تعاهدنا

عاصم…طبعا اتفضلي

سهام….انا شايفه اننا نأجل موضوع الخطوبه ده ونخليه

جواز علي طول.

اتصدم الجميع وفضلوا يبصوا لبعض يمكن شعور سهام

بالخوف من تنفيذ تهديد ساره جلها أشد قسوه بهذا الطلب.

منير….ياسلام انا عن نفسي موافق جدا وكل حاجه

جاهزه مش هنحتاج تأجيل.

عاصم….طيب انا الجناح اللي هنسكن فيه فالقصر

محتاج تظبيط عشان يليق باستقبال عهد عشان كده

ايه راي حضرتك الجواز يكون بعد شهر

سهام…بابتسامه موافقه.

منير….يبقي نقرا الفاتحه.

قرأ اعل عاصم الفاتحه بفرحه كبيره وشاركتهم هذه

الفرحه ساره..

واضطر كلاً من حسن ورقيه وادم قراءه الفاتحه بحزن

اما ادهم كانت عينه علي سهام بغضب وهي بتحاول

متبصلهوش اما عهد فا كانت علي نفس وضعها

كان عندها امل تصحي من الكابوس ده بمجرد ما ادهم

يجي كانت عارفه انه هيعترض ويوقف الجوازه دي

لكن هو كمان مقدرش وسكت زي ما هي سكتت

مكانتش قادره تفهم انه عمل كده عشانها

كل اللي كان بيدور في بالها…ماذا كان ينقص هذا

الحب ليفقده الدفاع والحرب حتي الوصول.

لما صمتت هي وادهم ولم يدافعون عن حبهم

بعد وقت بسيط خلصوا وباركوا لبعض

وقامت سهام تدعوهم علي العشاء لاول مره مع بعض

جلس الجميع. البعض منهم في فرحه والبعض في حزن

رهيب والبعض صامت لا يقوي علي الكلام.

عدي الوقت بسرعه وأستاذن عائله عاصم

وفضل حسن ورقيه وادهم وادم وساره.

ودعتهم سهام ورجعت تاني بترسم ابتسامه

غصب عنها عارفه انها لسه هتقابل مواجهه اتمنت انها

ماتحصلش لكن لا مكان من الفرار لابد من المواجهه.

سهام….هروح اعملكم قهوه.

حسن …بهدوء تعالي يا سهام اقعدي مش عايزين حاجه

سهام….هاجي علي طول..

حسن…قولتلك تعالي انا عايز اتكلم معاكي كلمتين.

قعدت سهام بترقب. خير يا حسن سمعاك.

حسن….مش المفروض يا سهام اننا كنا واخدين مهله

لحد ما عهد توافق وانا اللي كنت هرد عليهم

ايه اللي جد في الموضوع عشان نيجي نتفاجئ بيهم

وتقرري انك تخلصي كل حاجه من غير ما تعرفينا

حتي لما اتصلتي قولتي انك عيزاني اجي انا ورقيه

سألتك في حاجه قولتي لا هنقعد مع بعض.

وعلي حد علمي يعني اخر مره كنتوا عندنا عهد كانت رافضه.

سهام…بابتسامه لا عادي والله مش حكايه قرار بس

حبيت اعملهالكم مفجأه.

رقيه…بحزن كان لازم تعرفينا يا سهام من البدايه

علي الاقل لو كنا عرفنا كنا لحقنا نتصرف ونعتذرلهم