تعاهدنا

ان دي ج*ر*ي*م*ه وغلط كبير فا انا جايه اصلح غلطي وبطلب

ايدها..منك إلا لو كان في سبب وانا واثق ان في سبب تاني

غير ده لاني مستحيل اقتنع ان انتي بالذات تعملي معايا

انا وعهد كده.

سهام…بحسره مفيش سبب يا ادهم بس كمان انا بفكر

في مصلحه بنتي واظن ده حقي ولو هتقدر تقدم لعهد

يا ادهم اللي عاصم قدمه انا موافقه.

بصلها حسن ورقيه بصدمه وهنا اتاكدوا ان في سبب

قوي يمنعها من الموافقه لان هي عمرها ماكانت بتهتم

بالفلوس طول عمرها قنوعه ومش طماعه

رقيه…انتي اللي بتقولي كده يا سهام

ادهم….انتي عارفه ان عهد غلاوتها عندي تساوي

كنور الارض ولو اقدر اقدملها روحي تحت رجلها مش

هتأخر.

سهام…وانا كلامي كان واضح يا ادهم هتقدر تقدم اللي

عاصم قدمه هوافق غير كده اسفه مصلحه بنتي فوق

اي حاجه في الدنيا عاصم لما بس اعجب ببنتي جه خبط

علي باباها وطلب ايدها معملش زيك ياللي خدت نص قلبي

وفضل سنين مستغفلني بيحب وبيخرج مع بنتي وبيستغل

برائتها..
ادهم بزهول….انا استغليت برائه عهد بتقولي ايه

انا محدش خاف علي عهد قد ماخوفت انا عليها

سهام…واضح فعلا انك خوفت عليها وكنت قد الثقه

والدليل اهو القاعده اللي احنا قاعدينها دي.

ادهم ..قام وقف قوليلي حاجه واحده عملتها مكنتش قد

ثقتك فيها انا عمري ما اذيت عهد عمري ما لمستها

خوفت عليها من الهوا الطاير قلبي حبها من يوم ما اتولدت

اعتبرتها بنتي قبل ما تكون حبيبتي شاركتك في كل حاجه

تخصها بعد موت انكل محمد كنت مسؤول عن تربيتها

معاكي عمرها جت قالتلك اني عديت حدودي معاها

انتي بنفسك كنتي بتقولي ان عهد مبتبقاش مالكه الدنيا

بايدها غير لما كنت ببقي معاها قوليلي حصل مني ايه

ها قوليلي عالذنب اللي عملته.

سهام…بدموع اللي عندي قولته يا ادهم.

ادهم….وانا كمان اللي عندي هقوله عهد مش هتبقي لحد

غيري وهتجوزها غصب عن اي حد في الدنيا

سهام…هتتجوزها من غير رضايا يا ادهم.

ادهم ..هتجوزها من غير رضا اي حد واللي هيفكر

يبعدني عنها هيبقي بيعاديني انا شخصيا دي عهد

ياسهام اللي خدت قلبي عهد اللي كنت بحارب الوقت

عشان تبقي ملكي..مستعد اخسر حياتي عشانها

حبست سهام دموعها وهي شايفه ادهم بينزف قدامها

سهام….واهي قدامك اهي خيرها بيني وبينك يا ادهم

ادهم…بلاش تخلينا نقف عند النقطه دي ارجوكي

سهام…خيرها يا ادهم.