروح فين مش عايزه ارجع و اقعد لوحدي و لا عارفه اروح فين
فضل….ايش بك انتي صوتك مش تمام
نعيمه…..عادي انا بخير بس مش في المود خالص يا فضل
فضل…..طيب اسمعي انا أجيلك
نعيمه….لا يا فضل خليك انا عارفه ان عندك شغل كتير
فضل…..انا مستني تقي بنت وليد هتيجي تسلم الشغل عشان وليد في المزرعه و بعدها فاضي طيب بقولك ايه ؟ ما تيجي انتي اطلعك تقعدي شويه مع نجود و البنات و بعدين باخدك و نخرج شويه
نعيمه….خليها مره تانيه يا فضل انا مش قادره بجد اقعد مع اي حد و هيبقي دمي تقيل بقولك ايه انا هروح
فضل……مش هيبقي دمك تقيل ولا حاجه غيري جو و بعدين نجود هتغير مودك لوحدها
نعيمه….بأبتسامه عارفه والله هي كل شويه تكلمني و البنات كمان بصراحه بيكلموني بس خليها مره تانيه
فضل…..طيب اسمعي شوفي اي مكان يعجبك استنيني فيه هجيلك
نعيمه….لا تيجي فين خلص اللي وراك انا هروح
فضل…..سمعتي ويش جلت
نعيمه…..بابتسامه سمعت يا شيخ العرب بس معلش خليك يا قلبي في شغلك و شوف اللي وراك انا والله كويسه هروح كده اقعد شويه مع نفسي وانت بس لما تخلص كلمني
فضل…..طيب اخلص واجيلك
نعيمه…..خلص وكلمني الاول عشان لو الوقت اتأخر مش هعرف انزل و هكسل اصلا انا بردانه
فضل….طيب بخلص و بحكي معك
نعيمه…..تمام يا حبيبي
فضل…..لما توصلي حاكيني
نعيمه….حاضر باي
فضل…..باي يا جلبي
…………….
وصل عسال نادين علي البيت و سابها و بعدين راح علي بيت حسان.
وقت بسيط اوي و وصل كان احمد بيسلم علي حسان وماشي.
عسال…..سلام عليكم
احمد….اهلاً وعليكم السلام
عسال…..ازيك يا عمي اخبار حضرتك
احمد….بخير يا ميدو انت عامل ايه
عسال….زي الفل ايه حسان عامل ايه الوقت
حسان….بخير يا صاحبي
احمد….يلا انا هسيبكم بقي وامشي
عسال…..ايه ده علي فين بس انا جيت قاطعتكم ولا ايه
احمد….لا والله يا حبيبي انا هنا بقالي كتير كنت قاعد انا و حسان و مرضتش اسيبه لوحده
عسال…..هو عشري مشي ولا ايه
حسان….لا عشري مقتول نوم جوه مش دريان بالدنيا سيبناه براحته و جينا قعدنا هنا
عسال….لسه نايم كل ده؟
احمد….سيبوه يرتاح يا ابني واضح انه منامش بقاله كتير النوم كويس عشانه
حسان….انا مرضتش اصحيه بصراحه ماصدقت عشري اصلا مش بيعرف ينام غير علي سريره معني انه ينام كده يبقي خلصان
عسال…..طيب انا هدخل ابص عليه كده ماشي
حسان….ادخل
احمد….طيب وانا هستأذن بقي خد بالك من نفسك يا حسان كل كويس و خد علاجك و بكره ولا بعده تروح لسلمي تخلص من موضوع ضرسك ده مش عايزين اللي حصل ده يحصل تاني يا ابني
حسان….حاضر والله و شكراً يا عمي والله تعبتك معايا
احمد…..تعب ايه يا حسان انت ابني يا حبيبي يلا خد بالك من نفسك
حسان…..تسلم يارب خد بالك من نفسك وعلي مهلك
احمد….ربك يسترها يلا ادخل من البرد ده سلام عليكم.
حسان….وعليكم السلام
فضل حسان واقف مستنيه لحد ما ركب عربيته ومشي.
دخل حسان بهدوء لقي عسال قاعد علي كرسي جنب عشري و باصص عليه بحزن
حسان….بهدوء ايه مصحتهوش
عسال….لا خليه مرتاح
حسان…..بقولك ايه يا عسال انا عايز اخد شاور انت قاعد صح؟
عسال…..اه قاعد ادخل قادر ولا اساعدك
حسان….بابتسامه لا ياعم قادر متقلقش انا سايب الباب مردود عشان لو اب حد جه ميخبطش و يصحي عشري
عسال….ماشي
حسان…..كلت ولا لأ
عسال……انا فطرت بس ادخل انت خد شاور هطلب اكل عشان عشري كمان ياكل
حسان….طيب تمام يلا انا داخل
عسال….تمام
دخل حسان و طلب عسال اكل عشان عشري ياكل معاهم و بعدين قام بهدوء عمل قهوه في المكنه ورجع قعد ولع سيجاره و حط ايده علي عينه شويه و بدأ دخان السجاير يصحي عشري اتقلب بهدوء و فتح عينه و بعدين قام كان عمال يبص قدامه و كأنه مش مركز هو فين ولا بيعمل ايه و ازاي نام
عسال….بهدوء صباح الفل
بص عشري وراه بسرعه و سكت
عشري……ميدو
عسال…ايه يا صاحبي لما انت تعبان اوي كده بتقاوح ليه
خد نفس طويل و قام عدل نفسه و بعد الغطاء من عليه نزل رجله وحط ايده اللي اتنين علي وشه و هو ساند علي ركبه و بعدين بصلوا
عشري…..هو فين حسان ليه سابني نمت كل ده
عسال….سابك ترتاح
عشري….انا جاي اطمن عليه اسيبه وانام هو كويس
عسال….اه كويس بياخد شاور متقلقش خليك في نفسك انت ايه المنظر ده يا عشري
بصلوا عشري بهدوء و بعدين بص قدامه وسرح في الارض
قام عسال بهدوء من مكانه و قعد جنبه علي الكنبه حط ايده علي ضهره من غير ولا كلمه فضلوا ساكتين شويه
عشري…..بوجع كان معاك حق يا ميدو قولتلي هتقع و وقعتك مش هتبقي سهله و انا وقعت و اتكسرت يا اخويا
قرب ميدو منه وضمه راسه سند عشري راسه علي دراع عسال وهو خلاص بيضيع وفاقد السيطره علي نفسه و نزلت دموعه قدام ميدو اللي كان هيموت عليه
عسال……بلمعه دموع ووجع لا ياعشري و النبي لا يا صاحبي مش انت اللي يحصل فيك كده
عشري….مريم دمرتني يا ميدو دمرتني و انا معملتش معاها غير كل خير خدت مني روحي ضيعت ليله من ايدي
عسال…..عشري عشري لا والنبي
ضموا بكل قوته و نزلت دموعه و فضل يبوس في راسه و كتفه و يضمزا اكتر
عشري…..انا ضيعتها من ايدي كنت عارف ان معاك حق و كنت عارف ان ليله هتزعل ويمكن تبعد بس متخيلتش انها تبعد كده يا ميدو كنت فاكر ان ليله مش هتقدر تبعد عني مهما زعلت بس دي استغنت خالص يا ميدو خاااالص
عسال….بدموع ولا انت ياض فوق كده واجمد ليله مين دي اللي استغنت لما انت عامل عليها كده امال هي فيها ايه يا صاحبي عشري انا توقعت انك تتوجع تقع تتجرح بس مش الوقعه دي يا عشري انا عارف انك حبيتها و عارف كمان انها فارقه بس قولي يا صاحبي عملت في قلبك ايه
عشري….كسرتني يا ميدو خدت روحي معاها وهي ماشيه مكانش لازم اسيبها كان لازم اروح وراها سابتني زي العيل الصغير اللي تايهه الاقيها فين يا ميدو طب قولي خلاص كده هي مش هترجع طب هترجع امته ميدو انا حاسب الوقت بالثواني و الدقايق و ميت جنبك انا مش عايش
