تعاهدنا

سهام…نتصرف ونعتذرلهم عن ايه يا رقيه

رقيه..بابتسامه ماهو لولا انك متسرعه وهتضطري

تحطينا في موقف بايخ مكانش كل ده حصل بس يلا

مش مهم لا أجل عيون عهد نعمل اي حاجه ومعلش

بقي حسن يبقي يعتذر بطريقه شيك وخلاص لعاصم

سهام….بثبات بتحاول تظهره ومين قالك يا رقيه اني

عايزه اعتذر عاصم عريس ما يترفضش ومش هلاقي

احسن منه لبنتي.

حسن…حتي لو كان العريس ده ادهم يا سهام.

سكتت سهام ومعلقتش

حسن…احنا منا جايين نطلب منك ايد عهد لادهم يا سهام

هنا ادهم اخيرا نطق.

ادهم…امبارح لما وصلت عهد طلبت اقابلك بس انتي كنتي

نايمه كنت عايز اقولك اني طالب ايد عهد لما كلمتيني

انهارده قولت اكيد عشان تعرفي كنت عايزك في ايه

لكن اتفاجئت باللي حصل…لكن تمام مش مشكله زي

ما ماما قالت عشان عهد ممكن نحط نفسنا في اي موقف

بايخ…وانا بقولهالك اهو انا طالب ايد عهد منك..

رفعت عهد عينها لاول مره في عين سهام وكانها بتترجاها

توافق.
بصت سهام بطرف عينها لساره اللي كانت رافعه حاجبها

وماسكه بايدها التليفون بتحركه يمين وشمال كا نوع

من انواع التهديد..

بلعت سهام ريقها بصعوبه…..انت اكيد بتهزر يا ادهم

ادهم….لا طبعا انا بحب عهد وعهد بتحبني وطالب ايدها

اساليها وهي هتقولك بص لعهد قوليلها ياعهد اتكلمي

ساكته ليه قولي حاجه..

سهام…هتقولك ايه يا ادهم هتقولك اني مش هوافق

بصلها ادهم بصدمه…

ولا هتقولك ان انت وهي استغفلتوني عمر بحاله وانا

واثقه فيكم وعارفه انكم لبعض مجرد اخوات وبس

وانتوا بينكم قصه حب كبيره.هتقولك اني كنت بعتبرك

ابني وعارفه انك هتخاف علي بنتي من كلام الناس

اكتر مني كمان ومع ذلك انت اول واحد جبتلها الكلام

وخونت ثقتي…عرفني هتقولك ايه.

منير….سهام اهدي شويه انا شايف ان مفيش حاجه

حصلت لكل ده يمكن الولاد خبوا علينا لكن كان عندهم

مبررات لده.والاهم انهم خلاص عرفونا بحبهم واحنا

اهو عندك انهارده عشان نطلب ايد عهد.

رقيه….مالك يا سهام ولادنا متربين وحبهم لبعض مش

ج*ر*ي*م*ه وبعدين هتكسري قلب عهد وادهم يا سهام.

اتجمعت الدموع في عين سهام…ماهما كسروني يا رقيه

كسروني لما خانوا ثقتي وحطوني في موقف متحسدش

عليه ابدا.

ادهم….ايه هو الموقف ده خصل ايه لكل ده مضايقك اوي

اننا خبينا حبنا طيب انا بتأسف قدام الكل اهو ولو شايفه