تعاهدنا

البارت الرابع…

اصعب لحظات الحياه هي التي تقترب من

حلمك وتجعله ينهار أمام عينك لا تملك

القوه في الحفاظ علي ذاك الحلم

ولا تملك القوه في وقف هذا الوقت فقط تنتظر

حكم الحياه و الاصعب عندما تدرك ان

اللحظات التي كنت تظن انها اقرب الي حلمك

من حبل الوريد هي نفس اللحظات التي كانت

ابعد مما تتخيل وقطعت نفس ذاك الوريد

بدون رحمه حتي أصبح ينزف امام عينك

…………………………..
نزلت سهام من غرفتها أتفاجئت ان عهد زي ما هي

في مكانها متحركتش شكلها مريب مفيش

حركه حتي عيونها ثابته في الفراغ

سهام…انتي لسه في مكانك يا عهد

رفعت عهد عينها لسهام من غير اي كلمه

سهام….قومي يلا جهزي نفسك الناس زمانهم علي

وصول فاضل ساعه علي معادهم لحد ما اشيل الفطار

اللي ما أتشالش من الصبح ده تكوني جهزتى
يلا اتفضلي.

قامت عهد من غير ولا كلمه مشيت بخطوات بطيئه
زي اللي منتظر حكم الاعدام.

سهام……عهدددد

وقفت عهد و بصتلها خليكي فاكره كلامي كويس

مش عايزه اعتراض تقولي موافقه مفهوم.

لفت عهد بهدوء من غير اي رد وطلعت السلم بخطوات
بطيئه.

فضلت سهام باصه عليها لحد ما أختفت من قدامها

نزلت دموع سهام بوجع سامحيني يا بنتي سامحيني

ياعهد عارفه انك زعلانه مني عارفه انك مستغربه

طريقتي بس كمان لو عرفتي السبب هتعذريني

مسحت دموعها بهدوء و بدات تشيل اطباق الفطار

و تظبط المكان اللي هتستقبل فيه الضيوف.

طلعت عهد علي اوضتها فتحت الدولاب طلعت منه غيار

ودخلت وقفت تحت الميه وكأنها مبرمجه وقفت كتير

تحت الميه من غير اي حركه كان نفسها تفوق باي

طريقه حاسه ان هي بتحلم او صابتها لعنه

الجاثوم فقدتها الحركه والكلام من شدة الصدمه

حاسه من جواها ان في سبب اقوي بكتير من اللي

قدمته سهام عارفه ان والدتها عمرها ماكانت قاسيه

في حكمها عليها ازاي تكون بتحبها هي وادهم وتقابل

حبهم بالقسوه دي

حبهم لبعض مكانش ج*ر*ي*مه حتي لو خبوا وفضلوا يحبوا

بعض سنين كتير من غير ما حد يعرف لكن جه الوقت

اللي حبهم يظهر للنور ..ازاي يكون اليوم اللي قرروا

فيه انهم يصرحوا بحبهم للعالم كله يكون هو نفس اليوم

اللي يفترقوا فيه وينهار حلمهم اللي رسموه مع بعض

سنين كتير وهما مستنين اللحظه دي ..تعمل ايه تقف

قصاد والدتها لأول مره في حياتها وتدافع عن حب عمرها

ولا ترضيها وتخسر ادهم الراجل اللي حبته بقلبها وعقلها