عسال….بدموع عشري انا محبش اشوفك يا صاحبي و الله العظيم هترجع ليله لو متوجعتش منك يا صاحبي كانت فضلت قدامك واقفه وثابته وقويه وحاطه عينها في عينك بس ادام هربت يبقي هي مش قد المواجهه مش قد ضعف قلبها قدامك مستنيه تقدر تقف تاني عشان ترجعلك
عشري…..امته طيب امته ؟
انا انا خلاص يعني مبقاش قدامي غير حل واحد اروح ادور عليها في المستشفيات عقلي مش راضي يقف عن التفكير في انها عملت حادثه اتأذنت انتحرت وقعت من طولها من الحزن وقلة الاكل والتفكير انا مستعد ادور عليها في كل مكان تقولوا عليه بس قلبي مش طاوعني اسمع صوت عقلي واروح اشوفها في المستشفيات لو ليله حصلها حاجه بسببي انا هموت و لو مموتش يا ميدو مش هبقي عشري اللي انت تعرفه انه هبقي حد وحش اوي قولي يا ميدو قولي يا صاحبي اعمل ايه ؟
انا مسمعتش كلامك وقتها بس والله هسمع كلامك الوقت ليه يا ميدو ليه مبعتنيش وروحت قولت لليله ليه صونت سري
عسال…..مكنش ينفع اخسرك
عشري…..بوجع وصوت طالع بالعافيه من قلبه كنت خسرتني بس حافظتلي علي ليله كنت هعرف بعد كده انك عملت اللي في مصلحتي و ليله كانت هتسمع منك حتي لو هتزعل شويه مني بس مريم لا مكانش ينفع مريم تقولها يا ميدو مريم كسرتها
عسال….اهدأ و غلاوة ليله عندك اهدأ عشري احنا ممكن نحاول نجيبها عن طريق التليفون
عشري…..مقفول من بقاله كذا يوم انت فاكر اني محاولتش انا كلمت حد وقالي لازم تكون فتحته دقيقه علي الاقل عشان نعمل تتبع بالمكان و ليله قفلاه مش عايزه تساعدني قافله في وشي كل البيبان
عسال….طيب عربيتها احنا ليه مفكرناش نجيبها عن طريق العربيه ليله خرجت وهي في حاله مش حلوه و اكيد كانت سايقه بسرعه و جايز تكون خدت مخالفات لو عرفنا المخالفات دي خدتها فين جايز نعرف راحت فبن بالظبط
عشري…..بوجع ودي كمان عملتها لما ليله عملت الحادثه مع جارها و خدت عربيتها صلحتها رخصتها كانت معاها خلتها بعتتلي منها صوره عشان اقدر اتحرك بيها لحد ما اشوفها واخدها منها و فضلت الصوره عندي دخلت كشفت بنفسي ليله خدت مخالفه في الرحاب بعد ما خرجت يومها من عند رشيد و ايمي و خدت مخالفتين في زايد و ده لما راحت لامي سرعه زايده كلهم
و بعدها مفيش اي مخالفه بسأل نفسي طيب هي مشيت بعدها براحه و لا من سرعتها الردار مجابش نمرتها و لا هربت بأي طريقه عشان تعاقبني و معرفش اوصلها
ولا حصلها حاجه عقلي واقف ياميدو
عسال….طيب نشوف اي حد في المرور يكشف عن نمرة عربيتها جايز نوصل لحاجه
عشري….عارف اني مش هوصل ليله سدت كل حاجه في وشي يا صاحبي ليله مش غبيه و عارفه هي بتعمل ايه كويس بتعاقبني و بتكسرني عيزاني احس باللي هي حاسه بيه ليله لز كانت عايزه تسيب اثر وراها كانت عملت كده بس هي اختارت انها تبعد و تختفي
عسال…..طيب فرضنا بعدت و اختفت هتفضل كده يعني ماهي هترجع انا قولتهالك قبل كده انا قدرت افهم شخصيه ليله و الوقت بقولهالك ليله ممكن تهرب تبعد تختفي بس ده عشان تقدر تقف تاني لكن اللي زي ليله مش هتسيب حقها حتي لو منك هترجعلك يا عشري و هتنكشك و هترازيك عشان بتحبك هتدور علي اي حاجه تجيبك بيها تاني لانها مش هتقدر تبعد عنك هترجع عشان تضايقك و تنتقم منك اوعي تفتكر ان ليله بعدت عشان تنتقم منك لا خالص هي بعدت عشان ترتاح و عشان موجوعه بس انتقام ليله منك وهي في وشك هتضايقك هتعمل كل حاجه تعصبك
هتبينلك انك مش فارق معاها هتعمل كل حاجه عكس اللي كانت بتعملها معاك صدقني ده اللي هيريحها
عشري…..بس ترجع يا عسال تعمل اللي تعملوا وانا راضي بس اشوفها او علي الاقل اطمن انها بخير
عسال…..بخير و الله العظيم بخير صدقني انت بس اهدأ ابتسم بهدوء و بعدين فوق ده انت داخل علي معركه كبيره ليله مش هتسيبك دي بلطجيه زيك احنا هنقضيها تحجيز بينكم
عشري….بابتسامه وانا راضي
خرج حسان بهدوء و سمع اخى كلامهم وفضل ساكت راح قعد علي حرف التربيزه قدامهم و فضل باصص لعشري بحزن
حسان…..نمت كويس
عشري….بتنهيده حط ايده علي وشه اه نمت يا حسان
حسان……طلبت التكل يا ميدو
عسال….اه زمانه علي وصول
حسان….طب يلا قوم يا عشري اغسل وشك كده وفوق شويه لحد ما الاكل يوصل
عشري….بهدوء قام وقف لا انا ماشي
مسكوا ميدو من ايده بقوه
عسال….مش هتمشي غير وانت واكل هناكل مع بعض و هتسمع الكلام
عشري…..والنبي يا ميدو سيبني الاكل بيتبعني مش بيريحني
ميدو…..عشري والله العظيم و رحمة امي و ابويا ما هتمشي غير وانت واكل يلا روح اغسل وشك
حسان….يلا ياعشري والنبي انا والله مافيا حيل اناهد معاك وحد الله كده و اسمع الكلام.
هز راسه بهدوء وراح علي الحمام.
…………..
وقفت ايه جنب عسال علي جنب كانوا واقفين في سينما قرب منها بهدوء معاه التيكت و كان في ايدها ورد و دبدوب و شوكولاته
سلامه…..بغيظ يابت خلينا نروح نحط الحاجه دي في العربيه بدل ما انا شكلي مراهق كده عيب علي المنظر اللي فيه
ايه…..بضحك طب والله حلوين و عاجبني و بعدين فيها ايه يعني
سلامه……الشكل يابت حاسس اني مراهق في ثانوي يوم عيد الحب
ايه….بضحك طب ما انت كده فعلاً ايه اللي انت جايبه ده
سلامه….بضحك تصدقي بالله انا غلطان اني بحاول اخليكي مبسوطه واخرجك من جو الكآبه اللي انتي فيه ده
ايه…..بضحك لا خلاص والله حلوين اوي خلاص خلينا نحطهم يلا
سلامه….ايوه كده و بعدين هتتفرجي علي الفيلم و انتي حاضنه في ايدك كل ده
ايه….خلاص مترغيش كتير قولتلك هحطهم
سلامه….طولي لسانك وبجحي اكتر قدامي
ايه….طيب الفيلم امته
سلامه….يلت هيبدأ بعد ربع ساعه خلينا نحطهم و بعدين ندخل
ايه….طيب
مسك كفها و خرجوا تاني راح حط الحاجه في العربيه و بعدين رجعوا علي جوه
سلامه….بقولك ايه بتحبي الفشار
ايه….اه بس مليش نفس
سلامه….تعالي بس متبقيش بومه كده
ايه….بضحك انا بومه شكراً طب انا عيزاه بالكراميل
سلامه….الله يقرفك ماله المالح اثر في ايه
ايه….انا حره علي فكره والله اروح اجيب الورد و الدبوب و افضحك
سلامه….لا وعلي ايه انجري قدامي
وقف سلامه جابلها الفشار و جابلها بيبسي وخدوا الحاجه وراحوا علي القاعه بتاعت السينما عشان الفيلم كان هيبدا خلاص.
كان في شباب و بنات كتير بيدخلوا و الشباب كان باين انهم في سن 19 عشرين عمالين يضحكوا و بيخبطوا في البنات ايه كانت قدامه سحبها من كتفها عليه و وقف و بص لشاب فيهم
سلامه…..ادخل يلا
الشاب…..اسف اسف
ايه….بهمس ما براحه
سلامه….ششششش
مسك كفها جامد ودخل بيها علي جوه وراح وراء الشاب اللي بيقعدهم
كان حاجز في نص القاعه من وراء شويه و حاجز اربع كراسي دخلها
الشاب…..حضرتك الاربعه بتوعك هنا
سلامه…..ماشي تسلم
دخلها سلامه قعدت و قعد هو في الكرسي اللي علب الحرف و فضل كرسين بعد ايه
ايه….بهمس بقولك ايه هو في حد جاي
سلامه….احمممم لا
ايه…..طيب امال ايه الاربع كراسي اللي بيقول عليهم
سلامه…..اااا عشان نقعد براحتنا
ايه…..نقعد براحتنا ايه احنا هنام
سلامه…..لا بس عشان محدش يضايقنا
ايه…..يعني دول كمان بتوعنا
سلامه….اه و بطلي رغي
ايه….طيب تعالي ندخل هنا عشان نشوف كويس
سلامه….وكده مش شايفه يعني خلينا هنا
ايه…..مش بحب اقعد في الحرف كده في النص هنشوف اكتر
سلامه….بصلها انا خدت اربعه عشان يبقي في بينك وبين اللي قاعد كرسيين عشان محدش من الشباب يقعد جنبك او يضايقك ارتاحتي كده لسانك في بوئك بقي و ركزي مع الفيلم اللي هيبدأ عشان منكدش عليكي
ايه…..ابتسمت بهدوء علب فكره هما كنان هيركزوا علي الفيلم يعني محدش هيركز يضايقني
سلامه…..هنكد عليكي خدي بالك
ايه….بضحكه جميله طب خلاص يا عم الحمش
بصلها و سكت و بص قدامه
ايه….بهمس طب مش كنا جبنا الورد و الدبدوب قعدناهم جنبي بدل ما في كراسي فاضيه كده
ابتسم سلامه و هز راسه
سلامه….يابت اسكتي شويه دبدوب ايه اللي هتقعديه جنبك
ايه….بأبتسامه سلامه الدبدوب
سلامه…ااااااا سلامه الكلب و سلامه الدبدوب انتي عارفه انا راجل وسخ عشان بعمل في نفسي كده
ايه….بضحك حضنتك كتفه انت راجل قمر و بموت فيك ضمت كتفه ونامت عليه
ابتسم سلامه وباس راسها بهدوء و بعدين مسك كفها بدأ الفيلم و بدأت تركز هي و هو كان فيلم اثاره و جريمه رعب شويه و اكشن ربعت رجلها و هي بتاكل الفشار بتركيز
سلامه….بضحك انتي بتهببي ايه انتي قاعده في بيتكم
ايه…..بصتلوا وهي بتاكل ماهو في رعب انزل رجلي و يجي العفريت ياكلها.
سلامه….بضحك كلي يا ايه كلي واسكتي خلينا نتفرج.
شويه وسابت الفشار بتاعها علي الكرسي و بصتلوا بطرف عينها زي الحراميه و مدت ايدها بهدوء في الفشار بتاعه و خدت منه و بصت قدامها ابتسم و عمل نفسه مش شايفها و مركز رجعت تاني بصت عليه بطرف عينها كان هيموت و يضحك عامله شبه الطفل اللي بيعمل مصيبه و قبل ما تد ايدها حط هو ايده و فضل سايبها شويه رجعت ايدها بسرعه مسكت شعرها
واستنت يشيل ايده و هو اتعمد يسيبها ويعمل نفسه مركز بعدين كل و بص علي الفيلم تاني قبل ما تحط ايدها قفش كفها
سلامه….طب اقوم اقف واقول حرامي
ايه….بضحك خضتني يا رخم
سلامه…..بتاكلي معايا ليه يا حراميه هاااا مش قولتي مش عايزه بالملح ايه اختيارك معفن صح
ايه….بضحك صراحه اه وحش اوي اقولك خده انت بص هو في كتير و انا هاخد ده
سلامه…..بضحك و انا ممكن اكل منه بعد أعترافك انه وحش امسكي يا حراميه
ايه….بضحك اه صح كفايه اكل و ركز انت في الفيلم
سلامه….بحب ضمها نامت علي كتفه وهي بتتفرج و بتاكل
ايه….بهمس سلامه
سلامه…..هاااا
ايه….انا مش شايفه من راس الراجل اللي قدامي ده
سلامه……هتشوفي ازاي وانتي نايمه علي كتفي قومي و اتفرجي
ايه…..طب انا عايزه اقعد كده
سلامه…..طب اعملك ايه اقطعلك راس الراجل
ايه…..ايه المعامله دي ؟
سلامه….بضحك و همس طب اهبب ايه و بعدين مش عارف اركز منك
انا جايبك تغيري جو طلعتي عين امي
ايه….طيب احنا لو نقلنا كرسي وجيبت مكاني وانا روحت للكرسي اللي بعده هنشوف
سلامه….لا قومي ارفعي نفسك هتشوفي
ايه….ده كرسي واحد مش اتنين يعني هيبقي في كرسي بينا و بعدين متقلقش محدش هيعاكسني او يرخم عليا اصلا دول هيطفشوا من فرط الحركه
سلامه….بضحك حقهم انا هموت واطفش طب اخلصي انقلي كرسي واحد بس
ايه….طب امسك الفشار ده و متاكلش منه
سلامه….بضحك مش هاكل يا طفسه
قامت و حطت الفشار بتاعها علي المرسي الرابع ونقلت هي في التالت و سلامه قعد في التاني واول كرسي من بره بقي فاضي.
سلامه….اتفضلي كلي و يارب نهدأ و نكون ارتاحنا
ايه…..بأبتسامه اه كده حلو
سكتوا شويه و بعدين رجعت ربعت رجلها وفضلت تروح براسها شمال و ويمين
سلامه….في ايييييه و ترتيني
ايه…..والله ما حد وترني غير الراجل اللي قدامي ده كمان
سلامه….عمل ابه ماهو قاعد ساكت مفيس غيرك بيتكلم اصلا
ايه…..طب انا راضيه زمتك في حد يربي شعره بالمنظر ده ده ناقصلوا عمود حديد وراس بمخرجين و يبقي طبق دش
ضحك سلامه وحط ايده علي بوئها بسرعه و مسك راسها تحت كتفها
سلامه….والمصحف هناكل ضرب بسببك
ايه….بضحك طب خلاص هسكت
سلامه…هو انتي يا بت مش كنتي مكتئبه في حد مكتئب يعمل كده
ايه……يعني عشان مكتئبه اسكت علي المهزله دي
سلامه…..طب اسكتي الفيلم نصه قرب يخلص و انتي مش ساكته
ايه….طب خلاص سكت.
قعدت شويه كام دقيقه ربنا هداهم فيها و بعدين خدت الكانز بتاعها من الكرسي اللي حاطه عليه شنطتها والفشار فضلت باصه عليه شويه بتقرأ الكلام اللي مكتوب علي الكانز
ركز معاها و هو مضيق عينه
سلامه….انتي بتقرأي ايه هي روشته دكتور
ايه….بصتلوا علي فكره انت اهو اللي مش مركز علي الفيلم انت مالك و مالي يا رخم
سلامه…..حاضر انا سكت اهو
جات تفتحها مكانتش عارفه اوي من ضوفرها حاولت و هي بتفتحها كسرت الجزء اللي فوق بصتلوا بطرف عينها و هي مبتسمه ابتسامه واسعه
ضحك سلامه بصمت لحد ما عينه دمعت و حط ايده علي وشه
سلامه….لا لا كده كتير
ايه…..انا مالي هي اللي اتكسرت
سلامه….طب سبيها خلاص هجيبلك غيرها
سكتت و بعدين سرحت بتفكير و ابتسمت فتحت شنطتها طلعت منها مفاتيح المحل و قبل ما تضربها في الكانز قفش ايدها
سلامه….بضحك بتهببي ايه هتفور و تغرق الناس و هناكل علقه و انا والله هقولهم هي اللي غرقتكم
ايه….اه يا واطي هتبيعني عامل فيها حمش بس في الكراسي
سلامه….انا واطي اقولك روحي اقعدي جنبهم و ريحيني شوفي مين هيتحملك
ايه….مش شاربه خلاص
سلامه….احسن وابوس ايدك اتفرجي شويه
رجعت تاني سكتت و ربنا هداها وجه وقت الريست خدها و خرجوا
ايه…..عايزه اروح التويلت
سلامه….روحي وانا هقف هنا اشرب سيجاره
ايه…..ماشي
دخلت و غابت شويه و لما خرجت لمحها جايه عليه و بصاله زي الطفله و بنطلونها في مايه
سلامه…..بصدمه ضحك انتي ملحقتيش نفسك ولا ايه
ايه…..احترم نفسك ده بيبسي
سلامه….بيبسي ازاي ااااااه اكيد المخترع اللي جواكي حاول يفتح الكانز اللي اتكسرت
ايه….بابتسامه اه و فارت و غرقت البنطلون شويه منظري زباله صح
سلامه….بضحك طب اعمل فيكي خارج مع طفله
ايه….ماهو اسمع بقي بصراحه جو السينما والافلام والقاعده علي الكرسي ده مش بتاعي انا مليش في الهدوء ده
سلامه….اممم انتي عايزه تنطيط ملاهي دي چي و مهرجانات صح انا اللي غلطت
ايه….شوفت بقي
سلامه…..طب والله العظيم الفيلم حلو اوي يابت انا مرضتش اجيبك فيلم رومانسي عشان عارفك هتطلعيني مسرح
ايه….طب خلاص هركز
سلامه….هيعجبك والله
ايه…..ماشي
سلامه….امسكي يلا جبتلك بيبسي غير اللي بوظتيها
ايه….بابتسامه ماشي
مسك كفها ودخلوا علي جوه كان لسه مبداش الفيلم
سلامه….تقعدي ساكته و مش عايز صوت و لا حركه
ايه….ماخلاص يا عم المستر هسكت امسك افتح دؤ بدل ما اكسرها تاني
فتحلخا الكانز شربت منه شويه و بعدين بصتلوا
سلامه….خير
ايه….مش عايزه بطني وجعتني
عض علي شفايفه بغيظ و خدها منه حطها تحت رجله
بدأ الفيلم و بدأت تحاول تركز الفيلم بدأ يشدها شويه حضنت دراعه و نامت علي كتفه مسك كفها بأيده الاتنين و فضل يحرك صباعه بهدوء في بطن كفها و هو مركز و نسي خالص انه بسبب حركته دي هتنام منه.
فاقت ايه علي صوت سلامه
سلامه….ايه يويو حبيبي
رفعت راسها وبصتلوا
ايه….ايه في ايه ؟
سلامه…..بضحك انا راجل وسخ لو خرجتك تاني انتي يابت ضيعتي نص الفيلم في فرط حركه و النص التاني في النوم
ايه….هو الفيلم خلص
سلامه…..خلص بس ده الممثلين خرجوا من الشاشه وسلموا علينا و كانت ليله قومي يا اخرة صبري
ابتسمت بهدوء و قامت مدلها كفه خرجت معاه و راحوا علي العربيه
ايه…..بابتسامه علي فكره بقي انت اللي نيمتني انت فضلت تعمل الحركه اللي بتنيمني و نمت
سلامه…..بقيت انا الغلطان صح اركبي يابت اشوفك تقولي مخنوقه ولا زهقانه هفرمك
ايه……طب علي فكره بقي اتبسطت
سلامه….لا يا شيخه عجبك الفيلم طب احكيهولي
ايه….بضحك والله هو شكله باين انه حلو بس يعني مش مودي اوي الافلام والسينما دي يعني لو كوميدي كنت ركزت
سلامه….لا كوميدي ولا اكشن ولا رومانسي اقولك مش جايب تلفزيون في بيتنا
ايه…..احسن بردوا انا هظبطك هضحكك و هعملك اكشن و ممكن اقتلك و تبقي احلي جريمه
سلامه….طبعاً الرومانسي مش في حساباتك
ايه….علي فمره انا رومانسيه جداً
سلامه….بضحك مسك كفها اوي نعم يا اختي مين دي
ايه….بضحك طب والله رومانسيه انت اللي مش مديني فرصتي
سلامه…..طب يلا خدي فرصتك و فرجيني
ايه….بضحك ما بلاش
سلامه…..لا انا بقولك فرجيني يا بوء يا بت انا بحب طفله بحب مشاغبه مجنونه بحب صاحبي اوقات بحب شخصيه كوميديه انما رومانسيه مفيش
ايه….بضحك تصدق عيب عليك ده انا حتي بحبك
سلامه….اه و عارف والله بس في الفعل احلي واحده تقول اللي يحصلني يكسرني
ايه….بضحك طب انت عايز ايه الوقت في ليلتلك دي
سلامه….اه ولا حاجه يا صاحبي الف شكر يا زميلي
ايه…..بضحك والله اجيب طوبه و ارزعك علي دماغك
سلامه….اركبي يا سوكا
ايه….ولاااااا متقولش سوكا عليا
سلامه….والله ده انسب اسم يليق علي شخصيتك اسمعي مني
ايه….مالك يا سوما يا عاشق اللي يسمعك كده يقول الرومانسيه بتنقط منك
سلامه….بضحك حقك بس انتي السبب مش مدياني فرصه
ايه……عايز فرصه يا سلامه يعني عسان تتأكد اني رومانسيه
سلامه….اشوفها قبل ما اموت يا سوكا
ابتسمت ايه بضحك و بصتلوا
ايه….يا ابني متصحيش الانثي اللي جوايا هديك بوسه و حضن في الشارع هنتاخد انا وانت اداب
سلامه….بضحك لا لا خلاص خليها نايمه بس و ربنا يا ايه لا هتجوزك في اقرب فرصه و هصحي بنفسي الانثي اللي عندها غيبوبه دي اركبي يابت يلا
ضحكت ايه و ركبت و راح هو راكب و حط الحزام و بصلها بابتسامه
ايه….طب والله بحبك و محوشالك كل ده لما نتجوز هفاجئك
سلامه…..انتي عارفه اني حاسس ان يوم دخلتنا هتبقي زي مربوحه
ايه….بضحك لا لا حرام عليك مش للدرجادي
سلامه….اسمعي مني انا عارف الدماغ دي
ايه…..طب والله بحبك
سلامه…بحب والله انا اللي بموت فيكي
ابتسمت ايه و مسكت ايده و نامت تاني علي كتفه دور العربيه و مشي و هو حاطت ايده علي خدها بتملك حب وسعاده..
……………
بعد.وقت بسيط وصل سلامه تحت بيت ايه نزل و دخل معاها احد الاسانسير سحبته و وقفت حاضنه الورد و الدبدوب و الشكولاته
سلامه…..لما اروح هكلمك اوعي تطلعي تنامي
ايه…..بضحك لا نمت في السينما خلاص
سلامه….بضحك اه صح طب يلا يا مصيبه اطلعي
فتحت باب الاسانسير و دخلت
ايه…..هتوحشني
سلامه…..مش عايز اشوفك تاني
ايه….بضحك شوفت بقي ان انت اللي ملكش في الرومانسيه
سلامه….صح انا قلبي جاحد يابت اخلعي من الوقت احسنلك
ايه…..هتقدر علي بعدي
سلامه….بضحك يا سلام علي الراحه النفسيه اللي هبقي عايش فيها
ايه….بقي كده طب يلا امشي
سلامه….بأبتيامه جنياه لا خلاص بحبك
ايه….سلامه
سلامه….يا نعم
ايه….ااااا هو انا لو عملت حاجه هتقول عليا قليلة الادب
سلامه…..رفع حاجبه و ابتسم ايه هتشتمي و تطلعي تجري
ايه….بضحك لا
سلامه…..امال
ايه…قولي الاول هتقول عليا قليلة الادب
سلامه…..بابتسامه اكيد لا
ايه….يعني مسموح ليا اعمل اي حاجه
سلامه…..طبعاً ايه هتعملي ايه غمزلها و ابتسم عايزه حضن
ابتسمت ايه بإحراج و وشها احمر
ايه….بضحكه جميله اااا لا
سلامه…بنظره جميله امال ايه قولي بتتكسفي مني
ايه….يعني بس في حاجه حاسه اني عايزه اعملها و مش بقصد قلة الادب والله
سلامه….بابتسامه وانتي مش محتاجه تبرري علي فكره اللي انتي عيزاه مني اياً كان المفروض يعني اننا بقينا واحد ولا ايه
ايه…..اااا ايوه اكيد
ابتسم سلامه بهدوء و دخل معاها الاسانسير و داس علي الزرار طلع اول دور و علقه بين الاول والتاني قدام الحيطه و بصلها بابتسامه تجنن
سلامه……عايزه ايه؟
زادت ضربات قلبها و حست انها اتسرعت و مكانش ينفع تقول اللي جواها
ايه…اااا لا خلاص مفيش انت صدقت بهزر معاك يا غبي قربت ايدها عشان تدوس بسرعه مسك ايدها وقرب منها وبصلها و هو مبتسم ايه اتصدمت و في نفس الوقت ابتسمت وهي قلبها بيدق
سلامه…..ها تقول انتي ولا انفذ اللي فهمته
ضحكت و هي وشها احمر جداً و هزت راسها
ضحك ضحكه هاديه و شقيه وقرب من شفايفها باسها بوسه بسيطه و محبش تكون اعمق من كده هو بس حب ينفذ شعورها ده من غير ما يقرب اكتر
ابتسم وبعد عنها بصت بطرف عينها عليه و بعدين بصت بعيد عنه
ايه…اااااا انا
سلامه…..بحب مالك يا سوكا اتوترتي كده ليه
ايه…..بضحكه جميله علي فكره بقي يعني انا مس قليله الادب والله بس انا حسيت اني عايزه اعمل ده معاك
سلامه….بضحكه تجنن عارف و انا كمان علي فكره بس يكون في علمك دي اول واخر مره بس اوعدك لما نبقي مع بعض و نتجوز هوريكي قلة الادب علي اصولها اتفقنا يا سوكا
ايه….بابتسامه اتفقنا يا قلب سوكا
حضنتوا بحب حضنها وباس راسها و طبطب عليها و علي شعرها
وبعدبن داس علي الزرار نزل تحت و فتح الباب
سلامه…..بابتسامه علي فوق علي طول
ايه…..بحبك يا سلامه
سلامه……وانا بحبك يا بنت سلامه
ضحكتها كان باين عليها السعاده اتبسطت انه مستغلش شعورها حاول يعمل اللي هي عيزاه و في نفس الوقت حافظ علي طريقته معاها انها بنته اللي بيخاف عليها و عايزها ديماً بريئه مش عايز يتخطي
الخطوه دي معاها لانه بيخاف عليها حتب لو منه لان ايه بالنسبه ليه مكانتش زي اي حد عرفوا قبل كده
حتي لما حست انها محتاجه تعمل ده معاه كانت طريقتها مختلفه في الطلب.
مشي سلامه وهي طلعت و هي مبسوطه و طايره من السعاده.
……………….
في مساء اليوم علي الساعه ١١ونص.
أمنيه….اتفضل يا بابا الشاي
محمد….مالك لاوبه بوزك ليه
امنيه….مفيش يا حبيبي بس بصراحه حاسه ان ايمي زعلانه
ماريز….وانا كمان بس هي مش زعلانه عشان انتوا هتتجوزوا اكيد
محمود….ايمي مضايقه عشان ليله يا امنيه يعني الموضوع ملهوش علاقه بيكي او بجوازكم
ماريز……بالظبط هي صعبان عليها اللي حاصل مع ليله و مش عارفه تفرح ليكي و لا تزعل عليها كان كلهاش ايام و تبقي هي كمان في بيت جوزها
امنيه….انا عارفه والله بس انا خايفه تكون مضايقه
محمد…اكيد مش مضايقه اختك تتمنالك الخير وانتي عارفه يا امنيه بس كمان هي بتعتبر ليله اختها
امنيه….والله يا بابا انا كمان مضايقه اوي و صعبان عليا اللي حاصل و علي فكره لما عمرو قالي انا اصلا مكنتش حابه اننا نقدم المعاد ده اولاً ثانياً قولتله هو اللي يفاتح ايمي
ماريز…..هو كمان ملوش دعوه بكل ده ده في النهايه ده اخوه و من حقه يكون معاه في يوم زي ده
محمد….عموماً اللي حصل حصل هي خلاص عرفت و ان شاء الله ليله ترجع و نطمن عليها هي كمان
ماريز…..ربنا يهيدي سرها و يطمن قلبها و حشتني والله
امنيه….وانا كمان والله و زعلانه عشانها اوي
ماريز…..هاتي الموبايل كده
امنيه….هتتصلي عليها مقفول
ماريز…..خليني ابعتلها رساله زي ما كله بيبعت يمكن لما تفتح و تلاقي الكل باعتلها تحس انها مش لوحدها و تتبسط شويه
امنيه….امسكي
فتحت ماريز الشات وجابت اسمها و سجلتلها.
ماريز…..ليله يا قلبي عامله ايه يا روحي و حشتينا يا ليله اوي و كلنا قلقانين عليكي يا بنتي انا عارفه انك زعلانه بس مفيش حاجه في الدنيا تستاهل زعلك كل حاجه بتهون مع الوقت يمكن ليكي حق تزعلي من عشري بس كمان مش الزعل الكبير ده مينفعش يا ليله تسيبيه ده بيحبك و انتي بتحبيه صحابكم هيتجننوا عليكي و اميمه اختك مقطعه قلبي هتموت عليكي و ايمي بتقول ان عشري حالته وحشه صدقين يا ليله عمره ما هيزعل كده عليكي الا لو بيحبك و فارقه معاه بجد.
محمود….لولي يا قلب اخوكي وحشتيني اوي انا عارف انك اقوي من كده و بعدين ده ياما دقت علي الراس طبول ايه يا وحش هنرفع الرايه من اول مشكله ارجعي للراجل اللي بيحبك ده
ماريز…..والله بيحبك يا ليله و مكانش يقصد يكدب عليكي لولا انك خوفتي الراجل من رد فعلك مكانش خبي عشان ميخسركيش
امنيه….بقولك ايه ارجعي بقي انتي وحشيتيني و بعدين انا عايزه اقولك حاجه لولي انا هتجوز يوم السبت الجاي قدمنا الفرح عشان حسن اخو عمرو مسافر والله يا لولي لو عليا انا وعمرو مش حابين نعمل ده في الوقت ده بالذات عشان عارفين انك مضايقه بس انا مقدرش اقول لا هو عايز اخو يبقي معاه و بعدين انا طول عمري بقولك انتي و البنات يا بايرين هتجوز قبلكم بس والله يا لولي لما كل واحده فيكم ارتبطت فرحتلها من قلبي اينعم لو فضلتي بعيد كده هتبقي بايره و هفضل اضايقك بس كمان عيزاكي ترجعي وتتجوزي عشري يابت ده بيحبك اوي واقولك تعالي ونتجوز انا وانتي مع بعض اعملي حسابك انا لو اتجوزت وانتي مش موجوده هزعل بجد طب بزمتك فرحي من غيرك هيبقي ليه طعم طب اقولك حاجه ارجعي و ارقصي في الفرح و نخلي عشري يجي وغيظيه
ماريز ….يابت انتي بتسخنيها علي الراجل اكتر
امنيه….بضحك اه وايه يعني اسمعي مني يا لولي خدي حقك منه و ضايقيه بس والنبي ما تسبيه انا بحبكم مع بعض اوي
محمد…..أستني امنيه خليني اسلم عليها.
امنيه…طيب ابعتوا الڤويس ده عشان ميبقاش طويل وسجلوا غيره.
بعتته امنيه و ادت الموبايل لابوها.
محمد…ازيك يا ليله عامله ايه يابنتي طبعاً انته عارفه احنا بنحبك و انتي غاليه عندنا قد ايه بس صدقيني اكتشفت انك طلعتي غاليه علينا اكتر بعد ما اختفيتي كده انتي سافرتي كتير قبل كده انتي والبنات وايمي و كنتوا بتوحشونا بس كان بيصبرنا اننا بنطمن عليكم نسمع صوتكم حتي لو المده طولت بنبقي مرتاحين عشان متطمنين عليكم بس المرادي الوضع مختلف يا بنتي زعل علي قلق علي طاقه سلبيه من الكل
ايمي زعلانه عشانك اوي يا ليله اختك قلبها واجعها وملحقتش تفرح يا ليله .
بصي يا ليله انا مش هقولك عشري بيحبك ولا انتي بتحبيه ولا هقولك معلش و انسي و ادي فرصه بس انا هقولك نصيحه من راجل كبير و بيحبك زي بناته و ربنا شاهد علي كلامي ده انا عارف طبعك انتي والبنات زي ما عارف طبع ولادي البيت ده طول عمره مفتوح للحبايب كل اللي بيدخله بيبقي واحد مننا و انتي والبنات بعتبركم ولادي .و عرفت طبع كل واحد فيكم
يمكن يا ليله اكتر حاجه بحترمها فيكي انك بكدب بتكرهي الكدب و حقك لانه فعل وحش اوي و مفيش مبرر ليه مهما كان بيعجبني فيكي يا ليله كمان انك عندك مبدأ و اللي بيغلط في حقك و هو عارف ان الحاجه دي بتزعلك بتخرجيه من حياتك مهما كان روحك فيه .
بس كمان يا ليله نصيحتي ليكي دي ركزي فيها كويس و اسمعيها اكتر من مره وانا واثق انك لو فهمتيها هتعملي بيها..
الحب يا ليله بيكسر القوانين.
في الحياه دي كل واحد مننا بيرسم لنفسه قوانين بتمثل مبادئه و حدوده و خطوطه الحمراء .
قوانين بيمشي وسط الناس فيها الحزم و القوه و فيها القرارات اللي ميعرفش يتراجع عنها. بنقول لنفسنا مفيش أستثناءات اللي غلط يتحاسب .
لكن الحقيقه يا ليله دايماً في استثناء للي بننحبهم الاستثناء يا ليله مس ضعف و مش قلة حيله بالعكس الاستثناء بييجي مع الناس اللي ليهم قيمه خاصه جوه القلب
مع الناس اللي وجودهم في حياتنا اكبر من اي جدال و اغلي من اي قرار .القوه الحقيقيه من إنك تتمسكي برأيك للاخر ولا انك تكسبي كل مواجهه.
القوه الحقيقيه إنك تعرفي امته تكسبي قلب و تخسري كلمه..
امتي تتنازلي عن كلمتك وانتي راسك مرفوعه لانك اخترتي إنسان مش مجرد موقف.
احياناً يا ليله في أشخاص بتدخل حياتنا تخلينا نتراجع في قوانينا و نكتشف ان الحزم و الصلابه مش ديماً الحل بس معاهم بنتعلم إن اللين مش ضعف و إن التسامح مش تنازل و إن الرضا مش هزيمه بالعكس دي قمة القوه ..أغلي انتصار يا ليله في الحياه مش انك تثبتي إنك صح لكن إنك تقدري تحافظي علي اللي بتحبيه و قلبك اختاره و تحافظي علي العلاقه اللي بتدي لحياتك معني و روح لو عملتي كده يا بنتي و اتنازلتي مره في حياتك عن مبدأك في الكدب هتفهمي كويس ان القوانين اللي بتحكمنا كل يوم بتتكسر بسهوله قدام الانسان اللي قلبك شاور عليه.
الحب يا ليله مش ساحة حرب و لا شد حبل و مش ميدان لإثبات مين الأقوي او مين شخصيته اكبر او مين ديماً علي حق الحب الحقيقي شاركه بين اتنين اختاروا بعض بإرادتهم و عشري اختارك بإراداته خبي و كدب بس كدبه كلها حب و اثبت ده بغيابك عنه و ووجعه عليكي ..الشراكه دي عشان تعيش يا ليله و تستمر محتاجه يا بنتي تنازلات و مرونه و فرص و تفهم و اوقات لازم نكسر كبريائنا شويه عشان نحافظ علي الشخص اللي بنحبه. التنازل يا ليله مش ضعف و لا هزيمه ده ذكاء و مكسب لانك بتخافظي علي حاجه اهم من الكبرياء العلاقه نفسها يا ليله…
و لازم تفهمي ان اللي وصللكم لكده شخص مؤذي دمر نفسه و قرر يدمر اللي حواليه حتي اللي مدوا ايدهم ليه تبقي غبيه و لو سبتيها تنتصر عليكي عدي الكدبه يا ليله لانك لو ركزتي فيها هتلاقيها بسيطه .
لو فاكره انك لو اتنازلتي عن مبادئك تبقي خساره تبقي غلطانه. الخساره الحقيقيه انك تكسبي جدال و تخسري شخص كان بالنسبالك امانك و بيتك العلاقات اللي بتعيش سنين يا ليله مش بتعيش عشان مفيهاش مشاكل بالعكس مفيش علاقه مفيهاش مشاكل وخلافات لكن بتعيش لأنها فيها طرفين عارفين يحلوها بعقل و هدوء و يفتشوا علي حلول وسط مش لانهم ضعاف لا لانهم فاهمين ان الخلاف ميستاهلش يخسروا بعض عشانه ..
الحب مش صراع قوه ده تكامل يا ليله كل واحد بيكمل التاني و بيسنده اتنين شايفين انهم لبعض امان و بيت و ان مفيش مشكله تستاهل انهم يضيعوا من بعض افتكري ديماً يا ليله ان العلاقه رحلة طويله و عمر مش هتوصلي يا بنتي لبر الامان انتي و شريك حياتك لو كل واحد.فيكم بيشد الحبل في اتجاه مختلف..
سامحي يا ليله اتنازلي مره عن مبدأك و اكسبي قلب حبك بجد اوعي تطلعي من معركه حب خسرانه وانتي عارفه ان في طرف دخيل عليكم قرر يدمر العلاقه دي
كرامتك متصانه كويس و اهانتك عشري مرضيش بيها و اللي يعمل كده يستاهل فرصه ربنا يريح بالك وقلبك يا بنتي ….
بعت الرساله ابتسمت ماريز و محمود وامنيه لمحمد.
ماريز….بعد الرساله دي اشك ان ليله تسيب عشري
محمد….مش لازم تسيبه الراجل بيحبها بجد و يصعب عليا اشوف علاقه حلوه زي دي بتدمر ان شاء الله هترجع و تهدأ و تعدي..
………………
نسيت ليله نفسها قدام البحر و فصلت تماماً عن كل حاجه قضت ساعات طويله و هي مش بتتحرك بس اول ما حست انها تعبت و فاقت من شرودها.
قامت بهدوء خرجت من قدام البحر مشيت علب الكورنيش بره كان الجو هادي و الشوارع كانت غرقانه مطر و هي ولا هنا حتي لما غرقت مفكرتش تقوم او تجري كانت في دنيا تانيه.
لمحت اربع شباب قاعدين علي الكورنيش قاعده هادبه و رايقه و حواليهم من بعيد ناس بسيطه متفرقه مركزين معاهم شاب منهم كان بيعزف علي الجيتار و شاب تاني بيغني بصوت حنين و الشابين التانين اصواتهم جميله بردوا بيرددوا وراء اللي بيغني
وقفت بهدوء بعيد عنهم وسط الهواء البارد و الجو اللي يجنن سرحت معاهم وهما بيغنوا ويعزفوا و الناس حواليهم كل واحد سرحان في دنيته.
سرحت هي منان مع الاغنيه و هي باصه علي البحر ودموعها نازله
مالك مش باين ليه. قلبك تايهه من مده كبيره.. خايف تتكلم ليه. في عيونك حيره و حكاوي كتيره.
متغير ياما عن زمان قافل علي قلبك البيبان حبيت وفارقت كام مكان عايش جواك ..احساسك كل يوم يقل وتخطي وخطوتك تذل من كتر ما احبطوك تمل. في تلقي دواك؟ بتودع حلم كل يوم تستفرد بيك الهموم و كله كوم والغربه كوم والجرح كبيررررر مبتديش حاجه اهتمام اهلاً اهلاً سلام سلام بقي طبعك قلة الكلام و مفيش تفسير.
داري داري ياقلبي مهما تداري قصاد الناس حزنتا مكشوف واهو عادي عادي محدش في الدنيا دي بيتعلق بشئ الا وفراقه يشوف كل اللي معاك في الصوره غاب وطنك والاهل والصحاب كام واحد ودع وساب من غير اسباب شايف في عنيك نظره حنين بتحن لمين ولا مين طول عمرها ماشيه السنين والناس ركاب مع دقه عقرب السعات بتموت جوانا ذكريات عشمنا قلوبنا باللي فات ونسينا نعييييش كان مكتوب نمشي في طريق و نفارق كل مادا شئ اتسرق العمر بالبطئ و رسي علي مفيش و داري داري ياقلبي مهما تداري قصاد الناس حزننا مكشوف….
غنضت عينها بوجع و دموعها كانت بتجري و حاكه علي راسها السويت شيرت و مخبيه وشها و حاضنه نفسها
غنوا كتير و كل اغنيه قلبت عليها الوجع اكتر و بعد تعب قررت ترجع البيت.
قعدت علي الكنبه بلبسها و بنفس حالاتها و بهدومها الغرقانه ضمت رجلها علي صدرها و رجعت دموعها نزلت تاني .
وهي بتفتكر كلام مريم اللي كان قاتلها و اللي كان مخليها موجوعه اكتر من عشري عشان اتحطت بسببه في الموقف ده و جعها من نظراتها ليها و تحتقارها والتقليل منها
موجوعه من نفسها ان صدمتها خلتها مقدرتش تاخد حقها بطريقه ترضيها وتريحها.
و بعد تعب و دموع و صداع نزلت بهدوء علي الكنبه اللي مفارقتهاش من يوم ما وصلت ونامت كل اللي كانت تعرفوا عن الشقه الحمام البلكونه الكنبه اللي قاعده عليها
مش بتتحرك خامس يوم بعد و وجع و صمت رهيب مفيش غير دموع واصوات داخليه علي ذكريات توجع علي موقف و يوم عمرها ما هتنساه.
وفوق كل ده احتياجها اللي كان مموتها لعشري و لحضنه كان واجعها اوي احساس ان عشري الحضن الوحيد اللي هيخليها تطلع من كل ده
ان هو اللي وجع و هو اللي هيداوي
بس كرامتها اللي اتهانت بسببه منعوها احساسها بانه خذلها وكدب احساسها بانه خانها ودي كمان بالذات قتلتها كانوا مموتنها.
نامت ليله في مكانها وهي خلاص كل حاجه فيها متبدله خست في خمس ايام بشكل مش طبيعي وشها باهت شبه الاموات مس بتاكل غبر بسكوت وده كل ما تحس انها خلاص هتقع من طولها كانت شبه الجثه الهامده لا روح ولا حياه
……………..
في منزل نادين اتكلمت معاهم كلهم و ده بعد ما خدت الاذن من ايمي انهم يكونوا عندها بكره و اخيراً اتصلت بعشري كان الوقت متأخر محبتس تبعت رساله علي الشات عشان خافت ليله تفتح علي حظها الموبايل و تشوف اتفاقهم.
عشري…..بصوت مبحبوح و هلكان الوو
نادين….عشري انا صحيتك
عشري….لا يا نودي انا صاحي في حاجه ولا ايه ليله ظهرت يا نادين
نادين…اااا لا يا عشري انا بتصل عشان حاجه تانيه
عشري….طيب قولي خير في ايه؟ انتي كويسه؟
نادين….انا بخير طمني انت الاول عليك انت كويس؟
عشري….مش عارف يا نادين بس الاكيد انه لا
نادين….طيب اسمعني كويس
عشري…..سامعك
نادبن….بكره علي الساعه سته كده هنتجمع عند ايمي عشان عيزاكم
عشري….ايمي عيزانا
نادين….لا انا اللي عيزاكم وانت لازم تكون موجود
عشري…..ليله فيها ايه يا نادين؟
نادين….والله ما فيها ولا اعرف عنها حاجه لسه بس انا عيزاكم و عيزاك انت بالتحديد عشان موضوع مهم اوي لازم نتفق عليه و لو الكل موافق هقولك تعمل ايه
عشري…طب انا مش فاهم هو الموضوع يخص ليله
نادين….يخصك انت وهي يا عشري
عشري…..نادين و حيات اغلي حاجه عندك ما توجعي قلبي اكتر انتي تقصدي ايه في ايه طيب
نادين….بهدوء عشري اهدأ مفيش حاجه وحشه بالعمس اللي هتسمعه هيريحك و يعجبك و يمكن هيصلح اللي بينك و بين ليله
عشري…..يعني ايه
نادين…يعني عيزاك تطمن و تهدأ و ترتاح و تنام كويس عشان بكره في موضوع هيتفتح هيخليك مبسوط
عشري….عرفتي مكانها صح قوليلي والله ما هروح لو هي مش عايزه تشوفني الوقت
نادين….وغلاونك انت وهي عندي لا معرفش بس انا هقول حاجه تانيه
عشري…طيب هتسبيني كده لبكره يا نادين ده انا بتعلق في قشايه
نادين….صدقني لازم نتقابل و تسمع مني بس عشان خاطري ارتاح شويه واهدأ و نام يا عشري بكره جايز تطلع مجنون زي والفكره الاي هقولها تعجبك انا بس قولت اتصل عليك و اكد عليك تيجي لاني عارفه انك بتخرج من بدري تلف و مش بترجع غير بليل
عشري…..هاجي اجي هاجي
نادين….وانا هكون هناك في الوقت اللي قولتلك عليه اتفقنا
عشري….طيب ماشي
نادين….يلا هسيبك تنام و ترتاح
عشري…ماشي يا نادين تصبحي علي خير
نادين….وانت من اهل الخير.
قفا معاها و قام بهدوء راح علي المطبخ فتح ڤديو و وقف قدامه شويه ساند ضهره علي الرخامه و حاطت كفه علي راسه بيمشيه بخنقه
عشري….ااااا ليله انا جعان اوي او مش جعان بس حاسس اني دايخ اااا انا تعبان يا ليله اه جعان جعان اوي
طيب اكل ايه اي اكل هاكل منه هيتعبني لاني مش باكل اصلاً ابتسم و بعدين ضحكه ضحكه هاديه تعرفي اني نفسي اكل الساندوتش اللي جبتيني من زايد للتجمع عشانه
ااااااه مهونتيش عليا تنامي من غير اكل يا بلطجيه مش نخلي عندنا دم بقي و اصعب عليكي شويه و تأكليني اااااا بقولك ايه تعالي يلا نعمل حاجه بيتهيألي ساندوتش جبنه حلو وخلاص صح
وقف طلع جبنه و حطها في عيش و ابتسم خدي بالك انا مليش في الاكل السهل ده انتي عارفه اني بعمل أكل كويس و بعدين احنا اتفقنا الاكل عليا و الرقص عليكي يا بنت عمري امونه حكمت خلاص بس يعني دي حاجه بسيطه عشان اعيش ماهو انا مس ناوي اموت الوقت صحيح مفيش نفس بس انا وعدتك هموت في حضنك يا ست البنات.
ااااه علي فكره انا قولت يعني انتي مش هتقدري الوقت تشوفي الركن بتاع الميك اب بتاعك اللي قرفتيني بيه ده و موقف الجوازه فا كنت بشوف من شويه كذا شكل و قررت يعني منجبش جاهز انا هعملك ركن ميك اب عموله متعملش لاجدعها ميك اب ارتيست اااااه ووو كمان يعني انا قولت هوسعلك المكان شويه عشان اعملك كده رفوف شبه الدريسنج بس تبقي كلها ميك اب انا عارف انك بتحبي الميك اب و براحتك بقي كل اللي يعجبك هاتي منه و انا ياستي هساعدك و نقف نرص مع بعض انا معرفش اساميهم بس هتعلم منك بقي.
انا سايبك براحتك و ياستي خليكي عندك في المكان اللي انتي فيه براحتك بس اوعي تنسي يا لولي معاد فرحنا اممممم انا بفكر يعني ابدأ اشوف المكان اللي نعمل في فرحنا تحبي يكون فين يا ست البنات في اكبر فندق في مصر ولا تحبي يكون في مكان علي البحر زي دهب مثلاً ولا نعملوا في الهرم و يبقي فرح تاريخي زي المكان اللي هيتعمل فيه تبقي ملكه لايقه علي المكان امممم طبعاً ماهو ليلتي مش اقل من ملكات مصر تصدقي عجبتني فكره الهرم دي طب ايه خدي بالك فكري في الفستان من الوقت انا عايز اشوفك بفستان مفيش ست في الدنيا لبست احلي منه و لا اختاره علي ذوقي بما ان ذوقي بيعجبك مع ان يعني مهما فكرت تبقي ازاي في اليوم ده مش هلاقي حاجه تليق بيكي ..
اااااه انا نسيت الاكل صحيح ابتسم و بص حواليه مسك الاكل و بعدين سابه و ملامحه اتغيرت بوجع و مسك كوبايه كانت قدام و لف و بعزم ما فيه كسرها ميت حته في الحيطه وبعدين بصلها بغضب
وديني يا ليله لا هقتلك بأيدي بس اشوفك مش انا وجعتك بس وجعي ليكي مش زي وجعك ليا و اللي خلقني و خلقك يا ليله لا هاخد حق كل ثانيه وجع وجعتيهالي منك هربيكي يا ليله هكسر دماغك اللي عايزه الحرق ده انا عمري ما اتذليت لمخلوووووووق يا بنت قلبي زي ما اتذليت ليكي كده انا مش ضعيف يا ليله و مش عاااااارف انا فيا ايه
هقتلك يا ليله هقتلك صدقيني
أرجعي عشان انا خلاص بجيب اخري يا شيخه ملعون ابو اليوم اللي شوفتك فيه كان لعنننننه علي قلبي
انا يا ليله انا تعملي فيا كده يابت ده انتي مش هتلاقي راجل يحبك زي ما انا بحبك انتي جوه يا ليله هنا انتي بتجري في دمي انتي عامله زي السرطان يا ليله اللي بوظ كل خلايا فيا لما بعدتي ارجعي بقي ارجعي وحيات عشري عندك
قفل الڤديو و بعته و حط ايده علي راسه و خرج بسرعه من المطبخ راح علي الحمام وقف تحت الدش بهدومه و بمايه متلجه تهدي النار اللي جواه اللي خلاص ولعت و مش هتطفي..
…………….
في بيت ايمي و رشيد.
كان حاسس انها متوتره عصبيه و ده بان من طريقه شربها للسجاير و هز رجلها.
رشيد…حبيبي مي هتطلعي تنامي
ايمي…اااا شويه يا رشيد اطلع انت يا حبيبي
رشيد…..طيب حضنك وحشني
ايمي…..شويه وهاجي حاضر
رشيد……امممم لا مفيش شويه يلا اطلعي معايا بقولك حضنك وحشني و بعدين يعني بقالك كام يوم بعيد عني موحشتكيش
بصتلوا ايمي بعصبيه بسيطه
ايمي….انا قدامك طول الوقت و مش بسيبك اطلع يا رشيد بقي انت قولتلك شويه و هاجي
بصلها رشيد نظره عتاب بس محاولش يبين.
رشيد….بتنهيده طيب خلاص اهدي اسف يا حبيبي تصبحي علي خير
طلع رشيد و سابها بصتلوا بزعل و بعدين طفت السجاير و حطت ايدها الاتنين علي راسها بغضب و مسكت موبايلها تبعت رساله لليله وهي مش طايقه نفسها.
ايمي…بصي انا كده جبت اخري و تعبت ليله امنيه هتتجوز السبت الجاي يعني بعد اسبوع طب ايه انا المرفوض اقف جنب اختي و افرح بيها ولا افضل موجوعه عشانك و معرفش فيكي ايه يا شيخه ده انا بدأت افكر زي عشري انك رجالك حاجه ليله انا متلغبطه لما عرفت انهم هيقدموا معاد الفرح اتصدمت وبان عليا انا عارفه و مش عارفه امنيه و عمرو زعلوا مني و لا قدروا ده هي اختي و مقدرش ازعلها بس كمان هما ممكن ميفهموش انتي عندي ايه ليله ارجعي ارجوكي انا بجد خلاص تعبت هقف ازاي جنب اختي و افرحلها من قلبي بنص قلب
كفايه كده بجد انا قربت اجيب اخري و محتجالك يا ليله.
قفلت المسدچ و طلعت بهدوء علي فوق تحاول تراضي رشيد اللي ضايقته و اللي متحمل بعدها عنه كل ده لاقته نايم علي السرير بيقلب في الموبايل
راحت بهدوء قلعت الروب اللي فوق اللانچيري بتاعها و طلعت جنبه علي السرير سابها براحتها
مسكت ايدها الاتنين في بعض و هي سانده علي المخده و بعدين خدت نفس طويل سحبت الموبايل من ايده و نامت في حضنه من غير ولا كلمه ابتسم رشيد وضمها ليه.
واتنهد هو كمان تنهيده طويله.
رشيد….عارف انك اضايقتي بخبر فرح امنيه و عمرو ومش عارفه اذا كنتي تفرحي عشان اختك او تزعلي عشان ليله
رفعت ايمي نفسها وبصتلوا و هزت راسها
ابتسم بهدوء و رجع صمها علي صدره.
رشيد….افرحي لامنيه يا ايمي اختك ملهاش ذنب ليله لو عرفت هتيجي
و مس هتسيب اختك و هتفرحلها معقول انتي متفرحيش
ايمي….بدأت اخاف عليها يا رشيد بدأت افكر بنفس تفكير عشري ان ممكن يكون جرالها حاجه دي مفكرتش حتي تطمنا برساله وتقفل موبايلها مفكرتش انها تطمن حتي اميمه اختها و هي عارفه ان اميمه تعبانه عندها السكر و الضغط دي مش ليله اكيد ليله حتي وهي مضايقه بتفكر في الكل اكيد في حاجها.
رشيد….موجوعه يا ايمي اتجرحت حبت اوي و حست انها اتصدمت و اتفاجئت ليله مش مضايقه عشان تفكر في الكل ليله اتجرحت يا ايمي و جرحها خلاها صدقت ان عشري خانها و كدب بقصد و قبل عليها الاهانه و متوقعتهاش منه هو بالذات عيزاها تفكر في غيرها وهي في عز الوجع ده
ايمي….اكيد لا بس خايفه يكون عشري معاه حق والمفروض اننا ندور عليها في المستشفيات
رشيد….بعد الشر عليها متقوليش كده صدقيني هي بخير و هترجع اقوي من الاول و هتطبن عيشة اهلي واللي جابه يعني مش عارفه انها بلطجيه زي عشري..
ابتسمت ايمي بهدوء و حزن
رشيد….اجمدي كده و متخافيش و يلا تعالي في حضني بقي
ايمي….بهدوء حاضر
ضمها رشيد اوي و نيمها في حضنه.
……………..
انتهي اليوم وجه يوم جديد
كان بيمر بسرعه لحد ما الكل اتجمع في بيت ايمي و رشيد وقعدوا قدام نادين يسمعوا اللي عندها واولهم عشري اللي كان فضوله بيقتلوا.
وللحديث بقيه………
